အောင်ဇမ္ဗူဇာတ်သဘင်အဖွဲ့ တစ်နှစ်တိတိ ကပြဖျော်ဖြေခွင့် ရပ်ဆိုင်းခံရ

CJ Platform

မြန်မာနိုင်ငံ သဘင်အစည်းအရုံးက အောင်ဇမ္ဗူဇာတ်သဘင်အဖွဲ့ကို စစ်အုပ်စုရဲ့ သာသနာရေးနှင့် ယဉ်ကျေးမှုဝန်ကြီးဌာနရဲ့ ညွှန်ကြားချက်အရ ဒီကနေ့ ဖေဖော်ဝါရီ ၂၇ ရက်ကစလို့ တစ်နှစ်တိတိ ကပြဖျော်ဖြေခွင့် ရပ်ဆိုင်းလိုက်ကြောင်း ထုတ်ပြန်လာခဲ့ပါတယ်။

အောင်ဇမ္ဗူဇာတ်သဘင်အဖွဲ့ရဲ့ ဖျော်ဖြေတင်ဆက်မှုတွေဟာ မသန်စွမ်းသူတွေရဲ့ ဂုဏ်သိက္ခာကို ထိခိုက်စေခြင်းနဲ့ မသန်စွမ်းသူများအပေါ် အတုယူလွဲမှားစေပြီး စိတ်ပိုင်းဆိုင်ရာ ထိခိုက်စေတာကြောင့် မသန်စွမ်းသူတွေကို တရားဝင်တောင်းပန်ရန်နှင့် နောက်နောင် အခုကဲ့သို့ ထပ်မံမပေါ်ပေါက်ရေး ရွှေမင်းသားဖောင်ဒေးရှင်းရဲ့ တိုင်ကြားခြင်းခံရပြီးနောက် အခုလို အရေးယူခံရတာ ဖြစ်ပါတယ်။

အောင်ဇမ္ဗူရဲ့ မန်နေဂျာဖြစ်သူ ကိုကျော်ဇေယျကလည်း သူ့ရဲ့ လူမှုစာမျက်နှာမှာ “မြန်မာနိုင်ငံ သဘင်အစည်းအရုံး(ဗဟို)မှ အကြောင်းကြားစာနှင့်အတူ ယနေ့မှစ၍ အောင်ဇမ္ဗူ ဇာတ်သဘင်အား ပွဲကပြခွင့် တစ်နှစ်တိတိ ပိတ်လိုက်ပါသဖြင့် ယနေ့ ကပြမည့် သင်္ဃန်းကျွန်း ရန်မျိုးအောင်ဘုရားပွဲအတွက် ဖျာ/ထိုင်ခုံ လက်မှတ်ကြိုတင်ဝယ်ယူထားသူများ ဇာတ်ရုံတွင် ယနေ့ည ၇ နာရီမှ စတင်၍ ပြန်လည်လာရောက် ထုတ်ယူနိုင်ပါပြီ” လို့ အသိပေးထားပါတယ်။

ဒါ့အပြင် သူ့ရဲ့ ပရိသတ်ဖြစ်သူတွေကလည်း အခုလို ဆုံးဖြတ်ချက်ဟာ တစ်ဖက်သတ်ဆန်ကြောင်းနဲ့ ဝမ်းနည်းကြောင်း အသီးသီး ရေးသားဖြန့်ဝေနေတာကိုလည်း တွေ့ရပါတယ်။

အောင်ဇမ္ဗူဇာတ်သဘင်အဖွဲ့ကို အခုလို အရေးယူမှုကိုတော့ စစ်အုပ်စုရဲ့ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနနဲ့ သာသနာရေးနှင့် ယဉ်ကျေးမှုဝန်ကြီးဌာနတို့ ညှိနှိုင်းတိုင်ပင်ကာ မသန်စွမ်းသူတွေကို နည်းမျိုးစုံဖြင့် ခွဲခြားဆက်ဆံမှု မရှိစေရန်နဲ့ ဂုဏ်သိက္ခာကို အကာအကွယ်ပေးရန်အတွက် အခုလို အရေးယူဆောင်ရွက်တာ ဖြစ်တယ်လို့ ဖော်ပြထားပါတယ်။

အရေးယူမှုမှာ အောင်ဇမ္ဗူဇာတ်သဘင်အဖွဲ့အနေနဲ့ တစ်နှစ်တိတိ ကပြခွင့် ရပ်ဆိုင်းစေသည့်အပြင်၊ မြန်မာနိုင်ငံ မသန်စွမ်းသူတွေကို တရားဝင် ပြန်လည်တောင်းပန်ရန်လည်း ပါရှိပါတယ်။

အောင်ဇမ္ဗူဇာတ်သဘင်အဖွဲ့ဟာ ပြီးခဲ့တဲ့ ဇန်နဝါရီလကလည်း ဖျော်ဖြေပွဲတစ်ခုမှာ လူရွှင်တော် ဖြိုးဖြိုးကနေ ပရိသတ်ထဲက ကလေးငယ်တစ်ယောက်ကို ချီပိုးပြီး မဖွယ်မရာ စနောက်ခဲ့လို့ သဘင်အစည်းအရုံးက သတိပေးကာ ခံဝန်ထိုးခဲ့ရပါသေးတယ်။ ဒါ့အပြင် မန္တလေးမြို့မှာ ဖျော်ဖြေချိန်ကလည်း ဘာသာ၊ သာသနာကို စော်ကားတဲ့ ပျက်လုံးတွေကြောင့် အောင်ဇမ္ဗူဇာတ်က လူရွှင်တော် ဖြိုးဖြိုးဟာ ထပ်မံတောင်းပန်ခဲ့ရပါသေးတယ်။

ဓာတ်ပုံ - လူမှုကွန်ရက်
#CJPlatform #အောင်ဇမ္ဗူ #ပွဲကခွင့်

အာဖဂန်နှင့် ပါကစ္စတန်ကြား စစ်ဖြစ်ပွား

CJ Platform

ပါကစ္စတန်နဲ့ အာဖဂန်နစ္စတန်နိုင်ငံကြားက နယ်စပ်မျဉ်းဖြစ်တဲ့ Durand Line တစ်လျှောက်မှာ ကြာသပတေးနေ့ညပိုင်းကစပြီး တာလီဘန်တပ်ဖွဲ့တွေက ပါကစ္စတန်စစ်စခန်းတွေကို အကြီးအကျယ် မြေပြင်ထိုးစစ်ဆင်ခဲ့ကြပါတယ်။ ဒီတိုက်ခိုက်မှုကြောင့် ပါကစ္စတန် ကာကွယ်ရေးဝန်ကြီး ခါဝါဂျာအာဆစ်က "ကျွန်ုပ်တို့ရဲ့ သည်းခံနိုင်စွမ်းဟာ အကန့်အသတ်ကို ရောက်သွားပါပြီ၊ အခုဆိုရင် ခင်ဗျားတို့နဲ့ ကျွန်ုပ်တို့ကြားမှာ ပွင့်လင်းစစ်ပွဲ စတင်ပြီဖြစ်ပါတယ်" လို့ သောကြာနေ့မှာ X လူမှုကွန်ရက်ကတစ်ဆင့် ကြေညာခဲ့ပါတယ်။

#CJPlatform #Durand_Line#ပါကစ္စတန် #အာဖဂန်

Youtube တွင် ဆက်လက်ကြည့်ရှုရန် >>https://youtu.be/NU4Ek11mC9k

ရုရှားအကူအညီနဲ့ မြန်မာ့ပထမဆုံး အာကာသယာဉ်မှူးကို လေ့ကျင့်ပေးမှပြီး ဂြိုလ်တုလွှတ်တင်နိုင်ဖို့ စစ်ကော်မရှင် ကြိုးပမ်းနေ

CJ Platform

ရုရှားနိုင်ငံပိုင် အာကာသလုပ်ငန်းဖြစ်တဲ့ Roscosmos ကော်ပိုရေးရှင်းဟာ မြန်မာနိုင်ငံအတွက် ပထမဆုံး အာကာသယာဉ်မှူးတစ်ဦးကို ရွေးချယ်လေ့ကျင့်ပေးသွားမှာ ဖြစ်တယ်လို့ ဖေဖော်ဝါရီ ၂၆ ရက်နေ့မှာ ထုတ်ပြန်လိုက်ပါတယ်။ ပြီးခဲ့တဲ့ ဖေဖော်ဝါရီ ၂၅ ရက်နေ့ကလည်း "လူလိုက်ပါတဲ့ အာကာသစူးစမ်းလေ့လာရေးကဏ္ဍ" မှာ ပူးပေါင်းဆောင်ရွက်ဖို့အတွက် ရုရှား-မြန်မာ နားလည်မှုစာချွန်လွှာ (MOU) ကို နှစ်ဖက်လက်မှတ်ရေးထိုးခဲ့ကြပါတယ်။

#CJPlatform #အာကာသယာဉ်မှူး #Roscosmos #ရုရှား

Youtube တွင် ဆက်လက်ကြည့်ရှုရန် >>https://youtu.be/Ii4VwwUzqJ4

ဒေသ ၄ခုမှာ မိုးရွာနိုင်ပြီး ကရင်ပြည်က တောင်သူတွေအတွက် စိုက်ပျိုးမိုးလေဝသ

CJ Platform

CJ Platform ကနေ ညစဉ် တင်ဆက်ပေးနေကြဖြစ်တဲ့ မနက်ဖြန်အတွက် မိုးလေဝသခန့်မှန်းချက်တွေကို ပြောပြသွားပါတော့မယ်။မနက်ဖြန် ဖေဖေါ်ဝါရီ ၂၈ရက် စနေနေ့မှာတော့ ဘင်္ဂလားပင်လယ်အော်မှာ ဖြစ်ပေါ်ခဲ့တဲ့ လေဖိအားနည်းရပ်ဝန်းရဲ့ ကျန်ရှိနေတဲ့ လေစီးကြောင်းတွေဟာ တနင်္သာရီကမ်းရိုးတန်းဘက်ကို ဆက်လက်ဝင်ရောက်နေတာ တွေ့ရပါတယ်။ ဒီလေစီးကြောင်းကြောင့်ဘဲ မနက်ဖြန်မှာ "ကရင်၊ မွန်၊ တနင်္သာရီတိုင်းနဲ့ ကချင်ပြည်" တို့မှာ မိုးဖွဲကျတာ၊ မိုးအုံ့တာ၊ မိုးအနည်းငယ်မျှ ရွာသွန်းတာတွေ ဖြစ်နိုင်ပါတယ်။

#CJPlatform #မိုးအုံ့ #မိုးရွာနိုင် #စိုက်ပျိုးမိုးလေဝသ

Youtube တွင် ဆက်လက်ကြည့်ရှုရန် >>https://youtu.be/ym-gF2tEYyE

ဒီကနေ့ ဖေဖေါ်ဝါရီ ၂၈ရက် စနေနေ့အတွက် မိုးလေဝသခန့်မှန်းချက်
ဒေသ ၇ ခုမှာ လေထုညစ်ညမ်းမှု အနီရောင်အဆင့် ရောက်ရှိနေ

CJ Platform

ဒီကနေ့ ဖေဖော်ဝါရီ ၂၈ ရက်၊ စနေနေ့အတွက် ထူးခြားမိုးလေဝသအခြေအနေတွေကို ပြောပြသွားပါတော့မယ်။ဘင်္ဂလားပင်လယ်အော်မှာ ဖြစ်ပေါ်ခဲ့တဲ့ လေဖိအားနည်းကနေ ကျန်ရှိခဲ့တဲ့ လေစီးကြောင်းဟာ တနင်္သာရီကမ်းရိုးတန်းဘက်ကို ဆက်လက် ဝင်ရောက်နေဆဲဖြစ်ပါတယ်။ အနောက်မြောက်လေစီးကြောင်းကလည်း မြန်မာနိုင်ငံအတွင်းကို ဝင်ရောက်နေပြန်ပါတယ်။ ဒီအခြေအနေတွေကြောင့် "ကရင်ပြည်၊ မွန်ပြည်၊ တနင်္သာရီတိုင်းနဲ့ ကချင်ပြည်"

#CJPlatform #မိုးလေဝသ #အပူရှိန် #လေထုညစ်ညမ်းမှု

Youtube တွင် ဆက်လက်ကြည့်ရှုရန် >>>https://youtu.be/j9sVfd1yazU

စစ်တပ်ကိုလော်ဘီလုပ်မယ့် တန်ပြန်သတင်းဖြန့်ချိရေးအဖွဲ့က ဘာသာ ၄မျိုးနဲ့ သတင်းလွှာ ထုတ်မယ်

CJ Platform

တရုတ်၊ ရုရှား၊ အင်္ဂလိပ်၊ မြန်မာဘာသာတို့နဲ့ စစ်တပ်ရဲ့ လုပ်ဆောင်ချက်တွေကို ဝါဒဖြန့်ဖော်ပြမယ့် စာစောင်ကို ဖြန့်ချိဖို့ “သတင်းလွှာ (Information Sheet) ထုတ်ပြန်ရေးနှင့် တန်ပြန်သတင်းဖြန့်ချိရေးအဖွဲ့” ကို ဖွဲ့စည်းလိုက်ကြောင်း စစ်ကော်မရှင်က မနေ့က ဖေဖော်ဝါရီ ၂၇ ရက် ပြန်တမ်းမှာ ဖော်ပြထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/28220261-2/

မြောင်းမြရှိ Golden Voice KTV မီးလောင် အဆိုမယ်များ အန္တရာယ်ကင်း

CJ Platform

ဧရာဝတီတိုင်း၊ မြောင်းမြမြို့နယ်၊ ကံ့ကော်မြိုင်ရပ်ကွက်ရှိ Golden Voice KTV မှာ ဒီကနေ့ ဖေဖော်ဝါရီ ၂၈ ရက်၊ မနက် ၁၁ နာရီခန့်က မီးလောင်မှုဖြစ်ပွားခဲ့တယ်လို့ မြန်မာနိုင်ငံ မီးသတ်အဖွဲ့က ထုတ်ပြန်ထားပါတယ်။

မီးလောင်မှု ဖြစ်ပွားပြီးနောက် မိနစ် ၂၀ ခန့်အတွင်းမှာ မီးသတ်တပ်ဖွဲ့ဝင်တွေက အချိန်မီ သွားရောက်ငြှိမ်းသတ်နိုင်ခဲ့ပြီး၊ KTV ဆိုင်ခန်းအတွင်းပိုင်း အခန်းတွေနဲ့ မျက်နှာကျက်တွေ မီးလောင်ကျွမ်းခဲ့တယ်လို့ သိရပါတယ်။

မီးငြှိမ်းသတ်ရာမှာ မြောင်းမြခရိုင် မီးသတ်စခန်းက ရေသယ်ယာဉ် ၁ စီး၊ မြောင်းမြမြို့နယ် မီးသတ်စခန်းက မီးငြှိမ်းသတ်ယာဉ် ၂ စီး၊ ရေသယ်ယာဉ် ၁ စီး၊ သန္ဓေမီးသတ်တပ်ဖွဲ့နဲ့ အရန်မီးသတ်တပ်ဖွဲ့ဝင်တွေက သွားရောက်ငြှိမ်းသတ်ခဲ့တာလို့ သိရပါတယ်။

ဒေသခံတစ်ဦးက မီးလောင်ကျွမ်းချိန်မှာ ဂက်စ်အိုးပေါက်ကွဲသံလို့ ယူဆရတဲ့ အသံအချို့ကို ကြားခဲ့ရပြီး၊ KTV ရှိ အဆိုမယ်တွေ အန္တရာယ်ကင်းတယ်လို့ သူ့ရဲ့ လူမှုကွန်ရက်မှာ ရေးသားထားပါတယ်။

ဓာတ်ပုံ - မြန်မာနိုင်ငံမီးသတ်တပ်ဖွဲ့
#CJPlatform #မြောင်းမြမြို့ #မီးလောင်မှု #KTV

ချင်းမိုင်က ဘဏ်မှာ ငွေလာထုတ်တဲ့ ကျားဖြန့် ၄ ဦးထဲမှာ မြန်မာ ၂ ဦး ပါဝင်နေ

CJ Platform

ထိုင်းနိုင်ငံ၊ ချင်းမိုင်မြို့က ခရွန်ထိုင်း (Krungthai) ဘဏ်ခွဲတစ်ခုမှာ ဘတ်ငွေ ၃ သိန်း လာထုတ်တဲ့ သံသယဖြစ်ဖွယ် အမျိုးသမီးတစ်ဦးရဲ့ ဘဏ်အကောင့်ကို ဘဏ်တာဝန်ရှိသူတွေ စစ်ဆေးချိန် ငွေကြေးလိမ်လည်မှုတွေနဲ့ ဆက်စပ်နေတာကြောင့် အာဏာပိုင်တွေကို အကြောင်းကြားပြီး ဖမ်းဆီးနိုင်ခဲ့တယ်လို့ ထိုင်းသတင်းဌာန Khaosod က ဖော်ပြထားပါတယ်။

ငွေကြေးလိမ်လည်မှုတွေနဲ့ ပတ်သက်နေတယ်လို့ ယူဆခံထားရတဲ့ ဘဏ်အကောင့်ကို ဘဏ်ရဲ့ ငွေကြေးဆိုင်ရာ ရာဇဝတ်မှုစောင့်ကြည့်ရေးအဖွဲ့က စောင့်ကြည့်နေချိန် ထိုင်းအမျိုးသမီးဟာ ဘတ်ငွေသား ၃ သိန်း လာရောက်ထုတ်ယူခဲ့တာကြောင့် အမှတ် ၅ ဒေသဆိုင်ရာ ရဲတပ်ဖွဲ့ကို ဘဏ်တာဝန်ရှိသူတွေက အကြောင်းကြားခဲ့တာလည်း ဖြစ်ပါတယ်။

ဒေသဆိုင်ရာ အာဏာပိုင်တွေက ဘဏ်ကို ရောက်ရှိလာချိန် အသက် ၃၃ နှစ်အရွယ် ထိုင်းအမျိုးသမီး Chuda Mangma ကို တွေ့ရှိခဲ့ပြီး သူမနဲ့အတူ ငွေသား ၃ သိန်းအပါအဝင် ဘဏ်စာအုပ်၊ ATM ကတ်နဲ့ ဖုန်းတစ်လုံးတို့ကိုလည်း သိမ်းဆည်းရရှိခဲ့တယ်လို့ သိရပါတယ်။

ရဲတပ်ဖွဲ့ရဲ့ စုံစမ်းစစ်ဆေးမှုတွေအရ သူမဟာ ဘဏ်အကောင့်တစ်ခုကို ဖွင့်ဖို့နဲ့ ငွေသားထုတ်ယူဖို့ ခိုင်းစေခံခဲ့ရတယ်လို့ ဆိုပါတယ်။ ဒီပိုက်ဆံတွေဟာ သူမပိုင်တဲ့ ပိုက်ဆံတွေ မဟုတ်ဘူးလို့လည်း ထွက်ဆိုထားပါတယ်။

အမျိုးသမီးရဲ့ ထွက်ဆိုချက်အရ အာဏာပိုင်တွေဟာ ဘဏ်အနီးဝန်းကျင်မှာ စောင့်နေတဲ့ အသက် ၂၇ နှစ်အရွယ် မြန်မာအမျိုးသားတစ်ဦးနဲ့ အသက် ၃၇ နှစ်အရွယ် မြန်မာအမျိုးသားတစ်ဦးတို့ကို ဖမ်းဆီးရမိခဲ့ပြီး ဘယ်နိုင်ငံသားဆိုတာကို မဖော်ပြထားတဲ့ အသက် ၂၅ နှစ်အရွယ် ဂျွန်ဖူးဆိုတဲ့သူတစ်ဦးကိုလည်း ထပ်မံဖမ်းဆီးနိုင်ခဲ့တယ်လို့ သိရပါတယ်။

ငွေကြေးလွှဲပြောင်းမှုမှတ်တမ်းတွေအရ ထိုင်းအမျိုးသမီးရဲ့ ဘဏ်အကောင့်ထဲ ဘတ် ၃ သိန်းကို နစ်နာသူတစ်ဦးက လွှဲပြောင်းပေးခဲ့ရတာဖြစ်ပြီး ဒီဘဏ်အကောင့်ဟာ ဆာရာဘူရီခရိုင်မှာ အွန်လိုင်းငွေကြေးလိမ်လည်မှု (ကျားဖြန့်) တွေနဲ့ တိုင်ကြားခံထားရတဲ့ ဘဏ်အကောင့်တစ်ခုဖြစ်နေကာ နစ်နာသူဟာ ဘတ်ငွေ ၂ ဒသမ ၄ သန်းအထိ ဆုံးရှုံးထားခဲ့ရတယ်လို့ ဆိုပါတယ်။

ကျားဖြန့်လုပ်ငန်းနဲ့ ပတ်သက်သူ ၄ ဦးစလုံးကို အာဏာပိုင်တွေက ဖမ်းဆီးနိုင်ခဲ့ပြီးနောက် ချင်းမိုင်ရဲစခန်းကို လွှဲပြောင်းပေးခဲ့ကာ ဥပဒေအရ အရေးယူမှုတွေ ဆက်လက်လုပ်ဆောင်သွားမယ်လို့လည်း သိရပါတယ်။

သူတို့ရဲ့ ထွက်ဆိုချက်အရ သူတို့ကို ခိုင်းစေတဲ့ တရုတ်နိုင်ငံသားဟာ ထိုင်းနိုင်ငံသားတစ်ဦးနဲ့အတူ လုပ်ငန်းပုံစံမျိုးစုံနဲ့ ဘဏ်အကောင့်တွေကို ဖွင့်ခဲ့ပြီး ငွေသားထုတ်ယူမှုတွေ ရှိခဲ့တယ်လို့ ထွက်ဆိုထားတာကြောင့် ကျန်ရှိနေသေးတဲ့ ကျားဖြန့်လုပ်ကိုင်သူလို့ ယူဆရသူ ၂ ဦးကိုလည်း ထပ်မံဖမ်းဆီးနိုင်ဖို့ လုပ်ဆောင်နေတယ်လို့ ရဲတပ်ဖွဲ့က ပြောကြားထားပါတယ်။

ဓာတ်ပုံ - Khaosod
#CJPlatform #ထိုင်းနိုင်ငံ #ချင်းမိုင် #ကျားဖြန့်

ဧရာဝတီမြစ်ဝကျွန်းပေါ်ဒေသက ကွယ်ဝှက်ထားတဲ့ အဆိပ်ခွက်

CJ Platform

မြန်မာနိုင်ငံရဲ့ မြေပုံကို ကြည့်လိုက်ရင် ခန္ဓာကိုယ်တစ်ခုရဲ့ အဓိကသွေးလွှတ်တော်ကြီးပမာ ဟိမဝန္တာတောင်ခြေကနေ ကပ္ပလီပင်လယ်ပြင်အထိ တသွင်သွင်စီးဆင်းနေတဲ့ ဧရာဝတီမြစ်ကြီးကို တွေ့ရပါလိမ့်မယ်။ အထူးသဖြင့် "မြန်မာ့ဆန်အိုးကြီး" လို့ တင်စားရတဲ့ ဧရာဝတီမြစ်ဝကျွန်းပေါ်ဒေသဟာ သန်းနဲ့ချီတဲ့ ပြည်သူတို့ရဲ့ အနားယူရာ၊ မှီခိုရာ မြေလည်း ဖြစ်ပါတယ်။ ဒါပေမဲ့ အခုအခါမှာတော့ ထိုစိမ်းလန်းစိုပြည်တဲ့ လယ်ကွင်းပြင်တွေနဲ့ ရွှေရောင်ဝင်းတဲ့ စပါးနှံတွေရဲ့ နောက်ကွယ်မှာ ဒေသခံတွေအတွက် အန္တရာယ်ရှိတဲ့ အဆိပ်တွေခိုအောင်းနေပါတယ်။ အဲ့ဒါကတော့ ကျွန်တော်တို့ရဲ့ ရေအရင်းအမြစ်တွေထဲကို တဖြည်းဖြည်းချင်း စိမ့်ဝင်နေတဲ့ အဆိပ်တွေပဲဖြစ်ပါတယ်။
Website တွင် ဆက်လက် ဖတ်ရှုရန် >>> https://cjplatform.com/28220263/

0ချွန်ဘူရီမှာ မြန်မာအလုပ်သမားတွေ တင်ဆောင်လာတဲ့ကား တိမ်းမှောက်ပြီး ၁၅ ဦး ထိခိုက်ဒဏ်ရာရ

CJ Platform

ထိုင်းနိုင်ငံ၊ ချွန်ဘူရီခရိုင်၊ ဆီရာချာ (Sriracha) မြို့၊ နောင်ခမ်းကျေးရွာအုပ်စုအတွင်းက ကားလမ်းမှာ မြန်မာအလုပ်သမားတွေကို တင်ဆောင်လာတဲ့ ကုန်တင်ယာဉ်ငယ်တစ်စီး တိမ်းမှောက်မှုဖြစ်ပွားခဲ့ပြီး ၁၅ ဦး ထိခိုက်ဒဏ်ရာ ရရှိခဲ့တယ်လို့ ထိုင်းသတင်းဌာန Khaosod က ဖော်ပြထားပါတယ်။

ဒီနေ့ ဖေဖော်ဝါရီ ၂၈ ရက်၊ မနက်ပိုင်းမှာ မြန်မာအလုပ်သမား ၂၀ ဦးကို တင်ဆောင်လာတဲ့ ကုန်တင်ကားငယ်ရဲ့ရှေ့ကို အခြားယာဉ်တစ်စီးက ရုတ်တရက် ဖြတ်ဝင်လာချိန် တိမ်းရှောင်ရာမှ လမ်းမအလယ်ခေါင်မှာ တိမ်းမှောက်ခဲ့ပြီး ယာဉ်တိမ်းမှောက်မှုအတွင်း ဦးခေါင်း၊ လက်နဲ့ ခြေထောက်တွေမှာ ပွန်းပဲ့ထိခိုက်ဒဏ်ရာတွေ ရရှိခဲ့တယ်လို့ သိရပါတယ်။

ထိခိုက်ဒဏ်ရာရသူ အများအပြားကို ကယ်ဆယ်ရေးအဖွဲ့တွေ ရောက်လာချိန် လမ်းမဘေးနေရာကို ရွှေ့ပြောင်းပေးခဲ့ပြီး ယာဉ်ကြောပိတ်ဆို့မှုတွေကိုလည်း ရှင်းလင်းပေးခဲ့တယ်လို့ ဆိုပါတယ်။

မော်တော်ယာဉ်တိမ်းမှောက်မှုအတွင်း ထိခိုက်ဒဏ်ရာရသူတွေကို Sawang Prateep Sriracha ကူညီကယ်ဆယ်ရေးအဖွဲ့က အရေးပေါ်ကုသမှုတွေ ကနဦးလုပ်ဆောင်ပေးခဲ့ပြီးနောက် ဆီရာချာဆေးရုံနဲ့ လမ်ချဘန်း (Laem Chabang) ဆေးရုံတို့ကို ပို့ဆောင်ခဲ့တယ်လို့ သိရပါတယ်။

ဓာတ်ပုံ - Yes ข่าวศรีราชา
#CJPlatform #ချွန်ဘူရီ #မြန်မာလုပ်သား #ယာဉ်တိမ်းမှောက်