မုံရွာတွင် ရေနစ်ပျောက်ဆုံးခဲ့သည့် ၇ နှစ်အရွယ် ကလေးငယ်ရုပ်အလောင်းကို ၃ ရက်မြောက်နေ့တွင် ပြန်လည်တွေ့ရှိ

CJ Platform

စစ်ကိုင်းတိုင်း၊ မုံရွာမြို့၊ ချင်းတွင်းမြစ်အတွင်းမှာ ရေနစ်ပျောက်ဆုံးသွားခဲ့တဲ့ အသက် ၇ နှစ်အရွယ် ကလေးငယ်ရဲ့ ရုပ်အလောင်းကို ပျောက်ဆုံးပြီး ၃ ရက်မြောက်နေ့မှာ ပြန်လည်တွေ့ရှိခဲ့တယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (မုံရွာမြို့) က ယနေ့ ဖေဖော်ဝါရီ ၂၆ ရက် မှာ သတင်းထုတ်ပြန်ထားပါတယ်။

ပြီးခဲ့တဲ့ ဖေဖော်ဝါရီ ၂၄ ရက် နေ့လယ် ၁၂ နာရီခွဲဝန်းကျင်က မုံရွာမြို့၊ သလ္လာဝတီဆိပ်ကမ်းအနီးမှာ အသက် ၇ နှစ်အရွယ် ကလေးငယ်တစ်ဦး ရေဆင်းချိုးရာကနေ ရေနစ်ပျောက်ဆုံးသွားခဲ့တာ ဖြစ်ပါတယ်။ ကလေးငယ် ပျောက်ဆုံးသွားတဲ့နေ့ကစပြီး လူမှုကယ်ဆယ်ရေးအဖွဲ့တွေက ရေငုပ်သမားတွေအသုံးပြုကာ ဖေဖော်ဝါရီ ၂၄ ရက်နဲ့ ၂၅ ရက်တွေမှာ အဆက်မပြတ် ရှာဖွေခဲ့ကြပေမဲ့ ပထမ ၂ ရက်အတွင်းမှာတော့ ရှာဖွေတွေ့ရှိခြင်း မရှိခဲ့ဘူးလို့ ကယ်ဆယ်ရေးအဖွဲ့ရဲ့ ထုတ်ပြန်ချက်အရ သိရပါတယ်။

ယနေ့ ဖေဖော်ဝါရီ ၂၆ ရက် မနက် ၈ နာရီဝန်းကျင်မှာတော့ သလ္လာဝတီဆိပ်ကမ်းမှာ ဆိုက်ကပ်ထားတဲ့ မော်တော်ရေယာဉ်တွေအနီး မြစ်ရေပြင်ပေါ်မှာ ကလေးငယ်ရဲ့ ရုပ်အလောင်း ပေါ်လာတာကို တွေ့ရှိခဲ့ရတာ ဖြစ်ပါတယ်။ ကယ်ဆယ်ရေးအဖွဲ့တွေက ရုပ်အလောင်းကို ဆယ်ယူပေးခဲ့ပြီး မုံရွာပြည်သူဆေးရုံကြီးသို့ ပို့ဆောင်ပေးခဲ့တယ်လို့ သိရပါတယ်။

ဓာတ်ပုံ - မြန်မာနိုင်ငံလူမှုကယ်ဆယ်ရေးအဖွဲ့ (မုံရွာမြို့)

#CJPlatform #မုံရွာ #ရေနစ် #သေဆုံး #ချင်းတွင်း

ဗြိတိန်တိုက်လေယာဉ်အသွင် လှည့်စားပြီးပျံသန်းနေတဲ့ တရုတ်စစ်ဘက်ဒရုန်းတွေက ထိုင်ဝမ်ကိုကျူးကျော်ဖို့လား

CJ Platform

ပြီးခဲ့တဲ့ သြဂုတ်လကစပြီး တောင်တရုတ်ပင်လယ်ထက်မှာ Call Sign (ခေါ်ဆိုမှုအမှတ်အသား) YILO4200 လို့ အမည်ပေးထားတဲ့ တရုတ်စစ်ဘက်သုံး ဒရုန်းကြီးတစ်စင်းဟာ ပုံမှန်ပျံသန်းမှုတွေ လုပ်ဆောင်နေပါတယ်။ ထူးခြားချက်ကတော့ ဒီဒရုန်းဟာ ပျံသန်းနေစဉ်အတွင်း သူ့ရဲ့ အချက်ပေးစက် (Transponder) ကို လိမ်လည်အသုံးပြုပြီး တခြားလေယာဉ်တွေအသွင် ဖမ်းထားတာပဲ ဖြစ်ပါတယ်။

#CJPlatform #Transponder #YILO4200 #တရုတ်စစ်ဘက်ဒရုန်း

Youtube တွင် ဆက်လက်ကြည့်ရှုရန် >>https://youtu.be/Yb8COAY-8dI

အပူဒဏ်အတွက် ကြိုတင်ပြင်ဆင်ဖို့လိုပြီ

CJ Platform

CJ Platform ကနေ ညစဉ် တင်ဆက်ပေးနေကြဖြစ်တဲ့ မနက်ဖြန် အတွက် မိုးလေဝသခန့်မှန်းချက်တွေကို ပြောပြသွားပါမယ်။မနက်ဖြန် ဖေဖေါ်ဝါရီ ၂၇ရက် သောကြာနေ့မှာတော့ ဘင်္ဂလားပင်လယ်အော်မှာ ဖြစ်ပေါ်ခဲ့တဲ့ လေဖိအားနည်းရပ်ဝန်းရဲ့ ကျန်ရှိနေတဲ့ လေစီးကြောင်းတွေဟာ တနင်္သာရီကမ်းရိုးတန်းဘက်ကို ပြောင်းလဲ ဝင်ရောက်မှာ ဖြစ်ပါတယ်။ အထူးခြားဆုံးကတော့ "အနောက်မြောက်လေစီးကြောင်းက မြန်မာနိုင်ငံအတွင်းကို ပြောင်းလဲနေရာယူ" ဝင်ရောက်လာတာပဲ ဖြစ်ပါတယ်။ ဒီလေစီးကြောင်းကြောင့် "ဒီရက်ပိုင်းတွေအတွင်း ညအပူချိန်တွေ လျော့ကျလာနိုင်ပြီး အအေးဓာတ် ပိုလာဖို့" ရှိနေပါတယ်။

#CJPlatform #မိုးလေဝသ #အပူရှိန် #လေစီးကြောင်း

Youtube တွင် ဆက်လက်ကြည့်ရှုရန် >>>https://youtu.be/AzoZIT3Hy9c

ဒီကနေ့ ဖေဖေါ်ဝါရီ ၂၇ရက် သောကြာနေ့အတွက် မိုးလေဝသခန့်မှန်းချက်
ဒေသ ၄ခုမှာ မိုးရွာနိုင်

CJ Platform

ဒီကနေ့ ဖေဖော်ဝါရီ ၂၇ ရက်၊ သောကြာနေ့အတွက် ထူးခြားမိုးလေဝသအခြေအနေတွေကို ပြောပြသွားပါမယ်။အိန္ဒိယမိုးလေဝသဌာနရဲ့ မနေ့က ထုတ်ပြန်ချက်အရ အားနည်းတဲ့ လာနီညာအခြေအနေဟာ ဆက်လက်ရှိနေဆဲဖြစ်ပြီး ဖေဖော်ဝါရီလကနေ ဧပြီလအတွင်း "ပုံမှန်ရာသီဥတုအခြေအနေကို ပြောင်းလဲဖို့" ရှိနေပါတယ်။လက်ရှိမှာတော့ လေဖိအားနည်းရပ်ဝန်းရဲ့ ကျန်ရှိနေတဲ့ လေစီးကြောင်းတွေဟာ တနင်္သာရီကမ်းရိုးတန်းဘက်ကို ဝင်ရောက်နေဆဲဖြစ်ပြီး အနောက်မြောက်လေစီးကြောင်းကလည်း ဝင်ရောက်နေပါတယ်။

#CJPlatform #မိုးလေဝသ #အပူရှိန် #မိုးရွာနိုင်

Youtube တွင် ဆက်လက်ကြည့်ရှုရန် >>>https://youtu.be/yF8gEGnGrfA

ရုရှားအကူအညီနဲ့ မြန်မာ့ပထမဆုံး အာကာသယာဉ်မှူး လေ့ကျင့်ပြီး ဂြိုဟ်တုလွှတ်တင်ဖို့ စစ်ကော်မရှင် ပြင်ဆင်နေ

CJ Platform

မြန်မာနိုင်ငံအတွက် ပထမဆုံးသော အာကာသယာဉ်မှူး ၁ ဦးကို ရွေးချယ်လေ့ကျင့်ပေးသွားဖို့နဲ့ ကိုယ်ပိုင်ဂြိုဟ်တုလွှတ်တင်ရေး အပါအဝင် အာကာသနည်းပညာကဏ္ဍမှာ ရုရှားနိုင်ငံနဲ့ အရှိန်အဟုန်မြှင့် ပူးပေါင်းဆောင်ရွက်သွားမှာ ဖြစ်တယ်လို့ ရုရှားအစိုးရပိုင် အာကာသလုပ်ငန်း (Roscosmos) နဲ့ စစ်ကော်မရှင်ရဲ့ သတင်းထုတ်ပြန်ချက်တွေအရ သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/27220262-2/

Netflix နောက်ဆုတ်သွားရတဲ့ Warner Bros ဝယ်ယူရေး နဲ့ မေလမှာ ပြသမယ့် ဂျပန် ဆာမူရိုင်း ဇာတ်လမ်းသစ်

CJ Platform

CJ Platform ရဲ့ Entertainment အစီစဉ် ကနေ ကြိုဆိုလိုက်ပါတယ်။ ဒီနေ့မှာတော့ တစ်ကမ္ဘာလုံးက အာရုံစိုက်နေကြတဲ့ Warner Bros ကုမ္ပဏီကြီးကို ဝယ်ယူဖို့ ကြိုးစားနေတဲ့ တိုက်ပွဲမှာ Netflix ဘက်က လက်လျှော့လိုက်တဲ့ သတင်းနဲ့အတူ၊ မေလမှာ မြင်တွေ့ရမယ့် အလန်းစား ဂျပန် ဆာမူရိုင်း အက်ရှင် ဇာတ်လမ်းတွဲသစ် အကြောင်းတွေကို တင်ဆက်ပေးသွားမှာပါရှင်။

#CJPlatform #ဆာမူရိုင်း #Netflix #Entertainment #ဂျပန်

Youtube တွင် ဆက်လက်ကြည့်ရှုရန် >>https://youtu.be/fZPQp7b6K9U

စစ်အုပ်စုက ဖောင်းပြင်မှာ နှစ်ရက်ဆက်တိုက် အကြိမ်ရေ ၅၀ ခန့် လေကြောင်းဗုံးကြဲတိုက်ခိုက်

CJ Platform

စစ်ကိုင်းတိုင်း၊ ဖောင်းပြင်မြို့နယ်ထဲက ဟော်ဇောင်းရွာကို စစ်အုပ်စုက မနေ့က ဖေဖော်ဝါရီ ၂၆ ရက်နဲ့ ဒီကနေ့ ဖေဖော်ဝါရီ ၂၇ ရက် မနက်ပိုင်းမှာ အကြိမ် ၅၀ခန့် လေကြောင်းကနေ ဗုံးကြဲတိုက်ခိုက်ခဲ့တယ်လို့ ဒေသခံတွေဆီက သိရပါတယ်။

စစ်အုပ်စုက မနေ့က ဖေဖော်ဝါရီ ၂၆ ရက်၊ မနက် ၁၁ နာရီခန့်မှ စတင်ကာ ညနေပိုင်းထိ ဟော်ဇောင်းရွာ ဈေးတန်းကို ဂျက်ဖိုက်တာ၊ Y-12၊ ဂျွိုင်ရိုကော့ပတာတွေနဲ့ ဗုံးကြဲတိုက်ခိုက်ခဲ့သလို၊ ဒီကနေ့ ဖေဖော်ဝါရီ ၂၇ ရက်၊ မနက် ၃ နာရီခန့်မှာလည်း လေကြောင်းကနေ ဗုံးကြဲတိုက်ခိုက်တာတွေ လုပ်ဆောင်ခဲ့တယ်လို့ သိရပါတယ်။

“ပြည်သူတွေ ဖွင့်ထားတဲ့ဆိုင်တွေ ရှိတာပါ။ ဈေးတန်းက ပျက်စီးသွားတယ်၊ တစ်ဈေးလုံးနီးပါးပဲ။ ရွာကလူတွေကတော့ မရှိတော့ဘူး၊ ရွာကတော့ ဖွတ်ဖွတ်ကြေသွားတယ်” လို့ ဖောင်းပြင်မြို့နယ် ဒေသခံအမျိုးသမီးတစ်ဦးက CJ Platform ကို ပြောပါတယ်။

လက်ရှိမှာ ဒေသခံတွေဟာ ဘေးလွတ်ရာကို တိမ်းရှောင်နေကြတယ်လို့ သိရပြီး လေကြောင်းတိုက်ခိုက်မှုကြောင့် ထိခိုက်သေဆုံးမှု အခြေအနေတွေကိုတော့ မသိရသေးဘူးလို့ သူက ဆက်ပြောပါတယ်။

စစ်အုပ်စု လေကြောင်းတိုက်ခိုက်တဲ့ ဟော်ဇောင်းရွာဟာ ပင်လည်ဘူးမြို့နယ်ကို ဆက်သွယ်ထားတဲ့ ကားလမ်းဘေးရှိ ကျေးရွာတစ်ရွာ ဖြစ်တယ်လို့ သိရပါတယ်။

ရုပ်သံ - လူမှုကွန်ရက်
#CJPlatform #စစ်ကိုင်းတိုင်း #ဖောင်းပြင်မြို့ #ဟော်ဇောင်းရွာ

ရနောင်းမှာ မိုးသည်းထန်စွာရွာသွန်းပြီး ဒေသအချို့ ရေနစ်မြုပ်မှုဖြစ်ပေါ်

CJ Platform

ထိုင်းနိုင်ငံတောင်ပိုင်း ရနောင်းခရိုင်ထဲမှာ မိုးသည်းထန်စွာ ရွာသွန်းခဲ့တာကြောင့် ပလော့ဒဲန်းမြို့ (Pluak Daeng) အပါအဝင် ဒေသအချို့မှာ ရေနစ်မြုပ်မှုတွေ ဖြစ်ပေါ်ခဲ့တယ်လို့ ထိုင်းသတင်းဌာနတွေမှာ ဖော်ပြထားပါတယ်။

ရနောင်းခရိုင်ထဲက အဓိကလမ်းမကြီးတွေပေါ်မှာ ရေလွှမ်းမိုးမှုတွေ ဖြစ်ပေါ်ခဲ့ပြီး ယာဉ်ကြောပိတ်ဆို့မှုတွေ ရှိခဲ့တာကြောင့် အာဏာပိုင်တွေက ရေလွှမ်းမိုးမှု လျော့ကျအောင်နဲ့ အကူအညီအတွက် အရေးပေါ်ဖုန်းခေါ်ဆိုလို့ရအောင်လည်း လုပ်ဆောင်နေတယ်လို့ သိရပါတယ်။

ရေလွှမ်းမိုးမှုဟာ ပလော့ဒဲန်းမြို့မှာ အဆိုးရွားဆုံး ဖြစ်ပေါ်ခဲ့ပြီး လမ်းမကြီးတွေမှာ အိမ်စီးကားငယ် ရေနစ်မြုပ်မှုတွေ ရှိခဲ့တာကြောင့် ယာဉ်ကြောပိတ်ဆို့မှုတွေ ဆိုးဆိုးရွားရွား ဖြစ်ပေါ်နေတယ်လို့ ဆိုပါတယ်။

မိုးရွာသွန်းမှုကြောင့် ရေကြီးမှုဟာ ရနောင်းခရိုင် ဒေသအများအပြားမှာ ရုတ်တရက် ဖြစ်ပေါ်လာတာကြောင့် ဒေသခံပြည်သူတွေအနေနဲ့ ရေဘေးအန္တရာယ် ကြုံတွေ့ရပါက အရေးပေါ်ဌာနတွေကို အမြန်ဆုံးဆက်သွယ်ဖို့ကိုလည်း အာဏာပိုင်တွေက ထုတ်ပြန်ထားပါတယ်။

ဒါ့အပြင် လာမယ့်တစ်ပတ်အတွင်း နိုင်ငံမြောက်ပိုင်း၊ အရှေ့မြောက်ပိုင်း၊ အလယ်ပိုင်းနဲ့ ဘန်ကောက်မြို့တို့မှာ မိုးသည်းထန်စွာ ရွာသွန်းတာ၊ မိုးသီးကြွေတာ၊ လေပြင်းတိုက်ခတ်တာတွေ ရှိတာကြောင့် ဒေသခံပြည်သူတွေအနေနဲ့ အထူးဂရုစိုက် သွားလာကြဖို့ကိုလည်း ထိုင်းမိုးလေဝသဌာနက ထုတ်ပြန်ထားပါသေးတယ်။

ဓာတ်ပုံ - The Nation Thailand
#CJPlatform #ထိုင်းနိုင်ငံ #ပလော့ဒဲန်း #ရေကြီးမှု

ရန်ကုန်မြို့ရဲ့ ရာမဇာန်ညနေခင်း

CJ Platform

ရန်ကုန်မြို့လယ် ဗိုလ်ဆွန်ပတ်လမ်းဟာ ရာမဇာန်ဥပုသ်လ ရောက်ရှိလာတိုင်း အစ္စလာမ်ဘာသာဝင်များသာမက ဘာသာပေါင်းစုံက အစားအသောက်ဝါသနာရှင်တွေနဲ့ ပြည့်နှက်နေတဲ့ ထူးခြားတဲ့ နေရာတစ်ခုပါ။

နေဝင်ရီတရော ဝါဖြေချိန်နီးလာတာနဲ့အမျှ လမ်းတစ်လျှောက်က အစားအသောက်ဆိုင်တန်းတွေကနေ ထွက်ပေါ်လာတဲ့ ရနံ့တွေဟာ အစားသောက်ကောင်းကြိုက်သူတွေကို အမြဲလို ဆွဲဆောင်နေပါတယ်။

ဒီဈေးတန်းမှာ ရနိုင်တဲ့ အစားအစာတွေကတော့ ရှေးယခင်ကတည်းက နာမည်ကြီးလှတဲ့ ရိုးရာလက်ရာတွေပဲ ဖြစ်ပါတယ်။ ဗိုလ်ဆွန်ပတ်လမ်း ဈေးတန်းရဲ့ ထူးခြားချက်ကတော့ "ဘာသာမရွေး၊ လူမျိုးမရွေး" အတူတကွ ဈေးဝယ်ကြတာပဲ ဖြစ်ပါတယ်။ အစ္စလာမ်ဘာသာဝင်တွေ ဝါဖြေဖို့အတွက် လာရောက်ဝယ်ယူကြသလိုပဲ၊ အခြားဘာသာဝင်တွေကလည်း ဒီလမ်းက ထူးခြားတဲ့ လက်ရာတွေကို မြည်းစမ်းဖို့ နှစ်စဉ် စောင့်မျှော်လေ့ရှိကြပါတယ်။ ဒါဟာ ရန်ကုန်မြို့ရဲ့ လူမှုသဟဇာတဖြစ်မှုကို ပြသနေတဲ့ မြင်ကွင်းတစ်ခုလည်း ဖြစ်ပါတယ်။

"ကျွန်တော်ကတော့ နှစ်တိုင်း ဒီလမ်းကို လာဖြစ်တယ်။ စမူဆာနဲ့ နို့အေးကတော့ ဗိုလ်ဆွန်ပတ်လမ်းရဲ့ အမှတ်အသားပဲ”လို့ ရန်ကုန်မြို့ခံတစ်ဦးက မှတ်ချက်ပြုပါတယ်။

#CJPlatform #ရာမဇာန်ဥပုသ် #ဝါဖြေ