စစ်အုပ်စုနဲ့ အာဆီယံကြား ထိုင်းက ပေါင်းကူးတံတား လုပ်ပေးဖို့ ပြင်နေ

CJ Platform

ထိုင်းနိုင်ငံခြားရေးဝန်ကြီး ဆီဟာဆက် (Sihasak Phuangketkeow) ဟာ စစ်ကော်မရှင်နိုင်ငံခြားရေးဝန်ကြီး ဦးသန်းဆွေနဲ့ တွေ့ဆုံဖို့အတွက် ဖူးခက်မြို့ကို မနေ့ကတည်းက ရောက်ရှိနေတာပါ။ ဒီနေ့မှာတော့ သူတို့နှစ်ဦးဟာ ရွေးကောက်ပွဲအပြီး မြန်မာနိုင်ငံရဲ့ ရှေ့ဆက်မယ့်လမ်းစဉ် ၊ ထိုင်း-မြန်မာ နှစ်နိုင်ငံ ဆက်ဆံရေးနဲ့၊ မြန်မာနဲ့ အာဆီယံအဖွဲ့ကြီးကြားက ဆက်ဆံရေးတွေကို အလေးအနက် ဆွေးနွေးနေကြပါတယ်။


#CJPlatform #စစ်ကော်မရှင် #ထိုင်းနိုင်ငံခြားရေးဝန်ကြီး #အာဆီယံ #ရွေးကောက်ပွဲ

Youtube တွင်ကြည့်ရှုရန်>>>https://youtu.be/PxFv7l3ep_I

ဒီကနေ့ ဖေဖေါ်ဝါရီ ၁၉ရက် ကြာသပတေးနေ့အတွက် မိုးလေဝသခန့်မှန်းချက်
ဒေသ ၆ခုမှာ မိုးရွာမယ်

CJ Platform

ဒီကနေ့ ဖေဖော်ဝါရီ ၁၉ ရက်၊ ကြာသပတေးနေ့အတွက် ဒေသအသီးသီးက မိုးလေဝအခြေအနေတွေနဲ့အတူ ဆိုင်ကလုန်းမုန်တိုင်းအရှိန်ကြောင့် မိုးရွာသွန်းနိုင်တဲ့ အခြေအနေတွေကို ပြောပြသွားပါမယ်။
အိန္ဒိယသမုဒ္ဒရာ အရှေ့ပိုင်းနဲ့ ဘင်္ဂလားပင်လယ်အော် တောင်ပိုင်းတို့မှာ ဖြစ်ပေါ်နေတဲ့ လေဖိအားနည်းရပ်ဝန်းဟာ "အားကောင်းလာနိုင်မှာဖြစ်တယ်လို့" အိန္ဒိယမိုးလေဝသဌာနက ထုတ်ပြန်ထားပါတယ်။

#CJPlatform #ဆိုင်ကလုန်းမုန်တိုင်း #မိုးရွာမယ် #မိုးလေဝသခန့်မှန်းချက်

Youtube တွင်ကြည့်ရှုရန်>>>https://youtu.be/ASIgBBOOg3s

ဗိုလ်နဂါး စစ်အုပ်စုနဲ့ ပူးပေါင်းချိန် ဒေါ်ကြည်ပြာ အမြဲတမ်းအတွင်းဝန် ပြန်ဖြစ်ပြီး ချိုသာစွာ ပြောဆိုဆက်ဆံရန် ပြင်းထန်စွာ သတိပေးခံရ

CJ Platform

ဗိုလ်နဂါး စစ်အုပ်စုထံ ပူးပေါင်းသွားတယ်လို့ စစ်အုပ်စုက သတင်းထုတ်ပြန်အပြီးမှာ အမျိုးသားညီညွတ်ရေးအစိုးရအဖွဲ့ကလည်း ကာလရှည် တိုင်ကြားခံထားရတဲ့ ဝန်ကြီးချုပ်ရုံး အမြဲတမ်းအတွင်းဝန် ဒေါ်ကြည်ပြာကို အပြစ်မရှိကြောင်းနဲ့ ဝန်ထမ်းတွေကို ချိုသာစွာ ပြောဆိုဆက်ဆံဖို့ ပြင်းထန်စွာ သတိပေးတယ်လို့ ပြည်ထောင်စုဝန်ကြီးချုပ်ရုံးက ထုတ်ပြန်လာပါတယ်။
Website တွင် ဆက်လက် ဖတ်ရှုရန် >>> https://cjplatform.com/19220263-2/

ကျားဖြန့်လုပ်ကိုင်သူလို့ဆိုတဲ့ တရုတ်လူမျိုး ၆ ဦးနဲ့ မြန်မာယာဉ်မောင်း ၁ ဦးကို ထိုင်းပူးပေါင်းလုံခြုံရေးအဖွဲ့က ဖမ်းဆီး

CJ Platform

ထိုင်းနိုင်ငံ၊ ကန်ချနာဘူရီခရိုင်ထဲမှာ တရုတ်လူမျိုး ၆ ဦးနဲ့ မြန်မာယာဉ်မောင်း ၁ ဦးကို ထိုင်းပူးပေါင်းလုံခြုံရေးအဖွဲ့က မနေ့က ဖေဖော်ဝါရီ ၁၈ ရက်မှာ ဖမ်းဆီးရမိခဲ့တယ်လို့ ထိုင်းသတင်းဌာနတွေမှာ ဖော်ပြထားပါတယ်။

ထိုင်းနယ်စပ် ကန်ချနာဘူရီမြို့နဲ့ ဆန်ခလာဘူရီမြို့အကြား ထောင်းဖာဖွန် (Thong Pha Phum) စစ်ဆေးရေးဂိတ်မှာ အသက် ၁၉ နှစ်နဲ့ ၂၆ နှစ်အရွယ် တရုတ်လူမျိုး ၆ ဦးနဲ့အတူ အသက် ၄၀ အရွယ် မြန်မာနိုင်ငံသား ယာဉ်မောင်း ၁ ဦးတို့ကို ထိုင်းစစ်တပ်၊ ရဲတပ်ဖွဲ့နဲ့ ဒေသဆိုင်ရာ အာဏာပိုင်တွေ ပူးပေါင်းထားတဲ့ လုံခြုံရေးအဖွဲ့က တားဆီးစစ်ဆေးရာက ဖမ်းဆီးရမိခဲ့တာလည်း ဖြစ်ပါတယ်။

ထိုင်းပူးပေါင်းလုံခြုံရေးအဖွဲ့က ဖမ်းဆီးရမိခဲ့တဲ့ တရုတ်လူမျိုးတွေဟာ အွန်လိုင်းငွေကြေးလိမ်လည်မှု (ကျားဖြန့်) လုပ်ကိုင်သူတွေလို့ ယူဆရပြီး သူတို့နဲ့အတူ ဖုန်း ၂၅ လုံးနဲ့ လက်ပ်တော့ကွန်ပျူတာ ၁ လုံးကိုလည်း သိမ်းဆည်းရရှိခဲ့တယ်လို့ သိရပါတယ်။

ဒီအထဲက ထိုင်ဝမ်နိုင်ငံကူးလက်မှတ် ကိုင်ဆောင်ထားသူ ၁ ဦးဟာ ထိုင်းနိုင်ငံထဲ သက်တမ်းကျော်လွန် နေထိုင်ခဲ့သူတစ်ဦးဖြစ်သလို အခြားတရုတ်လူမျိုး ၅ ဦးဟာ ထိုင်းနိုင်ငံထဲ တရားမဝင် နယ်စပ်ဖြတ်ကျော် ဝင်ရောက်လာသူတွေ ဖြစ်တယ်လို့ ထိုင်းအာဏာပိုင်တွေက ပြောပါတယ်။

ဖမ်းဆီးခံထားရသူတွေထဲက တရုတ်အမျိုးသား ၁ ဦးဟာ တရုတ်နိုင်ငံကူးလက်မှတ် ကိုင်ဆောင်ထားပေမယ့် တရားဝင်နယ်စပ်ဂိတ်တွေကနေ ဝင်ရောက်လာတာ မဟုတ်သလို သူနဲ့အတူ ထိုင်းအစိုးရတံဆိပ်တုံးအတုတွေကိုလည်း တွေ့ရှိခဲ့တာကြောင့် လူဝင်မှုကြီးကြပ်ရေးဥပဒေအပြင် အစိုးရစာရွက်စာတမ်း တံဆိပ်တုံး အတုအပပြုလုပ်မှု ရာဇသတ်ကြီးဥပဒေတွေနဲ့ပါ အရေးယူသွားမှာဖြစ်တယ်လို့ သိရပါတယ်။

သူတို့တွေဟာ ကန်ချနာဘူရီကနေ ကရင်ပြည်၊ ကြာအင်းဆိပ်ကြီးမြို့နယ်၊ ဘုရားသုံးဆူမြို့ကို သွားရောက်ဖွယ်ရှိနေတယ်လို့ ကန်ချနာဘူရီ ဒေသတွင်းသတင်းတွေမှာ ဖော်ပြထားပြီး မြဝတီမြို့ကနေ ရွှေ့ပြောင်းသွားတဲ့ ကျားဖြန့်စင်တာတွေဟာ ဘုရားသုံးဆူဘက်မှာ အခြေချလုပ်ကိုင်နေတာတွေလည်း ရှိနေတယ်လို့ ဖော်ပြထားပါတယ်။

ဓာတ်ပုံ - MGR Online
#CJPlatform #ကျားဖြန့် #တရုတ်

ကမ္ဘောဒီးယားနယ်စပ်ကို ထိုင်းစစ်တပ်က ကျူးကျော်သိမ်းယူထားတယ်လို့ ဟွန်မာနက်ရဲ့ ပြောကြားမှုအပေါ် ထိုင်းစစ်တပ် ငြင်းဆို

CJ Platform

ထိုင်း-ကမ္ဘောဒီးယားနယ်စပ် စစ်ရေးပဋိပက္ခတွေအတွင်း ကမ္ဘောဒီးယားနယ်စပ် နယ်မြေအချို့ကို ထိုင်းစစ်တပ်က ကျူးကျော်သိမ်းယူထားပြီး နေရပ်စွန့်ခွာသူတွေကို ပိတ်ပင်တားဆီးထားတယ်လို့ ကမ္ဘောဒီးယားဝန်ကြီးချုပ် ဟွန်မာနက်ရဲ့ ပြောကြားမှုကို ထိုင်းစစ်တပ်က ငြင်းဆိုထားပါတယ်။

ကမ္ဘောဒီးယားခေါင်းဆောင်ရဲ့ ပြောကြားမှုဟာ မြေပြင်အခြေအနေတွေနဲ့ ကွဲလွဲနေပြီး အခြေအမြစ်မရှိတဲ့ စွပ်စွဲချက်လို့ ထိုင်းစစ်တပ် ပြောရေးဆိုခွင့်ရှိသူ ဗိုလ်ချုပ် ဝင်းထိုင်း ဆူဗာရီ (Winthai Suvaree) က တုံ့ပြန်ပြောဆိုထားသလို နှစ်နိုင်ငံနယ်စပ်တစ်လျှောက် ငြိမ်းချမ်းရေးသဘောတူညီချက်ကို တင်းတင်းကျပ်ကျပ် လိုက်နာနေဆဲ ဖြစ်တယ်လို့ ဆိုပါတယ်။

ဒါဟာ ပြီးခဲ့တဲ့ ဖေဖော်ဝါရီ ၁၇ ရက်က ရိုက်တာသတင်းဌာနနဲ့ အင်တာဗျူးမှာ ကမ္ဘောဒီးယားဝန်ကြီးချုပ်က နှစ်နိုင်ငံနယ်စပ်အရေး ထည့်သွင်းပြောဆိုခဲ့မှုအပေါ် ထိုင်းစစ်တပ်ဘက်က တုံ့ပြန်လာတာလည်း ဖြစ်ပါတယ်။

“ကျွန်တော်တို့ နယ်မြေတွေကို ထိုင်းစစ်တပ်ဘက်က ကျူးကျော်တိုက်ခိုက်သိမ်းယူမှုတွေ ရှိနေပါတယ်။ ဒါက သူတို့တစ်ဖက်သတ် သတ်မှတ်ထားတဲ့ နယ်နိမိတ်မျဉ်းတွေကိုတောင် ကျော်လွန်နေတာပါ။ ဒါက စွပ်စွဲတာ မဟုတ်ပါဘူး။ မြေပြင်မှာဖြစ်နေတဲ့ အခြေအနေကို ပြောတာပါ” လို့ ဟွန်မာနက်က ရိုက်တာသတင်းဌာနနဲ့ အင်တာဗျူးမှာ ပြောဆိုထားတာပါ။

ထိုင်းစစ်တပ်က ကမ္ဘောဒီးယားနယ်မြေထဲ ကျူးကျော်ဝင်ရောက်လာပြီး စစ်ဘက်ဆိုင်ရာ ယာယီတဲစခန်းတွေ ဆောက်လုပ်တာ၊ သံဆူးကြိုးတွေ ကာရံထားပြီး ဒေသခံပြည်သူ ၈၀,၀၀၀ ကျော်ကို သူတို့နေအိမ် ပြန်မနိုင်အောင် တားဆီးနေတယ်လို့ ဟွန်မာနက်က ဆက်ပြောထားပါတယ်။

လက်ရှိ အငြင်းပွားနယ်စပ်နေရာဟာ ထိုင်းပိုင်နက်နယ်မြေ ဖြစ်တယ်ဆိုတာ ကမ္ဘောဒီးယားအနေနဲ့ သေချာသိရှိနားလည်ထားမှာ ဖြစ်တယ်လို့ ထိုင်းစစ်တပ် ပြောရေးဆိုခွင့်ရှိသူက ဆိုပါတယ်။ ပြီးခဲ့တဲ့ ဆယ်စုနှစ်များစွာက ပြည်တွင်းစစ်ရေးပဋိပက္ခတွေအတွင်း ကမ္ဘောဒီးယားပြည်သူတွေဟာ ထိုင်းနယ်စပ်ကို စစ်ရှောင်လာကြချိန် ထိုင်းဘက်က ကူညီထောက်ပံ့မှုတွေ ပေးခဲ့တယ်လို့ ဆိုပါတယ်။

သို့သော်လည်း ပြည်တွင်းစစ်ရေးပဋိပက္ခ အဆုံးသတ်ခဲ့ပေမယ့် ကမ္ဘောဒီးယားပြည်သူတွေနဲ့ စစ်သားတွေဟာ သူတို့နိုင်ငံထဲကို ပြန်မသွားကြတော့ဘဲ လက်ရှိ အငြင်းပွားနေတဲ့ နှစ်နိုင်ငံနယ်စပ် ထိုင်းနယ်မြေထဲမှာ အခြေချနေထိုင်ခဲ့ကြတာ ဖြစ်တယ်လို့ ဆိုပါတယ်။

ဒါဟာ ထိုင်းစစ်တပ်ဘက်က ၁၉၉၀ ခုနှစ် ဝန်းကျင်ကာလကို ရည်ညွှန်းပြောဆိုခဲ့တာဖြစ်ပြီး အဲဒီအချိန်က ကမ္ဘောဒီးယားနိုင်ငံထဲ စစ်ရေးပဋိပက္ခ ပြင်းထန်နေချိန် ပြည်သူအများအပြားဟာ ထိုင်းနယ်စပ်ဘက်ကို စစ်ရှောင်လာရာမှာ ထိုင်းဘက်က ကူညီစောင့်ရှောက်မှုတွေ လုပ်ဆောင်ပေးခဲ့တာလည်း ဖြစ်ပါတယ်။

လက်ရှိ ထိုင်းစစ်တပ်က အခြေချတပ်စွဲထားတဲ့ အငြင်းပွားနယ်စပ်နေရာဟာ နှစ်နိုင်ငံ အပစ်အခတ်ရပ်စဲပြီးနောက် နယ်မြေအခြေအနေတွေ တည်ငြိမ်ရေးအတွက် နှစ်နိုင်ငံသဘောတူညီချက်နဲ့ တပ်ဖွဲ့ဝင်တွေကို တရားဝင် ထားရှိတာမျိုးသာ ဖြစ်တယ်လို့လည်း ထိုင်းဗိုလ်ချုပ် ဝင်းထိုင်းက တုံ့ပြန်ပြောဆိုထားပါတယ်။

ထိုင်း-ကမ္ဘောဒီးယား နှစ်နိုင်ငံနယ်စပ် နယ်မြေအငြင်းပွားမှုဟာ ဆယ်စုနှစ်နဲ့ချီ ကြာမြင့်လာပြီဖြစ်ပြီး ပြီးခဲ့တဲ့ ၂၀၂၅ ခုနှစ် ဇူလိုင်လကုန်ပိုင်းမှာ နှစ်နိုင်ငံနယ်စပ်နေရာ ၁၂ ခုထက်မနည်းမှာ စစ်ရေးတင်းမာမှုတွေ ရှိခဲ့ပြီး လေကြောင်းတိုက်ခိုက်မှု၊ လက်နက်ကြီးပစ်ခတ်မှုတွေလည်း ရှိခဲ့တာ ဖြစ်ပါတယ်။

ဓာတ်ပုံ - ThaiPBS
#CJPlatform #ထိုင်း #ကမ္ဘောဒီးယား

ဒေါ်ကြည်ပြာအမှု ဆုံးဖြတ်ချက်ကို သဘောမတူလို့ CDM တွေ CDM ထပ်လုပ်မယ်ဟုဆို

CJ Platform

အမျိုးသားညီညွတ်ရေးအစိုးရအဖွဲ့ NUG ဝန်ကြီးချုပ်ရုံး အမြဲတမ်းအတွင်းဝန်ကို ဝန်ကြီးချုပ်ရုံး ဝန်ထမ်းဟောင်းတွေက တိုင်ကြားထားတဲ့ အမှုအပေါ် စုံစမ်းစစ်ဆေးရေးအဖွဲ့ ချမှတ်ခဲ့တဲ့ ဆုံး​ဖြတ်ချက်ကို လက်မခံနိုင်တာကြောင့် CDM လုပ်ဆောင်ထားသူ ပညာရေးဝန်ထမ်းအချို့နဲ့ ကျန်းမာရေးဝန်ထမ်းအချို့က NUG ကိုပါ CDM ထပ်လုပ်ဖို့ ပြင်ဆင်နေကြတယ်လို့ CDM ကောင်စီတွေထံက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/19220265-2/

သင်ဟာ ရန်ကုန်မြို့မှာ နေထိုင်သူလား၊ ဒါကို ကြည့်ဖြစ်အောင် ကြည့်ပါ

YouTube တွင် ကြည့်ရှုရန် >>> https://youtu.be/T2dtz1f8dxI

မော်တင်ဘုရားပွဲ သွားရောက်သူအချို့ တည်းခိုခန်းခတွေ အလိမ်ခံရ

CJ Platform

ဧရာဝတီတိုင်း၊ ပုသိမ်ခရိုင်၊ ငပုတောမြို့နယ်မှာ ကျင်းပနေတဲ့ မော်တင်စွန်းဘုရားပွဲကို သွားရောက်လည်ပတ်ကြသူအချို့မှာ တည်းခိုခန်းတွေ ကြိုတင်မှာယူထားပြီးနောက် အခန်းမရဘဲ လိမ်လည်ခံရတဲ့ ဖြစ်စဉ်တွေ ဖြစ်ပွားနေတယ်လို့ ဘုရားဖူးသွားရောက်သူနဲ့ ဒေသခံတွေဆီက သိရပါတယ်။
Website တွင် ဆက်လက် ဖတ်ရှုရန် >>> https://cjplatform.com/19220263-3/

AI နည်းပညာသုံး ဒုံးပစ်လောင်ချာအသစ်တွေ ကင်ဂျုံအွန် ထုတ်ပြ

CJ Platform

မြောက်ကိုရီးယားခေါင်းဆောင် ကင်ဂျုံအွန်ဟာ ပြီးခဲ့တဲ့ ဗုဒ္ဓဟူးနေ့က ပြုံယမ်းမြို့မှာပြုလုပ်တဲ့ အခမ်းအနားတစ်ခုကို တက်ရောက်ခဲ့ပါတယ်။ အဲဒီမှာ မြောက်ကိုရီးယား လက်နက်စက်ရုံတွေက ထုတ်လုပ်လိုက်တဲ့ ၆၀၀ မီလီမီတာ အရွယ်အစားရှိတဲ့ ဒုံးပစ်လောင်ချာ အခု ၅၀ ကို လာမယ့် ပါတီညီလာခံအတွက် လက်ဆောင်အဖြစ် ပေးအပ်ခဲ့တာပါ။

#CJPlatform #မြောက်ကိုရီးယား #ကင်ဂျုံအွန် #ဒုံးပစ်လောင်ချာ #AI

Youtube တွင်ကြည့်ရှုရန်>>>https://youtu.be/6H8ED1eSnWM

ဒေသ (၆)ခုမှာ မိုးရွာဖို့ ၅၀ ရာခိုင်နှုန်းခန့်ရှိ


CJ Platform

CJ Platform က ညစဉ် တင်ဆက်ပေးနေကြဖြစ်တဲ့ မနက်ဖြန် ဖေဖေါ်ဝါရီ ၂၀ရက် သောကြာနေ့အတွက် မိုးလေဝသခန့်မှန်းချက်တွေကို ပြောပြသွားပါမယ်။ဘင်္ဂလားပင်လယ်အော် အနောက်တောင်ပိုင်းမှာ ရှိနေတဲ့ လေဖိအားနည်းရပ်ဝန်းဟာ တဖြည်းဖြည်း အားလျော့လာနေပြီ ဖြစ်ပါတယ်။ ဒါပေမဲ့ လာမယ့် ဖေဖော်ဝါရီ ၂၀ ရက်နေ့မှာ အိန္ဒိယနိုင်ငံနဲ့ သီရိလင်္ကာနိုင်ငံအကြား "နောက်ထပ် လေဖိအားနည်းရပ်ဝန်းတစ်ခု" ဖြစ်ပေါ်လာဖို့ ရှိနေပါတယ်။

#CJPlatform #လေဖိအားနည်းရပ်ဝန်း #မိုးရွာမယ် #မိုးလေဝသခန့်မှန်းချက်

Youtube တွင်ကြည့်ရှုရန်>>>https://youtu.be/9M-lhyrwADM

မုန်းတိုင်းငယ်ဖြစ်နိုင်ခြေ လျော့ကျသွားပေမယ့် ဆားလယ်တွေ သတိပြု

CJ Platform

အိန္ဒိယသမုဒ္ဒရာ အရှေ့ပိုင်းနဲ့ ဘင်္ဂလားပင်လယ်အော် တောင်ပိုင်းမှာ ဖြစ်ပေါ်နေတဲ့ လေဖိအားနည်းရပ်ဝန်းဟာ မနက်ဖြန် ဖေဖော်ဝါရီ ၂၁ ရက်နေ့မှာ "ပျက်ပြယ်သွားမှာ" ဖြစ်ပါတယ်။ ဒါပေမဲ့ အဲဒီနေ့မှာပဲ နောက်ထပ် လေဖိအားနည်းရပ်ဝန်းတစ်ခု အိန္ဒိယနိုင်ငံနဲ့ သီရိလင်္ကာနိုင်ငံကြားမှာ ထပ်မံဖြစ်ပေါ်လာဖို့ ရှိနေပါတယ်။သတင်းကောင်းတစ်ခုကတော့ ဥရောပမိုးလေဝသ ခန့်မှန်းရေးအဖွဲ့အစည်း (ECMWF) က ဆိုင်ကလုန်းမုန်တိုင်း ဖြစ်နိုင်ခြေ ရာနှုန်းပြည့်ရှိတယ်လို့ မနေ့ကအထိ ထုတ်ပြန်ထားပေမဲ့ ဒီနေ့မှာတော့ လာမယ့် ဖေဖော်ဝါရီ ၂၅ ရက်နေ့အထိ မုန်တိုင်းဖြစ်နိုင်ခြေဟာ "(၂၀) ရာခိုင်နှုန်းခန့်သာ ရှိတော့တယ်လို့" ပြန်လည်ထုတ်ပြန်ထားပါတယ်။

#CJPlatform #ဆားလယ် #မိုးရွာမယ် #မိုးလေဝသခန့်မှန်းချက်

Youtube တွင်ကြည့်ရှုရန်>>>https://youtu.be/uPguBrAJxSY

မြဝတီမှာ ငွေကျပ်သိန်း ၉,၀၀၀ ကျော် တန်ဖိုးရှိ မူးယစ်ဆေးဝါးတွေ ဖမ်းဆီးရမိ

CJ Platform

ကရင်ပြည်၊ မြဝတီမြို့မှာ ငွေကျပ်သိန်း ၉,၀၀၀ ကျော် (၉,၂၈၉ ဒသမ ၇ သိန်း) တန်ဖိုးရှိတဲ့ မူးယစ်ဆေးဝါးနဲ့ စိတ်ပြောင်းဆေးဝါးတွေကို တရားခံတွေနဲ့တကွ ဖမ်းဆီးရမိခဲ့ကြောင်း စစ်အုပ်စုလက်အောက်ခံ မူးယစ်ဆေးထိန်းချုပ်ရေးဗဟိုအဖွဲ့ (CCDAC) က ဒီကနေ့ ဖေဖော်ဝါရီ ၂၀ ရက်မှာ ထုတ်ပြန်ထားပါတယ်။
Website တွင် ဆက်လက် ဖတ်ရှုရန် >>> https://cjplatform.com/20220268-2/

ထိုင်းမှာ သေနတ်ကိုင်ဆောင်ခွင့် ထိန်းချုပ်ရေးဥပဒေကို ပိုမိုတင်းကျပ်မယ်

CJ Platform

ထိုင်းနိုင်ငံတစ်ဝန်းမှာ သေနတ်အသုံးပြုမှုတွေနဲ့ ပတ်သက်ပြီး တင်းတင်းကျပ်ကျပ် နှိမ်နင်းမှုတွေ လုပ်ဆောင်သွားမယ်လို့ အစိုးရအဖွဲ့ ဒုတိယပြောရေးဆိုခွင့်ရှိသူ အိုင်ယာရင် ဖန်ရစ် (Aiyarin Phanrit) က မနေ့က ဖေဖော်ဝါရီ ၁၉ ရက်မှာ ပြောကြားခဲ့တယ်လို့ ထိုင်းသတင်းဌာနတွေမှာ ဖော်ပြထားပါတယ်။

အခုလပိုင်းတွေ ဖြစ်ပေါ်ခဲ့တဲ့ သေနတ်ပစ်ခတ်မှုတွေကြောင့် သေနတ်ကိုင်ဆောင်ခွင့် ထိန်းချုပ်ရေးကို ပိုမိုတင်းကျပ်ဖို့ ဝန်ကြီးချုပ် အနုတင် ချန်ဗီရာကူလ် က တိုက်ရိုက်ညွှန်ကြားခဲ့တာဖြစ်တယ်လို့ အိုင်ယာရင် ဖန်ရစ်က ပြောကြားထားပါတယ်။

လက်ရှိ ထိုင်းနိုင်ငံတွင်း ကျင့်သုံးနေတဲ့ သေနတ်ကိုင်ဆောင်ခွင့် ထိန်းချုပ်ရေးဥပဒေနဲ့ ပတ်သက်ပြီး ကျယ်ကျယ်ပြန့်ပြန့် ပြန်လည်သုံးသပ်ဖို့နဲ့ တင်းတင်းကျပ်ကျပ် လုပ်ဆောင်ဖို့ကို အနုတင်က ပြောဆိုခဲ့တာပါ။

နိုင်ငံတစ်ဝန်းက ဒေသအာဏာပိုင်တွေအနေနဲ့ ပြည်သူတွေရဲ့ အသက်အိုးအိမ်စည်းစိမ်ကို အကာအကွယ်ပေးဖို့နဲ့ ဘေးကင်းလုံခြုံရေးအတွက် ပုံမှန်လုပ်ငန်းစဉ်တွေထက်ပိုပြီး တင်းတင်းကျပ်ကျပ် လုပ်ဆောင်ဖို့ကိုလည်း ပြည်ထဲရေးဝန်ကြီးဌာန လက်အောက်ခံ အထွေထွေအုပ်ချုပ်ရေးဦးစီးဌာန (DOPA) က ညွှန်ကြားထားပါတယ်။

အစိုးရအဖွဲ့ရဲ့ ညွှန်ကြားချက်အသစ်တွေအရ သေနတ်ဝယ်ယူမယ့်သူရဲ့ နောက်ခံအချက်အလက်တွေကို စာရင်းသွင်းတဲ့အခါ ပိုမိုစစ်ဆေးသွားမှာဖြစ်ပြီး သူ့ရဲ့ ကိုယ်ရေးကိုယ်တာ အပြုအမူအကျင့်စာရိတ္တနဲ့ တရားမဝင်လုပ်ဆောင်မှုတွေမှာပါ ပါဝင်ပတ်သက်မှု ရှိ၊ မရှိဆိုတာကိုပါ ပိုမိုတင်းကျပ်သွားမယ်လို့ ဆိုပါတယ်။

လိုင်စင်နဲ့ လက်ဝယ်သေနတ်ကိုင်ဆောင်သူတွေကိုလည်း ဒေသဆိုင်ရာ အာဏာပိုင်တွေက စောင့်ကြည့်သွားမှာဖြစ်ပြီး အများပြည်သူရဲ့ ဘေးကင်းလုံခြုံရေးကို ခြိမ်းခြောက်လာပါက အာဏာပိုင်တွေအနေနဲ့ ဥပဒေအရ အရေးယူမှုတွေ လုပ်ဆောင်သွားရမယ်လို့ ဆိုပါတယ်။

ဒါ့အပြင် လိုင်စင်နဲ့ သေနတ်ဝယ်ယူထားသူဟာ အများပြည်သူနေရာကို အကြောင်းပြချက် ခိုင်ခိုင်လုံလုံမရှိဘဲ သေနတ်ယူဆောင်သွားပါက ထောင်ဒဏ် ၅ နှစ်နဲ့အထက်အထိ ပြစ်ဒဏ်ချမှတ်ခံရနိုင်တယ်လို့လည်း ပြောပါတယ်။

သေနတ်ဝယ်ယူခွင့်နဲ့ အများပြည်သူနေရာတွေမှာ လက်နက်ယူဆောင်သွားတာကို ယာယီရပ်ဆိုင်းထားဖို့ ပြည်ထဲရေးဝန်ကြီးကလည်း ညွှန်ကြားထားတယ်လို့ သိရပါတယ်။

ဒါဟာ အခုလပိုင်းအတွင်း ဖြစ်ပွားခဲ့တဲ့ ပထုန်ဌာနီက ပစ်ခတ်မှုနဲ့ ဟတ်ယိုင်ခရိုင်က စာသင်ကျောင်းကို ပစ်ခတ်မှုတွေကြောင့် ဒေသခံပြည်သူတွေနဲ့ စာသင်ကျောင်းတွေရဲ့ လုံခြုံရေး စိုးရိမ်လာရမှု ပိုမိုမြင့်တက်လာချိန် ထိုင်းအစိုးရအဖွဲ့က အခုလို တင်းကျပ်မှုတွေ ပိုမိုလုပ်ဆောင်လာတာလည်း ဖြစ်ပါတယ်။

ဓာတ်ပုံ - The Nation
#CJPlatform #ထိုင်းနိုင်ငံ #သေနတ်ကိုင်ဆောင်မှု