У новым выпуску: вялікая перазагрузка Microsoft Gaming: Філ Спэнсар сыходзіць, Сара Бонд таксама, а ў руля становіцца Аша Шарма з CoreAI. Разбіраем, чаму Xbox цяпер — гэта хутчэй сэрвіс і брэнд, а не кансоль, і як ШІ не змяняе саму логіку індустрыі.

Абмяркоўваем новыя планы Apple: разумныя акуляры, AirPods з камерай і кулон-асістэнт — усё вакол Siri на базе Gemini. Што гэта значыць для экасістэмы і чаму Apple робіць стаўку на «заўсёды побач» ШІ.

Таксама ў выпуску: патрабаванні вярнуць ChatGPT 4o і феномен «віртуальных адносін» з ШІ, серыял па Baldur’s Gate 3 ад шоуранэра The Last of Us, планы Valve на Steam Machine і VR-прылады на фоне дэфіцыту памяці, і нават заява Трампа пра рассакрэчванне файлаў пра UFO.

🎬 Глядзець: https://youtu.be/QGm2CdavbN0
► Слухаць: https://pc.st/e/.Wfr7prGzFa

❤️ Сапраўдны беларускі гік-кантэнт: намазваем тэрмапасту на працэсар - https://youtu.be/klYVM765AME

Падпішыцеся на спадара, падтрымайце беларускую гікаўшчыну 🤗

Першая кніга Пентаквантара выйшла ў агульным доступе ў аўдыё, шык! Усім раю, лепшы беларускі кіберпанк: https://youtu.be/0dLy7Eic4VY?is=GtFFKapVv3ABKaCw

🚀 Хто дапаможа “падключыць” беларускі голас да BigTech?

Мы запускаем SONORA — праект беларускай супольнасці, дзе запісваем адкрыты беларускі датасэт для TTS, каб беларуская гучала натуральна ў сучасных AI-сэрвісах.

Шукаем цёплыя інтры / прамыя кантакты у:
• Google
• OpenAI
• ElevenLabs
• Speechify
• Meta

Мэта: каб гэты датасэт маглі рэальна выкарыстаць у прадуктах BigTech.

👉 Сайт: https://sonora.you
(Мы толькі што яго запусцілі, таму будзем вельмі ўдзячныя за фідбэк: ці зразумела напісана, чаго не стае, што лішняе.)
(пакуль у паблік не ідзем, толькі шукаем кантакты, але вы ўжо можаце падтрымаць)

Калі ведаеце каго-небудзь у гэтых кампаніях і можаце зрабіць інтра — напішыце, калі ласка, у лс, альбо напішыце зварот ад нас самі. Тэкст звароту тут. 🙏

вітаю! я ўжо нейкі час вяду блог пра AI па-беларуску - распавядаю пра архітэктуру розных кампанентаў (deep research, context management, tools discovery), таксама часам разьбіраю пэйперы (напрыклад пра chain of thought controllability).

калі вам цікава, то далучайцеся :)

https://t.me/niaspiesny_ai

Алеж файны твор: https://youtu.be/nSlghPzB6W0

Мінская Венецыя: Як сталіцу зносіла ў Свіслач 🌊😱

Сто гадоў таму мінчукі баяліся вясны больш за пажары. Гэта быў сапраўдны апакаліпсіс: бурлівая вада зносіла дамы, па вуліцах плавалі жывёлы, а людзі ратаваліся на дахах. 🏠🛶

Вы думаеце, гэта прыродная стыхія? Не! Сёння гэта гучыць як абсурд, але горад тапілі... два звычайныя млыны. 🥨🤯

Як прагнасць і млынары ледзь не знішчылі цэнтр Мінска? Чаму Плябанскія млыны сталі праклёнам для губернскага горада? Як з-за млыноў знялі з пасады цэлага губернатара?

👇 Глядзіце шакавальную гісторыю мінскіх паводак тут:
https://www.youtube.com/watch?v=bbp7FYQo5W8

Мы сабралі першую пілотную партыю нашых дэвайсаў — фізічна яны ўжо гатовыя да закрытага бэта-тэсту.
Працягваем дапілоўваць “мазгі” і софт.
А буслы ўжо вяртаюцца з выраю ў свае гнёзды — і разам з імі хутка паляцяць першыя дэвайсы да пілотных карыстальнікаў.

Асабістая падзяка Андрэю Капылаву ды Клубу беларускіх мецэнатаў за падтрымку на гэтым этапе.

Stay tuned 👀

Вітанкі, шаноўныя! Падкаст "Каласы пад сярпом ШІ" на сувязі.

Сёння разбіраемся, чаму дата-цэнтры OpenAI папракаюць за празмернае спажыванне вады, абмяркоўваем страх страціць працу праз ШІ і разважаем, чаму ў ваенных сімуляцыях ChatGPT амаль заўсёды выбірае ядзерны ўдар — і прычым тут Anthropic.

👉 https://youtu.be/mNorPZWgMbg

Не ведаю, ці раіў вам раней, але файны падкаст ад выдатных дзяўчын на цікавыя тэмы, які часам могуць падацца інтымнімі, але пра якія варта размаўляць - "ласкатухі"
https://youtu.be/iePA95dVaRU?is=BYMXBbFKJf77Thav

А хто там ідзе? https://youtu.be/MCKbREY1K94

Складана, балюча, але неабходна…

З Днём Волі, даражэнькія! Нашу волю не адабраць нікому і ніколі — яна жыве ўнутры.

https://youtu.be/kCkrbLkc8hI

P.S. Дзякуй, паплечніца, дзякуй, Наста. За тое, што натхняеце дыхаць на поўныя грудзі і ствараць.

"Беларусь стварылі неафіты. І ў менавіта ў гэтым наша моц і надзея. Менавіта таму нас ніколі не знішчаць

Людзі, якія стваралі Беларусь, былі пераважна неафітамі. Луцкевічы, Езавітаў, Скірмунт, Бурбіс і многія-многія. Вядома, яны былі кроў і плоць гэтай зямлі, але з дзяцінства іх выхоўвалі ў расейскамоўнай або польскамоўнай традыцыі. Колас першы верш напісаў па-расейску, Купала – па-польску. І большасць нашых папярэднікаў маглі пайсці па жыцці зусім не беларускім шляхам.

Гэта бачна па прыкладзе сям’і Вацлава Іваноўскага, дзе тры браты абралі розныя ідэнтычнасці: беларускую, польскую і літоўскую. Для многіх стваральнікаў Беларусі беларускасць была іх свядомым выбарам ужо ў дарослым жыцці. На Ўсебеларускім з’ездзе 1917 года, дзе афармлялялася ідэя Беларусі, не ўсе ведалі беларускую мову, не ведалі, дзе на карце знайсці Беларусь, а бел-чырвона-белы сцяг упершыню ўбачылі там, бо яго толькі-толькі прыдумалі. Але праз лічаныя месяцы пра яго ўжо складалі вершы. Праз тры гады яго ўздымалі паўстанцы пад Слуцкам.

Беларускасць не была для многіх (а рызыкну сказаць, для большасці) натуральным асяроддзем ад калыскі. Яны мусілі не адкрываць яе для сябе, але і самі ствараць, называць і асэнсоўваць упершыню. А калі гэту беларускасць адкрыеш, то назад дарогі няма. Многія з нас прайшлі такі ж шлях і мы ведаем, што гэта дзейнічае як наркотык. Тое ж самае было і з імі. Гэта one-way ticket.

Беларуская справа трымаецца не на масах, і хіба што ніколі не будзе. Яна трымаецца на пасіянарнасці меншасці, на запале неафітаў, на навізне беларушчыны для кожнага чарговага пакалення, якое адкрывае для сябе яе прыгажосць.

Менавіта таму мы заўсёды прарастаем і будзем расці праз асфальт. Пасля Курапатаў, ГУЛАГу, падаўлення паўстанняў, русіфікацыі, здрадаў, мы заўсёды адновімся. Бо наша ідэя захоплівае нас саміх, мы жывем ёю самі, ніхто нас да гэтага не прымушае. Гэта наш маральны выбар, ніхто нам яго не навязвае і ў гэтым наша моц. І менавіта таму беларусаў не трэба прымушаць быць беларусамі. Ім трэба проста не перашкаджаць імі быць."

Дзмітрый Гурневіч