На выходных будзе два рэлізы круцецкіх адаптацый адное народнае песьні 🔥
Здагадаецеся якой? 😏

P.S. Калі хтосьці дўмае, што генерацыя праз ШІ выглядае як "напісаў і забыўся", то вось вам скрын постпрадакшана з Premier Pro.

Ну, паляцелі: першая версыя называецца "Купала", народныя сьпевы + дабстэп: https://youtu.be/6FV2cLk2IDM

Другая песьня таксама з'яўляецца dubstep-адаптацыяй "У нас сягодня Купала", але з больш цікавым гучаннем сола і інструмэнтаў, дый зь меньшым уплывам традыцыйных сьпеваў: https://youtu.be/RnCKxsvpIA8

🔥 Новы выпуск падкаста пра штучны інтэлект "Каласы пад сярпом ШІ" ужо анлайн!

https://www.youtube.com/watch?v=edVy-QwkpRY

🔥 Дзявяты выпуск Каласоў пад сярпом ШІ ўжо анлайн!

Сёння разбіраем Sora 2 ад OpenAI, дата-цэнтры на 17 ГВт, катастрофу ў Паўднёвай Карэі і бацькоўскі кантроль у ChatGPT. Глядзім, як Apple рыхтуе Veritas і абноўлены Siri, а Anthropic вяртае сабе трон з Claude Sonnet 4.5. Пагаворым пра YouTube Labs, API Tinker ад Міры Мураці, першую ШІ-актрысу і кітайскую візу для інжынераў.

Завяршаем робатам, нэўраімплантамі і «чырвонымі лініямі» ААН. А яшчэ, вучым беларускую лаянку 😊

https://youtu.be/BIKXejKRAzw

Пакуль рыхтую новую песьню, зрабіў Instagram-акаунт для Setivir: http://instagram.com/iamsetivir

Свой вялікі асабісты канал я выдаліў два гады таму, бо апошнім часам не люблю жыццё выстаўляць на агляд, дый не вельмі люблю тое, што Мета робіць з дадзенымі карыстальнікаў. Але аказалася, што аўдыторыя, якая слухае музыку беларускую, сядзіць у інсьце і трэдсе.

Карацей, калі вы ў інсце ё, то буду рады бачыць сярод падпісчыкаў, там з'яўляюцца амаль што толькі песьні 😊

І яшчэ, як думаеце, варта трэдс рабіць каб толькі песьны выкладаць? Бо па шчырасьці размоў мне ў VKL.world хапае 😎

Дарэчы, тутака ў Майго роднага падкаста выйшаў шыкоўны выпуск пра агучку з ШІ: https://youtu.be/rSZGPronkAM
Раю👍

🔥Новы рэліз ад Setivir - трэк "Бітая дарожанька"

Музыка ў жанры folktronica, створана з дапамогай ШІ на словы беларускае народнае песьні «Бітая дарожанька», версыя народнага калектыву "Гасцінец", што з Ракава.

https://www.youtube.com/watch?v=oDVmzlqKMuw

Трэк ужо даступны на ўсіх аўдыё-платформах, буду ўздячны за пашырэнні 😊

⚡️Новы выпуск падкаста Каласы пад сярпом ШІ ўжо анлайн!

Сёння абмяркоўваем: як OpenAI дазволіла дарослы кантэнт у ChatGPT, што за Claude Skills і чаму Microsoft ператварае Windows у Copilot OS, слухаем як ElevenLabs і Suno гавораць па-беларуску, як чат-боты кіруюць рэальнымі грашыма, і што робіць AI у судах і школах. Абмяркуем роба-фабрыкі ў Кітаі, фестываль ШІ-фільмаў у Варшаве і скандал вакол «матэматычнага прарыву» GPT-5. А яшчэ робат-экскаватар, дзеці і deepfake-жарты, генерал, што даверыў ChatGPT жыццё салдат, і Андрэй Карпаты пра канец чалавечага мыслення.

👉 YouTube: https://youtu.be/4jv6QtE6KU4
👉 Аўдыёпляцоўкі: https://kalasyai.podbean.com/e/10/

⚡️Новы выпуск падкаста Каласы пад сярпом ШІ ўжо анлайн, даўно не чуліся!

Сёння гаворым пра GPT-5.1 і новы, больш “чалавечны” ChatGPT, пра групавыя чаты і агент Aardvark, які палюе на ўразлівасці ў кодзе, разабрацца спрабуем і з тым, чаму Ян ЛеКун сыходзіць з Meta, а World Labs будуе прасторавы ШІ замест чарговай LLM. Паглядзім на вяртанне Сашчэпкі ў выглядзе Mico ў Copilot, на касмічныя датацэнтры Nvidia, на даследаванне, дзе польская мова раптам стала лепшай для промптаў, на дэцэнтралізаваны Cocoon Дурава, кітайскія правілы маркіроўкі AIGC, як ШІ-браўзеры пралазяць пад пейволамі і што там з “ударатрывалым” самалётам REBIRTH і паслабленнем GDPR у ЕС, заадно закранем беларускі PomogAI і яго прайвасі. У фінальным блоку — пра гуманоідаў Aidol, NEO і IRON, і ўсё гэта разам складаецца ў прыгожае, трывожнае і вельмі беларускае падарожжа ў блізкую будучыню.

👉 YouTube: https://youtu.be/W2TwufIrGwU
👉 Аўдыёпляцоўкі: https://kalasyai.podbean.com/e/11

🔥Дванаццаты выпуск падкаста Каласы пад сярпом ШІ ўжо анлайн!

Сёння абмяркоўваем «забойцу ChatGPT» — Google Gemini 3 Pro з Dynamic View і Image Pro, глядзім на Claude Opus 4.5 і на тое, як нават Лінус Торвальдс кажа «так» вайб-кодзінгу, разбіраем ШІ-кансультанта па грантах, які разнёс Web Summit 2025, і кошыкі Waitrose з камп’ютарным зрокам. Гаворым пра плюшавага мядзведзя, продаж якога закрылі з-за «разгульнага» ШІ, Vine без ШІ-контэнту ад Джэка Дорсі, турыстаў у Кітаі на робанагах і дзіўную здзелку Suno з Warner Music. У культурным блоку — TED-прамова пра тое, як мадэлі крадуць творчыя работы, LegalTech-сэрвіс Kaucja365 для беларускіх рэлаканаў у Польшчы і ПВТ, дзе карову кормяць па алгарытме і бульбу вырошчваюць з дапамогай ШІ. Фінал — жорсткая этыка: ад размоў пра генетычна «спраектаваных» дзяцей да шлюбу з ШІ-персанажам і стартап, які абяцае вярнуць нам «лічбавых памерлых.

👉 YouTube: https://youtu.be/XPrRUvcxlf4
👉 Аўдыёпляцоўкі: https://kalasyai.podbean.com/e/12

Прыходзьце заўтра ва Вроцлаве на Віталя aka ANGST - аднаго з найлепшых беларускамоўных рэпераў, глыба! ✨

Паэт і хіп-хоп выканаўца выступіць 3 снежня ва Уроцлаве ў клубе PROZA а 19:00 з паэтычным стэндапам

Інфо & КВІТКІ: https://fienta.com/vital-ryzhko-paetychny-stendap-prezentacyya-152100

Нарэсце, Setivir дабраўся і да Дзеда-барадзеда. Спадзяюся, што вам спадабаецца: https://youtu.be/uzcz3HVvM28

І апошні на сёння Дзед-Барадзед, на гэты раз у рок-апрацоўцы, касьмічнае падарожжа ў стылі 70х: https://youtu.be/ilIj0wdTuYI

Даўно не рабіў нічога па Уладару Пярсьцёнкаў на DunkelSaga. Трымайце, гісторыя пра люстэрка Галадрыель: https://www.youtube.com/watch?v=UlRQ-BdaqBo

https://youtu.be/t1HJJfwwbik?si=VvpduK1c3tLzE8Pd - гэта мы глядзім! Два найулюбёнейшыя падкаста ў адным выпуску!

🔥 Трынаццаты выпуск падкаста Каласы пад сярпом ШІ ўжо анлайн!

Сёння абмяркоўваем, як ChatGPT вучыцца «каяцца» ў памылках і адначасова падсоўвае рэкламу, а Grok ад Ілона Маска злівае адрасы і ўбудоўвае брэнды прама ў кіно. Гаворым пра кітайскі прарыў DeepSeek, вялікае аб'яднанне пад сцягам Linux Foundation і «нейрасеткавы кансіліум» ад Андрэя Карпаты. Вы даведаецеся, чаму вершы сталі хакерскай зброяй, як нейрасеткі ратуюць калядны настрой беларусаў і ці варта баяцца беспрацоўя паводле Эндру Янга. Таксама ў праграме: робаты, якія бегаюць, жартуюць і... зноў кіруюцца людзьмі (Tesla, ну колькі можна?). І на дэсерт — фестываль фэйкаў: ад робата-цырульніка да стральбы ў блогераў.

Слухаем, аналізуем, рыхтуемся: https://www.youtube.com/watch?v=bFzP-q7b05M

Прыемнага прагляду ды праслухоўвання і будзем удзячыя за падпіску, пашырэнні, лайкі ды каментары 😊

P.S. А яшчэ, прайдзіце апытанку ад нашых сяброў, дапамажыце ШІ разумець беларускае: https://sophisticated-question-answering-human-baseline.streamlit.app/?id=random10!

А Сецівіра трохі дый слухаюць!

ЗБІРАЕМ БРАТЭРСТВА!

"Валадар пярсцёнкаў: Дзве вежы" па-беларуску ва Уроцлаве 🎥

Будзем глядзець культавы фільм у беларускай агучцы
ад студыі "Мой родны гук" ❤️

Дрэс-код - пажаданы, але не абавязковы:
прыходзьце ў любых касцюмах або з атрыбутамі персанажаў трылогіі -
эльфійскія вушы, мантыі, лукі, магічныя пярсцёнкі…

Можна быць хобітам з пляшкай піва,
Гэндальфам з доўгай барадой,
Арагорнам з мячом
ці нават Голумам - нічога не забаронена! 😁

🏆 Найбольш адметныя і крэатыўныя вобразы атрымаюць каштоўныя падарункі.

💰 Удзел: данат на пакрыццё коштаў арэнды памяшкання
🍕 З сабой можна прыносіць напоі і ежу!

10 студзеня, 17:00
📍 Клуб PROZA, вул. Przejście Garncarskie 2

“One does not simply miss this party!” ;)

Абавязковая рэгістрацыя:
https://docs.google.com/forms/d/1Ob26zhJupIFjj58Ru-A_8-um5zhN30l8iIyUvtupGjI/edit?chromeless=1

Хоць я амаль не карыстаюся інстою і не маю трэдса, але беларускі інтэрфейс тамака - гэта важна. Падпішыце петыцыю: https://c.org/fBwrDvkY7t