17ª Xuntanza mesa negociación do convenio colectivo de Banca

Asinado preacordo (salarial).
AEB conseguiuno unha vez máis


A CIG non asinou o preacordo salarial porque:

★ Non permite recuperar o poder adquisitivo perdido
★ Non asegura que a futuro non volvamos perder
★ Non garante o cobro do 100 % da suba para todo o persoal
★ Non revaloriza os trienios de antigüidade na mesma proporción que o resto de conceptos de convenio

www.cigbbva.gal/2024/07/xuntanza-17-mesa-negociacion-convenio-de-banca.html

Gallup – 2024
O compromiso de facer a enquisa

Outro ano máis temos diante unha nova enquisa de #Gallup.
Un cuestionario moi importante para a empresa porque valora a propia organización a través das respostas do seu cadro de persoal.

Compañeiras, compañeiros, é o momento da verdade. Non nos deixemos manipular, contestemos á enquisa con honestidade e de acordo coa realidade.

www.cigbbva.gal/2024/10/Enquisa-Gallup-o-noso-compromiso-de-facela.html

BBVA, intelixencia artificial e idiomas cooficiais

Neste momento no que o mundo laboral se transforma a pasos axigantados, os sindicatos que subscribimos este comunicado (SEC, CIG, ELA, Intersindical) sabemos da intención do BBVA de seguir introducindo a intelixencia artificial en todos os seus procesos, tamén nos referentes á selección de persoal.

Non podemos obviar a realidade á que nos enfrontamos desde que se desmantelou o anterior organigrama e modelo de TyC: nas últimas contratacións, as linguas cooficiais, euskera, galego e catalán, quedaron relegadas a un segundo plano. Esta omisión non é só un erro administrativo, senón unha falta de respecto cara á nosa identidade e ás nosas comunidades. En Euskal Herria, Galiza e Catalunya, isto tivo consecuencias tanxibles: o coñecemento dos nosos idiomas converteuse nun requisito invisible.

Facemos un chamamento á dirección do BBVA: reconsideren o seu enfoque nos procesos de selección e no desenvolvemento das súas ferramentas de interface «intelixente» coa clientela. Valoren a riqueza que aporta a diversidade lingüística á nosa organización. É un paso vital para que o BBVA non sexa só un banco, senón un verdadeiro reflexo da sociedade na que nos encontramos. Non deixemos que as nosas voces se apaguen no eco de decisións que nos afectan profundamente. O futuro do BBVA debe ser inclusivo e, sobre todo, auténtico. Estamos aquí, unidos e unidas, para defender os intereses dos e das traballadoras do BBVA e os da nosa clientela.

www.cigbbva.gal/2024/10/BBVA-intelixencia-artificial-e-idiomas-cooficiais.html

#IA #galego #IntelixenciaArtificial

Compañeiro/a,

Despois do infame preacordo de convenio do pasado 23 de xullo (AEB—CC.OO—UGT—FINE) no que nin sequera se chega ao que asinaron eses mesmos sindicatos en Aforro (ex-caixas) e Rurais (con subas salariais para todos os conceptos de convenio, sen cláusula de compensación e absorción, paga adicional pola grande perda acumulada...), vimos de recibir convocatoria por parte da AEB de nova xuntanza da Mesa de Convenio para o próximo martes día 12 ás 17 h, na que indican que presentarán proposta de texto de Convenio.

Lembrar que o preacordo acadado unicamente está referido a aspectos salariais, quedando aspectos moi importantes do convenio aínda pendentes de negociar como son a kilometraxe (en Aforro a 35 cts/km) ou os importes de dietas e medias dietas (en Aforro máis do dobre que os actuais en Banca), entre outros.

Agardemos que despois de ser convocada a mesa con máis de 2 meses de atraso (compromiso da AEB de convocar a primeiros de setembro), os sindicatos asinantes do preacordo non se volvan deixar engatusar por unha Patronal absolutamente avara e volvan loitar por un convenio digno, o que merecemos.

Estamos a tempo!

A grande oportunidade perdida
ᴇɴ ᴀɴᴏs ᴅᴇ ʙᴇɴᴇꜰɪᴄɪᴏs ʀéᴄᴏʀᴅ, ᴀsɪɴᴀɴ ᴄᴏɴᴠᴇɴɪᴏ ᴅᴇ ᴍíɴɪᴍᴏs

Coa sinatura do XXV convenio colectivo, nos termos establecidos por CC.OO, UGT, FINE e a patronal, as persoas traballadoras dos bancos AEB perdemos unha oportunidade histórica de recuperar os nosos salarios e mellorar significativamente as nosas condicións de traballo.

Nunca na historia da negociación deste convenio os bancos gañaron tanto e as persoas traballadoras recibimos tan pouco polo noso esforzo e compromiso.

Xa vimos que no preacordo salarial asinado en xullo, as nosas condicións salariais pactadas son moi inferiores ao asinado no Convenio de Aforro por estas mesmas organizacións, que non foron quen de defender os seus propios límites, botando a perder o esforzo do persoal que apoiamos decididamente a loita por mellorar as nosas condicións salariais e de traballo.

Os asinantes do convenio non foron quen de escoitar o berro do persoal que, consciente da transcendencia do momento, pedía seguir loitando polos seus dereitos dende a unidade sindical …ou non quixeron escoitar

#Convenio@cigbbva #ConvenioBanca

www.cigbbva.gal/2024/11/xuntanza-18-mesa-negociacion-convenio-de-banca.html

25N | Día internacional para a eliminación da violencia contra as mulleres

Óllate no espello, rompe co machismo

O silencio fainos cómplices!
É imprescindíbel manifestar tolerancia cero contra as actitudes machistas

CONTROLAR é violencia.
HUMILLAR é violencia.
INSULTAR é violencia.
RIDICULIZAR é violencia.
ILLAR é violencia.
SOMETER é violencia.
MENOSPREZAR é violencia.
PRESIONAR é violencia.
CHANTAXEAR é violencia.
VIXIAR é violencia.
TOCAR O CORPO sen consentimento é violencia.
ENVIAR OU SOLICITAR IMAXES ou vídeos de contido sexual é violencia.
ACOSAR é violencia.

Participa na mobilización da túa comarca, no acto convocado polo movemento feminista galego durante a xornada do 25N

www.cigbbva.gal/2024/11/ollate-no-espello-Rompe-co-machismo.html

Comité Estatal de Seguridade e Saúde (ᴄᴇss)

O BBVA inclúe o control do RADON na súa prevención de riscos laborais a petición da CIG

A CIG vén reclamando, nas reunións do CESS, de forma recorrente dende hai anos a importancia deste tema, que afecta a practicamente todo o territorio galego

A publicación en xaneiro de 2024 do Plan Nacional Contra o Radon, concreta a obriga de medir en centros de traballo a partires de xuño deste ano

#CESS #Radon #SaúdeLaboral #PrevenciónRRLL

www.cigbbva.gal/2024/11/o-BBVA-inclue-o-control-do-radon-na-sua-PRRLL-solicitado-pola-CIG.html

Para conmemorar está efeméride e reclamar a restauración do texto do himno, consonte ao texto orixinal creado por Eduardo Pondal, convidámoste a participar nos actos que vanse desenvolver este venres, 20 de decembro ás 20 h*, en...

★ A Coruña:
Teatro de Rosalía de Castro
★ Compostela:
Teatro Principal
★ Ferrol:
Centro Cultural Torrente Ballester
★ Lugo:
Deputación *ás 12 h
★ Ourense:
EdF. de Ferro, Facultade Educación
★ Pontevedra:
Biblioteca Pública
★ Vigo:
Auditorio Mar de Vigo


#HimnoGalego #Aniversario117 #Galiza

🗓 Calendario Laboral 2025

Festas locais e nacionais, de carácter obrigatorio e non recuperábel

www.cigbbva.gal/2024/12/calendario-laboral-2025.html


#CalendarioLaboral

Seguimos a perder salario

Aínda que grazas á túa mobilización recuperamos algo de salario, porén seguimos a perder un 9,40 % vía convenio.

No período 2010—2023 o IPC subiu un 27 % e os salarios por Convenio un 16,25 %. 

O certo é que no ano 2024, despois dunha folga de sector convocada pola CIG en Galiza (que non foi secundada polos sindicatos estatais) e dunha folga posterior en todo o Estado (que si foi apoiada pola CIG), ambas con amplo seguimento no noso territorio, os salarios subiron por convenio un 4,25 % e o IPC pechou nun 2,8 %, polo que a recuperación salarial para ese ano foi cativa, dun 1,45 %. 
[...]
O persoal, secundando as mobilizacións iniciadas pola CIG no sector, demos a batalla e cambiamos por primeira vez o discorrer da negociación, malia que outros, coma sempre, claudicaron á primeira de cambio, renunciando a recuperar máis salarios e avanzar en dereitos.

www.cigbbva.gal/2025/01/seguimos-a-perder-salario.html

Compañeira/o,

Ao Comité de Empresa Provincial de Lugo de BBVA foille facilitada información e documentación (Informe da Inspección Provincial de Traballo e Seguridade Social de Lugo) en relación a denuncia por acoso laboral acontecida nesta provincia, que consideramos de relevancia e trasladamos.

A este respecto a Inspección de Traballo informou que

Una vez recaba toda la información posible, de lo constatado en la visita, comparecencia y documentación aportada, por parte de la actuante se entiende que no hay suficientes pruebas de peso e importancia para considerar que el comportamiento del responsable y director de la oficina del BBVA pueda calificarse como «acoso laboral». No obstante, se ha podido constatar y se ha advertido a la empresa de las siguientes irregularidades:

1.— Se ha requerido a la empresa para que actualice su evaluación de riesgos psicosociales del centro de trabajo
2.— La empresa tiene un trabajador, que, sin intención de perjudicarlo por parte de la actuante, debe de cambiar su conducta y actitud hacia los trabajadores, ya que se
ha podido constatar a través de varias declaraciones, que siempre ha sido un trabajador con responsabilidad que trabaja de forma «dura al decir las cosas», de «trato malo», con «forma de comportarse no adecuada» y «no trata bien a los trabajadores».
3.— Se ha constatado que la empresa ha atendido a la denuncia de una trabajadora mediante la activación del protocolo de acoso laboral de forma tardía y dilatando el procedimiento, debido a que la trabajadora puso en conocimiento su denuncia en fecha 20 de marzo de 2024, y la empresa hasta el 4 de junio de 2024, no inicia la instrucción del expediente de investigación.

Este Comité é igualmente coñecedor de diversas manifestacións feitas polo superior do denunciado (DCBC) en datas posteriores á remisión do Informe da Inspección de Traballo, tales como «la inspección salió bien» o «fue sobreseido», coas que está en absoluto desacordo este Comité, tanto na forma (feitas en distintas reunións de negocio con colaboradores) como no fondo. Considera este Comité que, se non malintencionadas, cando menos non se adecúan á realidade.
Infórmase tamén ao Comité de que, ante os feitos ocorridos e o dano que estes lle causaron e aínda lle causan, a compañeira denunciante presentou demanda ante os Tribunais de Xustiza, á espera de celebración de xuízo.

Por último, sinalar de xeito nítido que este Comité considera intolerábel calquera forma de acoso ou maltrato no ámbito laboral e que ninguén ten porque sufrilos. Así como calquera actuación encamiñada a eliminar ou reducir a importancia dos mesmos, sexa mesmo da propia empresa ou doutros/as traballadores/as (superiores…).
E que o Banco debe tomar medidas contundentes e exemplarizantes contra os/as acosadores/as e maltratadores/as laborais e quen amparan ou incluso incentivan eses comportamentos.

Este Comité amosa un apoio firme a quen dá o necesario paso de denuncialos. De sufrires acoso ou maltrato laboral non o cales, asesórate e denúnciao.

No BBVA, tolerancia cero fronte o acoso e o maltrato laboral.

Comité de Empresa Provincial de Lugo no BBVA.

#NonAoAcosoLaboral #NonAoAcosoNoBBVA@CIGBBVA #Lugo