Os elfos volverán falar galego grazas ao traballo que leva desenvolvendo A Mesa durante estes dous anos.

📽️ O audiovisual é un piar fundamental para a normalización lingüística, por esta razón dedicamos todos os nosos esforzos para conseguir éxitos como este.

As plataformas de streaming están a dobrar e lexendar os seus contidos ao galego porque a sociedade galega reclamou a través da #IniciativaXabarín termos contidos na nosa lingua. Se asinaches nalgún dos puntos de recollida de sinaturas, este éxito tamén é teu 🥰

Isto non sería posíbel sen os socios e socias da Mesa, que cada ano axudan a esta organización a desenvolver estas campañas. ‼️ Un traballo necesario que fai a sociedade civil ante a falta de iniciativa da Administración.

Fas máis falta que nunca!

ASÓCIATE [+info] ❤️

Compañeira/o,

O pasado 27 de agosto do 2022 abriuse o prazo para solicitar as axudas á conciliación da vida familiar e laboral como medida de fomento da corresponsabilidade para quen se acolla á redución da xornada de traballo por coidado de crianzas menores de tres anos (ou menor de 12 se padece unha discapacidade igual ou superior ao 33%). A axuda está destinada aos homes (no caso de unidades familiares non monoparentais) e no caso de unidades familiares monoparentais á persoa que forme parte da unidade familiar, con independencia do seu xénero.

O prazo ficará aberto ata o 26 de setembro de 2022. Podes tramitala en liña na ligazón:
https://sede.xunta.gal/detalle-procedemento?codtram=SI440A

Lembra que a redución de xornada terá que ser de polo menos o 12,5 % da xornada, e que o período máximo subvencionable, continuado ou fraccionado, será de oito meses comprendidos entre o 1 de xullo de 2021 e o 31 de xullo de 2022, ambos os dous inclusive. Para determinar o período subvencionable, computaranse todos os períodos traballados con redución de xornada nos que se cumpran os requisitos entre o 1 de xullo de 2021 e o 31 de xullo de 2022, ambos os dous inclusive, co límite máximo de oito meses.

Saúdos!

Información 7ª xuntanza Negoción Plan de Igualdade BBVA




Compañeira/o,

Nesta fase da negociación, seguimos a valorar as propostas da empresa en distintos bloques. Son propostas que veñen de menos a máis pero que aínda están por pechar. Cunha fonda distancia sobre o proposto por CIG e o resto da Representación Sindical.

Resumimos o máis salientable:

COMUNICACIÓN, LINGUAXE E IMAXE. Compromiso de revisión previa da documentación interna e externa para garantir o uso dunha linguaxe non sexista e inclusiva.

FORMACIÓN. Acollendo a peticións sindicais de sempre, comunican a medida de XOVES DE TARDE PARA FORMACIÓN NA REDE DE OFICINAS. Preguntamos polo resto de horarios pero, de momento, está pensado para persoal de xornada continuada rede. Se hai xornada partida, adicarase ese tempo para a formación. Pediremos aclaración.

PARELLAS DE FEITO. Equiparación total a todos os efectos, tanto para o recollido no Convenio Colectivo como para o Plan de Igualdade.

VIOLENCIA DE XÉNERO. Incrementan os prazos facilitados en convenio para estos casos pero sen querer afondar en compromisos que supoñan cartos. Valórase o teletraballo nestes casos.

PROTOCOLOS DE ACOSO. Debátese sobre o papel sindical de acompañamento no proceso, de ter unha figura de igualdade con capacitación neste eido e sobre a inclusión ou non de acoso por parte da clientela, ademáis do resto de supostos. Do Protocolo de Acoso Laboral, fala a empresa de tratalo noutro foro, non aquí.

LICENCIAS:

-Novo Permiso Médico de 10 horas en formato bolsa de horas.

-Morte, fálase de incluír o falecemento do cónxuxe/parella de feito. Aumenta o permiso de morte de familiares ate 3 días. (morte, accidente ou enfermidade grave, hospitalización, ciruxía sin hospitalización). 3 días lab.+2 (pernocta).

-Novo permiso polo tempo imprescindible, cun máximo de 20 días lab. para acompañamento de crianzas en tratamento oncolóxico (exclusivamente).

-Nova licencia de 3 Meses sen soldo, para procesos de adopción no extranxeiro.

-15 días lab. por morte de descendentes + 2 (pernocta).

PROTECCIÓN DO EMBARAZO

-Posibilidade de reducir o tempo das comidas a media hora a partir da semana 25 de embarazo.

-Permiso retribuído para entrar ou saír media hora máis tarde ou máis cedo, a partir da semana 35 de embarazo.

-Posibilidade de fraccionar o tempo de lactación a un máximo de 2 períodos de ½ hora na Entrada ou Saída ate o 9º mes.

-Flexibilidade para as persoas con fillo/as até 3 anos de Entrada ou Saída de 1 hora ou duas ½ horas durante a primeira semana do curso escolar. Tempo recuperable durante os 4 meses seguintes.

-Inclusión de menores en acollida permanente para o cobro da axuda de descendentes.

DISCAPACIDADES

-Menores en acollida cobran a axuda familiar por discapacidade. Acollida permanente.

-Novo permiso retribuído por nacemento de fillo/a con discapacidade igual ou sup. ao 33%. Tamén para caso de adopción de menor de 5 anos con ese grao de discapacidade ou superior. O permiso é por 30 días naturais e valorarán que se podan disfrutar en períodos de 5 días dentro dos 3 primeiros anos dende o nacemento ou adopción.

-Nova licencia de 3 MESES sin soldo por nacemento ou adopción de crianza con discapacidade a partir do 33% . A disfrutar en períodos de 1 Mes durante os 3 primeiros anos de idade ou do proceso adoptivo. Poden engadirse ás vacacións reglamentarias.



A empresa manifesta que estas medidas e licencias son xa de máximos pero dende a RLT insistimos que valoraremos os textos falados hoxe, que nos aportarán en breve, e se insistirá nas medidas que estimemos irrenunciábeis.

A vindeira xuntanza, de xeito presencial en Madrid, será o martes 27 de setembro.


Saúde.

#PlanIgualdade

Compañeira/o,


Onte, martes 27 de Setembro, mantivemos a 8ª Xuntanza da Mesa de Negociación do Plan de Igualdade. Desta volta, en presencial en Ciudad BBVA.

Vimos de debater e tratar de rematar o Bloque 1 e 2A, tratado en anteriores xuntanzas. Con algunha nova proposta por parte da empresa e asumindo parte (pero moi pouco) das plataformas sindicais.

Como avance, acordamos que as medidas do Plan sexan efectivas dende o momento en que se chegue a un acordo entre as partes.


BLOQUE 1

- CULTURA E SENSIBILIZACIÓN: Propostas moi vagas e carentes de concreción. Máis declaración de intencións que medidas concretas. Pido feedback por parte da plantilla como indicador de seguimento das medidas a través de enquisas periódicas: ben acollido pero silencio administrativo como resposta.

- LINGUAXE: Faremos proposta para o seguimento na revisión da linguaxe non sexista a petición da empresa.

- FORMACIÓN: A Recertificadora, como novidade, suspenderá os prazos durante os permisos de maternidade/paternidade no relativo a re e certificacións obrigatorias.

O Acceso ao Campus durante situacións de excedencia, etc, será estrictamente voluntaria para toda a plantilla. Non queren falar de consumo de TET en formación, nin de Pegada Horaria dos cursos de formación no Rexistro Horario.

- PROTOCOLOS DE ACOSO: non queren entrar a negociar o Protocolo de Acoso Laboral nesta Mesa. Irá a partir da sinatura do Plan de Igualdade. Resto de Protocolos, entran na parte de Acoso por parte da Clientela, cuestión abordada pola CIG en solitario dende a primeira Mesa do Plan e agora xa asumida polo resto da representación sindical desde o momento en que a empresa “compra o argumento”. Pero con moitas reticencias aínda. Pasarán novo texto e valoraremos.

Sanción directa ante calquera caso constatado de acoso: despido disciplinario. Non son tan directos no caso de Acoso por Clientes.

VIOLENCIA DE XÉNERO: Non a máis reducción de xornada retribuída a máis de 12M e non a dar axuda de vivenda no traslado de 24M máximo.


BLOQUE 2A-LICENZAS

- PERMISO MÉDICO: bolsa de 10 horas. Non para outras cuestións (como p.e. cuestións administrativas, como pediamos). Moi cuestionado por escaso.

- Cómprannos como medida de corresponsabilidade, a posibilidade de permiso retribuído para acompañamento para exames prenatais.

Novas Medidas:

- Ampliación ate os 12 meses para pedir a acumulación de lactación (9M).

- Posibilidade de compactar a xornada partida en continuada, tras incorporación da baixa por maternidade/paternidade ou proceso de adopción ate os 12 Meses da crianza ou da adopción.

- Posibilidade de xornada continuada ou comidas de media hora ou menos para persoas traballadoras con crianzas con discapacidade igual ou sup. O 50%.


Seguiremos avanzando e pechando estes bloques, pero xa avanzan o seguinte para a xuntanza de outubro: Excedencias, Reducións de Xornada e Medidas de Flexibilidade.

Seguiremos informando.



Carmen García
Compoñente da Mesa de Negociación pola CIG

#PlanIgualdade

Compañeira/o,

Como xa saberás, hoxe o Banco informounos dun novo chanzo no traspaso dos Contigo ao CSE nesta DT Noroeste, a efectivizarse no vindeiro mes de novembro. Afectando a persoal dos Contigo das 9 CBCs da Zona Galicia-Norte (A Coruña-4 Caminos, A Coruña-Cantón, Betanzos, Carballo, Ferrol, Lugo, A Mariña, Santiago e Vilalba) e tamén das 9 CBC,s da Zona Castilla-Sur.

Non nos comunican a creación de novas ubicacións físicas de CSE nesta DT Noroeste (o que si ocorreu en 3 DT,s -Centro, Sur e Cataluña-) e salientan que a adscrición ao CSE polo persoal afectado dos Contigo farase baixo a premisa de VOLUNTARIEDADE.


Ante isto queremos lembrar:
- @s compañeir@s afectad@s que se lles ofreza o traspaso de Contigo a CSE, a adscrición será TOTALMENTE VOLUNTARIA, haxa ou non mobilidade xeográfica. A non aceptación implicará a recolocación nun posto de traballo dentro do radio dos 25 kms.
- A posibilidade de desestimento en calquera momento das condicións de Contigo, sendo recolocado o/a traballador/a nun centro de traballo con horario continuado no radio dos 25 kms nun prazo máximo de 3 meses.


Ante calquera dúbida ou consulta, ou se es persoal afectado, contacta con calquera delegad@ da CIG ou a través do correo desta sección sindical.

Estamos á túa disposición.

A TOXA POLO SEU NOME

O Tribunal Superior de Xustiza de Galiza vén de resolver a favor da Mesa o recurso interposto contra a decisión da subdelegación do goberno de prohibir a denuncia pública da deturpación do nome lexítimo da Toxa. [+info]

A Mesa chama a mobilizarse o vindeiro 29 de setembro ás 19:00h no paseo do Mar (dentro da illa) contra a deturpación do nome da Toxa.

📌 Ver punto de encontro aquí.

Axúdanos a compartir a noticia:
• No muro de Facebook.
• Nun chío en Twitter.
• Nunha historia de Instagram.

Por que hai que rexistrar correctamente a xornada?
Consecuencias de rexistrala mal

www.cigbbva.gal/2022/10/rexistra-correctamente-a--tua-xornada.html

Chegou o momento de ir á FOLGA,
temos dereito a defendernos colectivamente!!!

www.cigbbva.gal/2022/10/chegou-o-momento-de%20ir-a-folga.html

A folga debe ser dos cadros de persoal, sen siglas sindicais

www.cigbbva.gal/2022/10/chegou-o-momento-de%20ir-a-folga-sen-siglas-sindicais.html

Mobilización da CIG para demandar a actualización dos nosos salarios

Manifestación e concentracións en 16 bancos de Santiago.

O vindeiro domingo 6 de novembro, ás 12h. desde a Praza Roxa de Compostela, distintos colectivos sociais, entre eles o BNG, temos convocada unha manifestación por uns medios públicos de comunicación ao servizo do pobo galego, non do PP.

ABONDA XA DE MANIPULACIÓN!

Participa! ✊

A CIG-Banca mobilízase en Vigo polo dereito de conciliación, contra os despidos e pola actualización salarial

Desenvolveu concentracións diante dos xulgados e ás portas das principais entidades financeiras

www.cigbbva.gal/2022/11/manifestacion-en-Vigo-reivindicando-subida-salarios.html

Compañeira/o,

O pasado día 2 de outubro, celebrouse en Madrid unha nova xuntanza da Mesa Negociadora do Plan de Igualdade en BBVA. Nesta fase estase tratando Excedencias, Flexibilidade e Reducións de Xornada. O Banco dá por pechado todo anterior e a RLT negamos ese argumento. Por parte da CIG, discrepamos xa da DIAGNOSE, aprobada unha vez máis por consenso pero sen a información mínima obrigatoria. Finalmente, a empresa ante a reiterada petición de documentación das partes non asinantes, comprométese a trasladala.

Na xuntanza de outubro, a empresa aportou un documento de mínimos e a Representación Sindical, traslada as súas valoracións e peticións segundo as plataformas de cada Sindicato.

A nosa proposta salienta a importancia das medidas de flexibilidade que permitan que o persoal non teña que rebaixar salario e expectativas de carreira, e deixar as reducións de xornadas ou as excedencias só para situacións excepcionais. O obxectivo é favorecer a corresponsabilidade sen lastrar a carreira profesional de ninguén, normalizando estas medidas.

FLEXIBILIDADE CIG:

Acceso ao teletraballo para toda a plantilla, por motivos de saúde ou coidados de descendentes ou ascendentes.

Acceso ao teletraballo en calquera horario a partir das 15 horas.

Fomento da flexibilidade e autonomía na organización da propia axenda.

Persoal en formacións ou xuntanzas con traslado e chegada despois do remate da xornada ordinaria, posibilidade de entrada até unha hora máis tarde sen recuperación.

A Empresa fala de rebaixar até 1/2 hora as comidas en REDE os xoves, e pedimos o mesmo para toda a plantilla en calquera horario partido.

O Banco baixa a 5 horas de xornada os días de Nadal (24 e 31 decembro e 5 xaneiro). Medida obrigada por sentenza xudicial tras demanda da CIG (TSXG) que obrigou á empresa a regular o que xa se facía por costume. Pedimos que sexan o venres anterior, se os días de Nadal caen en fin de semana.

O Banco, hoxe aporta unha nova medida para persoal con Xornada Flexible e Flexible Singular, que poderá optar a vontade entre xornada partida ou continuada de 15/06 a 15 /09. Xa nos esquecemos de ter que volver pola tarde a gravar un minuto de xornada. Viva a sensatez!

REDUCIÓNS DE XORNADA CIG:

Reducións de Xornada para coidado de menores de idade e tamén para colectivos “sensíbeis” con mellora da obriga legal.

Concreción horaria sin limitacións por parte da persoa traballadora que pide a R.X. (Eliminar o mínimo de hora e media para facer X. Continuada). Xa en xurisprudencia. MÍNIMO ELIMINADO

Eliminación de mínimos dun mes para as petición de RdX. Xa obriga legal.

Proposta de semanas de 4 días ou R.X. fora da xornada ordinaria da persoa traballadora.

Pedimos R.X por baixo dos mínimos legais de 1/8, por motivos distintos aos legais.

O Banco tras repensar a súa proposta inicial de permitir a RX até que a crianza remate o curso escolar onde cumpriu os doce anos, déixao sen cambios. Falan tamén de flexibilidade na Entrada para persoal en RX ate máximo de 2 horas, que disque xa se estaba a facer.

EXCEDENCIAS CIG:

Propoñemos unha excedencia voluntaria de até 6 meses, con garantía de retorno na mesma praza e mínimo dun mes. E solicitamos coberturas estábeis de todas as excedencias, das RdX e Incapacidades Temporais.

A Empresa mellora as excedencias por coidado de fillo ou familiar, que teñen reserva de posto de traballo durante un ano. Indican que a partir dese primeiro ano, a reserva quedará referida a un posto de traballo do mesmo grupo profesional no mesmo municipio.

O Banco, na xuntanza de hoxe, fala de mellorar o compromiso de cobertura das maternidades do Plan 2010 e amplía a suspensión de proxenitor distinto da nai biolóxica, excedencias, baixas e Reducións de Xornada. Sempre dentro do menor prazo posible, sobre todo en oficinas de menos de 4 persoas. Evitan falar de obrigatoriedade para a empresa, para evitar “demandas por incumprimentos”. Falamos da valiosa aportación do grupo de Asociados e Task Force, que semella especies en vías de extinción pola merma tan acusada nos equipos. A empresa toma nota e tamén fala de contratos de substitución.

Toda a Rep. Sindical valora as melloras pero seguen a ser moi escasas. A empresa fuxe de meter o Teletraballo no Plan de Igualdade e o reserva para o Plan de Persoas, coa escusa de que non debe malinterpretarse como medida de conciliación, senón de flexibilidade. Pois si, pero non!

Non falemos das Adaptacións de Xornada, porque din que corremos o perigo de que cada quen queira un horario particular e somos máis de 20.000. Pero, cando pedimos unha ferramenta de Autoservizo para as Reducións de Xornada, din que nones porque como temos máis de 60 tipos de xornada (SIC) as consultoras piden importes astronómicos para comenzar a falar do tema. Poñemos sobre a mesa a incongruencia dunha cousa e da contraria e lembramos que estamos moi a favor dun só tipo de xornada, A XORNADA CONTINUADA que para iso está regulada en Convenio.

Tamén solicitamos toda a Rep. Sindical o fin da inxustiza do tratamento das Reducións de Xornada na ferramenta de produtividade, dos mínimos para chegar ao incentivo. E acordan darlle unha volta, veremos...

Nova xuntanza en telemático o 21 de novembro.


Carmen García
Compoñente da Mesa de Negociación plar CIG


#PlanIgualdade

Compañeira/o,


Cunha orde do día con 20 puntos, pasamos a resumir o que deu de si esta nova xuntanza do Comité Estatal de Seguridade e Saúde de BBVA en formato híbrido (metade na Vela e metade en telemático).


Novidades: volve a auga ás oficinas e a empresa vainos poñer axuda psicolóxica 24 h.


Despois de que toda a Representación Sindical afease que a empresa quitara a disponibilidade de auga nos Centros de Traballo, agora, o Banco dá un paso atrás e dentro duns meses nas oficinas con menos de 10 persoas haberá bidóns de auga reciclábeis e nas sucursuais con máis persoal, fontes de auga.


Dende Servizos Médicos e PRL, anuncian un piloto dun ano que está en fase de compras. Persoal licenciado en Psicoloxía a nosa disposición 24/7. Algún proveedor oferta dar servizo a familiares e achegado/as. Din que todo totalmente anónimo e fóra do sistema do banco, que non teremos que dar o noso nome e a empresa só terá aceso a datos estadísticos agregados.


O tema da auga foi reclamado por todos os Sindicatos dende que chegaron as famosas botellas de recheo. Benvido o sentido común! E algún xa saíu anunciando a paternidade da solución.


O tema psicolóxico, non digamos, pero a nosa reclama vai de eliminar ou minimizar as problemáticas derivadas de sobrecargas de traballo, carga mental, liderazgos do novecento… De tumbar un sistema que non avalía riscos psicosociais. Non queremos paliativos, queremos prevención.


O banco, din que está moi volcado co benestar do persoal e anuncian Conferencias e Talleres de xestión da ansiedade e hixiene no sono. Máis adiante, serán outros os temas. Comezan co importante.


Do resto da sesión:


Cambiou o protocolo Covid para positivos, pero insisten en mandar en teletraballo como medida. Agora no escrito, só aparece como recomendación e pedimos voltar ao anterior redactado para evitar confusións. Servizos Médicos indica que si se lles chama, eles indican teletraballo (se estás para traballar) por sentido común e responsabilidade cos demais, pero o redactado queda.


Rexistro de persoas conflictivas, Seguridade do banco insiste que ante calquera ameaza, agresión ou personas que xeren conflito, PULSADE A ALARMA. O Rexistro de Persoas Conflictivas está aumentando (1371 casos a setembro vs mil e pouco do 2021). Ante unha conflictividade extrema , o Banco pode mandar persoal de seguridade durante un tempo e valorarán outras medidas.

CSE E CONTIGO: os cascos que non cancelan ruído, son de cancelación de ruído. Así que de momento son os que hai. No folleto di que cancelan ruído, aínda que o persoal de CSE e Contigo di que semella que estean no bar. A empresa fala de que van tentar de eliminar o molesto pitido de entrada de chamada e que o resultado do piloto, deixou 30´´ entre chamada e chamada.

O resto do persoal, poderemos nun futuro non moi lonxano , pedir cascos novos dende aprovisionamento. Tamén un alzador para o portátil. Se non o temos, hai que usar monitor e teclado. Non facelo vainos traer problemas de costas.


Con máis da metade dos temas sin tratar, axendamos outra Xuntanza para o 11 de Novembro.

Carmen García
Delegada da CIG pola Coruña


#CESS

Información 10ª xuntanza Negoción Plan de Igualdade BBVA




Compañeira/o,

Xuntanza telemática na que seguimos a traballar sobre o documento relativo ao Bloque de Flexibilidade, Excedencias, Reducións de Xornada e Traslados.

O Banco non aportou a información relativa ao Diagnóstico Retributivo comentado na xuntanza do 3 de Novembro. Volto a reclamalo.

A Representación Sindical coincide en considerar moi insuficientes as medidas aportadas e con leves matices, os comentarios son en xeral similares.

En concreto, comento que as medidas a proposta da Empresa son maioritariamente recollidas da realidade do Banco ou da Xurisprudencia, polo que botamos en falla máis ambición e avance para un Plan de Igualdade de calado.

Non podemos deixar fora a Adaptación de Xornada, cando debería ser a medida estrela do Plan e asumimos a petición dun Protocolo . Debería estar priorizada como elemento de Flexibilide, evita rebaixas salariais e favorece a carreira profesional. Con flexibilidade na Entrada/Saída vinculada a situacións familiares, de saúde, de coidados…

No mesmo senso da Flexibilidade, non podemos deixar fora o teletraballo dentro das posibilidades de cada Rol, para a formación por exemplo, pero tamén en base a casuísticas de saúde ou coidados,… Si esta organización teletraballa, ten que aparecer no Plan de Igualdade.

Os días de Nadal, recuperados pola CIG nos tribunais, seguimos a insistir en engadir que se aplique ao día laboral anterior no caso de caer en fin de semana.

No relativo ás Reducións de Xornada, pulamos por non limitar o dereito e admitir peticións por % inferiores os mínimos legais e fora da xornada ordinaria. Non ten sentido que a RX sexa un corsé si a persoa traballadora pode organizarse con menos tempo de redución ou con medidas de flexibilidade. A proposta de doce anos, a valoramos como o mínimo do mínimo como mellora cando noutras entidades xa están en 14 anos ou máis. E en ningún caso, podemos limitar o dereito da RX nun mínimo dun mes. Mesmo a petición dun día de RX debería ser posible.

Nas Excedencias, a mellor opción é asimilar a suspensión das recertificacións durante todo o período, xa conseguido para as suspensións para maternidade/paternidade/adopción e acollemento unha vez entre en vigor o Plan. Tamén queremos que se sume todo o cómputo da excedencia para coidados na medida proposta pola Empresa de subida de nivel.

Traslados por causas extraordinarias ate 18 meses: Non podemos asumir un caso por provincia como tope. Hai que levalo como moito a nivel sucursal.

Como únicas novidades:

O Banco fala de que no 1º ano de excedencia por coidado de descendentes, o persoal cobrará igualmente a axuda de crianzas (axuda de libros). Pero o desliga da axuda de discapacidade, cousa que reclamamos.

O Banco está valorando ampliar a posibilidade da xornada partida flexible/singular a outros colectivos inda por definir. Queremos entender que isto vai no senso de poder aplicar a medida de facer xornada continuada de xuño a setembro por parte desos colectivos.
A seguinte xuntanza, queda sin adiar ate xaneiro.


Carmen García
Compoñente da Mesa de Negociación pola CIG


#PlanIgualdade