Comezaremos un proceso de mobilizacións para demandar unha actualización salarial

www.cigbbva.gal/2022/04/mobilizacion-da-CIG-demandando-actualizacion-salarial.html

O Telegram gústanos moito porque, a diferenza doutras apps de mensaxería, pódese configurar en galego.

Tan só debes premer aquí para configurar a túa conta de Telegram.

- A Mesa -

28 de ABRIL
Xornada reivindicativa
Se soben os prezos, teñen que subir os salarios!

www.cigbbva.gal/2022/04/28-abril-xornada-reivindicativa.html

Intensa xornada reivindicativa da CIG–Banca

Manifestación pola Coruña con numerosas concentracións diante das sucursais bancarias

www.cigbbva.gal/2022/05/manifestacion-en-Coruna-reivindicando-subida-salarios.html

En galego agora e sempre.
Por un novo futuro para a lingua!

♥️ QUEREMOS GALEGO ♥️

Maniféstate pola lingua!
Este 17 de maio de 2022, volveremos a encher as rúas de Compostela.

O compormiso e a acción da sociedade demostran diariamente que a situación da lingua pode mudar. Contamos contigo!

✍️ ASINA O MANIFESTO



Lembra que podes utilizar o #galego no Telegram, premendo nesta ligazón

Nova xornada reivindicativa da CIG–Banca

Manifestación por Ourense e concentracións diante das sucursais bancarias

www.cigbbva.gal/2022/05/manifestacion-en-Ourense-reivindicando-subida-salarios.html

Compañeira/o,

Vimos de ser informadas/os de que, por agora inicialmente, o Plan de Converxencia de Contigo a CSE afectará nesta DT Noroeste á Zona Asturias.

Serán un total de 20 persoas ás que se incorporarán ao novos centros CSE que se establecerán en Oviedo (Covadonga e Mendizábal), afectando ao persoal de Contigo das 7 CBC,s desa Zona Asturias. Persoal ao que o Banco xa lle está comunicando a posibilidade de que VOLUNTARIAMENTE modifiquen as súas condicións laborais pasando de Contigo a CSE a partir do vindeiro mes de xullo.

En todo o Estado, ademáis da DT Centro onde se iniciara anteriormente este Plan de Converxencia (igual que nas DT Catalunya e Este) incorporándose no mes pasado 2 novas zonas e 2 áreas comerciais de Contigo de Catalunya que darán servizo tamén á DT Centro, afectará agora a un total de 173 traballadoras/es:
- Na DT Canarias: 18 traballadoras/es afectadas/os (1 zona, 4 cbc,s) con nova ubicación en Las Palmas
- Na DT Catalunya: 56 traballadoras/es afectadas/os máis (3 zonas, 19 cbc,s)
- Na DT Este: 30 traballadoras/es afectados máis (2 zonas e 11 cbc,s)
- Na DT Noroeste: 20 traballadoras/es afectadas/os (1 zona, 7 cbc,s) con novas ubicacións en Oviedo
- Na DT Norte: 15 traballadoras/es afectadas/os (1 zona, 7 cbc,s) con nova ubicación en Bilbao
- Na DT Sur: 34 traballadoras/afectadas/os (4 zonas, 11 cbc,s) con novas ubicacións en Sevilla e Málaga

Sen dispoñermos de datos exactos, podemos estimar que a partir do mes de xullo formarán parte dos CSE no conxunto do Estado arredor de 1.000 persoas (varios centos inicialmente nas DT Catalunya, Centro e Este + 523 persoas acordo ERE + 173 persoas a incorporar no vindeiro mes de xullo), arredor do 8% do persoal da rede comercial do Banco.

Ante esta clara aposta do Banco polo traspaso de clientela do modelo Contigo ao modelo CSE e a implicación que para o persoal dos Contigo (agora en dependencia CBC) poida ter pasar a formar parte dos CSE (en dependencia Zonas Contigo) queremos lembrar:
- A posíbel adhesión ás condicións CSE será TOTALMENTE VOLUNTARIA, haxa ou non mobilidade xeográfica. No caso de amortización de posto de Contigo implicará a recolocación noutro posto de traballo dentro do radio de 25 kms (convenio colectivo banca).
- Posibilidade de desestimento en calquera momento das condicións de Contigo, sendo recolocado o traballador/a nun centro de traballo con horario continuado no radio dos 25 kms nun prazo máximo de 3 meses.

Ante calquera dúbida ou consulta, contacta con calquera delegada/o da CIG, Telegram ou correo electrónico. Estamos á túa disposición.

Reunión de traballo sobre a Lei de creación da Autoridade Independente de defensa do cliente financeiro

O 2 de xuño a CIG Banca mantivo unha reunión de traballo cos deputados do Bloque Nacionalista Galego (BNG), Néstor Rego e Ramón Fernández (no Congreso e no Parlamento Galego, respectivamente), ante o impacto do anteproxecto de lei do Ministerio de Asuntos Económicos.

[Seguir lendo]

www.cigbbva.gal/2022/06/xuntanza-de-traballo-lei-autoridade-independente-defensa-clientela.html

ERE, mentiras e novas contratacións

Cando o BBVA puxo en marcha o ERE, o cadro de persoal apoiou as medidas de presión para evitar os despedimentos e os traslados forzosos. Todos e todas sabiamos que nas oficinas faltaba persoal, que se facían (e fan) horas extras non recoñecidas día si e día tamén ou que a sobrecarga de traballo é un grave problema que afecta a nosa saúde.

[Seguir lendo]

www.cigbbva.gal/2022/06/ERE-mentiras-e-novas-contratacions.html

Afrontamos recortes perpetuos, dado que non se actualizan as táboas salariais

www.cigbbva.gal/2022/06/afrontamos-recortes-perpetuos-por-non-actualizar-salarios.html

Delegadas e delegados da CIG protagonizaron na mañá do mércores 15 de xuño, en Compostela, unha asemblea nacional e unha manifestación que percorreu o centro da cidade para rexeitar as medidas que están aplicando os gobernos de Sánchez e Rueda para enfrontar a carestía da vida e que están provocando un maior empobrecemento da clase traballadora. Unha situación fronte á que, o secretario xeral da CIG, Paulo Carril, exixiu políticas públicas e salarios dignos ante a imparable escalada de prezos dos produtos de primeira necesidade. [Máis info]

Vimos de ser informados de acordo da Comisión de Seguimento do ERE (integrada polos asinantes CCOO-ACB-UGT e o Banco) polo que 83 persoas en todo o Estado afectadas polos traslados obrigatorios do ERE (por peches de oficinas, CSE, Task-Force) poderán optar ao achegamento á súa praza de orixe, 11 delas en Galiza (5 na Zona Norte e 6 na Zona Sur), pola cubertura dos novos postos creados.

Estes 11 novos postos a cubrir de Xestor/a Comercial, Xestor/a Comercial Mixto ou Xestor/a Comercial Apoderado/a en Galiza estarán ubicados nas oficinas de Vilalba, Viveiro, Burela, Cedeira, Ordes, A Estrada, Monforte de Lemos, Baiona, Verín, Cambados e Pontevedra-Guitierréz Mellado.

Dos varios centos de persoas trasladadas forzosamente no Estado e ducias en Galiza só 83 e 11 persoas, respectivamente, terán a opción a achegarse á súa localidade de orixe. E só a esas 11 oficinas concretas. 

Isto non vén máis que a ratificar novamente que o ERE asinado no Banco foi ademais de inxusto, inxustificado. Con despedimentos e traslados forzoso sen razón de ser. Por parte da CIG seguiremos a loitar para que estas situacións non volvan a acontecer.

A seguir, o texto literal do acordo que nos foi trasladado

.

Se queremos revisión salarial, hai que moverse

Manifestación por Lugo e concentracións diante das sucursais bancarias

www.cigbbva.gal/2022/06/manifestacion-en-Lugo-reivindicando-subida-salarios.html

PLAN IGUALDADE BBVA


Despois das reunións celebradas en datas de 23 de Maio e de hoxe 28 de Xuño, a fase de Diagnose segue sen pechar.

Na anterior xuntanza da Mesa a Empresa e algún Sindicato estatal quixábanse de perda de tempo. O certo é que non hai avance significativo pola ausencia de traslado da información que pedimos desde a parte sindical en relación á cuestión salarial.

Ao respecto da xuntanza de hoxe, o Banco adiantou o pasado xoves un documento coas conclusións da fase de Diagnose para poñer en común na Mesa.

Por parte da CIG manifestamos que non consideramos que a fase de Diagnose se faga cumprindo a normativa vixente ao respecto, especialmente na parte correspondente a POSTOS DE IGUAL VALOR, REXISTRO RETRIBUTIVO E AUDITORIA SALARIAL.



POSTOS DE IGUAL VALOR

Reclamamos a correspondencia co Organigrama da Empresa que non se facilita até o momento. Só quedou clara a existencia dunha rede de araña de 457 postos na REDE (duns aprox. 500 roles que indica a empresa) e a existencia duns 263 conceptos retributivos. Se non se traslada a información, non podemos chegar a conclusión sobre a fenda salarial. Mais o Banco xa moveu ficha cun novo MAPA DE ROLES e un SISTEMA DE REVISIÓN SALARIAL que, nin foi consensuado, nin foi explicado á Representación Sindical.

Se non coñecemos o Mapa de Roles anterior e descoñecemos o novo, non é posible facer un seguimento.



REXISTRO RETRIBUTIVO e AUDITORÍA SALARIAL

Dende CIG seguimos a reclamar a información correspondente a parte de Variable (CP e CVP) entre outras cuestións para poder pechar a Diagnose, ademais de diversas valoracións do documento aportado. SEN REXISTRO RETRIBUTIVO NIN AUDITORÍA SALARIAL NON PODEMOS TER UNHA DIAGNOSE. Se non se traslada a información, non podemos chegar a conclusión sobre a fenda salarial.


A Empresa considera que as dúas conclusións máis importantes son as da infrarrepresentaciónn feminina na empresa e que, das novas contratacións, quedan fixos máis homes que mulleres.

O Banco considera que está cumprindo a normativa en canto a traslado de información pero vai repensar até que punto nos trasladará o solicitado.

Nova xuntanza da Mesa o próximo 5 de Xullo.
Seguiremos informando

#PlanIgualdade

Información Plan de Igualdade

Xuntanza telemática do 05/07/2022

Informámoste de que por desgraza na negociación do Plan de Igualdade, o pasado día 5 a maioría da Representación Sindical deu conformidade ao peche da Fase de Diagnose e así poder avanzar na fase de propostas. Votamos CIG e CCOO en contra de validar unha Diagnose na que o banco non aportou a información económica solicitada pola RLT que permita coñecer o calado e a explicación da Fenda Salarial existente na Empresa.
A Diagnose segue igual nestos momentos… Coxa, sen a parte da Auditoría Retributiva que é parte inseparable e fundamental desta fase; e non a temos nin pechada nin aclarada.

As ansias da empresa e determinados sindicatos de tirar cara diante non deben cegarnos. Non se trata só dunha cuestión de rigor, para poder ter a mellor das Diagnoses posibles, se non tamén de cumprimento da legalidade.

A CIG non podemos aprobar unha Diagnose que non aclare a dimensión da Fenda Salarial. Semella que xa estamos nun contexto preelectoral que nubra os beneficios dun bloqueo sindical, imprescindible e moi beneficioso para os intereses da plantilla, por tirar cara adiante e pechar un novo Plan de Igualdade que o Banco non tivo problema algún en prorrogar dende o 2014.

A votación de cara a pechar a Diagnose foi :

CCOO - NON
ACB – SI
CGT – SI
UGT – SI
SEC – SI
CIG – NON
ELA – SÚMASE AO VOTO DA MAIORÍA (60% DE SI)

Asinar a Diagnose sen pechar a Auditoría Retributiva, que é parte indisoluble da mesma, supón asumir como válido o argumentario da empresa e perder a oportunidade (unha vez máis) de afondar na realidade do BBVA para, cos datos que agora sí está obrigada a facilitar a empresa, poder facer propostas baseadas na fonda problemática existente no BBVA.

Hai unha semana, sindicatos que hoxe asinaron, insistían en seguir pedindo a información. E despois cambian o paso, a cambio de que?

A seguinte xuntanza recuperará a fase de medidas que xa tiñamos desenvolvida nas anteriores negociacións. A intención do banco é que vaia o máis rápido posible porque "despois de Setembro estaremos todos os Sindicatos en precampaña".

Seguirémosvos informado. Saúde.

#PlanIgualdade

Concentracións nas que a CIG chama a participar.
Espállao entre os teus contactos!

Os elfos volverán falar galego grazas ao traballo que leva desenvolvendo A Mesa durante estes dous anos.

📽️ O audiovisual é un piar fundamental para a normalización lingüística, por esta razón dedicamos todos os nosos esforzos para conseguir éxitos como este.

As plataformas de streaming están a dobrar e lexendar os seus contidos ao galego porque a sociedade galega reclamou a través da #IniciativaXabarín termos contidos na nosa lingua. Se asinaches nalgún dos puntos de recollida de sinaturas, este éxito tamén é teu 🥰

Isto non sería posíbel sen os socios e socias da Mesa, que cada ano axudan a esta organización a desenvolver estas campañas. ‼️ Un traballo necesario que fai a sociedade civil ante a falta de iniciativa da Administración.

Fas máis falta que nunca!

ASÓCIATE [+info] ❤️

Compañeira/o,

O pasado 27 de agosto do 2022 abriuse o prazo para solicitar as axudas á conciliación da vida familiar e laboral como medida de fomento da corresponsabilidade para quen se acolla á redución da xornada de traballo por coidado de crianzas menores de tres anos (ou menor de 12 se padece unha discapacidade igual ou superior ao 33%). A axuda está destinada aos homes (no caso de unidades familiares non monoparentais) e no caso de unidades familiares monoparentais á persoa que forme parte da unidade familiar, con independencia do seu xénero.

O prazo ficará aberto ata o 26 de setembro de 2022. Podes tramitala en liña na ligazón:
https://sede.xunta.gal/detalle-procedemento?codtram=SI440A

Lembra que a redución de xornada terá que ser de polo menos o 12,5 % da xornada, e que o período máximo subvencionable, continuado ou fraccionado, será de oito meses comprendidos entre o 1 de xullo de 2021 e o 31 de xullo de 2022, ambos os dous inclusive. Para determinar o período subvencionable, computaranse todos os períodos traballados con redución de xornada nos que se cumpran os requisitos entre o 1 de xullo de 2021 e o 31 de xullo de 2022, ambos os dous inclusive, co límite máximo de oito meses.

Saúdos!

Información 7ª xuntanza Negoción Plan de Igualdade BBVA




Compañeira/o,

Nesta fase da negociación, seguimos a valorar as propostas da empresa en distintos bloques. Son propostas que veñen de menos a máis pero que aínda están por pechar. Cunha fonda distancia sobre o proposto por CIG e o resto da Representación Sindical.

Resumimos o máis salientable:

COMUNICACIÓN, LINGUAXE E IMAXE. Compromiso de revisión previa da documentación interna e externa para garantir o uso dunha linguaxe non sexista e inclusiva.

FORMACIÓN. Acollendo a peticións sindicais de sempre, comunican a medida de XOVES DE TARDE PARA FORMACIÓN NA REDE DE OFICINAS. Preguntamos polo resto de horarios pero, de momento, está pensado para persoal de xornada continuada rede. Se hai xornada partida, adicarase ese tempo para a formación. Pediremos aclaración.

PARELLAS DE FEITO. Equiparación total a todos os efectos, tanto para o recollido no Convenio Colectivo como para o Plan de Igualdade.

VIOLENCIA DE XÉNERO. Incrementan os prazos facilitados en convenio para estos casos pero sen querer afondar en compromisos que supoñan cartos. Valórase o teletraballo nestes casos.

PROTOCOLOS DE ACOSO. Debátese sobre o papel sindical de acompañamento no proceso, de ter unha figura de igualdade con capacitación neste eido e sobre a inclusión ou non de acoso por parte da clientela, ademáis do resto de supostos. Do Protocolo de Acoso Laboral, fala a empresa de tratalo noutro foro, non aquí.

LICENCIAS:

-Novo Permiso Médico de 10 horas en formato bolsa de horas.

-Morte, fálase de incluír o falecemento do cónxuxe/parella de feito. Aumenta o permiso de morte de familiares ate 3 días. (morte, accidente ou enfermidade grave, hospitalización, ciruxía sin hospitalización). 3 días lab.+2 (pernocta).

-Novo permiso polo tempo imprescindible, cun máximo de 20 días lab. para acompañamento de crianzas en tratamento oncolóxico (exclusivamente).

-Nova licencia de 3 Meses sen soldo, para procesos de adopción no extranxeiro.

-15 días lab. por morte de descendentes + 2 (pernocta).

PROTECCIÓN DO EMBARAZO

-Posibilidade de reducir o tempo das comidas a media hora a partir da semana 25 de embarazo.

-Permiso retribuído para entrar ou saír media hora máis tarde ou máis cedo, a partir da semana 35 de embarazo.

-Posibilidade de fraccionar o tempo de lactación a un máximo de 2 períodos de ½ hora na Entrada ou Saída ate o 9º mes.

-Flexibilidade para as persoas con fillo/as até 3 anos de Entrada ou Saída de 1 hora ou duas ½ horas durante a primeira semana do curso escolar. Tempo recuperable durante os 4 meses seguintes.

-Inclusión de menores en acollida permanente para o cobro da axuda de descendentes.

DISCAPACIDADES

-Menores en acollida cobran a axuda familiar por discapacidade. Acollida permanente.

-Novo permiso retribuído por nacemento de fillo/a con discapacidade igual ou sup. ao 33%. Tamén para caso de adopción de menor de 5 anos con ese grao de discapacidade ou superior. O permiso é por 30 días naturais e valorarán que se podan disfrutar en períodos de 5 días dentro dos 3 primeiros anos dende o nacemento ou adopción.

-Nova licencia de 3 MESES sin soldo por nacemento ou adopción de crianza con discapacidade a partir do 33% . A disfrutar en períodos de 1 Mes durante os 3 primeiros anos de idade ou do proceso adoptivo. Poden engadirse ás vacacións reglamentarias.



A empresa manifesta que estas medidas e licencias son xa de máximos pero dende a RLT insistimos que valoraremos os textos falados hoxe, que nos aportarán en breve, e se insistirá nas medidas que estimemos irrenunciábeis.

A vindeira xuntanza, de xeito presencial en Madrid, será o martes 27 de setembro.


Saúde.

#PlanIgualdade