❓ПУҪ ВАТМӐШ❓

Унпа каланӑ чух «вунă пӳрне сиккелет», кӗввине илтсен вара «чăрăш йывăç чĕтренĕ, ăшри ӳте макăртӗ».

🤔Сӑмах мӗн ҫинчен пырать-ши?

Салам, чӑвашсем! 😍
Календарьте ака уйӑхĕн 8-мĕшĕ.

Ҫанталӑк хура кĕркуннене аса илтерет пулин те, часах хитре хĕвел ӑшшипе тавралӑх ешерме пуҫласси савӑнтарать 🌿.

Халӑх сӑнанӑ тӑрӑх, ҫак кун:
- ҫумӑр ҫуни - ҫулла кӑмпаллӑ, ҫырлаллӑ килессе 🌧
- хурӑнсен сĕткенĕ нумай пулни - йĕпе-сапаллӑ ҫу кунĕсене 💦
- ҫĕрле шӑнтни - ҫуркунне сивĕ пуласса, вӑрӑма тӑсӑласса 🌬

Ҫуркунне - таврана хӑтлӑх, тасалӑх кӳмелли вӑхӑт🧤🚮.

Канмалли кунсем ку енӗпе Шупашкарта хӗрӳ иртрӗҫ. Кӑҫалхи пӗрремӗш экологи субботникӗсене 1500 ытла ҫын хутшӑннӑ.

🌳🍂Парксене кивӗ ҫулҫӑран, урамсемпе скверсене ҫӳп-ҫапран тасатма тухнӑ халӑха хулари ҫурт-йӗр хуҫалӑхӗнче тӑрӑшакансем михӗсемпе, перчеткесемпе, ӗҫ хатӗрӗсемпе тивӗҫтернӗ.

Пӗрлехи вӑйпа пурӗ тӗп хулари 200 ытла лапама тирпейлемелле.

Ҫавӑн пекех йалана кӗнӗ йӗркепе ҫуркунне хула ҫамрӑк хунавсемпе пуянланӗ. Шупашкарта 310 йывӑҫ, 295 тӗм лартма палӑртнӑ🌱

👦👧Республикăра кăçал ачасен çуллахи смени çу уйăхĕн 29-мĕшĕнчен пуҫланать.

Чăваш Енре кăçал путевка илекенсем валли 5 тапхăр пулать:
1) Пуш уйăхĕн 30-мĕшĕнче йывăр лару-тăрăва лекнĕ ачасенчен заявка йышăнаççĕ.
2) Ака уйăхĕн 6-мĕшĕнче Çĕнĕ Шупашкар, Канаш хулисенчен тата Канаш тăрăхĕнче пурăнакан çамрăксенчен кĕтеççĕ.
3) Ака уйăхĕн 13-мĕшĕнче Шупашкар ачисем заявка пама пултараççĕ.
4) Ака уйăхĕн 20-мĕшĕнче ытти муниципаллă округра пурăнакан çитĕнекен ăру хутшăнаять.
5) Ака уйăхĕн 27-мĕшĕнче вара ятарлă çар операцине хутшăнакан çемьери ачасенчен заявка йышăнаççĕ.

Палăртатпăр, 2024-мĕш çулта путевкăсене электронлă мелпе те илме пулать.

Салам, чӑвашсем! 😍
Календарьте ака уйӑхĕн 9-мĕшĕ.

Халӑх сӑнанӑ тӑрӑх, ҫак кун:
- ирхине тавралӑха тĕтре карса илни - тухӑҫлӑ ҫулталӑка 🌾
- аял вĕҫекен кайӑксем - шӑрӑх та типĕ ҫу кунĕсене ☀

Ӑнӑҫлӑ кун сунатпӑр сире!

📺Олег Николаев Чăваш Енре пурăнакансемпе тӳрĕ лини ирттерет.

Регион Пуçлăхĕ валли хатĕрленĕ ыйтăва Патшалăх порталĕнче тата «Вконтакте» социаллă сетьри «Чăваш Республики» ушкăнра хăварма май пур.

Тӳрĕ эфира Чăваш Ен наци телевиденийĕн эфирĕнче курма тата Наци радиовĕпе итлеме пулать. Çавăн пекех трансляцие республика ертӳçин телеграм-каналĕнче йĕрлеетĕр.

📞Эфир вăхăтĕнче 8 (8352) 565-100 телефон номерĕ ĕçлĕ.

Онлайн-трансляцие «Хыпар» хаçатра чăвашла, «Чувашинформ» информагенствора вырăсла çырса пырĕç.

Ĕç-пуç 18 сехетре пуçланать.

🛣️Пуш уйăхĕн 25-мĕшĕнчен Чăваш Енри çулсем çинчи шăтăк-путăка саплаççĕ.

Ĕçре вĕри асфальт-бетон усă кураççĕ. Хальлĕхе Чăваш Енри йĕркене кĕртнĕ çулсен лаптăкĕ 19 пин ытла тăваткал метрпа танлашать. Ака тата çу уйăхĕсенче 100 пине яхăн тăваткал метра юсама палăртнă. Çынсем час-часах усă куракан çулсене вара çĕртме уйăхĕн 1-мĕшĕччен тумалла.

Кăçалтан республикăри автоçулсем çинчи чăрмавсене пĕтерме пĕр вăхăтрах 3 енпе ĕçлеççĕ:
- шăтăк-путăка сапласси;
- асфальтăн пĕр сийне илсе çĕнĕрен хурасси;
- юрăхсăр çулсене çĕнетесси.

Патшалăх çулĕсене те лайăхлатаççĕ. Халĕ 3 пин ытла тăваткал метр лаптăка йĕркене кĕртнĕ. Шупашкар, Çĕнĕ Шупашкар, Канаш хулисенче тата Муркаш тăрăхĕнче те ĕçсене пикеннĕ. Кунсăр пуçне М-12 трассăна тунă чух усă курнă автоçулсене те лайăхлатĕç.

Шупашкартан Хусана шыв транспорчӗпе 🛥

Ҫу уйӑхӗн 17-мӗшӗнчен тӗп хуларан кӳршӗ региона «метеорсем» ҫӳреме пуҫлӗҫ. Пысӑк хӑвӑртлӑхлӑ кимӗсем ҫу уйӑхӗн вӗҫӗччен шӑматкунпа вырсарникун ҫула тухӗҫ.

Ҫуллахи расписани ҫине куҫсан шыв транспорчӗ кулленех ҫӳреме пуҫлӗ.

Тутарстанран Чӑваш Ене кимӗ ирхи 8 сехетре килме тухать. Каялла Шупашкартан 16 сехетре хускалать. Пӗр вырӑнтан теприне ҫитме «метеора» 4 сехет кирлӗ.

🙏Чăваш Ен пулăшу алли парать.

Çуркуннехи ейӳ чылай çынна инкек кăтартать. Çак шутра Оренбург тăрăхĕнче пурăнакансем те.

💧Чăваш Ен вара айккинче тăрса юлмасть, пулăшма васкать. Оренбург облаçĕнче шар куракансем патне республикăран 2 фура ӗҫмелли таса шыв ăсатнă.

Салам, чӑвашсем! 😍
Календарьте ака уйӑхĕн 10-мĕшĕ.

Халӑх сӑнанӑ тӑрӑх, ҫак кун:
- чакаксем йывӑҫ тӑрринче ларни - ӑшӑтасса 🌞
- ҫумӑр ҫуни - лайӑх тухӑҫа 🌧
- хĕвел хĕрелсе анни - тепĕр кун янкӑр та тӳлек ҫанталӑк пуласса 🌤

Паян республикӑра пушара хирӗҫ кӗрешмелли уйрӑм йӗрке вӑй илчӗ.

🌳Ҫурхи тапхӑрта халӑх вӑрмана туртӑнать, уҫӑ сывлӑшра кӑвар ҫинче аш-какай ӑшӑлама кӑмӑллать.
🍂 Ҫавӑн пекех асӑрханулӑх пирки манса хӗл хыҫҫӑн пухӑннӑ тасамарлӑха ҫунтаракансем пур.

❗️Анчах та ака уйӑхĕн 10-мĕшĕнчен регионта вӑрман таврашӗнче вут тивертме, кӑвайт чӗртсе апат пӗҫерме, типӗ курӑка ҫунтарма ЧАРНӐ.

Кил-хуҫалӑхра, сад-пахчара кӑвар ҫинче апат хатӗрлес текенсен вара тимлӗ пулмалла. Йӗркепе килӗшӳллӗн мангал е ытти хатӗре ҫурт-хуралтӑран сахалтан та 5 метр айккине вырнаҫтармалла.

Вӑрманта пушар хӑрушсӑрлӑхӗн йӗркисене пӑхӑнманшӑн 40 пинрен пуҫласа 50 пин тенкӗ таран штраф параҫҫĕ. Ял-хулара саккуна пӑссан 10 пинрен 20 пин тенкӗ таранах тӳлеме тивӗ.

❤️Ырă ĕç тăвакан хăй те ырă курать.

Чӑваш Енре пурӑнакансем ҫӗршыв паттӑрӗсене тӗрев парсах тӑраҫҫӗ. Ҫавна май тӗрлӗ мероприяти йӗркелеҫҫӗ. Халӗ Чăваш наци музейĕнче те курăнмалла мар тăвакан сеткăсем çыхма пулать.

Ҫак шухӑш патне культура учрежденийӗн ӗҫченӗсем кӑҫалхи нарӑс уйӑхӗнче йӗркеленӗ «Хыҫӑмӑрта ҫӗршыв» кураврах пырса тухнӑ.

Пуҫласа музей хастарӗсем хӑйсен укҫи-тенкипе хатӗрсем туяннӑ. Малашне вара «Пӗрле» ырӑлӑх фончӗ пулӑшса пырӗ.

Тӑшманран сыхланмалли хатӗр ҫыхма килекенсем салтаксем патне ҫыру ҫырма та пултараҫҫӗ.

Ырӑ кун, чӑвашсем!😍

Календарьте ака уйӑхӗн 11-мӗшӗ. 😉

Халӑх сӑнавӗ тӑрӑх, паян:☀️
- чанасем ушкӑнпа вӗҫни - ҫумӑра;
- чакаксем йывӑҫ ҫинче аялта йӑва ҫавӑрсан ҫулла час-часах аслати авӑтӗ;
- пӗлӗтсем пӗр енне шуни - ӑшӑ кунсене.

Йӑл кулма ан манӑр!🤗

✅Чӑваш Ен Пуҫлӑхӗ Олег Николаев тӳрӗ лини ирттернӗччӗ.

🤔Ӗҫ-пуҫа мӗнлерех хатӗрленеҫҫӗ?
Вӑл еплерех пулса иртет?
Пӗлес килет-и?

😉Сире «вӑрттӑн» хатӗр ӳкернӗ видеопа паллаштаратпӑр.

Шупашкар аэропорчӗ пассажирсен шучӗпе Раҫҫейри ТОП-50 йышне кӗнӗ✈️.

Пӗлтӗр сывлӑш транспорчӗпе ҫур миллион ытла ҫын усӑ курнӑ.

Пурӗ ҫӗршывра 220 ытла аэродром ӗҫлет.

Рейтингра малтисем - «Шереметьево», «Домодедово», «Внуково». Шупашкар аэропорчӗ — 46-мӗш вырӑнта.

Салам, чӑвашсем! 😍
Календарьте ака уйӑхĕн 12-мĕшĕ.

Халӑх сӑнанӑ тӑрӑх, ҫак кун:
- ҫумӑр ҫуни - кĕркунне кӑмпа нумай пуласса 🍄‍🟫
- кайӑксем йӑвисене йывӑҫсен е ҫуртсен кӑнтӑр енче ҫавӑрни - сивĕ ҫу кунĕсене ☁️
- пыл хурчĕсем вĕҫме пуҫлани шӑрӑх ҫанталӑк ҫывхарнине пĕлтерет 🐝