Паян, авӑн уйӑхӗн 21-мӗшӗ, -- Пӗтӗм тӗнчери килӗшӳ кунӗ.

Епле йӗплев.

Идиш юрринче чӑваш хӗрӗсен паттӑрлӑхӗ ҫинчен каласа панӑ. Идиш халӑхне ҫав хура саманара тӑшман вӑйлӑ сайратнӑ, вуҫех пӗтересшӗн пулнӑ.

https://youtu.be/zr0EsqnBWgI


#юрӑ

Юрӑ сӑмахӗсем
#юрӑ

Вӑрӑм пост. #longread
Шухӑшсем тахҫанах ҫаврӑнаҫҫӗ, анчах тин пӗр купана пуҫтарса майларӑм. Кая юласран хӑратӑп.

Хальхи вӑхӑтра ӑнланмалла сӑлтавпа ҫынсем усалланса ҫитнӗ. Пӗр-пӗрне выльӑх, виле, тискер чӗрчун, робот, зомби тесе ятлаҫҫӗ. Ҫак лару-тӑрура пӗр куҫа курӑнми хӑрушлӑх пур: ун пек каласан пирӗн пуҫ мими ҫав ҫынсене ҫын шутӗнчен кӑларать.
Этем саккунӗсем авалтан ҫавнашкал:

ҪЫННА ВӖЛЕРМЕ ЮРАМАСТЬ

Ун ҫинчен чи пысӑк авраам тӗнӗсем тахҫанах каласа ҫырнӑ. Ҫынна вӗлерни - чи пысӑк ҫылӑх.
Анчах ҫын мар пулсан, выльӑх (е тата тискер чӗрчун), -- вӗлерме юрать. Вӑл ним те мар.
Пӗртен-пӗр ҫынна вӗлернине каҫаракан сӑлтав -- ҫав ҫын урӑх ҫынна вӗлерес тесе тапӑнни.
Ҫынна вӗлерни этем чунне кӗленче ҫапса ҫӗмӗрнӗ пек ҫӗмӗрет, пурнӑҫ тӑршшӗпе кӑшлать, психикине амантать.

Тепӗр ҫын пире питӗ килӗшмест пулсан та:
HOMO SAPIENS = ЭТЕМ
Ҫын тӗрлӗ пулать, ухмах та, хӑравҫӑ та, ултавҫӑ, хӑшӗ-пӗри тата хурах пулать.
[Кам вӑл хурах, пӗлетӗр-и? Хӗҫпӑшалпа урӑх ҫынна, ҫыннӑн килне тапӑнакан ҫын]
Анчах та, ҫынсен саккунӗпе:

КАШНИ ПУРНӐҪ ПАХА

Чи тискер, чи хаяр, ачасене вӗлернӗ педофилсене те вӗлерме юрамасть. Тӳресем те йӑнӑшма пултараҫҫӗ, ҫын йӑнӑшни -- йӗркеллӗ япала. Ҫавӑнпа пурнӑҫ тӑршшӗпе тӗрмере ларччӑр паллах, анчах та -- чӗрӗ.
Мӗншен тесен:

ПУРНӐҪ -- ЧИ ХАКЛӐ ЯПАЛА

Пуриншӗн те.

Пурсӑмӑра та хамӑрта ҫынлӑха упрама сунатӑп.

Эскапизм саманчӗ.

Манӑн пуш вӑхат нумай пулнӑ пулсан эпӗ кӗнекесем чӑвашла куҫарӑттӑм.
Мӗншӗн тесен - ман шухӑшпа, ҫын миҫе чӗлхепе калаҫать, ҫавӑн чухлӗ унӑн "пит", е сӑнар. Хамӑрӑн "чӑваш пит" вӑйлӑрах, илемлӗрех, ӑслӑрах пултӑр тесен чӑвашла нумайрах вуламалла, шухӑшламалла, сӳтсе явмалла тесе шутлатӑп.

Чи пӗрремӗш куҫарнӑ пулӑттӑм:
1. Шарль де Костер - "Легенда об Уленшпигеле"
2. Хо Гюн - "Сказание о Хон Гиль Доне"
3. Виктор Гюго - "Отверженные"

4. Роберт Шекли - калавсем
5. Терри Пратчетт - "Плоский мир" ҫаврӑмӗ
6. Джованни Боккаччо - "Декамерон"
7. Данте Алигьери - "Божественная комедия"
8. Базиле Джамбаттиста - "Сказка сказок"
9. Франсуа Рабле - "Гаргантюа и Пантагрюэль"
10. У Чэнъэнь - "Сунь Укун - царь обезьян"
#кӗнеке

Паллӑ мар чӑваш сӑмахсем.

Пӗрел -- ? Пӗрлӗх? Пӗр ен?
Виҫел -- виҫкӗтеслӗх? Виҫ + эл (ен)
Ҫилме -- ҫилӗм?

«Пĕрре — пĕрел, 
Иккĕ — йӗкел,
Виççĕ — виçел, 
Тăваттă — тăваткал, 
Пиллĕк — пилеш, 
Улттă — улма, 
Çиччĕ — çилме,
Саккăр — салма, 
Тăххăр — тăрна, 
Вуннă — тух!
Шутламалла çĕнĕрен!»

https://t.me/chushu/182
#сӑмах

Кукамайӑм, кукамай

Мӗн тери, туссем, аван
Манӑн кукамай.
Эп ӑна мухтам чунтан
Сӑвӑ ҫырнӑ май.

Вӑл манпа пӗрле чухне
Пӑхнӑ сар хӗвел, –
Питӗ ырӑ чӗрене,
Куҫ тулли телей.

Вӗрентет куллен мана
Тӗрӗс пурӑнма,
Вулама, апатланма,
Сывлӑхлӑ пулма…

Ытарми кукамая
Пӗтӗм кӑмӑлтан
Пуҫӑма тая-тая
Тав тӑвап паян.

© Петӗр Ҫӑлкуҫ
#сӑвӑ

Чӗрене касать ку сӑвӑ. Вуласа пӑхӑр-ха, вӑл пирӗн юратнӑ чӑваш чӗлхи ҫинчен, пирӗн халӑхӑн инкекӗ ҫинчен
💔

Амăшĕн чунĕ

Хăй килне пырса пăхрĕ тет амăшĕн чунĕ.
Мăрьере тĕтĕм çук, кантăкра çутă çук.
Хулана ларса кайрĕ тет амăшĕн чунĕ
Каçхине, пуйăсра вырăнсем пушă чух.

Ачисем патне çитрĕ тет амăшĕн чунĕ,
Итлесе тăчĕ тет пĕр кана алăкран.
Куççульпех йĕрсе ячĕ тет амăшĕн чунĕ
Хваттерте ун чĕлхи, ун сăмахĕ çукран.

©Юрий Сементер

#сӑвӑ

Пирӗн кушак -- полиглот.
Хӑть те мӗнле чӗнсен те ҫиме чупса килет.

Названия пальцев на чувашском

Маттур калаҫать)
Кам чӑвашла вӗренет кӑна, кам чӑвашла сасӑсене тӗрӗс каласшӑн -- ҫырӑнӑр, вӑл каналта кӑсаклӑ рубрика "Учим чувашский" пур

Названия деревьев на чувашском языке