А. Московский, А. Думилин, Н. Пыркин - Чу-ча-ча (Чăнкă яш).
Пирĕн маттур каччăсем 2014-мĕш çулта Joao Lucas тата Marcelo юррине чăвашла юрланă. Вăйлă пулнă.
Эрнекун валли чи юрăхлă юрă 😊👍

#юрӑ

Оригинал

Ыран!
Адрес: Мускав, Щелковское шоссе, д.6. (от метро Черкизовская и Локомотив - 10 мин пешком или на транспорте 2 ост.) — паб-клуб «Пиратский грот»

"Купас сасси Мускавра!" - 3 февраля чувашская вечеринка! Приглашаем на творческий вечер Заслуженного работника культуры России и Чувашской республики Геннадия Арсентьевича Борисова!!! Живое пение, звуки чувашских национальных инструментов и участие каждого гостя в программе вечера. Композитор и исполнитель многих самых популярных песен, вспоминаем, поем, отдыхаем душой. Начало 18.00 . Чувашская программа до 24.00. Далее дискотека в стиле Рэтро. Входной билет - 400 руб.

"Татармультфильм" чăвашла мультфильм кăларнă, Иван паттăр ятлă.
Тутар кĕвви кăшт атмосферине пăсать пулин те, хитре пулнă.
https://youtu.be/CbNUjPvpjKo

Сурпанпа хушпу чăваш хĕрарăмĕн лăпкă илемне кăтартать.
Сурпан мĕнле сырмаллине пĕлетĕр-и?
https://youtu.be/19KIohRBCJY

Хут купăс валли чăваш пьесисен пĕчĕк пуххи.

Пĕр вăхăт хальхи Беларусь вырăнĕнче пурăнакан авалхи славян халăхĕ арап çырăвĕпе усă курнă.

Чăваш чĕлхи çинчен пĕр сас паллипе:

Черченкĕ, чечен чăваш чĕлхи – чылай чĕлхесенчен чи чиперри, чĕвĕл-чĕвĕл чĕкеç чĕлхи. Чăваш чĕлхи – чĕрĕ чĕлхе.
Чĕресĕр чиновниксем чаршавласах чарасшăнччĕ чăваш чĕлхине. Чарусăрлансах чĕркуçлентересшĕнччĕ, чĕрпеклентересшĕнччĕ. Чĕмереллисем, чăрăлти чанасем чăмрĕç чăтлăха. Чăтăмсăррисем чылайăшĕ чăхăмласа чăркăшланчĕç, чăшăлтатрĕç, чăваш чĕлхин чапне чухламарĕç.
Чĕлхеçĕсем чăваш чĕлхине чĕм чĕрĕлтерчĕç. Чаш! чашларĕ чăваш чĕлхи. Чăвашлатрĕ, чăлăм чăлахланмарĕ, чĕтренмерĕ. Чăкăл-чăкăл чăкăлтатса! чалл! чалкăшрĕ чăваш чĕлхи. Чечекленет чаплă чăваш чĕлхи. Чăмăртанăр чăвашсем! Чăваш чĕлхи чыслă чĕлхе. Чăваш чĕлхи чĕрĕ чух чăваш чухăнланмĕ. Чун-чĕререн чăваш чĕлхине чыслăр, чăн чĕре – чăваш чĕлхинче.

Лидия УГАХИНА.

26 Мб

#Путешествие в историю чуваш. Изменение языка. Часть 1

51 Мб

#Путешествие в историю чуваш. Изменение языка. Часть 2

Мăшăрусем валли парне хатĕрлетĕр-и?
Нарăс уйăхĕн 14-мĕшĕнче пĕр-пĕрне тата тепĕр хут савăнтарма сăлтав пулĕ 😉

УПӐШКА (ар, арçын) - авалхи тĕрĕк чĕлхинче "абушка" - старик пулнӑ. Хăш халлапсенче пирĕн те "Пурăннă тет карчăкпа упăшки..." тесе çырнă.
Тутарсемпе пушкăртсен "абышка" - старик, тăлăх арçын, урçа. Хăш-пĕр тутар тата кăркăс диалектсенче "абышка" = упăшка. Ытти чухне "упăшка" тутарла "ир, ирен" пулать (танлаштармалăх - пирĕн "ар, арçын").
Çĕпĕрте пурăнакан тĕрĕк халăх чĕлхисенче те "абушка" - ват çын, карчăк, упăшка (уйгурсен, шорсен, çĕпĕр тутарĕсен).
#сӑмах

Эп кая юлса кăна пĕлтĕм, телеграмра чăваш стикерсем пур иккен:
https://t.me/addstickers/chibiki
https://t.me/addstickers/cavasla
https://t.me/addstickers/kulmalla
https://t.me/addstickers/havaliki
https://t.me/addstickers/emotions_IMV

Маттурсем, тăрăшса тунă!
Хăш килĕшет, хăвăр патра упрама пултаратăр.

Пирĕн халĕ НАРĂС уйăхĕ пырать. Нарăс - перс чĕлхинчен "çĕнĕ кун". Чăнах та, кун вăрăмланчĕ, çуркунне те инçе мар... (Юр пĕтсе кайса çăвать пулин те 😄)
Тĕрĕссипе чăвашсен кивĕ календарĕ тăрăх нарăс тытăнман-ха, кĕçĕн кăрлач кăна: https://t.me/chushu/204

Ваттисен нарăс çинчен пĕчĕк халлап пур:
Нарăспа кĕçĕн кăрлач ĕлĕк вăрçнă тет. "Кам урасене тĕпеклĕ тăвать?" - тесе каларĕç тет пĕр-пĕрне.
- Эп çынна тăла сыртаратăп! - тесе кăшкăрчĕ тет кĕçĕн кăрлач.
- Эпĕ ташлаттаратăп, - терĕ тет нарăс.
Çавăнпа чăвашсем: "Нарăс çитсессĕн ташла, вăл ташланине юратать", - тесе калаççĕ тет.
#халлап #уйăх

Узбек кĕвви. Çакна итлесен ĕç çăмăлланнă пек туйăнать)

#юрӑ

Узбек хĕрĕсен тумĕ.
Сăнаса пăхăр-ха, кĕпе айне йĕм тăхăннă.
Чăваш хĕрĕсем те (ун чух пире чăваш тесе чĕнмен те-ха) ĕлĕк кĕпе айне кĕскерех йĕм тахăннă, тен, çавăнпа кĕпе-йĕм тетпĕр.

Узбексен чи паллă ташши - Андижон польки.
Кĕвви çав тери савăк пулнипе ват çын та ташша ярать)
https://youtu.be/HpIJkofBTPM

НПФ Материа Медика Холдинг «За верность науке» Раççейри IV-мĕш преминче АНТИПРЕМИ лауреачĕ пулса тухнă.
Аса илтеретĕп, çав компани имсем кăларать:
Анаферон, Импреза, Диетресса, Ренгалин, Тенотен, Эргоферон, Агри, КардиоИКА, Млекоин, Феминальгин, Фарингомед.
Хакĕ пысăк, усси çук.
https://goo.gl/UhBhSU

Турткăш чăххипе автанĕ.
Хитрескер пулин те, ни сасă туйăмĕ çук, ни юрла пĕлмест, выç кушак пек макăрать. Çав енчен танлаштарсан килти чăх та Эдит Пиаф.

Турткăш - тутар чĕлхинчен кĕнĕ сăмах. Тутарла "тутый" - попугай, е вĕçкĕн тăхăнакан этем, "кош" - кайăк. Ĕмĕрне курман тĕлĕнтермĕш кайăка вара попугай тесе шутланă, йăнăш ят хунă та хăнăхса кайнă.
Тата тепĕр тутар чĕлхинчен йышăнна кайăк ячĕ - акăш (ак+кош, шурă кайăк). Тен, ăна малтан хур тесе чĕннĕ, кайран килти хуртан уйăрмашкăн тутар сăмахĕпе палăртма тытăннă.
#сӑмах