Dunyoning eng chiroyli olma daraxti boʻlsang ham sendan apelsin istaydiganlar topiladi.

@choydosh

Bir og‘och bo‘lsa –
Inonsam,
Uxlasam ko‘lankasida.

Bir yulduz bo‘lsa –
Inonsam,
Katta yo‘lga chiqsam uni qoralab.

Bir qopqa bo‘lsa –
Inonsam,
Qarshimda yurakday ochilsa.

Bir ko‘z bo‘lsa –
Inonsam,
Tikilib bir umr to‘ymasam.

Bir so‘z bo‘lsa –
Inonsam,
Aytsam-da yig‘lasam –
Onasiga erkalanib yig‘lagan go‘dakday.

Bir yurt bo‘lsa –
Inonsam,
Qushday erkin uchsam quchoqlarida,

Og‘och eksam tuproqlarida,
Kelajak og‘ochlarin o‘tqazsam…

@choydosh

Ba’zi suhbatlar bor — na joy tanlaydi, na fursat.
Ular uchun ikki piyola choy yetarli.

@choydosh

Ko‘ngilda ko‘p edi orzu-yu havas,
Imorat bitdi-yu yetmadi nafas.

«Hikmatlar chashmasi»dan.

@choydosh

Muhabbat kapalak misoli:
anglamaganga — bir kunlik,
anglaganga — bir umr.

@choydosh

Topmoq - yo‘qotmoqdir,
Yo‘qotmoq – topmoq,
Sen so‘lib,
Men yashab, 
To‘lishimga boq.
Sensiz topganimdan
Ko‘proq yo‘qotdim –
Sen meni yupatding,
Seni yig‘latdim,
Sen meni yaratding,
Seni tugatdim.
Uyalmay ONA deb,
Kelishimga boq!..

@choydosh

Alloh dardsiz, tashvishsiz hayot berishi mumkin boʻlganida eng avval Rasuliga bergan boʻlardi...

@choydosh

Yusuf surasi bizga nimani bildirdi:

Bugun yigʻlagan ertaga albatta kuladi.
Allohga ishon...

@choydosh

Qalb bezovta ekan, atrofning tinchligi sizga orom berolmaydi.

@choydosh

Har kim o‘z aybining hammolidir. Nuqson izlagan kishi avval o‘z xurjuniga qarasin.

@choydosh

Bu dunyo biri kam dunyodir. Hech kim bunda to‘kis emas. Menga ishoning, hammaga nimadir yetishmaydi!

@choydosh

Sizni qo‘l-oyog‘ingizni bog‘lab yerga yotqizishadi. Peshonangizni yerga tirab, bo‘g‘zingizga pichoq tortishadi. Ana shunda sal qimirlab qo‘ysangiz, bemalol so‘ya olmaganlaridan shikoyat qilishadi.
Agar ularga qoningiz sachrasa, kiyimlariga teksa, sabrsizligingizdan nolishadi!

@choydosh

Kim muloyimlikdan mahrum qilingan bo‘lsa, yaxshilikning hammasidan mahrum qilinibdi.

@choydosh

Hayot biror inson uchun toʻxtab qolmaydi.

@choydosh

Hayot qanchalik og‘ir bo‘lmasin, uni boricha qabul qiling.

@choydosh

Hayotda kelishmovchiliklar bo‘lib turadi. Kelishmovchiliklarimizga duch kelgan kishini hakam qilaverishimiz yaramaydi. Ba’zilar tikuvchiga o‘xshab yirtiq kiyimni yamaydi. Ba’zilar esa belkurakka o‘xshaydi, o‘rtadagi jarlikni kavlab, battar kattalashtiradi.

@choydosh

Biz mukammal emasmiz va mukammallikka erishish uchun yaratilmaganmiz.
Biz inson qilib yaratilganmiz: adashamiz, to‘g‘rilaymiz, tajriba orttiramiz va o‘rganamiz.

@choydosh

Qorlar yog‘di. Qizdirdi oftob.
"Nedir baxt?" deb so‘radim. Biroq
O‘zi bilan o‘zi ovora
Baxtiyorlar bermadi javob.

Qorlar bosdi. Kuydirdi oftob.
"Nedir baxt?" deb so‘radim. Biroq
O‘zi bilan o‘zi ovora
Baxtsizlar ham bermadi javob.

©Rauf Parfi

@choydosh

Siz uchun atalgani hech shubhasiz oʻz vaqtida yetib keladi.

Baxt ham,
Sinov ham,
Quvonch-u qaygʻu ham...

@choydosh

..men kasal emasman, tanda og‘riq yo‘q, horg‘inlik bor, xolos. Ko‘ngildagi og‘riq hisobmas. Axir, bu la’natining og‘rimagan payti bormi? Sabab topiladi, topilmasa - topib berishadi...

©Lolazor

@choydosh

Meni sen xafa qilmading, balki oʻzim senga ortiqcha qiymat beraverib ruhimni charchatdim...

@choydosh