🔵 قبل ما نبدأ شغل انهاردة
عايزين ننتبه لمشكلة بتتعمل بغباء من البعض :

ليه البعض بيسوق لأن في خلاف بيننا و بين السعودية .. الامارات .. الكويت
▪هل عندك تصريح سيادي ب ده
▪هل عندك اجراء تم يؤيد ده
▪هل تملك دليل مادي علي كده

هتقولي اجتهادات نتيجة تحليل تصريحات ... هقولك التصريح اللي انت اتسندت عليه يدين عقلك بتهمة الغباء قولا واحدا

🔷 انا عندي أدلة انك " ساذج " و مش هقول مغرض عشان مبقاش برمي الناس بالباطل ( و لو اني مش مرتحالكم 🤷🏻‍♀️)

♦ دولة الامارات :
📌رئيس دولتي كان هناك اول امبارح بيحضر قمة تشاورية لمجلس الخليج " ايه اغراض القمة دي مش مهم .. المهم ان الامارات لما جت تاخد اجراء أيا كانت في الخليج جابت مصر معاها 🤷🏻‍♀️"
📌 يوم 15 يناير السيد سامح شكري اللي هو وزير الخارجية المصرية اتوجه للامارات كان موجود طوال اسبوع الاستدامة ابوظبي
لا ده كمان الشيخ محمد بن زايد كان مخليه المتحدث الرئيسي
📌 محمد بن زايد لما انطلب منه بيان اقتصادي عن وضعهم مع الودايع الرسمية ... بعت خطاب رسمي انها ودايع طويلة الاجل هتتحول الي استثمارات في مشروع مزرعة الرياح اللي هيبدأ في ابريل القادم و ان اول شريحة مستحقة في 2026 و قيمتها 666 مليون دولار .. هتدخل تمويل المشروع .. وان مصر مفيش فلوس استحقت عليها للسداد اساسا

ده موقف الامارات .. غير شحططته مع بشار الاسد و خلي بالك الرئيس العربي الوحيد اللي بيتواصل مع بشار عشان يعقله هو محمد بن زايد 👌🏻👌🏻

♦المملكة السعودية :
📌 الملك سلمان لسه من شهر او اقل مطلع مرسوم ملكي انه مش هيسحب الوديعة بتاعتهم ال 5.3 مليار دولار مع ان موعد سدادها حان
طب هو كده بيتصدق علينا مثلا .. ابدا 👇🏻👇🏻
📌وفد سعودي رفيع المستوي كان في مصر الاسبوع قبل اللي فات عشان بدء الاستثمارات و الاطمئنان هل المشروعات المتفق عليها في شهر يوليو بعد زيارة محمد بن سلمان هتتأثر بقرار تأجيل المشروعات و لا لا .. و أخدوا التمام و زي الفل
📌 محمد الجدعان وزير مالية السعودية كان بيتكلم عن الاستثمارات السعودية
و قال ان السعودية بتستثمر في باكستان و تركيا و مصر و ان يهمها ان مفيش دولة من المنطقة تتأثر بالوضع الراهن
و اتكلم عن مصر كلام زي الفل انها شريك و حليف و مناخها كويس للاستثمارات .. و آمنة و بتاع

انت بقا اييييه دورك في الكوكب عشان تستنبط اننا علي خلاف مع السعودية .. لا و بترد نيابة عن الدولة المصرية بدون أدني مسئولية منك لاحداث ازمة
و مش عشان حضرتك مهم
لا ده احنا في فضاء مهبب ما يعلم بيه الا ربنا .... ناس هتاخد الكلام و تروح ترد علي السعوديين في صفحاتهم .. فيشتمونا .. ف نرد الشتيمة
و انت ولا عبقري و لا نيلة 😒😒

زي اعلامي غير مسئول حرفيا شتم اعلامي سعودي .. راح السعودي عامله فيديو جاب مليون مشاهدة
يعني في مليون مخلوق شافونا واحنا بيتمسح بينا الارض من اعلامي معفن محدش بيشوف برنامجه اساسا .. بسبب واحد غبي من عندنا
🔸يقوم ترك آل شيخ اللي احنا مبنحبوش يعمل اغنية اسمها بعشقك يا مصر و يغنيها عمرو دياب و يروج لها أحلي ترويج و كمان هتتغني في موسم الرياض الرياضي
مين اللي اتعلم عليه و ركب الغلط دلوقت
احنااااا المصريين 😏😏

طب لييييه .. الله ينعل ابو دولارت اليوتيوب اللي عملتكم الحقيقة

👈🏻 مفيش خلاف مصري سعودي 👉🏻
كفاااااااية هبد
ده وقت تحالفات مش وقت بهايم تجتهد غلط و تفرق
متخدمش عدوك بغباءك😡

♦الكويت :
انا مبحبش الكويت .. ومش هحبها في يوم من الايام و هفضل اكرهها
بس لو الريس قال الكويت دي عسل .. هجيب فطيرة و أغمس منها وانا بكرهها 🤷🏻‍♀️ .. هي دي السياسة

برلماني كويتي عمل فيديو يحط فيه علي مصر .. و يرفض ان بلاده تستثمر فيها
و اتهمنا بإننا دولة فاشلة

لامؤاخذة هو جاب حاجة من عند ابوه البنغالي و لا الباكستاني
ده انت عندك ناس جوا البلد بتطالب المستثمرين الاجانب انها تمشي
هو انا لما بنتي كل يوم الصبح تصحي تشتمني و تسمع بيا الجيران و هي بتقل ادبها عليا ... و اجي يوم من الايام ابن جاري يشتمني بنفس شتايم بنتي
يبقا مين اللي غلطان 🤔
بنتي عشان سافلة ومطمرش فيها التربية .. وانا عشان مبقطمش رقبتها

احنا اللي جايبين لنفسنا الكلام
عايز الجار يحترمك .. لما تشوف ابن البلد بيغلط فيها اديله بالجزمة علي دماغه علي صفحته و قدام متابعينه .. و بعدين يبقا نروح نرد علي عرر الكوايتة

🔷🔶 أيام الجامعة كان في بروفيسور بتاع العلاقات الدولية
كان بيقول ان في حقبات زمنية التحالف فيها أهم من التناحر ... حتي لو تحالف مع عدوك
مصر مش هتتجرجر لصراعات جانبية وتسيب هدفها الرئيسي

في وقت بناء مقعدك وسط الكبار الترفع عن الصغائر هو الانجاز السياسي
رجاءا متروحوش ورا أي حد بيقدملك معلومة اجتهادية بلا دليل
خصوصا لما تكون مش شغلتهم 👌🏻👌🏻👌🏻

رقعة شطرنج الجمعة 20 يناير 2023 :
#عائلة_چيلان_قاسم

🔵 كنا لسه بنقول اييييييييه .. ان احنا گ مواطنين نتخذ صف القيادة و المؤسسات السيادية في مصر في مواقفنا مع أي دولة أخري
يعني الدولة أما ترد علي حد
نلم احنا طوب و نحدفه

زي ميييييين 👇🏻👇🏻
🔷🔶 حسن لامؤاخذة نصر الله
هو الوضع اللبناني اااه زي الزفت و مش عارفين انهم ينتخبوا رئيس .. و دي مش أول مرة ميشال عون جه بعد 47 جلسة برلمان
و اقتصادهم تهدم تماما .. و الليرة معدش لها لازمة
📌 وانهاردة تم سحب حق التصويت خلاص في الامم المتحدة لهم و ل فنزويلا و جنوب السودان ... بسبب انهم مبقوش يسددوا الالتزام النقدي للأمم المتحدة " حاجة زي اشتراك كده "

بس بردو مالك ومال مصر
حسن لامؤاخذة نصر الله طلع علي الهوا يقول اييييه 👈🏻 ان علي المجتمع الدولي انه يراقب الوضع المالي في مصر .. مصر أول دولة وقعت مع الكيان الصهيوني
هو انا مش فاهمة ايه اللي جاب القلعة جنب البحر 🤔🤔

ده علي أساس اننا متنغنغين في الدولارات مثلا بسبب التوقيع ده 🤔🤔 ... و لو بتتكلم علي التطبيع ف بردو يا ريت تتحفنا ببطولاتك 😉

♦هنا المتحدث باسم وزارة الخارجية السفير أحمد ابو زيد رد عليه .. قال ايه 👈🏻 تصريحات نصر الله هي مجرد كلام عبثي و ادعاءات لبطولة زائفة 👌🏻👌🏻

♦ انا بقا مواطن مصري و عندي حقوق مصرية علي رأي الاستاذ احمد حلمي ... و من حقوقي اني أرد
هرد رد صغنتت قد كدهوووو 👇🏻👇🏻

دلوقت يا ابو علي ياخويا انت بتتكلم عن الوضع المالي المصري و ده مش هلومك عليه احنا أي حد في كوكب زحل بقا ينزل الارض يدلو بدلوه و يطلع
لكن لما تلقح علي التعاون المصري الاسرائيلي " كما حابب تروج "
جاوبني علي سؤال 👇🏻👇🏻
انت و الميليشيا بتاعتك بتمتلكوا نظام مصرفي اسمه " جمعية القرض الحسن " ما بين بنك و شركات تمويل ... و ده نظام مصرفي موازي لنظام دولتك اساسا
▪في يوم 24 فبراير سنة 2017 تم دخول جمعيتك دي مبلغ 3 مليار دولار و 300 مليون .. محولين من بنك RHB Bank of Thailand
من حساب رجل الاعمال الايرلندي الاسرائيلي چوهان يراي ... و بعدها اتحولوا لمصرف البحر المتوسط بيروت في تاريخ 29 ابريل 2017 .. بس ناقصين 200 مليون دولار .. بعدها راحوا علي فرع بنك البحر المتوسط في قبرص في 3 يونيو 2017 .. و بعدها علي بنك هبوعليم تل ابيب - يافا في تاريخ 22 اغسطس 2017

و اتحولوا في 3 حسابات بأسماء نسائية .. منهم واحدة من عرب اسرائيل
برقم بوليصة تحويل تبدأ ب AC 133H

اوعي تكون متورط في غسيل أموال لحساب الصهاينة يا ابو علي 🥹🥹 .. أزعل اوووي اصل انت بطل بزيادة لا و اعمالك البطولية مغرقة العرب .. اخرها اصرارك علي ان يبقالك نسبة من حقل الغاز يا اما تعمل للحكومة عوق 😉

يلااااا احنا مبنحبوش نجيبوا في سيرة حد .. دع الخلق للخالق يا عزيزي 🙌🏻
------------------------------------------------------
🔵 نسيب لبنان و نروح ل ليبيا في معلومة صغيرة كده :
من كام يوم و احنا بنجيب سيرة ليبيا .. قولتلكم علي ملاحظة 👇🏻👇🏻
مش ملاحظين ان بعد كل اجتماع لقيادات ليبية في القاهرة .. جري يروح ليبيا مسئول أمريكي .. و بعدها تحصل عراقيل
♦ركز معايا بقا في اللي حصل :
📌 كان في اجتماع في القاهرة و اتفقوا علي تحديد ميعاد انتخابات عاجلة .. ده عقيلة و المشيري
📌 نزل جري مدير الاستخبارات الامريكية علي ليبيا و قعد مع الطرفين .. لكن علي حدا 🙄 .. واتجول شويتين كده في ليبيا
📌 اتحدد اجتماع لوزراء الخارجية العرب في طرابلس .. عشان خارطة طريق و انتخابات بقا
📌 هووووب يحصل محاولة اغتيال ل قائد السرية 3 مشاة .. عن طريق مجموعة مسلحة مجهولة الانتماء " اخدلي بالك انت من مجهولة الانتماء دي " .. في قلب بيته
📌 يقوووم يتحمق السرية 3 كلها و تحشد ل رد فعل عنيف
و لأن محدش عارف انتماء المجموعة المسلحة دي
فبدأ كل الميليشيات تحشد لبعض
📌 واصبح اجتماع وزراء الخارجية العرب مهدد 🤷🏻‍♀️🤷🏻‍♀️

لو انا جيبت عيل في ابتدائية قولتله ايه رأيك يا حمادة .. هيشاورلي علي صورة مدير الاستخبارات الامريكية و يقولي أهو ابنلكلب ده اللي وراها .... مش محتاجة حد دارس أي حاجة اساسا 😒😒

أنا بس ببرهن لكم علي ان انا مش برمي تهم جذافا علي أمريكا المظلومة 🤷🏻‍♀️
------------------------------------------------------
🔴 هات بقا مج موغات .. انا بحبها الحقيقة 😁
و تعالي نشوف التصعيد اللي حاصل علي مستوي الحرب

🔷🔶 الراجل الطيب ميلانوفيتش رئيس كرواتيا قال كلمتين فيهم الشفا
قال هو مين قال ان موسكو بتحارب كييف .. موسكو بتحارب واشنطن
مش هنضحك علي بعض يا اخواننا ... اللي هيخلص الحرب دي هو جلوس موسكو مع واشنطن علي مائدة الحوار .. تقولوا بقا بروكسل باريس برلين دي كلها أطراف غير مهمة

📌 أمد الحرب دي بتطوله واشنطن لاهداف تخصها هي .. و اوروبا هي اداة
📌 لذلك مفيش تدريبات عسكرية هتحصل علي أرض كرواتيا .. احنا بعتنا سلاح و مش هنبعت تاني .. لكن هنبعت مساعدات انسانية لصعوبة الاوضاع في الشتاء

🔷🔶 لكن اجتماع وزراء دفاع 50 دولة في ألمانيا و حزمة مساعدات ضخمة ل اوكرانيا .. وتعهدات أوستن بالدفاع المستميت عن أوكرانيا

تماااااام حقها و لا مش حقها .. حقها يا أبو كمال
ساعد أوكرانيا براحتك
لكن علي الجانب الاخر روسيا من حقها تدافع بقا 🤷🏻‍♀️🤷🏻‍♀️

♦شوف يا عزيزي
علي ما توصل المساعدات هيكون بوتين دشمل باخموت و كييف و خاركيف
و هيقطع الامدادات عن الغرب
و كييف لغمت ساحل البحر الاسود و انفجر فيهم عااادي 😏😏

بحيث ان الامدادات تيجي يبقا سهل اصطيادها .. زي كل مرررررة
♦الخناقة الدايرة علي دبابات ليوبارد الألمانية
يا يبعتوها .. يا الألمان هيرفضوا
📌 وزير الدفاع الجديد انهاردة كان بيهدد بولندا انها متتصرفش تصرف أحادي و تبعت الدبابات بدون اذن منه
📌 المعارضة الألمانية ماسحة ب شولتس البلاط انه بيوسع دايرة الحرب .. و بيوصل ألمانيا لمواجهة روسيا
توقعي ان بنسبة 80% الدبابات دي مش هتروح

📌 طب فرضا راحت :
الدبابات دي كانت موجودة علي حدود سوريا مع تركيا
و القوات الروسية ضربتها بصواريخ مالوتكا الروسية و جابتها علي الارض
ده مش كلامي انا مفهمش في التكتيك العسكري ... ده كلام ميدفيديف نفسه و نقلته عنه وكالة تاس
انا وجهة نظري في كلام ميدفيديف ده اكبر شوية من تدمير الدبابات ... ده هيبقا تدمير لسمعة السلاح الألماني كله
يعني الفضيحة في سوريا ملمومة و مفيش اعلام مهتم بالسوريين ... انما الفضيحة في اوكرانيا هتبقا بجلاجل
ماذا لو لم تحدث ال ليوبارد فارق في المعركة .. ومش هتحدث ان شاء الله 🤔🤔

📌و اللي هيقع في الاسر من الدبابات دي
هيبقا كارثة عسكرية لألمانيا
لأن تكنولوجيا ليوبارد مازالت خفية و سرية .. لو راحت روسيا هتروح علي سنتروفيستيك .. تتفكك و يتعرف التكنولوجيا بتاعتها و يبقا ألمانيا خيشت في حيط 🤷🏻‍♀️🤷🏻‍♀️

دي اسباب كفيلة انها تخلي ألمانيا تتراجع 👌🏻👌🏻

🔷🔶 طيب حزمة المساعدات الضخمة دي هتيجي منيييين 🤔🤔
اللي جاوب علي السؤال ده
جنرال لورا ريتشاردسون قائد القيادة الجنوبية الامريكية
" المسئولة عن امريكا الجنوبية "
قالت ايه مسز لورا 👈🏻 انها بصدد التفاوض مع 9 دول لاتينية عشان يشتروا منها الاسلحة الروسية اللي عندهم عشان يبعتوها ل اوكرانيا 👌🏻👌🏻
" و ده طبعا بعد ما الجيش الاوكراني ضيع كل التسليح الغربي علي الارض .. و اللي متدمرش بوتين عرف التكنولوجي بتاعها 😁😁"

ف قالوا احنا ندفع فلوس و نشتري لهم السلاح الروسي و نشتري دماغنا بالمرة 🤦🏻‍♀️🤦🏻‍♀️

🔷🔶 حوار بقا ان امريكا هتجيب سلاح عشان كييف تسترد القرم
ده بالنسبة لي كلام ميديا لإثارة التوتر في موسكو
بس ابانا الذي في الكرملين مش مراهق سياسي .. ده عقر
و ببساطة يعني لما قادرين يحرروا القرم ... ما يحرروا ماريوبل طااااه 😁😁 .. ما يسترد خريسون
و لا هو الشيخ البعيد سره باتع 🤔🤔

يا ساااادة آلة الاعلام الغربي هي آلة اثارة المشكلات و الجدليات الزائفة 👌🏻👌🏻
♦يعني الحزمة العملاقة دي لسه هتتلم من امريكا اللاتينية .. و خلوا بالكم ان دول امريكا اللاتينية دي بعد ما تبيع السلاح ده ان باعته يعني
بوتين هيشتري منهم بيان السلاح اللي باعوه 🤷🏻‍♀️🤷🏻‍♀️ ... ده انا لو قعدت مع رئيس كوبا ممكن اعرف منه باع ايه و بكام و تاريخ استلامه و موديله ايه كمان مش مخابرات السوفييت بقا 🙄🙄

🔷🔶 هقولكم حاجة غريبة شوية
انا مبسوطة من الزخم ده
و مبسوطة من الحشد الغربي ده بالقوة دي
ليييييه 👈🏻 بالنسبة لي كده الغرب جاب اخره .. و داخلين علي معركة الحسم
يعني وقعوا في الكمين اللي نصبه بوتين
و هنخلص بقا من الهم ده عشان نلتفت لمصلحتنا
📌 وانا بصدق العم ميدفيديف
ف الراجل الطاهر ده قال يا اخواننا مفيش حاجة اسمها روسيا هتنهزم ... انتوا ناسين اننا عندنا نووي و لا ايه
ف يا روسيا هتكسب بمزاج الغرب عشان يقولوا للعالم انهم عملوا كل ما في طاقتهم لكن اوكرانيا انهزمت والله غالب بقا عشان الانسانية ... يا اما نعمل لاخرتنا عشان رايحين مشوار للأخرة 🥹🥹

🔷🔶 موسكو بعد انتهاء اجتماع وزراء الدفاع بدأت تبعت قوات ل كييف نفسها بقا من ضمنها عناصر فاجنر
علي ما المساعدات توصل هيكون كييف بقت ذكريات 😏
---------------------------------------------------------
🔴 الموغات خلصت .. هاتوا طبق كسكسي 😁 .. مش عارفة هواجس السبوع بتطاردني ليه 😁 ... بس اصلها بتبعث علي الدفء

🔷🔶 ما تيجوا بقا نشوف بعض الاوضاع الاقتصادية للدول اللي بتوزع مساعدات دي 🤷🏻‍♀️🤷🏻‍♀️

♦ اخونا ماكرون اللي مش هيحتفل معانا ب كريسماس 2024 ده 😁😁
امبارح و انهاردة فرنسا فيها مظاهرات مليونية ضد قانون التقاعد الجديد
" بص يا عزيزي اختصارا للحوار ده .. سن التقاعد في فرنسا هو 62 سنة
القانون الجديد بيقول انهم يرفعوه 3 شهور كل سنة .. لحد في 2030 ما يوصل ل 64 سنة "
طبعا كل النقابات العمالية في كل الفيدراليات هاجت و ماجت و الدنيا باظت ... و امتنعوا عن الذهاب عن العمل و اضراب و مظاهرات و اشتباكات مع الشرطة و مولتوف و ليلة كبيرة اوووي
📌 تسكت بقا الحكومة الفرنسية علي كده ... ابدااااا
راحت تعرض قانون كمان لخفض دعم التعليم
يخربيييييت سنينكم
تحسوا انهم بيخربوها مرة واحدة بقا
📌 ده غير رفض الحكومة زيادة الرواتب في مقابل التضخم و ارتفاع الاسعار .. و فواتير الطاقة

بدأت بقا تتعالي اصوات وقف مساعدات أوكرانيا ووقف ارسال اسلحة و عايزين الحكومة تبين لهم كشف حساب بمصروفاتهم علي اوكرانيا بالمقارنة بالانفاق الحكومي

الله الوكيل يا عزيزي لو الحكومة سمعت كلامهم لا يكون مصير ماكرون و بريچيت هو هو مصير لويس و ماري انطوانيت .. المقصلة

لأن معني ان فرنسا بتتفاوض علي قرض 40 مليار دولار من صندوق النقد .. انها صرفت المبلغ ده في العبث 🤷🏻‍♀️🤷🏻‍♀️
يا عيني عشان ماكرون يغذي عين الشيطان بيقترح قانون اعادة تسليح الجيش تكنولوجيا 🙄🙄

♦ نروح كده زيارة لأبو السنانيك ... و انتوا عارفين اني بحبه " لا صحيح 😒😒"

بريطانيا سقطت في فخ الاضرابات .... و ده عدوي و استشرت
📌 القطاع الصحي البريطاني وصل لمرحلة اللانسانية و الرحمة الغربية و الحنية الامبريالية 🙄🙄
ل درجة انهم بقوا يسيبوا المرضي تموت عشان ميقطعوش الاضراب 👌🏻👌🏻
📌 التضخم وصل 10.5%
قطاع التمريض عايز زيادة مرتبات 19% ... الحكومة قالت لهم لاااا هما 4.75% و دي امكانياتنا و ان كان عاجبكم
قالوا لا مش عاجبنا
📌البرلمان عمل كمين ل سوناك .. اتصلوا بالطوارئ أول جلسة الاستجواب و بلغوا عن حالتين ازمة قلبية و حالتين سكتة دماغية .... فات 40 دقيقة ومحدش سأل
راح العضو ابن الدايرة البريطاني مطلع بيان ب 31 حالة وفاة في الطوارئ في اسبوع بسبب الاضراب 🤷🏻‍♀️🤷🏻‍♀️
و حملوا فشل القطاع ل سوناك
📌 قطاع التعليم بقا قال لاع الصحي و النقل مش احسن مننا
احنا كمان هنضرب
عشان عايزين زيادات 15% لمواجهة ارتفاع الاسعار و فواتير الطاقة اللي بقت 40% من المرتبات
راحت الحكومة قالت لا هما 3% بس 🙌🏻
قاموا موقفين حركة التعليم

يعني هو لو الاخوة البريتش ياخدوا بنصيحتي .. هما يتلموا كده و يدخلوا بيوتهم يناموا السنتين دول .. لحد ما بوتين يخلص الحرب و الدنيا تهدي كده و بعدها يصحوا يشوفوا هيعملوا ايه 🤦🏻‍♀️🤦🏻‍♀️

و بعد البهدلة دي سوناك لسه بيقاوح و عايز يساعد اوكرانيا .. ياخويا شوف حد يساعدك 😏

🔷🔶 خلصنا اكبر 3 دول اوروبية
نروح بقا ل إله السامري
" عجلا جسدا له خوار "
📌 لما قولت ان امريكا مهددة ب التخلف عن سداد ديونها في يونيو .... طلعوني من الملة 😁😁

العم چو بقا بنفسه طبطب عليا بإيديه الحانية و قال الست دي بتقول كلمة الحق يا اخواننا
و من أجل ذلك 👈🏻 بايدن توجه للكونجرس برفع سقف الدين بلا أي شروط ... و انه يجب انقاذ الولايات المتحدة بأي ثمن

ده كمان بيستجدي الجمهوريين بعدم الوقوف امام رفع سقف الدين من أجل ولايتنا المتحدة العظيمة " يا اخي الدمعة هتفرررر من عيني 🥹 "

📌 طب هو بايدن هيموت ليه علي رفع سقف الدين 🤔🤔
عشان معندوش فلوس يسدد .. ف عايز يقترض تااااااني .. اما يقترض من الصندوق او يصدر سندات جديدة علي الحكومة
فهو تجاوز سقف الدين ال 31 تريليون و بقا 31.4 تريليون دولار 🤷🏻‍♀️🤷🏻‍♀️
" هو ده اقتصاديا معناه ايه غير تردي اوضاع اقتصادية و هزات مالية عنيفة 🤔🤔"

هيئة المدافعين عن القداسة الامريكية دلوقت هيهدروا دمي .. استتاب ثلاثة او أقتل 😁😁
اللهم انصر عبدك فلاديمير بوتين علي العالم الشر دول عشان ننجو بالكوكب من بين براثن الشيطان و اودلاه 🙏🏻

عائلتي الرائعة لكم مني كل الود و الحب و العرفان ❤

هذا و استغفر الله لي و لكم و لريسنا الصبور عزيز مصر .. و اللهم إنا نسألك بهية حلوة الحلوات 🇪🇬🇪🇬

📢 صباح الفل عليكم :
مين الشخص المنوط بوضع حلول اقتصادية لدولة ما .. مين اللي الدولة المصرية تلجأ له يضع لها خارطة طريق و من خارج الحكومة و المجموعة الاقتصادية 🤔🤔

لو السؤال ده بيوجه ليا شخصيا
هجاوب إجابة متوافقة مع قناعاتي :
▪أهم حاجة يكون دارس اقتصاد اساسا .. يعني ده تخصصه
▪نفسيا و عصبيا خالي من اي ضغينة تجاه الدولة
▪مش حاطط عينه علي مقابل
▪ تاريخه مشرف اقتصاديا .. يعني له اي انجاز ناجح في حياته
▪يكون يملك رؤية عن الماضي الاقتصادي لمصر

ده كلام أكاديمي و طبيعي
و هي دي صفات الشخص اللي أنا چيلان اقعد اسمعه في التليفزيون مثلا .. أو اقراله بوست
غير كده سلامي النفسي أهم من أي حاجة 🙌🏻🙌🏻

🔷 لكن في مواطن عادي بيجتهد من وجهة نظره انه يقدم حل ما ... وفقا لنظرته هو للأمور
و عادة بتكون نظرة محدودة لأنه من غير متخصص

♦ هنا بيظهر دور المتخصص انه يبلور الفكرة دي للمواطن ده أو يصححها له عشان المصلحة العامة

ناخد مثال :
🔸في ناس شايفة ان مصر متصدرة في تصدير محاصيل زراعية معينة زي البرتقال و الفراولة و البصل و البطاطس لأوروبا
📌 يا سيدي الفاضل الاتحاد الاوروبي و دول شرق اوروبا و روسيا لو انت مبعتلهاش فراولة و برتقال مش هتدوقه و لا تعرف طعمه .. انت عندك حق

🔸 بس ميزان المدفوعات مش متساوي .. و بستورد قمح و درة و فول صويا بمبالغ كبيرة
و الحل ان الدولة تبطل تزرع المحاصيل دي لحساب محاصيل تانية مصر محتاجاها و توفر عليا غلاء الاسعار🤷🏻‍♀️🤷🏻‍♀️

📌 دي بالظبط نفس فكرة وقف مشروعات البنية التحتية و اصرف علي الاكل و الشرب علي فكرة بس بشكل شيك 🙄🙄

ناخد الموضوع واحدة واحدة :

📌 هو فجوة ميزان المدفوعات " الواردات و الصادرات " .. بسبب سوء أسعار التصدير و لا بسبب انك معندكش سلع تنافسية تصدرها
حضرتك بتصدر محاصيلك بأسعار ممتازة و دي بتبان من اسعار البيع في اوروبا " يعني ال 7 فراولات ب يورو مثلا 😏"
الفجوة دي سببها انك مش بتصدر سلع كتير و متنوعة 🤷🏻‍♀️
📌 لو انا وقفت تصدير الفواكه ايه اللي هيحصل 👈🏻 هخرج من قايمة الموردين
و ده علي دماغي
لان اوروبا هتدور علي مورد بديل ... و انت اللي هتطلع برا السوق
📌 اقتراح الاحلال و الاستبدال بقا
يعني اقلل من زراعة البرتقال علي قد احتياجات السوق المصرية .. و ازرع قمح و بلاش تستورده
▪هنا بيجي دور الرؤية العلمية بقا :
القمح من المحاصيل المجهدة جدا للتربة ... و انا معنديش مساحات ارض تستوعب زراعة الكميات اللي انا محتاجها
و مش كل دورة زراعية هقدر ازرع القمح و الا هبقا بدمر الارض .. ده انا بحتاج ازرع محصول مريح للارض زي الحبوب مثلا عشان التربة تستعوض النيتروجين اللي فقدته من زراعة القمح
▪نفس الحال بالنسبة ل فول الصويا
بيتزرع علي عروة الدرة الشامية
" انا مش متخصصة بس معلوماتي ان في مصر اتجهوا لزراعته بطريقة العفير مع الدرة الشامية لتوفير الرية "
▪نقطة كمان مهمة 👈🏻 هل مواردك المائية تسمحلك انك تزرع كافة المحاصيل المستهلكة للمياه
" عملنا تبطين ترع .. تحلية مياه البحر .. معالجة مياه .. محطات رفع مياه .. صحارات .. قناطر "
كل دي مشروعات مياه اتعملت عشان توفر أنواع معينة من المحاصيل
انما مفيش دولة في العالم ممكن تنتج كل المحاصيل
الكلام ده في الجنة بس ربنا يرزقنا و يرزقكم دخولها 🙏🏻
▪نقطة أخري 👈🏻 الصادرات هي مورد من موارد العملة الصعبة
لما أنا اقللها .. هستعوض المصدر منييييين 🤔🤔
ما هو أنا محتاج عملة صعبة علي الاقل عشان استورد معدات زراعة و أنا الموردين تلاتة اللي عندي للعملة الصعبة يا دوووب مكفيين احتياجاتي و بالعافية

المنطق بيقول ان أي حاجة عندي تنفع تتصدر لازم أجري أصدرها و ازود في انتاجها عشان أقلل الفجوة و أوجد مورد للعملة و أظبط قايمة التدفقات النقدية للدولة 🤷🏻‍♀️🤷🏻‍♀️

و لو كان في اعتقاد اني لو قللت او وقفت تصدير محاصيل زراعية كده الاسعار الداخلية هتقل .. ف دي فكرة غلط جدا
لان الاسعار مرتبطة بمعدل تضخم ... المعدل ده مش هيقل الا مع زيادة الانتاج و زيادة حركة البيع .. جزء من البيع هو التصدير
بالعكس ده هيفتح باب خساير للمزارعين و لوزارة الزراعة و وزارة المالية كمان 🤷🏻‍♀️🤷🏻‍♀️

سهل جدااا اننا نقدم حل بس قبل ما نتهم الدولة بالعشوائية .. نفكر في منطقية الحل ده و مدي واقعيته
بلاش حلول كيم يانج أونج دي بإن أمريكا مانعة دخول الدولار ل كوريا الشمالية راح طابعه هو 😁😁 ... فلوس بنك الحظ

ف لو فكرة ايقاف زرع المحاصيل المصدرة دي صادرة عن مواطن بيحاول يساعد الدولة .. أنا وضحتها
و لو صادرة عن حد بتاع اقتصاد يبقا 3 ااحييييييه بالكركديه 🙄🙄

اتمني فكرتي تكون وصلت ببساطة 🌺

📢 هل في راس في السعودية أكبر من ولي العهد محمد بن سلمان
عشان ناخد بكلامه .. أعتقد مفيش 🤷🏻‍♀️🤷🏻‍♀️

♦الامير محمد بن سلمان قابله إعلامي سعودي سأله سمو الامير الاعلام المصري بيقول انه يوجد خلاف مصري سعودي
رد عليه الامير بن سلمان 👈🏻 تقصد الاعلام الاخونجي المصري و ليس الاعلام المصري
قاله لا في اعلاميين غير الاخوان
رد الامير 👈🏻 يبقوا اعلام تابع ل ايران 🤷🏻‍♀️

و قال العلاقات المصرية السعودية في اطيب حال و لها اواصر لا تنتهي .. وفخامة الرئيس عبد الفتاح السيسي نتمتع معه بعلاقات طيبة و ممتازة
المملكة لن تتأخر عن مصر ابدا .. و نعلم أن مصر لن تتأخر عن السعودية أبدا
و أي شائعات الغرض منها النيل منها من قوة العلاقة بين الدولتين لا تلتفت لها القيادتين 👌🏻👌🏻

هاااا ايه بقاااا
خليتوا الراجل يقول عليكم يا اخوانج يا عملا ل ايران .... مسحتوا بينا الارض 😒😒

ليا صديق و موجود معانا هنا
منتج ل 3 برامج في التلفزيون السعودي .. قالي طيب لو عملت هاشتاج ينزل علي البرامج اسمه تحيا مصر من الرياض تفتكري له فايدة
قولتله هو هل الشعب السعودي حاسس بوجود ازمة بين مصر و السعودية .. رد عليا قالي إطلاقا
قولتله تمااام
يبقا مفيش داعي أبدا اننا نلفت نظرهم ل شئ ينكشوا فيه ف تحصل أزمة فعلية
كده القرف جي من عندنا احنا
و احنا نتكفل بيه بقا

لو سمحتوا نوقف الترويج للاشاعة دي .. حتي لو بعدم التفاعل معاها

🔷🔶 طيب ليييه أنا مهتمة بالنقطة دي 🤔🤔
عشان احنا مرارا و تكرارا قولنا ان العالم بدأ في ولادة أقطاب جديدة
من ضمن الاقطاب دي لازم يكون القطب العربي له مكان بأمر الله
بكل معطيات السياسة و الاجتماع و المنطق 👈🏻 مفيش مكان فيه نزاعات او خلافات ممكن يكون مصدر قوة او يلقي احترام العالم ... او يمكن الاستعانة بيه

شوف روسيا عايزة ايران تستقر ازاي عشان تدعمها في حربها مع الغرب .. نفس الحال بردو في كل الاتجاهات
ف المفروض احنا نكون حذرين جدا في ترويج الاخبار اتقاءا لشر آلة الاعلام الغربية و معاونيها من الداخل
" فيديو ولي العهد في الكومنتات للي حابب يشيره 👌🏻"

📢 اكتر من 100 ألف متظاهر اسرائيلي ضد الحكومة الان في تل ابيب و حيفا و يافا
و هتافات ضد الحكومة
و بيشتموهم بالأم 😁😁😁

♦ أتمني من الاخوة الفلسطينيين بلااااااش الاندساس وسطهم .. يعني يسيبوهم يولعوا في بعض ان شاء الله
لأن اي عمل تخريبي هيحصل
هيسيبوا نتنياهو و يمسكوا فيهم همااا
ف بلاش غباء الله يرضي عليكم 🙄🙄
#الربيع_الصهيوني
#اللهم_ارزقهم_حكم_الاخوان 😂😂

يا مساء الورد البلدي ل عيلتي الطيبة ❤
أنا عارفة اني مقصرة حبتين بس ده عشان معتمدة علي عين واحدة بس .. التانية مقموصة 😁😁

لكن ده لا يمنع اننا نخرج #الفراندة بتاعتنا
و نعمل رقعة شطرنج الاتنين 23 يناير 2023 :

🔴 عارفين هبدأها منين
من دحض اكاذيب الخلاف المصري السعودي و الترويج للعبث الكويتي
♦مبدئيا الورقة اللي منسوبة لمجلس الامة الكويتي بإن الدولة تحصلت علي ودايع 92 مليار دولار
و ان البنك الدولي طالب الخليج ب 40 مليار دولار تتضخ في مصر
طلعت مزيفة .. اااه وربنا
و طلعت لا تمت لمجلس الامة الكويتي بصلة .. و طلع ان الاعضاء مش مسموح لهم انهم يتداولوها للكتابة عليها
دي خاصة باصدار القرارات فقط من رئيس المجلس 👌🏻👌🏻

📌 و ده مش كلاااامي .. ده كلام محمد الملا الاعلامي الكويتي .. اللي هاجم البرلماني الكويتي اللي رافض ان الكويت تستثمر في مصر و قاله 👈🏻 دع احقادك الاخوانية لما فعله فخامة الرئيس السيسي في جماعتك جانبا .. و انظر الي مصلحة الكويت 🤷🏻‍♀️🤷🏻‍♀️

🔷🔶 سؤال يا چي هو الكويت لها عندنا مصلحة 🤔🤔
و الله يا عزيزي بزعل منك اما متقدرش مكانة مصر العظمي
لكن هقولك عشان انت غالي عليا و تبقا زبون ومتشتريش من برا 😁😁
📌 فاكر طبعا مشروع ربط بحيرة فيكتوريا بالبحر المتوسط اللي كنا اتكلمنا عنه .. أهو بنك التنمية الكويتي هيموت و يدخل تمويل في المشروع ده گ مستثمر
لدرجة انه بيعرض صفقة تحويل الوديعة الكويتية لاستثمار تمويلي فيه ... و هما هيسددوها للسيادي الكويتي
▪معلش ايه أهمية المشروع ده للكويت ... احنا افارقة مع بعضينا 🤔🤔
لا يا عزيزي ما هو احنا مش عاملين مشروع افريقي عائلي 😁 الهدف من المشروع ده هو تسهيل حركة الصادرات و الواردات للقارة الافريقية و مواردها الغنية و فتحها گ سوق قوي لتلقي الواردات الخليجية 🤷🏻‍♀️🤷🏻‍♀️
طب الكويت اللي عندها مشكلة كبيرة مع البنك الدولي اللي عايزها تعمل اصلاحات و تنوع مصادرها عن النفط و تفتح مجالات أخري بسبب التحول و الهيدروجين الاخضر و الكلام ده ... هتجيب مواد خام رخيصة منيييين لخطة مشروعاتها 🤔🤔
ايوووون 👈🏻 من افريقيا 🤷🏻‍♀️🤷🏻‍♀️ .. ف عايزة تحط رجلها بأي شكل و ده مش هيحصل الا من خلال بوابة افريقيا 👈🏻 مصر العظمي
♦ يعني هي دي المصلحة الوحيدة 🤔
لا حضرتك 👈🏻 الصندوق الكويتي للتنمية الاقتصادية العربية داخل معاك ممول و مستثمر في مشروع مركز الطاقة المصري السعودي 🤷🏻‍♀️🤷🏻‍♀️

يعني محدش مشحتك فلوس من الكويت ... دي كلها بتدخل استثمارات بالفعل 👌🏻👌🏻

🔷🔶 السعودية بقا و الضربة القاصمة للمدعين كلهم :

بعد عودة الرئيس السيسي من الهند هيجي مصر السيد ياسر الروميان رئيس الصندوق السيادي السعودي في زيارة هامة و معاه وفد من 11 رجل أعمال و اصحاب شركات

" سامعة اشف الدوني بيقول جايين يشتروا الهرم 😏😏"
لاااا يا ابو لسان طويل
اسحبو منه الحاجة السقعة سوء استماع و سخرية 😒

كان في حد في شهر نوفمبر اما اتكلمت عن بورصة الدهب سألني هو احنا معندناش الا منجم السكري و مش محتاج يعني بورصة و لا بتاع
" و ده طبعا بسبب النسبة الكبيرة اللي بتاخدها شركة التنقيب و اللي هي 38% "
رديت عليه قولتله منجم السكري ده واحد علي عشرة من احتياطي الدهب في مصر و الصحرا الشرقية اساسا منجم دهب ... عشان كده الريس شايلها من حسابات التعمير و المدن الجديدة
و انا مش بهبد
ده في التسعينات الدكتور فاروق الباز عمل دراسات هو وفريق من 3 جامعات و ده كان تقريره
اللي هيحصل ايه بقااااا 👇🏻👇🏻
مصر و السعودية هتعلن عن تأسيس و بدء التشغيل لأكبر شركة تنقيب عن الدهب في منطقة الدرع الجنوبي العربي 👌🏻👌🏻
و ده بعد معرفة كمية الدهب و الالماس و المعادن النفيسة الموجودة بالظبط ... يعني مش لسه هيدوروا الدراسات خلصت بالفعل 🤷🏻‍♀️🤷🏻‍♀️

عشان كده عملنا بورصة دهب زي روسيا كده بالظبط
تفاصيل و خرايط و كميات مش عندي الحقيقة ... لكن اعرف مين من السعودية جي مصر و تأسيس الشركة العملاقة

🔷🔶 أهمية بورصة الدهب المصرية مش انها هتكون لمحاصرة الاسعار و التحكم فيها ... دي هتكون مركز التداول علي الدهب في افريقيا و الشرق الاوسط

بالعقل كده لو انا مختلف مع السعودية أكبر مسئول مالي هيجي مصر لمشروع هام زي ده .. و زي ما الاعلام السعودي بيقول اليومين دول
مصر و المملكة تقودان مشروعات القرن ... و احنا بنعمل فيديوهات بن سلمان ماسك خنجر علي السيسي
جتكوا ستين نيلة اقسم بالله ناس مش مسئولة و مبتفهمش سياسة و لا اقتصاد و لا جبر و هندسة حتي 😒😒

" انا في انتظار خبير الغبرة اللي هيطلع يقول ان الدهب مش مهم .. يا ريت ينقب لنا علي صينية مكرونة بشاميل تسد جوعنا 🙄"

يا ريت نبقا قفلنا الباب ده تماما و مفيش أي حاجة نروج لها تاني او نتعاطي معاها خليهم في كوكبهم الموازي ده
------------------------------------------------------
🔴 نيجي بقا لمنقوع السم :
ان اعتماد الجنيه المصري لدي روسيا مش امر ذات أهمية عشان حجم التبادل مش عادل .. و هنجيبه منين الروبل اللي هنتعامل بيه 🤔

📌 اسمحلي احرق دمك و اقولك ان روسيا اعتمدت 28 رحلة طيران اسبوعيا لمصر .. يعني كل سياحة روسيا تم توجيهها لمصر
و السياح دول هيتعاملوا ماليا بالروبل ... و اصبح مقبول لدينا
و ده هيعمل احتياطي
غير اننا وصلنا روبل بالفعل 😉😉
و كمان يا ضيق الأفق مين قالك ان اعتماد الجنيه هيفيدنا في التبادل التجاري الروسي بس 🤷🏻‍♀️🤷🏻‍♀️

حبيبي انت هتتعامل بالجنيه مع كل الدول اللي بتتبادل تجاريا مع روسيا 🤷🏻‍♀️
تخيل يا بيبي ان في 68 دولة هتقبل منك الجنيه بعد قبوله في 3 دول من دول بريكس
و توصية بنك التنمية الخاص ببريكس بتقييم الجنيه المصري و ده بعد الاجتماع الاخير اول امبارح 🤷🏻‍♀️🤷🏻‍♀️
احنا اسفين لو بنجرح مشاعرك انت و معبودك الدولار ... بس انا بقالي 6 شهور بقول ان الدولار هيتم اغتياله 👌🏻👌🏻

روسيا - الصين - الهند 👈🏻 تبادل تجاري مع مصر بالعملات المحلية و الغاء الدولار و اليورو 🤷🏻‍♀️

🔷🔶 طب هو ده بيحصل في شرق العالم بس .. و الناحية التانية متعاطفة مع الدولار 🤔🤔

الحقيقة ان خبر فايننشال تايمز امبارح كان مفزع ل چانيت يلين وزيرة الخزانة الامريكية
الست عاملة جولة افريقية عشان تنقذ ما يمكن انقاذه من ايد الصين ...قوم امريكا اللاتينية ضربت منها
جت تظبط البنطلون الچاكيت ضرب 😁😁

📌 امريكا من التسعينات نجحت في قتل العملات الخاصة بالدول اللاتينية و خلت الدولار يحل محلها عشان تقويه اكتر و اكتر
امبارح بقا الدولار تلقي طعنة لاتينية
الارجنتين و البرازيل قرروا اصدار العملة الموحدة " سور " للتجارة فيما بينهم و مش هتكون مقيمة علي قيمة الدولار .. دي هتقيم علي الوضع الاقتصادي للدولتين للتخلص من حالة الركود .. و مساعدة الشعب علي تخطي الازمة في الاسعار
▪ و في 22 فبراير القادم هيتم عمل قمة لاتينية لدعوة كل دول القارة للانضمام للعملة " سور " .. و الغاء التعامل بالدولار 👌🏻👌🏻

🔸 هقولك انا ليه " سور " دي هيمشي حالها مع امريكا اللاتينية
البرازيل دولة بريكس
و كل دول امريكا اللاتينية او 28 دولة منها بتتعامل مع بريكس بيع و شرا .... هيكون امامهم حلين
اما العملة سور او عملة بريكس اللي هتصدر ...... هيوحشنا الدولار و الله 🙄🙄

من 80 سنة بالظبط الجنيه الاسترليني ذل كوكب الارض كله .. لدرجة ان الدول اللي مكنتش تحتفظ باحتياطي معين من الاسترليني يتمنع عنها سلاسل الغذاء .. و ياخدوا من شعبها عبيد في مقابل توفير الغذاء للباقي
راح ربنا مسلط عليهم هتلر و الحرب العالمية التانية و خلالهم استدانوا من امريكا و بعدها النصاب نيكسون و انتهت اسطورة الاسترليني
▪انهاردة الدولار اتحكم في السوق و بقت الازمة فيه .. تخلق ازمة في العالم وتعمل مجاعات

راح ربك مسلط عليهم واحد طوله 170 سم قيصر في نفسه كده جابهم الارض 😁😁
هو التاريخ كده لازم بيعمل اعادة تدوير كل فترة 👌🏻👌🏻
-------------------------------------------------------
🔵 تعالوا بقا ناخد و ندي في حدث حصل و بيحصل و هيحصل تاني :
حرق المصحف الشريف
طبعا هو شئ يحرق دم أي مسلم .. لكن بلودان ده مش أول مرة يعمل كده ... و دايما السويد بتمنحه التصريح في 2022 حرقه 3 مرات
📌 هي دي الحرية الغربية اللي بيتشدق بيها عبيدها
الدين هو مجموعة الطقوس و الشعائر التي يتفق عليها مجموعة من البشر و يقبلوها ... ده توصيف الدين في دساتيرهم
لكن لا له بند احترام و لا حماية 😒😒
طب لو انا مسلم و رايح اخد تصريح حرق الانجيل .. هيقولوا طيب يا حبيبي عايزه انجيل ماتيوس و لا لوكاس .. عندك نسخة و لا نجيبولك
📌 انما لااااا يجرؤ مواطن أيا كانت جنسيته انه يقول هحرق التوراة و لا التلمود و لا التناخ
ساعتها يبقا لبس تهمة عداء السامية و اضطهاد اليهود .. و دي عقوبتها في ارحم القوانين 3 سنين سجن
بيتحكموا في قوانين العالم 👌🏻👌🏻
عشان كده انا بستاء نفسيا من السلوك القذر ده .. لكن بقول ان الامر لم يخرج عن ارادة الله ... و ان الخوف الحقيقي من لحظة رفع القرآن من المصاحف و متمناش اعيشها الحقيقة .. ربنا يخرجنا منها علي ثبات ايماننا 🙏🏻🙏🏻

لكن خلينا نبص للأمور سياسيا
📌المختل المتطرف ده عمل عملته السودا امام السفارة التركية .. و بناء عليه تركيا لغت زيارة وزير الخارجية السويدي لها
📌 هنا كل الدول الاسلامية " تعمدت " اصدار بيانات ادانة و شجب و في دول استدعت سفير السويد لتسجيل اعتراضها
و في دول زي الاردن و نيجيريا حطت تركيا في وش المدفع

وقالت ان كان المقصود هو اهانة تركيا عبر الاسلام ف لابد من اتخاذ موقف حاسم
ومفتي المسلمين في روسيا روشان عباسوف طبعا مسح الارض بالسويد .. و تساءل هل دي دولة تركيا بصفتها دولة مسلمة ممكن تحط ايديها في ايديها و تتعاون معاها
" لعبها صح 👈🏻 هااا يا رجب هتتغاضي و تعديهم في الناتو 🤔🤔"
📌 اردوغان هنا محطوط في موقف لا يحسد عليه
▪اما هيخسر الناتو و السويد كده مش هتدخله .. و ده اللي عايزه بوتين
▪او يطنش و يتشدق بجملة اوروبا الحرة و بتاع ..و هنا هيكشف نفسه امام العرب و يخسر دعمهم
و احنا في الانتظار هتعمل ايه يا ابو رجب🤷🏻‍♀️🤷🏻‍♀️
-------------------------------------------------------
🔵 روسيا رفعت العلم فوق باخموت :
♦ ايوا ايه المشكلة ما هي رفعته في ماريوبل مثلا 🤔

لا يا عزيزي تفرررق
الميديا الاوكرانية و البريطانية بقالها 10 ايام بتسوق ان روسيا بتكدب .. و ان مفيش تقدم للقوات الروسية .. و ان سوليدار تحت السيطة الاوكرانية
و بناءا عليه عملوا الاجتماع بتاع وزراء الدفاع و اتفقوا علي المساعدات
و عمالين يضغطوا علي وزير الدفاع الالماني الجديد عشان يبعت ال ليوبارد 2
الراجل قالهم عليا النعمة ما باعت حاجة غير اما اروح كييف اشوف بنفسي الدنيا فيها ايه .. و حدد زيارة ل كييف الاسبوع الجي
📌 بوتين بقا قاله و النبي ما انت تاعب نفسك .. أدي العلم علي باخموت
و أدي فيديوهات حرب الشوارع هناك .. قوات فاجنر بتجري ورا الجنود الاوكران بتطلعهم من بيوت المدنيين و تأسرهم .. و أدي الاسلحة الغربية خلتهالكم سلطة زبادي .. و ده مصير أي سلاح جي هنا 👌🏻👌🏻

🔷🔶 في نفس ذات الوقت ايميشيه فايك مديرة الفيلق الاجنبي في اوكرانيا طلعت تصريحات ودت الجيش الاوكراني كله في داهية
قالت ايه بقا ايميشيه 👈🏻 قالت يا اخواننا انتوا مفكرين المساعدات المالية اللي بتبعتوها عشان القوات الاوكرانية دي تاكل و تتغذي كده دي بتروح للقوات الاوكرانية .. ابسلوتلي دي بتتسرق يا حبايبي
مش انا اللي سرقت ال 2.5 مليون دولار بتوع الادوية .. ده نائب قائد القوات بمعرفة زيلينسكي نفسه .. و المرتبات اللي بتبعتوها للمرتزقة دي محدش عارف هي قد ايه لانهم بياخدوا اسبوعيات ضعيفة للغاية
ده بقا كان تسجيل مكالمة لها و هي بتهدد حد علي طريقة 👈🏻 انا لو وقعت مش هقع لوحدي 😁😁 .. و المكالمة اتسربت لل ديلي ميل عن طريق واحدة معارضة اوكرانية اسمها ماريانا
و المعارضة البريطانية ماسكة ريشي سوناك غسيل و مكوة 🙄🙄"

♦ طبعا زيلينسكي مش عارف يلاقيها منين و لا منين
قالك انا هفتح تحقيق موسع عشان اتأكد ازااااي الفلوس تتسرق
هنا كان دور السياسي الفرنسي فليبيو 👈🏻 وجه اتهام ل ماكرون انه بياخد فلوس الشعب الفرنسي في أشد ازمته الاقتصادية .. و بيبعتها لأولي دول العالم في الاختلاسات
و لحد امتي هيزيد حساب زيلينسكي البنكي علي حساب معاناة الفرنسيين الاقتصادية 👌🏻👌🏻

ايمشيه فايك دي هتخبطها عربية و هي بتعدي الطريق و مش واخدة بالها .. او هتاكل ساندوتش كبدة من علي عربية في الشارع يطلع مش نضيف و يعملها تسمم ..... حاجة في الرينچ ده 🙄🙄

بس انا بقولك الحرب مش هتطول و لا حاجة ... بايدن في موقف مهبب
الجمهوريين مش متعاونين معاه عشان مش عايزينه .. فهيضغطوا عليه بورقة الاقتصاد
الغدر اللي بيتغدر ب الدولار ده عامل ارباك عام
و الوضع في بريطانيا غير مستقر بالمرة و استطلاع الرأي بتشير بعدم رغبة البريطانيين لإكمال سوناك
و دول الداعمين فقط ل اوكرانيا .. الباقي نفسه ينط من المركب و يخلص
و الصراحة دي لا دولة و لا شعب يستحقوا الدعم 🤷🏻‍♀️🤷🏻‍♀️
-----------------------------------------------------
🔵 الحدث المهم بقااااا :
عزيز مصر في الهند بكرة و لمدة 3 ايام " 24 , 25 , 26 يناير "
بصفته 👈🏻 الضيف الرئيسي لاحتفالية الاستقلال 👏🏻👏🏻

🔷🔶 في ناس ممكن تقول هند ايه و بتاع ايه .. دي دولة عالم تالت
متبقاش متهور
تقسيمة عالم اول و عالم تالت دي تقسيمة عنصرية قسمها اخوية سوداء لإذلال الشعوب .. حتي معملوش عالم تاني عشان يبعدوا التصنيف .. خليك عاقل كده

📌 الهند عملت نهضة تكنولوجية كبيرة .. و بتصنع سلاح و الكترونيات .. و عندها صادرات حبوب عالية جدااا .. و سوق كبير لو استثمر عندك انت هتكسب من وراه
📌 عشان كده الريس و الوفد المرافق له هيركزوا علي نقطة احضار المستثمر الهندي لمصر
▪كانت الوزيرة هالة السعيد اجتمعت مع جوتام الملياردير الهندي و اكبر مستثمر هناك .. لما كان هنا في مصر و اطلعته علي المناخ العام للاستثمار
📌 اعتماد الجنيه و الروبية هيرفع عليك ضغط الدولار

📌 دولة زي الهند بتبيع الغاز الروسي المتعاقب النوتي الشرير لاوروبا 😁 .. و بتتجه لعمل اسطول ناقلات
هتدر عليك دخل من المرور في قناة السويس 🤷🏻‍♀️
📌 في الوقت اللي الهند وقفت تصدير القمح عالميا .. عملتلك انت قرار استثناء و اخدت حصتك عاااادي و باعت لك آجل كمان 👌🏻
📌 نقل تكنولوجيا تصنيع السلاح في وقت انت بتوطن فيه تصنيع السلاح في مصر .. خطوة فارقة و تنوع لمصادر تسليحك
📌 داعم قوي لك في بريكس

و متخفش الصين مش هتتقمص 😁😁
الصين نفسها قاعدة جنب الهند في نفس الديسك في بريكس 🤷🏻‍♀️🤷🏻‍♀️

📌 النقطة الأهم 👈🏻 انك هتجيب رجل دولة مليارية السكان في منطقتنا .. و تفتح معاها سوق 🤷🏻‍♀️🤷🏻‍♀️

ف احنا ندعو الله بالتوفيق للريس و لكل الوفد المرافق له يرجعوا بكل النجاح 🙏🏻🙏🏻
----------------------------------------------------
عائلتي الرائعة كل سنة و انتوا طيبين و بخير
اليوم أول رجب
اللهم اجعله شهر زرع و اجعل شعبان شهر ري ليكون رمضان حصاد كل الخير و الرحمة
اللهم بلغنا رمضان دون بلاء او غلاء او وباء و تكون بهية في احسن حال يارب ❤

هذا و استغفر الله لي و لكم و لعزيز مصر اللهم اجعله موفق اينما حل ... و ديم علينا نعمة بهية حلوة الحلوات 🇪🇬🇪🇬🇪🇬

صباح الخير
صحيت من النوم علي كم مكالمات
انا تمام الحمد لله
امبارح انا كان عندي اشعة لتحديد ميعاد العملية .. و اخدت ادوية للسيولة تعبتني شوية ف كنت مجهدة

🔷 اخواتي اللي قالولي معمول عليكي حفلة عند مآثر الباز و بتقول انها هتشوف بسبورك و بتاع
سؤال معلش : ايه مآثر الباز دي 🤔🤔

مش احنا اتفقنا اننا مش هننقل كلام حد و ملناش دعوة بحد
اللي بتتكلموا عنها دي انا معرفهاش و محبش اعرفها و اللي بيربطني بيها
3 قضايا
محضر رقم 8 صادر من مديرية امن اسكندرية ووصل النيابة الاقتصادية في القاهرة لتحويله لقضية جنحة تشهير مفرغ فيه الفيديو بتاعها .. تحت دعوي تشهير وسب و قذف
القضايا الاقتصادية مفيهاش عرض علي النيابة .. فيها تقرير قسم البحث و المعلومات اللي فيه الاكونت بتاعها و تعليقاتها و هي صوت وصورة
و دي مندرجة تحت بند نشر مواد تمس الشرف و السمعة الشخصية
و عقوبتها حبس من 6 شهور ل 3 سنين مع غرامة حد ادني 50 الف و اقصي 250 الف
و تاريخها 23 مارس تقريبا
القضية التانية محضر 21 و دي رافعها استاذ محامي جنايات مشهور و اتحولت اول امبارح للنيابة بردو
و مرفق فيها نفس الفيديو والاسكرينات بتاعت مستندات رسمية متداولة
و دول بقا صحاب الليلة ده اخو اللي اتشهر بيها
بس دي مش تشهير و بس
ده فيها استئجار تشكيل من اجل الاضرار بسمعة العائلة و السب و القذف فيما يخص الاعراض وحاجات كده انا مفهمهاش بس فيها اسماءكم كلكم بالنسوان اللي بتحاول تردد اسمي كتير يمكن تتشهر وحد يعرفها بدل ما هي جاهلة و مبتعرفش تكتب كلمتين علي بعض
بالاضافة للقضية 211/455 نيابات عسكرية و دي ملف مقلبظ كده فيه فلاشات و سكرينات وفيديوهات و فويسات و دي قضية كبيرة اساسا و متقفلتش و اسمها انضاف فيها بالفيديو بتاعها وانا شاهد فيها و هدلي بشهادتي في مكتب التحريات العسكرية اللي في جليم لأن اتعمل فيها بلاغ هناك .. و الشهادة هتروح للنيابات ومش منوطة اقول تفاصيلها المخجلة و المقرفة في نفس الوقت 🤷🏻‍♀️🤷🏻‍♀️
و أي كلمة هتتقال عليا من أي مخلوق هتنضاف علي القضية ب لينك الاكونت ب الاسكرين و اللي بيتحذف بيتجاب علي فكرة ... انتوا ناس بتوع بوستات فضايح و قلة ادب بتلموا بيها لايكات و شير و بتاخدوا عليها فلوس دي شغلتكم
زي ما بلغتي عن صحبتك اللي الاكونت بتاعها باسم مصرية لصلاح عبد الله الاغا
حقيقي سكرينات مخجلة جددا

واحدة وطليقها
اهو اشتغلك عشان يفش غله و في النهاية هيقول ميعرفكيش
كل ده عشان شريطين برشام مجانا لوالدتك من مستشفي القبة و انا اللي هيجتها عليكم الست لا لها علاقة ب سوشيال ولا تعرف حاجة و لا عايشة في مصر اصلا ... و هي حرة تعمل اللي يتناسب معاها
زي ما هي طايحة ب قضايا تضيع مستقبل اهو انتي ساعدتيها انها كسبت قضية واخدت حكم و رفعت قضية تزوير ميعادها 12 مارس و اسمك فيها
عموما انا مبتنازلش عن حقي و اي كان الحكم مش هتنازل
و قضايا التشهير والسب والقذف اللي معاها أدلة مفيش منها براءات ومفيش دليل اكتر من فيديو بكومنتاته 🤷🏻‍♀️.. بتاخد احكام كلها و لو غرامة كام ألف بردو هيروحوا لوزارة العدل ف عااادي انا بحترم القضاء جدا

اللي اعرفه ان ست عايشة بتربي ولادها .. تعيش في حالها لا تتطاول علي حد و لا تتجاوز في شرف حد عشان تكون قدوة لولادها
اعلانات القضايا وصلت للي مفكرة انه هيحميكي ... و مهما كانت معارفك من ظباط جيش كما تدعي
مجرد ما اسمك ينور في نيابة من النيابات العسكرية معاه قرينة تدينك محدش ممكن يلطخ اسمه او يسأل عنك حتي ... ده قانون الجيش .. يا ريت تبقي تسألي عن تفاصيل القضية بتاعت النيابة العسكرية او هتروحي و تعرفي ... معرفش مبتسمعوش كلام ميخائيل اديب ليه .. بغض النظر عن كومنتات غلطه فيا اللي متفرقش معايا بس ابقوا اسمعوا نصيحته

بعد اذن حضراتكم عشان اكمل معاكم في اللي بتقدمه ميجبش سيرة الاشكال دي خالص معايا ... يقولوا ايه ميقولوش ايه ميهمنيش ... البلد فيها قانون
و چيلان قاسم بتتخذ الطرق القانونية مش شرشوحة من بيئة متدنية .. لا ده انا بنت ناس و من بيت بيحكمه رجالة
رجاء تاني و تالت
مش عايزة اعرف كلمة عن الاشكال دي كلها أيا كانت ... عندي اللي بيتابع من غير ما اشغل دماغي
انا عندي حاجات أهم في حياتي
و مبهتمش بالقرف ده و لا بشغل سلامي النفسي ... و عندي عملية صغننة و تخلص علي خير و ربنا يريد واقابل الناس المحترمة اللي بتحبني لو ربنا اراد
انا بقابل المحترمين فقط زي ما اتشرفت بالجنرال بهاء و الصحبة الراقية جدااا اللي معاه اللي اضافولي اضافة اكثر من رائعة حتي كريم فكرني بشقاوتي زمان .. مكنتش بقعد زيه كده 😁

🔴 طبعا ايدي بتاكلني
مش هعرف اطنش الزيارة التاريخية للهند من سيادة الرئيس

ف هنقسم كده الدنيا عشان بردو مرهقش عيني
🔷 أولا : ايه تاريخية دي 🤔 .. ما هو زارها في 2016 يعني 🤔
لا يا عزيزي تختلف 👈🏻 المرة دي السيد الرئيس هو ضيف شرف احتفالية الاستقلال 🙌🏻 .. دبلوماسيا اسمها الضيف الاهم 👌🏻

🔷 طب و ثانيا 🤔:
ثانيا بقا ان هو الرئيس الوحيد اللي اتعمله اجتماعات مع المجموعة الاقتصادية الهندية 🤷🏻‍♀️🤷🏻‍♀️

الهند هي اقوي خامس اقتصاد عالميا
احنا بقا استفادنا ايه 🤔
استفادنا ان الهند اعلنوا انهم عدوا مرحلة التعاون التجاري ... و انتقلوا لمرحلة الشراكة الاستراتيجية

و هنا في فارق كبير
📌 التعاون التجاري 👈🏻 يعني استورد منك .. افتحلك باب الاستثمار عندي
📌 انما الشراكة الاستراتيجية 👈🏻 يعني انا و انت ندخل مع بعض اقتصاديا كأننا كيان واحد
و ده بتلجأ له المنظمات و المؤسسات الاقتصادية لعمل تحالف متكامل سواء صناعي او مالي او تجاري 👌🏻

و ده نتيجته انشاء كيانات من شأنها الدخول في المشروعات الاقتصادية بصفة اعتبارية ... يعني هنلاقي قريبا الشركة المصرية الهندية لتصنيع الالكترونيات مثلا ... و يتحدد نسب الاستثمارات فيها و عادة الشريك هيكون الصندوق السيادي المصري

🔷🔶 طيب ده نتيجته ايه دلوقتي علي الارض بقا :
18 اتفاقية .. و 8 مذكرات تفاهم في مختلف المجالات
من اهمها :
▪اتفاقية نقل التكنولوجيا و توطين الصناعات الالكترونية .. و ده مجال الهند متفوقة فيه جداا
🔸 نتيجته 👈🏻 مصانع للتليفونات المحمولة .. السيارات .. اللوحات الالكترونية
و خدها مني 👈🏻 الهند هتقول خدوني معاكم في موضوع الرقائق الالكترونية 👌🏻
▪اتفاقية المشروعات الزراعية
هستفيد منها ايه 👈🏻 بدل ما انا مستورد قمح .. انا ممكن ازرع عندك قمح في مشروع استثماري بشراكتنا سوا 🤷🏻‍♀️🤷🏻‍♀️
بدل ما انا عندي مشكلة في الاعلاف .. و انت بتزرع اعلاف مهمة للثروة الحيوانية .. هيبقا عندي كيان يشتغل عندك و يوردلي 🤷🏻‍♀️🤷🏻‍♀️

و ده بيسري علي كل الحبوب الزراعية .. و كمان استيراد اللحوم " ما عدا البقر .. عشان البقر بيتقمص 😁"

▪ مصر بتوطن تصنيع السلاح .. الهند بتصنع سلاح
و هنا ممكن يحصل التعاون
زي ما حصل بيننا و بين كوريا الجنوبية لتصنيع المقاتلات ... " و ده علي فكرة علق عليه موقع واللا الاسرائيلي و قال هي مصر رايحة فين ده هيصنعوا سلاح و ده تطور استراتيجي محدش عارف عنه حاجة و فاجئنا 🤷🏻‍♀️🤷🏻‍♀️"
و تعاون أمني و سيبراني 👌🏻

🔷🔶 الناس بقا اللي كانت بتهوهو علي البلد و المناخ الغير جاذب للاستثمارات
مودي رئيس وزراء الهند بنفسه أعلن زيادة الاستثمارات في مصر السنة دي ل 12 مليار دولار

يعني ايه استثمار 👈🏻 مشروعات جديدة 👈🏻 فرص عمل تقلل البطالة اللي هي مش كتير 👈🏻 ضرايب تزود حصيلة ايرادات الدولة 👈🏻 منتجات كتير و حركة مواني و حركة ملاحة في قناة السويس " ما هي الهند هتأجر مكان لوجيستي لمتابعة شغلها "

كل ده بقا هيتم بالعملات المحلية
و ده هنتكلم فيه بعدين عشان موضوع كبير 👌🏻👌🏻
وكل اتفاقية هنفصصها
بس انا قولتلكم الخير جي .. و مصر بخير و هتفضل بخير 🇪🇬🇪🇬
------------------------------------------------------
🔴 الرد السريع علي الهبد المريع 😂😂

بص يا عزيزي
قسما بمن رفع السماء بلا عمد
لا ايران و لا اسرائيل و لا امريكا و لا روسيا و لا الصين يقدروا يقصفوا قناة السويس
عشان اما حد يقولي في يوتيوبر عامل حلقة ان ايران بتهدد بضرب قناة السويس ... يا عم و لا قوي العالم مجتمعة

ده لسببين :
▪السبب الاول 👈🏻 قناة السويس دي هي الزور اللي بيعدي منه تجارة العالم كله .. شوف اما ايڤر جرين شحطت ايه الي حصل 🤷🏻‍♀️
▪السبب التاني 👈🏻 اللي هيقرب من مصر هيتشال من علي وش الدنيا 👌🏻 ده وعد و انا بثق في وعوده👌🏻

مصر عندها جيش جاهزيته 100% مش مرتزقة و لا ميليشيا
بلاااااش نسمع للكلام ده و نروج له

و الي لقاء في فتفوتة جديدة كمان شوية 😁

Good evening for all , Mum finished surgery , she will be good , Doctors prevented her from any exposure to light even phone , Thanks for your all prayers , we love u also like u love my great mum 🙏🏻
I will replay all messages but not now plz.

مسا خير
مامي بيسلم على كلكم
بس في وقت كتير ل convalescing و دا عشان optic nerve في ختر عليه
لو يحب انا يكون معكم في حدث سياسة
لارا بتاع economic انا بتاع political science موش اعرف عن روبل و دولار و كيدا , لارا و مامي يعرف بس
I read Arabic very well because I memorize Qur'an Karim
But I can't write Arabic well I've lots of spelling mistakes
انا بيكتب عربي زاي ما بينتق
لو يحب اوك انا مش عندي اي مانع قول comments علي حدثات سياسة حالي بعد ما ناكش دا مع مامي و يكتب انا

I know that it will be difficult but she need more time to recovery 🙏🏻🙏🏻
لو انت يحبو دا انا اوكي

زاي مامي علمت انا سياسة موش في صودفة كل شي مربوت علي بعضو
من زمن كبير العالم هو غرب بس .. مش في شرق
But now everything will be rearrange
في شوية نقطات لازم نفهمو :
📌 بريزيدنت سيسي هو اول رأيس مصري يسافر الهند عشان تحالف عسكري و سياسي بعد ناصر لعظيم " The great president Jamal Abdelnasser" الله يرحمو
سفر بريزيدنت سيسي لهند موش economically دا سياسي
قوة في غرب حالين بينهار
قوة عسكري , سلاح , بيزنس بينهار
و دا عشان غرب غبي او موش غبي هو ماغرور و غرور دا نوع من غباء

وعشان شرق يعمل تحالف لازم تهتم بجانب سياسي
📌 الهند حالين يحاول يعمل مركز قوي سياسة
من ناحية لا يسيب ساحة سياسة لصين و من ناحية هو موساعد قوي لروسيا
📌 روسيا هي leading العالم لتغيير محتاج شوية موساعدين
▪محتاج لصين عشان تكنولوجي سلاح و عشان هي سوق ضاخم و عدد جيش ضاخم
▪محتاج مصر عشان هي مركز عالم و هي the gate for Arabic area and Africa
وعشان جيش مصري عظيم
▪محتاج لهند عشان يبيع بيترول اند جاز
▪محتاج لاتين عشان cornered امريكا

و كل دولة موش بس موساعد لا دا عندو رغبة في تخلص من نيظام عالم قديم و تبعية امريكية و عبودية عند دولار
بيكدا يبقا موش موساعدين دا لاعبين اساسي في مونتخب تغيير واقع عالم
بريزيدنت سيسي اهم لاعب
و انا يملك أدلة علي دا

كلو يعرف خلافات بين صين و هند ,و بين ارمينيا و اذربيجان , و بين روسيا و امريكا
▪لاكن مصر بيعمل اتفاقية حزام و طريك مع صين و يعمل strategic partnership مع هند 👈🏻 دا يعني انو هند دخل حزام و طريك غسب عنو عن طريك مصر 🤷🏻‍♀️
▪كل عالم يعرف انو اذربيجان عدو ارمينيا من 100 سنة
لاكن سيسي عرف انو يعمل 3 اتفاكية مع ارمينيا شريك فيها اذربيجان
و منها انو يتم تعامل تجاري مع مصر without dollar هايكون بروبل روسي

و لازم يلفت نظر احنا وقت سفر سير سامح شوكري لروسيا ناو بعد زيارة بلينكن
مصر هنا يبئا اللي واخد دور موش عارف يقولو عربي لاسف
Egypt is the mediator that collect all conflicting partners and unites them to achieve the same target even if indirectly

يعني الطرفات اللي عامل نزاعات مع بعضو يكون نوقطة لقا بتاعو هو مصر و دا فشل في روسيا نفسو
بوتين حاول يعمل مسالحة بين ارمينيا اذربيجان و فشل , حاول يضع هند و صين في تحالف سياسي واحد وفشل
لكن سيسي نجح
He's a just intelligent man 👌🏻👌🏻

Remark :
انا يعرف انو زعيم سادات سافر هند في 1974 لاكن زيارة سياسي موش يعمل نتيجة يبئا زيارة موش مهم

لكن يا عزيز مامي لي بلينكن جاء منطقة ناو 🤔
♦بلينكن جاء عشان اتنين سبب :

سبب واحد هو فشل ويليام بيريز في مهمتو , و اللي كانت منع ليبيا من تفاهمات مع بعضو و انو يشيل ايد مصر عن ليبيا عشان امريكا يكدر يسرق بيترول و جاز براحتو
لاكن مصر حدد موعد تاني في كايرو عشان انتخابات ليبية
و بلينكن فشل في تدخل في ليبيا كمان اليوم

سبب اتنين و دا مهم
علاقة بين مصر و يسرائيل في اسوا حالاتو
يسرائيل في ميديا بيكلم عن اقتصاد مصر موش كويس ,و جيش مصر موش كويس
يسرائيل بيعمل ايقتحامات لمسجد اقصي و دا breach of the truce مع مصر

حكومة بتاع يسرائيل كل عالم not prefer it even Egypt & Arabs
و بينو و بين امريكا خلاف
لاكن يسرائيل هي ال spoiled child لكونجرس عشان هما صوحاب راس مال امريكا كلو
يبئا ادارة بتاع بيت ابيض يبعت بلينكن عشان يهدي امور بين Palestinian & Israels و دا موش ممكن يحصل الا لو مصر تدخل في امور , يبئا لازم بلينكن يزور سيسي عشان يهدي امور مع مصر و يسرائيل عشان امور يهدي بين بلاستينيان و يسرائيل
لان حكومة بتاع نتنياهو مهدد باقالة و كلو مشكلات و دا اول حكومة بتاع يسرائيل يكون ضعيف و مرفوض من عالم و من شعب كيان محتل
يسرائيل عارفين انو صدام مع مصر معناه صدام مع عالم عربي و اسلامي و روسيا

و امريكا كمان يعرف دا كويس و دا نهاية منطقة و نهاية بتاعت هما
Absorbing the anger of Palestinians now is an imperative that Israeli government seeks, despite their extremism

سير سامح وزير خارجية مصري مسافر روسيا عشان اتنين سبب
سبب واحد : معاه رسالات لبوتين
بعد ال statments بتاع بوتين اليوم انو مفيش مفوضات خلاص مع غرب
هو يعرض باب تاني لمفوضات
سبب اتنين : زاي كل مرة بيحصل زيارة من امريكان دبلوماسي لازم مصر يقدم طمأنة للجانب الروسي

دي رأي انا اكيد هناكش مامي و اعرف ولو كنت غلط مش تقول لمامي خبي عني بئا لهي 🙄

Good evening , we visited doctors today to check up , mummy is better but she must adhere to the instructions
no light at all , and she must cover two eyes to avoid headache pain
mummy apologize for not being able to be with you during these world events
but I discussed some matters with her to know her opinion such as the escalation in Ukraine war it will be big clash between Russia & Germany , the second I asked her what about Zionist visit to Sudan
I will prepare it and publish soon
Thanks for all of you 🙏🏻🙏🏻

في حد حيوان who reacted now علي كلام انا hahaha انا افهم دا شامتان في مامي و لا مبسوت انو مامي موجوع
و فرح انو چي موش هنا
دا اسمو تربية شوارع

مسا خير دا فيديو جديد علي قناة
و في غيرو في مونتاچ مامي كان مسجلو
Share it , an important video

Thanks for Mr. Mostafa 🙏🏻
https://youtu.be/4sZgtrMUX5g