🔵 #ولكننا_لا_ننحني_إلا_الله 👌🏻👌🏻

30 يونيو بالنسبة لي مش تاريخ ثورة .. و لا انتفاضة شعب شريف ضد عصابة صهيونية
30 يونيو بالنسبة لي يوم كفرت فيه عن ذنبي في حق بهية
ذنب السكوت .. ذنب السلبية .. ذنب التخلي عنها في وقت محنتها واحساسي انا قد اييييييه ندلة و مشيت بمنتهي الانانية و مكنش ليا عين ارفع عيني في عينها
ما انا جبانة
مجرد ما اتخطفت من العصابة
حملتها هي الذنب
و غضبت منها مع انها ضحية
اسقطت خوفي وجبني عليها🤷🏻‍♀️🤷🏻‍♀️

📌بس قدرت ألطش نفسي قلم عفي يفوقني و يرجعني ابوس ترابها
و اقاوم مع اللي قاوموا
و اعافر مع اللي عافروا
لحد ما كفرت عن ذنبي في 30 يونيو و فك الله آسر بهية .. حلوة الحلوات ❤

الصورة دي ☝🏻☝🏻
ال cover picture بتاعت تليفوني الشخصي وتليفون الشغل و اللاب توب بتاع شغلي كمان
ماشية بيهم زي ما انا ماشية بيها جوايا لا نسيتها لحظة و لا هنساها ابداا
معركة ورا معركة .. صراع ورا صراع .. حرب ورا حرب
و لتبقي مصر حرة مستقلة ✌🏻✌🏻

كل ما عزيمتي تهبط اقعد اردد تحيا مصر .. تحيا مصر
كأني بسبح بحبها
وبصبر نفسي ان مفيش تمن ممكن يكون وافي قصاد ان👈🏻 تحيا مصر
حتي لو عمري
فداكي يا مصر 🇪🇬🇪🇬

🔵 #معاناة_ضحايا_الشعارات_الدينية:

مساء الخير عليكم
من سنين السنين و احنا بنقولوا ان كل التنظيمات الارهابية التي ترتدي عباءة الاسلام .. من صناعة الاستخبارات البريطانية و الامريكية
و ان الدين براء منها
📌 و لما كنا بنتسأل طب و ايه الهدف من صناعتها 👈🏻 كانت اجابتنا واضحة
▪ تدمير المنطقة العربية
▪ حماية اسرائيل
▪ خلق ذريعة عسكرية للتواجد الامريكي

ويطلع علينا كتاب و مفكرين يقعدوا يهروا علي دماغنا بكلام انشائي ما انزل الله به من سلطان
و احنا نقولوا يا جماعة الغرض سياسي بحت 🤷🏻‍♀️🤷🏻‍♀️

🔸تنظيم القاعدة مثلا :
ارتكب 2071 عملية ارهابية في الدول العربية
ضحاياها حوالي 40000 مواطن عربي مسلم
▪ يعني مثلا تفجيرات عدن في اليمن :
الهدف منها 👈🏻 تفجير الجنود الامريكان اللي كانوا مقيمين في فندق موفنبيك استراحة و بعدها طالعين علي الصومال
التفجيرات تمت بعد تحرك الجنود ب 16 ساعة و لم يصاب امريكي واحد
بينما قتل علي الاقل 1000 يمني

▪ في مصر مثلا بالاتفاق مع محمد بديع مرشد الاخوان و خيرت الشاطر 👈🏻 نفذوا مذبحة ال16 جندي الصائمين في رمضان
جنود مصريين في الجيش المصري
و الاخوان بيحكموا بالفعل
لكن خيرت الشاطر كان عايز مبرر لانه يقيل المشير طنطاوي عشان محمد مرسي يعينه مكانه 🤷🏻‍♀️🤷🏻‍♀️

▪ في العراق 👈🏻 عملية تفجير مركز ابحاث الچينوم والخرايط الوراثية
بعد المؤتمر العلمي اللي اتعمل في بغداد سنة 96 بالتوصل لخريطة شبه مؤكدة لكل سكان المنطقة العربية بما فيها اسرائيل 🤷🏻‍♀️🤷🏻‍♀️

و لما حب الامريكان يغزو افغانستان و العراق كلفوا تنظيم القاعدة بمساعدة ال cia وكبار قادة البنتاجون بتنفيذ تفجيرات البرجين في 2001

مفيش عملية ارهابية واحدة نفذها تنظيم القاعدة داخل اسرائيل 🤔

🔸تنظيم داعش :
و اللي احد القادة الكبار فيه ابو محمد الجولاني
اللي انهاردة وصل وبقا رئيس جمهورية

◾ضحايا تنظيم داعش من العرب المسلمين و المسيحيين حوالي مليون و 350 الف
" طبعا اللي رافع الرقم هو العراق
و التارجت اللي نفذه داعش في العراق من 2006 الي 2016 "

📌 شوفناهم مثلا عملوا معسكرات الهول في سوريا لنساء التنظيم
و اطفال التنظيم
اللي رجالهم معتقلين او قتلوا
و موجود علي اليوتيوب لقاءات كتييييير لهم و تصميمهم علي الافكار الارهابية و الخلافة و قتل المسيحيين و المسلمين الغير منتمين لدولة الخلافة

اتحدي مخلوق يجيبلي جملة واحدة لحد من التنظيم ده رجال او نساء او اطفال
جاب سيرة اسرائيل 🤔

طب هل قرأ حد خبر بيقول 👈🏻 نفذ تنظيم داعش عملية ارهابية في تل ابيب بحق جنود صهاينة او عمال صهاينة 🤔
▪ لكن نفذوا مدبحة كمين البرث و كرم القواديس
في ظباط و جنود الجيش المصري
و مدبحة ال 25 جندي من الامن المركزي من الشرطة المصرية
▪ واخواتنا ال 21 قبطي مسيحي في ليبيا

يعني الهدف الاساسي من التنظيمات الارهابية دي لم يكن ابدااا حرب امريكا و لا اسرائيل .. و لا الجهاد في سبيل الله
" الكلام ده مش للناس المثقفة اللي عقلها موزون "

الكلام ده لكل جحش كتب علي صفحته كلمة هنأ فيها الثورة السورية و باركها
و لا نظر نظرة احترام لابن ابيه الجولاني

♦هنا بقا نسمي الاشياء بمسمياتها الطبيعية الواقعية 👈🏻 قبول حكم داعش الموالية لاسرائيل في دولة عربية عالميا
و بموافقة الامم المتحدة
زي ما عصبة الامم سنة 48 اقامت اسرائيل رغما عن العرب
▪ في 2025 اقامت شبه دولة موالية لاسرائيل يحكمها ال cia من خلال عنصر داعشي اطلقوا عليه اسم احمد الشرع
▪ في 2026 سيتم الاعتراف ب 3 دول علي الاراضي الفارسية
▪ في نهاية 2026 او بداية 2027 ستقام دولة كردستان اسرائيل

ومن كان يقول الطريق الي القدس يبدأ من دمشق ... انهاردة قاعد علي مائدة المفاوضات للتطبيع مع اسرائيل و الدخول في الاتفاقية الابراهيمي و الدين العالمي الموحد 🤷🏻‍♀️🤷🏻‍♀️

📌 من يدعي انه من اهل السنة و الجماعة و يقيم دين الله و يجاهد في سبيل الله
بيمضي انهاردة مذكرة تفاهم لدين هيلغي الصلاة
و حضرتك گ مسلم عارف كويس 👈🏻 الصلاة عماد الدين من اقامها فقد اقام الدين و من هدمها فقد هدم الدين
▪ تخيل مثلا ان الجولاني لما جه يؤمر بمدبحة الداخلية في الفرافرة في الصحراء الغربية
استند علي فتاوي لابن تيمية
و نفذها ابو عمر المهاجر " هشام عشماوي " بناءا علي قناعة تامة بردووو ببعض فتاوي ابن تيمية
بينما و هو بيوقع اتفاقية ابراهام
تجاهل الفتوي رقم 318/5 من كتاب الفتاوي الكبري لابن تيمية عن تارك الصلاة عمدا 🤷🏻‍♀️🤷🏻‍♀️

▪ اتفاقية تعاون عسكري بين اسرائيل و سوريا " يا اخي حافظ الاسد نفسه لم يجرؤ علي التفكير فيها "

يعني الاخوة المروجين لان اسرائيل هتحاربنا
سوريا هتبقا بتحاربنا مع اسرائيل 🙄
▪ استثمارات اسرائيلية في مجال الطاقة و التنقيب عن البترول و الغاز
▪ استثمارات زراعية واقامة مشروعات زراعية في الاراضي الخصبة السورية
▪ تعاون في مجال السياحة
تحت عنوان 👈🏻 استثمر في السياحة السورية
تقوده شركة إلعال الاسرائيلية اللي محتكرة قطاع الطيران هناك
عن طريق ذراع سياحي يشارك شركة ايمانويل تورز
و يشتغلوا علي السياحة في سوريا بقا برعاية اسرائيلية
▪ الاعتراف ب دولة اسرائيل واقامة سفارة لها في دمشق

♦الحقيقة يا عزيزي انا مش شاغلة بالي بسوريا اوي كده
تولع فوق دماغ صحابها

انا بس بديك تحليل بسيط
لمستقبل الدول اللي بيصعد علي حكمها جماعة ارهابية زي القاعدة .. داعش .. الاخوان المسلمين
و مدي تقديمهم للاراضي دي لاسرائيل علي طبق من ذهب بلاااا حرب و لا ضربات عسكرية
و ان مفيش حاجة اسمها ثورات اسلامية
دي اكذوبة كبيرة
و ان فلسطين و القدس و الاقصي و غزة مجرد عملة التجارة بعقول الاغبياء فقطططط 🤷🏻‍♀️🤷🏻‍♀️

و اي حد و اي كيان و اي دولة
تحمل شعار يلا نحرر فلسطين .. يلا علي القدس .. لبيك يا اقصصصصصي
هو جزء من اجندة اسرائيل في المنطقة

📌 اااه انتي عايزانا نترك غزة وحدها ولا ندعم المقاومة يا صهيونية انتي 🙄🙄
عزيزي الجحش /
تحية طيبة ل ديلك و بعد
ما تقوم به الدبلوماسية المصرية هو اخر ليفل لنا مع فلسطين
غير كده مش هنعمممممل 🤷🏻‍♀️🤷🏻‍♀️
لاننا مش هنقع في الكمين ده
زي ما وقعنا في كمين حرب اليمن 1962
الغرض كان صح جدا 👈🏻 حماية قناة السويس اللي كان المتمردين اليمنيين مكلفين بالسيطرة عليها واعادتها للانجليز بضربة عسكرية
لكننا استهلكنا نفسنا و قواتنا و تسليحنا لامد طويل حبتين 👌🏻👌🏻

روحوا للاخوان خلوهم يحرروها
روحوا للسنوار
روحوا للخليفة اللي لحد امبارح كان واصل ميناء اشدود سفينة من ميرسين التركي لشركة مستلزمات صناعة المعلبات
روحوا لعمي تبون أبو لمون .. او عمي قيس يبعتوا جيوش
روحوا لأسود ايران المنتصرة

اما تبقوا تخلصوا وساخات الحركات الارهابية المسماة كذبا و زورا مقاومة وجهاد اسلامي
و تفلتروا الخيانة دي
ساعتها هتبقا غزة تتحرر

غير كده منسمعش صوت حد فيكم 🤷🏻‍♀️🤷🏻‍♀️

ده كده رصد للواقع اللي بنعيشوه
وماذا استفادت اسرائيل من شعارات " و أعدوا " و الرايات السوداء 👌🏻
و دمتم بخير 🙏🏻

🔵 #فخامة_السيد_فاشل_وحرمه:

اهرب منه هنا .. يطلعلي من هنا
اقول يا بنت الناس ابعدي عن الشأن الداخلي دلوقت
و سيبك من الاقتصاد شوية

ليييييه بقاااا
لازم ينكشني 🤷🏻‍♀️🤷🏻‍♀️

انا متكلمتش ولااا كلمة عن قانون الايجار .. و لما حد بيسألني برد رد قاطع 👈🏻 هنشوف هيتم نقاشه او لا
لأن ده موضوع شائك جدااا
تم اعداده في 2017 اصلا

لو انت وقفت مع المؤجر هتبقا ظالم .. و لو وقفت مع المستأجر بردو هتبقا ظالم
انا عندي في اسرتي الحالتين

عمتي عندها شقة قانون قديم عند كوبري الجامعة في اسكندرية بتدفع لها 3.75 جنيه في الشهر
و بتبعت حد كل شهر يناير يحط في المحكمة 45 جنيه و بتاخد بيهم وصلين كده
و هي قافلة الشقة لانها اصلا بتاعت حماها و زوجها اتجوزها فيها و بعدين نقلت منها
في حين ان بنت صاحب الشقة ساكنة في نفس المنطقة قانون جديد ب 8000 جنيه في الشهر عشان تكون جنب عيادتها
📌 هل عمتي و زوجها غلطانين او لصوص
اكيد لأ
في سنة 1966 صاحب الشقة عرضها للايجار ... و راح حما عمتي دفع 350 جنيه خلو
و كتب عقد ب 1.5 جنيه في الشهر .. ثم في سنة 1976 زودوا العقد 1.25 جنيه بالتراضي

انت تشوفه مبلغ زهيد
لكن بتتحسب كده 👈🏻 جرام الدهب كان بكام سنة 66
كان ب 45 قرش
يعني ال 350 ج يشتروا كام جرام 👈🏻 778 جرام
تشوف بقا ال 778 جرام دول بكام انهاردة 👈🏻 4634 ج × 778
تقريبا 3 مليون و 600 الف

( ولها حسبة تانية :
هتشوف التضخم كان كام سنة 66
تقريبا مكنش في تضخم اصلا
لان كان في احلال للواردات و اعتدال القوة الشرائية للسلع المحلي
و تضخم مصطفي مدبولي ال 42%
عشان تعرف ال 3 مليون و 600 الف دول يبقوا كاااام انهاردة )

لكن انا هكتفي بالحسبة الاولي
◾ ان حضرتك تيجي انهاردة تطرد المستأجر من بيته عشان اللي بيدفعه غير عادل بحسابات اليوم
ده اسمه تخلف
لأنك بتحاسبه علي تدهور وضعك المالي
▪القوة الشرائية منخفضة جداااا بالنسبة لوقت الحصول علي العين
▪انهاردة انتوا شوية متخلفين عقليا مش قادرين تسيطروا علي حتة تضخم في ظل تدفقات نقدية خرافية
في حين ان قبل كده مكنش في تضخم اساسااااا
التضخم دخل مصر مع الاستيراد و الصندوق 🤷🏻‍♀️
▪فارق العملة
انت كل حاجة في مصر بتحسبها علي قيمة العملة
الدولار في سنة 66 كان 78 قررررش ... انهاردة الدولار ب 50 جنيه 😏 " ربنا ينتقم منك يا حسن يا عبدالله بحق جاه سيدنا النبي .. انت ومصطفي مدبولي ومحمد معيط في ساعة واحدة 🙏🏻 "

يعني لما الراجل كان راتبه 21.5 جنيه دفع ما قيمته 17 شهر راتب
ده بحسابات الاقتصاد
لو هنطلع معامل ادخار 20%
يعني الراجل ده قعد يحوش 82 شهر عشان يوصل للقيمة 350 ج خلو 🤷🏻‍♀️🤷🏻‍♀️
( طبعا انا عارفة كويس ان البصمجية من هيئة المستشارين اللي بيقبضوا 13.5 الف جنيه علاوة بدل غلاء كل شهر 😎 ميجيش علي بالهم اصلا اللي انا حكيته ده )
لكن عشان تعدل اي وضع مالي ... لاااازم ترجع لتاريخه
الاقتصاد بيقول كده

♦يبقا المفروض ايه اللي يحصل 👈🏻 الوصول لصفقة عادلة للطرفين
ابن المستأجر بردو ملوش ذنب
و ابو المؤجر عامل عقد ب 99 سنة عدي منهم 60 لسه 39 سنة
ف وضع المستأجر القانوني سليم
لكنه غير عادل بالمقارنة بحسابات اليوم

يبقا المفروض اصيغ قانون
اما بتعديل صيغة العقد بالتراضي 👈🏻 انا مش هدفع تمن الشقة تاني
انت اخدت الخلو بتاعك اللي هو القانون وقتها اللي مشي عليا و عليك
لكن ممكن نعدل القيمة الايجارية و عدد سنوات العقد
▪طب لو مش في مقدرتي 👈🏻 حضرتك هتدفعلي ما يسمحلي اني اقدر ادبر اموري و امشي
" خلو تاني ولكن بنسبة متوسطة من حسابات الماضي + الحاضر "
و الدولة تقوم بدورها
توفر وحدات سكنية بشروط ميسرة الناس تقدر تحصل عليها 🤷🏻‍♀️🤷🏻‍♀️
" يعني السيد وزير الاسكان بدل ما بيبيع للمقاولين 😎 ... يدي الشعب حتة من التورتة علي طرف الشوكة كده
وكمل بيع بملايين للمقاولين و اللي دافعين رشاوي و العصابات بتاعت السماسرة ... انت حد يقدر يحاسبك يا عم ... ده ورث امك اصله 😏😏 "
الوزارات دي انا لو همسكها ملف ملف عشان اطلع حجم التعابين اللي فيها .. بعد اسبوعين هشرب سم و اخسر آخرتي 😒

📌 المهم 👈🏻 انما طرد اصحاب المعاشات وكبار السن من بيوتهم
او يدفعوا 8000 جنيه في الشهر في حين ان معاشه 5000 جنيه
ده اسمه قلة ادب و سفالة

معنديش مانع تسحب الشقق المقفولة
ما هو مش من حق واحد مهاجر استراليا و لا كندا .. يقفل شقة بقاله 20 سنة وهو وريث مش مستأجر اصلي 🤷🏻‍♀️🤷🏻‍♀️
و دي الحالة التانية عندي في اسرتي
شقة في شارع سوريا ايجارها 6.25 جنيه .. ابن المستأجر قافلها من سنة 1986 ومهاجر استراليا و اخر مرة نزل مصر سنة 1998 وغالبا مات 🤷🏻‍♀️🤷🏻‍♀️

اه المستأجرين لهم حق .. و بردو المؤجرين لهم حق
و الحكومة اللي متعرفش توازن بين الاتنين و تاخد لكل طرف حقه
تستاهل تروح دارفور مش العلمين عشان الرطوبة و فخادهم بتتسلخ 🙄🙄
( علي فكرة انا عارفة كويس جدااا ان تواجد مقر للحكومة في العلمين ده له غرض اقتصادي و سياسي .. و انه بيرفع من اسهم المنطقة عالميا و بيروج لها اكتر
بس في حاجة اسمها اختيار الوقت و الاشخاص
الحكومة دي مكانها المعتقل بتاع شمس بدران و حمزة البسيوني
مينفعش في توقيت الشعب طلعان تلاتينه و بيكح زرنيخ و الثانوية العامة بتتسرب كل يوم وبتكسر نفس عائلات كاملة
و لاجئين بيبلطجوا علينا
و شباب بتدخل السجن عشان قروض فشلت تسددها
و الحكومة تروح تصيف
انا لولا الثبات الانفعالي كان زماني بقول ألفاظ يعاقب عليها محكمة العدل الدولية مش قانون الجنايات 🤷🏻‍♀️🤷🏻‍♀️ )


🔷🔶 السادة " حرمه " :
اللي هي مين حرمه 👈🏻 البرلمان
◾السيد رئيس البرلمان امبارح طالع يشتغلنا
قالك الحكومة جايبة لنا مشروع قانون ناقص المعلومات و مفيش فيه دراسة و لا هو اصلا مشروع قانون
وعايزانا نمرروه و نوافقوا عليه
و دي مش اول مرة

📌 الله .. اومال وافقتوا مبدئيا علي ايه 🤔
علي الرسم الكروكي و لا ايه

طب هو كل برلمانات العالم عشان تتلقي مشروع قانون من رئيس الجمهورية او الحكومة في الانظمة الشبة رئاسية زينا كده
بيكون مكتمل الاركان
و انت دورك انك بتدرس صحة الاركان دي و توافقها مع الدستور و مراااااعااااة البعد الاجتماعي و الامن القومي
ثم طرحها للمناقشة في جلسات متتالية
ثم عمل جلسات توافق بين المؤيدين و المعارضين لمشروع القانون
ثم تمرير المشروع او رفضه 🤷🏻‍♀️🤷🏻‍♀️

مش هو ده قانون البرلمانات
و لا انا جايباه من بيتنا

انت معملتش كل ده يا سيد آفاق انت و الافاقين اللي معاك
بما فيهم الحنجورية بتوع المعارضة اللي مبنخدوش منهم الا خطبة رنانة و بعد كده قيمتهم تساوي صفر

♦حضرات السادة نواب المعارضة و لا حتي غير المعارضة
انتوا قراطيس يا حبايبي
ديكوووور .. عشان محدش يتكلم علينا
انما انتوا اقل من الصفر بكتيييير
و الا كنتوا وقفتوا تمرير موازنة اللصوص 👌🏻👌🏻

( اتكلمي يا چيلان .. انطقي يا چيلان ... مش بعادة تبقي سلبية كده
عرفتوا ليه انا مش عايزة اتكلم
عاجبكم النكد ده 😒 )
مفيش حاجة ماشية صح
و لا حاجة ماشية بما يرضي الله

و انا عشان اتكلم
يا اخدعك و اطبل لحكومة الفاشل عديم الضمير .. يا اقول الحقيقة و ابقا بدوس علي طرف جلابية الجبهة الداخلية
و الكلام الحمصي ده 🤷🏻‍♀️🤷🏻‍♀️

اخر برلمان في مصر جاء من اجل المواطن و عمل علي مصلحته كان في سنة 1968
بعدها اقسم بالله كلهم ضدنا
كل البرلمانات اعداء المواطن
رجال اعمال - فئات - عمال- فلاحين
كلهم منتغعين و سبوبجية

ومبارك رسخ فكرة علاقة الزنا بين البرلمان و الحكومة و اللي بينتج عنها قوانين سفاح في سفاح
و ده احنا بنعاني منه لحد اليوم

ارجو من الله ان يكون في حد محترم من اي جهة .. يحاول يبص بصة علي العك ده
وبلاش نستفز الناس في التوقيت الحرج من عمر مصر 👌🏻👌🏻

🔷🔶 فخامة السيد فاشل بقا :
صباح الفل سعادتك
اخبار العلمين ايه علي حسك
يا تري بتقوم فرحان من النوم تغطس وتعوم وهات يا لعب
زي البط 🤔

شوية اسئلة كده
ابقا اطلع جاوبهم في مؤتمر و اقعد قول البعععض و الزفت بس جاوبهم

◾ بعد ما خدمة الدين وصلت ل 72% من الموازنة
هتصرف علي البلد ب ال 28% منين
▪الصحة هتكفيها منين
و لا هنواجه ازمات ادوية زي ازمة الانسولين السابقة .. و ازمة ادوية السرطان
▪البحث العلمي اللي انت راصدله 3 جنيه و ربع ده مصيره ايه
الصندوق عرف ينفذ خطته بمساعدتك طبعاااا
و يوقف اي اتجاهات انفاق علي اي حاجة تخص العلم و التعليم لحساب الديون
عشان نفضل غرقانين في مستنقع الجهل
" بروتوكولات صهيون 👈🏻 ضيق عليهم دائرة الديون حتي تتوجه كافة مواردهم لسدادها فلا يتم الانفاق علي التعليم والصحة
ف يزداد الفقر و الجهل و المرض 🤷🏻‍♀️🤷🏻‍♀️ "
▪ضميرك ناوي يصحي
و تخلي الصبي بتاعك كجوك
ينقل القروض من بند اصول لبند خصوم
و ترجع الموازنة لنصابها الطبيعي
حتي لو فيها عجز
بس نبقوا عارفين راسنا من رجلينا

و لا هتفضل موازنة التقييف و النزييف 🤔
▪سعر الدولار انت حاسبه في الموازنة ب 58 جنيه
و عامل العقود الاجلة لوزارة التموين علي 58 الي 59 جنيه
و انت بتشتري كل 3 شهور
في حين ان الدولار نازل تحت ال50 ج دلوقت
قووووول 50 و سيبك من الفكة

ممكن افهم هتدفع ال 58 ج علي اساس ايه
و ال 8 جنيه فارق دول اللي هما هيعملوا مليارات الجنيهات .. هتحملهم للبلد بناءا علي ايه 🤷🏻‍♀️🤷🏻‍♀️
و هل كجوك ميعرفش ان الخسارة في العقود الاجلة تؤدي الي زيادة عجز ميزان المدفوعات
اللي بيؤدي لزيادة عجز الحساب الختامي
فبيروح يسمع في عجز الموازنة

و بالتالي يبقا عندنا عجز موازنة وهمي اتحقق بسبب حسابات غلط للسادة البصمجية 🤷🏻‍♀️😒

▪عقود النفط الاجلة كلها لحد 52 اسبوع من انهاردة واقفة علي 66.5 دولار للبرميل
في حين انك حاسب علي 75 دولار في البرميل
الفارق 8.5 دولار
بنستورد 300 الف برميل يوميا
يعني الفارق 2 مليون و 550 الف دولار
× 30 يووووم ب 76 مليون و 500 الف دولار
× 12 شهر للموازنة ب 918 مليون دولار

حوالي مليار دولار متكنفين كده جوا الموازنة ... السادة المزاريب بتوع اللجنة الاقتصادية في البرلمان عدوا عليهم و لاااا خدوا بالهم 😏😏

و تيجي تشتغلنا في 2026 وتحسب المليار دولار دول ايرادات 🙄🙄

▪رفضت صرف علاوة غلاء 300 جنيه للمعاشات مرتين
مرة في اكتوبر 2024 .. و مرة في مارس 2025
تحت مبرر عدم توافر الامكانيات المالية
في حين فئة معينة صرفت لها في 1 مارس 2025 علاوة غلاء 13000 جنيه
و عددهم 22 الف " ...... " ومش المستشارين علي فكرة
لمدة عام
يعني عبئهم علي الموازنة 286 مليون جنيه
و لما اعترضوا الفئة الاقل وهددوا بالمقاضاة قررتلهم علاوة غلاء 9000 جنيه
وعددهم 35600
فبقا عبئهم 320 مليون و 400 الف جنيه
يعني اجمالي العلاوة 606 مليون جنيه و 400 الف جنيه

🔹في حين ان اصحاب المعاشات عددهم 13 مليون و631 الف و 982 شخص
يعني اجمالي العلاوة البائسة ال 300 جنيه هتكلفك 4 مليار جنيه

و طبعا انا مش ضد ان اي فئة يتصرفها علاوة غلاء
علي راسنا طبعا
لكن العدل يا حكومة 🤷🏻‍♀️🤷🏻‍♀️
" اااااه والفئة دي مش ظباط الجيش اقسم بالله 🙄 "
ف لو قعدت تفكر فيها
تلاقي نفسك طلعت تلات ارباع مليار ل 60 الف شخص
و دوست بأقل من تمن كيلو لحمة علي 13 مليون ونص

ف بأمر الله هتترفع علي سيخ شاورما في جهنم
الدنيا مهما طالت قصيرة و هتروح بين ايد الله العاااادل
" وظنوا أنهم مانعتهم حصونهم من الله فأتاهم الله من حيث لم يحتسبوا "
اعتقد انك اخر مرة مسكت فيها مصحف كانت من زمان اوي 🤔🤔

اما تجاوب الاسئلة دي
في 5 اسئلة تانية جاهزين
بس اماااااا تجاوب دول الاول

ارجوكم محدش ياخد رأي في أي شأن داخلي يخص الحكومة و البرلمان اللي يستحق جايزة اوسكار في التمثيل
لأني مش هقدر أنافق و اخالف ضميري
فالصمت افضل لي و افضل لحضراتكم من جرعات نكد ... اعتبروني ممتنعة 🤷🏻‍♀️🤷🏻‍♀️

و دمتم بخير 🙏🏻

🔵 بيقولك يا سيدي في صحفيين سعوديين متزعمين حملة هجومية علي سيادة الفريق كامل الوزير 🤔🤔

طب انت مالك يا باشا
البلد بلدنا .. والوزير وزيرنا .. و الميت ميتنا 🤷🏻‍♀️🤷🏻‍♀️

📌 انا الحقيقة مفييش دماغ انزلق ل ليفل فرش الملايات اللي هما عايزينه

بس عندي مهارة ربنا متفضل عليا بيها
اسمها 👈🏻 المسرح بالوثاااائق و الاحداث و التواريخ 😎😎
" ده اللي يرش واحد من مثلث العظمة بالميه ... ارش سيديهاته اللي في جزيرة چيفري ابستين بالدم 😉😉"

يا ويييييل اللي تتنادي له الست ام السعد 🤷🏻‍♀️🤷🏻‍♀️
يا ام السعد .. يا ام الزفت
جهزي واجب طال اعمارهم أكلي الكبسة و المطازيز 🙄

🔵 #الرد_الوجيز_علي_تربية_المعيز 👌🏻👌🏻:
لما تبقا راجل كبير و ناقص

يقول اكل الضب غثيان الغامدي ... مش اسمه غثيان باين 🤔
اااه اسمه قينان قينان
معلش يا جماعة
اصل المملكة مجابتش حد عليه طلة كده و لا حد معروف .. ف احنا معذورين منعرفوش 🤷🏻‍♀️

📌 الضب السعودي يقول 👈🏻 ان اخر سنة لحكم السيسي هو 2026
و بعد كده مكانه مكان مرسي في السجن
او يهرب بطائرته الفخمة ويترك عاصمة العسكر الادارية الفخمة

و بيهدد المصريات اللي بترد عليه ان هيحطهم في السجن بعد هروب السيسي 😂😂

♦ افتكر اني قولتلك بلاااااش 🤷🏻‍♀️🤷🏻‍♀️
🔷🔶 يبدووو انك لا تعرف الفارق السياسي في الهيكل الحاكم لمصر
مصر مش بلد الفرد ولا القبلية الهمجية و لا سكنة الخيام
مصر من قديم الازل بتعتمد علي هيئة حكم
ملك وزراء امراء حرب امراء مجالس
النظام اللي انتوا اما جيتوا تعملوا مملكة بدل شيخ القبيلة البدو رعاة الغنم
اخدتوه من مصر 👌🏻
▪و لكن هناك فارق كبير جدا مش هتعرفوا تعملوه
هو ان مصر تملك جيش
ده مش من انهاردة ولا من سنة و لا من 1000 سنة
ده من قبل ما بلدك تتواجد علي الخريطة

تخيل ان اول جيش نظامي موحد عرفه العالم كان سنة 3200 ق.م
حط عليهم 2025
يبقا من 5225 سنة
الجيش المصري اللي عمله الملك مينا موحد القطرين
و ان سيدنا ابراهيم نفسه اللي عرف الكوكب علي المنطقة بتاعتكم
ولد في العراق من 3950 سنة
يعني الجيش المصري سابق الانبياء انفسهم " الذين تعرفهم منطقتك ... ركز كده 👈🏻 الانبياء الذين تعرفهم منطقتك "

▪ايه بقا جزء من كرامة الجيش ده 👈🏻 الدفاع عن اعراض النساء
ف احنا معندناش ستات بتتاخد سبايا او بتتسجن سياسيا 🤷🏻‍♀️🤷🏻‍♀️

( احم احم .. طبعا احنا عارفين ان ابراهيم باشا كانت ايده طرشة عليكم حبتين 😌 .. و انه لما ارسله ابوه لقمع عبيدنا المتمردين في بلادكم ... افترا عليكم سيكا ستات و رجالة
بس هو المثل بيقول لا تشتري العبد الا و العصا معه .. ان العبيد لأنجاس مناكيد
ده المتنبي اللي بيقول مش أنا 🤷🏻‍♀️
ماهو لو انت دارس تاريخ كويس
كنت عرفت ان حملة ابراهيم باشا علي الحجاز بهدف قمع تمرد العبيد و القضاء علي الوهابية 👌🏻 )

♦و احنا گ مصريين متفهمين كويس يعني ايه دولة تملك جيش
ذات تسليح
و قبل التسليح عقيدة قتالية
رجال لا يخشون الموت و يفر الموت من هيبتهم 🤷🏻‍♀️🤷🏻‍♀️

دولة مش مضطرة تدفع عشان حد يحميها
لو هنستعمل التشبيه البلاغي و الاستعارة المكنية .. بما انك دبلوم معلمين قسم لغة عربية
ف نشبهوا الدول گ النساء
◾ مين المرأة الحرة 👈🏻 التي لا تبيع شرفها بالمال
و لها من الرجال أب .. أخ .. زوج .. ابن من يحمي هذا الشرف
و هو ده وضع مصر
جيشها من عيالها 🤷🏻‍♀️🤷🏻‍♀️

◾طب مين هي " المومس " : و ده مش لفظ قبيح و لا شتيمة
ده لغة عربية فصحي
أومست المرأة 👈🏻 اي زنت وفجرت و هي من تتكسب بزناها
و المومس أعلي فجورا من العاهرة والبغي
حيث أنها تلين بالمال وللمال و ليس بالكلمة أحيانا مثل العاهرة 🤷🏻‍♀️🤷🏻‍♀️
ده المعجم الوجيز للغة العربية 👌🏻

وحسب ما كتب " ابن المجاور " و " الحسن الاصفهاني " في وصف اهل شبه الجزيرة العربية
عند وصف سلوك النساء
قال 👈🏻 و من كثرة اعتياد البغاء لم تكن " المومس " تتستر
بل اصبحت المهنة جزء من التجارة
و لذلك انتشرت " خيم الرايات الحمراء " في جميع بقاع شبه الجزيرة العربية
و كانت " المومسة " تستعين ببضع رجال
و البضع في اللغة هو اكثر من واحد و اقل من تسعة تدفع لهم من حصيلة بغاءها من أجل توفير الحماية للخيمة في حالات اغارة قبيلة علي قبيلة أخري
و هؤلاء الرجال يقال عليهم " السبات "
مفرد السبات 👈🏻 سبت
بالمصري السبت هو القفص
فتلاقينا يا غثيان يا خويا لما نحبوا نهزقوا راجل حريمه دايرة علي حل شعرها بنقولوا عليه ده راجل قفص لامؤاخذة زي المرحوم جدك كده
او جايز جدك مش سبت 🤔 .. و جدتك هي السوبرفايزر بتاع الخيمة 🤔🤔

♦ف انت لييييه محروق و موجوع اوي كده يا غثيان
التاريخ بيقول الشريفة يحميها ابناءها ... بينما " المومس " تدفع من اجل الحصول علي الحماية من رجال غرباء

اقرا سلسلة " بلاد العرب " للحسن بن عبد الله الاصفهاني

( وانا اقسم بالله ما بشتم .. ده انا بستعمل مفردات اللغة العربية الرائعة للوصف 🤷🏻‍♀️🤷🏻‍♀️ )

ف متزعلش علي التريليونات اللي اندفعت لل " سبت "
لأن ايران او اسرائيل ممكن يدخلوا يهدوا الخيمة و يوقعوا الراية الحمرا ..... يبقا ايه الحل دلوقت 🤔🤔

متبصش لل " سبت " في اللقمة عشان كده يزور 🤷🏻‍♀️🤷🏻‍♀️

خلصنا علاج الصورم من العسكر 😎😎

🔷🔶 نيجي بقا للعاصمة الفخمة :
هل ذنب مصر فشل نيوم
و نجاح مصر في بناء ما يقرب من 18 مدينة ما بين جيل تاني و جيل رابع ومدن ذكية

▪ ده مش ذنب مصر انك تقييمك في البنية التحتية متدني
و لا يقوي علي تحمل اقامة مدن جديدة
علم الاجتماع هو اللي بيقول مش احنا 🤷🏻‍♀️
بيقول 👈🏻 وتقام الحضارات علي ضفاف الانهار
مش ذنب مصر ان ربنا اعطاها نهر اقامت عليه الحضارة .. وانت لسه لحد انهاردة بتشرب من البير او بتعيد تدوير الصرف الصحي عشان تشرب 🤷🏻‍♀️🤷🏻‍♀️

الفقر مش فقر فلوس .. الفقر فقر نفوس
ده مثل مصري
بيوصف حال الناس ان فقرها في اخلاقها و نفسها السيئة

ف تلاقي بلد زي مصر تمتلك تلت آثار العالم .. و لم تقبل يوما السياحة الجنسية
بينما دولة لسه بالبامبرز متملكش يا عيني حلة عمرها 100 سنة حتي 🙄🙄
اول ما قالت يا سياحة
اخدت سكة لاس فيجاس و نوادي القمار و شواطئ العراة

فارق كبيييير بين استثمارات سياحية في الساحل الشمالي المصري يكون نتيجته مدينة زي العلمين ... و استثمارات سياحية في سمانة الدون رونالدو و مؤخرة الست جورجينا 🙄
" المهنة الاساسية زي الچينات كده بتجري في الدم "
ما كل واحد يعرف مقامه
و يعرف هو مين و ابن مين يا غثيان 🤷🏻‍♀️🤷🏻‍♀️

🔷🔶 نيجي لنقطة تعاطفك مع مرسي :

تخيل يا غثيان
ان في اكذوبة منتشرة وسط دول المنطقة
ان جماعة الاخوان الصهيونية تأسست في مصر علي ايد حسن الساعاتي اليهودي المغربي

📌 يا حرام مش مذاكرين تاريخ كويس
لو كانوا ذاكروا كويس
كانوا عرفوا ان جماعة الاخوان باكورة انتاجها كانت جماعة 👈🏻 اخوان من اطاع الله
و مؤسسيها فيصل الدرويش و سلطان بن بجاد
و مكانها الحجاز
و هي حركة تنتمي للسلفية الجهادية .... و اسسها السير بيرسي كوكس المندوب السامي البريطاني علي منطقة الخليج
و نائبه الاول وليام چون شكسبير كابتن الاستخبارات البريطانية في الحجاز " مش الكاتب والاديب الانجليزي يا جاهل .. وجاهل مش قصدي بيها شتيمة لا سامح الله
انا اقصد نسل الجاهلية 🙄 "

شكسبير بعت رسالة للسير كوكس
قاله انا عندي زعيم بدوي انما يعجبك اوي اسمه ابن سعود .. ممكن يتجند معانا للحرب ضد آل الرشيدين اللي بيدعموا الدولة العثمانية
و اخدوا بعدها و راح قابله بالسير كوكس في بغداد
وتم تجنيده
و بعدها اتقتل شكسبير في معركة مع آل الرشيد ... و نزل مكانه السير كوكس
و راح عمل اتفاقية العقير مع ابن سعود لفرض سيطرته علي نجد والمقابلة و كان ال case officer بتاعه هو ضابط الاستخبارات البريطانية چون فيلبي 🤷🏻‍♀️🤷🏻‍♀️

📌 وبعدين يا غثيان راح عرفه علي حركة " اخوان من اطاع الله " الارهابية اللي اسسها شكسبير قبل ما يموت سنة 1902 🙄

و اللي تحالفوا مع الملك عبد العزيز آل سعود لبناء دولة المملكة العربية السعودية
بس لأن الطبع غلاب
و ده طبع الاخوان الغدر

غدروا بعبد العزيز عبد الرحمن آل سعود
وخاضوا ضده معركة روضة السبلة
و انتصر عليهم
و اصيب فيصل الدرويش و تم اعتقال سلطان بن بجاد فيما بعد

ما ده طبع الاخوان
و اللي بيربي في حضنه حية بتلدغه 🤷🏻‍♀️🤷🏻‍♀️

◾ولكن لم تتعظ بردوا العيلة المالكة
وقابل حسن البنا الملك عبد العزيز سنة 1936 في جدة
و هنا بقا تقدر ترجع لكتاب " علاقة سرية " للكاتب الانجليزي مارك كيرتس
عن دور السعودية في تمويل تأسيس جماعة الاخوان في مصر بإيعاز من الاستخبارات البريطانية
و اللي بينسف فيه اكذوبة جملة الملك " ما كلنا اخوان و كلنا مسلمين " 🙄
الكتاب اصدار 2010
ومتوافر في كل حتة
ارجعله يا عم الصحفي 😎

و يمكن ده يفسر للجميع عشق السعودية لتمويل الحركات الارهابية
زي تمويل ميليشيا الجيش الحر امام الجيش السوري و تدميره
و تمويل تنظيم القاعدة
يعني لم يصدر مرسوم واحد فقططط يصادر ممتلكات بن لادن 🤷🏻‍♀️🤷🏻‍♀️
و كذلك الدعم اللي كان بيتلقاه ابومصعب الزرقاوي

و انهاردة تمويل الجولاني 🤷🏻‍♀️🤷🏻‍♀️

♦ليه المصريين مش بيشنوا حملات علي اي دولة 👈🏻 لأن احنا اصل التاريخ و الجغرافيا
احنا دولة انشأها الاله
و لم تنشئها الاستخبارات البريطانية و الجماعات الارهابية 👌🏻👌🏻

تاخدوا المشخصاتية والاراجوزات .. عاااادي
تجنسوا اعلامي ... عاااادي هو اصلا بريطاني 🤷🏻‍♀️
تكتبوا بوستات عبيطة تدعوا فيه تاريخ و جغرافيا .. عااااادي عقدة نقص

لكن تقرب من رئيس مصر و الجيش المصري .. ناكلوا مصارينك صاااحي 🤷🏻‍♀️🤷🏻‍♀️👌🏻👌🏻

ياريت تكون عرفت الفقر فقر ايه :
▪ فقر تاريخ
▪فقر حضارة
▪فقر زعامة و سيادة و استقلال
▪فقر رجال وجيوش
▪فقر شرف

مش فقر فلوس خاااالص
عندنا في مصر مثل بيقول " العايبة تلهيك .. وتجيب اللي فيها فيك "

بس احنا بقا مبنسكتوش
زي متولي الجرجاوي كده
و ده شخصية من الفولكلور الشعبي المصري
بيعايره دياب العويل اللي سمعته وحشة انه بيعرف اختي
ف ابن عروس بيقول ايييييه :
لما متولي بيعايره دياب

جاله بتعمل ايه يا جبان
ده صورة اختك في جيبي آني

رد عليه متولي :
متولي سيد الشجعان
و لولا الحفر ما يعاني
و العار عار العويل
و السخرة هي اللي منعاني
الارض عرض
و يجري الدم في الارض و شرياني
اما شفيقة لها القبر
و لا شنبي يلطه واد عويل وابن زواني

ومتولي يا جرجااااااوي
يا جرجااااااوي 💃🏻💃🏻

ملاحظة : انا لم استخدم الفاظ خارجة في الرد ... استخدم مفردات من اللغة العربية الفصحي و من اللهجة المتدارجة سعوديا
و مازلت علي عهد الثبات الانفعالي

و دمتم بخير 🙏🏻🙏🏻

🔵 #ليه_كامل_الوزير :

📌 ناس كتير بتستغرب هو ليه " شلة " السعوديين
بتتزعم هجمة كبيرة علي الفريق كامل الوزير ... و كأن الحادث اللي حصل ده كان في بيوتهم
بالرغم من ان عندهم يوميا حادث كبير ... ومحدش بيسمع عنهم حاجة 🤷🏻‍♀️🤷🏻‍♀️

يعني مثلا عندهم يوم المطر مات 16 مواطن بسبب عدم الاستعدادات 🤷🏻‍♀️🤷🏻‍♀️

اومال ايه الحكاية 🤔
🔷🔶 الحكاية بتبدأ في 24 اكتوبر 2017
لما الامير الطموح اعلن عن مشروع نيوم من ضمن رؤية 2030 للمملكة

و لما اعلن عنها
كان عنده دراسة للمشروع
بس اللي عمله الدراسة نسي نقطة بسيييييطة 👈🏻 البنية التحتية المعاونة لمدينة نيوم 🙄
يعني الطرق .. الكباري .. الانفاق .. شبكات الصرف و المياه
تفصيلة مش مهمة خالص .. مش كده 🙄🙄

تداركوا الغلطة دي
و تقدمت شركات المملكة وشركات اجنبية لعمل بنية تحتية جديدة للمملكة عشان رؤية 2030
وبدأوا من يناير 2018 بالفعل
🔹لكن الحقيقة يا عزيزي
ان في 2023 و تحديدا في فبراير
المشروعات اللي اتعملت .. اثبتت عدم كفاءة
و ان مشروع الطريق اللي صلاحيته حسب كراسة شروط التنفيذ كانت محدد لها 25 سنة .. مكملش 3 سنين 🤷🏻‍♀️🤷🏻‍♀️

🔹وهنا لجأوا لمصر
للهيئة الهندسية للقوات المسلحة .. و وزارة النقل المصرية
و ده طبعا بسبب حصول مصر علي مركز متقدم عالميا في المجال ده

وفي 4 اكتوبر 2023
اعلنت مصر و السعودية عن انشاء مقر فرع للشركة المصرية القابضة للطرق و الكباري في السعودية
و علييييه 👈🏻 تتولي الشركة معاونة مع الهيئة الهندسية كل مشروعات البنية التحتية الجديدة مع تعديل تنفيذ البنية التحتية اللي اتهدمت و اتصرف عليها اونطة
و كل الشركات الاجنبية مشيت 🤷🏻‍♀️

وبدأنا التنفيذ بالفعل بخطوط سكك حديدية .. ومازال العمل مستمر في كافة الاتجاهات

📌 الهيئة الهندسية كان رئيسها الفريق كامل
و وزارة النقل في 2023 كانت مع الفريق كامل
يبقا الليلة دي كلها بتصب في حجر ميييييين 👈🏻 الفريق كامل

طيب نسيبوا النقطة دي دلوقت و ناخد تفصيلة تانية
♦لو تفتكروا في 2024 كنا اتكلمنا عن صفقة التطبيع الاسرائيلي - السعودي
و وقتها قولنا ليه اسرائيل مقطعة شرايينها علي التطبيع مع السعودية
و ان السبب 👈🏻 قطاع المقاولات و الانشاءات

🔹اسرائيل يا عزيزي عندها افضل شركات الانشاءات
و ده طبعا لانها بتهد بيوت الفلسطينيين و تبني مستوطنات و كومباوندات بشكل سريع و متتالي
و بالتالي بتحتاج التميز في المجال ده عشان تاخد افضل جودة في اسرع وقت ب اقل تكلفة 👌🏻

◾من شروط وثيقة التطبيع :
▪ فتح الزيارات لمواطني اسرائيل لكافة اراضي السعودية بغرض السياحة " بما فيها مكة و المدينة علي فكرة ... لانهم بيتعبروا لهم ورث في المدينة 🙄"
▪فتح المجال الجوي للطائرات المدنية الاسرائيلية
دون الحاجة لتصاريح
▪ انشاء اتفاقيات تجارية و صناعية تلزم البلدين بالتعاون و تبادل السلع و المواد الخام
▪تتولي الشركات الاسرائيلية كافة مشروعات البنية التحتية و الانشاءات و المدن الجديدة المتطورة علي اراضي المملكة 👌🏻👌🏻

طب الصفقة لا بتتم و لا عايزة تتم
و بالفعل في القابضة المصرية موجودة
و احنا مش محتاجينك يا عم في البند الاخير ده
و بالتالي البنود التلاتة الاولي اسرائيل اللي مستفيدة منها
انا استفادت ايه 🙄🙄

دي تاني نقطة شيلها جنب اختها و تعالي نشوف النقطة التالتة
♦ ترامب من يوم ما جه و هو نفسسسسه يحقق صفقة التطبيع مع السعودية

لأن له هدفين
◾الاول 👈🏻 ضمان مورد مالي لاسرائيل يخفف عن امريكا عبء الدعم
" ما هو اسرائيل لها من امريكا مصروف شهري 🤷🏻‍♀️ "
و المقاولات بتجيب فلوس كويسة جدااا 👌🏻
◾التاني 👈🏻 التواجد اليهودي في المملكة
مع الانفتاح السداح مداح
و موسم الرياض
و سياحة القمار و الروليت
هيسهل مهمة ترويج فكرة الدين الابراهيمي بين السعوديين اكتر

وترامب قالها 👈🏻 لما الشعوب تتقبل اتفاقية ابراهام و ترتاح لها .. هتجبر الحكام علي الدخول فيها 🤷🏻‍♀️

📌 ف هنلاقي ان ترامب اخد 3 خطوات :
▪يوم موقعة الحلب الكبري
في 13 مايو 2025
اجتمع ترامب مع جمعية رجال الاعمال و من ضمنهم اصحاب شركات المقاولات و قالهم ان ممكن يساعدهم و يجيبلهم شركات امريكية و " غير امريكية " متخصصة تعلمهم و تدربهم و ترفع من قدراتهم
▪يوم 25 يونيو 2025 :
التقي بالسفير السعودي و بعض الدبلوماسيين
و اتكلم في اتفاقية ابراهام
و صفقة التطبيع
و استفادة السعودية منها في رؤيتها 2030
▪اول امبارح اللي هو 3 يوليو 2025
طلع ترامب مع وزير الدفاع السعودي في مؤتمر صحفي من البيت الابيض
و الراجل قال انه تناقش مع وزير الدفاع نقاش مثمر
و يعتقد ان السعودية ستنضم لاتفاقية ابراهام مما سيشجع مزيد من العرب للانضمام لها 🤷🏻‍♀️🤷🏻‍♀️

طب هو لما الشركات الامريكية و الاسرائيلية تدخل السعودية
هل القابضة هتفضل مكانها 🤔

دي النقطة التالتة وديها جنب اخواتها
وتعالي للرابعة
♦معروف ان اي حد بيعبث بالثوابت الاخلاقية و الدينية
و بيغير تركيبة مجتمعية الي منحلة في اي دولة من الدول
انه تابع للأجندة اياها 🤷🏻‍♀️🤷🏻‍♀️

🔹يعني مثلا الثورة الجنسية في اوروبا
اللي ظهرت في سبعينات القرن الماضي هي جزء من الاجندة
و اللي انبثق منها :
▪الحركات النسوية
▪افكار اللانجابية
▪افكار ال single mothers
و اي فكرة ضد قيام اسرة و تسعي لحرية الحصول علي الشهوات الجنسية بأي طريقة
و احنا عارفين ان الزنا محرم في كل الديانات
لكن بسبب الثورة الجنسية الزنا بقا اسمه حرية شخصية 🤷🏻‍♀️🤷🏻‍♀️

تقبلناه و اتعودنا عليه
الفجور يتطور بقا 👈🏻 يظهر الشذوذ الجنسي و محاربة الله حرب بجحة 😏😏

الافكار دي ممكن تتقبلها المجتمعات المحافظة و لا لازم تكون في بيئة انحلالية خصبة لرواجها 🤔
اكيد لازم بيئة خصبة

وهنا بيتولي صبيان الاجندة تحويل المجتمع المحافظ الي منحل من اجل زيادة فرصة رواج دين العين الواحدة 👌🏻👌🏻

و ده يا فندم اللي بيعمله الواد سكسكة
( فاكرين فيلم درب الهوي بتاع شويكار و محمود عبد العزيز .. كان في فاروق فلوكس كان طالع شاذ و هو السوبر فايزر بتاع لوكاندة البرنسيسات
في مشهد كده
فاروق فلوكس بيقول لشويكار : ده انا باين عليا راحت عليا حتي البشوات و الكبارات مبقوش يبصولي مع اني بسعدهم
راح محمود عبد العزيز قاله : انت يا واد يا سكسكة وزير السعادة نفسها بتاع اللوكاندة

▪نرجع للغة العربية الفصحي بقاااا
السعادة : في المعجم الوسيط
هي كل نشاط يتسبب في الترويح عن النفس و تحقيق الامتاع
شوووف يا اخي سبحان الله
لو سألت عن معني الترفيه
هتلاقيه متقسم اتنين
▪الترفيه :
من باب ر ف ه و هو فعل مصدر ثلاثي
اصطلاحا : هو كل الانشطة التي تهدف الي امتاع النفس 🙄

و هنا نكتشف عظمة اللغة يا ولاد
السعادة = الترفيه
وزير السعادة " الترفيه " = الواد سكسكة 🤔
العربي الفصحي ده فظيييييع فظعنة يا اخواننا )

ما علينا
المهم :
📌 اولي خطوات انحلال المجتمعات 👈🏻 هو قيادتها و دفعها في اتجاه اشباع الشهوات بأي طريقة و اي تمن
و الفارق بين الانسان و كافة المخلوقات
ان ربنا خلق له عقل يميز بيه الامور
عشان يتحكم في شهواته و رغباته و انفعالاته و لا يتحول الي " غوييم "
هتلاقي معناها في التلمود 👈🏻 بشر اقل درجة من الانسان و اقربها سلوكيا للحيوان 👌🏻👌🏻

و بما ان سكسكة اجندة
يبقا يهمه التطبيع يتم انجازه 🤷🏻‍♀️

🔸طب هو لو توقفت مشروعات البنية التحتية في السعودية
و خرجت الشركة القابضة وكامل الوزير من هناك
ده اثره ايه علي السعودية 👈🏻 كارثة اقتصادية طبعاااا

هتضطر تعالجها سريعا و تقبل دخول اي شركات تعرض تشيل بدلا من القابضة


ندخل بقا المدخلات
تواجد القابضة اللي قافل علي اسرائيل ميه و نور
+
وثيقة التطبيع اللي مفيش فيها استفادة للسعودية
+
رغبة ترامب الملحة في انهاء هذا التطبيع وتحقيق مصلحة مالية لاسرائيل
+
وجود مندوب الاجندة " الواد سكسكة "

النتيجة 👈🏻 كامل فاشل و منجحش في حاجة و لازم يرحل و يمشي و يستقيل من الحكومة
ثم 👇🏻
طرد القابضة من السعودية 🤷🏻‍♀️🤷🏻‍♀️
لحساب مييييين 👇🏻
انت شاطر و هتقول لوحدك

عشان كده كامل لازم يتم اغتياله نفسيا
لأن وتد من الاوتاد اللي مستند عليها عبد الفتاح السيسي اقتصاديا
و الهزة و لو بسيطة في الوتد ده
هتأثر علي الخيمة كلها
و هتزود من الحصار الاقتصادي علي مصر

كان ممكن اعديها ان الاخوان بينهشوا الفريق كامل گ العادة بتاعتهم
لكن ظهور الاجندة و دموع التماسيح علي البنات الغلابة
لا ميعديش عليا الصراحة .. و خصوصا ان انا عايشة فوق بزبوز براد نظرية المؤامرة بذات نفسها 😒😒

و دمتم بخير 🙏🏻🌹

🔵 #چيلانيات:

🔷🔶 احتفال تدشين وبدء عمل سد النهضة :
اي سد في العالم في اي مكان في الكوكب لما بيتم انشاءه بيكون له مستهدفات عمل
يعني :
▪هنزرع حواليه كام فدان
▪هيطلع لنا كهربا قد ايه
و هل هتكفينا و تفيض نصدر و لا يادوب اكتفاء ذاتي
▪المياه اللي هنحتجزها وراه دي هيتعمل بيها ايه

زي مثلا سد تنزانيا
وقبل بدء التشغيل .. لازم يحصل حاجة اسمها اختبار تشغيل
" زي اي معدة "
بكون عملت كل الانشاءات و المستهدفات و ابدأ اشغل بقا
📌 طيب في حالة سد النهضة:
▪المفروض انه يتم تركيب 16 توربين لتوليد 5150 ميجاوات
و ان كل التوربينات تكون نوعية فرانسيس عشان تواكب انشاءات السد
هل ده حصل 👈🏻 لأ
مش راكب الا 3 توربينات ومشتغلوووش ... و مطلع 5 وات كهربا حتي
بالاضافة لأن التوربينات اللي ركبت من طراز " بيلتون " و دي بتستخدم للتدفق المنخفض للمياه من ارتفاعات عالية
▪هل تم اختبار كفاءة لجسم السد نفسه 👈🏻 محصلش
بدليل ان البوابات المائية يادوب تتقفل 24 ساعة و يفتحها فورا نظرا للخوف علي تصدع جسم السد الخرساني و المؤثر علي السد الركامي
▪المفروض طول فترة الانشاء و تكون الطمي حول السد الركامي
يتم عمل زراعة اختبارية
بيتزرع اكتر من محصول
لمعرفة ايها افضل و ارخص تكلفة في الزراعة مع كفاءة محصولية
تم البدء في السد من 14 سنة ولحد انهاردة لم يتم زراعة إصيص زرع فيه شوية نعناع للشاي حتي 🙄

🔸اومال ايه حكاية الاحتفال ده 🤔
طب ما سهل نرجع ل ترامب
و ايه اللي خلاه فتح سيرة سد النهضة بقاله 10 ايام بالظبط
و بعدة تصريحات :
▪امريكا هي اللي مولت السد و عملت له الدراسة
▪اصل من حق مصر تعترض و احنا ممكن نقف مع مصر
▪ايه رأيكم يا جماعة لو مصر تدير السد 🤔

و طبعا مصر مبتردش
مصر flight mood تمامااااا
طب يا ترامب انك بتتكلم فيه ليه اساسا دلوقت 👈🏻 مصر معاندة مع امريكا و لا قابلين تهجير .. و لا بنطاطي لاسرائيل .. و لا اتدخلنا في مسرحية ايران و اسرائيل .. ولا اتجرجرنا لاستفزازات الحدود .. ولا عبرنا الكونجرس في حوار وقف المعونة .. و لا اهتمينا بتعريفات و رسوم جمركية

يبقا نضغط ب حوار سد النهضة اللي ممكن الغوغاء يستغلوه و يعملوه نزناز داخلي و خارجي 🤷🏻‍♀️🤷🏻‍♀️
و نزق أبي فرخة بتاع اثيوبيا
يعمل احتفال جديد
و ده رااااااابع احتفال
" بيفكرني بالراقصات الدرجة تالتة اللي كل شهرين تعمل عيد ميلادها عشان تلم هدايا وتتصور بفستان عريان عشان تبقا تريند 🙄 "

شغل غوازي و عوالم و لاااا له اساس 🤷🏻‍♀️🤷🏻‍♀️
----------------------------------------------------
🔷🔶 فيديو حركة حسم :
ألا يا خويا مسمعناش كلمة في الفيديو تخص اسرائيل 🤔
يعني لا هددوا بعمليات نوعية
و لا هددوا المستوطنين اللي بيقتحموا الاقصي كل ساعتين 🤔

بس ايييه 👈🏻 نظرا لتغيير القوي في المنطقة احنا راجعين
و انت هتوزن القوي ازاي يا صايع افندي 😁

♦المهم الفيديو وصلت له الجهة الامنية لبيانات الفيديو
▪اتصور في سوريا
▪اترفع من ليبيا و اللي رفعه رجع مسحه تاني
▪السلاح اللي موجود في الفيديو سلاح مباع في السوق السودا
وكله متوسط الي خفيف

📌 فاكرين اما قولنا حركات الاسلام السياسي كلها تم انشاءها من اجل حماية اسرائيل
يعني مهددتش اسرائيل اللي مشخرمة المنطقة و قوي المنطقة
و بتهدد الجيش المصري اللي هو القوة الوحييييييدة الباقية في المنطقة 😁😁

📌 طب ايه الفيديو ده و ايه الهدف منه حاليا 👈🏻 ال case officer بتاعهم قالهم يلا اعملوا شو
من اجل تأجيج حالة الخوف من الارهاب داخليا + توتر الحدود خارجيا
نوع من انواع الضغط علي مصر 🤷🏻‍♀️🤷🏻‍♀️

بس مين يا اخواننا في مصر اللي ممكن يخاف من شوية صيع 😁
ده نرجس مرات القرموطي ضربت الواد ميدو بالشبشب و قعدت تقول أهووو الارهابي المعفن 😂😂

📌 لكن المعلومة اللي نطلع بيها ايه من هذا الفيديو الكوميدي
تعاون ارهابي ليبي + تعاون ارهابي سوري 👈🏻 من اجل تهديد مصر
" و طبعا ده كله بيصب في حجر الظابط البريطاني بتاع ال MI 6 🙄 "

بلاش ندي الامور اكتر من حجمها
العيال دي في 2018 اما اتقبض عليهم ... كانوا بيمسحوا بلاط السجون عشان بسسسس يترحموا من اللي بيعمله فيهم المساجين 🙄
-----------------------------------------------------
🔷🔶 هدنة غزة :
ما قولنا يا اخواننا مفيش هدنة قبل اجازة الكنيست
و يمكن مفيش هدنة خالص

و هيفضل حماس و اسرائيل يلاعبوا الوسطاء لحد ما يخلصوا التارجت
▪امريكا 👈🏻 اتفقنا مع اسرائيل علي شروط الهدنة .. و اسرائيل كيوت و وافقت و بعتنا الشروط لمصر و قطر
▪مصر 👈🏻 عرضنا مسودة الهدنة و نأمل أن تلقي قبول رحمة بالشعب الفلسطيني
▪قطر 👈🏻 حققنا تقدم مع حماس و المفاوضات تتسم بالايجابية
▪حماس 👈🏻 احنا عايزين نزود 5 شروط كمان .. اصل الشروط دي مش كفاية .. نفسيتنا منقرفة و هيغوووومن علينا 🙄
و دي الشروط الجديدة ودوها لاسرائيل
▪اسرائيل 👈🏻 لا والله الكلام ده ميمشيش علينا .. ومش هنقبل الشروط دي

و حاجة اخر تمثيل فيك و الله

♦لكن سيشهد التاريخ ان چيلان قاسم في اول طوفان الفشل الوحيدة اللي قالت ان غزة عصفورة و هتروح الضفة و باقي فلسطين
▪ و ده اللي حصل 👈🏻 اعلنت اسرائيل اعلان السيادة علي الضفة و عودة يهودا و السامرة للحضن العبري من جديد
و الخارجية المصرية اصدرت بيان تستنكر فيه الاعلان ده
و ترامب رحب بالحدث و اعتبر صديقه بي بي بطل حقا يستطيع صنع الانتصارات 🤷🏻‍♀️🤷🏻‍♀️
▪خلال الاسبوع اللي فات :
تم هدم 100 منزل فيهم 1550 فلسطيني في حي البستان في القدس الشرقية
و ده بحكم محكمة لاقامة حديقة توراتية
" معرفش ايه المصطلح ده بس هو انت حط الدين في اي جملة عشان متبقاش ارهابي و تبقا بطل 🤷🏻‍♀️"
طرد 800 فرد من بيوتهم وهدمها في حي بطن الهوي منطقة سلوان في القدس
طرد 600 فرد من بيوتهم وهدمها في حي الشيخ جراح في القدس بردوووو
لانشاء شبكة كهربا جديدة
" اي كلام في اي كلام طبعا 🤷🏻‍♀️ "

📌 وحكم المحكمة ده صادر بناءا علي قانون صدر سنة 1970 شئون قانونية و ادارية خاص بمدينة القدس " اورشليم "
مفاده 👈🏻 السماح لليهود بالاستيلاء علي املاك شرق القدس بدعوي امتلاكها ليهود اخرين من قبل نكبة 1948
" يعني يهود جم من اول سنة 1920 و اشتروا من الفلسطينيين
و استرجعها امين الحسيني للفلسطينيين تاني
لأ هي خلاص بتاعت اليهود 🤷🏻‍♀️"

📌 اما ما يحدث في النقب
ف حدث و لا حرج
تقريبا كده اهل النقب بيتحشروا كلهم في منطقة لا تكفي لنصفهم
و ذلك لاقامة مستوطنات يهودية
و استقطاب بعض يهود العالم للاستثمارات في النقب 🤷🏻‍♀️🤷🏻‍♀️

جميل الطوفان و المئاومة مش كده 😏😏
لأ و محور المئاومة وايران انتصروا ... و رجعوا غزة
و صواريخ الحوثي الفشنك فكت الحصار
و الدنيا بقت حلوة اهووووو 🙄🙄

يلاااا بخاطرهم بقا

ده كده ملخص لهري تريندات خوابير السوشيال ميديا
و دمتم بخير 🌹🙏🏻

🔵 السلام عليكم :
انهاردة يوم مميز جداااا 7/7
يوم مميز عشان يوم ارتقاء 26 بطل من اسيادنا الشهداء للجنة
شهداء ابطال معركة البرث بشمال سينا
و اللي نفذها تنظيم ولاية سينا

♦ اللي بيتزعمه المجحوم في الجحيم شادي المنيعي و المجحوم التاني محمد فريج ابو صهيب
و اللي كانوا بيتلقوا تدريبات جماعتهم في قطاع غزة
علي يد سرية الشيخ عمر حديد التابعة لكتائب عز الدين القسام

📌 وتم رصد زيارة مدتها 13 يوم من يوم 15 ديسمبر 2015 الي 28 ديسمبر 2015
من شادي المنيعي الي قطاع غزة
للتفاوض في حصة التنظيم من صواريخ كورنت القادمة من ليبيا الي التنظيم
و اللي كان بيبيعها في ليبيا احمد كرابوغا ظابط الاستخبارات التركي المتعاون مع حماس
و الهدف كان 👈🏻 اغراق ذورق بحري علي سواحل العريش بالرجالة اللي فيه

و تم ضبط جزء من الصواريخ في الصحراء الغربية المصرية
و لكن استطاعت حماس ادخال جزء منها حوالي 6 صواريخ الي سيناء عن طريق الانفاق

📌ثم بالقبض علي التكفيرين معاوني المنيعي و فريج
وجدت معاهم محادثات صوتية بين فريج و ايمن نوفل الحمساوي الارهابي
فيها تخطيط للقيام بأكتر من عملية ارهابية ضد الجيش المصري و الشرطة و اغتيال محمد ابراهيم وزير الداخلية السابق
حيث شهدت ال 3 شهور الاخيرة من 2016 عدد 104 عملية عنف استهداف كمائن و مسارات مركبات عسكرية بعبوات ناسفة
ثم فرار المنفذين عبر الانفاق

ثم التخطيط للتخلص من الصيد الثمين 👈🏻 احمد المنسي
قائد الكتيبة 103 صاعقة خلفا للعقيد شهيد رامي حسنين و اللي استشهد في مدبحة اكتوبر 2016 لنفس التنظيم

📌 الهدف من العملية 👈🏻 السيطرة علي منطقة البرث بعد قتل كل اللي في الكمين
و استعادتها مخازن سلاح و صواريخ خاصة ب سرية الشيخ عمر حديد

و استشهد المنسي و معاه 25 جدع زي الورد
عشان سينا متبقاش مرتع للارهابيين
و لا مكان يتخزن فيه سلاح السوق السودا و المافيا لاعادة بيعه
و لا يتاخد منها شبر يروح لدولة متخصناش و ناس ضربتنا في ضهرنا و خانتنا كتير
و ضربتنا في قلبنا و قتلت رجالتنا

اللهم ارزقنا شفاعة اسيادنا الشهداء الابطال
و احمي يارب سينا من الخونة و الطماعين و و الرمم اللي شايفين قتلة رجالتنا مقاومة 🙏🏻🙏🏻

🔵 صباح الخير عليكم :

بقالنا كده اسبوع تقريبا :
▪حوادث علي الطريق الاقليمي بنفسسسس التكنيك
تريلا تخرج من العدم كده .. جاية عكس الاتجاه تطلع فوق ميكروباص 🤷🏻‍♀️🤷🏻‍♀️
قفلنا الطريق
▪عربية 2 في القطار القادم من اسكندرية للقاهرة الاسباني تقرييا بتاع 8 الصبح اول امبارح
شبه مفكوكة
وماشية بتتطوح
و رئيس القطر طلب الصيانة و الفنيين ... ومشيوا بيه للقاااااهرة و هندخلوه ورشة يا جماعة مش وصلتوا بالسلامة 🙄
" في شهود علي الواقعة دي "
▪قطار اسوان القاهرة
يخرج عربيتين منه عن القضبان
في نفس ذااات اليوم
بسبب العربية 5 & 6 مفكوكين بردو 🤔
▪قطار القاهرة اسكندرية امبارح
يطلع عن القضبان في عربتين
لنفس ذات السبب
▪قطار اسكندرية مطروح بتاع 7 الا تلت صباحا انهاردة تطلع عربيتين عن القضبان
و تتنقل النجدة و الحماية المدنية
و يربطوا العربات و ينقذوا الموقف

هو كل ده صدفة بحتة 🤔
يعني القطارات في مصر اتخنقت كلها فجأة و قررت تطلع من علي القضبان تغير جو 🤔

♦من شهر كده :
كان في حرايق غريبة
▪فجأة الاشجار في مدينة التوفيق بتاعت الظباط اللي في مدينة نصر الناس نازلة تصلي الفجر لقيتها مولعة
الكلام ده في مايو
مفيش موجة حر عنيفة
و الشوارع واسعة
انا عارفة المنطقة دي كويس كنت ساكنة هناك
ف احتمالية ان الشجر ده يولع طبيعي احتمالية لا تصل ل 1%
" هناك في منشآت عسكرية علي فكرة ... مستشفي ومقر اداري و فندق النصر "
▪محطة الاتوبيس الترددي اللي لسسسسه كانت بتتجرب تكنولوجيا
ولعت 🤷🏻‍♀️🤷🏻‍♀️
▪قضبان المونوريل اتسرقت
و بعد السرقة الحرامي حرق مكان كبير

♦امبارح بقا حريق سنترال رمسيس :
و اللي حرق سنترال رمسيس ده مش حد غبي
ده حد عارف مدي الخساير اللي ممكن تحصل
▪اولا الخساير البشرية رحمهم الله شهداء عند ربهم
▪البورصة قفلت انهاردة بسبب وقف خدمات الربط الرقمي
" احنا بنتكلم في خساير 12 مليون جنيه للاسهم مثلا
و طبعا خسارة الجنيه في البورصة تأثيره زي تأثير الشوكة الرنانة و الاواني المستطرقة كده "
▪الهدف مش قطع الخدمة عن البيوت و الفيسبوك بتاع العيال
نووووو
ده مستهدف الاسعاف و مستشفي الجلاء و محطة قطارات رمسيس اللي عادي ممكن يحصل فيها كارثة لولا ان المانيوال لسه له مكان
و المحطات التبادلية لخط المترو
و البنوك اللي في المنطقة كلها
اصلا قصاد مسجد الفتح في ولا 7 فروع لبنوك 🤷🏻‍♀️🤷🏻‍♀️
السيستم واااقع يافندم و كل عملياتك مش هتتم 🤷🏻‍♀️🤷🏻‍♀️

لا انا محتاجة اكون ظابط أمن و لا مخابرات عشان اتيقن ان كل ده مش صدفة
و مش عادي
و ان كل ده بفعل فاعل

و لا محتاجة اني ألقي التهم علي حد
يا جماعة في ياسر ابو شباب موجود في مصر 🤷🏻‍♀️

يا اهل الله في نسخة من ياسر ابو شباب تم اعدادها و تجهيزها و موجودة في مصر تعيث فسااااادا فيها
يا من تنظيم الاخوان .. يا من اللاجئين

مش هيحاربك بالارهاب تاني
لانه مش غبي عشان يخوض معركة انهزم فيها سابقا
لكن هيحاربك بالتخريب
و في ساعة صفر متحددة
و مش بعييييييدة

👈🏻 في ساعة صفر تم تحديدها 👉🏻

♦لما انا في شغلي بيجيلي فايل فيه لعبكة
بقعد افكر فيه بالتناسخ
يعني هو اللي جواه ده شبه ايييييه 🤔
و بالتالي بلاقي افكار و تفاصيل توصلني للحلول

▪مين حرق بورصة القطن في اسكندرية زمان
▪مين عمل حريق القاهرة في سنة 52
▪مين اللي حاول يحرق مصنع حلوان للحديد والصلب في نفس توقيت لحرق مصنع الالومنيوم في نجع حمادي في نفس توقيت حرق مصنع الاسمدة في اسوان في ديسمبر 67
و البلد كلها مجروووحة و بتنزف من النكسة
لولا عناية الله و كشف المخطط
قال ايه 👈🏻 انتقاما لاعدام الكلب الجربان اللي اسمه سيد قطب
اللي اصلا اتعدم في 29 اغسطس 1966 .. يعني يعدوا سنة و 4 شهور يخططوا 🤔
▪مين عمل مدبحة الفنية العسكرية و كان مخطط انه يحرق مستودع الكلية بعد السيطرة عليه و قتل 17 طالب و اصاب 65 قبل ما الطلبة يتصدوا لهم
عشان يعلن جمهورية مصر الاسلامية سنة 1977
مش صالح سرية الاخواني الفلسطيني و المجحومة في جهنم زينب الغزالي كبيرة عواهر الاخوان
▪مين حرق حديقة الاورمان في 2013
▪مين حرق وزارة المالية في 2013
▪مين حرق محكمة بني سويف في 2013
▪مين حرق قسم كرداسة و مثل بجثث الظباط في 2013

يبقا بالمنطق و القياس و التناسخ
التخريب و الحرايق و التدمير الداخلي بيجي منييييين 🤷🏻‍♀️🤷🏻‍♀️

📌 و زي ما اكتشفنا ان كل ده له ورق و ملفات في مكاتب عدوك الاول
هتلاقي بردو ياسر ابو شباب جوت مصر

الناس كلها بتشتكي ان مفيش داخلية ... و ان الداخلية لم تعد متواجدة في الشوارع
و لا مرور ولا دياولو
انا لا بقول اه و لا لأ ... لأني مش شايفة بعيني
لكن بنقل كومنتات و ملاحظات لمواطنين علي درجة عالية من الثقافة
ناس بتشتكي في مناطق تجمعات سكنية زي الشروق و مدينتي و اكتوبر و الرحاب و خالد بن الوليد و المندرة ان اللاجئين بيخربوا و بيعيثوا فسادا كأنها ورث ابوهم ومفيش رادع لهم
ف هاااا بقا 🙄 .. ناويين علي ايه 🤔🤔

بعد اذنكم في حاجة غلط بتحصل .. و في حاجة بيتم تدبيرها للبلد داخليا
ف لو سمحتوا نفوق شوية
و لو الشيلة تقيلة نصعدها لجهة اعلي تقدر تشيلها 🤷🏻‍♀️🤷🏻‍♀️

ربنا يحفظ مصر من الداخل و الخارج عشان ضاقت عليكي اوي يا بهية 🙏🏻🙏🏻