老鼠一家四口 攀柴灣屋苑10幾樓亂竄
淪《米奇妙妙屋》 與片主對望如say hi

「長年住在我家，小小一個家。米奇像不說話；伴着做運動，我若跳吧，你亦跳吧。長年住在我家，小小一個家。米奇像不說話；日夕亦共伴上學上路，上盡也在秘密對話。」

《家有小熊》，很多人都有，或很想有。但「家有米奇」，相信不會有人想有；柴灣某屋苑10幾樓的居民，卻被迫「享有」。

網傳一段短片，指昨晚（4日）有4隻老鼠爬上柴灣某屋苑10幾樓亂竄，部份躲在窗框邊跳動。片主形容牠們是「一家四口」，辛苦爬上來「say個hi」，「同我對望咗陣，打咗招呼㗎喇，有禮貌」，笑言有如迪士尼動畫《米奇妙妙屋》，向網民請教怎樣應對。

#channelchk #老鼠 #米奇 #mickey #mouse #mice #rat #柴灣 #迪士尼 #disney #米奇妙妙屋 #家有小熊 #梁詠琪 #鼠患

中大揭科興第3針抗體 遠遜溝1針復必泰近半
政府專家顧問：半年後或再勁跌 要打第4針

186萬名免疫力弱及高感染風險的市民，今（5日）起可優先網上預約接種第3針COVID-19疫苗，最快下周四免費打針。中文大學醫學團隊早前研究已打2劑中國科興的人，接種第3針科興或溝1針德國BioNTech復必泰的抗體反應。研究結果於網上醫學期刊發表，原來3針都打科興的人，抗體水平遠遜溝1針復必泰近半。政府專家顧問許樹昌早前指出，這些人的抗體水平在半年後會跌到很低，或要打第4針。

中大研究80名已打2劑科興、抗體水平偏低的市民，在他們打第3針科興或溝1針復必泰後1個月，化驗其抗體水平。結果發現，2劑科興再溝1針復必泰後，應對COVID-19原始型（wild type）以及beta、gamma和現時最流行的delta變種病毒株時，抗體水平分別高達96.83%、92.29%、92.51%及95.33%。至於3針都打科興的人，應對上述4款病毒株時，抗體水平則分別低至57.75%、38.79%、32.22%和48.87%。

研究團隊認為，接種2針科興後抗體水平偏低的市民，第3針應溝打復必泰，成效遠超打多1針科興，效果更明顯。政府專家顧問、中大呼吸系統科講座教授許樹昌早前引述研究指出，3針都打科興的人，即使抗體水平在打完第3針後會提高，但仍遠不及打完2劑科興再溝1針復必泰的人。他又指，3針都打科興的市民，半年後抗體水平會跌到很低，要打第4針也不為奇。

另外，今年2月打首針科興、2天後死亡的63歲消防工程顧問公司東主，其死因研訊昨日繼續。香港大學內科部臨床藥理科學系臨床教授張文勇以專家證人身份作供，表示不排除死者打完科興，針劑令其急性心肌梗塞併發症惡化，成為壓倒死者的「最後一根稻草」，但肯定死者接種科興前，已有心肌梗塞問題。

#中大 #香港中文大學 #科興 #抗體 #復必泰 #BioNTech #中國 #研究 #許樹昌 #變種病毒 #COVID19 #疫苗 #死因庭 #死因研訊 #心肌梗塞 #併發症 #張文勇 #專家證人 #消防工程顧問 #香港大學 #港大

田北辰：強制安心出行本月底或擴展至所有食肆
料最快除夕局部通關

特首林鄭月娥預告為了恢復與內地通關，市民個人自由將受限制後，有傳媒引述立法會議員田北辰消息指，港府或於月底前規定全港所有食肆顧客強制使用「安心出行」，不會再分為A、B、C、D類食肆；並推算最快今年年底才會局部通關。而林鄭今早在一個大灣區論壇就表示，期望在明年2月可與內地恢復較有規模的通關。

本港現時只有A類食肆毋須強制要求顧客使用「安心出行」，田北辰日前已透露，據他了解政府最快本月中擴大要求至B類食肆。不過，《香港01》今日再引述田北辰表示，現時窒礙通關主因是並非全港所有食肆強制要求使用「安心出行」，所以港府為了便利通關，不會再將食肆分為A、B、C、D類，所有食肆都必須要求顧客使用「安心出行」紀錄行蹤，預計最遲本月底前推行。

政府場所包括食環署街市、康文署場地等已須強制掃「安心出行」，日後商場、領展旗下街市等地點又需否強制用安心出行？田北辰就指內地最關注「無口罩」場地，故措施針對食肆。

田北辰又說，由於新措施料於本月底推行，而港人北上前須先記錄個人行蹤最少14日，估計最快12月底才能正式局部通關；內地專家或在今個月到訪香港，考察防疫安排。

#channelchk #林鄭月娥 #政府 #安心出行 #通關 #食肆 #Covid19

雲疊花園葉經理親解通告「死過翻生」說法
用搓手液洗臀背後藏極大屈辱

雲疊花園葉經理早前「死過翻生」後，竟然再出通告分享用搓手液清潔臀部心得，搞到大家一頭霧水。佢噚日（4日）喺電視節目現身說法，「我個人冇晒生命跡象，即係死咗」；至於通告上「搓手液清理臀部」背後其實隱藏住一段猶如身處地獄嘅慘痛屈辱，因為喺ICU留院期間被綁14日，禁飲食之餘仲要被迫包尿片，令佢同老婆都覺得極大委屈。

TVB《東張西望》噚晚播出咗葉經理嘅訪問，佢承認通告係自己寫、自己簽，「你當我懵盛盛啦！但我寫嘅係實況」，發通告前亦獲法團批准。但點解喺通告上話自己「證實死亡」？佢解釋「我個人冇晒生命跡象，即係死咗。其實死而復生啫，千祈唔好誤會，坦白講我老婆當我當晚死咗。」

葉經理憶述入院後喺深切治療部（ICU）留院情況，都忍唔住眼濕濕，佢喺病房度「綁咗14日，真架，唔畀食嘢唔畀飲水」，佢仲有相為證，話一切都係醫生指示。其間佢又被醫護人員用搓手液洗頭，搞到佢眼睛非常刺痛，然後喺唔知情下被包上紙尿片，原因係ICU冇廁所，醫護人員仲同佢講話「得㗎啦，你瀨啦！」；而當被職員除紙尿片時，佢哋就「用搓手液一抹再抹三抹四抹」，然後包返紙尿片，強調通告上提及用「搓手液清理頭部、臀部」都係千真萬確：「我所反映嘅係事實。」

雖然護士有話觀察佢多幾日就會安排送去大房，但等咗7日上到大房都係被綁，話驚佢會撞倒跌倒。但葉經理覺得好難接受，寧願轉院休養，「我唔係暴力狂，我唔係精神科病人，我正常人嚟架嘛！」佢老婆諗返都忍唔住喊，「太委屈喇！咁都唔係咁綁佢架！陰公！」

葉經理話佢出院後四肢乏力，「着件底衫都覺得重」，節目中見佢喺屋企行路仍要用拐杖支撐，連飲水都打爛水杯，甚至不斷氣促，見佢都相當辛苦，不過佢都相信自己會康復。葉經理要保重！相信雲疊花園街坊都等緊你呢位盡忠職守嘅經理早日重返崗位呀！

#channelchk #雲疊花園 #葉經理 #通告 #ICU #管理公司 #物業管理

九巴司機貪方便 繁忙時段切雙白線逆線爬頭
涉危駕被捕兼被炒

九巴一部290X路線巴士前日周二（2日）駛經寶琳路時，抽頭越過雙白線逆線行車，有關車Cam片段其後在網上流傳。警方今拘捕涉事60歲男司機，涉嫌危險駕駛；並稱當時巴士載有約100名乘客，估計因為路面較擠塞，司機貪圖方便而爬頭。九巴則表示已即時解僱該名員工。

涉事九巴是來往康城及荃灣西的290X路線。YouYube頻道「車CAM特警」上載的片段顯示，該巴士於本周二上午7時左右，駛經寶琳路近寶達邨時，突然越過雙白線逆線行車，行駛一段路後再切回。有網民形容是「馬路核彈」，「絕不能接受巴士咁樣雙白線逆線行走過頭。成車人咁危險。」

警方東九龍交通部經調查並獲九巴全面協助後，今拘捕該名60歲姓張男司機，涉嫌危險駕駛。警方表示，巴士當時正往秀茂坪方向行駛，估計司機逆線行駛距離約90米，幸好當時對面線沒有車輛迎面而來，否則後果不堪設想。警方續說，案件涉及公營大型交通工具，而案發時為繁忙時段，車上載着約100名乘客，涉事司機行為嚴重危害巴士乘客及其他道路使用者安全。

警方又指，涉事巴士司機駕駛這條路線超過3年，熟悉路線，估計因當時路面擠塞，貪圖一時方便，切雙白線超車。

九巴表示，就一名巴士車長在本月2日嚴重違反公司安全守則，涉嫌危險駕駛，九巴高度關注並隨即嚴肅處理，經內部調查後，已即時解僱該名員工。九巴強調，重視行車安全，決不容忍任何危險駕駛行為。

#channelchk #車Cam #九巴 #雙白線 #逆線爬頭 #危險駕駛 #危駕 #巴士

鄧炳強手肘受傷發炎 入法國醫院做手術
傳凌晨求診放膿 隔晚覆診打抗生素留醫

保安局發出新聞稿回應傳媒查詢，表示局長鄧炳強因手肘受傷發炎，曾在醫院接受小手術，工作不受影響。有傳媒報道，鄧日前弄傷左手，本想「貼膠布就算」，怎料細菌感染致傷口發炎，腫脹含膿，昨（4日）凌晨到私家的聖德肋撒醫院（法國醫院）放膿。

報道指，醫生原要求鄧留院1日，但因鄧有公務在身，故先行出院，今晚再覆診。有指醫生今晚會為鄧打抗生素，院方也會檢查他有否細菌入血，最快明日出院。鄧今晚在醫院停車場被記者訪問時，多次強調「好小事啫」、「無事」、「你睇，無事」。

鄧炳強是繼特首林鄭月娥和食物及衞生局局長陳肇始後，第3位手部受傷的問責班子官員。Channel C祝各位高官好好保重，不再受傷。

#channelchk #鄧炳強 #手術 #放膿 #保安局 #抗生素 #細菌入血 #含膿

田北辰透露11月底所有食肆都要強制「安心出行」，唔再分A、B、C、D類，食肆老闆聽到都擔心生意大跌，形容好似大家一齊攬炒咁......

去片👉https://www.youtube.com/watch?v=9n3wZsZXbRE
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com

#channelchk #嘮動新聞 #田北辰 #林鄭月娥 #政府 #安心出行 #通關 #食肆 #Covid19
＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

《勁歌金曲》半年3調動 周日下午縮剩5分鐘
改革初期曾黃金時段播1個鐘

曾志偉今年回歸TVB擔任高層後大搞節目改革，包括將《勁歌金曲》改喺周日黃金時段播出一小時，硬撼ViuTV同時段播嘅皇牌音樂節目《Chill Club》，但似乎迴響都唔係太大，始終未能突圍而出。而事隔半年，《勁歌金曲》播出時間更一改再改，最新係由今個周六（6日）起，改喺逢周日下午3點55分播出，即原來《超級勁歌推介》時段，只得5分鐘。

TVB一輪節目改革下，《勁歌金曲》4月開始逢周日黃金時段晚上9點半播出1小時，仲邀請郭偉亮（Eric Kwok）擔任主持，結果第一集直播收視為13.8點，之後幾集都維持喺10點以上，只有一個星期不足9點。而踏入9月，《勁》延後到晚上10點半播出，錯過黃金時段之餘仲得返半個鐘，雖然避開咗《Chill Club》播放時間，但收視仍全面下降，其後只有10月3日錄得9.8點收視。

到上月23日起，再改為逢周六及日晚上11點播出15分鐘。不過，播咗唔夠半個月又有調動，明日（6日）起，呢個時段會改播《周末幫你慳啲啦》；《勁》就會再改喺逢周日下午3點55分播出，得返5分鐘，不過J2播嘅《勁》就如常逢周六下午播出1小時。

何麗全出席活動時就話，只係因為節目調動，又強調目前仍會分開周六日播15分鐘，完整版亦會繼續喺J2播出。佢解釋，音樂節目較多後生仔觀眾，喺J2播會最適合，「變咗喺翡翠台推介呢個音樂節目，推介啲歌，睇其他歌手表演就可以去J2度睇。」佢又話《勁》近兩星期收視率係比之前高很多，證明決定係正確。

其實《勁》改革之後，都增設咗現場Live band演繹，又有重溫經典合唱歌環節；嘉賓方面除咗以前成日見到嘅「聲夢幫」之外，亦都有張天賦（MC）、曾比特（Mike）、葉巧琳、應智越、章尾而等樂壇新勢力，但其實呢啲《Chill Club》一直都有做緊，而且《Chill Club》仲會間唔中就有驚喜畀觀眾，好似早前有集就邀請咗梁詠琪同今年三大樂壇新人：呂爵安（Edan）、曾比特同張天賦對唱，之後一集仲有深受網民歡迎、YouTube頻道「試當真」嘅MC $oHo、MC KidNey同Kayan9896喺節目演出，實行connect埋一班網民。

#channelchk #勁歌金曲 #無綫 #TVB #ChillClub #ViuTV

南亞漢遊蕩告士打道 遇衝鋒警查問
掏利器自割喉浴血 當場死亡

Channel C收到消息，指一名南亞漢昨晚（5日）在灣仔告士打道西行線近馬師道的高速公路上遊蕩。衝鋒車上的警員前往查問時，南亞漢即掏出身上的利器自刎，大量出血，當場死亡。

#灣仔 #告士打道 #高速公路 #衝鋒車 #channelchk #馬師道

有片！山頂道近甘道爆水喉致山泥傾瀉
波及車路幸無人傷

周五（5日）下午，山頂道近甘道有食水管爆裂，大量水混合泥土衝向路旁石屎， 令護土牆崩塌，大幅山泥滑落斜坡，面積達3米乘20米，幸事件中無人受傷。據網上流傳影片可見，有幼樹亦不敵山泥猛力沖擊，隨勢被沖落斜坡。警方及消防接報到場，圍封靠近斜坡一邊的行車線，山頂道近甘道要維持單線雙程行車。雖然雨季已經過去，但大家都要小心提防山泥傾瀉呀～

運輸署今日（6日）都公佈，受水管爆裂影響，山頂道介乎白加道及馬己仙峽道之間、一段甘道近馬己仙峽道，要實施單線雙程行車，而新巴15號及X15號，介乎港安醫院至山頂一段暫停服務，現時只有1號專線小巴能前往山頂。署方呼籲市民暫時避免前往山頂。

#channelchk #山泥傾瀉 #山頂道 #甘道 #爆水喉 #斜坡 #護土牆

海底撈年底前執300間門市
集團稱受「快速擴張策略」拖累

火鍋專門店「海底撈」（6862），周五（5日）晚於港交所出通告，表示公司董事會決於今年12月31日前逐步關閉300間業績不如預期的分店，但其中部份或者會擇機重開，停業時間最長不會超過兩年。海底撈強調，公司不會裁員，亦會在集團內妥善安頓相關門市的員工。集團亦稱，會適時收縮業務擴張計劃，如果海底撈門市每日的平均「翻桌率」低於4次，公司原則上不會再開設新分店。

海底撈亦都通過官方微博及官網發佈「致各位關心海底撈的朋友一封信」，將門市表現未如預期的原因歸咎於2019年開始的「快速擴張策略」，具體因素為部份門市選址出現失誤、令各級管理人員無法理解且疲於奔命的「內部組織架構變革」、優秀店經理數量不足等。海底撈於信尾更稱，「目前的苦果只能由我們一口一口咽下去，我們在此向大家保證，海底撈1000餘家門店服務員的笑臉依舊燦爛」。

Channel絲翻查資料，目前於全球擁有過千間門市的海底撈，於日本、台灣、韓國、美國、甚至印尼等都有分店，而海底撈於2017年正式登陸香港，至今已開設5間分店。海底撈2018年9月於香港上市，招股價為17.8港元，股價於今年曾創下85元新高，惟後來「後勁不繼」沉底，周五的收市價僅為21.050元。

講開又講，好多人放工都鍾意去食海底撈，不過成日打邊爐會好熱氣，Channel絲都係鍾意返屋企食麵包啫～

#channelchk #財經 #海底撈 #深圳 #日本 #台灣 #韓國 #美國 #印尼 #火鍋 #股價

姜濤街場打籃球被壓住搶波
拍片者反嘲「偶像打波有特權」

《嘮動新聞》去片👉 https://youtu.be/c461ZV_sX5g

姜濤@MIRROR出名鍾意打波，有新聞台仲曾經喺消委會測試止汗劑嘅報道入面，加入野生捕獲姜濤打籃球嘅畫面，而最近姜濤就再一次畀人影到佢去球場打波，不過就俾人話佢同人爭執、球品差⋯⋯到底係咪真係咁呢？

Channel絲睇返喺網上流傳嘅片段，其中一條片一開始已經見到姜濤拎住個籃球瞓咗喺地，俾兩個人左右夾攻想搶走籃球，最後其中一位着白衫嘅人成功搶走個波，姜濤見狀隨即起身，跨過另一名有份搶波嘅人大步離去。片段仲加咗段字喺右下方，話「偶像？？打波有特權？？建議做古惑仔🙏轉行唔該」。而喺另一段片，就好清楚見到姜濤當時俾白衫人成個瞓落去壓住個頭同上半身，而另一人嘅其中一隻腳亦都壓住咗姜濤。呢個時候其實有波友叔叔喺隔籬想「勸交」，不停咁喂咗幾聲，而姜濤最後起身走嘅時候，就「Woo」咗一下。

Channel絲唔識打籃球，亦唔了解街場文化，只覺得姜濤被兩個人壓住嘅時候應該都幾痛。有網民就睇唔過眼話，「訓咗落地仲兩個人黎搶波係咩事」、「訓低咗兩條友咁搶波？ 咁撚樣叫打波？」、「做明星定義係咪要比人打到爆江仲要請人食麥炸雞先可以做到」。Channel絲問返經常打籃球嘅汶汶，佢都話「唔知男仔係咪特別熱血呢，打街場駛乜咁博？又唔係打緊學界比賽，兩個人對一個人爭波，仲要爭到成個人瞓咗上去，其實係無咁嘅必要。規例嚟講，爭兩吓已經要吹雞啦～」。

#channelchk #籃球 #姜濤 #打波 #街場 #MIRROR

老鼠橫行各區，除咗爬上屋苑外牆開Party，仲喺條街到開餐食雞，唔知慈雲山嘅街坊仲有無膽買啲「吱吱肉」呢？ 市區鼠蹤處處， 唔知清潔龍阿德點睇呢？
去片👉 https://youtu.be/UiARqPFOUVk
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #嘮動新聞 #老鼠 #慈雲山 #柴灣 #老鼠 #清潔龍阿德 #雞 #買餸

商務部發通知引內地囤糧潮
民眾超市排長龍買半隻豬

中國商務部周一（1日）發出通知，指要「做好未來兩季蔬菜等生活必需品的保供穩價工作」，又鼓勵「家庭根據需要儲存一定數量的生活必需品，滿足日常生活和突發情況的需要」，結果令民眾聯想翩翩，紛紛聽話儲糧，還於網上Po出不少「炫糧照」。近日網上流傳的一條影片就更為誇張，畫面中見到超市正在排長龍，而每個人的手推車上都放有「半隻豬」，連拍片者都不禁驚呼：「啊？怎麼回事啊！」

雖然Channel絲未知片中超市位於哪個城市，但據傳媒報道，北京、重慶、河南、江蘇等多地都有出現搶購潮，而微博就有人拍到，爆發疫情的常州有一位老翁抬了半隻豬上單車，有網民更稱「常州人的囤糧意識杠杠的」。市面出現搶購潮後，內地多個政府高官近日亦多次澄清出沒有必要囤積食物，但有網民就抱怨商務部「彈出彈入」，指「又建議囤貨，又說沒必要囤貨，到底買不買？」，亦有人抱怨家中長輩反應過大，「一有什麼風吹草動就囤糧，不讓囤就說『你知不知道差點打仗了！』」。

#channelchk #囤糧 #豬肉 #搶購潮 #江蘇 #常州

《造星IV》Ika自信不怕被嘲「肥美人」
大熱Christine、Bubu齊跌入復活區

《全民造星IV》啱啱開播咗一個星期，等Channel絲趁Weekend同大家重溫吓第四同第五集啦！周四（4日）播出嗰集嘅觸目對決包括Yanis vs Day同 阿J vs Ika，Yanis《明愛暗戀補習社》展現無敵青春氣息，連Channel絲都不禁諗起我嘅校園生涯。至於Day，雖然Day話佢朋友覺得佢似Lisa，但Channel絲就覺得包包面嘅佢反而有少少似日本組合前欅坂46嘅今泉佑唯。有喺韓國訓練過嘅Day果然勁有台型，最終評判以2盞紅燈1盞藍燈，決定Yanis要入復活區，但評判們個個都覺得好可惜，直頭徐錦江上身咁想全部都要。

跟住落嚟就到阿J vs Ika，自稱識打扮、樣樣嘢都平均嘅阿J，上台獻唱咗一首自己作嘅歌《Moonnight》，評判雖然讚佢聲音OK，但就覺得佢未夠投入，令表演感覺尷尬。而廣受網民歡迎、被讚「人靚聲甜」嘅對手Ika，就臨上台仲係到食麵，搞到俾旁白笑佢唔係選緊「肥美人」。不過拒絕減肥嘅Ika明言，佢知道社會覺得靚嘅標準係瘦同白，所以希望可以帶出「多元化」呢個思想，覺得女仔嘅身材有好多種，「唔一定要跟主流」。Ika同樣帶嚟原創歌《Feels》，自信嘅靚聲演出聽到全場觀眾勁投入，連Alfred都忍唔任跟住旋律點頭。最後Ika以三盞紅燈晉身60強，並進入Alfred嘅組別。

至於第五集……

全文閱讀：
https://www.facebook.com/101870318844226/posts/144258464605411/

#channelchk #全民造星4 #全民造星iv #ViuTv

MIRROR AGA Gin除夕獻唱 陪你倒數迎2022
西九3,000免費飛限抽2張 11.15起實名登記
12.13前打齊2針 中籤親自取票 強制嘟碼入場

強制掃瞄安心出行政策，由部份公營場所擴展至戶外演唱會，而且涉及人氣男團MIRROR的演出。旅發局今年除夕首次舉辦倒數演唱會，請來MIRROR、AGA、Gin Lee、許廷鏗和香港管弦樂團在西九公園表演，並以實名登記抽籤，免費派發3,000張門票，杜絕黃牛黨炒賣；每人限抽2張。抽籤出席及另1名同行者須在12月13日或以前完成接種2針COVID-19疫苗，亦要親自取票和強制嘟碼入場。

登記須知
👉 https://cutt.ly/QTwwjtv
👉 11月15日至24日5pm開放
👉 填寫2人姓名、身份證和電話

登記限制
👉 登記人滿18歲、同行者滿12歲
👉 最遲12月13日打齊2針（12-17歲打1針）
👉 選定出席者，不准改名或轉讓
👉 只受理首次登記，重複登記被刪

抽籤結果
👉 12月3日網站公佈，另短訊通知

取票限制
👉 2人親身到指定地點換領
👉 不准授權第三者取票
👉 12月13日前換領，逾期不設補領
👉 出示打針證明、中籤短訊和身份證

演唱會詳情
👉 西九文化區藝術公園
👉 22:00至00:30
👉 取票已指定座位，不准自選
👉 入場強制掃瞄安心出行，不准填紙
👉 入場出示身份證
👉 入場不准飲食，全程戴口罩

演出嘉賓
👉 MIRROR、AGA、Gin Lee、許廷鏗和香港管弦樂團等

#旅發局 #MIRROR #AGA #江海迦 #GinLee #李幸倪 #許廷鏗 #除夕 #倒數 #演唱會 #西九 #抽籤 #疫苗 #COVID19 #安心出行 #實名制 #黃牛黨 #炒賣 #免費 #channelchk #姜濤 #呂爵安 #陳卓賢 #柳應廷 #盧瀚霆

冷鋒或延至明早抵港 市區29°C跌至17°C
提防風寒效應帶走體溫 感覺更涼 粵北跌13度

【天氣師李鈺廷提提你】
天文台表示，華南北部的冷鋒逐漸南移，並推遲至今晚（7日）至明早才橫過香港，預計本港有幾陣雨，而受其相關的強烈東北季候風影響，北風會增強，明早顯著轉涼；市區氣溫由今日下午29°C，跌至至明早約17°C，後日早上更見16°C，新界再低兩三度，呼籲巿民留意天氣變化。

從氣溫分佈圖可見，在香港市區仍高達26°C之際，廣東北部在晚上7時已跌至11°C；粵北在下午5時已明顯降溫，較24小時前大跌13度。另須注意，由於未來數天風勢頗大，容易帶走體溫，風寒效應令人感覺更涼，市民要擋風保暖。天文台又預計，本港隨後數日受乾燥大陸氣流影響，漸轉天晴乾燥，早晚清涼，日夜溫差較大。

#冷鋒 #天氣 #氣象 #轉涼 #天文台 #李鈺廷 #季候風 #風寒效應 #channelhk #乾燥 #保暖

大家食logo設計冠軍誕生 金槍人頒10萬獎金
讚卡通耐用 簡潔兩筆賦意號召「大家一齊食」

大家食飲食集團早前舉辦logo設計比賽，選出20個入圍作品，再交由Facebook網民一人一票，揀出最佳設計。冠軍最終經逾4,000名網民投票誕生；由擁有十幾年設計經驗的Edmond Tam，以卡通化頭像加口號的承先啟後設計，脫穎而出！由大家食老闆「金槍人」呂茂正親自頒發10萬獎金支票。

呂先生都喜愛網民的選擇，認為冠軍作品保留原設計最標誌的呂老闆頭像，但將頭像卡通化，而且加添笑容，令設計更長青和耐用；而且只是簡潔添加兩筆，就將原設計頭像旁邊的商標字體「大家食 EAT TOGETHER」，變成直述語句，有如呂老闆呼籲「大家一齊食」一樣，套用舊有設計賦予新意義。

為答謝Edmond，呂老闆特別預備幾道菜色請客，包括大家食招牌的狀元骨、過山雞、村村住家鍋麵和涼拌雞絲麵。Edmond接受Channel C訪問時指，當初是女朋友告知他有這個比賽，而他又覺得大家食這個品牌「夠gimmick」、「覺得好玩」，才報名參加，很高興最終獲獎。

Edmond早前向投票的網民解釋設計意念，指新logo「要一眼認到，但又唔可以似軍佬，呢個係創作嘅原點，亦係瓶頸」。所以他選擇以舊logo本身的頭像和字形，重新塑造集團開朗親民的氣氛，亦「難得大家食老闆呂生『與民同樂』嘅胸襟，唔介意『大家食J』呢個gag，所以我都唔客氣，整出呢個『大家食J』，一齊食到舔舔脷嘅logo」。

#大家食 #LOGO #設計 #卡通 #獎金 #頒獎 #呂茂正 #channelchk

警遭走私艇撞死後嚴捉 首破倉庫改裝大飛
檢57外掛摩打歷來最多 連10船總值逾2,500萬

粵港走私猖獗逾年，以凍肉最受歡迎。尤其中國以重金屬超標為由，去年11月起禁止澳洲龍蝦進口內地後，本港截至今年4月的進口量，每月均飆升逾20倍；年初更有行山友影到，逾百隻大飛同時在大澳對開的港珠澳大橋駛過。但至9月底，有快艇被追截時撞跌女警落海令其死亡後，即被嚴捉至紛紛躲在偏遠貨倉避風頭。

不過警方11月4日在屯門龍鼓灘掃蕩海岸線隱蔽處時，在一所10萬平方呎的偏遠倉庫，檢獲10艘改裝快艇及57部外掛摩打（舷外機），總值逾2,500萬元；為警方首次在室內倉庫檢獲改裝大飛，而檢獲的外掛摩打數量，亦為歷來最多。其中7艘艇已各自裝上4至6部摩打，另有25部未安裝。警方初步檢驗後，相信每組摩打馬力約300匹。當中最大的快艇長15米闊8米深2.5米，已裝上6組摩打，可達時速110公里。

警方又在貨倉搜查兩個由貨櫃改裝而成的廚房及起居室，並檢獲一張年約30歲的內地男子證件，以及一批快艇設計圖。警方相信該名男子偷渡來港後，負責管理快艇倉庫，安排人手製造、改裝及維修快艇等，包括建造體積較大、馬力更強的快艇，用來走私及偷渡。

#走私 #大飛 #快艇 #channelchk #屯門 #龍鼓灘 #外掛 #摩打 #舷外機 #偷渡

小龍蝦喺大陸同香港深受歡迎，但小龍蝦喺愈污糟地方，繁殖率愈強。中國疾病預防控制中心2010年報告指出，南京有23人進食小龍蝦後出現橫紋肌溶解症，嚴重者可引致急性腎衰竭，過去亦有港人食小龍蝦後中毒，但仍有好多人甘願冒險進食。

港產小龍蝦「港龍」 大隻多肉兼乾淨！

資深生態導賞及生態教育導師程詩灝就瞄準小龍蝦龐大嘅市場，花咗2至3年時間掌握小龍蝦嘅養殖技術，今年初就租用上水河上鄉一幅漁塘，利用科技進行養殖，同時魚塘獲漁護署「優質養魚場」認證。

一般坊間搵到嘅內地小龍蝦都係美洲品種，比較喜歡於坑渠環境生長，而程詩灝養嘅小龍蝦屬於澳洲螯蝦品種，較鍾意乾淨水，養殖場更有24小時監測系統，mon實水嘅含氧量、pH值、溫度、鹽度等，並用AI分析同預測，及時掌握港龍狀況。港龍一隻約80克，賣20元，雖然比國內美洲小龍蝦貴35%，但肉明顯較多及生長環境亦有安全保證。

用三文魚及吞拿魚骨做飼料

坊間有傳小龍蝦食垃圾，程詩灝所用的飼料就係同一間廚集公司合作，收集日本餐廳嘅三文魚及吞拿魚骨廚餘，烘乾磨成粉，再溝落去黑水芒飼料，俾甲殼類食，以保証澳洲螯蝦獲得更多營養。

「港龍」今年預計產量70至80萬隻

程詩灝表示以香港市場計，估算3年內市場需求量達2,000萬隻，亦希望透過CEPA大灣區措施將呢個優質食材打返入國內市場，同時將「港龍」推向國際。

其實香港有好多高質港產野，如果大家以後都想再知多啲，不妨留言話我哋知！

去片👉 https://youtu.be/Sp5MU7ZbiaI

試食專員：汶汶
IG： @carinamanman

#香港製造 #小龍蝦 #港龍 #澳洲螯蝦 #程詩灝 #C睇發現 #channelchk
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK