曾稱Tired of everything
姜濤面青着冬裝現身6分鐘暈倒 花姐：腳軟跣低
👉嘮動新聞
粵語版： https://youtu.be/relO6mnIH0Y
國語版： https://youtu.be/TMkQVWQx_bw

"I am tired of everything."
5月20日，姜濤在IG留下這個post。

9月13日深夜，姜濤連出15個IG Story向姜糖坦露自己的心底話：「我知道你們可能總是抱怨我在公開場合笑得比較少，我也不知道我從甚麼時候開始變成這樣，開始變得害怕跟別人接觸（略）。」凌晨2時許收工，早上11時半又現身出席活動。在出場後約5分鐘左右，姜濤終於不支暈倒，由工作人員攙扶離場。活動腰斬。

花姐於IG Story指，姜濤今早有少許胃痛，現場環境「有點焗」，加上閃光燈不斷，所以有少許腳軟而「跣低」，現在休息中，沒有大礙。「大家不用擔心，老姜答應我，呢兩日會好好休息」。

穿上厚厚冬裝的姜濤，今早在海港城出席活動時，雖然已化了厚妝，但精緻五官掩飾不到疲態和水腫。翻看現場片段，他出現時原來已有點步履不穩，同場的Jer柳應廷、Anson Lo和Edan呂爵安或已知情，Jer一把抓住「墜後」的姜濤，手一直按在他肩上。

拍完多角度大合照後，四人還有講有笑，之後再應要求轉到台的左邊再合照。鏡仔們都面露疲態，但強裝精神，但臉色越來越蒼白，商場內大批fans高呼「姜濤」和吹哨子打氣，姜濤還抬頭向商場上層fans微笑示意。Jer似乎feel到姜濤不對勁，手一直按在其肩上。姜濤在現身約6分鐘左右，終於支撐不住暈倒，Jer亦反應不及。

最近姜濤和眾成員一直忙個不停，先忙於出席各大商場活動，姜濤亦忙於谷新歌和趕拍彭秀慧新片，同時忙於宣傳ViuTV首播劇集《超感應學園》。

早前姜濤在IG Story開了一條近8分鐘無聲live，不少姜糖對他感擔心。至昨晚他突然於IG Story發文，罕有地透露心事，稱「似乎我只是一個被比較的標籤，和隊友比較也好，和所有人比較也好，漸漸的我真的被這些影響了，我也開始對身邊的人感到懷疑，對你們感到懷疑。

「惡性循環，因為對身邊人的不信任，態度自然也沒那麼好，我漸漸變得沒那麼愛笑了，公開的活動也越來越害怕自己一個人。」沒料到現身未幾已暈倒。

#姜濤 #姜濤暈倒 #柳應廷 #AnsonLo #EdanLui #海港城 #channelchk #盧瀚霆 #呂爵安

祝姜B早日康復🥺 一眾姜糖一定會陪你「昂然在那些陰影 笑著行過」！
👉嘮動新聞
粵語版： https://youtu.be/relO6mnIH0Y
國語版： https://youtu.be/TMkQVWQx_bw

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！

https://youtube.com/channel/UCQRdJCdUVkXYPvWZ6_Omkag

#channelchk #嘮動新聞 #姜濤 #KeungTo #姜濤暈倒 #花姐 #MIRROR #AnsonLo #Jer

姜濤偷拍助手睡相 遭大懲罰拍片認錯
戲組人人自危

各位小朋友，今日姜濤哥哥教大家一個詞語，叫做「後果」。你幾靚仔都好，你放低偶包又好，你百厭，就要承擔後果㗎啦。

姜姜放下偶包偷拍助手呢個IG Story，半日已經洗咗版。Crystal嬲到爆炸，衝入化妝間搵姜姜算帳，係咁鬧佢「賤人」；姜姜笑到氣咳一邊嗌「對唔住呀」，然後提佢：「你自己睇番自己個樣……」成個混亂過程由電影《K風暴》導演彭秀慧拍下，彭導仲有感而發：「呢個故事教訓我哋，唔好相信身邊嘅人。」

話明有後果，姜姜今次真係自食其果。今日電影舉行開鏡儀式，姜姜亦於Crystal威迫之下，拍片認錯：「係我錯，係我唔啱，我唔應該post Crystal張相，我千不該萬不該…」條片係Crystal拍，突然鏡頭一郁…疑似係Crystal遭姜姜突襲，對方仲發出魔性笑聲…

呢個小朋友，毫無悔意呀。

但點解姜姜又肯拍片道歉呢？無他嘅，Crystal公開話：「姜濤，你明知我有好多你嘅醜態相，何必呢？」唔認錯都唔得啦。

姜姜一入戲組，大家都人心惶惶。唔知有幾多「黑圖」落入姜姜手中。就連導演都驚中招。

經過噚日Crystal被姜姜偷拍單嘢之後，導演同受害人之一毛姐好認真咁討論起大家瞓覺倨樣。傾傾下，毛姐誇讚彭導一句：「唔係呀，你瞓覺個樣冇事喎！」彭導奇道：「你又知？」毛姐話：「我嗰日咪見到你瞓覺張相囉，OK呀！」

What！彭導幾乎震驚到眼珠都跌出嚟。

震驚一輪，最後find out冇事，只係毛姐喺彭導IG見到佢po自己覺豬樣啫。暫時仲係安全。總之，姜姜令大家都覺得——任何人都係唔安全㗎喇~

今日開鏡儀式上，姜姜終於唔使著sponsor嘅冬裝，可以著番較薄身嘅秋裝，精神睇嚟唔，周圍撩人傾偈。姜姜話，休息噐兩日（其實不足兩日）佢約咗朋友去打籃球，因為呢個係佢輕鬆嘅方式。

對於教主Anson Lo佢哋當日喺活動上眼紅紅似哭過，姜姜話：「事後都有同佢哋講聲唔好意思，希望大家見到我而家冇事個樣。」至於點解暈，姜姜估計係心理加生理因素：「可能呢半年好大壓力。」姜姜，你要保重呀。

#姜濤 #柳應廷 #K風暴 #偷拍 #黑圖 #channelchk

＝＝＝＝＝＝＝＝＝＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742

《造星IV》幕後苦與樂 3日冇瞓覺冇換底褲：
背負參賽者命運 艱辛絕對值得

ViuTV選秀真人騷《全民造星IV》周一晚（1日）首播，ViuTV噚晚（30日）播出特備節目《今世做電視：全民造星極限造夢者》，由幕後團隊分享籌備及製作《造星IV》嘅苦與樂，有人坦言「已經3日冇瞓覺」，甚至「3日冇換底褲」。《造星I》後以男團MIRROR出道嘅柳應廷（Jer）都大讚成個造星團隊好有愛。

今次《造星4》首次選女團，今年報名人數有超過3,700人，而海選當日入廠人數高達1,000人。導演Agent L形容：「好似我哋得10個人攞住刀仔，同一班軍隊千幾2千人攞住機關槍咁樣，又影佢唔到」；導演Rain P都形容場面「失晒控」。

幕後團隊由籌備到正式出街需要半年時間。由於拍攝時間長，工作人員都話都知呢個錄影廠係「地獄廠」。節目播出工作人員喺錄影廠瞌眼瞓片段，Rain P同Agent L都話每日基本上有18至20個鐘喺公司，當有地方同時間，團隊會「有得瞓就瞓，通常你行過見到有啲人會聽住bite（對白）就咁瞓」。

節目導演嘅Himtos都話自己「已經3日冇瞓覺」，Endy亦話「由上一朝早餐食到今朝早餐都未收得工」，甚至有工作人員已「冇換衫3日喇，3日冇換底褲」。主持強尼都話已經唔需要再估拍攝時間，力讚「幕後付出好大」。

完成拍攝又到剪片。Agent L同Rain P都話最難係剪完片後得到監製花姐認可，佢哋同花姐共事要抱住警惕心態，「唔容許有任何錯」。花姐都知道團隊形容佢係「慈禧太后」，佢亦承認自己的確好野蠻。

不過，花姐話90幾位參賽者每人只得幾分鐘表演，如果剪輯得唔好，未能將佢哋嘅性格立體呈現出嚟，嗰位參賽者會隨時被淘汰。

Himtos都認為佢哋背負住參賽者嘅命運︰「你點剪點拍，觀眾就見到個參賽者係點，某程度上我哋有好大責任。」即使製作過程艱辛，但佢認為「絕對係值得，始終都好多觀眾鍾意，出嚟嘅參賽者日後都好多發展，好多機會，只要咁樣就值得。」

花姐又喺節目透露當年阿Jer被5盞紅燈淘汰後，喺出面喊到死，阿Jer講：「花姐，多謝你畀機會我，但聽日開始，我要返去現實，我似乎要丟底自己夢想。」花姐話聽完之後個心好唔安樂，「我聲稱呢個節目係幫人追求夢想，但原來我係扼殺緊人哋嘅夢想。」所以花姐都同自己講，「我唔可以做一個仆街監製。」

#channelchk #造星IV #全民造星IV #ViuTV #花姐 #Jer #柳應廷