長槍叔叔嚇你嗎？仿英軍槍L85夾髀搭港鐵
月台「露械」把玩 槍口周圍指 冇人敢企隔籬

香港搭港鐵，一位難求，但點解呢位叔叔隔籬兩個位都無人坐呢？望真啲，原因係佢大髀之間「露械」啊！

不過唔係佢露身體上嘅「械」，而係露「槍」械。9月27日晚，有人喺呢位叔叔上車之前，已經影到佢好開心咁，喺勁多人嘅荃灣綫葵芳站月台，把玩佢手上嘅疑似仿製長槍，好似愛不惜手、望極都唔夠咁，但槍口就周圍指，嚇到其他人唔敢走近。就算上咗車，叔叔兩腿間嗰支長槍，仍然好似漆黑中嘅螢火蟲一樣，咁鮮明，咁出眾，露出個槍頭雖然斜向上，但仍然指向企喺叔叔旁邊嘅人，嚇到啲乘客唔敢坐或者企喺佢隔籬。

唔知呢位叔叔到底有幾鍾意槍，令佢不顧任何人眼光，都要當眾玩弄佢，仲要露出嚟畀其他人睇到，佢槍口向住周圍嘅人呢？不過無論幾鍾意都好，當眾露槍械，同露身體上嘅械一樣，都會嚇親人㗎。就算支槍冇入彈，其他人都會驚佢支嘢隨時出火……走火㗎嘛。下次唔好啦～

Channel C向熟悉槍械、於節目《汶汶乜都試》教授IPSC氣槍實用射擊的HKSHOOTERS香港射手會導師蝸牛Sir查詢。對方確認片中叔叔手持嘅槍械外形，就係英軍現役步槍L85，屬於SA80槍族。

荷里活著名男演員艾力寶雲（Alec Baldwin），10月21日拍攝電影《Rust》時，手中本應僅裝有空包彈的道具槍，卻射出實彈，意外槍殺一名女攝影指導，另有一人受傷，令仿製槍械嘅安全問題再受關注。

#channelchk #葵芳 #荃灣綫 #港鐵 #槍械 #氣槍 #汶汶乜都試 #L85 #步槍 #英軍 #仿槍 #SA80 #蝸牛Sir

【12:15更新內容】

油麻地站荃灣綫列車疑出軌撞甩車門 佐敦來往荔景暫停服務
全文：https://bit.ly/3hAIuUw

港鐵一列開往中環的荃灣綫列車，今早約9時半駛至油麻地站時，疑出軌導致「撞甩門」。事故中有兩對車門被撞至鬆脫並冒煙。一名78歲婆婆手部擦傷，送往廣華醫院治理。

受事故影響，港鐵宣佈，荃灣綫來往佐敦站至荔景站的服務暫停，港鐵正安排免費接駁巴士。中環站來往佐敦站每6分鐘一班車，荔景站來往荃灣站每8分鐘一班車。

鐵道專頁「Riders」指，港鐵車務控制中心初步判斷事故屬出軌事故。「中科監察」主席潘焯鴻在Facebook撰文指，從編號「6-4」的月台幕門狀況可清楚看到，列車明顯已經向右傾側，挨向月台幕門，認為列車極可能在事故一刻已經出軌。

#港鐵 #油麻地站 #甩門 #荃灣綫 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/3S3zjZy