首次單飛+music live
忍耐之鬼Jeremy 26歲生日 同花姐同日牛一

只有Jeremy先carry到。

「作為Mirror成員，見到隊中其他成員出solo，會覺得大家差距越來越大，亦會出現負面情緒。其實頭兩年自己對solo冇概念，但今年1月1號見到Jer（柳應廷）上台一刻，原來我都想做喎，都想獲金獎喎，想話畀大家知我叫Jeremy，希望今年自己繼續努力，可以有呢個機會。」無感大師aka忍耐之鬼aka豬仔aka Jeremy曾經喺《調教你Mirror》說。

可塑性好高，可以妖豔可以型又可以可愛。只有Jeremy先carry到。一連串aka，有網民問aka完未？未。Jeremy仲有好多名，例如港女、九尾狐、 藍毛毛、啫喱米、Jerema…因為Jeremy變化無窮。

呢位忍耐大師，今日26歲生日喇！今年生日，Jeremy嘗試咗兩個第一次：第一次單飛出活動；第一次單飛開music live。

諗番起今年初，Jeremy 開live同 Unicorns講，好抱歉暫時冇solo嘅機會、怪責自己做得唔夠好，辜負大家期待。

好多嘢都係講求天時地利人和，機會喺你做好準備嘅時候就會出現。例如今次嘅music live。即使未夠完美，但Jeremy憑個人努力踏出追夢一大步。

今年生日，應援行動一浪接一浪，除咗巴士車身廣告、巴士站燈箱廣告、大型LED廣告、特別設計一系列生日周邊紀念品，壓軸登場當然係——Unicorns為Jeremy準備嘅相/畫展。籌備3個多月，共開6日、1,500個名額。登記日一開始名額即爆滿，FC全人手處理，既要應付海量DM，仲要逐一回覆被取消資格者、或初步符合資格嘅Unicorns，就咁掃睇佢哋嘅IG Story，都戥FC辛苦。

Unicorns咁有愛，Jeremy當然亦有「突擊」到場打卡，感動之餘，猛話要做得更加好，先報答到大家對佢嘅愛。喂呀，你畀自己有滿滿的自信，就已經係最大嘅回報！

要記住：只有Jeremy先carry到。
今日，仲係花姐生日呀！Happy Birthday！

#Jeremy #Jeremyfansclub #港女 #無感大師 #mirror #生日 #Jeremy生日 #channelchk

梅艷芳58歲冥壽
偉仔貼27年前生日合照
盧巧音出絕密照 與阿詩難分難解

10月10日，一個值得紀念的日子。百變天后梅艷芳今日58歲冥壽。一如她離開的這18年，一眾老朋友、徒弟和歌迷仍然覺得痛，仍然懷念。好友 Tony Leung Chiu Wai梁朝偉在社交網貼出一張與阿梅、劉嘉玲的合照，擺出「左擁右抱」pose。相中未有註明拍攝時間，有梅迷猜測是攝於1994年：「梅姐身上黑色長褸，正是94歌迷聚會才穿那件。」估計是指94年歌迷為阿梅舉行的31歲生日派對時留念。

有關這個組合，上世紀90年代，還有一則小趣事。1991年，艷情片《玉蒲團》上映，演員有吳啟華、葉子楣、徐錦江等。套戲一上畫，阿梅就話要睇，仲拉埋偉仔嘉玲一齊去。但最初偉仔係唔肯，因為覺得自己係公眾人物，入場睇呢啲戲，似乎唔係幾好；但老友好想睇，於是佢都唔say no，硬著頭皮入場。

結果？偉仔應該係面紅到耳背，再由耳背紅番上塊面，尷尬到不行。阿梅就一邊睇（戲）一邊大笑。當年偉仔受訪時仲話，如果要佢拍三級片，一定唔拍。

除了偉仔，阿梅多年戰友劉培基、好友袁詠儀、被網民認為是扮得最似阿梅嘅江欣燕、徒弟HOCC何韻詩、 蔡一傑，還有盧巧音等，紛紛貼圖留言懷念。阿詩貼了一張99年與梅姐在拉斯維加斯登台慶功照，留言：「生日快樂～幾時先可以再喺你後面整蠱整怪。 #missyoualways #1010 #我阿姐 #名乎其實 #名不虛傳。」蔡一傑則貼了與梅姐舞台上演出合照，寫道：「每次看見這張相片心裏總是暖暖的。生日快樂。」

江欣燕貼出的相，也是台上合照，今次欣欣做番自己，一頭直長髮，背景應是一個生日聚會。欣欣說：「你在很短的時間做了我們十世人的事情。祝永遠的偶像梅姐，生日快樂。」

至於盧巧音貼出的絕密照，除了阿梅，還有當年仍有babyfat的何韻詩。何韻詩與盧巧音，曾經有段時間，網民說傻傻分不清。相中三人向鏡頭露齒笑，這張絕密照如果在當年曝光，大家可能會說：Who is who？

#梅艷芳 #10月10日 #劉培基 #梁朝偉 #何韻詩 #江欣燕 #盧巧音 #蔡一傑 #生日 #channelchk

「妹控」Edan 25歲生日po嘟嘴錫妹妹相要經審批
小如豬感謝哥哥好忙仍陪伴傾偈開解

MIRROR成員Edan（呂爵安） 噚日25歲生日，向來係「妹控」嘅佢喺Instagram po咗同妹妹「小如豬」一齊慶祝嘅合照，其中一張見佢嘟嘴想嘴妹妹，但妹妹就擺出嫌棄嘴臉。Edan仲話張相花咗一番唇舌先出到，「審批越嚟越難過了！」

Edan喺po寫下感受，話喺出道時set咗個目標畀自己，「就是希望自己25歲能做到一些成績出來，起碼能夠養活自己，不用家人擔心（雖然不知道為什麼是set 25歲哈哈😂😂），現在想跟當時21歲的傻小子說聲：你個傻仔做到了！🥰🤣」

Edan又希望繼續做好自己，繼續努力，繼續進步，帶更多好作品畀大家，亦希望身邊每一位，每天都開開心心，順順利利，健健康康，幸幸福福。佢亦多謝「爵屎」嘅生日應援，「#看到大家到不同的生日應援打卡 #見到大家高興我也很高興呢 #很感受到大家的愛」。

「小如豬」亦po咗兩兄妹嘅舊合照，同哥哥講生日快樂同送上祝福，「今年無論喺唱歌演戲都見到你落好多心機，希望你新一歲對自己有自信d，進步大大，令你嘅努力有回報♡平時多謝你好忙仲夜晚陪我傾偈開解下我 加油啦多d休息٩(๑•̀ω•́๑)۶」。

#channelchk #Edan #呂爵安 #小如豬 #生日

Anson Lo 7.7生日 後援會請長者免費搭九巴
教主：多謝有善心的你們
全文：https://bit.ly/3OC7CGg

Anson Lo（盧瀚霆）將於7月7日27歲生日，佢嘅「神徒」國際後援會舉行「慈善生日月」活動，除咗請全港市民當日免費搭天星小輪來往尖沙嘴至中環，今日再宣佈請65歲或以上長者免費搭九巴，「教主」Anson Lo喺IG story亦轉貼後援會嘅宣傳post兼留言：「多謝有善心的你們」。

#AnsonLo #盧瀚霆 #教主 #教主誕 #生日 #慈善生日月 #九巴 #天星小輪 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

【LIVE直擊7.7盧瀚霆事件｜Anson Lo生日 粉紅教徒逼爆尖沙咀碼頭】

去片👉https://www.youtube.com/watch?v=8x43ucWr74g

#channelchk #AnsonLo #教主 #神徒 #尖沙嘴 #生日 #AnsonLo生日 #盧瀚霆 #尖沙嘴碼頭 #應援 #MIRROR
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3NkAXDY
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7