叱咤我最喜愛歌曲最後五強 MIRROR三子入圍

叱咤公佈「我最喜愛的歌曲」五強入圍名單。疑被903小編指「配票失敗，𠝹死咗成隊🤣」嘅MIRROR，最後得返姜濤《Dear My Friend,》、Edan《E先生 連環不幸事件》同Anson Lo嘅《Megahit》入圍，陳卓賢Ian《DWBF》就無緣入五強；其餘入圍仲有張敬軒《俏郎君》及MC張天賦《記憶棉》。

#channelchk #叱咤 #我最喜愛的歌曲 #MIRROR #姜濤 #DearMyFriend #Edan #E先生連環不幸事件 #AnsonLo #Megahit #張敬軒 #俏郎君 #MC張天賦 #記憶棉

MC張天賦淡定回應與Ash緋聞：冇諗過拍拖
讚網民改歌《記憶海綿體》好聽

MC張天賦與日前宣佈離婚的《造星IV》參賽者Ash傳出緋聞，對於有網民拍到二人於平安夜一起到黃埔Aeon掃貨，MC今日出席《香港金曲頒獎典禮 2021/2022》記者會時，淡定澄清二人只是普通工作合作夥伴，他們當日購物後一起前往有其他朋友在場的Party，彼此並不相熟。被到問與Ash會否有發展空間時，MC則指覺得Ash唱歌幾好，但就冇諗過拍拖，強調自己現時單身。

而MC晚上則於IG開LIVE，除了唱歌給Fans聽之外，亦有大方回應網民就緋聞所作的改篇歌《記憶海綿體》，指「好聽喎」、「好好既歌詞」，令網民不得不讚他高EQ，認為他「清者自清」。惟Ash的前夫則在MC LIVE期間留言「如果你真的喜歡ash就要好好對她。。。」，又在自己的IG Story說「如果真的有甚麼 我希望你可以負責到底 我是說如果真的有甚麼的話」，一番言論再度惹來網民揣測。

Ash前夫及後再出Story向MC道歉，指他一直以為平安夜是「慶功宴」，而他受到近日的新聞刺激才會說出早前的言論。他又透露Ash非常絕情，不但沒送他機、亦沒打電話及傳短訊給他，直言「鍾卓穎我恨你」。

#channelchk #MC張天賦 #Ash #記憶海綿體 #記憶棉

大偵探又上身！MC疑又蜜會MV女主
網民衫褲帽袋逐個捉：你講一講我覺得幾似Santis

MC可能以為《聖誕很忙》完之後，可以抖抖，點知又有網民爆相，開咗個名為「隔三日連食兩個MV女主角」嘅post。主要靠一張話係上年12月27日喺黃埔一間超市影嘅「MC＆女」圖，就話疑似係《反對無效》MV女主角、熊仔頭YouTube Channel嘅Santis。

呢位眼利網民就將張相由頭驗到落腳，首先話「個高度同啲頭髮都似Santis」，之後又話「Santis有條同相中女差唔多闊嘅牛仔褲」，無論係顏色定係長度。最主要係個棗紅色嘅袋，「個flap位係斜，然後個袋係兩截風琴位」。另外就有人post咗Santis其他相，話佢長期都係用呢個袋。

之前俾人傳同熊仔頭結咗婚嘅Santis而家又捲入另一壇嘢，新年流流都咪話唔攰。不過似乎有啲網民就選擇批評熊仔頭「係典型香男人嘅恥辱」，話佢拍埋啲故仔全部都係「男人要卑躬屈膝，咩都就晒啲女人，當佢哋公主咁樣寵愛，然後結果係自己戴綠帽，又唔＿敢出聲，又唔＿敢爆大鑊，跟住就扮情聖收收埋埋好＿Hurt，又有題材寫故仔啦垃圾」，仲有人話熊仔頭「抵死」添。（雖然由頭到尾都冇承認過係唔係一齊，但係大家都好似當咗係真咁。）

另外，喺MC同Ash事件上面，MC經理人Yee就喺TG Group同MC班Fans討論，仲話Ash前夫「似真白卡」，又有Fans同意，覺得Ash前夫似想博出名，Yee都有覆返話「可能呢一世人得而一次可以有人關注同有人聽佢講嘢，女人嫁咗個咁嘅老公都慘」。

#channelchk #MC張天賦 #Santis #FHProductions #熊仔頭