張建聲三度急增磅變肥 再速減磅爆肌
稱為拍戲值得：感恩觀眾因自己身形而更入戲

2017年憑演出網劇《反黑》「招積」角色成名的演員張建聲，在短短個半月由220磅減至190磅，期望在年底《反黑2》開拍前，回復170磅狀態，重演「招積」。今次已是張三度急劇增磅後，第三度火速減磅。他接受Channel C訪問時，坦白為拍戲這樣改變身形「梗係值得」。

他解釋，一來開戲很難得，二來感恩觀眾因自己身形而更投入戲情。若能力所及，他日後仍會這樣做，但前題是要顧及健康。他又提到近日「扽親」背部受傷，不但令拍戲和接其他工作時頭部不適，亦要暫停操肌，讓身體好好休息，才能繼續減磅。

#張建聲 #channelchk #增磅 #減磅 #電影 #拍戲 #movie #film #JustinCheung #fitness #workout #muscle #gym #diet

Tyson Yoshi 操足5個月
由「小肥」變爆肌型男

近期表現矚目嘅 TysonYoshi（程浚彥），之前喺《拉闊音樂會風火雷電》演唱會度除衫騷肌，除咗令台下觀眾尖叫心心眼之外，仲畀同台嘅姜濤激讚佢身型有出名兩個Stanley（邱士縉）咁厚。 Tyson Yoshi早兩日再喺IG Po出爆肌相，個手瓜同腹肌望落好似仲結實過演唱會嗰陣，仲爆晒青筋添！呢個時侯，Tyson Yoshi嘅健身教練就喺IG爆出佢5個月前嘅肥仔相，相中見到嗰陣啱啱係台灣返香港嘅佢，上身啲肉「鬆拋拋」，同而家一啲都扯唔上關係，短短5個月就操到咁Fit，睇嚟Tyson Yoshi真係落足苦功啊～

#channelchk #TysonYoshi #程浚彥 #肌肉 #Gym #身型

東涌福朋喜來登爆疫 同層2人染Delta+變種
袁國勇：客房做運動製毒氣 擾流效應走廊染鄰房

本港早前兩宗COVID-19輸入個案，患者均於東涌福朋喜來登酒店檢疫期間，確診更易傳播的Delta+變種（AY.4.2亞系），且住同層相鄰房間。政府專家顧問、港大微生物學系講座教授袁國勇視察後，指先發病的患者、即56歲男子，常於房內做運動，噴出的「毒氣」疑因擾流效應流出走廊，意外傳染常不戴口罩開門的62歲男子。同層的54名住客，須入住竹篙灣檢疫中心。

衛生防護中心早前指，二人先後在上月22日及本月1日，分別於泰國及英國抵港，於本月1至6日同時入住酒店在15樓的1515及1517號房。由於二人的基因排序百分百相同，故當局相信病毒在酒店傳播。 袁國勇指，住在1515號房的56歲男於4日出現病徵，而1517房間住客打開房門時，大多數都無戴口罩，故可能導致意外感染。

袁國勇強調，檢疫酒店房間並非醫院隔離病房，難以避免擾流效應，但建議若檢疫住客想在房內做運動，房內一定要設有空氣清新機，以減低病毒數量，而住客打開門亦一定要戴好口罩。袁又發現，有員工在走廊噴消毒液時表現「麻麻」，建議酒店重新訓練員工。

東涌福朋喜來登酒店屬萬豪國際集團旗下，去年12月1日正式開幕，並於同月底成為政府指定隔離酒店。同位於東涌的世茂喜來登酒店向Channel C澄清，世茂喜來登與爆疫的福朋喜來登是分開營運，僅福朋喜來登屬政府指定的檢疫酒店。

#channelchk #袁國勇 #COVID19 #喜來登 #福朋喜來登 #東涌 #sheraton #sheratonhotel #marriott #萬豪 #酒店 #hotel #變種病毒 #deltavariant #deltaplus #quarantine #mask #口罩 #擾流效應 #空氣清新機 #檢疫 #隔離 #做運動 #sport #excerise #workout #gym

爆肌Tyson Yoshi地獄式戒食 即場做百下Push-up谷線條
買水換爆肌海報珍藏卡

失晒控失晒控，Channel絲唔得喇！Tyson Yoshi 最近做咗COOL嘅代言人，為咗呢個半裸爆肌嘅廣告可以拍得靚啲，不停加操同埋地獄式戒食之餘，仲喺拍攝當日即場做足100下掌上壓，務求谷爆！

Tyson上個月先喺IG大派福利，晒吓佢喺台灣返嚟之後密密操嘅成果，爆晒青筋嘅手瓜、結實嘅厚切胸肌、一排煞食嘅朱古力，今個月中開始仲要有成80架雙層巴士印住佢嘅半裸身軀，喺港九新界穿梭，唔知到時會引嚟幾多嘅眼珠呢？大家要準備好打卡喇！

喺巴士打卡唔夠喉？去便利店買COOL清涼水產品滿$20就可以即可免費換領COOL x Tyson Yoshi限量版海報乙張，喺超市網店買COOL清涼水產品滿$200，仲可以免費換領一套兩款限量珍藏版海報，或者有專屬號碼嘅TY限量珍藏卡，其中5張仲要係TY鏡頭以外的私密相，好似話有張係佢酣睡一刻嘅相。名額有限，送完即止，大家唔好同Channel絲爭，唔該晒！

#channelchk #TysonYoshi #COOL清涼水 #程浚彥 #肌肉 #Gym #身型

38歲高血壓漢健身室舉鈴 10pm後被揭昏迷猝死
本身高血壓 gym房開通宵 惟9pm後疑非辦公

一名38歲姓鄭男子昨（4日）深夜，獨自到鰂魚涌英皇道英皇大樓24小時營業的健身室ANYTIME FITNESS運動。《明報》引述消息，指事主在舉啞鈴區域暈倒，一度無人發現。至晚上10許，有人發現事主昏迷，以自動體外心臟去顫器（AED）搶救，並電召救護車。救護員其後將事主送往東區醫院繼續搶救，惟延至今日凌晨1時47分證實死亡。

報道又引述消息，指事主本身高血壓。警員調查後，相信他於上址健身期間不適暈倒。雖然該健身室標榜24小時營業，惟《明報》指出，該健身室門口展示的辦公時間，為周一至六中午12時至晚上9時，意味晚上9時後可能無職員當值。但另有報道指，事主是由職員發現暈倒和報警。

涉事的24小時健身室ANYTIME FITNESS，全港有22間分店開業，每月最低收費550元。其中事主光顧的鰂魚涌分店，在去年9月初才開張。

#gym #muscle #dumbbel #faint #quarrybay #鰂魚涌 #健身室 #啞鈴 #workout #exercise #sport #training #重訓 #猝死 #昏迷 #高血壓 #AED #英皇道 #英皇大樓 #ANYTIMEFITNESS #運動 #channelchk

日系爆肌男搞笑圖輯流出！袒胸採茶插秧賣萌
花海半裸跑 芒草叢扮cute 造型百變 惟肌肉不變
IG圖輯👉 shorturl.at/mqCV7

是咁的。日本有間公司，個名就叫做「株式会社スマイルアカデミー」（微笑學院）。你問Channel絲呢間公司做咩？答唔到你，Channel絲淨係知佢哋成間公司都係圍繞住爆肌猛男，而呢個免費圖庫「マッスルプラス」（肌肉普拉斯）就係其中一樣佢哋做緊嘅嘢。

呢個圖庫有啲咩？有爆肌調酒師、爆肌女僕cafe、爆肌插秧農夫、爆肌採茶漢、爆肌男大戰兵馬俑、爆肌band友……仲有兩個肌佬着浴袍喺酒店走廊追逐、赤裸上身喺花海奔跑，擺埋可愛甫士賣萌，真係腐女諗唔到嘅情節都有。總之所有圖輯都係胸肌、手瓜、腹肌，要乜肌有乜肌。你問我啲圖會喺邊度用到？Channel絲而家暫時覺得啲圖可以用嚟做wallpaper，印出嚟貼喺朋友、男朋友、老竇日常會見到嘅位置，提醒佢哋減肥啦，不過問我商業用途嘅話，我就真係未有頭緒喇。

佢哋仲有個YouTube Channel，不時會上載拍攝花絮，笑到Channel絲差啲連稿都打唔到落去。不過我一路睇，一路喺度諗：究竟佢哋個腦平時係裝啲咩嘢，先會諗到咁樣玩嘅呢？

話明免費圖庫，Channel絲就決定唔理咁多，download定一大堆以備不時之需！集思廣益，你哋如果諗到任何用處，記住喺下面同Channel絲分享！又或者你想推介朋友加入呢間公司，請大大力喺留言tag佢出嚟！

#channelchk #微笑學院 #肌肉 #爆肌 #gym #日本 #bulk #賣萌 #cute #muscle #japan #funny #搞笑 #調酒 #女僕 #農夫 #採茶 #兵馬俑 #浴袍 #可愛 #farmer #cafe #hotel #酒店 #健身 #bartender #boy #man #芒草 #花海

強制安心出行 12.9起擴至食肆及12場所
惟4類人享豁免准填紙 政府手機贈基層

12.9周四起，強制掃瞄安心出行的要求，由政府、醫院、法庭、街市等公營場所和6類表列處所，擴展至所有食肆和其餘12類表列處所。但政府同時豁免4類人不用嘟碼，填紙即可，分別為65歲或以上長者、15歲或以下少年、殘疾人士，以及其他獲政府或政府授權機構認可的人。

港台引述消息，指政府有意通過非政府機構，向有需要基層派發豁免安心出行證明，例如無家者；並將與馬會及電訊商合作，向有需要人士派發智能手機，令他們可使用安心出行。

表列處所中，原本只有酒吧／酒館、浴室、派對房間、夜店／夜總會、卡拉OK場所和麻將天九耍樂處所共6類場所的顧客，才須強制嘟碼。惟12.9周四起，當進入郵輪、遊戲機中心、健身中心、遊樂場所、公眾娛樂場所、美容院及按摩院、會址、體育處所、泳池、酒店／賓館和活動場所共12類場所，都要強制使用安心出行。

隨着所有食肆須強制顧客使用安心出行，A類食肆不復再。政府表示，B類食肆的堂食時間可延長1小時至晚上11時。

#安心出行 #豁免 #手機 #食肆 #餐廳 #restaurant #健身室 #gym #partyroom #美容院 #按摩院 #massage #溜冰 #機舖 #arcade #泳池 #酒店 #hotel #swimmingpool #channelchk #馬會 #遊戲機中心 #公眾娛樂場所 #賓館 #無家者 #流浪漢 #堂食 #郵輪 #cruise