袁國勇倡病徵輕微患者家居隔離：
多飲水服食Panadol 幾日後或已無事
確診個案急增，公立醫院急症室逼爆，即使市民經快速測試呈陽性，到急症室求醫都被院方要求回家等結果。政府專家顧問、港大微生學系講座教授袁國勇在商台節目上表示，當局應參考應對季節性流感做法，病徵輕微患者可到政府門診診所，並獲派深喉唾液樣本瓶及指引，「教你有咩情況下真係要急症室，有咩情況喺屋企飲多啲水、食Panadol（必理痛），咁可能幾日後已無咩事，喺屋企家居隔離多5到7日，到抗原測試都已經係陰性就可以出返嚟」，強調「佢唔需要嘅，根本病情唔係咁嚴重嘅，現階段入院又有甚麼意思呢？」
他續說，當醫院、隔離設施和檢疫酒店等爆滿，就須接受讓病徵輕微患者留家隔離，形容這是「好實際嘅諗法」；而家居隔離患者可戴兩個口罩「暱喺房度」，「感染咗嘅就最後先沖涼、最後先洗面。」他坦言「所有嘢都係睇你有幾多資源，做到幾多嘅嘢」，並指目前疫情嚴重，今日新生效的社交距離措施需時7至14日，才能看到成效。
袁國勇又認為，目前最重要是保護長者，及確保醫療系統不會被癱瘓。他建議騰空亞博等檢疫中心，讓高危而又未打針長者隔離檢疫，以保護未受感染而高危的市民，「如果我哋所有密切接觸者同所有輕微病徵嘅人都無入去醫院，無去亞博、無去竹篙灣等等，會騰出好多地方，畀呢啲真係有需要嘅人入去，呢個諗法就完全改變，我哋講緊叫做『reverse isolation（逆向隔離）』。」
他再次呼籲仍未接種疫苗，但身體適合打針人士應盡快打針，特別是安老院舍的長者，否則疫情持續惡化，將會付上很大代價。
#channelchk #袁國勇 #家居隔離 #確診 #公立醫院 #打針 #隔離 #逆向隔離 #亞博
多飲水服食Panadol 幾日後或已無事
確診個案急增，公立醫院急症室逼爆，即使市民經快速測試呈陽性，到急症室求醫都被院方要求回家等結果。政府專家顧問、港大微生學系講座教授袁國勇在商台節目上表示，當局應參考應對季節性流感做法，病徵輕微患者可到政府門診診所，並獲派深喉唾液樣本瓶及指引，「教你有咩情況下真係要急症室，有咩情況喺屋企飲多啲水、食Panadol（必理痛），咁可能幾日後已無咩事，喺屋企家居隔離多5到7日，到抗原測試都已經係陰性就可以出返嚟」，強調「佢唔需要嘅，根本病情唔係咁嚴重嘅，現階段入院又有甚麼意思呢？」
他續說，當醫院、隔離設施和檢疫酒店等爆滿，就須接受讓病徵輕微患者留家隔離，形容這是「好實際嘅諗法」；而家居隔離患者可戴兩個口罩「暱喺房度」，「感染咗嘅就最後先沖涼、最後先洗面。」他坦言「所有嘢都係睇你有幾多資源，做到幾多嘅嘢」，並指目前疫情嚴重，今日新生效的社交距離措施需時7至14日，才能看到成效。
袁國勇又認為，目前最重要是保護長者，及確保醫療系統不會被癱瘓。他建議騰空亞博等檢疫中心，讓高危而又未打針長者隔離檢疫，以保護未受感染而高危的市民，「如果我哋所有密切接觸者同所有輕微病徵嘅人都無入去醫院，無去亞博、無去竹篙灣等等，會騰出好多地方，畀呢啲真係有需要嘅人入去，呢個諗法就完全改變，我哋講緊叫做『reverse isolation（逆向隔離）』。」
他再次呼籲仍未接種疫苗，但身體適合打針人士應盡快打針，特別是安老院舍的長者，否則疫情持續惡化，將會付上很大代價。
#channelchk #袁國勇 #家居隔離 #確診 #公立醫院 #打針 #隔離 #逆向隔離 #亞博
亞博、醫管局、社署官僚 九旬確診院友苦等一周未入院
羅致光認只按規矩 籲各方行多步 警告院舍拒收康復長者或違規
醫管局早前指有安老院舍拒接回已康復的COVID-19長者，商台節目《政經星期六》主持今亦分享日前個案，指一名90多歲院友因為老人院舍爆疫被送亞博隔離後發燒，被送往北大嶼山醫院後證實確診，但院方拒收確診個案，院友只能在該院門口苦候其他醫院有床位空缺時接收，結果等了一個星期，家人向社署查詢獲回覆稱按指引有事需送院，主持形容「我哋唔係第三世界國家地區，點解會變成咁？」
勞工及福利局局長羅致光在節目上直言政府「用規矩做事」、「工作上分得太犀利」，個案從規矩角度大家都無錯，但承認各方有責任，「轉身轉得唔夠快」，認為要從戰時角度去看待，「每人都要行多步」、「每一兩日調整優先次序」。他強調，如果長者已經康復，院舍有責任接收，如果院舍拒收，可能違反社署指引。他說，當局會提供協助，包括防疫裝備等。
而醫管局行政總裁高拔陞今早在港台節目表示，對部份市民要在醫院外等候入院，感到抱歉，局方暫時已將所有要等候的長者安排到室內，但估計情況仍會非常困難，呼籲輕症患者可以到指定診所求診。
另外，特首林鄭月娥預預告本周末會嚴格執行二人限聚令，不再仁慈，市民如有聘請外傭應盡最大努力鼓勵對留在家中。羅致光表示，上星期的假日有17名外傭因違反二人限聚令而被當局票控，預告今明兩日，警方將不會再發出警告，並指若外傭同意，法例容許僱主以薪代假，呼籲外傭盡量在假日留在家休息。
【警告眾籌協助外傭交罰款可能違法】
對於有人呼籲透過眾籌協助外傭繳交5,000元罰款，羅指有關做法等同間接鼓勵外傭去違例聚集，可能間接影響當局的防疫工作，甚至會危害不少家庭健康和生命。勞工處會諮詢律政司意見，會否對有關人士採取法律行動跟進。
#channelchk #北大嶼山醫院 #醫管局 #社署 #亞博 #老人院 #第三世界 #限聚令 #外傭
羅致光認只按規矩 籲各方行多步 警告院舍拒收康復長者或違規
醫管局早前指有安老院舍拒接回已康復的COVID-19長者，商台節目《政經星期六》主持今亦分享日前個案，指一名90多歲院友因為老人院舍爆疫被送亞博隔離後發燒，被送往北大嶼山醫院後證實確診，但院方拒收確診個案，院友只能在該院門口苦候其他醫院有床位空缺時接收，結果等了一個星期，家人向社署查詢獲回覆稱按指引有事需送院，主持形容「我哋唔係第三世界國家地區，點解會變成咁？」
勞工及福利局局長羅致光在節目上直言政府「用規矩做事」、「工作上分得太犀利」，個案從規矩角度大家都無錯，但承認各方有責任，「轉身轉得唔夠快」，認為要從戰時角度去看待，「每人都要行多步」、「每一兩日調整優先次序」。他強調，如果長者已經康復，院舍有責任接收，如果院舍拒收，可能違反社署指引。他說，當局會提供協助，包括防疫裝備等。
而醫管局行政總裁高拔陞今早在港台節目表示，對部份市民要在醫院外等候入院，感到抱歉，局方暫時已將所有要等候的長者安排到室內，但估計情況仍會非常困難，呼籲輕症患者可以到指定診所求診。
另外，特首林鄭月娥預預告本周末會嚴格執行二人限聚令，不再仁慈，市民如有聘請外傭應盡最大努力鼓勵對留在家中。羅致光表示，上星期的假日有17名外傭因違反二人限聚令而被當局票控，預告今明兩日，警方將不會再發出警告，並指若外傭同意，法例容許僱主以薪代假，呼籲外傭盡量在假日留在家休息。
【警告眾籌協助外傭交罰款可能違法】
對於有人呼籲透過眾籌協助外傭繳交5,000元罰款，羅指有關做法等同間接鼓勵外傭去違例聚集，可能間接影響當局的防疫工作，甚至會危害不少家庭健康和生命。勞工處會諮詢律政司意見，會否對有關人士採取法律行動跟進。
#channelchk #北大嶼山醫院 #醫管局 #社署 #亞博 #老人院 #第三世界 #限聚令 #外傭
醫護捱義氣入亞博照顧染疫病人
自費食「凍」頹飯：膳食細份，又貴，女仔都唔夠飽
公立醫院病床不足，醫護人手短缺，不但未獲特別津貼；即使醫護自告奮勇到亞博檢疫中心照顧確診病人，亦只能捱貴價「頹飯」。有讀者就向Channel C報料，指其任職醫護朋友上月申請調往亞博工作，但「膳食好細份，又貴，女仔都唔夠飽。本身$68，經過一輪協調先$44，但份量都好細，又唔好食。」
據報料人所講，因為唔可以叫外賣平台訂膳食，所以醫護都係「局住要」，而膳食係亞博入面一間餐廳提供，醫護人員自行畀錢訂購，每日有3款選擇，包括一款素食。其中一日可供選擇嘅午餐就有：洋蔥汁雞球配白飯、鮮茄豬柳配白飯，同埋菠菜意大利芝士卷配番茄汁及時菜。睇菜名似乎都應該唔難食，又有選擇畀素食者，不過報料人轉述醫護話，飯盒送到嚟時已經凍晒，而且成日送錯嘢，但換唔到，又成日遲送嚟，攪到醫護嘅食飯時間少咗。
醫護壓力爆煲，想食個熱飯嚟慰勞自己都似乎變得奢侈，所以讀者都希望藉Channel C幫亞博嘅醫護發聲，「亞博做嘢嘅醫護因為full gear，好多時連廁所都唔去，一日剩係食飯嗰陣可以休息一下食啖飯，盒飯唔好食仲要貴，同埋係要自己比錢，間餐廳真係好無良心！」
#channelchk #亞博 #檢疫中心 #公立醫院 #醫護人員
自費食「凍」頹飯：膳食細份，又貴，女仔都唔夠飽
公立醫院病床不足，醫護人手短缺，不但未獲特別津貼；即使醫護自告奮勇到亞博檢疫中心照顧確診病人，亦只能捱貴價「頹飯」。有讀者就向Channel C報料，指其任職醫護朋友上月申請調往亞博工作，但「膳食好細份，又貴，女仔都唔夠飽。本身$68，經過一輪協調先$44，但份量都好細，又唔好食。」
據報料人所講，因為唔可以叫外賣平台訂膳食，所以醫護都係「局住要」，而膳食係亞博入面一間餐廳提供，醫護人員自行畀錢訂購，每日有3款選擇，包括一款素食。其中一日可供選擇嘅午餐就有：洋蔥汁雞球配白飯、鮮茄豬柳配白飯，同埋菠菜意大利芝士卷配番茄汁及時菜。睇菜名似乎都應該唔難食，又有選擇畀素食者，不過報料人轉述醫護話，飯盒送到嚟時已經凍晒，而且成日送錯嘢，但換唔到，又成日遲送嚟，攪到醫護嘅食飯時間少咗。
醫護壓力爆煲，想食個熱飯嚟慰勞自己都似乎變得奢侈，所以讀者都希望藉Channel C幫亞博嘅醫護發聲，「亞博做嘢嘅醫護因為full gear，好多時連廁所都唔去，一日剩係食飯嗰陣可以休息一下食啖飯，盒飯唔好食仲要貴，同埋係要自己比錢，間餐廳真係好無良心！」
#channelchk #亞博 #檢疫中心 #公立醫院 #醫護人員