Channel C開Live陪你過中秋！直播月餅奇人Toby玩遊戲
https://youtu.be/8J7RFtZAOdw

#月餅 #中秋 #channelchk

長洲黑蜂群疑因有人附近淋水
罕見怒針16途人護巢 傷者送急症室

長洲山頂道周日發生黑蜂針傷市民的意外，已離任的區議員梁國豪於Facebook上表示，據他了解當天早上8時左右有人在附近淋水，懷疑觸動鄰近多隻黑蜂而滋擾途人。他續說，食環職員接報後已即時往事涉地點查看並噴灑防蟲藥，這幾天都會繼續在涉事地點巡查並採取預防行動。而據他所知，周日全日有16人給黑蜂針而須到急症室求醫。他亦向Channel C指，自己過往未曾聽過長洲有發生類似事情，「就算有都好耐先有一單」。

據網上流傳的影片顯示，事發地點位於建道神學院附近，途人路過該路段時均十分「狼狽」，有人一邊用手撥弄一邊跑走，亦有人用衣領遮蓋臉部，以防被黑蜂針傷。

香港蟲害控制從業員協會副會長陳偉強接受Channel C訪問時，解釋黑蜂其實屬於胡蜂（黃蜂）一種，他笑言性格溫馴的蜜蜂一般較少咬人，故要為蜜蜂「平反」。 至於為何秋天好像特別多市民被蜂針傷，他說由於夏天是牠們的繁殖期，故幾個月蜂BB長大後，就會容易被人們發現。今次事件疑似是因為有人淋水驚動黑蜂，才令牠們「誤傷無辜」，陳提醒市民，胡蜂天性護巢，故人們行山時切忌「周圍拍」驅趕蚊蟲， 否則可能會不小心誤觸蜂巢。

根據資料，若被黑蜂等蜂類針傷，輕則會令皮膚現紅腫痛、痕癢等，嚴重者則可能會手腳紅腫，並全身出現敏感、起風疹，甚至血壓低等。不過，陳偉強說市民於一般情況下不用緊張，平時可以搽「無比膏」紓緩痛楚，求醫時若有出現敏現象，醫院就會為傷者注射類固醇，降低引起器官阻塞的機會。而陳工作時經常會與蜂類「交手」，他指自己平時亦會飲涼茶及食龜苓膏解毒，惟此舉沒有科學根據，是他多年來的偏方，市民亦可參考。

#channelchk #黑蜂 #長洲 #建道神學院 #黃蜂 #胡蜂 #山頂道 #梁國豪 #食環署 #急症室 #陳偉強 #蟲害控制從業員協會

各位可以對number睇吓中幾多了～
小編周四繼續跟黎生返工🥲

#六合彩 #馬會 #中秋 #金多寶 #黎生 #我嘅訴求就係想返工

紅磡怪客食霸王餐 撻朵「山谷邨貓仔」
狂叫侍應老闆「認住我」 多店遭殃

日子難捱，或者唔少香港人都試過節衣縮食，但撻朵食霸王餐，大家就算點經濟不景都唔好學呀～

近日紅磡有位專食霸王餐嘅惡漢出沒，佢早幾日喺一間餐廳食咗個$38嘅麵餐，樓面姐姐好聲好氣同佢講舖頭收6點鐘同請佢埋單，點知佢就撻朵自稱「山谷邨17座貓仔」，叫店員「認住我，知啦嘛吓？」姐姐惟有回應「OK～」「多謝晒～」就繼續忙了。

此時一把相信係老闆嘅男聲好無奈咁答「知啦知啦」，仲叫佢下次記得嚟找返數，但呢位「貓仔」臨走仲要攞彩，反鬧老闆「咁X寸」，仲講多咗幾次「上山谷邨搵我啦～17座呀！」⋯⋯

有街坊話，呢名男子其實有少少神智不清，而附近一帶食肆表示都曾經有類似嘅個案，不過就因為「幾十蚊唔想搞大件事」，所以未有報警處理。

其實睇返資料，香港係冇「山谷邨」，只有「山谷道邨」，而呢條邨喺2002年已經拆咗，部份地皮仲已經變咗香港理工大學嘅學生宿舍。唔知各位住Poly嘅同學仔，其實係咪都可以叫自己做「山谷邨後生仔」呢？

#channelchk #紅磡 #霸王餐 #山谷道邨 #PolyU #香港理工大學 #理大

直擊海洋公園野豬家族逾10口中秋造節
阿豬媽爸帶B仔女馬路散步

海洋公園水上樂園啱啱正式開幕，有好多一家大細都趁中秋節去玩，包括⋯⋯野豬。

網上流傳幾段影片，話月圓之夜有一群野豬喺水上樂園對出行嚟行去，佢哋有大有細，睇得出係野豬家長帶住佢哋嘅BB出嚟散步。佢哋有時企喺馬路中間、又係咁聞地下同路邊。適逢中秋佳節，見到佢哋「一家豬」聚埋一齊賞月真係幾得意，但當Channel絲諗起，佢哋可以居住嘅環境越嚟越細、連飯都應該食唔飽搞到要係咁聞地下，就有啲內疚⋯⋯

大家應承Channel絲，之後就算見到野豬，都唔好嚇親佢哋同攻擊佢哋，好嗎？

#channelchk #野豬 #海洋公園 #水上樂園 #中秋

直擊中秋滿月高掛！雲隙間觀賞若隱若現
https://www.facebook.com/101870318844226/posts/132886089075982/

明月幾時有？把「餅」問青天！相信不少人在中秋夜跟小編都抱有相同疑問。Channel C與月餅達人Toby在YouTube直播玩遊戲、食月餅後，到午夜終於等到「八月十五」露出來、在雲隙間若隱若現。

Channel C在Facebook為大家直播在荃灣看到、並以簡單手機器材拍攝的「Out focus月」，由旁白師與天氣師李鈺廷︱講天氣主持。不過該直播因版權問題被下架，Channel C非常抱歉，現已將相關內容剪輯，並重新上載，希望大家可以欣賞到好靚嘅滿月🌝

#月亮 #滿月 #賞月 #中秋節 #團團圓圓 #channelchk

移民潮下過中秋｜ 剩下孤獨長者隔空過節 社企銀杏館派月餅送暖
https://youtu.be/OuP5tZIpjFM

中秋人圓兩團圓，但對於一些長者來說，今年中秋從始不一樣，過去一年，不少年輕家庭離開香港，遺下一班孤苦伶仃的長者。這批長者，昔日有仔女陪伴、有仔女送上月餅一齊歡度佳節，但今年，甚至往後的中秋節，都可能無法再團圓。

每日向有需要人士派發熱飯的社企銀杏館，今年亦為呢班孤獨長者，以及其他貧窮人士，一併送上月餅，希望在亂流下，帶畀佢哋一絲溫暖。

一個月餅，對你，對我，可能無乜特別，但對呢班家人已移民嘅老人家來說，月餅背後的意義，遠遠大過一切，今個中秋，你又有無為一個月餅增添多一份意義呢？

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#中秋節 #月餅 #移民潮 #銀杏館 #派飯 #channelchk #嘮動新聞 #長者

過咗個中秋佳節，Channel絲今日要同大家告假，因為我要留喺屋企食埋啲月餅同隔夜盆菜，唔得閒打字。🤕

講笑啫，係就係請假，但我哋休息係為了走更長的路，畀多啲好嘢大家睇，所以Channel C仝人於9月22日會休息一日，大家記得掛住我地呀！😘

#channelchk #中秋節翌日 #休息

5米巨貓葵芳新都會廣場曬蛋蛋 25隻高像真1比1主子任打卡

🐱你哋班愚蠢嘅人類，畀機會你同我打卡仲唔快啲現身~喵！🐾

由9月19日至10月31日，5米高巨型肥貓「碌碌」會現身葵芳新都會廣場Metroplaza (SHKP)，大曬蛋蛋，一眾奴才可以近距離一澤芳香！場內滿佈1米高毛線球、巨型貓抓柱、喵之秋橋等玩具供主子享樂，全區更聚集咗25隻像真度極高的1比1主子，仲有6大主子打卡位，等大家可以盡情自拍！每晚6-10pm有「夢幻彩光騷」，整個場地會變成幻彩遊樂園，仲唔快啲嚟朝聖。

影完相唔夠喉？由10月14日至17日可以去「主子美食街」買野孝敬下主子！

「喵喵遊園會Meow Plaza」
地址：新都會廣場L3 – L4露天廣場及L5空中花園
日期：2021年9月19日至2021年10月31日
時間：10:00am-10:00pm

#喵喵遊園會 #MeowPlaza #新都會廣場 #channelchk #主子 #貓奴 #葵芳 #打卡

觀塘巨月疑遭50km/h強陣風吹落海
瞬間穿窿變生根 「淥到腍晒 撈起食啦」
https://youtu.be/xJbVDoQOJKE

中秋節假期完咗過後，喺觀塘海濱亮相咗幾日嘅巨型月亮亦跌落海，轉眼變「生根」！

本港今早部份地區大雨又行雷，觀塘海濱附近嘅啟德氣象站亦多次錄到超過每小時40公里（強風程度）嘅陣風，最高達時速50公里。有網民今早就拍攝到巨型月亮疑被強風吹落海後，隨水向九龍灣方向漂流嘅片段，可以見到月球表面有明顯裂口，漂流期間不時撞向海堤，一邊開始漏氣，最後有網民更影到月球「謝晒皮」喺海上漂嘅情況，被笑指同「腍咗嘅生根」一樣。

月球表面最後喺避風塘一帶沉沒，負責單位要派人打撈，被網民形容係「海底撈月」。主辦單位喺社交平台發帖話，原定昨晚（22日）活動完成後，今早收回月球，但受天氣影響，索帶撕裂致月球墮海，主辦單位已盡快將月球撈回海面處理。

「每日X官塘老母」版主接受Channel C訪問就話，唔知「月亮」係點樣變成「生根」：「如果唔係主辦機構整爆嘅，我淨係覺得好危險。如果係早兩日好多人嗰陣爆點算，同埋漂咗出海都對啲船危險。」大大話，佢未去過現場「賞月」，因為真係太多人：「睇人哋影啲相都覺得OK靚嘅！」咁有冇覺得多咗個「月亮」之後觀塘更加塞？大大話：「官塘係唔係都咁塞，我諗又唔會好大分別。」

天氣師李鈺廷翻查資料，原來天文台今早8時39分已預告本港有局部地區強烈狂風雷暴，預料有高達每小時90公里或以上嘅猛烈陣風繼續吹襲。而早上9時，天文台於觀塘海濱附近嘅啟德氣象站錄得最高陣風每小時50公里。

中秋活動「全民燈月」周日（19日）起喺觀塘海濱舉行，15米高嘅巨型月亮着係活動重頭戲之一，連日來吸引唔少人去打卡，中秋夜更逼滿市民賞巨型月亮，可惜深夜過後留下不少垃圾。

（Facebook群組「社區天氣觀測計劃 CWOS」Eric Darky提供片段）

#channelchk #巨型月亮 #中秋 #月亮 #觀塘 #觀塘海濱 #全民燈月 #賞月 #月球 #天文台