屯門11車被噴油邊個咁大仇口？
原因竟然係……

1、2、3、4......慘咯，11輛泊喺路邊嘅車，畀人噴到「花面貓」咁，到底邊個咁大整蠱? 事發於昨晚9時許，在屯門掃管笏路88號對開，有居民發現2名黑衣男鬼鬼祟祟，向沿路車輛逐一噴紅漆，居民當場質問：「做乜噴人哋嘅你哋?」但疑因距離太遠，2男未有回應，之後2男登上接應的私家車逃去。

警方其後接報到場，在附近兜截，於一輛私家車截獲3名涉案男子(17至40歲)，以涉嫌刑事毁壞罪拘捕他們。消息指，案件與上水勝和仔爭位有關，現正進一步調查。


#黑幫 #黑社會 #尋仇 #掃管笏 #channelchk #勝和 #爭位 #屯門 #刑毀 #噴漆

天眼直擊｜狂人non stop扑車半分鐘
車主亂泊卸貨區惹禍？

嘭嘭嘭!!! 一名扑車狂人手持硬物，瞄準一部私家車用盡氣力non-stop狂扑半分鐘，究竟因乜解究咁大仇口要咁樣報復? Channel絲睇到段CCTV片段，都覺得驚驚呀!

事發喺周二晚近11時，車主原本已有月租車位，但疑為貪方便，將座駕求其泊在粉嶺雍盛街市上落貨區，然後鎖車回家，豈料翌日清晨6時許，佢就收到警方通知，話座駕被人扑爛。

channel絲見到全車玻璃窗幾乎全被打碎，前方兩盞車頭燈慘遭打爛，車身亦被刮花，據講車主數年前以近20萬元購入該新車，現時搞成咁，要花數萬蚊維修。今次事件懷疑泊咗人哋個位惹禍，警方正循此方向調查。

#channelchk #扑車 #泊錯位 #雍盛街市 #黑幫 #cctv #粉嶺

兩黑幫尖嘴樓上酒吧爆衝突 追打到街上
半百人包圍私家車狂扑
嘮動新聞👉 https://youtu.be/BgEaM_V1hYw

尖沙嘴天文臺道周四（28日）凌晨上演了一幕如電影橋段般，黑社會晒馬講數的場景！數十名黑衣人包圍着一輛白色私家車，其間傳出敲打聲響和群眾起哄叫囂聲。私家車隨後倒後突圍，沿漆咸道南方向逃脫。相關的3段片段在網上廣傳，消息指，事件與黑幫「踩場」引發衝突；有傳媒亦引消息稱警方高層亦對此極為震怒。

據報事發昨日凌晨4時許，網上流傳的3段片段中，其中一段可見近半百黑衣人在馬路正包圍着一架私家車，部份人從後上前，其間傳出叫囂聲；另一段是從高處拍攝，見到數十人包圍着白色私家車，有人拍打車身，人群幾乎佔據了一半馬路，該片片尾見到私家車欲倒後駛離。第3段片則見到有片中人稱「扑車」，並見私家車駛離人群後，一度停下又退後，其間不斷傳出引擎聲，片中人又形容私家車「褪尾撞」。私家車最後駛出漆咸道南絕塵而去。

消息指，事件涉及「新義安」及「和勝和」兩批黑幫成員。當時「和勝和」頭目「肥馮」與手下到天文臺道一間樓上酒吧捧場，其間「新義安」頭目「雞康」帶人到場，並稱「邊個唔歡迎承哥啲人」，負責睇場的「勝和」成員見狀隨即平息事件。但後來兩幫人再發生衝突，並各自「吹雞」晒馬，雙方大打出手，由酒吧追打到街上；「雞康」在衝突中被打爆嘴。

有傳媒報道引述消息指，警方十分重視今次事件，油尖警區反黑組接手跟進，將採取掃蕩行動。

#channelchk #黑幫 #黑社會 #晒馬 #吹雞 #尖沙嘴 #天文臺道 #包圍

凌晨令警方高層極為震怒嘅尖沙嘴天文臺道打鬥，原來涉及「新義安」同「和勝和」兩批黑幫，一輪晒馬扑車之後，老新頭目「雞康」俾人打爆嘴。Channel C喺嘮動新聞為大家拆解👉 https://youtu.be/BgEaM_V1hYw

#channelchk #黑幫 #黑社會 #晒馬 #吹雞 #尖沙嘴 #天文臺道 #新義安 #和勝和

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

傳遭台黑幫當街毆打 迫食狗屎
蕭若元急開腔出片 兼發嚴正聲明澄清

已移居台灣、現年72歲的網台謎米香港創辦人蕭若元，突然被傳日前遭台灣黑幫當街毆打和迫食狗屎。「燒山」隨即自拍一段「獨家蕭析」、在YouTube出片，開腔澄清自己「咩事都冇」、「冇穿冇爛」；又在Twitter發表嚴正聲明，強調「絕無此事」。

老蕭在片段不點名提到，因自己得罪他人而招至今次惡作劇：「有啲人我得罪唔起㗎，我係一個好冇膽嘅人嚟㗎，但都唔知點解得罪咗佢……咁有乜辦法？人哋有財有勢，我哋呢啲無權無財；（對方）鍾意恰你就恰你㗎喇。」

不過蕭生未有因此在鏡頭前大動肝火，從容續說：「唔緊要，咁樣整出嚟呢，報紙就會賣（報道）呢單嘢喇……幫我爭取到曝光度，亦都令我知道有幾多人關心我，因為好多冇見嘅人，都打電話嚟問我，真係多謝晒咁多位。」

#蕭若元 #黑幫 #台灣 #食屎 #channelchk #毆打 #襲擊 #狗屎 #遇襲 #燒山

「新義安」疑不滿上月被「和勝和」扑車
尖沙嘴吹雞着黑衫拎鐵通「刮友」

周三（10日）夜晚大約十一點半，有市民喺尖沙嘴目擊一班黑衫人拎住鐵通「晒馬」，到底咩事咁大陣仗呢？Channel C收到消息，其實事件係同上月底有幫派喺尖沙嘴講數有關，如果唔記得咩事，即刻重溫當日嘅《嘮動新聞》啦！（ shorturl.at/ghqE9 ）

消息話，事源新義安疑對和勝和當日扑爆車呢件事深深不忿，知道佢哋其中有幾個人會經常喺尖沙咀出沒，所以就落Order叫人去「刮友」。根據熱心市民拍低嘅片段所顯示，噚晚一班黑衫人拎住鐵通喺尖沙嘴漆咸道南往幸福中心嘅天橋樓梯到集結，另外有部份人就行往電梯方向。而當時附近其實仲有唔少人喺巴士站等車，亦都有幾名男女正想上天橋。如果大家係片中嘅幾位後生仔女，會揀繼續上橋定係調轉頭走呢？

#channelchk #黑幫 #黑社會 #晒馬 #吹雞 #尖沙嘴 #漆咸道南 #天橋

「新義安」「和勝和」尖嘴混戰第二回
兩幫派凌晨晒馬互毆 無人被捕

黑幫「新義安」同「和勝和」上月底喺尖沙嘴街頭扑車後，Channel絲日前就收到報料話新義安周三（10日）晚喺尖東橋吹雞拎鐵通「刮友」，原來之後仲有下文！兩幫派翌日（11日）凌晨又喺酒吧爆衝突，約30人喺金巴利道互相追打，上演街頭混戰。

網上今日（13日）就流傳事發片段，片長約半分鐘，由3段影片合成。最初見到約20名大漢圍毆數人，其間不停推撞捱打一方；之後有一名白衫男子被約10名大漢追打，被推跌倒地後，隨即遭人拳打腳踢，其後一名大漢吆喝：「走！唔好畀我睇到你」。白衫男企起身後，到旁邊嘅灰衫男子被人襲擊，之後又有幾個大漢衝向白衫男並推跌佢，白衫男再被大漢踢頭，其間有人大叫：「走啦」，眾人就邊爆粗邊散去。

警方表示，前日（11日）凌晨2時38分，接獲多人報警，指金巴利道48號對開約有20、30人打架，有人受傷。惟警方到場後相關人士已離去，案件列在公眾地方打鬥跟進，暫未有人被捕。

上月28日凌晨，新義安與和勝和人馬在天文臺道一間樓上吧發生衝突，兩幫人由樓上打到街外，其後數十名黑衣人包圍着一輛白色私家車狂扑，傳出敲打聲響和群眾起哄叫囂聲。事後有傳媒引消息稱警方高層對此極為震怒，據報油尖警區反三合會行動組經調查後，拘捕11名男子。

#channelchk #黑幫 #黑社會 #晒馬 #吹雞 #尖沙嘴 #街頭混戰 #酒吧

各位觀眾，「新義安」大戰「和勝和」2之尖沙嘴龍爭虎鬥！
去片👉🏻 https://youtu.be/UmoD9gbC3wI

#channelchk #黑幫 #黑社會 #晒馬 #吹雞 #尖沙嘴 #街頭混戰 #酒吧
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk

報料／廣告接洽：
info@channelchk.com

＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

回顧上海仔棄保潛逃 返港被捕
警無足夠證據起訴 成自由人
👉 https://youtu.be/RgjuUf9AFBY

上海仔近日現身中環ifc，被讀者拍下。片段經Channel C爆片爆相採用；嘮動新聞亦製作短片，回顧上海仔的傳奇人生。

#上海仔 #和勝和 #郭永鴻 #黑幫 #黑社會 #香港黑幫
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
https://www.youtube.com/ChannelCHK

水房前坐館「肥啟」九龍灣被追斬
膝蓋傷口深見骨 情況危殆

九龍灣周三（17日）凌晨1時許發生恐怖黑幫「家法式」斬人事件，水房前坐館、55歲的「肥啟」被3名刀手斬傷手腳，場面血腥，他被送往伊利沙伯醫院搶救，現時情況危殆。案發現場遺下大攤血迹，警方將事件列作傷人案，交由秀茂坪警區刑事調查隊接手調查。Channel C收到「肥啟」傷勢的相片，見到倒臥血泊中的「肥啟」的膝頭被斬至見骨，血肉模糊，所穿的牛仔褲亦全被染上血跡。

事發地點位於臨利街與宏開道交界，據網上流傳的車Cam片段顯示，「肥啟」當時正前往取車，但突然一架黑色寶馬駛至，3名刀手下車後不斷揮刀追斬「肥啟」。他一度不慎倒地，但仍奮力爬起打算逃走，惟最後仍不敵來勢洶洶的刀手，被斬至重傷。行兇得逞的刀手最後登上寶馬離開現場，「肥啟」則於馬路上呼救，最後由駛經的的士司機協助報案。

翻查資料，「肥啟」過往亦曾被當街「行刑」，他於2012年在深水埗曾被數名戴口罩刀手追斬，其中帶頭的「肥基」被巡經現場的交通警開槍擊斃，當時有報道指事件源於水房內訌。

#channelchk #肥啟 #水房 #黑幫 #坐館 #斬人案

「我係佐敦話事人！」 黑幫男fb開Live徵婚講江湖事
涉自稱三合會成員拘捕
（去片聽下直播佢講啲乜👉🏻 https://www.youtube.com/watch?v=KxMJDlAqe90 ）

「我係佐敦話事人！」黑幫成員「志偉哥」本月初在另一男子的fb開Live大談江湖事後，稱自己有200多個手下，擁有多間公司包括麻雀館及地下百家樂、川菜館、美甲店等，而且5年賺5,000萬元；又稱認識「洗米華」、「盲亨」、「上海仔」等江湖人物。當被網民指似洗米華時，黃則回應「洗米華要受靶呀！我而家食煙仔咋！」其「牙擦」形象吸引不少人觀看，但結果昨日（13日）被警方以涉嫌自稱三合會成員拘捕。

被捕男子姓黃（43歲），綽號「志偉哥」。事發本月2日晚上10時左右，「志偉哥」在一男子直播期間主動搭訕，結果一講就講了超過一個半小時。他聲稱擁有智商200幾，女朋友的英文名由「A」排到「Z」，「咩女朋友都有」。他與前妻育有一名18歲兒子，希望透過直播徵婚，心儀對象是身高1.7米、擁有長腿，年屆45歲具女人味的女士。

「志偉哥」又自稱紮根佐敦22年，指佐敦是個黃、賭、毒的地區，形容是「全香港九龍新界最難搞地方」有網民問到會否怕俾人打？他即說「未俾人打過，好想試下。」直播期間，他多次自己讚自己「又靚仔，唱歌又好聽，煮嘢又好食，係牙擦咗少少」，數月前曾一炮過以現金150萬元買跑車，現居的九龍城豪值成交價更達過億元。在上個月生日當日，他一個人到香格里拉酒店飲橙汁，「飲杯橙汁成嚿水，有冇人過100蚊橙汁呀？」

#channelchk #黑幫 #開Live #fbLIVE #佐敦話事人 #洗米華 #志偉哥
＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

約「勝和」尖東講數迫遭甩底
「水房」多名成員當場被捕

有網民晚上於Facebook發帖指，發現一群年輕人於尖東好時中心外被警方截查及拘捕，Channel C收到消息指，他們均涉「非法集結」被捕。事件源於黑幫「水房」業仔為幫人追一筆過千萬嘅「公司數」，約好勝和喺尖沙嘴講數，但最後勝和卻無人出現。

傍晚6點幾，大批「水房」人到場晒馬，途人見氣氛緊張報警，警方到場後截查多名男子嘅身份證，最後拘捕12人涉嫌非法集結，包括業仔在內。有報道指，警方另外喺酒店再拉多咗6個人，全部人都被帶返警署協助調查。

#channelchk #水房 #勝和 #尖東 #好時中心 #黑幫