染疫37歲「少女」王詩雅 涉瞞關鍵疫蹤
拒答洪門宴前另聚餐 待同行女馬主中招始揭發
張竹君爆或多人未獲邀赴宴 真正隔離名單成謎
疫婦馬會廂房聚餐 恐播毒上流階層

每日收聽疫情記者會，很多時最精彩的部份，並非來自衞生署衞生防護中心傳染病處主任張竹君的開場發言，而是現場記者追問竹君得來的資訊，例如這篇就是。

一名住大角嘴君匯港2座、在荃灣有線電視大廈工作的43歲女馬主，初步驗出變種COVID-19病毒。她打過2針科興疫苗，報稱沒病徵。令人錯愕的是，她本身並非在1月3日晚人大代表洪為民除罩百人壽宴的獲邀名單上，卻報稱有出席。而且當晚是她與中環榮源茶行太子女、37歲「少女」王詩雅和另外3人，先去西營盤干諾道西115號的餐廳飲酒和進食，再在當晚9時半，經「王少女」帶同進入灣仔的洪門宴，逗留至10時許。

問題來了。政府日前表明，當晚9時半後進入洪門宴的所有人，都要送入隔離營，為何43歲女馬主卻一直「逍遙營外」？有頭腦清晰的行家在疫情記者會追問，為何衞生署調查「王少女」疫蹤時，未有發現43歲女馬主是其密切接觸者，一直未將女馬主送入隔離營？

張竹君似乎早有準備會被問及，一臉無奈地回答：「其實我哋唔掌握呢個資料呀；我哋今日（9日）先知道，原來之前嗰位個案（王少女）仲去過一個地方（西營盤干諾道西115號餐廳）飲嘢同食嘢嘅。佢無透露呢個地方畀我哋聽囉。」記者隨即追問了一句，因為無持咪，小編聽不清楚，但相信頗有用，因為張竹君之後答得更明確。

「根據香港法例第599D章《預防及控制疾病（披露資料）規例》，我哋都問過佢（王少女）好多次，關於佢個行蹤。如果真係屬實，佢冇透露一啲行蹤或講大話嘅話，我哋係會有法律嘅跟進嘅。」

但更大問題是，若「王少女」可自行帶同女馬主入洪門宴，究竟還有多少獲邀賓客這樣「自帶來賓」？說好的「當晚9時半後進入洪門宴的所有人都要送入隔離營」，還有多少漏網之魚？張竹君僅稱，目前只掌握主人家提供的出席名單，若當晚「朋友搭朋友」的出席者，只能靠他們自律通報。

至於女馬主染疫，隨時引爆上流階層疫潮！事關她在1月5日晚上6至10時，與2人到跑馬地馬場會員看台1座5樓遴選會員廂房食飯。當時房內有2張枱，她們不認識另一張枱的3人，但由於同房，2枱人都屬於患者的緊密接觸者，要入隔離營。該女子當晚6時半亦曾到沙圈逗留10多分鐘。

#張竹君 #王詩雅 #洪為民 #馬會 #omicron #channelchk

好難想像，用咗過千萬買嘅一間半新樓，懷疑因為電器短路，一個朝早就付諸一炬...😭我哋嘅讀者喺附近直擊過程！
👉 https://youtu.be/VsOpVJ51yOA

【大削檢疫期】適逢在多名洪門宴高官議員入隔離營後，港府宣佈縮減密切接觸者檢疫期，由21天減至14天，以減輕隔離營負擔。

唔舒服就返屋企休息，咪排隊食生冷嘢啦😟
完整字幕版 睇壽司郎姐姐面對潑婦幾高質
👉 https://youtu.be/IpvUhkF2Ro4

【疑追到屯門女疫源】張竹君懷疑，銅鑼灣SOGO兼職售貨員、20歲屯門女的疫源，來自國泰機師。她解釋，女子父親亦疑染疫，2人主要在屯門安定商場東亞大藥房工作，而國泰機師12月27日曾到場購物。

冇嘟碼「殘廁醫」 不滿訪問聚焦洪門宴疫慌醜聞
朱偉星反屈商台教公眾不守法 斥張敬軒騷才播毒

身為家庭醫學專科醫生的朱偉星，日前在化驗所殘廁，為港台普通話台DJ兼妻子楊子矜採樣檢測時，懷疑樣本被身上殘餘的科興滅活疫苗病毒污染，導致假陽性，令灣仔洪門宴逾百人錯送隔離營，包括多名高官、議員和他自己。

由於洪門宴疫慌醜聞再有新進展，商台時事節目《在晴朗的一天出發》今早（10日）直播訪問朱時，亦聚焦談論此事。惟當晚違規沒掃瞄安心出行赴宴的朱偉星，竟突然跳掣發難，反屈商台教公眾不守法，又斥歌手張敬軒的紅館騷才播毒。

【訪問節錄】
🌞晴朗主持 🔵朱偉星

🌞：條例定咗，我哋都要跟㗎啦。
🔵：哦！你哋咁守法㗎？
🌞：吓？你唔係㗎？
🔵：唔係呀、唔係呀。er……er……er……我唔係好知道嗄，商台好似過去2年都係……都係好鼓勵大家唔係……唔係咁守法㗎嘛。
🌞：你想講咩先？你講清楚啲，都幾大指控嚟喎，呀朱先生。
🔵：嗄……er……我自我我我覺得，如果你覺得唔值得講，我哋咪唔好講囉。
🌞：唔係，因為你已經講咗出口，我哋想問清楚係咩意思。
🔵：……er（清喉嚨聲），我係從來冇接受過商台訪問嘅，嗄；我亦都停止咗（清喉嚨聲）聽商台好長時間嘞，嗄。因為商台……就算我有時坐喺的士聽，我覺得你哋散播嘅，全部都係仇恨言論囉。
🌞：例如呢？
🔵：而家你哋做緊嘅……
🌞：請舉例。
🔵：你都係散播緊仇恨言論。
🌞：請舉例。
🔵：嗄……唔係睇事囉。
🌞：請舉例。
🔵：我唔講啦，太多啦。
🌞：如果太多，應該好易舉嘅啫。
🔵：直情係有少少厭煩嘅。咁我覺得，可能……可能……可能我錯咗，應承呢個訪問。
🌞：吓？（忍笑）
🔵：大家可能真係……真係都唔係好……好……好……好啱……好啱大家諗嘢方法，因為我聽到（清喉嚨聲）……我覺得好可惜嘅就係，喺今日，你哋都仲係喺度，搵呢樣嘢，唔係睇一個更加重要一樣嘢。
🌞：吓？全港媒體都係睇緊呢個Party（洪門宴）喎
🌞：你睇吓今日報章；譬如《明報》，192人名單外 生日宴多1人中招。其實新聞都仍然講緊呢件事。
🔵：……係……嗄……咁……咁……哈……好有趣呀吓……咁張敬軒嗰單又唔講？
🌞：張敬軒演唱會個問題喺邊度？
🔵：我唔知喎……嗄……其實我睇到佢有機會（疫情）爆出去（轉話題）

#朱偉星 #商台 #張敬軒 #安心出行 #洪為民 #channelchk

睇完條片，小編想問呢位肥肥家庭醫生：戴套係每個男人嘅責任，可唔可以同對方講「『周圍』太多嘢，遮住咗個曲，嘟唔到，直接入嚟啦」？守法只係基本，自律先係做人嘅應有層次。
👉 https://youtu.be/-z_BT-X0mXQ

【真。停課了～】
教育局上周六（8日）澄清停課謠言，學生面授課堂繼續後，林鄭今日就宣佈全港所有幼兒中心、幼稚園及小學全部須於周五（14日）或之前停面授課，至農曆新年假期後；不過中學現階段就會繼續面授。

林鄭被前高官楊立門揭出席婚宴
解釋稱當時未爆本地Omicron：希望大家要公道

港區人大代表洪為民的「洪門宴」染疫風波爆出後，特首林鄭月娥已表明會對個別出席官員「採取適當行動」。不過，前民政事務局常任秘書長楊立門亦在報章撰文，踢爆林鄭曾出席婚宴，質疑她有否以身作則。

林鄭出席行會前，被傳媒追問她去婚禮「同高官去派對有咩分別」，林鄭回應指，第一宗本地Omicron個案於上月30日發生，而食物及衞生局之後已召開記者會呼籲，減少人多聚會，「影相都唔好除口罩」。除告知公眾同時亦包括官員，尤其有份參與防疫策略的官員。

她承認，曾出席好多聚會，當中99%是官方活動，文章所指的婚宴在11月底或上月初，「唔知嫁女定娶新抱」。而當日只是出席約10分鐘去恭賀主人家，「咁樣係咪好違反嗰個官員要求呢？希望大家要公道，知道大家鍾意周圍摷嘢（講）」，強調關鍵日子是12月30日。

林鄭被問及「洪門宴」調查進度時，形容事件是「the most unfortunate event」，並引述衞生防護中心指曾有214名賓客出席，認為是遠超餐廳容量。食環署會調查餐廳是否符合D類食肆，即包括食客要用「安心出行」及三分之二食客須打針。

至於懲處出席派對官員會否包括落台，林鄭稱有關紀律調查工作，仍未收到調查報告，強調會嚴肅公道處理，但調查並不涉刑事，僅對內部看法及要求有否落差去採取行動。

#channelchk #林鄭 #Omicron #洪門宴 #洪為民 #婚宴 #生日派對

【最新】張竹君於記者會承認講錯「干諾道西115號」，按紀錄應為正確的「155號」，又指上址為「私人地方」。當天同場的另有7、8人須入隔離營。

詩雅去哪兒？ 干諾道西「155號」之謎
高樂花園3座1樓 仲有第三間鋪「WineWorld」

「少女」王詩雅飲酒嘅干諾道西「155號」到底喺邊？唔通呢到有結界？等Channel絲嘗試解答吓大家～

●到底「115號」同「155號」有咩關係？係咪有人故意報錯地址？
衞生防護中心傳染病處主任張竹君喺記者會到話佢之前講錯咗，根據記錄係 「155」號。但政府似乎唔止一次犯過呢個錯誤。根據網上資料同讀者報料，聯交所嘅一份文件入面，亦都曾經將一名上市司非執董嘅地址寫錯，將「干諾道西155號高樂花園」，寫錯做「115號」，耐人尋味呀～

●干諾道西「155號」有咩餐廳？
根據食評網站OpenRice同牌照資料，上址有一間1樓102-106號鋪有間中菜館「星薈館」，前身同樣都係食中菜，大約2021年頭結業，叫「尚品薈」。而同層108號鋪仲有間日本菜，叫「鮨星じん Sushi Zing」，根據《明報》介紹，其實「星薈館」同「鮨星じん Sushi Zing」，都係同一間餐廳，只係畀客人揀想食咩。

有讀者就同我哋報料，話佢曾經跟公司食過一次上址嘅中菜館，形容「間嘢好大、有好多間大VIP房、有Bar枱、有得唱K、有獨立廁所」，又話上址其實係「私人會所」，只招待熟客。

不過當全城聚焦喺呢兩間餐廳之際，張竹君今日就否認確診「少女」王詩雅去過嘅地方係「星薈館」，聲稱因為該址「落咗閘」，所以記者搵唔到唔出奇，但就提到係位於「3號」（Channel絲解讀為佢想講3座）。張仲話佢到訪嘅地點並非表列處所，所以要成幢強檢。Channel絲翻查下就發現，其實155號高樂花園3座1樓仲有一間賣酒嘅鋪頭「WineWorld」，宮網寫呢度係「Shop & Showroom」，營業時間係朝早10:00至夜晚9:00，同「少女」半個鐘後出席「洪門宴」時間吻合。

Channel絲打去「WineWorld」問，當確認地址係咪高樂花園時，職員煞有其事答「咩事」，而問到王詩雅有無去過飲酒，佢就話「我哋唔清楚」。Channel C再查返資料，發現「WineWorld」創辦人係金紫荊女企業家協會主席林淑怡，2017年曾經頒過「世代傳承獎」畀榮源茶行太子女王詩雅，同時活動同場仲有「洪門宴」主角洪為民。

#channelchk #洪門宴 #口罩 #防疫 #疫情 #COVID19 #王詩雅 #飲酒 #少女

被捕屯院骨醫黃學良 涉「衰11」尖嘴嫖雛妓
院方證停職 警帶走淫窟13及15歲女

【Channel C Telegram專享】
警方1月7日在尖沙嘴樓上單位，搗破兒童色情場所，拘捕7人，並帶走2名13歲及15歲女童。傳媒引述消息，指被捕嫖客包括57歲屯門醫院骨科顧問醫生黃學良。屯門醫院向《明報》證實，黃學良已被停職。Channel C翻查資料，黃學良在2016至2018年，擔任香港骨科醫學院理事會成員。

【由於朱克伯格好憎呢類內容，小編唔敢喺Facebook同Instagram出呢個po，惟有喺TG出。】

#兒童色情 #尖沙嘴 #嫖客 #嫖妓 #屯門醫院 #骨科 #醫生 #黃學良 #雛妓 #召妓 #衰11 #channelchk

北角楓林花園第三期封區強檢 中信証券男子初步確診

北角楓林花園第三期晚上7時封區強檢！一名居於上址、在北角國都廣場中信証券工作的48歲男子初步確診，並帶變種病毒，故政府宣佈將地區列為「受限區域」。受檢人士須於明日（12日）凌晨零時前接受檢測。政府預計明早6時30分完成行動。

再揭食環署半百人酒店餐廳聚餐
無視599G除罩合照 食環：會調查跟進


第5波疫情的一場「洪門宴」引發火燒連環船，繼土木工程拓展署逾40人船P後，連特首林鄭亦被翻舊賬，遭傳媒踢爆去年11月底至12月初出席婚宴；而Channel C亦收到讀者報料，指負責執法的食環署亦其身不正，其轄下的物料供應組上月大搞半百人聖誕聚餐，更無視599G及599I除罩合照。

「洪門宴」事件越演越烈，陸續有政府部門被爆出在疫情下，搞大型派對和宴會聚餐，Channel C收到讀者報料，指食環署轄下的物料供應組，在上月17日於灣仔利景酒店餐廳「陳家廚房」，舉行中午聖誕聚餐，當時限聚令仍然生效，其間更齊齊除罩大合照。

據知情人報稱，是次聚餐多達60人出席，是以半自助餐形式進行，按「陳家廚房」座位可容納80人計，當日食環署物料供應組就幾近包場。

根據知情者向Channel C提供的相片中，有指首席物料供應主任及兩位高級物料供應主任亦是座上客，相中大合照人數就至少有40人，只有一人有戴口罩。按政府1月6日公佈最新規例《預防及控制疾病（佩戴口罩）規例》（第599I章）第5A（4）條訂明，在沒有符合第599F章的規定下在餐飲處所內飲食，不視為不佩戴口罩的合理辯解。因此，在餐飲處所內，顧客在非餐桌範圍飲食或於非飲食時而沒有佩戴口罩可因觸犯第599I章第5A（1）條而被定額罰款5,000元。

而作為負責執法的食環署人員，竟然同時無視「599G」，即顧客在餐飲處所內違反同坐一桌的人數上限的規定，該群組聚集屬《預防及控制疾病（禁止羣組聚集）規例》（第599G章）禁止進行的群組聚集，違者可被定額罰款5,000元。

報料人更批評：「食環係執行599G部門之一，自己又違反限聚，罪加一等！」他指，政府一方面嚴厲要求巿民保持社交距離，做好防疫，但「政府人員自己也其身不正，如何令公眾信服」。

屯門寶田邨第3座封區強檢 竹篙灣檢疫中心女保安染疫帶變種毒

一名居於上址的竹篙灣檢疫中心女保安員初步確診，政府宣佈，晚上7時30分起將寶田邨第3座列「受限區域」。受檢人士須於明日（12日）1前接受檢測。政府目標在明日上午約7時完成行動。

城巴司機瞓地稱跌親腰痛 控新巴司機飛站 乘客：佢自己跌低 我做人證

去片👉🏻https://www.youtube.com/watch?v=izM4V6VENt8

有位城巴司機（下稱瞓地男）深夜搭新巴N680，疑因司機飛站嘈起上嚟，新巴司機話瞓地男過咗站先撳鐘，於是照開車。瞓地男就話司機態度差，「你頭先話唔畀我落車嘅，一嘢抽出去，揈到我跌落地。」仲話，「好痛呀依家，我籮柚好痛」但有乘客目擊成件事，話瞓地男係「自己跌低」，指控佢「玩嘢」、「呃工傷」。

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk

報料／廣告接洽：
info@channelchk.com

過籌潑婦罵黃埔壽司郎店長 片揭後續瘀爆
豪言原則問題離場 數分鐘後回頭排隊等位

「陸田園」群組禍延王詩雅胞妹一家三口
元旦日曾訪馬會婚宴

由染疫空姐母親衍生的「陸田園」群組，最終間接令曾出席「洪門宴」的37歲王詩雅「一家五口」都中招。

王詩雅一家首先中招的，是於「陸田園」用膳的王母（#12821），她於12月31日與染疫空姐母同枱用膳被傳染， 期間3歲孫兒曾到場吃三文治。及後王母傳染予王詩雅（#12838），令她出席的「洪門宴」變成風波。3歲孫兒（#12911）於1月9日確診，其父母、即王詩雅36歲的胞妹（#12977）及38歲的妹夫（#12967），近日亦相繼確診。

衞生防護中心公佈，王詩雅的妹妹同樣於榮源茶行工作，1月2日下午3時許與丈夫去過打鼓嶺老徐農莊士多於啤梨園，1月4日、5日、6日的檢測陰性，直至於9日發燒，及後確診。其丈夫為測量師，於灣仔博覽道東Expo Drive East地盤上班，1月2日到灣仔運動場與人踢波，
1月4日檢測陰性，同日早上去過銅鑼灣759購物。他於1月5日早上與妻入隔離營，二人當時同樣檢測陰性，於1月9日發燒。根據資料，他們一家居於銅鑼灣縉景台一座。

至於近日馬會指1.1日有3名患者曾到過「百萬廂房」，廂房要關閉及消毒。有報道指，3人正是王詩雅胞妹一家三口，當日傍晚曾出席一婚禮及婚宴。

#channelchk #王詩雅 #陸田園 #馬會

直擊觀塘碼頭「海景劏房」 無家者 ：想瞓得有尊嚴

喺香港，唔少人為一間屋掙扎求存。觀塘碼頭一班無家者就算有一個「棲身之所」，但每季都要面對食環清場洗地。

去片：https://www.youtube.com/watch?v=ybZC9G4ser8

「洪門宴」越爆越多～一齊睇嘮動新聞了解今日疫情同睇吓干諾道西「155號」咩料啦！
去片👉https://www.youtube.com/watch?v=n_BvOge-Xl8
#channelchk #打針 #口罩 #防疫 #疫情 #COVID19 #屯門
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742