亞視阿儀獲邀賀社團頭目大壽
推蛋糕木無表情 聞「錫啖先」即耍手拒絕

近期爆紅的「亞視一姐」薛影儀（阿儀）周二（28日）凌晨突現身社團頭目壽宴，網傳片段可見阿儀推蛋糕進場時，眾人拍手起哄，更有人高叫：「錫啖先！」一直木無表情的阿儀即耍手疑是拒絕。亞視發言人則稱阿儀並無參加有關活動，只是路過餐廳獲邀拍攝。據傳媒報道，警方反黑組其後突擊掃場，18人涉違限聚令被票控，而當時阿儀已離場。

有社團頭目周二（28日）凌晨在元朗西菁街10號一食肆包房設壽宴，邀請十多名好友出席，包括香港拳王「風之子」杜恒霖和女友。網上瘋傳的影片所見，當阿儀推蛋糕進場時，眾人起身拍手歡呼，並舉手機拍攝。有人大叫﹕「嘩，阿儀呀，X哥錫啖先！」，部份人則附和高叫「錫佢！錫佢！」一名相信是壽宴主角的男子則笑得合不攏嘴，並高舉拇指。

其間阿儀一直木無表情，沒有大反應，直至有人笑問主角女伴﹕「阿嫂你介唔介意呀？」又提議他與阿儀合照時，阿儀則不時望向左右兩邊，迴避視線，甚至耍手疑是拒絕。

片中亦可見亞視發言人黃守東當時在門外，Channel絲曾向黃守東查詢為何安排阿儀到疑似黑幫飯聚，是否同意如網民所講，亞視消費阿儀至過火狀態等問題，但黃都沒有回答，只表示就上述活動，旗下藝人薛影儀僅為路過餐廳門外，獲支持者邀請拍攝合照，並未參與有關的活動。

#channelchk #阿儀 #亞視阿儀 #黑幫 #社團 #限聚令 #犯聚 #反黑 #杜恒霖 #拳王

KO曾志偉！造星4決賽收視創ViuTV真人騷新高 追貼翡翠台
TVB《拳王》大結局僅12.5點 淪史上最差收視台慶劇

唔知大家啱啱個聖誕節夜晚睇邊台呢？當晚全城矚目嘅ViuTV《全民造星IV》總決賽，終於打破到歷屆《造星》決賽嘅最高收視，平均高收7.7點，仲創下ViuTV真人騷節目嘅收視新高。

之前TVB嘅總經理（節目內容營運）「153」曾志偉就話過ViuTV嘅題材比較偏門，只可以同82台J2比，不過81台翡翠台喺聖誕節當晚都準備三連擊，《男神廚房開業喇! 》收13.2點；壓軸台慶劇《拳王》大結局就只得12.5點，去到《全民造星IV》公佈賽果一刻，81台嘅《傑出小童星嘉許典禮》只係得7.9點收視，贏得嗰0.2點。

TVB台慶劇《拳王》唔單止大結局仆直，其實佢全劇直播收視亦只係得15.9點，成為TVB史上收視最差嘅台慶劇。睇嚟首席創意官要再諗多啲計仔，不過真心講，少咗人睇TVB係唔係淨係關節目質素事呢？

#channelchk #tvb #viutv #收視 #全民造星 #拳王