屯公兩女坐開篷寶馬疑解安全帶起身
舉雙手吹風轉身揮手

呢到睇片👉https://youtu.be/SVZKcELmZtI

坐住開篷車吹風好似好型，但千祈唔好學片中呢兩位女乘客呀！話說最近網上流傳影片及多張照片，見到一架寶馬開篷家車沿屯門公路往屯門方向行駛，其間坐喺前座副駕位及後座嘅2名女子唔單止無扣好安全帶，甚至企起身，半身伸出車外，前座女乘客更用手機拍攝，又舉起雙手吹風，仲向後面行駛嘅車輛司機揮手，似乎好enjoy，但其實極之危險！

根據香港法例第374F章《道路交通（安全裝備）規例》，沒有佩戴安全帶，或阻礙司機駕駛或影響其他道路使用者，可被處罰款5,000元及監禁3個月。而涉事寶馬司機沒勸籲或要求乘客佩戴安全帶，亦可被罰款。

#channelchk #開篷車 #寶馬 #屯門公路 #安全帶 #道路交通條例 #吹風

《造星IV》最後分組賽
Day甩嘴原因被批「係藉口」Lokman組大獲好評拉開比數

《全民造星IV》嘅最後一場分組賽越睇越刺激，噚晚就有由阿Dee帶領嘅「Dee哥組」，成員有Ariel、Kinki、Day、So Ching同埋馬欣；另外就有由MIRROR隊長Lokman帶領嘅「Lokman組」，成員就有VAL、Win Win、超酸、Ada仔同埋榛藄。

首先出場嘅「Dee組」表演項目《黑天鵝》一開頭已經出現失誤，和音部份長期處於走音邊緣，大熱嘅Day去到rap部份仲甩嘴，阿Dee喺後台睇嘅時候都非常失望，掩晒頭咁。阿Day就話「份詞都係兩日前先確認，因為係我自己寫，臨時多咗手部動作，而且件衫又唔係好舒服」，所以出現失誤，不過許廷鏗就唔滿意個解釋，話「講嘅理由唔係一個理由，係藉口，因為份詞大部份都係你寫」。不過阿祖都有話見到大家有新嘅突破，花姐就話見到Kinki有嘗試畀多啲女人味出嚟，而之前係從來未見過嘅，最後呢組嘅分數係236.6分。

由隊長帶領嘅「Lokman組」就表演原創歌曲《正傳》，歌詞就講到即使面對網民或者其他人嘅批評同埋閒言閒語，都要繼續做自己，主持強尼就希望佢哋唔好淨係呢一刻先記住個表演嘅訊息。許廷鏗一開口就話「終於似返《全民造星IV》嘅節目喇」，仲同阿VAL講「呢個表演係話俾我哋聽你係可以嘅」，仲覺得「女團係應該要有你把聲喺度存在嘅」，不過花姐就話佢跳舞仲有啲「Kam」（尷尬）。花姐大讚呢組畀足表情之餘，又唔會覺得佢哋係造作，而係「做緊自己」，Alfred再話呢組個個都做自己，但係又會「突然間變成一體，呢樣嘢好利害」。最後「Lokman組」以316.2分成為暫時最高分一隊。

換言之，依家四組入面最低分嘅「Dee組」，跟據賽制最少都要foul兩位成員，而最後係foul兩個定三個，就要睇埋今晚「Jer組」嘅表現喇。

#channelchk #全民造星IV #VAL #Day #viutv

傳李嘉欣任《造星IV》決賽評判：想為行業發掘更多年輕新血

《全民造星IV》進入最後直路，過埋今晚就會知道邊20個參賽者可以踏上決賽舞台！年年嘅決賽都會邀請重量級嘅評判，今年聽聞將會有現年51歲、人稱大美人嘅李嘉欣做評判！

收返嚟嘅風就話李嘉欣應承做評判最大嘅原因，就係非常欣賞ViuTV的創意，同時又為呢個行業發掘更多年輕新血。作為鏡粉嘅佢，都好欣賞MIRROR為香港樂壇嘅付出。

Channel絲真係恭喜定20強嘅參賽者呀，能夠有一個咁有分量嘅評判，就算最後結果係點，都一定拎到好多嘢走！

#channelchk #全民造星IV #李嘉欣 #viutv

叱吒「我最喜愛的歌曲」MIRROR團歌落榜
903小編疑用錯帳分享：𠝹死咗成隊 專頁急澄清貼文屬失實內容

香港人不嬲都對投票有一種執著，而近期嘅焦點都放咗喺叱吒度。而「叱咤樂壇我最喜愛的歌曲」一獎，可以話係鏡粉VS非鏡粉之爭！

不過今日就發生咗個小插曲，大約12點嘅時候，叱吒Facebook就照樣公佈投票走勢速報。原本MIRROR十二子有兩首團歌同埋六首個人作品進入最後15強，不過經過3日投票，依家7強就淨返全部個人單曲。有見呢個場面，903嘅小編就懷疑用錯帳戶分享個post，仲話「配票失敗，𠝹死咗成隊🤣」。不過呢個分享post就光速被delete！

事後 my903.com商業電台 再出post，嚴正聲明話「就網上流傳關於由本台發布之貼文，實屬失實內容」，仲話已經同「Facebook官方團隊處理所有失實發布」，會繼續密切留意。

網民就喺下面留言，諷刺商台「_咗咪大大方方認囉，唔好學正苦啲衰野得唔得」，又同商台玩邏輯遊戲，話「如果呢個po係事實，咁你del咗嘅po都係事實；除非呢個po係失實，我就信之前個po都失實喇」，而當中都不乏花生友，「鏡粉好惡你都敢得罪真係祝你好運啦」咁話。

#channelchk #叱咤2021 #我最喜愛的歌曲 #mirror #鏡粉

美國熱門討論區Reddit入紙申請上市
「wallstreetbets」曾炒熱多隻細價股

今次仲唔係退休機會？！曾經炒熱多隻「meme」股的美國著名網上討論區「Reddit」表示，已秘密向美國證券及交易委員會（SEC）入紙申請上市。Reddit目前尚未確定首次公開招股（IPO）的股票數量及發行價格，要待當局完成審查程序之後，才會根據市場以及其他因素進行確定。而路透社於九月曾引述消息人士透露，Reddit整體估值可能超過150億美元。

Reddit討論區版塊「wallstreetbets」於今年曾炒熱多隻細價股，包括AMC、GME等，其中GME至今累積已升近1000%。

據資料顯示，截至去年10月，Reddit擁有約5,200萬名每日活躍用戶，主要投資者有富達投資、美國風投公司Andreessen Horowitz、紅杉資本及騰訊。
#channelchk #美股 #wallstreetbets #Reddit #GME #AMC

AP同汶汶去靈探無啦啦變咗打波，會唔會打打吓波多咗個人㗎⋯⋯？
睇吓有無見到第三個人👉https://www.youtube.com/watch?v=KCbI8JWlSmQ
#channelchk #汶汶 #AP #AP人生 #籃球 #NBA #靈探
＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
＝＝＝＝＝＝＝＝＝＝=＝＝＝＝

前消防員無畏世貿中心三級火
揹長者上天台 打動網民吸過萬LIKE

銅鑼灣世貿中心昨午發生三級火，一度有數百人被困天台，幸最終未有造成重大傷亡。在患難之中，總是容易見到真情。網媒《眾新聞》當時於現場訪問一名市民，他透露自已一名曾任消防員的同事將一位長者揹上天台，更由二十多樓行到三十幾樓，英勇無畏得連在場的記者聽到後都不禁「嘩嘩」聲。

FB專頁「Pazu薯伯伯」亦有轉載相關訪問內容，他認為昨日疏散秩序良好，除了顯示香港人「算係冷靜」，可能也反映了大家對消防隊伍的信心。他又說，現職或曾經的消防員用心為任何人，任何人就會自然信任及感激他們，亦會於民調中取得最高分。

不少網民均被這件「好人好事」打動，留言隔空向該位前消防員致謝，認為「做得消防都有使命感，有危難會挺身而出」。

#channelchk #銅鑼灣 #世貿中心 #火警 #消防員

「女飛魚」何詩蓓世錦賽200米自奪冠
打破世界紀錄 成香港第一人

香港運動員世一！於東京奧運奪得兩面銀牌的何詩蓓，在世界短池游泳錦標賽200米自由泳中奪得金牌，游出1分50秒31，打破世界紀錄。這枚獎牌是何詩蓓於世錦賽的首枚金牌，亦是香港史上的第一枚。賽後她難掩興奮，稱「想不到有甚麼詞語可以形容現在有幾開心」，而她於周五（17日）和周日（19日）會再有參賽項目，大家記得支持！

#channelchk #何詩蓓 #世錦賽 #自由泳 #金牌

已打2針復必泰貨機師美返港 疑染Omicron變種
曾免隔離入社區 油麻地祥興大廈圍封強檢零確診

#COVID19 #貨機 #Omicron #變種病毒 #強檢 #強檢 #圍封 #封區 #機師 #US #美國 #油麻地 #祥興大廈 #碧街 #彌敦道 #復必泰 #vaccine #BioNTech #channelchk #豁免檢疫 #檢疫 #quarantine #隔離

葵興光輝圍4小店被罰停晚市14日
中招餐廳錯過聖誕檔期：抱歉讓大家失望

據葵青社區報《葵衷區報》報道，葵興光輝圍今日（16日）有四間食肆因為顧客未有使用安心出行而被罰停止晚市堂食14日，日間亦只能維持二人一枱。處罰期限為12月31日，意味這些食肆將會錯過整個聖誕假黃金檔期，要到除夕方可重開晚市。

四間被處罰的食肆包括「龍川上海料理」、「嘉寶漢堡」、「We Time Cafe」、「DK Pizza Cafe（趣意廚）」。龍川上海料理於Facebook專頁向已預約晚市的顧客致歉，又稱「個個員工都好盡責，但有心人裝冇心人」，有不少街坊都特意留言，表示會買外賣支持。而We Time Cafe則慨嘆：「一心只想聖誕假期可以開開心心坐低食個晚餐，抱歉讓大家失望了…」，提醒顧客要記得掃「安心出行」。

#channelchk #葵興 #光輝圍 #小店 #龍川上海料理 #安心出行 #嘉寶漢堡 #WeTimeCafe #DKPizzaCafe

「噚晚Kelly鬧得我好啱」其實好小事（小編心虛中），但走去鬧Kelly「失實」，就變大事！網絡第一法則「7咗就要認」，真係冇得話唔啱㗎～😢今次唔止Kelly，其他人又鬧得佢啱唔啱？

去片👉 https://youtu.be/lKSaURRKomU

叱咤903小編唔記得轉Facebook account？
留言笑MIRROR fans配票失敗 商台嚴正聲明反駁

#嘮動新聞 #MIRROR #channelchk #配票 #商台 #小編 #叱咤 #噚晚Kelly鬧得我好啱 #hacker #黑客

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

涉用假委任證多次冒警偷錢 一男子被捕
警籲市民：遇有人自稱警務人員須份外小心

再有人冒警犯案！警方上周六（11日）接獲一名56歲本地女子報案，指一名男子當日早上到其位於灣仔皇后大道東75號的住宅單位後自稱警務人員，並出示一張「警察委任證」，要求進入單位檢查。報案人事後發現單位內有6,000元現金被盜。

灣仔警區重案組經調查後，鎖定一名目標男子，並於本周二（14 日）凌晨在北角英皇道一單位拘捕一名40歲姓李本地男子，涉嫌冒充警務人員及盜竊。警方同時在單位檢獲案發時懷疑穿着的衣物及一張假冒警察委任證，懷疑涉及多宗同類案件。

被捕男子已被暫控一項冒充公職人員罪及一項盜竊罪，案件已於昨日（16日）在東區裁判法院提堂。

警方再次呼籲，市民如遇到有人自稱警務人員時須份外小心；如有懷疑，應要求對方出示委任證及與警方聯絡以確定其身份。

#channelchk #委任證 #冒警 #冒充公職人員罪 #盜竊

觀塘一名28歲女子在秀茂坪道與協和街交界疑衝燈跑出馬路時，被一輛的士撞飛。女傷者昏迷重傷，由救護車送往伊利沙伯醫院搶救後已蘇醒。司機亦報稱受傷送院。

車CAM直擊意外經過👉 https://bit.ly/3q75Cue

#channelchk #觀塘 #交通意外 #衝紅燈 #的士

叱咤我最喜愛歌曲最後五強 MIRROR三子入圍

叱咤公佈「我最喜愛的歌曲」五強入圍名單。疑被903小編指「配票失敗，𠝹死咗成隊🤣」嘅MIRROR，最後得返姜濤《Dear My Friend,》、Edan《E先生 連環不幸事件》同Anson Lo嘅《Megahit》入圍，陳卓賢Ian《DWBF》就無緣入五強；其餘入圍仲有張敬軒《俏郎君》及MC張天賦《記憶棉》。

#channelchk #叱咤 #我最喜愛的歌曲 #MIRROR #姜濤 #DearMyFriend #Edan #E先生連環不幸事件 #AnsonLo #Megahit #張敬軒 #俏郎君 #MC張天賦 #記憶棉

外傭要少主跪地叩頭道歉片瘋傳 事件變羅生門
網民引男童媽媽澄清：跌低唔願起身

網上同WhatsApp媽媽群組噚日（16日）流傳影片及截圖指有外傭當街要小朋友跪地叩頭道歉，仲話工人姐姐指摘「he is naughty」，引嚟大批網民鬧爆，但今日就有自稱認識小朋友媽媽嘅人士稱，事件真相其實係小朋友跌低唔願起身，「媽媽好清楚姐姐沒有虐待小朋友，不是叩頭認錯」。

流傳嘅影片片長7秒，見到一名小朋友跪喺地上，雙手掂地面後，隨即拍拍手掃走上面啲塵。佢望一望企喺旁邊嘅外傭後，未有企起身。據影片嘅描述就指事發係噚日近5時，地點位於廣播道港台電視大廈對出行人路，「一開頭以為小朋友唔小心跌親，但直至行近附近（2-3分鐘），個小朋友依然跪在地上，小朋友一直作叩頭動作及聽到他口裏說sorry sorry」。

呢位途人話佢上前了解過，但小朋友唔識答，所以問咗工人姐姐咩事，對方就詬「because he is naughty」 ，所以要小朋友下跪叩頭認錯，「希望呢位小朋友嘅家長可以見到，保護好自己的小朋友」。

不過到今日，有自稱認識當事人媽媽人士強調，事件「不是如網傳咁樣」，媽媽已知道事件，而真相係小朋友跑時跌低唔願起身，「媽媽好清楚姐姐沒有虐待小朋友，不是叩頭認錯」。

#channelchk #下跪 #跪地 #虐待 #道歉 #外傭 #廣播道

疑被觀塘新日本餐廳抄LOGO
大戶屋：保留追究權利

最近有網民發現，觀塘一間新開冇耐嘅樓上餐廳「山戶屋」嘅Logo同一間日本過江龍「大戶屋」 嘅Logo冇十成都有八成似。先唔講兩間餐廳個名本身都似，logo由底色嘅深藍色，甚至連大字下面嘅兩條白線都一樣，「山寨」版只係中間多咗一個圓圈圖形。

網民再搵到呢間新餐廳嘅餐牌，發現佢入面都有疑似抄襲返嚟嘅圖案，同樣嘅圖案都出現咗喺呢間新餐廳門口一個木牌上。開post嘅網民就覺得係「偷人哋logo扮歷史悠久」，又話「不過與其話山寨，不如話係直接偷來用」。其他人就留言話「都真係擺明抄喎」，仲發現呢間餐廳嘅食評全部都係第一次寫食評嘅帳戶，懷疑係打手。

Channel絲分別向兩間店鋪查詢，「大戶屋」就話對上述事件亦都有所聽聞，澄清喺香港只有太古、銅鑼灣、中環、荔枝角及荃灣5間分店，同呢間餐廳絕無關聯，會保留一切追究權利。而打電話去「山戶屋」問嘅時候，就只獲職員告知一句「未知幾時有人答到你」，唔知大家又點睇呢？Channel絲淨係知，「大戶屋」成日要等好耐位，燒五花腩同黑醋雞好好食呀！！！！！

#channelchk #觀塘 #日本餐廳 #抄襲 #過江龍 #大戶屋

《造星IV》「Jer組」表演被批「流於表面」排包尾
網民心痛阿Jer喊 不滿阿蛋被淘汰

《全民造星IV》20強名單終於喺噚晚嗰集揭盅，但令Channel絲最深刻嘅唔係邊個留低邊個走，而係阿Jer嘅眼淚呀！

由柳應廷（Jer）帶領嘅「Jer組」成員有Alice、Gao、阿蛋、方方同子涓。身為MIRROR唱歌擔當嘅Jer，無為呢組編排一般跳唱表演，而係揀咗首有返咁上下難度嘅歌——陳蕾嘅《沙門》。雖然首歌難唱，但排練嘅時候組員都有讚Jer畀咗好大嘅信心佢哋，亦都好用心教佢哋歌唱技巧。然而，或者係首歌意念太深奧，即使開咗研討大會，比賽當日嘅表現亦都唔太得評判歡心。

Jer同組員為表演準備咗唔少道具，但最後就被批評個表演太多嘢、想表達嘅嘢太多，變得「流於表面」。祖堯同花姐更加輪流發炮，話呢組野心太大、演得過火，Enjoy唔落。而Alfred就讚阿蛋裝扮同唱功都有突破，成功證明到自己。

雖然評語彈多過讚，但當全場都以為呢組唔會太低分嘅時候，呢組嘅總分竟然只得213.2分，連肥仔、阿Dee、Lokman、AK都忍唔住O晒咀。評判同導師一齊商議淘汰人選嘅時候，Jer更加一路喊一路忍唔住同花姐講「覺得唔公平」，但花姐就撻返Jer轉頭，話「比賽從來都唔公平」，仲重提Jer喺《造星I》第1回合就被淘汰嘅事。

最尾節目宣佈要淘汰Kinki、方方、子涓、阿蛋同馬欣。20強塵埃落定，有唔少網民都好驚訝唱功穩定嘅Kinki同Keep住進步嘅阿蛋會被淘汰，仲為Jer呢組抱不平，認為無論如何都唔會係包尾。可憐嘅Jer⋯⋯等我幫你抹走啲眼淚。

過咗淘汰環節之後，節目播出20強成員嘅入圍感想，方便觀眾睇完再去投票。而潮流興未選先告急，旁白師呼籲大家集中票源，票投世一嘅1號Ivy So！！！！

#channelchk #全民造星IV #Jer #IvySo

靚聲Emiko獲許廷鏗鼓勵翻唱《忘川 X 蜚蜚》
樂迷感動：有聽陳僖儀嘅感覺

早前參與《全民造星IV》、出名靚聲嘅Emiko（徐嘉蔚）再喺YouTube post咗新Cover《忘川 X 蜚蜚》，將已故歌手陳僖儀（Sita）嘅作品《忘川》同《蜚蜚》整成一首歌畀大家聽。

唔少樂迷都大讚驚喜，而且感動，覺得Emiko歌聲似當年聽Sita唱歌嘅感覺，「感謝Emiko嘅演繹，感謝天上嘅Sita曾經為樂迷帶嚟如此優美嘅樂章」、「陳僖儀嘅歌聲喺香港樂壇，雖然只有短暫嘅剎那，但卻係永遠都無法忘記。」

Emiko話一直好喜歡聽Sita嘅歌，今次呢個新Cover嘅誕生原來同《造星IV》A組導師許廷鏗有關。Emiko話Alfred之前ig dm同佢講「你好似幾啱唱《蜚蜚》」，佢有問點解，但Alfred只係話「試下就知道」。Emiko嘅歌聲結果感動咗唔少網民，特別係喜歡Sita嘅朋友，勾起大家對佢嘅回憶，Channel絲聽完都覺得耳朵懷孕呀～！

#channelchk #Emiko #徐嘉蔚 #忘川 #蜚蜚 #陳僖儀 #Sita #許廷鏗

Ivy So率先試食三哥回鍋肉蝦仁炆米
廣告相夾住「蘇蝦」夠晒Sweet

三哥又出新嘢啦！未等旁白師去試，佢最愛嘅Ivy So已經率先試食咗啦😍😍

Ivy唔止大讚三哥呢碗全新嘅香辣回鍋肉蝦仁炆米線夠晒香濃惹味，仲食埋期間限定嘅小食麻辣醬銀耳鹿茸菇，最後仲飲埋杯酸酸甜甜嘅露絲瑪莉蘋果梳打添😋Ivy呢兩張廣告相夠晒上鏡之餘，仲特別夾住隻蝦㗎～果然去到邊都掛住佢班Fans「蘇蝦」呀！🥰

#channelchk #ivyso #蘇雅琳 #三哥 #譚仔三哥 #香辣回鍋肉蝦仁炆米線

成日周圍靈探嘅AP出名夠大膽，但今次佢同汶汶講講吓鬼故嗰陣，竟然無啦啦嚇到彈起身，到底發生咩事？！
去片👉 https://www.youtube.com/watch?v=DlTLutXHiUQ

#channelchk #汶汶 #AP #AP人生 #靈探 #鬼故 #靈異
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742