梅艷芳58歲冥壽
偉仔貼27年前生日合照
盧巧音出絕密照 與阿詩難分難解
10月10日，一個值得紀念的日子。百變天后梅艷芳今日58歲冥壽。一如她離開的這18年，一眾老朋友、徒弟和歌迷仍然覺得痛，仍然懷念。好友 Tony Leung Chiu Wai梁朝偉在社交網貼出一張與阿梅、劉嘉玲的合照，擺出「左擁右抱」pose。相中未有註明拍攝時間，有梅迷猜測是攝於1994年：「梅姐身上黑色長褸，正是94歌迷聚會才穿那件。」估計是指94年歌迷為阿梅舉行的31歲生日派對時留念。
有關這個組合，上世紀90年代，還有一則小趣事。1991年，艷情片《玉蒲團》上映，演員有吳啟華、葉子楣、徐錦江等。套戲一上畫，阿梅就話要睇，仲拉埋偉仔嘉玲一齊去。但最初偉仔係唔肯，因為覺得自己係公眾人物，入場睇呢啲戲，似乎唔係幾好；但老友好想睇，於是佢都唔say no，硬著頭皮入場。
結果？偉仔應該係面紅到耳背，再由耳背紅番上塊面，尷尬到不行。阿梅就一邊睇（戲）一邊大笑。當年偉仔受訪時仲話，如果要佢拍三級片，一定唔拍。
除了偉仔，阿梅多年戰友劉培基、好友袁詠儀、被網民認為是扮得最似阿梅嘅江欣燕、徒弟HOCC何韻詩、 蔡一傑，還有盧巧音等，紛紛貼圖留言懷念。阿詩貼了一張99年與梅姐在拉斯維加斯登台慶功照，留言：「生日快樂～幾時先可以再喺你後面整蠱整怪。 #missyoualways #1010 #我阿姐 #名乎其實 #名不虛傳。」蔡一傑則貼了與梅姐舞台上演出合照，寫道：「每次看見這張相片心裏總是暖暖的。生日快樂。」
江欣燕貼出的相，也是台上合照，今次欣欣做番自己，一頭直長髮，背景應是一個生日聚會。欣欣說：「你在很短的時間做了我們十世人的事情。祝永遠的偶像梅姐，生日快樂。」
至於盧巧音貼出的絕密照，除了阿梅，還有當年仍有babyfat的何韻詩。何韻詩與盧巧音，曾經有段時間，網民說傻傻分不清。相中三人向鏡頭露齒笑，這張絕密照如果在當年曝光，大家可能會說：Who is who？
#梅艷芳 #10月10日 #劉培基 #梁朝偉 #何韻詩 #江欣燕 #盧巧音 #蔡一傑 #生日 #channelchk
偉仔貼27年前生日合照
盧巧音出絕密照 與阿詩難分難解
10月10日，一個值得紀念的日子。百變天后梅艷芳今日58歲冥壽。一如她離開的這18年，一眾老朋友、徒弟和歌迷仍然覺得痛，仍然懷念。好友 Tony Leung Chiu Wai梁朝偉在社交網貼出一張與阿梅、劉嘉玲的合照，擺出「左擁右抱」pose。相中未有註明拍攝時間，有梅迷猜測是攝於1994年：「梅姐身上黑色長褸，正是94歌迷聚會才穿那件。」估計是指94年歌迷為阿梅舉行的31歲生日派對時留念。
有關這個組合，上世紀90年代，還有一則小趣事。1991年，艷情片《玉蒲團》上映，演員有吳啟華、葉子楣、徐錦江等。套戲一上畫，阿梅就話要睇，仲拉埋偉仔嘉玲一齊去。但最初偉仔係唔肯，因為覺得自己係公眾人物，入場睇呢啲戲，似乎唔係幾好；但老友好想睇，於是佢都唔say no，硬著頭皮入場。
結果？偉仔應該係面紅到耳背，再由耳背紅番上塊面，尷尬到不行。阿梅就一邊睇（戲）一邊大笑。當年偉仔受訪時仲話，如果要佢拍三級片，一定唔拍。
除了偉仔，阿梅多年戰友劉培基、好友袁詠儀、被網民認為是扮得最似阿梅嘅江欣燕、徒弟HOCC何韻詩、 蔡一傑，還有盧巧音等，紛紛貼圖留言懷念。阿詩貼了一張99年與梅姐在拉斯維加斯登台慶功照，留言：「生日快樂～幾時先可以再喺你後面整蠱整怪。 #missyoualways #1010 #我阿姐 #名乎其實 #名不虛傳。」蔡一傑則貼了與梅姐舞台上演出合照，寫道：「每次看見這張相片心裏總是暖暖的。生日快樂。」
江欣燕貼出的相，也是台上合照，今次欣欣做番自己，一頭直長髮，背景應是一個生日聚會。欣欣說：「你在很短的時間做了我們十世人的事情。祝永遠的偶像梅姐，生日快樂。」
至於盧巧音貼出的絕密照，除了阿梅，還有當年仍有babyfat的何韻詩。何韻詩與盧巧音，曾經有段時間，網民說傻傻分不清。相中三人向鏡頭露齒笑，這張絕密照如果在當年曝光，大家可能會說：Who is who？
#梅艷芳 #10月10日 #劉培基 #梁朝偉 #何韻詩 #江欣燕 #盧巧音 #蔡一傑 #生日 #channelchk
梅艷芳88年音樂特輯 重現利舞臺身影
從小想做律師 15歲幾乎嫁人
梁樂民執導傳記式電影《梅艷芳》，王丹妮重演梅姐精采一生，熟悉的故事情節，令人唏噓。戲中大量CG後製，重現80年代黃金時代的香港，包括已拆卸的利舞臺、面目全非的彌敦道及尖東海傍，更令人動容。冰冷的電腦器材，喚回80年代的溫度。
電影下月12日公映，有關影片後製的特輯可按此欣賞： https://bit.ly/3nf81So 。梅姐最錫的歌迷最近在其fb專頁分享了一條88年梅姐的音樂特輯《梅艷芳之夢裡風情》節錄部份（ https://bit.ly/2Zlgv2o ），片長逾6分鐘，由荔園、利舞臺、清水灣電視城，梅姐穿梭其間，細聲傾訴。惟33年後已人面全非。
荔園是七、八十後小朋友的樂園，但對童年的梅姐而言，唯一陪著她一起成長的是遊樂場裡的歌廳：「我四五歲就出嚟唱歌，好多嘢都未曾試過。」
梅姐又自爆小時有個花名，叫做「鐵嘴雞」，因為乜都要拗。家姐梅愛芳也服了她：「佢細個幫我哋班兄弟姊妹，成日同媽咪拗頸。」「鐵嘴雞」的少女心事，其實想做律師。
除了做律師，梅姐很早已夢想有自己的家庭。十五、六歲那年，她認識了一個很喜歡的男孩子，「感情好到談婚論嫁，嗰陣真係有衝動結婚。如果我當年選擇咗結婚，咁而家你見到嘅應該唔係梅艷芳，可能係一個湊仔婆。」
短片最後一幕於利舞臺取景，也是梅姐18歲參加第一屆新秀摘冠的地方。電影《梅艷芳》用CG搭出利舞臺附近整條街道，惟該區可供參考的俯瞰影像不多，只能用幻想和創作填補空白；惟在這音樂特輯中，88年的梅姐，和當年還未拆卸的利舞臺，活生生就在眼前。
利舞臺1927年開幕，91年8月18日正式謝幕，臨別前無綫舉行了一場告別騷，梅姐在台下時，凝神打量四周，盡力記住眼前一切：「我係第一次喺咁多人面前參加比賽，第一次攞到咁多掌聲歡呼聲，呢個舞台對我好緊要。我面試嘅時候都係喺利舞臺，好多好多回憶。
「我每次返唱片公司，就會入嚟睇免費戲。出面有幾個阿伯對我好好、好錫我，所以我嚟到呢度，就似返到屋企咁樣。我好想保留呢個地方，我諗每一個香港人，你哋都希望可以再嚟睇戲，或者欣賞呢個地方，不過冇辦法，一定要拆，因為撻地太值錢。
「所以我希望搵一個地方，可以將個舞台保留番，得唔得呢？」梅姐問。
#梅艷芳 #梅姐 #利舞台 #利舞臺 #夢裡風情 #王丹妮 #梁樂民 #荔園 #channelchk
從小想做律師 15歲幾乎嫁人
梁樂民執導傳記式電影《梅艷芳》，王丹妮重演梅姐精采一生，熟悉的故事情節，令人唏噓。戲中大量CG後製，重現80年代黃金時代的香港，包括已拆卸的利舞臺、面目全非的彌敦道及尖東海傍，更令人動容。冰冷的電腦器材，喚回80年代的溫度。
電影下月12日公映，有關影片後製的特輯可按此欣賞： https://bit.ly/3nf81So 。梅姐最錫的歌迷最近在其fb專頁分享了一條88年梅姐的音樂特輯《梅艷芳之夢裡風情》節錄部份（ https://bit.ly/2Zlgv2o ），片長逾6分鐘，由荔園、利舞臺、清水灣電視城，梅姐穿梭其間，細聲傾訴。惟33年後已人面全非。
荔園是七、八十後小朋友的樂園，但對童年的梅姐而言，唯一陪著她一起成長的是遊樂場裡的歌廳：「我四五歲就出嚟唱歌，好多嘢都未曾試過。」
梅姐又自爆小時有個花名，叫做「鐵嘴雞」，因為乜都要拗。家姐梅愛芳也服了她：「佢細個幫我哋班兄弟姊妹，成日同媽咪拗頸。」「鐵嘴雞」的少女心事，其實想做律師。
除了做律師，梅姐很早已夢想有自己的家庭。十五、六歲那年，她認識了一個很喜歡的男孩子，「感情好到談婚論嫁，嗰陣真係有衝動結婚。如果我當年選擇咗結婚，咁而家你見到嘅應該唔係梅艷芳，可能係一個湊仔婆。」
短片最後一幕於利舞臺取景，也是梅姐18歲參加第一屆新秀摘冠的地方。電影《梅艷芳》用CG搭出利舞臺附近整條街道，惟該區可供參考的俯瞰影像不多，只能用幻想和創作填補空白；惟在這音樂特輯中，88年的梅姐，和當年還未拆卸的利舞臺，活生生就在眼前。
利舞臺1927年開幕，91年8月18日正式謝幕，臨別前無綫舉行了一場告別騷，梅姐在台下時，凝神打量四周，盡力記住眼前一切：「我係第一次喺咁多人面前參加比賽，第一次攞到咁多掌聲歡呼聲，呢個舞台對我好緊要。我面試嘅時候都係喺利舞臺，好多好多回憶。
「我每次返唱片公司，就會入嚟睇免費戲。出面有幾個阿伯對我好好、好錫我，所以我嚟到呢度，就似返到屋企咁樣。我好想保留呢個地方，我諗每一個香港人，你哋都希望可以再嚟睇戲，或者欣賞呢個地方，不過冇辦法，一定要拆，因為撻地太值錢。
「所以我希望搵一個地方，可以將個舞台保留番，得唔得呢？」梅姐問。
#梅艷芳 #梅姐 #利舞台 #利舞臺 #夢裡風情 #王丹妮 #梁樂民 #荔園 #channelchk
梅姐姨甥相隔廿年終現身
睇《梅艷芳》感觸落淚：媽咪，姨姨，我永遠以你們為榮
電影《梅艷芳》講述梅姐傳奇一生，但現實的她，相較戲中着墨的地方，為人是更加重情重義。在胞姊梅愛芳於2000年病逝後，梅姐打算按約定好好照料一對分別7歲及5歲的姨甥，但隨著他們跟隨姊夫潘立德搬離香港後，雙方失去聯絡。如今相隔逾廿載，有報道稱梅姐姨甥潘文皓終於現身，更在網上發文指至少入場看了兩次《梅艷芳》。除了流了無數次淚，文皓更想告訴母親和姨姨：「我永遠以你們為榮。」
身處加拿大的他，於電影裏盡見母親與姨姨的姊妹情深，文皓在文中向二人盡訴多年來的心中情，「媽咪，雖然你唔可以喺呢度睇住我同細佬長大，但係我知道你喺天上一直有看顧住我哋……」、「姨姨，你將你嘅生命奉獻咗畀舞台、畀音樂同埋你啲歌迷，無論你喺邊度都好，我都希望你可以感覺到滿滿的幸福，因為到今時今日仍然有好多人愛着你、懷念着你。」
錯過的光陰一去不返，雖然文皓只能透過回憶與姨姨相認，但他承諾會積極樂觀生活，不輕言放棄、好好長大，以回報她及媽媽。
#channelchk #梅艷芳 #梅愛芳 #Anita #潘文皓 #潘立德
睇《梅艷芳》感觸落淚：媽咪，姨姨，我永遠以你們為榮
電影《梅艷芳》講述梅姐傳奇一生，但現實的她，相較戲中着墨的地方，為人是更加重情重義。在胞姊梅愛芳於2000年病逝後，梅姐打算按約定好好照料一對分別7歲及5歲的姨甥，但隨著他們跟隨姊夫潘立德搬離香港後，雙方失去聯絡。如今相隔逾廿載，有報道稱梅姐姨甥潘文皓終於現身，更在網上發文指至少入場看了兩次《梅艷芳》。除了流了無數次淚，文皓更想告訴母親和姨姨：「我永遠以你們為榮。」
身處加拿大的他，於電影裏盡見母親與姨姨的姊妹情深，文皓在文中向二人盡訴多年來的心中情，「媽咪，雖然你唔可以喺呢度睇住我同細佬長大，但係我知道你喺天上一直有看顧住我哋……」、「姨姨，你將你嘅生命奉獻咗畀舞台、畀音樂同埋你啲歌迷，無論你喺邊度都好，我都希望你可以感覺到滿滿的幸福，因為到今時今日仍然有好多人愛着你、懷念着你。」
錯過的光陰一去不返，雖然文皓只能透過回憶與姨姨相認，但他承諾會積極樂觀生活，不輕言放棄、好好長大，以回報她及媽媽。
#channelchk #梅艷芳 #梅愛芳 #Anita #潘文皓 #潘立德