學習謝霆鋒愛國情操
肥媽宣佈棄葡籍入中國籍 ：有保障

「我在香港出生，所以我本來就是一個中國人。其實我已經在申請退掉加拿大國籍了。」香港出世，自小隨家人移民擁加拿大籍嘅中國藝人謝霆鋒，日前在央視節目《藍羽會客室》發表愛國宣言。但估唔到，連肥媽都話仿效謝霆鋒，放棄葡萄牙籍。

在一片「限籍令」傳聞下，謝霆鋒係首位愛國藝人企出嚟宣佈「申請緊」放棄加籍。網民一致叫好，其中網民杜先生更形容他是「優秀的藝人，是全球中國人的典範！」「放棄外國護照！一個都不能少！」呼籲大家學習霆鋒好榜樣，一起放棄外國護照，以身為中國人而驕傲。

所謂「限籍令」，盛傳係國家廣電總局指明，部份擁外國國籍藝人將難以再於內地登台。而根據國際法第9條規定，自願加入或者取得外國國籍的，將自動喪失中國國籍。

但有網民質疑，即使你取消加籍，只要入番張form，又返番嚟，undo。同埋，謝生點樣可以證明佢已經放棄咗加籍？兩個仔讀緊愛國學校未？咩國籍？點解到40歲咁遲先突然醒起自己係中國人放棄加籍？謎。

然後下一個問題就係：謝霆鋒之後輪到誰？李連杰？孫燕姿？王力宏？趙又廷？定係劉亦菲？根據網上流傳「限籍令」名單，有佢哋個名。

識得揀，你冇理由唔揀。但估唔到連肥媽瑪俐亞都話仿倣謝霆鋒，放棄葡萄牙籍。

肥媽，唔止出力為港府宣傳大灣區，亦身體力行北上發展。佢接受「自由亞洲電台」訪問時就話：「如果真係要返大陸做嘢，咁就啱喎，你返上大陸做嘢，你應該係攞大陸嘅國籍，有乜嘢問題，我睇到霆鋒都cancel加拿大籍，我諗陸續個個都會做，除非你話真係唔想搵呢個錢啦。」

肥媽仲大讚申請中國籍嘅好：「中國籍有保障，你有保險有盛，有勞保，有福利，你住嗰個國家就攞嗰個國家嘅福利㗎啦！」咦，胡杏兒（英籍）、歐陽靖（美籍）、應采兒（美籍）都可以考慮下喎！

#謝霆鋒 #加籍 #肥媽 #限籍令 #愛國藝人 #中國籍 #channelchk

《代溝關注組》「撞橋」《甜爺爺》？
錯！佢依然係《後生仔傾下偈》

TVB新節目《代溝關注組》上月底開播，比ViuTV嘅《甜爺爺》早幾日，但驚人地撞橋，FB專頁「抵制tvb戰線 - 鍵盤救港」仲搵到個重點，就係《代溝關注組》當中唔少嘉賓，竟然都同《後生仔傾吓偈》差唔多，又係有黃婧靈（波波）、游嘉欣、林正峰、徐文浩、吳卓衡佢哋，揸住塊白板排排坐吹水，形容係「只係多咗肥媽、鼎爺嘅《後生仔傾吓偈》」。「鍵盤救港」版主，辛苦你了。

C君鄭詩君9月1日出任無綫J2台創意總監一職之後3日，《後生仔傾吓偈》即宣佈月底停播，C君就話唔關佢事，仲話自己只係返咗3日工，未有新任務，而且佢只負責度橋。冇咗「後生仔」，唔怕，仲有「代溝關注組」；「後生仔」失業少咗出鏡機會，都唔怕，一樣可以過去「代溝關注組」曝光。來來去去都係嗰班人，方便認人呀！

根據TVB節目介紹，《代溝關注組》（Elderly vs Youngster）係邀請資深及年輕一輩嘅藝員嘉賓，探討兩代代溝問題，講下拍拖、講下房事，講下血淚史。節目由區永權及張秀文主持，逢周四、五晚10點半播。鼎爺、肥媽做嘉賓，真係「好驚喜」。

至於ViuTV嘅《甜爺爺》（Sweet Grandpa）就係泰山主持，周一至五晚上10點半播。即係每個禮拜總有兩晚，兩台同一時段夾埋超過500歲（至少）嘅人做節目。可唔可以申請入埋健力氏？

網民對於「鍵盤救港」呢個po反應熱烈，有人建議TVB將《代溝關注組》改名為。《同以前嘅後生仔傾下偈》。「只係唔同年代嘅後生仔之嘛。下次加埋兒童節目班小朋友，叫《同未來嘅後生仔傾下偈》就得，一雞幾味。CCTVB呢D咪係創意囉。」、「幾好呀《後生仔傾下偈》等於冇消失過，又一長壽節目。」、「班七、八十歲同班四、五十歲一齊討論點拍拖…邊L個想知…」

也有人表示，清談節目最重要是主持人有內涵，嘉賓係風頭躉，否則如嘉賓講嘅嘢同身邊嘅老人家發表意見一樣，則沒有期待。

#代溝關注組 #甜爺爺 #ViuTV #肥媽 #周中 #DannySummer #張秀文 #channelchk

＝＝＝＝＝＝＝＝＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，
等我哋幫手出返口氣！
Signal／WhatsApp出氣熱線：63544742

肥媽着黃符登台加持亞姐決賽 但唔小心噏錯港姐

《亞洲小姐競選2021》香港區決賽喺上周六（25日）隆重舉行，除咗有近期紅爆嘅薛影儀（阿儀） 上台拎獎之外，仲有好鍾意喺隔籬台煮嘢食嘅肥媽做嘉賓獻唱，都可算星光熠熠嘅，雖然大家應該都未必知已經選咗……

肥媽口味特別，睇佢平時煮嘢同食鯇魚刺身都知，不過估唔到佢對Fashion都別有一番見解。因為今次登台嘅呢套黃色寬袍，因為啲紅色花紋同刺繡，令到網民都忍唔住問佢係咪着咗道符上身。之不過Channel絲覺得，呢件衫中間啲紋除咗似符，仲好似蜈蚣同龍蝦啲Friend，都幾襯肥媽呢個飲食節目主持人吖～

有符加持嘅肥媽，唱完《恭喜發財》之後，唔知係咪嫌台下掌聲太少，所以賣力扭腰唱埋首《南屏晚鐘》，令成個Mon都畀肥媽嘅俏臀霸佔，成功用視覺影響咗Channel絲嘅聽覺，不能只有我看到！🙂

不過唔知係咪肥媽慣咗係隔籬台拍嘢，搞到佢開口夾着脷，唔小心講咗「以下落嚟嘅『香港小姐』⋯⋯」，尷尬囉⋯⋯😅雖然台下無反應，但就搞到畀網民Cap低笑佢喺間諜。肥媽臨落台仲問，如果有「亞洲太太」、「亞洲嫲嫲」嘅話，大家會唔會選佢咁話，但Channel絲覺得，以佢嘅歌喉同舞技，直頭係大家心目中嘅「地方媽媽」啦！

#channelchk #atv #亞視數碼媒體 #亞洲小姐 #亞姐 #肥媽
＝＝＝＝＝＝＝＝＝＝=＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742

個半月88人染乙鏈球菌入院 32人同源
衞署：或因吃或摸生淡水魚 嚴重可致命

找女藝人扮PTGF拍電視節目，不一定教壞細路，但資深女藝人上電視教觀眾生吃淡水魚，不但教壞大人細路，更可能送他們上不歸路！上月和本月首20日，多達88人感染侵入性乙型鏈球菌入院，其中32人感染源頭一樣，當中2人死亡。衞生署懷疑他們手部傷口接觸未煮熟淡水魚肇禍，但不排除是生吃淡水魚出事。

衞生署指，這32名入院病人，年齡31至87歲；其中2人不治（未確定死因與感染有關），10人已出院。他們居於不同地區，但均感染血清三型基因序列型283（ST283）的侵入性乙型鏈球菌，即感染源頭相同。部份人去過的街市，環境樣本的病毒基因與他們脗合。50%人均表示曾處理淡水魚，部份人稱處理生淡水魚時手部有傷，但無人申報曾食用淡水魚生。有3人為食肆廚師、1人為兼職魚販。

乙型鏈球菌通常存在於人類、哺乳類、兩棲類和爬蟲類動物以及魚類體內。雖然20-40%健康成年人的腸道及泌尿道帶有這種細菌，而Channel絲在荃灣楊屋道街市訪問的多名街坊（ https://youtu.be/HEAzWwW_vn8 ）都表明不怕，但對於長者或抵抗力較低的人，則可能引發敗血症、腦膜炎、化膿性關節炎或感染性心内膜炎等嚴重疾病，甚至死亡。大部份侵入性乙型鏈球菌疾病，感染途徑不明，較常見是母嬰傳播。

亦有文獻稱，進食或不當處理含菌食物，可感染侵入性乙型鏈球菌。有報告指出，血清三型基因序列型283（ST283）的侵入性乙型鏈球菌存在於淡水魚中，特別是養殖魚。2015年，新加坡多達146人進食淡水魚生後，集體感染ST283乙型鏈球菌；泰國和越南等其他東南亞國家，亦曾報告在淡水魚發現ST283乙型鏈球菌。

2018年10月，TVB播出由肥媽Maria Cordero主持的節目《大灣區活好D》。肥媽推介在大灣區吃鯇魚魚生，大讚新鮮好味。衛生署衞生防護中心和食環署食物安全中心其後均提醒市民，切勿生食鯇魚等淡水魚。因淡水魚除有致病菌，還可能有寄生蟲，例如可致膽管梗阻、肝硬化和膽管癌的中華肝吸蟲。酒、醋、芥辣及香料，均不能殺死牠們。

#淡水魚 #魚生 #TVB #肥媽 #大灣區 #乙型鏈球菌 #channelchk #肝吸蟲 #寄生蟲 #膽管癌 #肝硬化 #鯇魚

已打4針科興肥媽確診
昨行街食飯買衫無異樣：諗唔到點中
全文：https://bit.ly/39NJYr8

今年4月已接種第四針科興疫苗，並曾大讚青衣方艙醫院舒服兼好過私家醫院的「肥媽」確診。

#肥媽 #MariaCordero #第四針 #科興 #疫苗 #方艙醫院 #確診 #兩條線 #channelchk
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3wEkVhz
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
「爆片爆相」返嚟喇！
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7

【旁白師小劇場｜《熱烈祝賀肥媽陽性轉陰性》】

去片👉https://youtu.be/TJIbkvMsYIo

打咗四針科興嘅肥媽，確診好返之後，唔知會唔會唱首本名曲《嘥氣》？

#channelchk #肥媽 #科興 #嘥氣
＝＝＝＝＝＝＝＝＝＝＝＝＝＝
新聞有價 記者有格 $128保就業計劃
立即訂閱：https://bit.ly/3NkAXDY
撐Channel C請記者
一齊為民請命 抱打不平
＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出$200元電子禮券！
報料：https://bit.ly/38XUGu7