6歲植物人天瑜聽《蒙著嘴說愛你》有反應
姜濤開Story：一定睇吓可唔可以探你 咁就可以親口唱畀你聽

早前有網民將6歲小妹妹天瑜聽姜濤作品《蒙著嘴說愛你》的片段，放上「我老婆嫁左比Mirror導致婚姻破裂關注組」的Facebook群組。而片中可見天瑜對音樂似有反應，眼睛及頭部也有微微轉動，更疑似發出哼歌的聲音。

而今日（16日）姜濤則在Instagram上回應事件，向天瑜及周爸爸打氣。他說「睇到你哋嗰段片啦，我唔知道係咪真係因為我嘅歌令到天瑜有好到，如果係嘅話，我真係好開心」。他又指，「唔知可以幫到你哋啲乜嘢，但係我好想錄段片同你地講，你哋一定要加油，無論係天瑜或天瑜爸爸。因為我知道，爸爸都好辛苦，照顧天瑜咁耐，所以天瑜你要快啲好返」。

他更指若有時間，會到醫院探望天瑜，「姜濤哥哥有時間，我一定睇吓可唔可以過嚟探到你，你快啲好返，咁我就可以親口唱隻歌畀你聽，希望你哋加油」。

現年6歲的天瑜於3年前，確診患上橫紋肌肉瘤。而於去年5月，在瑪麗醫院進行腫瘤切除手術時，因發生醫療事故，令天瑜在手術後全身癱瘓，即成了植物人，需要依靠呼吸機維持生命。

#channelchk #姜濤 #天瑜 #醫療事故