雙旋逼港！均被西調預測路徑
天文台料周五驟雨增 連續3日間中狂風驟雨

【天氣師李鈺廷提提你】
繼菲律賓風暴「康森」被歐洲氣象超級電腦（ECMWF）西調預測路徑後，鄰近的另一股太平洋風暴「燦都」亦遇上同一「命運」，預測路徑被西調至周日或直剷台灣南部。另一方面，康森最接近香港的時間，電腦預報亦稍為改早至周六早上，故香港天氣也可能提早轉差。

天文台預計，本港在9月10日（周五）有幾陣驟雨，中午過後「驟雨增多及有狂風雷暴」，離岸海域間中吹強風；11日天氣最差，「間中有狂風驟雨及雷暴」，，離岸海域繼續間中吹強風；至12日中午前仍有幾陣狂風雷暴，全日間中有驟雨。

#channelchk #打風 #風暴 #JTWC #氣象 #李鈺廷 #天氣師 #天氣 #熱帶低氣壓 #熱帶氣旋 #熱帶風暴 #颱風 #天文台 #typhoon #weather #storm #康森 #ECMWF

學習謝霆鋒愛國情操
肥媽宣佈棄葡籍入中國籍 ：有保障

「我在香港出生，所以我本來就是一個中國人。其實我已經在申請退掉加拿大國籍了。」香港出世，自小隨家人移民擁加拿大籍嘅中國藝人謝霆鋒，日前在央視節目《藍羽會客室》發表愛國宣言。但估唔到，連肥媽都話仿效謝霆鋒，放棄葡萄牙籍。

在一片「限籍令」傳聞下，謝霆鋒係首位愛國藝人企出嚟宣佈「申請緊」放棄加籍。網民一致叫好，其中網民杜先生更形容他是「優秀的藝人，是全球中國人的典範！」「放棄外國護照！一個都不能少！」呼籲大家學習霆鋒好榜樣，一起放棄外國護照，以身為中國人而驕傲。

所謂「限籍令」，盛傳係國家廣電總局指明，部份擁外國國籍藝人將難以再於內地登台。而根據國際法第9條規定，自願加入或者取得外國國籍的，將自動喪失中國國籍。

但有網民質疑，即使你取消加籍，只要入番張form，又返番嚟，undo。同埋，謝生點樣可以證明佢已經放棄咗加籍？兩個仔讀緊愛國學校未？咩國籍？點解到40歲咁遲先突然醒起自己係中國人放棄加籍？謎。

然後下一個問題就係：謝霆鋒之後輪到誰？李連杰？孫燕姿？王力宏？趙又廷？定係劉亦菲？根據網上流傳「限籍令」名單，有佢哋個名。

識得揀，你冇理由唔揀。但估唔到連肥媽瑪俐亞都話仿倣謝霆鋒，放棄葡萄牙籍。

肥媽，唔止出力為港府宣傳大灣區，亦身體力行北上發展。佢接受「自由亞洲電台」訪問時就話：「如果真係要返大陸做嘢，咁就啱喎，你返上大陸做嘢，你應該係攞大陸嘅國籍，有乜嘢問題，我睇到霆鋒都cancel加拿大籍，我諗陸續個個都會做，除非你話真係唔想搵呢個錢啦。」

肥媽仲大讚申請中國籍嘅好：「中國籍有保障，你有保險有盛，有勞保，有福利，你住嗰個國家就攞嗰個國家嘅福利㗎啦！」咦，胡杏兒（英籍）、歐陽靖（美籍）、應采兒（美籍）都可以考慮下喎！

#謝霆鋒 #加籍 #肥媽 #限籍令 #愛國藝人 #中國籍 #channelchk

IG被刪 作品冇晒
不文詩人松島安開個人展覽晒冷

有一個名字，一講起，你會回心微笑。但係喺IG，唔po得。一po就觸紅線。要打格仔。格仔人不是Mike導，係香港陀地不文文化——下流詩人松島安。

松島安開展覽了！展覽舉行嘅地點今次繼續好有味道——油麻地砵蘭街。

食字、諧音、押韻、排比，意形合一，啜核。消失中的廣東不文文化。紅線拉起，你只能在大街小巷或者廁所與松島安相遇。但今次見面嘅地方，應該冇咩氣味。

今次展覽，係喺一間酒店內舉行。

冷靜啲先。唔賣關子。松島安呢個聲稱「破處」展覽，由松島安、 阿叔商店同藝述社區聯手合作，本月18日至26日喺位於砵蘭街嘅東南樓藝術酒店舉行，不過，要買飛嘅。100蚊一張。首100名購票人士更可獲贈松島安限定布袋一個——但100個袋已經送晒。

留意番，因展品含有不雅內容，只招待18歲以上人士。買唔到飛或者未陪秤人士歡迎路上捕獲松島安啜核情色墨寶。

詳情： https://cutt.ly/yWOtulJ

#松島安 #展覽 #梁栢堅 #不文集 #黃霑 #曾灶財 #星爺 #松島楓 #channelchk