大愛叔冒暴雨 為街坊通路邊渠
便裝澗水彎腰 徒手抓淤塞污物
途人直擊獅子山風災好人好事

上周五（8日），風暴「獅子山」帶嚟嘅黑雨，除咗殺好多人個措手不及，亦令香港好多地方水浸，其中港島更加係重災區。水浸除咗為行人帶嚟不便，亦好易令汽車死火。喺全港都亂晒籠嘅時候，Channel絲以為大家呢個時候都只會自己顧自己，但當日筲箕灣一個叔叔就俾途經嘅巴士乘客目擊，佢竟然唔怕污糟，徒手挖出堵塞坑渠嘅污物，希望幫手疏通積水。

影片中顯示，一位叔叔着住普通波鞋同T恤長褲，推住一架車同紙皮箱，一手拎遮、一手不停彎腰從渠口抓出一撮撮黑色污物放入紙箱。事發地點相信係港島東區筲箕灣道426號附近，Channel絲唔知呢位叔叔最後到底清咗幾耐，都唔知佢最尾成唔成功，但好想至少幫佢擔吓遮⋯⋯而見到此情此境，Channel絲最尾想提大家：記得千祈唔好亂拋垃圾呀，會塞㗎！！

#channelchk #好人好事 #獅子山 #黑雨 #水浸 #筲箕灣 #風暴 #熱帶氣旋 #颱風 #暴雨 #flood #rain #storm #typhoon #天文台 #cyclone #通渠 #大愛 #大叔

西環的士司機謀殺案 疑兇上車至逃走只用1分鐘
車cam未拍到案發經過 附近搜獲菜刀
嘮動新聞： https://youtu.be/GMHiLucHwhw

周二（12日）凌晨西環發生一宗謀殺案，48歲夜更的士司機遭一名混血男子殺害，疑犯昨晚（13日）在南丫島落網。警方凌晨隨即舉行記者會，簡報案情。

港島總區重案組第一隊總督察謝子坤指，警方掌握資料並於昨晚拉隊到南丫島進行追捕，同時收到市民舉報，稱涉案人在榕樹灣碼頭一間士多外徘徊。至晚上8時36分，警方於上址拘捕涉案的31歲姓蔡男子。疑犯被黑布蒙頭，鎖上手扣及腰纏鐵鏈，帶署調查，及以謀殺罪將之拘捕。

港島總局重案組第一隊總督察謝子坤指，疑犯被捕時身上並無武器，亦無表面傷痕。警方於疑犯被捕現場發現啤酒，附近草叢有一個黑色垃圾膠袋，裡有一件黑色防刺背心及一把刀鋒約九厘米摺刀，正調查是否與疑犯有關。

問及疑犯是否有精神病紀錄，謝子坤指未發現相關醫療記錄，亦不排除被捕人有精神問題，現正調查中。

的士司機謀殺案發生於周二清晨約4時。謝子坤指，4時51分左右，有市民聽到死者於東邊街近皇后大道西附近位置大叫救命，其後逃離其所駕駛的士、朝皇后大道西方向走去，未幾不支倒地，被送往瑪麗醫院搶救，延至清晨6時17分宣佈不治。

警方檢查發現，死者後頸有一串長約7厘米、深2厘米傷口，法醫初步檢驗相信由利器所致。

另警方亦發現，疑兇於當日清晨時份在案發現場附近一間酒店獨自離開，登上死者所駕駛的士，惟上車1分鐘之後，疑兇迅速離開的士，向德輔道西方向逃去。警遁其逃走路線及附近天台，發現疑屬行兇者衣物及隨身物品，還有一把疑犯案用菜刀。

初步調查顯示，被捕人屬獨立犯案，與死者不認識，犯案動機仍待調查，亦不排除更多人被捕。謝子坤續指，的士車cam未能拍到犯案詳情，但見到當時車外有人車經過，警方呼籲曾經現場市民同警方聯絡，「話俾我哋知喺嗰1分鐘裏面，有乜嘢事發生咗。」

#channelchk #兇殺 #謀殺 #的士 #司機 #蔡南生 #MatthewChoi #南丫島 #長洲

突取消婚宴
荃灣西如心酒店宴會廳無食肆牌 銅鑼灣南灣如心都冇！

聲稱係香港最大型宴會廳之一，可「為這一天留下畢生難忘的回憶」、佔地超過1.8萬呎嘅荃灣西如心酒店Nina ballroom，天花場景燈仲有8款俾你揀，可惜冇食肆牌，得公眾娛樂場所牌。逾50名已預訂Nina Ballroom擺酒嘅新人近日收到酒店通知，話「未能提供宴會服務」，需即時取消預約，最快明年3月後再排期。

有即將行禮嘅苦主話，酒店最初聲稱可4人一枱代替3分2賓客打針，咁就可以擺到15圍，點知本月11號突接獲酒店通知，話因為「技術性問題」，須取消婚宴。荃灣西如心酒店回覆傳媒查詢時話，宴會廳暫停營運至另行通知，未有交代原因。

中伏嘅新人而家頭都大埋。有新人下月擺酒，怒道：「真係除咗講X你老X，真係唔知講咩好。另有都係訂咗Nina ballroom嘅新人表示，佢係12月尾擺酒，上周sales突然話場地問題取消，「可以安排銅鑼灣如心酒店」。翻查資料，銅鑼灣如心酒店有提供天際宴會廳同6樓多功能廳，前者得650呎、最多可以坐40人；多功能廳得500呎，最多坐57人。

明明訂萬八呎ballroom，突然變500呎conference room，苦主表示：「我哋已經睇咗個場，超細同埋場地好舊，最多客納40、50人，仲有分兩層。」

根據《食物業規例》，出售膳食或非瓶裝的飲品供進食或飲用的處所都需申領食環署牌照。除荃灣西同銅鑼灣外，九龍東如心酒店都有2個婚宴場地，分別係120宴會廳及220宴會廳。但翻查食環署網站，九龍東嗰間得2樓forte持食肆牌，食自助餐嘅；120宴會廳及220宴會廳則未有顯示。

銅鑼灣嗰間得有1間持牌食肆，喺酒店地庫。南灣如心酒店婚宴場地P6宴會廳，亦未有列入食環署持牌食肆名單內，而該酒店目前為隔離酒店。
而今次被投訴的荃灣西如心酒店有3間餐廳屬持牌食肆，包括9樓Café Circles、41樓可舉行婚宴嘅Sky Lounge，及7樓嘅「如」。

Channel絲曾以準新人身份聯絡銅鑼灣如心酒店，為何天際宴會廳及多功能廳未有顯示持牌食肆名單內，酒店宴會部職員最初表示「冇問題」，因為場地屬私人宴會廳，並指「銅鑼灣唔同荃灣（如心酒店）」，但再追問下婚宴場地的餐飲安排時，職員則表示詳細要再向上級了解。

#channelchk #如心 #荃灣如心 #擺酒 #結婚 #結婚場地 #NinaBallroom #宴會廳

的士司機謀殺案細節曝光
無爭執 過程僅十數秒 疑兇或隨機殺人
嘮動新聞： https://youtu.be/GMHiLucHwhw

西環的士司機謀殺案，Channel C收到消息，得知的士車CAM片段細節，拍攝到32歲疑兇蔡南生登上的士十多秒後，48歲的士司機韋劍雄即遇襲中刀，兩人似無發生爭執，不排除有人在沒有預謀及動機下隨機犯案。

蔡在案發前一日（11日），獨自入住西環東邊街一間酒店，警方追查案發現場附近CCTV片段發現，蔡在案發前，想call的士離開，但酒店大堂職員指太夜難call到的士，於是蔡行出街截，就坐上死者所駕的士。

從的士車CAM片段可見，蔡上車前在街頭不停左望右望，上車後十多秒，的士司機便以手掩著頸部傷口衝出車外。警方估計短短十多秒，兩人不可能發生爭執，相信沒有預謀及動機，不排除是隨機犯案。

據了解，疑兇蔡南生的母親是英國人，父親是香港人，小時候赴英國留學，之後去過南非，數年前才獨自回港，與叔叔同住西環一個單位。
蔡的母親非常疼愛他，並會定期匯錢給他，其父親則於去年中回港，亦與他同住。

警方經調查發現，蔡南生於案發後曾返回寓所後離開，又得知他有親友住南丫島，相信他會投靠，遂調派人手前往調查及搜捕，加上昨晚七時許有市民報稱，發現蔡在榕樹灣一間士多外面飲酒，終在碼頭附近拘捕疑犯。

蔡被捕時沒有反抗，其後被押往其親友寓所搜查，但無發現。

由於的士車CAM並沒有拍攝到車內施襲過程，警方呼籲當時途經市民或司機如有目擊情況，請即致電 28607817 或 97091695 與警方聯絡。

#的士司機謀殺案 #西環 #蔡南生 #隨機殺人 #channelchk

拖拉23年旺角道天橋啟用2周 即封電梯「保養」
網民笑「未冧已經算贏」

耐過興建埃及胡夫金字塔、印度泰姬陵，而被譽為「世界級偉大工程」嘅旺角道行人天橋，啟用咗兩個禮拜，今日其中一條扶手電梯就封咗要「休養」，梯口棟咗個寫住「保養工程 暫停使用」嘅牌，途人要上落就唯有行樓梯，或者行多幾步搭電梯。

工程歷時近23年嘅一段旺角道行人天橋喺上月30日終於啟用，天橋橫跨至彌敦道，連接原有嘅行人天橋。不過，呢個偉大工程用咗冇耐就有扶手電梯要保養，次文化堂社長彭志銘今日經過時就影咗相喺社交平台出post，話畀大家知：「用了20多年興建的世界級偉大工程，呢條旺角道天橋，啟用不及兩星期，電動樓梯，打咗柴矣！」

唔少網民都留言講笑，形容係貴價豆腐工程特色，話「未冧已經算係贏咗」，不過亦有人問係壞咗定係例行保養，「因為電梯師傅好鍾意落咗個圍欄就走咗去。有時可能例行保養」咁話。

無論係壞咗定保養都好，旺角道行人天橋啟用前後都帶畀大家唔少話題。首先係佢嘅興建時間比耗時約20年興建嘅埃及胡夫金字塔、歷時21年建成嘅印度泰姬陵仲要耐之外，佢啟用頭幾日，有市民都發現天橋其中一部電梯內，開門關門按鈕竟然同標示字眼有出入，「開門」掣嘅圖形竟然是閂門，標示字眼為「關門」嘅掣反而係開門，結果又引起熱議。路政署之後只話，有關錯誤按鈕已修復好。

#channelchk #旺角行人天橋 #旺角道行人天橋 #保養 #維修 #彭志銘

＝＝＝＝＝＝＝＝＝＝=＝＝＝＝
🔥出氣師登場！「谷鬼氣、搵我哋」🔥
如果大家有咩疑難「谷鬼氣」，不妨搵我哋「出氣師」，等我哋幫手出返口氣！
出氣WhatsApp： https://wa.me/85263544742

太陽能電筒啲friend？
九巴又整太陽能巴士站柱 巴士迷：九記新嘢永遠唔持久

九巴同龍運喺新能源發展方面真係不遺餘力，例如，研發太陽能裝置雙層巴士。兩巴今年5月曾宣佈，會安裝逾22,000塊太陽能光伏發電板，料每年可產生超過1,000萬度可再生能源。而兩巴嘅太陽能發電系統，亦分佈全港巴士車廠、車站上蓋、車頂，就連巴士柱都有。

「太陽能巴士站柱」早於2019年已經有用，柱身燈泡可因應天色變暗而自己着，令乘客夜媽媽都可以查閱路線資料。不過，呢支太陽能巴士站柱最近換咗款。 「hkitalk.net 香港交通．資訊網」 fb專頁報道，西貢總站 99R線巴士站站柱，近日裝上新款嘅太陽能照明系統，功能一樣，都係入夜後向下照射嘅燈會着，好有用好貼心呀！

佢最難得係咩呢？就係99R一個鐘一班，來往沙田及西貢，只於周日同公眾假期提供服務。巴士迷表示：「一個鐘一班其實有冇照明都係咁。」就係連只有假期至開、一個鐘一班嘅車，九巴都唔會忽視呀！有人就問：「照住個人定照住張紙？」毫無懸念，《國產凌凌漆》支太陽能電筒又出場。

有行車紀錄員就發現，淘寶都有得賣類似九巴呢款新嘅「太陽能巴士站柱」，百零蚊，聲稱可以維持24至36小時電力。至於是否同款就不得而知。咁頭先提過嘅舊款太陽能巴士站柱呢？據聞好多都一早壞咗。兩年多啲啲咋。

雖然係德政，但巴士迷對於呢個新款太陽能巴士站柱普遍持觀望態度，「3年之後仲喺度先好講啦！」有網民表示：「記唔記得畢架山花園裝過等車鐘，兩日之內拆走。」記性太好都係累事。

亦有網民表示：「九記新嘢永遠都不會持久。」有人馬上諗到呢個「上層樓梯數人頭傳感器」。佢哋講緊嘅，係17年10月開始測試嘅「紅外線感應器」，收集乘客上落上層嘅數據，並於下層屏幕顯示上層實時尚餘座位數量。不過呢，個system可能有時差，不時出現誤差，用途唔大。之後九巴又研發另一套感應器系統，計算並透過App提供實時載客量，但冇耐又報廢。

其實Channel絲就覺得，你擺支「大光燈」都冇用，個路線牌啲字又細又密，老人家或者視力差啲嘅人都睇唔掂；後生嗰啲，開個app就知啦。

圖片取自「 hkitalk.net 香港交通．資訊網」 fb專頁

#太陽能巴士站 #太陽能 #太陽能電筒 #九巴 #淘寶 #channelchk

西環的士司機被殺案細節曝光！原來疑兇蔡南生上咗車10幾秒，司機就即遇襲中刀。蔡喺事發後為咗避追捕又去咗南丫島，但最後佢又點解被發現行蹤，點樣被捕？想知就入去睇片啦！去片👉 https://www.youtube.com/watch?v=GMHiLucHwhw
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com

#channelchk ##的士司機謀殺案 #西環 #蔡南生 #隨機殺人 #南丫島

半山冧棚砸爆車 棚下驚險直擊片首曝光
司機割傷臂爆血 仍自拍瓹窗逃生勁鎮定

風暴「獅子山」上周五（8日）為本港帶來史上最多雨10月天。強風加上黑雨，令跑馬地半山樂活道屋苑比華利山外牆冧棚架，1名女工慘死；另有2架私家車被砸爛，1名司機受傷。Channel C取得受傷的外語男司機在棚下從車廂逃出生天的驚險自拍片段，畫面首度曝光。

從片中可見，受傷司機的私家車，其車頭擋風玻璃和司機位車窗均已碎裂。司機的左下臂被割至流血，不斷直呼「oh my god!」和發出痛楚叫聲，但仍能一邊手持電話拍片，一邊從司機位車窗瓹出逃生，相當鎮定。

受傷司機逃出路面後，曾走到車尾掀起壓住車頂的棚架網。其間有人上前問他有沒有大礙，他則回覆「my hand」受傷。對方隨後問司機有沒有紙巾，又給他食水。司機其後欲返回車內，被對方提醒很危險，最終隔着車門、經車窗尋找物品。

#channelchk #獅子山 #熱帶氣旋 #黑雨 #跑馬地 #樂活道 #塌棚 #冧棚 #棚架 #意外 #私家車 #逃生 #司機 #風暴 #颱風 #打風 #暴雨 #狂風 #storm #typhoon #rain #cyclone #半山 #渣甸山 #比華利山

憂陳同佳逍遙法外 潘媽媽哽咽：可憐我嘅阿女仍未沉冤得雪
擬邀陳下周政總外直接對話

涉嫌喺台灣殺害女友潘曉穎嘅疑犯陳同佳，因洗黑錢罪在港判囚獲釋近2年，一直受警方保護，至今年6月搬離安全屋，但始終未兌現赴台自首承諾。痛失愛女4年嘅潘媽媽透過錄音回應事件，擔心陳同佳可能遠走他方，但作為父母仍未能為女兒討回公道，忍唔住哽咽起來：「可憐我嘅阿女始終都唔可以沉冤得雪，唔可以還佢一個公道，我想問邊個可以真心幫到佢嘅呢？」潘媽媽下星期會喺政府總部外召開記者會，邀請陳同佳出席，「有啲嘢我想直接問清楚佢，得個明白」。

一直以來希望能為女兒潘曉穎討回公道而奔波勞碌嘅潘媽媽，噚晚（14日）透過網台廣傳媒同MIHK.tv發佈錄音，話睇新聞先知陳同佳已經冇住安全屋，住喺深山，「深山有個殺人犯，我仲以為拍戲先有嘅橋段，真係令我好震驚，真係想問吓，市民應唔應該仲去行山呀？生命有無受到嚴重威脅呀？」

潘媽媽質疑警方靜雞雞畀陳同佳「重獲自由」，而且「特區政府完全無對我哋受害者家屬交代」：「一個殺人犯殺咗人仲可以自由自在喺香港出入自如，自由上網，簡直係非常之嚴重危害社會嘅安寧。但係警方可以完全視若無睹，真係令我哋好無奈同埋好難過。」

講到呢到，潘媽媽開始語帶激動，之後提到愛女仍沉冤莫白，更忍唔住哽咽，「殺人犯隨時可以離開香港，遠走他方，永遠都搵唔到佢，無辦法將佢繩之於法，可憐我嘅阿女始終都唔可以沉冤得雪，唔可以還佢一個公道，我想問邊個可以真心幫到佢嘅呢？」

「特區政府同埋警方係唔係暗示畀大家聽，如果一個人去咗一啲香港無任何引渡條例嘅地方，係咪嗰啲殺咗人同埋犯咗殺人罪嘅人，以後就可以返嚟香港，以後就可以甩身，無事㗎喇，就可以逍遙法外嘅呢？」潘媽媽激動地說。

潘母又提到台灣已將特別電話交畀管浩鳴，認為管可以打電話聯絡：「求吓佢哋啦！還返個女畀我啦！咁咪唔使我日日都咁痛苦囉，同埋咁辛苦要做咁多嘢。」

潘媽媽下周將會舉行記者會，邀請陳同佳出席對話，即使擔心陳會對佢作出傷害：「陳同佳話當時呀女講咗啲嘢刺激佢，然後就殺咗佢。但係而家我成日都喺傳媒講佢，我真係好驚俾佢殺咗我。我諗我真係要要求警方保護我先得架。但係我驚都無辦法，我都要約陳同佳出嚟直接對話，有啲嘢我想直接問清楚佢，得個明白。」

#channelchk #陳同佳 #潘曉穎 #管浩鳴 #潘媽媽 #赴台自首 #安全屋 #自首

HP今次出新電腦搵咗Channel C落廣告，有興趣嘅朋友可以Click去呢度睇下：
👉🏻【全新 HP Pavilion Aero 13：不止「輕」一點】https://bit.ly/3lIkVbV

睇完要記得Like and share埋，繼續支持Channel C呀！想落廣告？隨時搵我哋啦！

#HPHongKong #PavilionAero #AMD #lessthan1kg #WQXGA
＝＝＝＝＝＝＝＝＝＝=＝＝＝＝
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk

報料／廣告接洽：
info@channelchk.com

澳門拳手無戴頭套作賽中拳亡 對手被捕

澳門一場泰拳友誼賽發生打死人意外！兩名拳手疑因冇戴頭套，其中34歲「踢館」拳手面部中拳後暈倒，送院後證實右腦血腫及嚴重腦出血，手術後在深切治療部留醫多日，至前日（13日）因搶救無效證實死亡。報稱是泰拳運動員的28歲姓楊男子涉嫌嚴重傷人，早前已被拘留，將移交檢察院處理。

事發於本月4日，澳門司警表示，兩名拳手為朋友關係，均有多年拳擊經驗。案發前幾日，死者主動邀約楊切磋拳術，故於氹仔一家拳館舉行友誼賽，並有合資格教練作拳證。

網上流傳當日比賽片段，可見兩名拳手互有攻守，戴黑色拳套的楊多次向對方面部揮拳，其間場邊有圍觀者舉機拍攝，亦有人高叫「go on！」、「the head」。死者後來漸露疲態，數分鐘後，楊再揮拳擊中事主左面，死者中拳後跌坐地上，拳證馬上叫停比賽，及後死者在擂台下休息時突然暈倒，在場人士隨即報警，由消防救護員送院搶救。

經仁伯爵綜合醫院醫生診斷，死者送院時右腦有血腫及嚴重腦出血，接受腦部手術後轉往深切治療部留醫。至前日（13日）下午經搶救無效證實死亡，死因將待法醫檢驗。

司警經調查後發現，雙方比賽前，只協議佩戴牙套、拳套及腳套，並明知拳擊運動具相當危險性的情況下，卻沒有佩戴頭套。楊男亦承認雙方在未有足夠個人防護裝備下作賽，最終引致死者受重傷。

#channelchk #拳賽 #友誼賽 #拳手 #頭套 #打死人 #澳門 #氹仔 #拳館