《造星》史上最年輕對決
16歲燒賣搏盡無悔 憑搞笑投入險勝女團人選阿妹

ViuTV真人選秀節目《全民造星IV》噚晚（2日）上演咗《造星》史上最年輕之戰。兩位年僅16歲嘅參賽者燒賣（曾業喬）同阿妹（黃敏蕎）仲讀緊書，燒賣更承認要受家庭壓力，要考到全科合格，三科要頭十名先可以參賽，結果首輪比賽亦成功晉級：「好想行我自己行嘅路，我都想話畀佢哋知，唔一定書本上嘅嘢最有用」，仲話「我唔會褪後，我都行咗。」

年紀最細嘅燒賣同阿妹喺節目入面深受幕後人員歡迎，有幕後更自爆係「燒賣關注組」，個個都大讚佢可愛。但燒賣承認家人唔支持佢比賽，覺得佢參賽係發明星夢，「佢哋唔係好睇得起我」，但佢仍然好想比賽，所以同家人協議全科合格，三科要頭十名先可以參賽，結果佢達成目標。被評判問到贏咗之後係咪唔讀書，佢都搏盡無悔咁話：「所有後果都要我承擔，而我已經有心理準備。」

而燒賣噚晚嘅表演項目係《今朝有啲唔舒服》，既有演戲又有唱歌，演出之後佢話：「我係一個鍾意引人笑嘅人，見到人笑我會覺得好滿足。」結果佢嘅表演深得評判讚賞，認為係目前唯一享受表演嘅參賽者。

至於阿妹都話屋企人對佢參賽係一半支持一半擔心學業，但佢仍好想做歌手，所以參賽：「由細到大冇乜嘢自己鍾意好耐，但唱歌係由細到大都鍾意唱。」佢首輪淘汰賽就演唱《記得》，雖然被視為擁有女團成員條件，但喺兩個只能活一個嘅賽制下，結果由燒賣勝出；阿妹就跌落復活區。

上年參加過《造星III》嘅子涓（夏子涓）亦有參賽，曾經係女團BINGO成員嘅佢因為對女團無興趣，所以出錢同公司解約，結果今年行返轉頭，參賽加入女團。面試時花姐都質疑「你而家話畀我聽你想做女團？」不過子涓就話佢會信任嚟緊嘅女團團隊，仲話唔嚟參加都唔知結果。而上年嘅客席導師、今屆導師梁祖堯同上年導師之一嘅林二汶都非常關心子涓，希望子涓今年能夠成功。

子涓最後跳唱演出欣宜嘅《@princejoyce》，至於走文青路線嘅對手陳祖（陳祖兒）就演唱原創歌《做人一定要養貓》，佢嘅風格都得到唔少網民歡心，但最後以三盞藍燈輸畀子涓，落入淘汰區。

#channelchk #ViuTV #全民造星IV #燒賣 #曾業喬 #黃敏蕎 #阿妹 #女團 #陳祖 #陳祖兒 #子涓 #夏子涓

MIRROR成軍3周年 新團歌《All in One》MV公開
12子輪流扮醜 姜濤、Ian久違派糖

喺MIRROR成軍3周年，各位鏡粉又一首團歌可以無限Loop啦！《All in One》MV今日準時晏晝1點喺YouTube公開，喺MV入面，12子除咗勁歌熱舞之外，仲由MIRROR變身「ERROR」，全部拋低晒偶像包伏，整咗唔同鬼臉博君一笑，真係但Channel絲真係要投訴Frankie，點解扮完仲係咁靚仔㗎！12子喺MV入面亦都有好多好有愛嘅互動，例如姜B一嘢攬住Ian、「死神CP」久違派糖，Jer趁Edan畀姜B、Anson Lo箍頸嗰陣去趁熱鬧等等～官方喺MV簡介度話，「MIRROR成軍3週年，為大家帶黎更多正能量，誓要令大家超級興奮！」，之前好多Fans都擔心12子因為忙碌嘅行程而太攰，相信各位Fans見到喺MV笑得咁開心嘅12子，應該都會正能量爆棚！

而鏡嘅官方IG噚晚都Upload咗一張12子嘅舊相，仲寫低咗段感言，「兩年前，迷茫的《一秒間》，到We are《One And All》，今日的《All In One》。有一種態度叫MIRROR！！鏡子不單反映出無限可能性，同時帶來新氣象！！」，佢哋話希望各位鏡粉可以同MIRROR一齊走下去，仲用兩首團歌嘅歌詞同鏡粉約定，「勾手指尾應承你」、「沿途高低伴我走過」。

成軍3周年咁重要嘅大日子，除咗MV之外，官方今日都喺九展舉行三場專屬答謝會，MIRROR喺會上分享咗3年嚟嘅難忘經歷同感受，更加首次公開獻唱新歌《All In One》。場館仲特別設置咗展覽區，除咗佢哋呢3年嚟拎過嘅獎、劇照、紀念品等，仲有12位成員的中學相，睇呢個展覽就好似睇住MIRROR成長一樣，見證佢哋一路以嚟付出過嘅汗水。由2018年到2021年、《全民造星》到MIRROR、《Mirror Go》到《調教你MIRROR》、由當日唔戴口罩喺街行都未必有人認得、車費都未必負擔得起，到今日變成全城焦點，MIRROR同香港人一樣捱過好多低潮，希望MIRROR可以繼續帶住呢股正能量，陪香港人行多無數個三年！

#channelchk #MIRROR #鏡 #鏡粉 #AllinOne #一秒間 #OneandALL #調教你MIRROR #Mirror Go #全民造星

郵局時薪72元聘總務助理
要檢查同教人用「安心出行」

市民周一（1日）起出入政府場地必須使用「安心出行」，呢幾日好多新聞都講長者出入街市、公立醫院時嘅不便，但仲有一個地方其實好多人都會去，就係郵局。唔知係咪因為呢幾日執行起上嚟有困難，郵政署喺今日（3日）刊登咗一個職位空缺，就係總務助理，時薪72元。職責包括檢查訪客有無用「安心出行」、教公眾用「安心出行」等。繼「探熱師」之後，政府又幫大家新增職位啦，係「安心師」呀！

呢份工星期一至五返朝9晚6，星期六就朝早9點至晏晝1點，一般每周工作27至44小時，地點就遍佈港九新界。時薪72元，有人覺得荀、有人覺得出面啲炒散都係咁上下，但睇返同樣係政府部門嘅康文署，佢哋嘅兼職帶位員，時薪都只係57元，而要識埋北印度語嘅兼職警察社區聯絡助理，時薪都係87元，咁呢份只需教吓人點用「安心出行」嘅總務助理，其實望落又真係算唔錯嘅。不過，之前入食肆要強制用安心時，飲食業已經出聲話門口帶位畀人鬧，而早幾日食環工會又話前線變咗出氣袋⋯⋯咁嘅話，呢份「荀」工可能要加多樣職責，就係要俾人「安心出氣」喇～

#channelchk #安心出行 #總務助理 #郵局 #郵政署 #政府 #前線員工 #兼職 #時薪

灣仔某非住宅私人處所 驗出鉛水超標
港4年來首宗 水務署：須改飲用水源如蒸餾水

水務署上周（10月25日至29日）抽驗全港15個用戶的水龍頭食水，發現其中一個在灣仔非住宅私人處所的樣本，鉛含量超出香港食水標準，是2017年12月實施「優化監測計劃」以來首次。該用戶日間隨機取水樣本的含鉛量為每公升17微克；隔30分鐘靜水樣本的含鉛量仍高達每公升12微克，超出香港食水標準、每公升食水不得含有多於10微克鉛。

Channel C向水務署追問鉛水超標的「灣仔非住宅私人處所」在哪？是否食肆？惟水務署未有正面回應，僅稱沒有補充。 署方深夜10時再向Channel C解釋，指鉛水超標處所屬自願化驗，未知對方是否想開名，為保其私隱，亦不至於令其他人對自願化驗卻步，決定不開名；除非超標個案危害公眾健康，才會開名。

水務署已要求相關處所的負責人，通知大廈所有用戶，並採取適當預防及緩解措施，包括須使用其他飲用水源（例如蒸餾水）、在大廈當眼處張貼告示等，以及盡快聘請合資格顧問或人士詳細調查，以找出問題成因及修正。若有關人士未能在合理時間採取有效緩解措施，水務署可根據《水務設施條例》採取相應行動，以保障用戶的食水安全。

#鉛水 #灣仔 #水務署 #channelchk #食水 #C朗 #水龍頭 #優化監測計劃 #蒸餾水 #CristianoRonaldo

砲彈飛車撞毀3間舖！無辜受害人：唔知搵邊個賠｜C睇發現

今集嘅《C睇發現》會訪問被「炮彈飛車」撞毁店鋪嘅店主，睇吓事發當日嘅情形，同埋佢哋嘅損失。無啦啦無得開門做生意、間鋪又爛埋，到底佢哋可以搵邊個索償呢？

去片👉https://www.youtube.com/watch?v=SXt08cAjg9c
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #C睇發現 #車禍 #意外 #賠償 #海味 #上環

食環執法爆衝突被兇片段瘋傳 惡漢粗口怒罵：咁多垃圾唔清？
2男涉襲擊判社服令

食環署人員早前喺北角春秧街就店舖阻街執法期間，遭2名男子襲擊。網上近日流傳雙方「打大交」片段，初時見一名男子疑搶奪被充公貨物後，即被10多名食環署人員包圍，後來一名赤裸上身嘅大漢介入，又不停用粗口指罵人員，「你老母臭X！咁多垃圾唔清？清你老母呀！」雙方爭執持續至少6分鐘，有食環人員其間報警，涉嫌襲擊嘅2名男子噚日（2日）就被判咗社會服務令80小時。

案發係今年6月29日，網上流傳嘅片段長超過6分鐘，片中可見一名黑衫男子疑搶返被充公嘅水果後，即被食環署人員喝停：「放手！唔好玩嘢呀！」其間更一度有10多名食環署人員上前「增援」，將男子包圍，雙方互相推撞，情況混亂。一名赤裸上身嘅大漢亦加入「戰團」，欲拉開食環署人員，令場面更添混亂，黑衣男子嘅T恤亦被扯爛。

在旁嘅一名食環女職員大叫「停手！冷靜啲！」一名人員則表示報警，「有衝突！」雙方嘅肢體衝突終於暫停，但赤裸大漢同黑衣男子等人仍不停以粗口指罵食環人員，「你老母臭X！咁多垃圾唔清？清你老母呀！」、「仆街！X你老母！嚇鬼呀？」、「頭先邊個打我背脊？出嚟吖！」、「幾多號冧巴！」、「咁Ｌ大權利呀？」、「呢啲叫執法咩？」食環署一班人員被粗口辱罵期間，都企定定喺度，未有阻止，另有人員在外圍拍片。

後來一名食環署人員欲平息事件，但惡漢未有聽勸喻，繼續勞氣咁話「大聲唔代表無禮貌」、「拉我喎？」雙方又再幾乎再爆口角衝突。爭執持續至少6分鐘，都未見有警員蹤影，搞到食環署人員追call添！最後片尾聽到警車聲響，但冇交代點收場。

而涉嫌襲擊嘅2名男子，其中一名被告被裁定妨礙公職人員執行職務及普通襲擊罪成，另一名被告就被裁定妨礙公職人員執行職務罪成，噚日喺東區裁判法院分別被判80小時社會服務令。食環署人員喺今次執法行動中亦一共充公約73公斤貨物。

#channelchk #店舖阻街 #阻街 #食環署 #春秧街 #襲擊

蜘蛛俠唔係Marvel先有，原來「韋家幫」都有！快啲㩒入《嘮動新聞》睇吓佢哋爆竊淺水灣豪宅時，點玩命徒手爬樓避警察！
去片👉https://www.youtube.com/watch?v=3Icskhfjms4

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #韋家幫 #嘮動新聞 #蜘蛛俠 #爆竊 #淺水灣 #豪宅

鉛水超標涉灣仔商戶 水務署拒開名：
因不損公眾健康 須護自願化驗者私隱

水務署上周抽驗灣仔某個非住宅私人處所的水樣本，發現鉛含量超出香港食水標準，是「水質監測優化計劃」開展4年來首次，但拒絕開名。有區議員向署方查詢後，得知該處所除有一間食肆，其餘均為商戶，惟署方以食肆水源「應該係分開」、未有影響公眾為由而不開名。他又指，連民政署都不知道該處所在哪，批評水務署封口令市民不安，「大晒啊？」

署方深夜10時向Channel C解釋，由於該監測計劃非強制參與，即使發現超標個案，在確保公眾知情權的同時，亦須尊重參與者私隱，兩者要合適平衡。署方又指，在保障公眾健康的同時，亦不希望開名令有意自願參與計劃的人卻步；表明「除非有關個案會危及公眾健康，或獲得有關人士（業主、佔用人、註冊用戶等）同意，我們不會公佈參與者的身份和超標處所的詳細資料」。

灣仔區議員黃宏泰接受《立場新聞》訪問時，指向水務署查詢後，得知鉛水超標處所除有一間食肆，其餘均為商戶。但署方向他指，該食肆水源「應該係分開」，未有影響公眾，並稱已通知其他商戶，並「會加返啲filter （濾水器）」。由於該監測計劃屬自願性質，他引述署方指地址「唔公佈好過公佈、對件事無幫助」，因不希望令其他參與者對計劃卻步。

黃又指，當他要求民政署處理，但民政署亦不知道該處所在哪。黃批評水務署拒公佈影響市民健康的重要資訊，令人不安，亦未有邀請區議員協助居民了解，質疑署方是否有權這樣做，反問「長期飲鉛水嘅市民，點跟進？」、「水務署大晒啊？」他希望於下次區議會加插議程，邀請水務署回應，並討論署方不通報其他部門，是否有問題。

另一區議員林偉文接受傳媒訪問時，亦批評水務署零透明度可恥，認為此事涉公眾利益，不明白為何署方不公佈鉛水超標的大廈名稱，又指已接獲不少在附近工作的居民查詢詳情，形容署方封口引起市民恐慌。

#鉛水 #灣仔 #水務署 #channelchk #食水 #優化監測計劃 #私隱 #區議員 #濾水器

驚鏡粉要卡唔要雞
大嘥鬼抽水自製「鬼仔卡」、「鬼鬼盒」

政府部門嘅吉祥物，你認得幾多隻？除咗清潔龍阿德同任何仁，相信最多人識嘅應該就係大嘥鬼啦！ 大嘥鬼 Big Waster （鬼鬼）可謂係最勤力嘅「公務員」，每逢有啲咩新話題，佢都總會趁機出Post宣傳佢嘅環保理念。今次 MIRROR x麥當勞炸雞嘅推廣活動Hit爆全城，好多人食炸雞食到厭，仲要諗埋唔同雞料理轉換口味。口號係「食得晒先至好嗌」嘅大嘥鬼，好驚大家要卡唔要雞，所以今次佢特登整咗4張「鬼仔卡」同「鬼鬼概念版食物盒」送畀鬼粉，滿足大家嘅換卡欲，都真係幾有鏡仔們嘅神緒㗎～

IG限定嘅「鬼仔卡」有四張，除咗叫人「最緊要惜食」嘅大字，「鬼仔卡」好多細節都跟返原版嘅麥當勞卡，例如顏色、鏡仔們嘅髮型同Pose等。所以Channel絲大膽推測，藍色嘅應該係姜濤、粉紅色嘅係Anson Lo、綠色嘅係大表哥Stanley、最尾深粉紅嘅就係Jeremy。而鬼鬼好似最偏愛Anson Lo嘅心型瀏海同耳環造型，因為喺FB限定嘅「鬼鬼概念版食物盒」Post，除咗寫住「勿嘥雞」，仲見到梳住心型瀏海嘅鬼鬼，食咗好多嚿炸雞先換到後面12個盒～

Channel絲嘗試唔睇原圖，睇吓認唔認得返12子個炸雞盒，發現鏡仔們啲髮型其實都幾唔同，所以挑戰都算成功，唔知大家又認唔認得晒呢？

#channelchk #麥炸雞 #麥當勞 #MIRROR #環保署 #鬼仔卡 #惜食 #鬼鬼概念版食物盒

為與內地通關 港研機場分隔外國與大陸客
大馬進口冷藏墨魚片驗出COVID-19

【疫情焦點】
👉為與內地通關，有傳港府研究在機場的離境及抵港大堂都劃出兩個區域，分隔內地和外國航班的旅客，防止交叉感染。港府承認，有需要時會分隔來往不同風險地區的旅客。

👉一批重3,100公斤、共有390箱、由馬來西亞經海運進口香港、存放葵涌嘉里溫控貨倉的冷藏墨魚（烏賊）片，其中一個表面樣本和內包裝樣本，被驗出含有COVID-19病毒。雖然貨品沒流出市面，並已全部銷毀，倉庫亦須徹底清潔消毒，但曾到訪貨倉的人仍要強制檢測。

👉港府宣佈合資格的指定群組，即免疫力弱及感染風險較高的人，11月11日起免費接種第3針COVID-19疫苗，5日起預約。官員都建議市民第3針打德國BioNTech復必泰mRNA疫苗谷抗體，並估計有186萬人須打第3針。不過港府早前訂購的750萬劑復必泰已全部抵港，目前只剩下170萬劑。當局指，有需要時會向藥廠補購。

#COVID19 #疫情 #疫苗 #第3針 #復必泰 #mRNA #BioNTech #抗體 #channelchk #馬來西亞 #葵涌 #嘉里 #溫控 #貨倉 #冷藏 #墨魚 #烏賊 #強制檢測 #強檢 #通關 #機場 #交叉感染 #中國 #內地 #航班

冷鋒襲港前反增溫！周六市區29°C北區31°C
急插9度涼足5日 周三市區16°C北區14°C

【天氣師李鈺廷提提你】
本港至11月7日周日冷鋒襲港前仍炎熱，甚至氣溫倒升；天文台料周六市區高見29°C，電腦料北區更高達31°C。不過大家勿掉以輕心，因冷鋒在周日過境，氣溫大半日急插9度；天文台料市區由周日下午28°C，跌至翌日早上17°C。北區更可能由周日下午30°C，跌至翌日早上16°C。而今次冷空氣或至少令本港清涼5日，其中周三市區將跌至16°C；北區可能低見14°C。

香港天文台 HKO @hk.observatory 科學主任梁浩明、蘇嘉威和莊思寧撰寫網誌，提醒市民注意3點：

👉周日中午前仍偏暖，但中午後轉涼。外出時最好預備外套，應付中午後顯著下降的氣溫。當日也會有幾陣雨。

👉受冷鋒隨後的強烈東北季候風影響，下周早晚天氣清涼；市區低見約16°C，新界再低兩三度。

👉周日中午後至下周中期風勢頗大，容易帶走體溫（風寒效應），令身體感覺更涼。

此外，今年11月7日適逢二十四節氣的立冬。不過立冬並不代表香港天氣一定轉涼。雖然天文台在1937年的立冬，曾在市區錄得15.6°C的最涼立冬紀錄，但去年立冬卻錄得30.2°C，刷新最暖立冬紀錄。

#天文台 #weather #轉涼 #冷空氣 #氣象 #forecast #預測 #天氣 #李鈺廷 #冷鋒 #立冬 #二十四節氣 #季候風 #風寒效應

載磚車落斜失控 撞凹途經香島道私家車釀3傷
毀深水灣億元洋房閘 業主乃太古前大班簡基富

一輛滿載磚塊的密斗貨車，昨（3日）下午2時許在港島南區深水灣香島道的支路落斜往大路時，懷疑煞掣失靈，失控衝落坡，撞凹途徑大路的白色七人車，再撞爛由太古前大班簡基富（Kerr Keith Graham）持有、香島道36A號億元洋房的鐵閘及圍牆。兩車其後由拖車拖走，交通一度擠塞。

七人車車尾右邊頂部和左邊車身，被撞至嚴重凹陷變形，後座兩名41歲金姓和42歲張姓女乘客被困，分別膊頭及頸部受傷浴血。貨車車頭亦撞至嚴重損毀，擋風玻璃爆裂，65歲李姓司機被困車廂，背部受傷。消防將3人救出，他們均清醒；其中金女送往瑪麗醫院，而張女和李司機送往律敦治醫院。

被撞的七人車由47歲菲裔男司機駕駛，接載韓籍車主的妻子及友人出外。意外後，車主憂心忡忡趕到現場了解，並向傳媒稱對意外感到憤怒及震驚，指摘貨車司機肇禍，誓言追究其責任。

意外後，太古前大班簡基富（Kerr Keith Graham）到場檢視獨立屋鐵閘及圍牆損毁情况，沒回應傳媒提問。地產代理資料顯示，簡基富2009年以1億1,750萬元，購入香島道36A號、實用面積3,840平方呎的獨立屋，呎價逾3萬元。

#channelchk #車禍 #交通意外 #香島道 #獨立屋 #洋房 #私家車 #貨車 #七人車 #太古 #大班 #簡基富 #KerrKeithGraham #失控 #brake #煞車 #制動

MIRROR新團歌《All in One》MV首播一日 登發燒影片第2位
加拿大英國亦上榜

MIRROR噚日（3日）成軍3周年大日子推出新團歌《All In One》，MV同日亦都喺YouTube頻道首播。簡介提到「MIRROR集合12份力量，銳變萬能!! 集合各人嘅強，育成無比力量」，可能就係呢股力量，MV播出短短一日，點擊率已錄得逾36萬人次，登上音樂發燒影片第2位。而且唔單止香港走勢凌厲，喺海外都好強勁，喺加拿大同英國亦分別排第19同21，證明海外鏡粉嘅應援勢力都相當驚人！

海外鏡粉仲用唔同方式，遠距離同鏡分享佢哋呢份喜悅。其中喺加拿大溫哥華嘅姜糖嚟緊今個月13至14日，將會喺列治文時代坊中庭舉行「姜濤出道3周年」展覽，係第一個加拿大大型公開應援活動，場內有大量打卡位之外，仲會有未開公嘅姜靚相，喺加拿大嘅姜糖們唔好錯過。

#channelchk #MIRROR #鏡 #鏡粉 #AllinOne #應援 #海外鏡粉

楊明不小心駕駛罪成被判入獄18天
法庭准保釋等候上訴
嘮動新聞👉 https://youtu.be/MYEDzkJjcc4

TVB藝人楊明（原名林明樂）去年8月喺半山馬己仙峽道發生交通意外，他早前承認「不小心駕駛」及「車窗玻璃光度不足」控罪，今（4日）在東區裁判法院被判18天監禁、停牌2年和罰款3,000元。女友莊思明聞訊後哭成淚人。辯方當庭提出上訴，法官批准楊明以3萬元保釋，等候上訴。

身穿黑色西裝的楊明今日下午2時左右，與女友莊思明手拖手抵達法院。他神情凝重，不發一言，被問到心情、可擔心被判監時都未有回應。

事發於去年8月，楊明在馬己仙峽道駕車失事撞壆後，被控「拒絕提供血液樣本以作化驗」、「不小心駕駛」及「車窗玻璃透光度不足」3項罪名。他早前承認「不小心駕駛」及「車窗玻璃光度不足」控罪，但否認「拒絕提供血液樣本以作化驗」罪名。

裁判官鄧少雄當時裁定「拒絕提供血液樣本」罪不成立，但其餘兩罪表面證供成立，原還押候判。但辯方律師及後指其律師團隊向楊明提供錯誤法律意見，令對方誤以為認罪後不會還押及判監，故推翻兩項控罪的認罪答辯，獲法庭批准。案件於上月21日在東區裁判法院審判，但兩項控罪覆核申請敗訴，維持原判。

#channelchk #楊明 #莊思明 #不小心駕駛 #半山 #馬己仙峽道 #交通意外 #車禍 #TVB #鄧少雄 #裁判官 #拒絕提供血液樣本 #車窗玻璃光度不足 #上訴 #停牌

元朗Tesla疑衝燈 攔腰撞飛電單車外賣員

今日（4日）中午12時17分，元朗一架Tesla懷疑衝燈，攔腰撞向兩架電單車，一名外賣員更被撞飛至倒地，幸有其他駕駛人士及途人上前協助及報警。事發位置為元朗朗日路近YOHO MALL一期對出，據網上流傳車Cam片段顯示，電單車外賣員按綠燈右轉時被涉事Tesla衝燈攔腰直撼，撞飛至數米外，外賣食物亦散落一地。外賣員與另一名受傷的鐵騎士送院治理時仍然清醒，至於Tesla私家車女司機則在場協助調查。警方目前仍然在調查案件，初步不排除有人不按交通燈號指示行駛。

#channelchk #Tesla #電單車 #外賣員 #車禍 #車Cam #衝燈 #交通燈

貝澳2水牛追逐衝向人群 3學童被撞傷送院

大嶼山貝澳有牛隻跑出馬路並在行人路上奔跑，再撞向學生群，撞傷3名小朋友。其中一名8歲外籍女童肚部受傷一度陷入昏迷，其後回復清醒。而涉事兩隻水牛其後逃去無蹤。

事發今早9時半左右，警方接報指大嶼山南嶼南道近貝澳公共停車場，有兩隻水牛追逐，撞傷學童。網上流傳的車Cam影片所見，一隻水牛衝出馬路，跑上對面行人路後，另一隻水牛從後追至。

警方表示，水牛其後衝人學生群，撞到2名學童，另有8名年齡8至9歲的學童在閃避期間懷疑跌倒。其中一名被撞的8歲女童肚部受傷一度陷入昏迷，其後回復清醒；連同另外2名分別胸口傷、臉及手部受傷的男童，他們由救護車送往北大嶼山醫院治理，兩名男童其後被轉送瑪嘉烈醫院治理。至於另一名被撞傷，及其餘6名學童則拒絕送院。

#channelchk #水牛 #貝澳 #大嶼山 #車Cam #行人路

Tyson Yoshi 操足5個月
由「小肥」變爆肌型男

近期表現矚目嘅 TysonYoshi（程浚彥），之前喺《拉闊音樂會風火雷電》演唱會度除衫騷肌，除咗令台下觀眾尖叫心心眼之外，仲畀同台嘅姜濤激讚佢身型有出名兩個Stanley（邱士縉）咁厚。 Tyson Yoshi早兩日再喺IG Po出爆肌相，個手瓜同腹肌望落好似仲結實過演唱會嗰陣，仲爆晒青筋添！呢個時侯，Tyson Yoshi嘅健身教練就喺IG爆出佢5個月前嘅肥仔相，相中見到嗰陣啱啱係台灣返香港嘅佢，上身啲肉「鬆拋拋」，同而家一啲都扯唔上關係，短短5個月就操到咁Fit，睇嚟Tyson Yoshi真係落足苦功啊～

#channelchk #TysonYoshi #程浚彥 #肌肉 #Gym #身型

犯法就係犯法，一定要負責。不過楊明不服判刑，提出上訴，獲准保釋候審。旁白師為大家解說👉 https://youtu.be/MYEDzkJjcc4

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#channelchk #楊明 #莊思明 #不小心駕駛 #半山 #馬己仙峽道 #交通意外 #車禍 #TVB #鄧少雄 #裁判官 #拒絕提供血液樣本 #車窗玻璃光度不足 #上訴 #停牌 #嘮動新聞

開始啦！平時喺《玄機解樓》睇風水嘅碧霞老師，而家開LIVE同大家分析2021年生肖運程，仲有台柱汶汶同占占一齊傾偈，各位快啲一齊入去聽啦！

今晚8點半嚟Channel C一齊傾～
Part 1👉 https://youtu.be/VWsro3aC2T8
Part 2👉 https://fb.watch/93DA1bcYNI
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #碧霞老師 #玄機解樓 #LIVE #直播 #汶汶 #占占

林鄭受訪籲市民為通關內地 忍自由受限
第3針打科興：抗體非「愈高愈巴閉」

港府周一（1日）起強制市民用「安心出行」進入政府場地，措施執行首天便已引起混亂，又有長者稱不懂使用，特首林鄭月娥今接受《有線新聞》專訪時指，通關是香港整體社會的期盼，呼籲市民接受一些限制了個人自由、行為的措施，會斟情處理一些特別有困難的市民，例如長者等。

近日有傳聞指政府下步會強制B類食肆亦需使用「安心出行」，林鄭稱，政府下一步會看看其他處所是否要強制，「有些食肆C、D類已經（強制使用），進一步就是其他處所。」對於坊間對程式的私隱度仍存在質疑，林鄭續稱沒有計劃在安心出行加入追蹤功能，但就表明市民將來若想免檢疫到內地，就要上載安心出行記錄。林鄭又強調，措施只是為了香港整體社會的公眾利益，不是故意難為某一些市民。

政府近日公佈接種第三針疫苗的安排，林鄭指，為了向中央展示通關決心，她希望市民可以快點接種。 林鄭續稱，她是第一批接種科興的人，上次接種後亦完全沒有負作用，所以會繼續接種科興。林鄭又指據她了解，抗體不是數字「愈高愈巴閉」，而是「夠就得㗎喇」。

中大呼吸系統科講座教授許樹昌早前引述土耳其數據，指頭兩針打科興的人，第三針若轉打復必泰抗體會升46倍，若仍續打科興則只升1.7倍。被問到專家說打復必泰較好，林鄭指香港人喜歡有得選擇，政府這次都是讓大家選擇。

#channelchk #林鄭月娥 #政府 #安心出行 #抗體 #通關 #科興 #疫苗

性感馬欣舞技精湛 未演出先獲導師搶入組
樂隊主音落復活區 評判準則被質疑

ViuTV《全民造星IV》噚晚（3日）可以話係「舞林大戰」，6位參賽者有5位表演跳舞，其中又以家琪（莫家琪）同馬欣（馬彩欣）兩位專業舞蹈員對決最搶fo，佢哋一個行型格路線，一個性感得嚟又唔低俗，搞到評判都勁難揀。至於表演自彈自唱嘅獨立樂隊小紅帽主音Ashi（曾善婷），演出獲導師同花姐好評，但結果落入復活區；其對手、跳Anson Lo（盧瀚霆）《EGO》嘅16歲阿Yo雖然晉級，但就被花姐批評「咁樣跳有咩意思？」網民都替Ashi唔抵，「唱得反而要去『復活區』…真係唔知乜嘢玩法！」花姐都話「評判好攰喇？」

被網民形容為「靚版黃心穎」嘅馬欣係黎明「御用dancer」，試過跟隨天王黎明到台北、澳門等地出騷，又曾為側田、許靖韻、譚詠麟和歌神許冠傑等伴舞；家琪亦曾多次為MIRROR伴舞。

噚晚節目入面，馬欣同家琪喺首輪面試已經深得大家喜愛，導師梁祖堯（阿祖）更高度讚揚馬欣嘅舞姿「性感得嚟完全唔Cheap」、「我好欣賞你呢位Artist」。所以噚晚佢哋比賽開始前，阿祖已經率先撳掣搶住要，所以佢哋任何一個勝出都會加入阿祖一隊。

佢哋兩位繼續表演跳舞，馬欣嘅性感舞姿配以一身白色緊身高衩服飾，相當搶鏡，獲網民形容「馬欣世一」；而家琪則繼續走型格路線，兩位表現都超水準。評判當奴大讚馬欣整個表演都充滿自信，而且一直keep住笑容，又形容家琪表現無得挑剔。

但當兩個只能活一個嘅時候，評判都覺得勁難揀，但最後馬欣成功獲得3盞藍燈晉級。不過，有網民就質疑朱康評審準則，話佢講到唔欣賞馬欣搵dance伴舞，所以理應投票家琪獨舞嘅演出，但「點知佢最後投俾馬欣😅咁其實佢係咩準則㗎？」

至於另一輪淘汰賽由Ashi對決阿Yo，Ashi自彈自唱《Just the Two of Us》，一開口即獲得花姐讚好聽，Alfred都表示「得啊」，但評判就有唔同睇法，朱康就直指Ashi觸動唔到佢。到阿Yo出場跳《EGO》時，喺後台嘅花姐都不時挑剔「呢件咩衫嚟！」、「咁樣跳舞有咩意思？」

正當以為Ashi會贏出之際，3位評判都一致選阿Yo入圍，花姐得知賽果都O晒嘴，問「評判好攰喇？」兩位導師都無撳燈搶人，最後由評判安排入許廷鏗（Alfred）一組。

#channelchk #全民造星IV #女團 #馬欣 #家琪 #Ashi #阿Yo #小紅帽 #花姐 #梁祖堯 #許廷鏗 #朱栢康