香港人的悲歌。
（片段有誤需再上架，旁白師JJ插沙跪求大家睇多次🧎🏼‍♀️）
（註：旁白師叫JJ，大家唔好諗多😉）
👉去片：https://youtu.be/Q7dn0Lnn91M

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #C睇發現 #工廈 #屈蛇 #香港

突發！未到中秋，馬鞍山嫦娥已經帶埋奈何橋一齊私奔到月球！🌕

提供相片嘅 馬鞍山人，馬鞍山事 Admin話，夜晚八點幾去已經唔見咗嫦娥啦！

唔知咩事嘅，Channel C同大家介紹返，呢嚿係馬鞍山富寶花園名物紙紥中秋裝飾，本身係有位孖辮子姑娘嫦娥企係條「奈何橋」度等奔月㗎，而家得返隻兔孤伶伶。Channel絲好好奇，日頭明明好哋哋，點解入夜就唔見咗㗎⋯⋯到底邊個係嗰位「心狠又手辣的小偷」呢？！🥲

#馬鞍山 #嫦娥 #紙紥 #中秋節 #富寶花園

iPhone13周五預售！128GB US$799 推4型號
聲稱快50% 屏幕光28% 電池多2.5小時

果迷引頸以待嘅Apple新一代iPhone終於來了～蘋果發佈會一口氣公佈咗iPhone13&13mini同Pro&Pro Max嘅詳情，唔知邊部啱你心水呢？

今次部機有5款顏色，新增咗淡粉色同飛走咗上一代嘅綠色和紫色。至於大細則同上一代一樣，不過螢幕嘅邊框比以往更窄。屏幕除咗換咗更硬嘅玻璃，亦都比上代光28%。而追求速度嘅果迷有福了，今代iPhone用上A15晶片、6核心處理器，聲稱比市場上任何對手至少快50％，iPhone 13電量增加咗2.5小時，而mini都多咗1.5小時。鏡頭方面，今代除咗有1200萬像素廣角鏡、光學防震等，拍片亦都加入返人像拍攝功能，唔洗再驚Out Focus。

講咁多，都係想知價錢啫，iPhone 13「最低消費」為128GB，開價USD$799，iPhone 13mini則USD$699。

至於iPhone 13Pro同Pro Max，就分別有白、金、銀淺藍4種顏色，配備全新「ProMotion」支援120hz螢幕更新率、f/1.5大光圈廣角鏡頭、微距攝影模式等。而iPhone 13 Pro電量增加咗1.5小時，iPhone 13 Pro Max則提升2.5小時。今次亦都無咗Touch ID，得返比較「安全」嘅Face ID。

Pro同Pro Max容量最高為1TB，但都係最低消費128GB，分別售USD$999及$1099，今個星期五起已經可以預購。

#iPhone13 #iPhone13mini #iPhone13Pro #iPhone13ProMax #Apple #AppleEvent2021

祝姜B早日康復🥺 一眾姜糖一定會陪你「昂然在那些陰影 笑著行過」！
👉嘮動新聞
粵語版： https://youtu.be/relO6mnIH0Y
國語版： https://youtu.be/TMkQVWQx_bw

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！

https://youtube.com/channel/UCQRdJCdUVkXYPvWZ6_Omkag

#channelchk #嘮動新聞 #姜濤 #KeungTo #姜濤暈倒 #花姐 #MIRROR #AnsonLo #Jer

矽膠食物盒含矽氧烷超標或傷肝
消委會：$49 IKEA食物盒評分高

疫情影響，外賣機會大增，帶飯慳家亦成為trend，市場湧現大批矽膠食物盒同摺杯，幫你襯晒色襯埋style。不過減塑都要睇清楚安唔安全。消委會今日出版新一期《選擇》月刊，測試市面摺合式矽膠食物盒同摺杯，6成樣本嘅可揮發性有機物質含量超出德國上限，有機會影響食物安全，甚至傷肝。

$49嘅IKEA食物盒未有超標，但執笠倉、Lexngo、EZ Cook、Diamond、Cinnamoroll同Gourmet都超標。至於億世家出產嘅摺疊水杯，相關物質含量超標最高達1.4%。諷刺嘅係，香港係冇針對食物接觸物料嘅安全規定。

根據最新一期《選擇》月刊測試報告，今次測試嘅9款可摺合矽膠食物盒同5款摺杯，食物盒樣本售價由$29至$130，摺杯樣本售價由$12至$200不等。

億世家出產嘅摺疊水杯，相關物質含量超標最高達1.4%；其次係執笠倉同Gourmet嘅摺合式飯盒，含量達1.3%。

所講嘅超標物質，係指矽膠物料中含矽氧烷為主嘅可揮發性有機物質。若含量過多，或會遷移到食物中。消委會引述研究顯示，長期接觸高劑量矽氧烷，或影響肝臟健康。

根據德國LFGB標準，載食物用嘅矽膠製品，可揮發性有機物質含量不可高於0.5%。但今次測試結果就發現，14款樣本中，有9款係含量超標，其可揮發性有機化合物含量由0.76%至1.3%不等。

超標嘅可摺合矽膠食物盒測試樣本，包括Lexngo、EZ Cook、Diamond、Cinnamoroll、Gourmet同執笠倉；$49嘅Ikea食物盒則無超標，含量是0.26%。

5款摺杯樣本中，3款超標，包括Daiso、Seiwa-pro及億世家，相關含量介乎0.8%至1.4%。售價$79嘅Lifeventure摺杯相關含量最低，低於0.1%。


#IKEA #億世家 #消委會 #執笠倉 #矽膠 #選擇月刊 #channelchk

灣仔利東街七彩燈籠陣迎中秋 今個周末仲有慈善市集😍

香港商場啲鋪頭嚟嚟去去都係嗰啲，真係行到識背啦～中秋節有咩應節好地方可以去呢？🧐

充滿歐洲風情嘅灣仔利東街 Lee Tung Avenue 喺今個中秋節搞搞新意思，喺林蔭大道掛起咗688個以紅、粉紅、綠及紫為主調嘅七彩燈籠陣，夠晒氣氛之餘又可以打返張卡！唔識影相嘅老公們唔洗驚會變前夫，因為喺9月18、19、25、26及10月1至3日呢七日間，利東街仲會沿街提供即影即有服務，只要follow「利東街」嘅社交媒體就可以免費影一次啦～😍

除此之外，嚟緊9月18至19日嘅呢個周末，利東街仲同麥田捕手及Make-A-Wish合作搞咗個慈善市集，裡面有嚟至唔同本地手作小店嘅手工皂、香薰蠟燭、畫作、衣物、首飾，甚至連生酮食品都有啊～而只要捐滿指定金額，就可以參加DIY燈籠慈善工作坊，有得捐又有得玩，記得唔好錯過啦！🏃🏻‍♂️

#利東街 #中秋節 #燈籠 #打卡 #麥田捕手 #MakeAWish #市集

《汶汶乜都試》主持、Channel絲汶汶今日生日呀~😌但汶汶透露近日入咗醫院：「今個生日同上年一樣，同醫院好有緣；今年附加多一個小手術，排緊期做。」😥小編祝佢生日快樂之餘，亦祝佢身體健康、早日康復，繼續為大家乜都試！🤟大家一齊去佢IG，幫佢打氣啦~💪

👉 https://www.instagram.com/carinamanman

#汶汶 #汶汶乜都試 #生日快樂 #手術 #入醫院 #channelchk #happybirthday

七仙羽遭冒名出產品 3千蚊條「師傅愛你」水龍珠
自稱苦主網上唱衰7cfu拒對質

七連閃電鞭！一定要用七連閃電鞭！！

「非常嬲！」7cfu一開波就係呢句，齋睇字都feel到cfu嘅怒火。事件就係，有人冒充cfu、出各式「師傅愛你」product，有月餅有水龍珠。咁cfu梗係冇錢收啦，佢都唔係代言。但最荒謬嘅係，有自稱苦主嘅鄧小姐聲稱，6月向「七羽仙」買咗條3千幾蚊嘅水龍珠，錢已付貨遲遲未收到。於是，鄧小姐就上網鬧爆師傅…

cfu就梗係勁嬲，自己俾人冒認，呃咗人錢，但俾人鬧嘅係自己。cfu嬲到去搵呢位苦主對質，要求佢澄清有關言論，因為呃佢嘅真係唔係cfu。

「知道有人冒充我，她應該對我說對不起，而且要澄清一下對嗎？但她的行爲令我非常非常不可思議！！！」cfu成個fb post係咁瘋狂用3個感嘆號嘅組合，七連閃電鞭嘅級數！！！

cfu為證明真身，DM對方兼錄音留言，證明真身，要求鄧就網上有關言論同道歉，鄧小姐堅稱唔信佢就係cfu；之後cfu打俾佢，唔聽，但有用文字回覆留言，聲稱要報警，又質疑cfu：「你說不是你就不是你嗎？」「你應該致電那個冒充你名字的人」

鄧小姐回覆cfu嘅DM表示，同事向自稱「七仙羽」嘅人買咗條水龍珠，鄧小姐覺得有功效，於是又買。6月21號俾咗3千幾蚊，到而家都未收到貨。7cfu追問鄧小姐有冇對話紀錄或單據，冇回應。
所以cfu嬲到要喺網上出po。咁又係，cfu嘅口音，點扮呀？叫鄧小姐上佛堂當面對質，佢又唔肯。大拿拿3千幾蚊喎！

cfu接受Channel C訪問時，餘怒未消：「而家網上好多人冒充我賣嘢，『師傅愛你』嗰啲產品，我從來都冇出過產品。我都冇所謂啦，由佢啦。總之我唔會搞呢啲嘢。」

cfu話，鄧小姐明知cfu都係受害者，但堅拒就網上抹黑言論道歉，更拒絕澄清。「我問邊個呃佢，佢吚吚哦哦；我問佢點解唔直接搵我、點解唔信我，我話我喺七師傅，佢都唔信，我覺得佢係好唔啱邏輯。」鄧小姐既唔聽電話又唔肯見面，亦拎唔出證據，令cfu開始懷疑，究竟呢個自稱苦主嘅人，係咪真有其人。

「搵我好容易，我把聲實認得。我覺得佢好有問題，都唔知真有呢個人定係假。問都唔問吓就唱我？佢明明可以搵到我，點解唔搵我？我叫佢澄清，佢又唔肯。」

今舖七連閃電鞭可能加到一百鞭都唔夠…

#師傅愛你 #水龍珠 #7CFU #七仙羽 #抹黑 #打手 #channelchk

好想瘋狂同馬曉晴、伍家朗食辣，仲想聽強尼（全能）一路食三哥一路講波🤩
👉去片： https://www.youtube.com/watch?v=0qQtb2aSX0g
＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！
👉YT：https://youtube.com/channel/UCQRdJCdUVkXYPvWZ6_Omkag
👉FB：https://facebook.com/channelchk
👉IG：https://instagram.com/channelchk
報料／廣告接洽：
info@channelchk.com
#channelchk #譚仔三哥 #伍家朗 #強尼 #馬曉晴

35歲租樓廚師打針變凱滙業主 獲甘比加持
免繳印花稅雜費首年管理費 睇樓「很興奮開心」

信和和華人置業早前舉辦COVID-19疫苗抽獎，為吸引更多市民打針，更不惜捐出觀塘凱滙一房單位做終極大獎。主辦方於月初公佈得獎名單，身份證字母為「Z」的幸運兒被熱議身份及背景，而這位準業主的真身終在昨日的頒獎儀式中揭盅。

頒獎儀式由華人置業集團CEO陳凱韻（甘比）主持，而備受關注的幸運兒則為35歲的男廚師李先生。他本正租住於長沙灣，未來打算與家人入住得獎的3座47樓D室的一房住宅單位。他「睇樓」時於單位內形容得獎心情，指「很興奮，很開心，沒有想過會贏到這個終極大獎」。而信和早前指，單位及的任何香港印花稅、註冊費及律師費，及首年管理費都將會由贊助單位支付。

#凱滙 #觀塘 #廚師 #疫苗 #信和 #華人置業 #甘比 #COVID19 #抽獎 #陳凱韻

WeLab Bank請你免費搭九巴 仲有機會贏走PS5

天下無免費午餐，但就有 WeLab Bank 請你免費搭 KMB 九巴 ，仲隨時有機會贏埋部PS5返屋企添！快啲碌落去睇詳情啦！

今次虛擬銀行WeLab Bank同九巴合作，攜手推出咗全港最大型嘅巴士優惠活動，真係Jetso多籮籮啊～嚟緊連續三個星期日，WeLab Bank都會全日各請香港人免費搭一條指定路線，9月19日打頭陣嘅喺好多鏡仔應援車嘅1A（中秀茂坪 ⇌ 尖沙咀碼頭）；9月26日係108（​​九龍灣（啟業） ⇌ 寶馬山），無論係去銅鑼灣Shopping，定喺紅隧轉車去海洋公園玩，都一樣夠哂方便。而10月3日，就輪到96R（鑽石山站 ⇌ 黃石碼頭），啱晒鍾意行山同大自然嘅你～WeLab Bank同九巴真係好了解香港人放假鍾意去邊嘅啫，不愧係土生土長嘅香港品牌呀。

如果你放假鍾意留喺屋企打機都唔緊要，只要你平時轉一轉地方打，就有機會贏部PS5返屋企啦！WeLab Bank會喺巴士車廂內推出手機遊戲，只要Scan巴士椅背嘅QR CODE，就可以挑戰遊戲同參與PlayStation 5大抽獎啦！未用過WeLab Bank嘅你，玩遊戲仲有機會贏取高達$2,000嘅開戶獎賞，開戶快至五分鐘就可以完成㗎啦～

仲有最後一樣優惠未講呀，正所謂慳得一蚊得一蚊，只要你用WeLab Debit Card搭設有電子支付系統「e度嘟」嘅九巴路線，就可以每程減$2（每月上限為$120），實體卡同Apple Pay都適用㗎（「e度嘟」九巴路線： shorturl.at/guBQ1 ）
*WeLab Bank 與九巴的合作活動受條款及細則約束，詳情請瀏覽：
shorturl.at/iFV68

#ChannelC #WelabBank #九巴 #虛擬銀行 #DebitCard #PS5

Channel C好努力搵孖辮子姑娘嫦娥，可惜佢已經返咗深閏⋯⋯
👉去片： https://youtu.be/jfkT2dW4UXk

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！
👉YT：https://youtube.com/channel/UCQRdJCdUVkXYPvWZ6_Omkag
👉FB：https://facebook.com/channelchk
👉IG：https://instagram.com/channelchk
報料／廣告接洽：
info@channelchk.com
#channelchk #嘮動新聞 #馬鞍山 #嫦娥 #奈何橋 #中秋節 #富寶花園

攰到暈低作嘔 姜濤IG報平安卻自責
「抱歉讓大家擔心 照顧好身體是自己責任」
短短1小時 獲逾萬人留言打氣

姜濤是男神，但男神也要好好休息。9月14日凌晨2時才下班、但早上11時許又到商場出騷的姜濤，疑體力不支，出場僅6分鐘便當場暈低，要由保安扶走，其間多次作嘔，要用手掩口。休息1.5日後，姜濤深夜在IG報平安，卻自責「沒有照顧好自己的身體」、「抱歉讓大家擔心」。

今年5月，屬天團MIRROR一員的姜濤，已在IG慨嘆「I'm tired of everything」；近期更忙個不停，除要出席各大商場活動和幫手宣傳ViuTV劇集，又要力谷新歌和趕拍電影。暈低當日，姜濤穿上厚厚冬裝，出席尖沙嘴海港城活動，雖已化上厚妝，但掩飾不到疲態和水腫，且步履不穩，結果出場6分鐘便暈低。

姜B經理人花姐其後在IG解釋，姜濤當時有少許胃痛，現場環境「有點焗」，加上閃光燈不斷，所以有少許腳軟而「跣低」，但沒大礙，呼籲「大家不用擔心，老姜答應我，呢兩日會好好休息」。

休息1.5日後，姜濤深夜在IG出post和story報平安；在story貼出V字手勢，打上「我沒事~」，又在post撰寫簡短感言，配上踎在地的逆光相，短短1小時即獲逾萬人留言打氣和逾7萬人讚好。這位「一號種籽」在帖文兩度致歉，自責「沒有照顧好自己的身體」、「抱歉讓大家擔心」。

「真的很抱歉
讓大家擔心了

身為藝人
沒有照顧好自己的身體是自己的責任
所以好好聽了花姐的話
今天好好吃飯睡覺了❤️
休息一天後身體狀況好很多了

你們的關心祝福我都收到了
真的很感謝每一個關心我的人
你們都是我生命中的貴人

再次抱歉讓大家擔心了
讓🍬擔心了」

#姜濤 #海港城 #channelchk #MIRROR #花姐 #報平安 #胃痛