張致恆負面新聞累大仔面試遭歧視
鬧爆幼稚園校長：難道我個仔就唔配讀書？

曾被指一腳踏幾船、欠債唔還張致恒（Steven），婚後與太太育有兩子。近日佢2歲幾嘅大仔天寶就參與幼稚園K1面試，Steven都陪同出席，但今日就突然喺社交平台爆seed，鬧爆學校校長因為佢嘅過去而歧視囝囝，「難道我個仔就唔配讀書嗎？有一個咁樣嘅爸爸就唔可以喺呢個社會立足嗎？」

Steven同原本係佢女fans雯雯傳出閃婚後，隨即被爆「一腳踏五船」，但一直獲老婆力撐。Steven之後更被揭向不少圈中人借錢，其中債主馮鎵瀠（Naomi）就踢爆Steven借錢超過半年唔還，但就有錢搬屋請工人。而Steven為咗賺錢，近月積極返內地登台，上月又參與拳賽同YouTuber大J對戰賺錢。

雖然負面新聞不斷，但Steven都不時喺社交平台post家庭照，分享家庭樂。佢日前就post咗陪天寶面試時嘅喜悅：「當所有人叫我做張天寶爸爸而唔係叫我個名嘅時候，心裏面有一種好奇妙嘅感覺，......我好鍾意做爸爸呢個角色！」

不過到今日，Steven就自爆兒子遭岐視：「其實真係好嬲，雖然我係曾經犯過好多錯，大家唔原諒我唔緊要，但係點解我同個仔去報名幼稚園要俾個校長歧視，難道我個仔就唔配讀書嗎？有一個咁樣嘅爸爸就唔可以喺呢個社會立足嗎？」佢冇公開係邊間幼稚園，以免被指影響校方名氣，但批評「幼稚園校長講到自己唔會放過任何一個教小朋友嘅機會，就要講到明因為我嘅原因唔畀我個仔機會讀書嗎？」

#channelchk #張致恆 #歧視 #一腳踏5船 #欠債 #馮鎵瀠 #Naomi

阿叔會展外當街小便 網民：正門入去已經有廁所

成世人流流長，忍尿係人生必經之路，但香港無嘢多，商場最多，只要唔係上咗車或者喺荒山野嶺，搵廁所簡直so easy。不過唔知點解，硬係有人鍾意當眾解放，FB專頁「中環十一少」噚日下晝經過灣仔會展外，影到位男士喺牆邊小便，之後就行咗入君悅酒店。

Channel絲問過中環十一少，佢話當時無保安介入，佢嘗試搵清潔姐姐投訴，但姐姐都唔敢理。十一少形容嗰位男士無講嘢，所以都唔知佢來自哪裏，只係覺得佢外型似華人。有網民搞笑咁借渣打馬拉松抽水，話位男士幫香港「加緊油」，十一少應該報警，又有人曲線話因為幅牆淨係得告示話唔畀吸煙，所以佢喺度屙都正常嘅～

其實根據《公眾潔淨及防止妨擾規例》，任何人喺公眾地方大、小便都係違法㗎，初犯最高可以被罰5,000元，再犯就會被罰款一萬。諗深一層，呢位男士唔止對唔住清潔姐姐，仲侮辱緊各位日日被屯公同觀塘老母折磨嘅膀胱們⋯⋯各位除咗見字飲水，仲記得急尿就要搵定廁所喇。

#channelchk #中環十一少 #廁所 #灣仔 #會展 #君悅酒店

其實打工仔嘅訴求，只係有糧出咋。

去片👉 https://www.youtube.com/watch?v=m2VyNPoGucA
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #嘮動新聞 #瑪麗醫院 #地盤工 #欠薪 #堵路

萬聖節金多寶8,335萬頭獎1注中 歷來第5高
攪出六合彩號碼 你中幾多？

今年萬聖節金多寶是第95期六合彩攪珠，總投注額1億6,600多萬元。攪出號碼為9、14、23、28、34、48，特別號碼36。頭獎1注中，每注派8,335萬多元，為歷來第五高；二獎6.5注中，每注派近120萬元；三獎257.5注中，每注派8萬多元。

#萬聖節 #金多寶 #六合彩 #頭獎 #channelchk

天水圍少女遭跟蹤尾隨回家
警方隔日拘捕26歲男街坊

周一（25日）凌晨時份，天水圍天富苑一名24歲少女疑被陌生男子跟蹤回家，她在網上公開閉路電視片段及事件經過，並呼籲街坊小心。事隔一日，警方在同區屋邨以涉嫌遊蕩拘捕一名26歲姓劉本地男子，並檢獲一件黑色外套、運動長褲及波鞋。

女事主早前在網上發文，指一名男子一路尾隨她進屋苑大堂，又一度想跟她乘搭同一部電梯，惟因另有住客入𨋢，男子才止步。該男其後乘搭電梯到女事主所住樓層，當時女事主正在家門前脫鞋，但卻見到男子突然出現在走廊，於是馬上衝進家門，將事告知父親及報警。女事主稱，她當時透過大門防盜眼看見對方正在其單位外徘徊，行徑非常可疑，希望街坊小心。

疑犯被捕消息傳開，女事主在IG感謝每位曾分享事件的網民，又希望大家不論男女，都要學懂好好保護自己，「遇到危險都要記住出聲！唔好姑息呢類人！既可保障自己，亦希望今次呢件事可以為同區街坊帶回小小安全感」。

事件在網上引起討論，有網民批評該少女穿短裙是「引人犯罪」，又認為女生不應太夜歸家，隨即被斥責「blame the victim」；有人亦認為香港針對「跟蹤」行為的法律落後，指韓國已於今年通過並實施《跟蹤犯罪處罰法》，刑罰較本來的法例重，亦有清晰介定何謂跟蹤行為，可以減少同類事件再發生。

#channelchk #天水圍 #天富苑 #屋邨 #跟蹤 #Stalking #遊蕩

直擊長洲天后廟人面怪石！
植披如頭髮 似特朗普又似普京？

長洲最著名的怪石，相信非觀音灣的人頭石莫屬。但原來一顆更像人臉的怪石，不用行上長洲東南部的芝麻坑都可看到，就是在大石口天后廟旁的「人面怪石」。去年起疫情下多人郊遊，此石才開始有網民討論。Channel C的朋友近日到場直擊，並拍下片段，發現其側面最似人。

Channel C翻查Google地圖，發現近年才有市民與人面怪石合照並上載至Google。從網民1個月前上載的人面怪石照可見，石頂一度有植披覆蓋，恰似人的頭髮。惟近日Channel C的朋友到場拍攝時，石頂上大部份植披都不復見，有如「頭髮被剪」，相當有趣。

小編覺得，長洲人面怪石的「高鼻」和「嘟嘴」，令整個「臉部輪廓」看似西方人，頗像美國前總統特朗普或俄羅斯總統普京。你同意小編視角嗎？你又覺得長洲人面怪石像誰？歡迎留言討論！

#長洲 #天后廟 #人面怪石 #特朗普 #普京 #channelchk #大石口 #wildlife #rock #stone #geology #地質 #人頭石 #觀音灣 #芝麻坑

天水圍巴士站候車男疑埋伏23歲女 專排身後偷拍裙底
遭拍片踢爆即狂奔 事隔兩個月終落網

「小姐、小姐，佢偷拍你裙底呀！」一名白髮男子在天水圍天頌苑巴士站排隊等車時，疑偷拍前面身穿短裙的女子，結果被候車市民拍片當場揭發後即落荒而逃。涉事片段昨（26日）在網上流傳，女事主稱事後已報警求助，惟事發近2個月都未有進展，遂藉助網絡力量尋找線索，並提醒女士們注意。而事件公開後，警方昨傍晚拘捕一名44歲男子，涉嫌破壞公眾體統，現正被扣留調查。

女事主公開的片段在天水圍天頌苑巴士站拍攝，事發是今年8月31日。片中所見，當時巴士站正有一條長長的候車人龍，一名打扮斯文，身穿恤衫、西褲的白髮中年男子排在一名身穿短衣短裙的女子後面。男子其間伸手入背囊整理，隨後挽着背囊將之放在膝前位置，並移近前面的女子。

白髮男的偷拍過程被一名候車女乘客拍攝，該女乘客並高呼「小姐、小姐，佢偷拍你裙底呀！」男子驚見東窗事發後，即拔足狂奔。

由於事發後報案至今近2個月仍未有進長，女事主昨在網上公開片段尋找線索，並提醒其他女士小心，並稱相信該男子在九龍灣至觀塘一帶上班。

女事主亦在帖文憶述，其實她早已發現白髮男可疑，「喺兩個月前，日日朝早搭巴士都發現到好巧合地都係同一個男人排喺我後面，我一直都覺得好奇怪，之後每次行緊去搭車都會周圍望下呢個男人會喺邊到出嚟，但佢永遠都匿埋喺一個我見唔到既位置，去到差唔多到排隊既位就會無啦啦出現，排喺我後面。但我一直都見唔到佢對我做咗啲咩，以為只係巧合，就係咁樣維持咗兩個月。」

她續說，直到有一日，一名與她一起等巴士的女子發現白髮男疑似偷拍行為，於是翌日提早出門留意他如何在女事主住所樓下埋伏，等她出來再尾隨，並排在她身後等巴士偷拍。女事主又形容，白髮男的偷拍技術聰明，「排到我後面先會喺背囊度攞個cam（攝錄機）出嚟，再夾喺背囊度，之後再用隻腳頂一頂嚟影裙底。」

警方表示，於8月31日接獲一名23歲女子報案，指她於同日早上在巴士站疑被一名男子偷拍裙底。經過深入調查及情報分析後，警員昨日（26日）傍晚於天水圍拘捕一名44歲姓周本地男子，涉嫌破壞公眾體統。被捕男子現正被扣留調查。

#channelchk #偷拍 #偷拍裙底 #天水圍 #巴士 #攝錄機

連續4年斬DSE中文口試 英語試卻獲留
考評局：疫情礙學習 取消騰出課時

考評局宣佈，取消2023年中學文憑試中文科口試及通識科獨立專題探究；其中中文口試已是連續第4年被取消。換句話說，應考後年DSE中文科者，不需再練習個人短講和小組討論。考評局解釋，由於疫情嚴重阻礙學習進度，取消中文口試可騰出更多課時。不過，英文科口試卻連續第2年獲保留。

考評局向中學發信，指由於新型肺炎疫情嚴重影響上學進度及本年度學校的正常運作，應考2023年文憑試學生的學習進度受重大延誤，局方公開考試委員會在10月下旬會議通過調整相關考試要求；並已修訂評核大綱，餘下卷別比重將按評核架構調整，為學生提供更大靈活性及騰出更多課時。

#考評局 #疫情 #文憑試 #中文科 #口試 #通識科 #獨立專題探究 #個人短講 #小組討論 #教育 #oral #DSE #channelchk

小小一個楊官華，已經集結組織了超過1萬5,000名反對林鄭連任的「私密社團」勢力。林太，你要小心提防華記正能量呀～
嘮動新聞👉 https://youtu.be/YbHB-TrenaQ

#華記正能量 #林鄭月娥 #林鄭 #愛國愛港 #嘮動新聞 #channelchk #楊官華 #特首選舉 #連任 #行政長官

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

反同組織立會示威 促TVB停拍《仔仔一堂》
趙佩玉屈hehe勁播甲肝：將「污糟嘢」擺入口

ViuTV 《賭命夫妻》由開播到差唔多播完，到而家都仲係話題節目，Channel絲以為已經好犀利啦，但有個節目仲勁，播都未播就引嚟唔同團體嘅口誅筆伐⋯⋯咪就係TVB 嘅男男配對真人騷《仔仔一堂》囉～

繼周二（26日）一班家庭、宗教組織大鬧批評《仔仔一堂》不道德、埋沒良知，灌輸有違聖經的歪理，喺網上發起聯署要求TVB停止製作節目後，今日一班反同團體仲去埋立法會外示威，批評《仔仔一堂》涉及男男配對，代表香港同性戀解放的情況已經十分「嚴峻」。

反同組織「性傾向條例家校關注組」成員趙佩玉仲話，甲型肝炎嚴重係因為「男男性行為，將啲污糟嘅嘢擺入口」，要個節目即刻停拍。除此之外趙佩玉仲鬧埋ViuTV嘅《賭命夫妻》「好淫亂」、「好污穢」，又話《大叔的愛》荼毒年輕人⋯⋯而之前反對「同樂運動會」舉行嘅建制派議員何君堯有份接組織嘅請願信，佢繼續大鬧「同志平權人士破壞綱紀」，但就無乜點發表對《仔仔一堂》嘅睇法。

小編借此提提大家，即使為異性口交，只要清潔不足和不戴好安全套，同樣是「將啲污糟嘅嘢擺入口」，一樣有機會感染可經性接觸傳播的疾病，包括甲型肝炎。要做到安全性行為，無分性傾向，只關乎良好性教育。

其實《仔仔一堂》引嚟反同團體關注，有幾位節目參加者早前已經喺網上吐心聲，其中藍源瑋（Juzco）話，其實絕大部分同志都唔希望呢類節目喺無綫播出，但覺得「整個節目目的是希望對同志/LGBT有偏見或不接納的人去看」，所以無綫可能係一個更合適嘅平台，畀佢哋嘗試去接納同性戀。

而《仔仔一堂》原本預計11月會喺J2播出，但上周播出嘅《TVB節目巡禮2022》竟然無晒佢哋嘅相關介紹，引嚟外界猜測節目會唔會臨時被抽起，不過TVB就話唔會就有關揣測作出回應，而J2創意總監C君就話「唔係我一個人決定播唔播」，唔知到底最尾趙女士有無機會睇住嚟鬧呢？

#channelchk #ViuTV #賭命夫妻 #TVB #仔仔一堂 #反同組織 #無綫 #投訴 #示威 #C君 #何君堯

瑪麗地盤工失飯碗又失尊嚴！
搵食架生遭丟棄如「垃圾崗」

港島瑪麗醫院擴建地盤昨早（26日）爆發工潮。逾百名二判工人不但突遭承建商解僱，其個人物品和搵食工具更被隨地丟棄，現場尤如「垃圾崗」般。建造業總工會權益及投訴主任吳偉樑接受傳媒訪問時表示，有不少工友的衣物、𠝹刀刀片等工具因被丟在骯髒的地下而未能使用，令他們深感侮辱，一時氣憤遂發起堵塞薄扶林道抗議。

吳偉樑續說，經談判後，資方就處理手法向工人道歉，二判亦願意承擔責任，向每名受影響工人賠償500元財物損失費，並會為現場工人每日補半日薪金，工友亦願意和解。工人會在月尾結糧時取得今個月薪金。

事發於昨日早上8時許，一批工人用雜物甚至自行企出馬路，佔據和堵塞瑪麗醫院地盤對開一段薄扶林道。警員到場調停，勞工處代表亦到場。由於當時為繁忙時間，薄扶林道來回方向同時癱瘓，令交通嚴重擠塞，有受影響的小巴乘客要跳車徒步離開。擾攘約半小時，工人最終移開雜物，不再佔據馬路，交通始回復正常。

瑪麗醫院首期重建預計2024至2025年完工；承建商為保華建業及安保工程的聯營公司。大判安保與分判商解約，解僱分判商逾百名工人。

#channelchk #瑪麗醫院 #地盤工 #工友 #堵路 #薄扶林道 #垃圾崗 #建造業工會

毅行者豁免限聚申請被拒 政府指存潛在播疫風險
樂施會將退款擬改模式舉行

停辦一年的渣打馬拉松剛上周已順利舉行，但原定3星期後復辦的另一項大型體育活動「樂施毅行者」，昨日（26日）才接獲政府書面通知不批准「豁免羣組聚集」申請。樂施會表示，活動未能如以往般連續3日橫跨多區進行，會啟動後備方案，暫定下月22日換模式舉行，正待相關部門審批，並會在日內公佈退款等安排。

「樂施毅行者」過去兩年已先後因反修例運動及疫情影響而停辦，而今年原定下月19日至21日復辦，但樂施會今日（27日）公佈，昨日接獲政府書面通知，因毅行者位處麥理浩徑，難完全阻隔公眾及參加者接觸機會，加上涉及4,600名參加者及工作人員、連續3日橫跨數個區域進行，認為存有潛在傳播疫情風險，因而不會批出「豁免群組聚集」申請。

大會指，過去數月已應當局要求更新防疫細節，包括減少隊伍數目、提供更多獨立包裝食品等，但一直沒收到明確的反對通知。然而在舉辦前3周突被拒批申請，對此感失望及無奈。

樂施會續說，正啟動後備方案，暫定於下月22日至12月12日期間，讓樂施毅行者以全新模式呈現，現正待相關部門之許可證審批。而已繳交樂施毅行者2021報名費、登記費及捐款之隊伍，亦可選擇退回相關費用，詳情將於數日內公佈。

#channelchk #樂施會 #樂施毅行者 #防疫 #限聚令 #豁免群組聚集 #體育活動 #COVID19

觀塘撞車黨扮飛鼠撲向私家車
司機乘客被嚇窒：嘩！佢自己行埋嚟㗎喎！

明明已經過咗農歷七月㗎喇，點解揸揸下車無啦啦都會有啲白色嘢彈出嚟嘅？觀塘周日（24日）有司機遇上撞車黨，涉事車Cam片在網上瘋傳，片段顯示，當車駛到麗港城茶果嶺道右轉茜發道時，一個着住白色衫嘅男人無啦啦撲上車頭，搞到司機都唔知畀咩反應好，「嘩！佢做咩呀？佢自己行埋嚟㗎喎！」

事發時間為夜晚八點幾，車Cam片段見到嗰位企圖碰瓷嘅男人，當時完全唔理紅燈，突然衝出馬路，瞄準架車助跑飛撲撞埋去。撲埋去之後唔知係咪見到車Cam，突然又好似無事發生咗，悻悻然上返行人路走咗去⋯⋯

其實之前旺角都曾經有撞車黨出沒，當時仲俾司機鬧佢「搵食行遠啲」。（重溫嘮動新聞：
https://youtu.be/iBDvI9nqhqw ）事隔一個月再有同類事件發生，警方就話留意到網上流傳嘅短片，強烈譴責對道路使用者構成嚴重威脅的行為，又提醒「碰瓷黨」有機會干犯「欺詐」罪。根據《盜竊罪條例》(第210章) 第16A條，最高可被判處監禁14年。

#channelchk #撞車黨 #觀塘 #私家車 #麗港城 #盜竊罪條例 #車Cam

港鐵小黃人例牌孭隨身攝錄機？啤到行查飛！市民驚侵犯私隱｜C睇發現

香港閉路電視無處不在，但你又知唔知，原來你行出行入嘅港鐵站，除咗天花有閉路之外，一眾查飛嘅員工都有部Cam跟身呢？一齊入去睇片探討吓啦！

去片👉 https://www.youtube.com/watch?v=aULOXSa4onY
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #C睇發現 #查飛 #Cam #私隱 #港鐵 #MTR #CCTV #閉路電視

喺非洲，每60秒就有一分鐘過去；喺TVB嘅平行時空，一句嘢等如一個鐘。今次劉佩玥真係嗌破喉嚨都無人嚟救佢⋯⋯

去片👉 https://youtu.be/sCJyemcqybE
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #嘮動新聞 #劉佩玥 #TVB #無綫 #拍劇 #深水埗

政府專家倡高危族 優先打第3針谷抗體
經葉劉實測 2科興應溝1復必泰 反之不建議

香港已有440萬人打過2針COVID-19疫苗，佔人口65%，但部份人抗體已減退。年初打2針中國科興的71歲葉劉淑儀，9月為養和醫院試溝1針德國BioNTech復必泰，抗體由極低水平飆升300倍。政府專家今（27日）開會後，建議高危族補打第3針；打過2針科興應溝1針復必泰，抗體更多；而除非對復必泰過敏，否則不建議2針復必泰溝1針科興，因無數據顯示效果更好。

衞生署衞生防護中心轄下的聯合科學委員會專家所指的高危一族，是指60歲或以上的長者；醫護、跨境司機、機場和酒店員工、安老院舍員工等高風險接觸者；長期病患者；須化療或電療的活躍癌症患者、愛滋病人、曾移植器官人士和洗腎病人等免疫系統失調者；以及因風濕等病症而要服藥抑制免疫系統的人。

若屬免疫力低的高危一族，政府專家建議他們打完第2針至少4周後，就要補打第3針。至於並非免疫系統失調的其他高危一族，政府專家建議他們的第3針，應與第2針相隔6個月。曾染疫的康復者本應只須打1針，但由於抗體只能維持半年，加上部份人到高危國家工作和讀書，可與醫生商討是否打多1針。

政府本月中才公佈，將750萬劑已用公帑購入的阿斯利康疫苗捐往外地，但專家月底卻建議高危一族補打第3針。衞生防護中心總監徐樂堅被問到餘下的疫苗數量，是否足夠應付第3針需求時，未能即時解答：「今日之後係要盤算吓；我哋一路係推動市民打1、2針，第3針係要計算。」至於長遠會否強制人人打3針，他僅稱言之尚早。

#疫苗 #打針 #第3針 #溝針 #COVID19 #科興 #復必泰 #抗體 #BioNTech #BNT #葉劉 #葉劉淑儀 #channelchk

《披荊斬棘的哥哥》新相被批老套、P過龍
黃貫中神情呆滯 Style勁似「忘了愛」

中國早前嚴格規範內地娛樂圈，又下令禁「娘炮」，令好多行開妖繞路線嘅偶像，都要留返啲鬍鬚同操返大隻自保。好彩，識睇嘅一定睇《披荊斬棘的哥哥》，雖然呢班哥哥平均應該都年屆40，但除咗最近有人「飲湯」要打格仔之外，佢哋完全無人受「娘炮」令影響，仲影咗輯潮到濕度99%嘅相添～

《披荊斬棘的哥哥》上星期擺咗輯相上官方微博，興奮到Channel絲對眼爭啲流產。唔浪費時間，講啲大家都識嘅港星啦～首先就係三七面望鏡頭嘅「Laughing哥」謝天華，今次佢唔扮古惑仔，唔扮警察，而係扮小飛俠，可能因為唔想單手爬山掛；輪到前機師張智霖，佢一臉唏噓嘅鬚根、略帶油膩嘅眼神，初哥哥嘅氣質已經絲毫不復見；再嚟大家都識嘅「山雞」陳小春，一身紅色長反領背心、再GEL個雞冠頭，睇得出佢從來都無放低過山雞呢個角色。Band友黃貫中同MC Jin同組，着到全身黑、戴埋條鐵鏈喺頸嘅佢，如果你唔講，我真係唔知呢個神情呆滯嘅人同黃貫中有咩關係。而好耐無見，唔知點解要戚眉嘅MC Jin，Channel絲咁岩個Mon有點嘢污糟咗，眼花睇錯，爭啲以為有人係香港深山走咗上去拍節目⋯⋯

畀呢輯相狠狠驚艷嘅唔止Channel絲，有大陸網民都留言批評啲相P過龍同老套，「是節目組沒錢了嘛？」、「黃貫中的臉是不是P過頭了，怎麼這麼長」、「你們的美工不行」⋯⋯呢班網民真係好錫呢班大灣區哥哥，鬧美工、鬧Stylist、鬧節目組，但完全無人講一句哥哥們嘅不是，完全係True Love。MIRROR之前就慘啦，賣吓廣告都要畀大陸網民質疑點解紅，又話佢地「醜」，睇嚟文化差異就係咁解。

睇晒啲相，Channel絲有啲擔心呢班大灣區哥哥，你知啦，今日「娘炮」畀人禁，聽日「娘」可能都要畀人禁㗎嘛～

#channelchk #披荊斬棘的哥哥 #陳小春 #大灣區哥哥 #謝天華 #張智霖 #山雞 #黃貫中 #MCJin

Lancer馬鞍山突冒煙自焚 女司機堅守烈火戰車

一架三菱Lancer私家車昨（27日）晚6時許，駛至馬鞍山寧泰路33號對開時，車頭突然冒煙和起火，慘變「烈火戰車」。女司機停車報警，即使火勢蔓延至車廂，仍堅守車旁，但無受傷。消防到場將火救熄，將調查起火原因。

#Lancer #馬鞍山 #火警 #私家車 #烈火戰車 #channelchk

52歲西九休班男交警猝死 家中突暈倒昏迷
住順利宿舍8座 經兒子報案 送院不治

多間傳媒報道，指隸屬西九龍交通部、住順利紀律部隊宿舍8座的一名52歲休班男警員，昨晚（27日）在家中突然暈倒昏迷，經兒子報案，送往聯合醫院不治。警方初步調查後，相信案件無可疑，死因有待驗屍確定。

警方則指，昨晚11時13分接獲男事主家人報案。家人指事主在利安道一單位暈倒。救護員到場發現事主昏迷，立即為他急救，再送他往聯合醫院搶救。事主今日凌晨被證實死亡，死因有待驗屍確定。案件列作「送院時死亡」。

#猝死 #暈倒 #昏迷 #休班警 #交通警 #警察 #聯合醫院 #順利紀律部隊宿舍 #西九龍交通部 #channelchk

曾拒評《星夢》學員 古天樂撐試當真
公開點名最欣賞《係咁先啦》女神吳家忻

YouTube頻道「試當真」開台一年人氣高企，周二（26日）連開兩場騷吸引咗唔少藝人捧場。向來支持後輩嘅古天樂就擔任當晚嘅神秘嘉賓，佢似乎仲係一位星級「認真毛」，最鍾意短片《咁大件事冇人講》之外，仲話「最欣賞Locker條女（即係Jeannie吳家忻），嗰條片仲係最多人睇。」

「試當真」主創之一嘅游學修係古老闆旗下藝人，所以古仔都一直支持「試當真」。嗰晚開騷佢就喺《Channel需要仔》環節上扮見工，一嚟仲講笑話：「『試當真』一周年開騷咁大件事冇人講嘅？」佢又笑游學修平時見到佢都唔稱呼佢，「個人好冇禮貌」，又稱呼游學修、蘇致豪同許賢做「修哥」、「豪哥」及「賢哥」，搞到3人即刻耍手擰頭。

談到最欣賞短片，古仔就話係《咁大件事冇人講》，大讚「特技、火燭之類做得好好！」至於最欣賞邊位女網紅時，佢仲諗都唔諗就「最欣賞Locker條女，嗰條片仲係最多人睇。」

睇返古仔之前被記者問對無綫《聲夢傳奇》學員有咩評價時，佢嗰刻即話「《聲夢》就唔講喇，完！」，同今次喺台上毫無懸念咁答最欣賞Jeannie，都幾大對比。

Jeannie因為「試當真」短片而出名，近月就同許賢和蘇致豪合作演出《係咁先啦》，但其實早喺去年《唔通佢有男朋友》播出後已人氣急升，被網民封為「港版周子瑜」。《唔》播出至今約10個月，已有118萬人次觀看，係頻道入面最多人觀看嘅短片。佢嘅社交平台Instagram至今已有逾20萬人追蹤。

23歲嘅Jeannie雖然已成為網民新一代女神，但佢曾接受傳媒訪問時就話唔覺自己係靚女，五官分開睇唔係特別精緻，而且個鼻幾大，「但照鏡又覺得OK，都match到我個樣」。佢當時仲自爆話大學時因為壓力爆煲，所以體重直線上升，係肥妹仔一名，後來試斷食及唔同方法減肥，要半年後先瘦返。人靚又謙虛嘅Jeannie今次得到古老闆加持，睇嚟會再人氣飈升啦！

#channelchk #試當真 #古天樂 #吳家忻 #Jeannie #聲夢傳奇

巴斯光年個人電影《光年正傳》預告出爐
網民齊齊錯重點：一直以為巴斯光頭 勁想鄧梓峰配音

「太空戰士，一飛沖天！」每次睇《反斗奇兵》（Toy Story）見到巴斯光年都會諗起呢句對白。嚟緊巴斯仲會擔正，講緊嘅係迪士尼同彼思動畫（Pixar）合作嘅獨立電影《Lightyear》（港譯《光年正傳》），噚日Pixar就上載咗分半鐘嘅預告片，已經令人好期待，但電影預計要明年6月先喺美國上映，大家仲要等下先喇！

《反斗奇兵》入面嘅巴斯係玩具太空人，而《光年正傳》就會圍繞巴斯嘅原型人物製作，講述佢由試飛員成為太空戰士嘅故事。電影英文版會由「美國隊長」演員基斯伊雲斯（Chris Evans）聲演。不過似乎呢個都已經唔係重點，因為預告片一出之後，唔少網民都話原來巴斯有頭髮，「一直以為巴斯光年是個光頭」，仲話「唔慣見到佢有頭髮」，仲有人提議可以搵鄧梓峰配音添。

#channelchk #迪士尼 #彼思 #Pixar #光年正傳 #Lightyear #巴斯 #反斗奇兵