中美大戰 傳中原美聯經紀打大交

中洲置業發展的沙田火炭星凱．堤岸，今日（23日）次輪發售338伙。售樓處位於九龍灣金利豐國際中心，朝早9點幾已出現大批準買家同地產代理。

至下晝4點左右，現場突發生「小朋友齊打交」事件，地產代理變晒「小朋友」，疑兩邊代理因揀樓問題，先則口角繼而推撞，現場一片混亂。

不過Channel C 收到消息指，今次是中原跟美聯的經紀打交，事件涉有人趁賣樓現場混亂，乘機打尖、唔跟籌號揀單位，引發大戰。

據知事件驚動發展商高層，同職員控制場面，擾攘近一小時始恢復揀樓。

星凱．堤岸折實最平496.2萬起，開售單位折實呎價1.58萬起。今日進行嘅次輪銷售，包括首次推出嘅開放式單位，整批單位折實最平賣496.2萬元起。

究竟點解呢個盤咁搶手，汶汶有去睇過示範單位👇🏻
https://youtu.be/EJPmF3FEVKg

網上影片

#星凱堤岸 #地產仔 #次輪發售 #中洲置業發展 #小朋友齊打交 #中原 #美聯物業 #channelchk

梅艷芳88年音樂特輯 重現利舞臺身影
從小想做律師 15歲幾乎嫁人

梁樂民執導傳記式電影《梅艷芳》，王丹妮重演梅姐精采一生，熟悉的故事情節，令人唏噓。戲中大量CG後製，重現80年代黃金時代的香港，包括已拆卸的利舞臺、面目全非的彌敦道及尖東海傍，更令人動容。冰冷的電腦器材，喚回80年代的溫度。

電影下月12日公映，有關影片後製的特輯可按此欣賞： https://bit.ly/3nf81So 。梅姐最錫的歌迷最近在其fb專頁分享了一條88年梅姐的音樂特輯《梅艷芳之夢裡風情》節錄部份（ https://bit.ly/2Zlgv2o　），片長逾6分鐘，由荔園、利舞臺、清水灣電視城，梅姐穿梭其間，細聲傾訴。惟33年後已人面全非。

荔園是七、八十後小朋友的樂園，但對童年的梅姐而言，唯一陪著她一起成長的是遊樂場裡的歌廳：「我四五歲就出嚟唱歌，好多嘢都未曾試過。」

梅姐又自爆小時有個花名，叫做「鐵嘴雞」，因為乜都要拗。家姐梅愛芳也服了她：「佢細個幫我哋班兄弟姊妹，成日同媽咪拗頸。」「鐵嘴雞」的少女心事，其實想做律師。

除了做律師，梅姐很早已夢想有自己的家庭。十五、六歲那年，她認識了一個很喜歡的男孩子，「感情好到談婚論嫁，嗰陣真係有衝動結婚。如果我當年選擇咗結婚，咁而家你見到嘅應該唔係梅艷芳，可能係一個湊仔婆。」

短片最後一幕於利舞臺取景，也是梅姐18歲參加第一屆新秀摘冠的地方。電影《梅艷芳》用CG搭出利舞臺附近整條街道，惟該區可供參考的俯瞰影像不多，只能用幻想和創作填補空白；惟在這音樂特輯中，88年的梅姐，和當年還未拆卸的利舞臺，活生生就在眼前。

利舞臺1927年開幕，91年8月18日正式謝幕，臨別前無綫舉行了一場告別騷，梅姐在台下時，凝神打量四周，盡力記住眼前一切：「我係第一次喺咁多人面前參加比賽，第一次攞到咁多掌聲歡呼聲，呢個舞台對我好緊要。我面試嘅時候都係喺利舞臺，好多好多回憶。

「我每次返唱片公司，就會入嚟睇免費戲。出面有幾個阿伯對我好好、好錫我，所以我嚟到呢度，就似返到屋企咁樣。我好想保留呢個地方，我諗每一個香港人，你哋都希望可以再嚟睇戲，或者欣賞呢個地方，不過冇辦法，一定要拆，因為撻地太值錢。

「所以我希望搵一個地方，可以將個舞台保留番，得唔得呢？」梅姐問。

#梅艷芳 #梅姐 #利舞台 #利舞臺 #夢裡風情 #王丹妮 #梁樂民 #荔園 #channelchk

渣馬明舉行
大會再提跑手裝束勿涉政治 警介入檢查

渣打香港馬拉松 Standard Chartered HK Marathon明早（ 24 日）開跑，作為跑手，有一系列資訊你要知。
● 跑手包
比賽當日不設寄存服務，跑手需於領取跑手包當日同時寄存衣物。

● 手帶
大會於彌敦道（全馬及半馬）及西隧九龍入口（10K）兩個起點設置檢查點，檢查參加者號碼布及手帶。

● 口罩
大會會於起點後 50 至100 米設口罩回收桶。跑手於起步區等候期間仍需戴口罩，但過咗起跑線之後可以除。
另賽道終點亦設有口罩回收桶，大會會為跑手準備新口罩替換。

● 市民打氣
賽道已向政府豁免限聚令，大會歡迎市民沿途為跑手打氣，不過要保持適當社交距離。

● 服裝及口號
顏色不限，以安全為考慮。田總提醒參賽者，要遵守大會規則。若大會發現有人違反法例或大會規則，會先作勸喻；勸喻不果，將要求執法部門介入。

至於穿著「特別裝束」或攜帶背包之跑手，必須進入設於起點的檢查站，接受保安檢查才可參賽。

賽事籌委會主席高威林日前曾指，跑手穿戴「香港加油」標語並無問題。及後高主席於記者會表示，嚴正要求跑手參賽時絕對守法，又指運動不應加入政治元素或口號。

主辦方今日再向跑手發短訊作出上述指示，未有講明「特別裝束」定義，但就警告謂如跑手穿著含政治元素或口號之裝束，將被拒參賽；大會亦會按需要，要求執法部門介入。

● 警力
警方指，賽事當日，跑手應避免穿上有機會觸犯國安法的衣著；執法部門亦會檢查跑手衣著有否違反國安法。如出現任何違法或大會規則的情況，警方會即場取證或跟進。

無綫亦引述消息指，警方將加派警力及採取措施，包括派出二千至三千較多警力，「以防有孤狼式襲擊」，亦會在接近通車路段之賽道安排較多的汽車攔截器。

#渣馬 #渣打馬拉松 #衣著 #跑手包 #口罩 #口號 #香港加油 #檢查站 #社交距離 #channelchk

台宜蘭6.3級地震 港逾10人有感 維持10數秒
天文台：港地震烈度第III 如貨van駛過振動

【天氣師李鈺廷提提你】
台灣宜蘭縣南澳鄉在下午1時11分發生6.3級地震，全台以至震央800公里外的香港均有震感，台北捷運要停駛。香港天文台接獲逾10名市民報告有震感，維持10數秒；評估本港的地震烈度為修訂麥加利地震烈度表的第III（三）度，即類似小型貨車駛過的振動。

你，又感受到嗎？（配圖出賣天氣師年齡）

#台灣 #宜蘭 #南澳鄉 #地震 #香港 #捷運 #天文台 #麥加利地震烈度 #天氣 #地理 #氣象 #李鈺廷 #channelchk

傳李雲迪嫖爆肌男妓 被捕女僅媽媽生
13年前交惡 36F彭丹贈興：善恶终有报

鋼琴家李雲迪多年來被傳戀上藝人王力宏，後來2人各自與女性結婚，但李很快就離婚。雖然近期李雲迪因嫖妓，與1名29歲女子雙雙被捕，一度令外界認為「李王戀」傳言不攻自破，惟內地微博最新驚傳，被捕女子只是「媽媽生」，李付錢所嫖的不是女，而是爆肌男妓。而與李交惡的36F艷星彭丹則以一句「善恶终有报」，在微博贈興。

「仁慈嘅媽媽生，求你賜我一個精壯嘅男人。」根據微博瘋傳資料，李雲迪向媽媽生的請求大概是這樣，但其嫖男妓的消息未經北京警方證實。內地同性戀圈子更流傳當日應召的大隻男妓頭像，以圈內術語形容，體形屬於「優熊」。其實外界早就懷疑李雲迪是hehe或雙性戀，多年來被傳戀上王力宏，雖然2人後來各自與女性結婚，但李很快就離婚。

李雲迪被捕，邊個最開心？也許是36F香港艷星彭丹。曾來港參選亞洲小姐並從影、現重返內地發展並擔任甘肅政協的彭丹，13年前與朋友吃消夜，李雲迪都有出席。後來2人同場的照片曝光，當年26歲的李雲迪受訪時，以「中年婦女」形容當時36歲的彭丹：「怎麼會把我跟中年婦女扯在一起？當晚我根本不知道有那位女士在場，我們根本沒有交談。」

舉報李雲迪召妓的，是北京朝陽區「有組織反罪惡」群眾，自設巡邏隊，2017年有近14萬人實名註冊。他們7年來的舉報，協助警方拘捕10多名涉案名人，包括柯震東、張耀揚、陳羽凡、黃海波、王全安等，如今到李雲迪。李的「仇家」彭丹在微博轉載《人民日報》有關李被捕的帖文，並贈興：「善恶终有报，天道好轮回。支持朝阳公安，感谢朝阳群众。」

李雲迪「叫鴨」斷正，原因之一是他繳交「肉金」時，經支付寶電子轉賬。內地以電子支付的性交易有多盛行？2017年，香港科技大學經濟系前系主任及榮休教授雷鼎鳴出席學生論壇時，聲稱其朋友在內地以手機支付召妓費，並以此例來說明內地科技進步：「我識得朋友叫雞（召妓）嘅，佢話叫雞都可以拎部手機出嚟，香港呢啲嘢仲未做得到。」

#李雲迪 #男妓 #嫖妓 #召妓 #熊 #bear #PTBF #gay #同志 #同性戀 #bi #LGBT #雙性戀 #彭丹 #王力宏 #支付寶 #雷鼎鳴 #北京 #hehe

雷鼎鳴4年前推介手機付款召妓
李雲迪4年後嫖妓斷正 因被揭支付寶轉賬
嘮動新聞👉 https://youtu.be/b0h7U_catJo

鋼琴家李雲迪近期因嫖妓被捕，斷正原因之一是他經支付寶繳交「肉金」。內地的支付寶性交易有多盛行？2017年，香港科技大學經濟系前系主任及榮休教授雷鼎鳴出席學生論壇時，聲稱其朋友在內地以手機支付召妓費，並以此例來說明內地科技進步：「我識得朋友叫雞（召妓）嘅，佢話叫雞都可以拎部手機出嚟，香港呢啲嘢仲未做得到。」

舉報李雲迪召妓的，是北京朝陽區「有組織反罪惡」群眾，自設巡邏隊，2017年有近14萬人實名註冊。他們7年來的舉報，協助警方拘捕10多名涉案名人，包括柯震東、張耀揚、陳羽凡、黃海波、王全安等，如今到李雲迪。

睇片👉 https://youtu.be/b0h7U_catJo

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#李雲迪 #嫖妓 #召妓 #支付寶 #雷鼎鳴 #北京 #channelchk

阿叔踩單車過紅隧 有車尾燈但冇頭盔
Sunday Driver再有驚喜！拍片男旁白生鬼

每逢假日，司機都會小心只在假日才出沒的「馬路炸彈」。但今早（24日）的「Sunday Driver」驚喜，卻不是普通「司機」，而是踩單車的阿叔。網民拍到，一名阿叔今早踩單車駛過紅隧，雖然車身裝有車尾燈，但本人卻冇頭盔。片中亦錄下拍片男生鬼的旁白，令小編忍俊不禁。

#紅隧 #單車 #SundayDriver #HolidayDriver #假日司機 #頭盔 #車尾燈 #新手司機 #馬路炸彈

易買特約爆片爆相｜中環驚現黑蝙蝠倒地
獨家直擊！萬聖節前墮蘭桂坊旁憂播毒

嘮動新聞👉 https://youtu.be/y6KfMyb6Ax4

還有不足1周就是萬聖節，除嘩鬼外，蝙蝠也是不可或缺的元素。但現實裏，卻有一隻蝙蝠在昨（24日）「突襲」中環蘭桂坊附近。Channel C收到讀者獨家爆片。片段顯示，一隻黑蝙蝠倒臥在紅石磚行人路上，雖未見流血，但拼命拍翼，一直未能飛起。資料顯示，野生蝙蝠可攜帶多種致命病毒。

該讀者向Channel C指，片段昨日下午5時半在中環蘭桂坊對上的聖公會聖保羅堂附近拍攝。Channel C對比Google街景，相信蝙蝠倒臥在聖保羅堂對面行人路，即雲咸街與下亞厘畢道交界的己連拿利街口。由於今次片段獲Channel C獨家採用，片主將獲網上零食店EomBuy易買送出的$200電子禮券！

資料顯示，倘野生蝙蝠攜帶病毒，可經其唾液、糞便和尿液霧化後傳播。除傳統的瘋狗症病毒，伊波拉病毒、沙士病毒、中東呼吸綜合症病毒、COVID-19病毒等近年新興的病毒，都可經蝙蝠直接傳染人類。若市民看見蝙蝠倒地，可致電1823找漁護署跟進，亦可聯絡嘉道理農場和愛護動物協會。

提提大家，所有蝙蝠在香港都是受法例保護的野生動物。漁護署回覆Channel C查詢，指該署未有接獲相關報告，但呼籲市民如發現野生動物受傷，可致電1823通知署方跟進。署方又指，蝙蝠在香港郊區甚為常見，數目很多。一些品種如大蹄蝠，喜愛在棄置的古舊鄉村屋中聚居，在市區亦偶然有牠們的蹤迹。牠們絕大部份都以昆蟲或野果為食糧。

#爆片爆相 #中環 #蝙蝠 #獨家 #萬聖節 #蘭桂坊 #聖公會 #聖保羅堂 #雲咸街 #下亞厘畢道 #己連拿利 #channelchk #bat #halloween #batman #animal #virus #病毒

《堅尼地道殺人事件》眾籌未達標
導演趙羅尼：募資拍電影並非此路不通 將轉戰YouTube拍短片

本港首部由觀眾募資千萬元開拍的電影《堅尼地道殺人事件》，經過個多月，惜未能達標。眾籌至昨晚（24日）結束，終籌得款項約319萬元，獲5,622人支持。發起人、香港導演趙羅尼在社交平台表示，感謝每位支持的朋友，雖然今次計劃未能達標原因眾多，但認為「募資拍電影並非此路不通，相信汲取今次經驗，加以改良，不久將來很有可能會成就這個拍攝電影的新模式。」

趙羅尼上月中公佈計劃眾籌千萬港元拍攝電影《堅尼地道殺人事件》，早前播出由黃秋生、顧定軒演出的先導短片後，已掀起討論，惟募資計劃昨晚截止，仍未能達標，最終款項為3,191,914元。

趙羅尼在社交平台宣布佈募資計劃完結，由於計劃並未達標，所有支持者的款項將全數退回，不收分文！他感謝大家支持，包括每一位幫忙宣傳或課金的朋友，部份工作人員更不問回報相助，「人間有愛！不勝感激！」

趙續說，今次計劃未能達標原因眾多，包括整體計劃不周、欠缺宣傳、片種類型等等，但他認為「募資拍電影並非此路不通，若吸收是次失敗經驗，加以改良，不久將來很有可能會成就這個拍攝電影的新模式！」

他在帖文中又透露，稍後會開設YouTube頻道，會以故事形式的短片作主軸，內容會圍繞中年男人之苦，即以他本人為拍攝對象，「重點係有大量靚女參與，希望大家多多支持。」

不少支持者在帖文留言鼓勵，藝人邵仲衡表示，「自古成功在嘗試，柳暗花明又一村，➕ ➕油。」另有參與眾籌的網民謂：「只要你哋願意嘗試，我哋就會願意支持。好榮幸成為5,622人之一」、「無論款項同支持人數都已經好好，證實咗真係好多人想睇，所以請唔好放棄，將來一定再有機會」、「加油啊！期待你下次改良後再挑戰，希望有朝一日可以睇到呢套戲！」

#channelc #趙羅尼 #堅尼地道殺人事件 #黃秋生 #顧定軒 #眾籌 #募資拍電影

禮賓府有秘道直通滙豐？傳方便擸金條走佬……港古師為大家解構，係咪有人發現咗秘道出入口？
👉 https://youtu.be/HA9KRJsK8gs

#秘道 #禮賓府 #港督府 #都市傳聞 #HSBC #港古師 #channelchk #滙豐

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

為抽心儀鏡盒博幾盡？實測叫雞取盒 曾等2小時
廿四孝人夫攻略：鏡仔卡須經app訂餐（附表）

「前夫的口氣餘韻正籠罩，選好今周抽鏡盒，望能餐餐M記去『盡孝』。」Jer Lau柳應廷《砂之器》的歌聲，也許縈繞不少「廿四孝」人夫，今（25日）起一連數周要去麥當勞McDonald's「盡孝」。

事關M記找人氣男團MIRROR，推銷爆蒜麥炸雞新餐。但由於分別印有12名成員靚仔大頭的炸雞紙盒，是隨機跟餐送出，故要抽中自己心儀的鏡盒，則要不斷買餐踫運氣，相當考驗一眾人夫和鏡粉的荷包、口腔和腸胃的承受能力。

Channel C今早11時去一間M記分店直擊，發現新餐一開賣，就塞爆分店訂單。取餐時間一度增至2小時，相當誇張，要數小時後才能紓緩。柳柳粉及其人夫想買到Jer Jer雞，實在不容易。

除炸雞紙盒，鏡粉和人夫還要抽鏡仔卡；本周首先推出姜濤、Tiger Yau邱傲然和Stanley Yau邱士縉版本。Channel C提提大家，要經M記app訂餐，才有機會抽到鏡仔卡呀。只要查閱此表（ http://shorturl.at/fqsGH ），就知哪分店仍有卡，以及該分店是以MIRROR哪成員為裝飾主題，順道去打卡。在傍晚6時售罄鏡卡的分店，分別為沙田和跑馬地馬場、海洋公園小食亭、港鐵九龍站、將軍澳寶林商場和機場1號客運大樓。

怕吃太多煎炸食物會熱氣的鏡粉和人夫，可在app選購非炸物套餐再加配一件麥炸雞的優惠券，便可取得抽鏡卡資格。由於加配的麥炸雞沒規定要選擇新推的爆蒜味，若選擇輕量版的BBQ蜜糖味，便可避開原味和爆蒜味的炸粉外皮，對腸胃和口腔好一點。至於非炸物套餐，可選購板燒雞腿包，再叫職員走包皮；炸薯條則要求轉粟米，便可進一步減低卡路里攝取。

#鏡粉 #人夫 #鏡仔卡 #姜濤 #邱傲然 #KeungTo #TigerYau #StanleyYau #邱士縉 #JerLau #砂之器 #MIRROR #爆蒜麥炸雞 #channelchk

壽司郎驚現假飛？！分店列明真假三大特徵

為咗食壽司郎 ，你可以去到幾盡？排三個鐘？搵屋企人去排？跨區去少人排啲嗰間？以上答案都好正路，正當Channel絲以為最離譜嘅係買「黃牛飛」打尖，有人竟然出到印假飛呢招⋯⋯

有網民去完藍田壽司郎之後，喺「香港壽司刺身關注組」影咗張相出Post，仲話「而家變態到連壽司郎啲飛都可以做假」。張相影住接待處附近嘅一張A4紙，相信係鋪頭特登列印嚟提醒員工假飛特徵。張紙上面除咗有大埔店真飛同假飛嘅相，仲列明兩者之間嘅分別，例如「字體不一」（假嘅類似新細明體）、「紙質懷疑唔是熱感紙」，同埋「只限實體票、其他方式無效」呢句，假飛嘅「、」，會變成「，」。

張相一出，好多壽司郎Fans都「當堂嚇一跳，然後得啖笑」，話其實只要喺現場親身拎飛，就唔會拎到假飛，仲話估唔到有人「食個壽司都要犯虛假文書」。好奇嘅Channel絲上網睇吓仲有冇壽司郎嘅「黃牛飛」賣，發現雖然壽司郎早前已經講明「網上轉售walk-in籌號不能使用」，但仍然有人將個籌號遮住一個數字，繼續賣畀人⋯⋯仲有啲係符合上面假飛特徵嘅添。其實真飛假飛，同好多騙案一樣，一開始唔貪小便宜就唔會畀人呃，想食就乖乖地排隊啦！

#channelchk #sushiro #壽司郎 #黃牛飛 #等位 #排隊 #藍田 #大埔

懶系工作室又有新片啦！今次佢哋去咗元朗打卡同掃街，影咗好多日系相，仲食咗超好味嘅布丁燒！想知實際地點？快啲入去睇片啦！

去片👉 https://www.youtube.com/watch?v=UaT4m_Ktva8
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #懶系工作室 #元朗 #打卡 #掃街 #甜品 #日本 #影相 #布丁燒

95歲英女皇型爆婉拒老人獎：心態決定年齡
近期撐拐 棄出訪兼入院 擬仍赴聯合國氣候會

為何在遊蕩裡，在遊玩裡，突然便老去？眨下眼，今年80後已經4字頭，99年出世嘅已經大學畢業，而00後最大嘅都21歲；而大家嘅「事頭婆」—英女皇伊利莎白二世（Queen Elizabeth II），都年屆95歲。

外國傳媒早前報道，英女皇12日出席英國皇家軍團一百周年感恩節活動嗰陣， 要拎住拐杖助行。而呢次係繼英女皇03年膝頭哥做手術之後，第一次拎住拐杖出席公開場合。報道出街無耐，英女皇又突然取消訪問北愛爾蘭，令好多人都好關心英女皇嘅健康狀況。白金漢宮22日就發表聲明話，英女皇係聽從醫生建議先取消訪問行程，而佢上周三（20日）下午曾經到醫院檢查同留醫一晚，翌日已經出院返回溫莎堡，而家精神好好，仲已經重回辦公桌前進行簡單工作。

雖然身體偶有小問題，但英女皇「人老心不老」，之前仲婉拒咗英國月刊《The Oldie》想頒俾佢嘅「年度老人獎」，話心態決定年齡（you are only as old as you feel），佢覺得自己唔符合得獎標準，希望雜誌可以搵到更加適合嘅得獎者。而英女皇亡夫菲臘親王（​Prince Philip​），喺2011年、即係90歲嗰陣，都曾經被推薦拎呢個獎，當時仲話個獎提咗佢「原來已經過咗咁多年」（There is nothing like it for morale to be reminded that the years are passing）。

預期英女皇會喺月底參加於蘇格蘭召開嘅聯合國氣候變化大會（COP26），希望到時可以見到精神奕奕嘅事頭婆啦！

#channelchk #英女皇 #菲臘親王 #COP26 #TheOldie #QueenElizabethII #PrincePhilip #theroyalfamily​

長槍叔叔嚇你嗎？仿英軍槍L85夾髀搭港鐵
月台「露械」把玩 槍口周圍指 冇人敢企隔籬

香港搭港鐵，一位難求，但點解呢位叔叔隔籬兩個位都無人坐呢？望真啲，原因係佢大髀之間「露械」啊！

不過唔係佢露身體上嘅「械」，而係露「槍」械。9月27日晚，有人喺呢位叔叔上車之前，已經影到佢好開心咁，喺勁多人嘅荃灣綫葵芳站月台，把玩佢手上嘅疑似仿製長槍，好似愛不惜手、望極都唔夠咁，但槍口就周圍指，嚇到其他人唔敢走近。就算上咗車，叔叔兩腿間嗰支長槍，仍然好似漆黑中嘅螢火蟲一樣，咁鮮明，咁出眾，露出個槍頭雖然斜向上，但仍然指向企喺叔叔旁邊嘅人，嚇到啲乘客唔敢坐或者企喺佢隔籬。

唔知呢位叔叔到底有幾鍾意槍，令佢不顧任何人眼光，都要當眾玩弄佢，仲要露出嚟畀其他人睇到，佢槍口向住周圍嘅人呢？不過無論幾鍾意都好，當眾露槍械，同露身體上嘅械一樣，都會嚇親人㗎。就算支槍冇入彈，其他人都會驚佢支嘢隨時出火……走火㗎嘛。下次唔好啦～

Channel C向熟悉槍械、於節目《汶汶乜都試》教授IPSC氣槍實用射擊的HKSHOOTERS香港射手會導師蝸牛Sir查詢。對方確認片中叔叔手持嘅槍械外形，就係英軍現役步槍L85，屬於SA80槍族。

荷里活著名男演員艾力寶雲（Alec Baldwin），10月21日拍攝電影《Rust》時，手中本應僅裝有空包彈的道具槍，卻射出實彈，意外槍殺一名女攝影指導，另有一人受傷，令仿製槍械嘅安全問題再受關注。

#channelchk #葵芳 #荃灣綫 #港鐵 #槍械 #氣槍 #汶汶乜都試 #L85 #步槍 #英軍 #仿槍 #SA80 #蝸牛Sir

想笑就入嚟！阿汶與阿占恐怖過鬼
玩盡海洋公園哈囉喂5大驚嚇位
👉 https://youtu.be/jdpHj2DnW_c

當大家都知道今年海洋公園冇左鬼屋之後，少不免有啲失望嘅……到底一個冇鬼屋嘅哈囉喂，仲有乜嘢玩，同好唔好玩呢？我哋Channel C就派出汶汶同占占一齊幫大家探探路，想知有咩玩就去片啦～

編導：
汶汶 IG carinamanmann

剪接：
占占 IG Jimmmmchiu

攝影：
玲玲 IG elaineyeung109
啷啷 IG jackalfung

#海洋公園 #哈囉喂 #全園祭 #鬼屋 #海洋公園哈囉喂全園祭 #halloween #汶汶乜都試 #汶汶 #占占 #channelchk

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

TESLA股價創新高 拆細後再破千 市值逾萬億
單日升13% 上市11年飆300倍 2年前始發力

全球最有價值電動車廠TESLA，獲租車公司Hertz訂購10萬輛Model 3房車。《彭博》引述消息，指今次交易為TESLA進賬42億美元，是電動車市場歷來最大買賣，刺激其股價連續第4個交易日上升，單日飆13%；自去年股份1拆5後，每股再衝破1,000美元創新高，市值突破1萬億美元。TESLA以17美元（拆細前）招股，上市11年暴增300倍，但其主要升幅是2年前才開始。

持有TESLA約23%股份的創辦人兼行政總裁馬斯克（Elon Musk），其身家亦一度大漲逾280億美元，至超過2,800億美元。《彭博》估計他穩坐全球首富寶座，遠遠拋離排第二、坐擁逾800億美元的亞馬遜創辦人貝索斯。不過馬斯克卻在社交網站指，奇怪為何這宗訂單能大幅推高TESLA股價，因公司提升產量有困難。

由於美國多間企業在新一季業績期都表現理想，加上個別重磅科網股和工業股有買盤吸納，帶動美股3大指數上升。道瓊斯工業平均指數連續第二個交易日創收市新高，曾升至35,787點的紀錄高位，收市升64點，報35741點。標準普爾500指數則創4,566點的收市新高，升21點（0.5%）；非必需品消費股、能源股和原材料股表現較好。納斯達克指數收市報15,226點，是個半月以來最高，升136點（0.9%）。

錯失TESLA升浪嘅你，又唔使灰嘅，發達機會無處不在！最近華盛通推出開戶幸運大抽獎，大獎、二獎同三獎分別係10萬代金券、1萬Apple Gift Card同Switch遊戲機！新客戶仲有$1,000現金券、$200新股認購券、免費串流報價、$300現金券轉倉賞同美股買賣180日免佣、港股買賣無限免佣。如果你都心動想開戶，就快啲㩒下面Channel C嘅專屬登記連結啦！

📍登記連結：https://hk.vbkr.com/hd/register/2019/0517?_scnl=NmFhMXMxMzd1Yjhk
🗓登記日期：即日至2021年10月31日
🙋🏻‍♂️參加資格：凡年滿18歲，並持有有效香港身份證的用戶

推廣生意的競賽牌照號碼：54940
條款及細則：https://vbrokers.app.link/e/TNC

#channelchk #TESLA #ElonMusk #馬斯克 #美股 #股票 #投資 #電動車

醫院百地盤工突被炒丟架生 堵路30分鐘洩忿
塞爆薄扶林道警調停 受阻上班族跳車行返工

【更新：地盤突炒人非拖糧 堵路涉百員】
港島薄扶林道瑪麗醫院擴建地盤，突然解僱逾百名工人，更隨便丟棄他們的私人物品和生財工具，觸發他們在今（26日）早8時許的繁忙時間，一度用雜物甚至自行企出馬路，佔據和堵塞地盤對開的一段薄扶林道來回行車線洩忿，在警方調停後才撤走，歷時半小時。

傳媒報道原稱，地盤拖糧，工人到場追薪，其間多人情緒激動才堵路。惟報道後來卻改稱，地盤並非欠薪，而是突然解僱逾百名到地盤上班的工人，不但鎖上大閘，禁止他們內進，甚至將他們的私人物品和生財工具，隨便丟棄大閘外和垃圾籃；部份生財工具更因此遺失，令工人感到不被尊重和氣結，觸發堵路。

由於今次堵路撞正的上班繁忙時間，雖然只維持半小時，但薄扶林道是主要幹道，加上來回方向同時癱瘓，令交通嚴重擠塞。受阻的小巴乘客要跳車徒步離開。警方到場調停後，工人才移開雜物和不再站出馬路，交通始回復正常。

瑪麗醫院首期重建預計2024至2025年完工；承建商為保華建業及安保工程的聯營公司。有工人向《立場新聞》說，逾百名工友過去半年每日開工，突然被炒可能是其判頭與安保之間有問題；若安保妥善安排他們取回物品，他們不會激動堵路：「習慣俾人炒魷魚，但掉晒我哋啲嘢出嚟，係唔尊重……搵食架生，有啲都搵唔返……人哋幫你打工，都係人。」判頭與安保談判後，資方同意賠償每名工人500元，並支薪半日。

警方今早8時45分接報，指接近瑪麗醫院的薄扶林道有工人阻路。警員到場調停，勞工處代表亦到場。至早上約9時，薄扶林道東西行線重新通車。警方列為求警協助案，暫無人被捕。瑪麗醫院指，救護車及醫院臨床服務未受堵路影響，又承認主承建商近日與分判商解約，但並欠薪，已要求相關政府部門及承建商盡快解決問題。

#薄扶林道 #瑪麗醫院 #地盤 #擴建 #拖糧 #欠薪 #堵路 #交通 #channelchk #勞資糾紛 #工潮 #追薪 #解僱 #炒人 #保華建業 #安保工程 #判頭 #勞工處 #承建商 #解約

華記突「轉軚」組反對林鄭連任大聯盟
爆夏寶龍第一個多謝何君堯撐《國安法》
嚇到林鄭面青
嘮動新聞👉 https://youtu.be/YbHB-TrenaQ

下屆特首選舉明年舉行，特首林鄭月娥雖未有表明會爭取連任，但向來撐政府嘅華記正能量就突「轉軚」，表明「倒林鄭」兼力數佢五宗罪，包括從不贊成實施《國安法》，但實施後就邀功；錯判7.21形勢等，直言「過去4年我受夠喇！我忍唔到林鄭！」。華記呼籲成立「反對林鄭連任大聯盟」，雖然佢利申無個人利益，但有撐政府嘅網民就質疑華記「反政府，香港點會好呀」、「難以令人信你冇政治利益。對你好失望！」

華記喺YouTube頻道話，林鄭死罪係唔贊成現屆政府推行廿三條及實施《國安法》，「基本上林鄭月娥從來唔贊成推動《國安法》，但阿爺見到219萬民意後，畀咗《國家安全法》香港，而家林鄭揸住《國家安全法》認屎認屁，好似《國家安全法》係林鄭月娥爭取返嚟，呢度令我好反感。」

華記又話實施《國安法》其實最大功勞係立法會議員何君堯。華記解釋，何君堯喺去年2月嘅一次大會上，已大力推動《國安法》同廿三條，最終《國安法》喺同年6月30日出爐，仲透露港澳辦主任夏寶龍頒佈《國安法》後，「第一個多謝就係何君堯，當時你見到林鄭月娥塊面係一青一白」，但結果今日「個個人做何君堯，你知啦！何君堯面對好多把刀」。華記又指林鄭忌才，隨後他與何君堯推動健康碼、廿三條，都被林鄭當「臭四」。

至於喺7.21事件上，華記又批評時任政務司司長張建宗，居然話警隊要向市民道歉，質疑佢支持黑衣人，而林鄭錯信張建宗，就錯判形勢定性7.21為暴動，華記就重申事件只係互相毆鬥，「攞藤條叫暴動？」

華記又話林鄭搞到司法大倒退，大量冤案出現後，就叫人唔好批評法官；4年任期無作為，仲整咗《逃犯條例》出嚟；又無能力對抗5眼聯盟。華記問林鄭「美國領事館點解會有千幾人喺我哋度返工」，稱入境處應拒續簽證，又問點解美領館地權係永久，認為行政長官如果係鷹派、有作為，應即刻改變土地，得返30年期，「你要有承擔有作為有前瞻性！」

華記鬧林鄭唔重視民意，希望佢做埋今屆就算，勸佢相夫教子，做開心快活人，「畀個政協你做，畀個國家領導人你做咪得囉！好似CY（梁振英）咁，CY落返嚟做特首就最好喇！」

#channelchk #林鄭 #特首選舉 #華記 #華記正能量 #何君堯 #鄧炳強 #夏寶龍 #國安法

拍完Matrix送哈利
奇洛李維斯訂5隻Rolex水鬼系列贈《John Wick》工作人員致謝

上月剛度過57歲生日嘅奇洛李維斯（Keanu Reeves）。“Life is good when you have a good sandwich.” 一份美味的三文治已能令他快樂。分享快樂，奇洛毫不吝嗇。《John Wick 4》煞科，奇洛為感謝攝製組人員，每人送一隻Rolex Submariner，總共5隻。

這份禮物，奇洛花了不少心思，一早訂5隻，錶背刻各人名字及感謝語句，送禮方式亦別具心思——特別邀請Jermey Marinas等特技演員，一齊去巴黎一間名錶店，即場送禮物，5個傻佬一齊開心大笑。窩心嘅係，錶背刻上「THE JOHN WICK FIVE」字眼——呢份禮物，係講心。

相信大家都記得，奇洛對上一次送禮物俾拍攝團隊送禮物，係拍完《The Matrix》之後，佢向替身演員每人送一部哈利電單車。

除咗送禮，奇洛亦不時相約工作人員食飯，毫無架子。曾有搭景人員屋企有事，急需金錢解困，奇洛二話不說送上2萬美金「聖誕獎金」，助對方他度過難關。

去年奇洛為幫助癌症機構籌款，佢用咗一個好特別嘅方法，就係「拍賣自己」（A Little One-on-One with Keanu），公開競投同奇洛單對單約會15分鐘——當然，係透過Zoom。如果真人面對面15分鐘，只怕call白車都搞唔掂…

#TheMatrix #RolexSubmariner #Rolex #勞力士 #奇洛李維斯 #channelchk

俾頭髮食咗嘅女仔
神秘女港鐵車廂吹頭 乘客啞忍

人類已經無法阻止奇人異士喺港鐵做奇怪嘢。由開枱打牌、成罐石油氣推上車搭9個站、到扮小龍女瞓吊床——最新係喺港鐵車廂內吹頭。表面上佢係一個風筒，事實上佢真係一個風筒，好嘈，無線，估計風力麻麻，否則點會吹成兩分鐘都仲係吹頭頂。

有網民今日上載呢條想和你去海洋公園吹吹風短片，片長兩分鐘，事發路段為港島南線（下一站海洋公園）。片中吹頭女身份、樣貌、年齡俱不詳，因為兩分鐘裡面佢都好巧妙咁用唔算長嘅頭髮完整cover成個「臉蛋」，手上無多餘飾物，得一條估計係橡筋嘅帶。條片冇咩可補充，就係吹頭。

當然車廂內有其他乘客，女子左邊係一個短髮中女，右邊靠玻璃係戴帽男子。兩人都神情專注睇電話，男嘅仲戴住ear phone。

正如大家所見，中間個女仔咁吹吹吹吹，幾乎吹埋Channel絲個元神出嚟，但左青龍右白虎都係毫無反應。直至1分23秒，男人終於有反應，但佢唔係望吹頭女，而係游目四周，可能搵緊人求救。5秒之後，短髮女可能收到感應，忍唔住望向咗吹頭女。打量3秒左右，放棄。

不寧靜嘅空間，風筒聲繼續於車廂內張牙舞爪，同有線「豪俾你」嘅免費新聞報道鬥嘈，仲有港鐵永不止息嘅廣播。交響樂咁。

究竟呢條片，係一個靜音風筒廣告、耳機廣告，定係人性測試嚟？

#港鐵 #打牌 #風筒 #吹頭 #港鐵站吹頭 #channelchk