傳林鄭禮賓府樓梯跌倒 手肘骨折入瑪麗1晚 打石膏出院：多謝關心

#channelchk #CarrieLam #林鄭 #林鄭月娥 #跌倒 #骨折 #手肘 #瑪麗醫院

林鄭右手肘骨折 打石膏自行出院：多謝關心
傳禮賓府樓梯跌倒 漏夜自行入瑪麗

傳媒引述消息，指特首林鄭月娥昨晚（18日）在禮賓府樓梯跌倒。特首辦指，林鄭漏夜自行前往瑪麗醫院，證實右手手肘輕微骨折，按醫生建議留院觀察，並暫時休假，由政務司司長李家超署理特首職務。原定今早召開的行政會議休會，會前見記者環節亦取消。

林鄭留醫1晚後，今早9時許穿上粉紅外套出院，其右手疑打上石膏，包紮後戴上手托。她向鏡頭揮手和點頭，並稱「多謝關心」，自行步上七人車，返回禮賓府。公務員事務局局長聶德權指，未知道待首休假至何時，著記者向特首辦查詢。

#channelchk #CarrieLam #林鄭 #林鄭月娥 #跌倒 #骨折 #手肘 #瑪麗醫院 #打石膏 #禮賓府

林鄭骨折｜局長聶德權：未知她休假至何時 請向特首辦查詢

澳門教青局暗批《魷魚遊戲》暴力血腥 「全球掀模仿潮」
兒童及青少年不宜收看

Netflix韓劇《魷魚遊戲》熱爆全球，劇中多個血腥及暴力場面亦成為焦點，澳門教育及青年發展局噚日（18日）發聲明，雖然冇開全名，但就話《XX遊戲》內容含有大量暴力血腥、驚慄元素，更稱「涉及駭人的暴力情節，甚至在全球掀起模仿潮」，提醒有關作品屬限制級別，不適合兒童及青少年觀看，並呼籲切勿模仿劇集中的暴力不當行為。

《魷魚遊戲》講述一班參賽者困獸鬥玩韓國傳統遊戲去贏取456億韓圜獎金，但第一場遊戲已展開血腥大屠殺，之後亦有參賽者自相殘殺嘅場面，網上有唔少媒體就形容套劇係「韓版大逃殺」，Netflix本身亦都評為「18禁」。

澳門教青局噚日嘅聲明就提到，鑒於近日有網絡平台播映嘅熱門劇集《XX遊戲》，內容含有大量暴力血腥、令人驚慄元素、被扭曲嘅價值觀。若兒童及青少年看到劇中暴力血腥部份，會對其產生心理影響，甚至模仿劇中的暴力行為，扭曲嘅價值觀也深埋內心，必須予以正視，亦需要家長和學校正確教育以及輔導。

教青局又話，網絡媒體或電視頻道含有大量不適合兒童及青少年觀看內容，不利兒童及青少年心理健康成長，建議學校和家長可教導他們分辨節目性質及媒體嘅對象限制，避免觀看暴力、色情等元素和題材節目。

此外，家長宜多留意子女使用網絡及媒體播放平台觀看和瀏覽節目情況，關注媒體或節目的適合收看年齡。當局建議家長可善用播放渠道或平台的嘅家長密碼鎖功能或兒童安全設定，與子女協商上網的時段和空間，或陪同子女觀看媒體及節目以作出適當指導。

#channelchk #魷魚遊戲 #暴力 #血腥 #大逃殺 #大屠殺 #澳門 #教青局 #Netflix #韓劇 #模仿潮

天氣轉涼 多10%長者跌倒
將再翻風濕凍 應關心老友

【天氣師李鈺廷提提你】
香港近日天氣轉涼，氣溫跌至入秋最低。氣溫轉變，可能影響長者活動能力，令其容易跌倒，甚至骨折入院。年屆64歲的特首林鄭月娥，昨晚疑在禮賓府樓梯跌倒，入院後證實右手肘骨折。台灣臨床數據指，每逢天氣轉涼，就多10%長者跌倒。天文台預計，香港本周後期將再有東北季候風冷鋒來襲，翻風落雨加上冷空氣；風中濕凍，感覺更冷。大家應多關心身邊的老友記呀～

本港衞生署在2013年11月出版的《非傳染病直擊》指出，跌倒是長者患病和死亡的重要原因之一。香港每年平均每5名長者，就有1人跌倒；當中受傷佔75%，包括頭部創傷和骨折。跌倒亦可損害長者心理健康，如令其失去信心和自尊，以及因害怕再次跌倒，而減少日常活動或拒絕社交活動。

衞生署強調，人不會無緣無故跌倒，往往是事主和周遭多項風險因素相互影響所致；換句話說，跌倒可預防，並非衰老必然過程。本地研究發現，57%跌倒的長者承認，意外前有環境風險因素，如地面光滑或不平坦、路邊有障礙物；27%個案指自己穿上過鬆的鞋或鞋底光滑。沒晨運習慣的長者，跌倒風險亦較每周最少晨運2次的長者高40%。

#林鄭月娥 #林鄭 #特首 #CarrieLam #禮賓府 #跌倒 #骨折 #長者 #天文台 #氣象 #天氣 #冷鋒 #東北季候風 #冷空氣 #李鈺廷 #濕涼 #濕凍 #channelchk

金宣虎被爆逼女友墮胎 人前乖巧其實雙面人
經理人公司今發兩聲明致歉 取消明日活動

因劇集《海岸村恰恰恰》爆紅的韓國男星金宣虎。噚日韓國Nate Pann論壇上一封匿名爆料信，自稱「前女友」的爆料人指，「K演員」對女友始亂終棄、又承諾兩年後結婚，「半哄半迫」女友墮胎。

這名「前女友」在信中稱，墮胎後「K演員」變冷淡，男方只付約1.3萬港元「手術費」，更刪除女方電腦裡的二人合照。有韓國娛樂記者直接開名，稱「K演員」就是金宣虎。同日金宣虎至少兩廣告代言被下架。事件發酵近一日，其經理人公司S.A.L.T娛樂今（19日）始發聲明，仲一連發兩個，但無回應爆料信內容真偽。

首個聲明寫道：「對於無法快速回復，我們深表歉意。我們目前正在調查這篇匿名發帖是否為事實。事實尚未得到明確證實，我們懇請你耐心等待。對於讓不好的事情引起關注，我們真誠道歉。」

第二個聲明則指：「這裡是S.A.L.T娛樂。10月20日預計進行的金宣虎《海岸村恰恰恰》殺青採訪因內部因素取消了。沒辦法盡快給予立場，抱歉。」

女子表示，讓信中內容曝光並非一時衝動，而是經過長達一年多的內疚與痛苦：「如果不這樣講出來，一輩子都會活在他給的痛苦與陰影中，無法正常生活。」

【逼女友墮胎】

爆料信指，金宣虎與女方去年初交往，目前已分手4個月，交往期間有避孕。一次男方要求內射，女方答應，結果去年7月懷孕。孕期才6、7周，豈料男方再要求內射。男方知女友體質很難再懷孕，但仍要求她墮胎，更流淚答應2年後結婚。

女方動手術時，「K演員」找來好友陪同作監護人，事後僅匯了約1.3萬港元慰問。

根據信中所講，「Ｋ演員」在女方墮胎後態度大變，更以電話提分手，又親自刪除女方電腦裡有他的照片及，並要求女方把對話record亦刪除。

【雙面人】

爆料信又指，「K演員」人前人後一個樣。鏡頭前乖巧有禮謙卑，但鏡頭後其實同平常人一樣。信中舉例稱「K演員」表面很尊敬某前輩演員，但背後說他其實「很一般」；去年拍某劇時，就私下彈劇名劇本同導演都好差，女主角太醜。該劇爆紅後，就聲稱「感謝導演給予人生角色」。一次「K演員」又透過公司向導演施壓要求改劇名，話如果唔改就唔拍。

帖主寫道：「很多人要求我放照片，其實不難，照片其實很多。不把證據直接傳上來，是因為法律上的考量罷了，現正考慮中。」

#金宣虎 #K先生 #K演員 #salt娛樂 #墮胎 #海岸村恰恰恰 #channelchk

無綫報警斥網民欺凌藝人及廣告客 損港營商環境
sayno4tvb：若派嬲同畀意見係恐嚇 只顯得TVB玻璃心

電視廣播有限公司（TVB）代表今早喺立法會議員陪同下到警總報案，話近日有網民企圖煽動他人抵制佢哋電視台，又「無差別網絡欺凌廣告客戶及藝人，包括滋擾、威脅及恐嚇等。

有傳媒就報道，TVB有藝人下月開演唱會，有主辦單位近日喺TVB落廣告，但有網民就呼籲抵制演唱會，甚至留言恐嚇。無綫電視高級知識產權執法顧問關煜群話，滋擾事件已每日發生，而且數以千計，對佢哋客戶同藝員造成心理及精神傷害，令相關人士感到受威脅，亦令電視台及客戶造成經濟損失，破壞香港營商環境，導致香港不穩定。關又話，報警係希望執法部門有所行動，而事件已交由網絡安全及科技罪案調查科跟進。

謝偉俊表示，早前《個人資料（私隱）條例》刊憲生效，但有關法律針對個人，對商業機構暫時未有保障，期望下屆立法會可以展開研究立法。他指，網民抒發喜好無問題，關鍵係有冇有組織地針對機構。

fb專頁「思思TVB的二三事」（sayno4tvb）回覆Channel絲查詢時表示，如果TVB認為「網民喺facebook對廣告商派嬲同反映意見係恐嚇，只會顯得佢哋係玻璃心」，因為今時今日好多消費者幫襯商店時，唔止考慮價錢同質素，而係「包括埋企業社會責任，又或者係個廣告將商品包裝成點，譬如話你見到俗套嘅嘢都唔會想買喇係咪？」

「思思TVB的二三事」補充，佢哋主張理性消費，唔認為TVB針對佢哋，亦希望網民提倡幫襯或者杯葛商戶時，都要基於事實之上，強調唔贊同恐嚇。

#channelchk #TVB #無綫 #電視廣播有限公司 #廣告商 #杯葛 #抵制 #恐嚇 #謝偉俊

涉挪逾百女臉deepfake製假咸片 賺逾500萬
台YouTuber小玉被捕 受害蕾菈：買家是幫兇

擁有逾百萬訂戶的26歲台灣YouTuber朱玉宸（小玉），涉嫌利用deepfake AI技術，將色情片中的AV女優臉容，換成逾百名女網紅或議員樣貌，再把假咸片上載Telegram群組，供會員付費觀看，至少賺500萬元，前天（17日）被台警以散播猥褻物及妨害名譽等罪名拘捕。受害人包括棟篤笑女演員龍龍；美女網紅白癡公主、奎丁、蕾菈；高雄市美女議員黃捷、美女立委高嘉瑜。蕾菈在IG痛斥買家也是幫兇。

#deepfake #換臉 #網紅 #小玉 #朱玉宸 #謎片 #A片 #蕾菈 #YouTuber #台灣 #AV女優 #AI #龍龍 #白癡公主 #奎丁 #黃捷 #高嘉瑜 #市議員 #立委 #高雄 #新北

港鐵觀塘綫訊號故障撞正放工！持續逾1小時
旺角至油麻地曾慢駛 車程多8分鐘 班次減至5分鐘

港鐵觀塘綫在放工繁忙時間又故障，持續逾1小時！公司最先在下午4時56分公佈消息，指觀塘綫油麻地站附近有訊號故障，至下午6時18分才稱搶修好。港鐵在下午5時45分曾表示，由於列車駛過油麻地至旺角站的觀塘綫路段時要慢駛，令整條觀塘綫車程增加5至8分鐘，班次亦減至每5分鐘。

#港鐵 #觀塘綫 #油麻地 #訊號故障 #旺角 #channelchk

ViuTV《賭命夫妻》被斥教人分妻 意識不良
通訊局收40宗投訴 批節目「鼓吹婚外情 太咸」

ViuTV真人Show《賭命夫妻》搵嚟5對夫婦，透過「交換配偶」挑戰唔同項目，希望重燃佢哋嘅愛火，例如老公要抵擋性感美女色誘、亦要應付主持及嘉賓的挑撥離間。因為內容惹火，開播個幾星期，除咗掀起網上激烈討論，亦都有觀眾質疑「換妻」唔道德、價值觀扭曲、意識不良等等⋯⋯仲去通訊局投訴添。

除咗平時嘅「胸壓」、撫摸色誘畫面，最多人討論嘅一集應該係早幾日嘅「快樂船P」。嗰集節目照舊搵嚟「PTGF」挑逗人夫，仲睇吓人夫們Pass唔Pass到「計中計」。而其中一對夫妻Dennis同Teris，就被安排由老婆Teris扮演PTGF，同蒙上雙眼嘅Dennis玩嘴對嘴食軟糖遊戲，睇吓對方有咩反應。結果Dennis「情難自禁」，玩到嘴掂嘴仲錫埋落去，嬲到Teris怒摑老公一巴，仲大鬧「好失望」。

Dennis事後嘗試解畫，話其實佢一早知道位「PTGF」係老婆⋯⋯但除咗老婆之外，一眾網民亦都唔受落。網民除咗鬧爆Dennis之外，亦都有話節目組離間夫婦感情「可恥」。不過亦都有觀眾覺得，一段感情如果咁經唔起考驗，咁其實本身都有問題，而節目組其實都有安排返夫婦二人對談，已經「做到盡」。

Channel C則向通訊局查詢。局方指，節目由開播至今，一共收到40宗投訴，投訴人主要認為節目內容低俗、過於色情、意識不良及鼓吹婚外情，該局會按既定程序處理有關投訴。

#channelchk #ViuTV #賭命夫妻 #真人騷 #換妻 #換夫 #快樂船P

陸陸雞煲被罰停晚市再收食環投訴指廁所唔乾淨
嘆「聽到麻木」：若有日關門大吉請不要憤怒

旺角一間食肆「陸陸雞煲火鍋」日前被罰晚市堂食停晚市7日後，今日再收到食環通知，稱有人投訴佢哋廁所唔乾淨、無嘟安心出行等，慨嘆就算幾努力繼續做，但今次停晚市再加早前兩次打風，已損失幾十萬；加上俾facebook封鎖，搞到推優惠post都冇人知，所以都呼籲大家畀like同分享佢哋page支持。佢哋最尾仲好灰咁話，假如「有一日關門大吉，請不要驚訝，也不要憤怒。」

警方近日多次突擊巡查食肆，「藍店」、「黃店」都無一倖免，其中位於旺角白布街嘅陸陸雞煲就喺上周五（15日）晚，因為3名食客因為冇用「安心出行」或「填紙仔」，違反防疫條例而被票控，食肆負責人被捕，食肆須停晚市7天至本月22日。此外，銅鑼灣No Boundary 無邊、Softeggsboy滑蛋仔亦先後被指違反防疫條例而須停晚市，目前已重開；而石門嘅Explorer Fusion Restaurant則被罰停晚市至本月24日。

陸陸雞煲今午喺社交平台表示，再收到食環通知話有人投訴佢哋廁所唔乾淨，無嘟安心出行等，直言已「聽到麻木晒」。

佢哋仲話原本諗住慶祝今年開張十周年，但無奈喺疫情呢一年「一日做得4個鐘頭生意」；即使佢哋逆境下繼續堅持，期望將來能成為老字號餐廳，但資源始終有限，「停呢7日晚市同上星期打咗兩個八號風加埋都唔見咗幾十萬。」而且佢哋已被facebook封鎖，推出外送$0雞優惠嘅post都冇人睇到。

所以，陸陸雞煲希望大家幫手like、follow同share佢哋page，等將來做優惠可以多啲人知道，仲慨嘆「或者我哋將來再俾人拉，起碼你哋第一時間會收到先」；帖文最尾仲話「假如陸陸（雞煲）有一日關門大吉，請不要驚訝，也不要憤怒。」佢哋亦衷心感激呢幾日仍打算嚟幫襯嘅顧客，「一切在心中」。

#channelchk #陸陸雞煲 #火鍋 #黃店 #藍店 #防疫條例 #安心出行 #填紙仔 #突擊巡查

藍田發生驚險家居意外！事發於下午四時十五分，警方接報指，藍田興田邨恩田樓4樓外牆，有一名穿尿片男嬰爬出窗口外，於晾衫架上吊吊揈，情況「牙煙」，引來大批街坊圍觀。網上流傳的片段顯示，屋內一名女子嘗試大力將男嬰扯回屋內，而此時幼童雙腳亦不停「踢吓踢吓」，狀甚驚慌。「拯救」全程長達十五分鐘，男嬰最終成功被扯回屋內，他被送往聯合醫院接受檢查，而警方則正調查事件。

#channelchk #藍田 #興田邨 #恩田樓 #意外

素顏白衫林鄭自拍 稱宴客落樓梯跌崩肘骨
料2周癒合 嘆難穿衣寫字 感謝收大量問候

特首林鄭月娥噚晚喺禮賓府仆倒，搞到右手手肘輕微骨折，仲喺瑪麗醫院留醫咗成晚。唔知大家有無遠遠地喺心入面問候佢呢？今朝披住桃紅色外套出院嘅林鄭，彷彿聽到大家對佢嘅關心，所以好快就喺社交網站上面報平安，仲附上素顏白衫原汁原味打石膏自拍一張。

網民對林鄭跌倒嘅過程有好多推測，林鄭喺po度都有解釋到㗎：「事緣昨晚在禮賓府宴請退休同事，晚宴開始前下樓時從梯級跌了下來，初時以為是皮外傷，但右手愈來愈痛，於是送客後便自行到瑪麗醫院求診。」林鄭喺檢查同照完X光之後，發現右手手肘骨有部份「崩」咗，所以即刻打石膏固定，相信都打返要兩、三個禮拜。

香港人有幾熱情，大家噚晚應該見識到。林鄭指，佢收到大量嘅問候訊息，未能夠一一回覆致謝，仲話有多位好友留言「小病是福」，今次終於可以畀佢「唞吓」。佢仲強調自己接近3年無放過假：「充電後再帶領香港迎難而上，落實今年《施政報告》的多項措施。」

林鄭曾經自稱「好打得」，但今次仆一仆，連佢都忍唔住大嘆：「不過，現在最大的難題恐怕是穿衣和寫字啊！」Channel絲隨即諗到佢要面對首個難題：最近天氣涼咗咁多，到底佢點樣着多幾件衫保暖呢？

#channelchk #CarrieLam #林鄭 #林鄭月娥 #跌倒 #骨折 #手肘 #瑪麗醫院 #打石膏 #禮賓府

暴龍哥徵集婚宴騎呢事件簿
新娘前度衝上台求婚 新郎開席前醉喊：我唔想結婚！

婚，唔係人人都一生只結一次。緣份未到，離離合合是常事。但係大喜日子「被（預告）」離婚，真係會記一世。

暴龍哥首《無賴》，相信大家都曾經喺婚禮聽過，冧呢？但如果你聽到嘅係《好心分手》、《愛在深秋》，你會展示「姨母笑」定係當無事？暴龍哥今日出po邀請大家分享下 #一人一個結婚之匪夷所思 ，仲加一個hashtag #即場拆人情應該已經好小事 。

【新郎系列】
．新郎開席前就已經飲醉咗，四圍喊住同人講「我唔想結婚呀～」

【外父／老爺系列】
．外父準備將個女交俾新郎哥嘅時候，對住新郎哥講：「以後好好對我個囡，之前嗰啲我就當你逢場作戲，你自己做過咩就好自為知啦⋯⋯」
．證婚簽紙，新郞老竇拒簽，走咗

【外母篇／奶奶系列】
．去「飛天馬車」嗰間酒樓，熄燈起音樂，以為一對新人坐係上面，點知係外母同奶奶，兩老好似香港小姐咁揮手同散花，帶起全場氣氛。
．見過女家多咗人嚟話要加枱，男方話唔加，跟住個外母拉成班親戚走，新娘追到去門口坐喺度喊。

【前度系列】
．見過新娘前度男朋友衝上台求婚，當時條友喊晒口，揸住紮花，而同一時間一對新人宣讀緊誓詞， 個律師擘大個口，一班兄弟竟然係拉一對新人，而唔係拉條仔走…

【司儀系列】
．「我哋睇番一對新人嘅生前片段！」
．送禮物俾四大長老：「不如請岳父錫啖奶奶影張相丫！」（貴圈真亂）
．做慣左Annual Dinner ，知名女主持喺個婚禮尾聲大叫：「我哋出年見！」個知名男司儀幫佢兜：「好，擺滿月酒見！」

【新娘系列】
．我結婚時，新郎遲到，伴郎甩底，負責錄影嘅朋友瞓過籠，去到教堂冇帶機，然後件婚紗離奇地燒爛咗，新郎當日在我補妝時先佈置花車，我補完妝要當街當巷企到佢佈置完畢…好多人覺得我捱得過呢個婚禮都真係奇蹟。我記得結婚間church都好旺，都係因為有個新娘悔婚先退到個期…可能嗰日真係不宜結婚。

【意外篇】
．試過有friend結婚，證完婚交換完戒指諗住抛花球，點知新娘一抛抛埋隻戒指出去，搞到要所有賓客一齊搵，可惜最後都係搵唔到。
．晚宴期間，有唔知係男家或女家嘅朋友定屋企人（女）報警，話唔知係男家定係女家嘅朋友定屋企人（男）非禮佢，搞到宴會中間多咗班藍衣同便衣上嚟。收隊時，兩個藍衣人行埋去新郎新娘度講咗句：「恭喜哂，拜拜！」

#我真係恭喜你呀 #無賴 #婚宴 #拆人情 #鄭中基 #channelchk

「韋家幫」再現！ 老爆3人組偷渡來港
2星期潛入逾10村屋擸百萬財物

沉寂一時嘅內地廣西爆竊集團「韋家幫」近日捲土重來，喺新界多區犯案，近2星期至少爆竊逾10間村屋，狂擸約100萬元財物！Channel絲收到最新片段，該集團「老爆3人組」今日（19日）凌晨疑潛入大埔蘆慈田村一間村屋進行爆竊，潛行過程被附近鄰居閉路電視拍下，據知村民人心惶惶，有人決定組成自衛隊自保。

「韋家幫」老爆3人組近日在新界區犯案纍纍，事件已在村屋群組廣泛流傳，根據Channel絲收到的其中3片段，分別發生喺今日（19日）凌晨及上周六（16日）深夜4時，片中匪黨不論裝扮、衣著及鞋等，幾乎一樣，估計為同一幫人所為。從片段可見，3人包着頭巾及面巾，手持鐵筆等爆竊工具，鬼鬼崇崇從村屋後園潛入，再撬開窗戶犯案。

消息稱，警方已接手調查案件，並鎖定「韋家幫」老爆3人組資料，相信佢哋經山路偷渡來港，再沿山路在新界區作案，在過去兩星期，分別喺沙頭角、上水、粉嶺、元朗及大埔村屋發現佢哋嘅行蹤，當中至少有10多間村屋被爆竊，合共損失逾百萬財物。

「韋家幫」再現事件已在新界區村屋群組瘋傳，各區村民人心惶惶，有村民透露已在村內組織自衛隊，通宵輪流巡邏，亦有村民將鐵閘加固，以及加強防盜設施，以減低損失。

#韋家幫 #廣西 #老爆3人組 #偷渡 #村屋 #爆竊 #自衛隊 #蘆慈田村 #channelchk

TVB報警話佢哋嘅藝人被網民欺凌⋯⋯但到底點先叫欺凌呢？畀嬲嬲又犯唔犯法呢？睇片你就知㗎喇！BTW，各位記得畀Like我哋好啦🤣

去片👉 https://www.youtube.com/watch?v=ledhIGstyvs
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #嘮動新聞 #tvb #藝人 #網民 #報警 #謝偉俊 #無綫

九巴車廂驚現「光豬孖女」曬燈擺pose
疑為內地人 收費約拍

連日香港天氣轉涼，有人開始摷羽絨，或者plan緊買羽絨，但亦有好多人根本唔怕凍，或者等氣溫下降先至晒身上嗰層天然fur，仲要擺晒專業pose留影。

今日連登仔開po「發現香港女仔完全唔識得潔身自愛」，圖中是兩女以BB啱啱出世嘅衣著——即係冇衣著，挨住車門擺出性感誘人pose。拍攝地點似係一架九巴裡面，玫瑰花紋人造皮嗰款。

兩位長髮「光豬BB」不止挨住車門影，仲坐埋叔叔嬸嬸最愛除鞋／著鞋晾腳嘅「對家位」，面向鏡頭擺出嫵媚姿勢，有相有片，專業自然，自然到好似喺屋企張梳化咁。不過Channel絲擔心兩位「BB」會唔會冷親之類，亦擔心啲凳吸埋吸埋唔少「腳氣」，雖然有清潔，但都係污糟…

但亦因為呢個「對家位」shot，赫然見到車窗外嘅巴士燈箱廣告，係2019年2月香港上映嘅《銃夢：戰鬥天使》(Alita: Battle Angel)，即係好大機會係舊片。有連登仔根據其中一個天體BB紋身，懷疑佢就係內地薄有名氣、被稱為「暗黑版 IU 」（Channel絲質疑究竟邊度似）嘅黃雅琪。

Channel絲去睇過黃雅琪IG，佢自稱常駐北京，「學電影的，約拍不互免（即要收費），創作請私信」。IG大量性感甚至「無衣」靚相，角度唯美，並非賣弄性感。咁啱佢曾於19年2月（即《銃夢》上映時間）嚟過香港，仲去咗彩虹邨打卡。同年8月又嚟，都係去彩虹邨影相。有衫衫嘅。其實「暗黑版 IU 」喺內地打卡相都好密實，唔知點解去九巴（如果真係佢）會咁「怕熱」。

Channel絲DM過佢，問片中係咪佢本人，暫未獲回覆。九巴就表示，由於不清楚涉事九巴車牌或車隊編號，暫未了解相同片攝於何時。

歷史上嗰大片空白，唔知連登仔幫唔幫到你。有人搵番去年喺中大新亞書院「天人合一」亭野外露出天然生曬嘅一分鐘短片，當時已有網民翻查資料相信事主係來自中國，其社交媒體過往曾上載過不少裸照。有連登仔懷疑今次事件主角亦屬同一人、即係黃雅琪。

根據第200章《刑事罪行條例》 第148條，任何人無合法權限或辯解，在公眾地方或公眾可見的情況下，猥褻暴露其身體任何部分，即屬犯罪，一經定罪，可處第1級罰款及監禁6個月。

#channelchk #一絲不掛 #巴士 #祼女 #黃雅琪

珠海水警追走私艇「追過界」
於香港水域意外擱淺 需另派船救援

粵港近月走私活動猖獗，連珠海警方都要「跨境執法」？警方晚上發稿指，較早前珠海水警在追截走私艇時，意外進入香港水域及擱淺，要珠海另派船到場救援。而周一晚上警方在大澳南涌村山邊，拘捕一名涉嫌非法入境的四十六歲內地男子，並扣查一艘涉嫌參與走私活動的快艇。

警方稱，周一下午約五時四十五分接獲途人報案，指發現兩艘快艇在北大嶼山分區大澳南涌附近石灘擱淺。警員接報到場調查，發現珠海公安水警人員在內地水域追截一艘涉嫌參與走私活動的快艇時，意外進入香港水域。該艘載有四名珠海公安水警人員的船隻連同涉嫌走私的快艇，其後在南涌附近擱淺，珠海另一艘水警船隻及後到場救援。

當時快艇上的一名男子失去影蹤，而警方周一晚上於大澳拘捕的男子，現正被扣留調查，未知與快艇上的男子是否同一人。警方指，會繼續向珠海公安了解事件經過。

上月高級督察林婉儀追緝走私快艇期間，被撞落海殉職。Channel C事後曾報道走私艇於海上的「亡命之途」（ shorturl.at/qEIM7 ），及粵警的掃蕩手法（ shorturl.at/wzRWX ），讀者可隨時重溫。

#channelchk #走私 #跨境執法 #大澳 #水警 #珠海 #警察 #擱淺

潘媽爆李慧琼花言巧語呃信任 卻「人間蒸發」
斥周浩鼎「做人唔頂天立地」！
嘮動新聞： https://youtu.be/0njXhOAoZwA

台灣殺人案死者潘曉穎媽媽原邀請案中疑犯陳同佳、保安局局長鄧炳強、牧師管浩鳴、及民建聯立法會議員李慧琼及周浩鼎等，今早（20日）喺政府總部外公開對話，但獲邀人士最終無人出席。潘媽媽批評佢哋「無個夠膽出嚟面對我」，仲大爆當年李慧琼及周浩鼎用「花言巧語」欺騙佢可提供協助，但最終「人間蒸發」，將所有責任卸予管浩鳴。

潘媽媽在記者會開場發言時，道出今日主題為「人在做、天在看」。佢坦言預咗所有獲邀請人士「無個夠膽出嚟面對我」，「其心不正嘅人當然唔會見我」，又形容佢哋再喺港人面前出醜多一次。

潘媽媽又逐一批評缺席人士，指自己只係一個阿媽，唔識政治，當年女兒突然被謀殺，「當事六神無主，被你花言巧語呃我話一定幫到我，你哋話好有辦法，但最後你哋究竟幫到我啲咩，連電話都唔覆個，陳同佳出獄後所有嘢都卸畀管牧，之後就人間蒸發。李慧琼！你唔係氹我話一定幫到我咩？去做嘢啦！唔該你。周浩鼎！你做人一啲都唔頂天立地呀！」

潘媽媽續說，2019年2月民建聯同佢召開記招前夕，兩人向佢表示有條例可以幫到阿女，「我當時以為係好有希望，但太多聲音反對修例，我一開始就不斷同周浩鼎講，擔心陳同佳案做唔到，但當時政府態度係十分之強硬。呢兩個人叫我千祈唔好出嚟，唔好出聲」，等佢哋討回公道，狠批兩人敗壞民建聯家聲。

#channelchk #陳同佳 #台灣殺人案 #潘曉穎 #潘媽媽 #鄧炳強 #李慧琼 #周浩鼎 #管浩鳴

Facebook一周內改名？「Horizon」係咩意思？

Facebook每次有嘢改，一片哀嚎。月初fb「大hang機」，連同ig、WhatsApp及全球35億用家一齊跌入黑洞，呢啲係「意外」。講緊嘅「改嘢」，係指改演算法，或者收緊社群守則，就連某啲「助語詞」嘅同音字都唔出得。今日有外媒報道，fb又有嘢改，但今次改嘅，係名。

外電報道，fb創辦人兼行政總裁朱克伯格（Mark Zuckerberg）計劃於下周舉行嘅fb年會或之前，公佈Facebook改名。報道指，其中一個考慮嘅名係「Horizon」。「Horizon」係fb開發嘅VR新平台「Facebook-meets-Roblox」，仲有口號，“Explore. Play. Create. Together.“（一齊探險、玩、創造），聲稱係「比真實更真實嘅虛擬世界」。不過，fb新名字係內部高度機密，據報連高層都唔知。

咁Horizon又係乜東東？點樣「比真實更真實嘅虛擬世界」？要真實，就要收集數據。Facebook Reality Lab一直默默做緊嘢——收集數據（表情、說話節奏）餵飼AI，模擬面部表情。當個database夠大、餵得夠飽，還原技術就越高。即使你蒙著嘴，AI都可以模擬出你嘅表情。你喺Horizon上嘅「虛擬化身」，其實就係你真人。

有專家估計，fb下一步，就係令用家用其像真度極高嘅「虛擬化身」，喺Horizon睇戲、睇騷，甚至買嘢，直接喺VR消費。加強用家嘅「浸沉感」同購物衝動。咦，科幻電影情節變真。

朱克伯格近期已多次強調「Metaverse」（虛擬宇宙／元宇宙）呢個term。唔係MCU嘅多元宇宙，而係元宇宙。朱克伯格嘅遠景，係要令用家enjoy浸沉式共享虛擬世界，可以喺裡面工作、消費、甚至生活。就算你唔打機，都可以透過fb進入Metaverse。

你驚自己係新手會喺Metaverse迷路？唔使驚，Big Brother is Watching You.

大家對fb呢個傳說中嘅真名同遠景又有咩睇法？你個MeWe養蜘蛛未？

#Metaverse #元宇宙 #fb改名 #facebook #朱克伯格 #VR #Horizon #虛擬宇宙 #channelchk

管牧稱對得住良心 潘母哽咽質疑發死人財：
借陳同佳呃曝光 有資格牧眾？阿女都係聖公會
嘮動新聞： https://youtu.be/0njXhOAoZwA

台灣殺人案死者潘曉穎嘅媽媽今早喺記者會，逐一點名批評未有出席會面嘅人，質疑協助疑犯陳同佳嘅聖公會教省秘書長管浩鳴牧師，利用陳同佳「嚟呃曝光率」幫自己參選，又處處維護陳同佳，有如其代言人，沒資格做牧者帶領信徒；反問對方會否同樣保護其就讀聖公會學校嘅女兒。

潘媽媽原邀請保安局局長鄧炳強、聖公會教省秘書長管浩鳴等公開會面，但無人應約。潘媽媽在記者會上逐一點名批評未有出席嘅人，質疑管浩鳴利用勸服陳同佳赴台投案，喺參選選委時爭取曝光率，最後未能當選後，以為可「金盆洗手」，但被記者連番追問後，意外爆出陳同佳住安全屋，「搞到政府唔知點同納稅人解釋，要長期養住殺人重犯」。

潘媽媽促請管浩鳴「唔好再扮傻落去，係咁死話台灣唔批簽證畀陳同佳投案，你自己反省一吓，自己有無資格做帶領信徒嘅牧者」。潘媽又批評管浩鳴只係陳同佳代言人，「處處保護陳同佳」，質問管浩鳴有冇真心幫助其女兒，「阿女都係聖公會嘅學生」。講到呢度，潘媽語帶哽咽話，希望管對得住信徒、對得住良心，真心為阿女着想，讓陳同佳得到審判，讓女兒死得瞑目。

管浩鳴回覆傳媒查詢時表示，明白潘媽媽嘅心情，話希望陳同佳赴台自首，相信係為潘曉穎沉冤得雪最好方法，並強調自己喺呢件事上，絕對「對得住良心」，形容「人在做、天在看」。

#管浩鳴 #潘曉穎 #陳同佳 #台灣 #牧師 #聖公會 #鄧炳強 #安全屋 #channelchk #台灣殺人案 #潘媽媽