DONKI全球第一家迴轉壽司店10月29日開幕🎉！

萬眾期待嘅Donki壽司店「鮮選壽司 海之戀店」10月29日開啦！每日仲有日本師傅坐鎮😍😍愛吃壽司嘅Channel 絲率先帶大家入店睇睇究竟有咩食🤤

🍣近100款壽司 由$12-$37任你揀
講到必食，一定係港人最愛嘅Toro啦，鮮選壽司所選用嘅吞拿魚由產地捕撈到出貨嘅程序都全部數據化，鮮度品質受保證，令客人可以安心享用，絕對係誠意之作！而用嘅米更加係經過日本專門員工喺各種日本米中嚴格選定，日本評級基準連續10年獲得A級，非常講究！店內特備有鮮度系統，壽司有製作完成放置碟想起於指定時間內預盈於貼上將被視為預過最佳鮮味享用時間都會繼續提供給客人。

🍣181座位 空間感十足
作為DONKI全球第一間壽司店，新店面積大而且空間感十足，全店有181個座位，位與位之間有足夠距離，坐得非常舒服！

🍣壽司x娛樂 店內每晚6點舉行不同精彩活動
以日本魚市場與海底世界為主題，巧妙地通過聲光影嘅配合為顧客打造一個充滿娛樂性嘅空間。店內將會晚6點舉行不同的精彩活動，如鮮魚解體及炙燒表演等。

「鮮選壽司 海之戀店」
開幕日期：2021年10月29日（星期五）上午11時

地址：荃灣大河道100號海之戀商場2樓2001號舖

營業時間：上午10時至晚上11時（截單時間：晚上10時15分）

#Donki #Donki壽司 #鮮選壽司 #海之戀店 #迴轉壽司 #channelchk

兩公婆開Live講浪漫
朱慧敏慶幸38歲先識醫生老公 感激七仙羽雪中送炭

嫁得早不如嫁得好，緣份永遠嚟得啱啱好。故事中女主角，38歲認識現任丈夫。男方係醫生，42歲，養和心臟科專科名譽顧問醫生，港大名譽臨床助理教授，人稱「鑽石筍盤」。女主角當然都係筍盤，精於理財投資，只係有時睇人眼光欠準。兩人今年2月成婚。喜帖上印著一對新人幸福名字：陳良貴 Queenie Chu 朱慧敏。

日前兩公婆又開Live，兩人鏡頭前擠在一起，朱慧敏不顧儀態的笑得前仰後合。網民問她陳醫生是否對太太一見鍾情，陳醫生靦腆點頭，朱慧敏代答：「係。」

丈夫是否浪漫？佢就話：「浪漫。佢嘅浪漫係好實在嘅浪漫，令我個心覺得好安定。佢嘅浪漫係，未拍拖嘅時候已經問我：『我想同你拍拖；到拍拖一年，第二年我就會娶你。』但係嗰陣時係未拍拖，只係食咗幾餐飯，拖手仔都冇。」陳醫生輕聲反抗：「我有拖你手仔呀！」朱慧敏記得好清楚：「你講嘅時候係未拖。」陳諗咗陣，天然呆答：「係喎。」

「人人對浪漫嘅定義唔同，每個年紀對浪漫嘅定義都唔同，我以前都係好少女…而家都係，嘩好想放煙花有花收…」此時陳醫生又企圖反抗：「我有送呀…」朱慧敏就話：「好開心，多謝你呀！佢係送一支花。」陳醫生話環保，朱又大笑：「啱呀啱呀，我真心係好欣賞。佢嘅浪漫就係咁。」

「我好慶幸我38歲先至認識你，39歲先結婚。而家先認識你係好嘅。」講到呢度，朱慧敏又狂笑。陳醫生補飛：「如果你細個認識我嘅話，就可能會覺得……」朱笑：「都覺得好好囉！」

這位04年港姐亞軍，情路如坐過山車，當選後翌年被爆和梁榮忠在車廂親暱，形象受挫；11年與EO2成員彭懷安（Eddie）拍拖。訂婚後Eddie被爆偷食，最終分手。

有網民留言忽然提起 七仙羽七師傅謂：「早喺2010年，七仙羽師傅幫你批命甲，話你嫁得好，老公係權威人士（下刪一萬字）嫁得早，不如嫁得好，恭喜！恭喜！」

原來呢度又有個小故事。「嗰陣我同七師傅，大家未見過大家，唔認識大家，亦冇共同朋友，佢公開喺報紙幫我講好説話，我好感謝佢。喺低潮時，有人幫口支持下、鼓勵下，真係好感動，雪中送炭。之後（隔咗好多年）我喺慈山寺遇到師傅，我親口多謝佢。佢而家超級紅，我戥佢好開心，好心有好報。」朱慧敏寫道。

風水命理，信不信由你。但能夠雪中送炭，懂得感恩，也是一種浪漫。

#朱慧敏 #七師傅 #師傅愛你 #七仙羽 #陳良貴 #養和醫生 #channelchk

Anson Kong 29歲生日 生粉全員出動賀壽
曹永廉同日57歲牛一 留言冷清

「陳卓賢我警告你，呢題如果你唔識或者諗多過一秒，即刻絕交！」鍾意嗌人全名嘅有幾多個？咪就係老闆 Anson Kong 江𤒹生AK囉。

「10月！」都未問，陳仔已經答。
「咦我都未問。等我問埋我個問題先。問題你Anson Kong嘅生日月份係幾月？」
「10月！」

IANSON係講默契嘅。10月16號，老闆29歲生日喇！今日亦係其日系街頭服品牌KYUBI誕生日，簡稱KYUBI誕。Happy Birthday呀老闆！祝KYUBI大賣！

AK生日，六壯士之一皮皮 陳瑞輝Frankie Chan貼圖祝「大鼻妹」生日快樂，花姐（黃慧君）噚日就喺IG出生日post，留言："Happy birthday my dear dear dear dear"，AK留言笑指：「聽（今）日再出多個post，Thanks mom﹗」

到正日凌晨花姐再於IG貼短片，片中AK捧住生日蛋糕，花姐問AK：「你可唔可以對住我講一個生日願望或一個承諾？」AK就笑笑口話：「生日願望係希望我下一年生日，花姐係16號先同我出Post。（承諾？）我乖啲啦，唔好激你咁多啦，快啲買樓畀你啦！」

至於KFC精心準備一系列慶生行動正式開始。生日都要開工㗎，AK一大早就同隊長Lokman正副分明咁去中環出席Versace嘅活動，生粉迫塞店舖門外，就連對面馬路都企滿生粉。AK話，今年最大嘅生日願望，就係家人、朋友同貓貓身體健康。至於慶祝活動，當然係同屋企人食飯慶祝！

今日AK牛一，其實仲有一位藝人同佢同日生日，不過年份就相差28年，差唔多一個double——愛國愛港藝人曹永廉。今年5月曹公因為心臟問題，秘密入院通波仔，之前又生腎石，似乎流年健康運麻麻。

曹公生日，有愛國愛港人士透過微博向佢祝福，大讚曹公係佢一位非常敬重嘅演員，曹公亦回謝對方，讚佢係「一個非常愛國愛港的英雄，支持您」。多麼熱血。不 過排隊賀壽嘅人唔太多，微博加埋fb暫時都唔過100，仲有其中一部份係祝福同日生日嘅張達倫Happy Bday。

#AK生日 #曹永廉 #AnsonKong #KFC #生粉 #花姐 #channelchk

花姐捱摑大犧牲
全女班《全民造星IV》11.1首播 大台推男男配對真人騷

ViuTV節目巡禮因為8號風球改為閉門錄影，今晚播出。節目由《全民造星IV》全女班跳唱全新Remix版本的《前傳》打頭陣。壓軸有ViuTV吉祥物生啤帶埋新吉祥物「生菜」亮相。

據ViuTV「歷史記載」，生菜係去參加《造星IV》時被花姐直接招手邀請加入高層之列，節目巡禮尾聲仲同Mirror一齊跳《Boss》。至於上任感言，係無嘅。生啤唔講嘢，你問生菜都冇用。

《造星IV》將於11月1日推出。節目預告真係嚇咗Channel絲一跳——至高無上監製花姐俾人追問：

「你又話唔搞女團嘅？」
「我冇講過。」
「你又話今屆女仔質素好差嘅？」
「邊有呀？你係咪黐咗線呀？」

花姐講完呢句，鏡頭前有人伸手向花姐「啪」一聲兜巴車埋去……

花姐咁樣「犧牲」，原來為咗呢句「大巴大巴打低昨日的我」…

嘩……

ViuTV推全女版《全民造星》，無綫就推出由王賢誌（Vinci）擔任監製兼節目主持嘅「男男配對」真人騷《仔仔一堂》，英文名叫"Boyscation"，下月初推出。

消息指節目有10位男士參與，包括IG粉絲逾十萬的藍源偉（Juzco）、台灣游泳教練Kevin Tsai、型男主廚楊平（Kenny）等。王賢誌接受傳媒訪問時就話，ViuTV嘅《大叔的愛》的確令人好多人接受LGBT，但始終係童話化，佢係想將真實情況畀大家睇，用多角度探討新一代嘅Gay，以個人經歷幫助社群，仲話預咗會有人鬧咗先。

節目巡禮上，人氣爆燈嘅七師傅七仙羽夥P1X3L跳唱〈Oh My 7 God〉，七師傅仲事先張揚會開拍第二輯《七救星》為藝人轉運，但今次轉運對象有啲唔同，計劃中全部都係邀請巨星上陣，張敬軒已經應承咗拍喇！

#ViuTV #節目巡禮 #生啤 #生菜 #花姐 #全民造星 #仔仔一堂 #Mirror #七仙羽 #七福星 #channelchk

Stanley@Mirror明年出3劇
死神CP《季前賽》對敵 Ian透露角色：打波好叻、好認真

VIU節目2022年巡禮公佈來年5大劇集，分別有：

《i.SWIM》：邱士縉@Mirror、呂爵安@Mirror、王智德@Mirror、魏浚笙、黃奕晨、歐鎮（George）及葉振弘（Marco）

《季前賽》：姜濤@Mirror、陳卓賢@Mirror、193@Error、梁業（肥仔）@Error

《IT狗》：楊樂文@Mirror、陳瑞輝@Mirror、邱士縉@Mirror、余逸思、凌文龍、陳漢娜、岑珈其、陳湛文等主演。

《反起跑線聯盟》：劉偉恆執導，梁詠琪、周家怡、潘燦良、強尼、袁富華、練美娟、梁業及李炘頤等主演。

《冥冥之中》：陳嘉倩、駱振偉，吳啓洋及王頌茵等主演。

另外，邱士縉（Stanley）主演台灣犯罪懸疑劇《第三佈局 塵沙惑》亦將於ViuTV推出，劇中佢因協助由張榕容飾演嘅刑警徐梓薇偵辦變態內衣賊案件而結識，成為徐梓薇的粵語老師。換言之，暫時Stanley至少有3劇會於ViuTV推出。

大家嘅焦點，一定都係擺喺死神CP——姜濤、Ian主演嘅《季前賽》。大家紛紛估邊個係櫻木花道邊個係流川楓，肥仔飾安西教練似乎走唔甩。3人同193都有出席節目巡禮介紹新劇，但仍然賣關子。

其間主持人邀請佢哋以籃球chok pose，原以為死神CP會露兩手，話晒一個係維園「街場」常客，一個係籃球校隊代表，但結果Ian只係舉V字手勢啟動可愛mode，姜姜索性舉起個波遮面，真係估你哋唔到。

193曾經係本地甲一籃球勁旅南華少年隊成員，佢喺上台又重提「爭啲入到NBA」事件，話如果唔係因為斷手就已經入咗，「所以後嚟我就去咗《全民造星》，跟住就企咗喺度（節目巡禮）。」問佢失落薪酬高嘅NBA會唔會好唔開心？三爺一臉認真：「唔會，而家都搵好多，不過公司未出糧。」

Ian就話好開心可以一邊拍劇一邊打籃球，仲話自己對籃球熱愛程度更勝排球。問及劇中與姜濤是否係對手，Ian仲諗緊點答之際，姜濤已經一手捉住Ian隻手話：「我嘅『對手』…」Ian話佢個角色係一個打波好叻、好全面而且認真嘅球員，「欲之後事如何就要睇套劇喇。」

#ViuTV #節目巡禮 #iSWIM #季前賽 #Mirror #邱士縉 #姜濤 #Edan #Lokman #皮皮 #Ian #死神CP #channelchk

打齊2針疫苗 11.8起赴美免隔離
港研內地通關 或須繳安心出行紀錄

旅遊業復蘇的關鍵，就是入境免隔離。雖然港人家鄉日本仍未公佈通關消息，但美國宣佈，只要打齊2針獲FDA或世衞認可的COVID-19疫苗，11月8日起入境時出示接種證明，便可豁免隔離，溝針都得！搭乘飛機入境的國際旅客，另須提供登機前3天的病毒檢測報告。

同獲FDA和世衞認可的3款疫苗，分別是美國輝瑞（德國BioNTech）、美國強生及美國莫德納。至於只獲世衞認可的疫苗，則是中國國藥、中國科興和英國阿斯利康。不過俄羅斯史普尼克V疫苗和台灣高端疫苗，仍未獲FDA或世衞認可。

至於香港與內地的通關進展，創新及科技局局長薛永恒稱，已向內地提交設立類似「健康碼」的「通關碼」具體建議。用家除可自行紀錄行蹤，讓系統比對有否去過高風險地方，如強檢地點；亦可自行剔選系統列出的高風險地點；或可考慮經用家同意，將安心出行紀錄，直接上傳至通關碼系統。

#通關碼 #安心出行 #通關 #薛永恒 #健康碼 #疫苗 #美國 #隔離 #檢疫 #COVID19 #channelchk

嘮動新聞精選｜憂陳同佳搬入深山逍遙法外
潘曉穎媽哽咽：邊個可以真心幫阿女？

涉嫌喺台灣殺害女友潘曉穎嘅疑犯陳同佳，今年6月搬離安全屋，但始終未有兌現赴台自首嘅承諾。

痛失愛女4年嘅潘媽媽經網台發佈錄音回應事件，擔心陳同佳可能遠走他方，但作為父母仍未能為女兒討回公道，忍唔住哽咽：「可憐我嘅阿女始終都唔可以沉冤得雪，唔可以還佢一個公道，我想問邊個可以真心幫到佢嘅呢？」

去片👉 https://bit.ly/3lLcbBO

潘曉穎媽媽的錄音內容，承蒙廣傳媒/MIHK.TV聯合節目《香港人加書》答允可以複製使用。

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#陳同佳 #潘曉穎 #潘媽媽 #逃犯條例 #管浩鳴 #赴台自首 #安全屋 #無心情 #嘮動新聞

嘮動新聞精選｜澳門友誼拳賽罕有打死人！
無戴頭套打爆朋友腦
👉 https://youtu.be/eaBHw1iEEdU

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#channelchk #拳賽 #友誼賽 #拳手 #頭套 #打死人 #澳門 #氹仔 #拳館

嘮動新聞精選｜12歲大陸𡃁妹混入男團被踢爆！
中國「養成系」偶像係超級金礦 TFBoys最勁年賺1億
https://youtu.be/q3KvU8xrLG8

當你哋啲西人仲糾纏緊應唔應該根據個人嘅性別認同入去男廁定女廁，中國有位小朋友嘅眼界已經超然到另一個境界，帶領國家超英趕美，佢就係中國「憶光年少年團」嘅「準成員」只得12歲嘅付佳......源。呢單新聞爆到連外媒都報道，今次真係蜚聲國際！想知就入去睇片啦！

去片👉 https://bit.ly/3p4iUZE

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

#channelchk #男團 #女扮男 #養成系