女警緝私被撞落海亡 粵拘逾70艇盤問尋兇
港拘走私幫17員 涉東涌權父子等4江湖猛人

粵港走私猖獗逾年，至近日高級督察林婉儀追緝走私快艇時，被對方撞落海殉職後，問題再掀起關注。Channel C獲悉，廣東省公安隨即連日捉拿逾70名快艇負責人盤問，希望盡快揪出開艇撞跌女警的兇手。很多大飛「騎師」均為避風頭，令近日走私大為收斂。

至於香港警方，亦以涉嫌串謀危害他人海上安全和串謀輸入未列倉單貨物的罪名，拘捕17名走私集團男子，年齡23至65歲，均有黑幫背景。據Channel C了解，被捕人包括東涌4名江湖猛人，分別為東涌權、其兒子阿撈、道洪和糯米糍。警方亦在多個海上走私黑點、碼頭及其他隱蔽處，檢取2艘懷疑非法改裝的大馬力走私快艇。

#channelchk #串謀危害他人海上安全 #走私 #串謀輸入未列倉單貨物 #江湖猛人 #東涌 #東涌權 #阿撈 #道洪 #林婉儀 #快艇 #女警 #公安 #內地 #廣東 #大飛 #糯米糍

女警遭私艇撞墮海亡細節曝光！有穿救生衣
鐵板大飛6摩打 負重10噸90km/h撞警艇尾

高級督察林婉儀追緝走私快艇被撞落海殉職的案件，有更多細節曝光。Channel C獲悉，涉嫌撞至女警墮海的銀灰色大飛，裝有鐵板和6個摩打，即使當時盛載10噸凍肉，仍以近90km/h高速航行。該大飛航速不但能媲美水警巡艇，甚至撞爛由殉職女警指揮的巡艇之右後方，可見其衝擊力頗大。至於女警墮海殉職前，有穿上救生衣。

據Channel C了解，涉事大飛由機場三跑躉船裝貨，當駛往內地水域時，因得悉粵警或用槍炮掃蕩，加上「騎師」若在內地被捉，恐判囚多年，故折返香港，並打算按慣例，先卸貨至木船，怎料在沙洲遇女警攔截。有目擊者指，該大飛撞擊水警巡艇後，改往內地水域逃去。

消息又指，殉職女警由前一晚開始當更，原本與同事出海，並非截查私艇，而是與其他執法部門聯手捉拿「人蛇」。當聯合行動結束、其他同事返回水警總部後，得悉有艇被撞，要再出海支援，到場才發現失事巡艇是由殉職女警指揮，而女警已墮海失蹤。有分析估計，女警或被大飛的衝力撞暈，致面部向水，即使身穿救生衣，亦未能保命。

#channelchk #林婉儀 #快艇 #女警 #內地 #大飛 #摩打 #墮海 #救生衣 #殉職 #走私 #水警 #機場 #三跑 #高級督察 #凍肉 #沙洲

「你以為你暱嚮度就搵你唔到咩？無用呀！好似你啲咁出色嘅男人，無論嚮咩地方，都好似漆黑中嘅螢火蟲一樣，咁鮮明，咁出眾！」

一齊睇片認識吓謝東閔呢位咁「鮮明出眾」嘅男人啦： https://youtu.be/yGXIF2OJt6k

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #謝東閔 #朱智賢 #航拍 #無人機 #民航處 #汀九橋

旁白師聲演版：Benz L又得一分！當街狂毆巴士佬頭 當正足球窩利抽射
粵語👉 https://youtu.be/BvhREHzR1WY
國語👉 https://youtu.be/sKno8pdpOnA

＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
https://youtube.com/channel/UCQRdJCdUVkXYPvWZ6_Omkag

#channelchk #彌敦道 #深水埗 #Benz #平治 #拳打腳踢 #毆打 #新巴 #巴士車長 #司機 #切線 #界限街 #旺角 #太子 #嘮動新聞

亞視阿儀獲邀賀社團頭目大壽
推蛋糕木無表情 聞「錫啖先」即耍手拒絕

近期爆紅的「亞視一姐」薛影儀（阿儀）周二（28日）凌晨突現身社團頭目壽宴，網傳片段可見阿儀推蛋糕進場時，眾人拍手起哄，更有人高叫：「錫啖先！」一直木無表情的阿儀即耍手疑是拒絕。亞視發言人則稱阿儀並無參加有關活動，只是路過餐廳獲邀拍攝。據傳媒報道，警方反黑組其後突擊掃場，18人涉違限聚令被票控，而當時阿儀已離場。

有社團頭目周二（28日）凌晨在元朗西菁街10號一食肆包房設壽宴，邀請十多名好友出席，包括香港拳王「風之子」杜恒霖和女友。網上瘋傳的影片所見，當阿儀推蛋糕進場時，眾人起身拍手歡呼，並舉手機拍攝。有人大叫﹕「嘩，阿儀呀，X哥錫啖先！」，部份人則附和高叫「錫佢！錫佢！」一名相信是壽宴主角的男子則笑得合不攏嘴，並高舉拇指。

其間阿儀一直木無表情，沒有大反應，直至有人笑問主角女伴﹕「阿嫂你介唔介意呀？」又提議他與阿儀合照時，阿儀則不時望向左右兩邊，迴避視線，甚至耍手疑是拒絕。

片中亦可見亞視發言人黃守東當時在門外，Channel絲曾向黃守東查詢為何安排阿儀到疑似黑幫飯聚，是否同意如網民所講，亞視消費阿儀至過火狀態等問題，但黃都沒有回答，只表示就上述活動，旗下藝人薛影儀僅為路過餐廳門外，獲支持者邀請拍攝合照，並未參與有關的活動。

#channelchk #阿儀 #亞視阿儀 #黑幫 #社團 #限聚令 #犯聚 #反黑 #杜恒霖 #拳王

查理斯威廉王子攜眷出席
007首映見證皇室變遷

No Time to Die，港譯《007：生死有時》，台灣譯《生死交戰》。內地版本最傳神，唔得閒死。無暇赴死。香港人心聲。

作為Daniel Craig最後一套007電影，因應疫情，No Time to Die由唔得閒死變唔得閒上，映期由去年2月推到去年4月，再推到11月，然後再再推到今年4月。結果，聽日終於上映。英國時間噚晚倫敦舉行全球首映，Daniel Craig變身粉紅教主型到無話可說，女特工Ana de Armas性感造型亦搶鏡。但唔夠皇室成員搶fo。今集皇室派出嘅代表係王儲查理斯伉儷同威廉王子夫婦。凱蒂身穿身Jenny Packham 特別訂製斗篷式金色晚裝，一身金色調配搭，網民話：「直接是本片女主角了吧？」

今次首映防疫措施嚴謹，要有48小時內有效快速檢測陰性結果證明。入到首映場地Royal Albert Hall就可以除口罩，大會仲提供James Bond Martini味爆谷——Shaken, not stirred.

皇室成員出席007首映幾乎成為禮儀，Daniel Craig 5部電影亦反映皇室家族的關係轉變。06年《新鐵金剛智破皇家賭場》（Casino Royale）請來英女王伊莉莎白二世出席，之後嘅《量子殺機》（Quantum of Solac）由威廉王子同哈利王子代表參加；2012年嘅《智破天凶城》（Skyfall）就係查爾斯王子與卡米拉一齊出席。

15年《鬼影帝國》（Spectre）就係威廉王子夫婦同哈利一齊出席，嚟到Daniel Craig 最後一部007，皇室要應付梅根嘅自製新聞，應該都No Time to Die。

#生死有時 #NoTimeToDie #DanielCraig #英女王 #凱蒂 #查理斯王子 #威廉王子 #哈利王子 #channelchk

IANSON親挑2義工一齊搭直升機遊港
即睇點先有機會與老闆共處（附報名連結）

做義工唔只有意義，仲有機會同Ian陳卓賢、Anson Kong江熚生@ＭIRROR一齊坐直升機遊香港。不過到時幸運兒都可能掛住望住兩位「老闆」，多過欣賞風景啦！

MIRROR向來正能量滿滿，今次就答謝同樣愛助人嘅義工。服裝品牌PORTS為慶祝60周年，將會舉行將於香港舉辦「PORTS X Time Auction 直升機之旅」，邀請兩位義工喺10月20日同Ian、Anson Kong一齊坐直升機，遊覽香港景色；全程為15分鐘。

想報名嘅義工可以喺網上報名（連結： https://bit.ly/2Y1iDLu ），但機會當然唔係人人有份。報名人士必須喺10月6日前的一年間，喺註冊慈善機構擔任義工滿60小時以上，同埋分享MIRROR同義工活動點樣為個人生活帶來正面影響，寫得最感動嘅義工就有機會俾Ian同Anson Kong親自挑選出嚟一齊搭直升機。報名截止日期為10月6日，幸運兒將於10月13日收到電郵通知。

有關活動消息已經喺fans club廣傳，連AK本尊都有讚好。唔少「生粉」、「Hellosss」都激讚有意義，跟IANSON嘅大愛性格好配合，亦認為義工值得有回報，但就建議兩位幸運兒粉絲帶定氧氣筒，「要有埋急救醫護，因為兩個幸運兒對住Ianson，極大可能會出現心跳加速、血壓飆升、暈眩眼花、呼吸困難嘅情況」，另有fans講笑話「嗰兩位幸運兒應該响架直升機上邊暈低咗喇」。

#channelchk #IANSON #陳卓賢 #江熚生 #AK #AnsonKong #Ian #MIRROR #PORTS #PORTS1961 #義工 #正能量 #直升機之旅 #viutv

的士司機青衣撞傷老翁後不顧而去
傷者女兒急尋車Cam及目擊者

Facebook 專頁「 青衣島民 」發文稱接獲求助，求助人指其父親於9月26日約晚上7時至8時踩單車經青衣警署的迴旋處，期間遭一輛的士撞傷，惟司機不顧而去，故希望能尋得事發時的車Cam。

求助人稱，由於她和弟弟不是與父親同住，年紀老邁的父親不懂報警，又不敢將事件告訴她們，令弟弟於9月29日到訪父親家中時，才驚覺他「半塊臉腫晒、黑晒」，出現全身無力及作嘔等徵狀。弟弟再三追問下得悉事件後，已即時召救護車將爸爸送院治理。

求助人一度透過帖文找到目擊者，確認父親當時是踩單車路經現場及案發的大約時間，但就未有目擊事發經過，故希望繼續尋找目擊證人及車cam片段。有網民則留言稱，曾於事發時乘搭88D巴士，並遇上急停，而當時一架的士停在路邊，未知是否與車禍有關。

#channelchk #青衣島民 #青衣 #車Cam #車禍 #的士

容祖兒出道22年親自執導新歌MV
剖白感情世界：曾好努力惟最後要無奈放低

歌手好多時都會憑歌寄意，容祖兒（Joey）都唔例外，趁住今日9.29出道22周年推出新作《不配》（ https://bit.ly/2Y3VMj8 ）之餘，更首次親自操刀執導MV，希望將首歌想表達一段感情嘅遺憾美，完整呈現觀眾眼前，令樂迷更加明白佢唱乜嘢，「嗰種好努力但最後都無奈要放低，嗰個感情我都覺得好動人。」Joey處女作長達十分鐘嘅MV拍攝花絮亦將於今晚9時29分推出。

新歌《不配》紀錄咗Joey成長的真實情感，詮釋一段感情由淺到深再分道揚鑣，嗰種無奈至釋懷嘅感受。首次擔任MV導演嘅Joey就安排男女主角以現代舞方式去表達，佢話拍攝過程中有唔少難題，而且對鏡頭擺位同攞唔同鏡頭去捕捉唔同角度，都有啲難度，「以前被拍，但今次係發出指令，話畀camera man、舞者知道呢個動作同歌詞嘅關係、點樣呈現出嚟。」

為咗將故事意境提升到更高層次，MV又採用LED環幕拍攝，建造出一個寒冷凜冽極地世界，Joey直言覺得氣氛好震撼，感覺亦好配合新歌，「大家都曾經好努力去令到呢一份感情行落去，但就係因為大家努力過，所以更加唔捨得。」

談到個人經歷，Joey認為「愛情更多嘅唔係同唔同到對方行到去最後，其實係令對方成長，更加清楚自己係一個需要啲乜嘢嘅人。雖然唔能夠一齊，但係可以互相祝福。」對於已入行22年，Joey亦覺得堅持22年唔容易，亦多謝身邊每一個去幫佢嘅人、歌迷同屋企人，希望將來可以不斷進步，繼續做好自己。

#channelchk #容祖兒 #Joey 不配 #MV #處女作 #導演 #MV導演 #英皇

無綫謝東閔捲危駕航拍機事件
「gluestic」反狙擊網民：報咗國安

一個名為「gluestick_production.fpv」嘅IG上傳航拍片，無人機在汀九橋上一度低飛，爭啲擦過巴士頂，疑已觸犯民航處條例。網民幫佢起底，懷疑其真身就係無綫藝人 謝東閔，證據包括IG頭像與「謝東閔影像社」YT Channel吻合，IG嘅航拍片如輕鐵站摸黑低飛亦曾出現於謝東閔IG。網民搵佢對質，「gluestic」以「快啲報警拉我啦x你老x」等「關心語」回應。原來「gluestick」仲「反起底」，將網民嘅帖文cap低，聲稱「已經報咗國安處」，仲話知道佢喺邊度返工。

究竟「gluestick」係咪真係謝東閔本尊，謝生同無綫而家都未有回應。既然謝生講得出自己係公眾人物，上次俾女友朱智賢派帽都即刻開記招。今次被傳涉危險操作航拍機、辱罵網民，無論是否謝生做嘅，為保護自己，係咪都會考慮講兩句澄清／解釋番？何況今次搞到話「報國安」咁緊要。

根據思思 TVB 的二三事fb報道，「gluestick」今次咁火，疑因為嬲豬被起底。雖然佢好快已剷晒涉「危駕」影片，但網民已backup仲send返畀「gluestick」，「gluestick」爆粗還擊，又質疑對方係咪「唔x夠膽個樣出嚟見人」。

受辱罵網民向「思思 TVB 的二三事」透露，「gluestick」仲「反起底」，留言俾該名網民，話知道佢喺邊度返工，又cap低其fb帖文，send返網民影嘅《蘋果日報》畀佢，聲稱「已經報咗國安處」、「祝你x家平安」。

咁究竟「唔x夠膽個樣出嚟見人」嘅係邊個？Channel 絲都好想問下謝東閔，又或者「gluestick」，可惜「gluestick」唔止刪晒啲片、改名做「abcdefgdndvsjznvd」，近日帳號仲已經停用。

#TVB #謝東閔 #無人機 #航拍機 #國安處 #朱智賢 #公關災難 #channelchk

《堅尼地道殺人事件》秋生Figure面世 神情似足本尊

香港首部全民募資的劇情電影《堅尼地道殺人事件》，眾籌開始已經大約半個月，至今籌得約160萬，距離一千萬的目標仍然相當遙遠。在資金籌得一百萬時，一人分身做導演、編劇及剪接的 趙羅尼 - Ronnie 曾向Channel C坦言，計劃或受Facebook觸及率影響，令眾籌「進度比我想像中慢少少」。眾籌還餘二十多天便完結，趙羅尼與香城映畫團隊再出新招，未開拍電影就將黃秋生的1：6角色Figure「堅秋人偶」面世，吸引更多人支持計劃。

由官方的預覽圖可見，地獄教車師傅秋生手持「學」字牌及教車評分表，更夾雜幾份重大車禍的迷你A1頭條。有不少網民均認為Figure的表情十分具有秋生本人的神緒，更想起他於電影《伊波拉病毒》的經典對白「恰X我」。

Figure型仔吸引，如果想到時一邊玩Figure一邊睇戲，首先就要電影成功開拍。或者你可能覺得拍套戲用一千萬太多，但其實今次眾籌除咗係想拍套屬於香港人嘅電影，Ronnie亦都想藉住今次試吓搞串流平台，尋求突破，「搞個平台streaming買流量、整海報印DVD、再加埋需要大量人手寄出等等嘅物流嘢，其實成本都好大，估預要佔眾籌金額50%。」Roonie亦都曾經指，「如果湊夠1千萬，其實都係得5百萬拍」、「5百萬其實係一個好細嘅數目去拍電影。」

眾籌會喺10月24日結束，如果到時唔達標，所有嘢就會歸零，唔知有無得重新開始。有心嘅製作團隊賣少見少，如果想大力支持，只要揀約HKD $1,800或以上的眾籌方案，就可以為電影面世出一分力同一次過埋預購Figure啦～記得話埋畀身邊嘅Figure迷知呀！

睇更多Figure圖片：https://www.facebook.com/utopiapictureslimited/posts/4663416263681889

支持《堅尼地道殺人事件》眾籌計劃：
https://www.kickstarter.com/projects/young-old-rich/1782214623?fbclid=IwAR36Ql-tt74e-qBcrKjCLCwQi_icZbY_DbJd3Vx74AIzpW5D6DiBY6PEwms

#channelc #趙羅尼 #黃秋生 #堅尼地道殺人事件 #香城映畫團隊 #Figure

IKEA鯊鯊昨傳停產 港澳門市今全線斷貨

產品編號103.735.89，名字叫BLÅHAJ嘅鯊鯊，你同我講全線斷貨？！ IKEA WHY ？！

全線姨媽都冇貨？103.735.89喎！鯊鯊喎！噚日職員先至同Channel絲講，話BLÅHAJ鯊鯊雖然係開始缺貨，但係仍有小量門市有現貨，仲話沙田分店有90隻。（昨日報道： shorturl.at/afpBQ ）

今日Channel絲狗衝去搵姨媽買鯊鯊，全線斷貨？？？？貨倉冇，銅鑼灣冇，九龍灣冇，沙田冇，荃灣冇。過大海去澳門氹仔撲鯊鯊？對唔住，都係冇！

鯊鯊變咗瀕危絕種動物！！

職員見Channel絲好崩潰，安慰話部份門市聽日會返貨。生產商幾時有新貨返，答唔到。嗚~
好崩潰好崩潰。

Channel絲點解急撲鯊鯊，係因為噚日IKEA英國同部份歐洲國家嘅IKEA都話BLÅHAJ鯊鯊明年4月起停產；噚日，係噚日呀，仲話美國不受影響，香港未必會冇㗎喎！24小時之後，鯊鯊絕咗種？

再睇番$9.9嘅貓奴恩物FABLER BJÖRN熊，沙田荃灣都斷貨！貨倉得番35隻，但九龍灣就仲有大把。不過消息就話，供應商似乎有少少問題，貨源可能會唔穩定……

如果大家知道邊度有鯊鯊返貨，留個愛心留言俾Channel絲吖！跪！

（補充：有好熱心嘅讀者話畀Channel絲知，鯊鯊之前船期出現延誤，嚟緊都會陸續返貨，不過可能只得少量，但就無消息話停賣！）

#channelchk #IKEA #宜家家居 #BLÅHAJ #鯊鯊

好多網民都好關心阿儀，話唔想再見到佢畀人當小丑......

去片👉https://www.youtube.com/watch?v=vaO1HE-b8po
＝＝＝＝＝＝＝＝＝＝＝＝＝＝＝＝＝
記得Like、Share同Comment條片，Subscribe我哋
YouTube Channel，仲有撳埋鐘仔搶先睇片喇！
同埋Follow我哋Facebook同IG呀！
👉YT：https://youtube.com/channel/UCQRdJCdUVkXYPvWZ6_Omkag
👉FB：https://facebook.com/channelchk
👉IG：https://instagram.com/channelchk
報料／廣告接洽：
info@channelchk.com
#channelchk #嘮動新聞 #阿儀 #薛影儀 #亞視 #atv

教主AK着Calvin Klein騷巨胸 傳限量換購海報
前夫呻舊底褲全遭棄掉 神徒妻：唔着CK就冇得着

教主Anson Lo盧瀚霆着Calvin Klein的爆肌照日前流出後，雖然被裁去靚仔樣，但已令一眾神徒「不行了」。網傳MIRROR另外一位猛男Anson Kong江𤒹生，亦為CK拍下騷肌照。事隔1日，AK火熱赤身照曝光，初時雖未見容貌，但其後教主和AK分別上載全身版本的騷胸照，頓時震撼神徒和生粉，too hot to handle！

2名天團猛男又有新產品代言，勢掀起一輪搶購潮，亦牽動不少「前夫」的起居生活。有「前夫」在Facebook群組「我老婆嫁咗俾MIRROR導致婚姻破裂關注組」透露，其「前妻」加入神徒WhatsApp群組後，得知教主代言CK底褲，決定掃貨，並棄掉「前夫」家中所有底褲。「前夫」嫌CK底褲貴不划算，「前妻」則一槌定音：「你唔着（CK），咪冇底褲着囉。」

雖然天文台發出酷熱天氣警告多時，但真正的「酷熱警告」正為鏡粉發出！綜合鏡粉消息，CK在觀塘apm、沙田新城市廣場和銅鑼灣時代廣場的分店門口和店內，已換上教主和AK巨胸宣傳照，而且是落地大海報，目不暇給！另一方面，有傳CK推出教主和AK的限量換購海報，旺角朗豪坊已設換購排隊區。

教主和AK則呼籲fans，留意CK公佈在指定專門店與「他們」合照的詳情；CK則指「限定驚喜禮遇」在9月30日公佈。

#channelchk #AnsonLo #盧瀚霆 #江𤒹生 #AnsonKong #AK #CalvinKlein #MIRROR #鏡粉 #爆肌 #騷肌 #騷胸 #巨胸 #胸肌 #海報 #限量換購 #觀塘 #apm #沙田 #新城市廣場 #銅鑼灣 #時代廣場 #旺角 #朗豪坊