Mirror 12子成日畀人分做上弦、下弦，究竟係咪「好醜命生成」？邊個有運行？邊個有潛力？

睇下碧霞老師講Mirror(1/2)：姜濤、Tiger、Stanley、Jeremy、AL、Frankie！
https://www.youtube.com/watch?v=7tOKRYE0dGw

搶完菜，下一樣搶嘅嘢係咩？必理痛？幸福傷風素？🤨

排冤枉隊嬲爆大鬧「坐百幾蚊的士嚟㗎！」 阿姐狂掃幸福傷風素？ 張竹君宣佈動態強檢 戲院執笠酒樓停業 廣東市政府：唇齒相依 醫療團隊抵港

去片👉🏽https://www.youtube.com/watch?v=awzWqRBKOLs

住hall返屋企食飯＝犯規中招永久禁止再住？
中大叫完宿生退宿 隔幾日即到港大

其實屋企同宿舍，都係用嚟住。之後有一日，個防疫條例就話你唔可以返屋企。

港大學生會學苑及校園電視今日（11日）話，港大傳染病工作小組打算要求所有舍堂及住宿學院宿生，15號之前決定退唔退宿。退宿嘅話，就要喺20號之前退宿，不過校方就未有公佈可以重新入宿日期，而宿生可按比例獲退還3至5月的住宿費。

要做留下來的人，就只可以因「必要活動」（essential activities）而離開舍堂或住宿學院，例如參與面授課堂、醫療預約、運動及購買必須品等，就唔可以出席「非必要活動」，例如社交聚會（social gathering）及家庭聚會（casual family visit) 等。

如果俾人發現違反指引，仲要確診埋，你以為只係被quit咁小兒科？哈！係永久冇得住呀！

而中大早幾日，就出email話「強烈鼓勵」所有宿生盡量遷離宿舍，叫人返屋企。而留下來的人，就要畀「充分有力」理由，退宿嘅就要12或13號搬走，都會獲書院／宿舍辦事處按比例退還宿費。而書院、研究生宿舍同埋國際生堂，就會盡快向宿生公佈有關詳情。

而中大嘅留下來的人，星期六日都唔可以返屋企瞓喎，違規者就會被禁止返宿舍房，並不獲退還宿費。

#channelchk #中文大學 #香港大學 #宿舍 #舍堂 #HKU #CUHK #住hall #COVID19 #變種病毒 #疫情 #Omicron

台灣午夜5.7級地震 港多人報告震動數秒

【天氣師李鈺廷提提你】
香港天文台指，台灣花蓮以東約91公里海床，午夜12時43分5.7級地震。數名市民向天文台報告感到數秒震動；烈度為位處高樓且靜止時才有感。

#地震 #earthquake #台灣 #花蓮 #tw #taiwan #天文台 #地理 #geography #氣象 #李鈺廷 #channelchk

【2.11強檢名單重點】
愉景灣尚堤漪蘆
馬鞍山新港城4期G座
威院醫科生宿舍
（共16處）

【回顧已過去的2.3強檢名單重點】
銅鑼灣H&M
黃大仙翠華
深水埗九龍餐室
淘大及沙田太興
長沙灣元朗冰室
慈雲山叙苑
荃灣君豪
荃灣羅麥記
錦綉新明苑
元朗稻香潮館
大埔大家樂一粥麵
東涌大家樂米線陣

第一城三哥
灣仔檀島
深水埗明星
深水埗湯加
尖嘴烏蠅館
銅鑼灣三才
大圍大利茶餐廳

北角維港頌7座
污水沾疫之馬灣珀麗灣一帶
污水沾疫之馬灣珀林路花園一帶
美孚新邨38-40號
鴨脷洲海怡半島御柳居
沙田富豪花園麗人閣
馬鞍山迎濤灣2座
荃灣愉景新城7座
（共49處）

可能有人會問，小編點解推舊聞？其實小編有強迫症，漏出1日強檢名單，隔咗成個禮拜，都感到內心有啲不安（唔係9噏）；除咗大家知少咗1日名單，我哋都少咗份重要紀錄。當知道竹君話已經放寬強檢要求，又知道大家近日落街排隊強檢排得咁辛苦，小編就想趁機出番呢日名單，順便畀大家回顧吓同對比吓，放寬強檢要求前嘅名單，到底有幾勁。

【最新】消息指本港新增約1,510宗確診，再創疫情新高。政府專家顧問、中大呼吸系統科講座教授許樹昌在電台節目指，很多流行病學專家估計，下月疫情才到最高峰並非出奇。

新正頭喺街見到「龍蝦夫人」，大家有咩想同佢講？🙂🙂

去片👉https://youtu.be/wSlOMAeI_Js

#channelchk #龍蝦夫人 #梁唐青儀 #CitySuper

4歲男童猝死後證初步陽性
昏迷前吐黑色嘔吐物 疑非感染Omicron

元朗一名4歲男童周五（11日）凌晨在寓所嘔吐後暈倒，送往博愛醫院搶救後不治，其後證實對COVID-19病毒初步陽性。有傳媒引述消息指道，男童的鼻咽樣本已對病毒呈陽性。而Channel C接獲報料指，男童送院前的嘔吐物呈黑色，並懷疑死因並非感染Omicron變種病毒。Channel C已就事件向衞生防護中心查詢，正待回覆。

政府專家顧問、 中大呼吸系統科講座教授許樹昌今早表示，此類突然死亡個案須轉交死因裁判官跟進，與疫苗專家委員會無關係，並形容這宗屬不幸個案。

事發周五凌晨3時許，元朗大棠路南坑村一名4歲男童在寓所嘔吐後暈倒，母報發現報警。救護員到場時，男童已昏迷，由救護車送往博愛醫院搶救，惟最終證實不治。警方到場調查後，認為事件初步無可疑，死因有待驗屍後確定。

博愛醫院昨晚表示，該男童經救護車送抵博愛醫院急症室，當時已沒有呼吸心跳。醫護人員為男童進行搶救並注射強心藥，男童其後在清晨4時16分證實不治。醫護人員為男童抽取樣本進行化驗，證實對病毒病呈初步陽性。博愛醫院正與衞生防護中心跟進，並進行感染控制追蹤，個案已轉交死因裁判官跟進。

#channelchk #初步陽性 #Omicron #4歲男童 #元朗

公司谷針開鑼！
新渡輪服務有限公司員工 2.24前須打最少1針先可返工

Channel C收到讀者報料，新渡輪服務有限公司人力資源部出通告，指因「疫情嚴峻，每日新增個案錄得幾何級上升」，故為了「減低員工染疫風險」，「應加快推動疫苗接種工作」。

通告指「根據香港特區政府相關要求」，員工須於2月24日前完成接種第一針，並提交針卡，並要有針卡「方能進入公司上班」。如身體不適合接種，則要提供醫生紙及5日內陰性檢測證明，其後也要每5日於工作時間外做檢測，費用自負。

#channelchk #COVID19 #變種病毒 #疫情 #Omicron #防疫措施 #疫苗 #谷針 #新渡輪

許樹昌指「封城係一個最後手段」
陳肇始：不希望封城 惟不除加強圍封強檢

本港COVID-19確診個案急增至過千宗，政府2.24起將推行「疫苗通行證」，政府專家顧問、 中大呼吸系統科講座教授許樹昌表示，若收緊社交距離措施未能遏止疫情，下一步應將「疫苗通行證」擴至公共交通，「至於封城係一個最後手段」。但他認為封城對香港來說具大挑戰性，因為本港人口稠密，若封城，應如何確保食品和物資供應予市民。

不過，食物及衞生局局長陳肇始接受now新聞節目訪問時就表示，不希望封城，「就算我哋唔去做呢方面工作，市民可以做到，所以我哋已經大幅減低（人群聚集）」，但她不排除擴大圍封強檢範圍。

陳肇始今將與港府代表團出席在深圳舉行的第二次疫情專題交流會，她指會議將多方面討論中央如何支援本港抗疫，包括在物資、人力方面的支援，以及會就近日糧食和日用品供港的問題討論。

#channelchk #封城 #圍封強核 #許樹昌 #陳肇始

【最新】本港新增1,514宗陽性個案，當中17宗帶L452R病毒，1,419懷疑屬Omicron；1,509宗個案為本地感染。另有逾1,500宗初步陽性。再多3名病人染疫死亡，包括瑪麗醫院一名98歲長期病患男病人，他沒有打針、屯門醫院75歲長期病患男病人，及一名4歲男童，他送入博愛醫院時已沒有心跳，其後抽取化驗證實對病毒呈初步陽性，個案已交死因裁判法庭跟進。

職訓局幫Prenetics請人驗疫
搵命搏都只得100蚊粒鐘

政府之前就話會喺馬鞍山體育館重設火眼實驗室，提升檢測能力。而承辦商華大基因旗下、華昇診斷中心將會有幾百名由內地到港嘅人員處理樣本，所以到時可以1日處理頂盡30萬個樣本。仲唔夠？

有讀者同Channel C講，話收到職訓局校友事務寄嚟嘅Email，就係政府其中一個檢測承辦商Prenetics請人幫手驗樣本。依家日日都幾百單，甚至過千單起跳，不過呢個咁高風險嘅工作，都只係出100蚊粒鐘。

另一邊廂，愉景灣高爾夫球會請兼職草坪護理員，時薪都係100蚊。剪下草，都仲有交通津貼、膳食津貼同埋其他福利，仲可以俾綠油油嘅青草包圍住，而唔係樣本樽。

#channelchk #COVID19 #變種病毒 #疫情 #Omicron #Prenetics #VTC #職訓局 #火眼實驗室

多個商場貼「2.10起須用安心出行」告示惹混亂
食衞局回覆Channel C：2.24開始

「好混亂～好混亂！」Channel C收到唔少讀者反映，問係咪前日（10日）開始進入商場等表列場所都要嘟「安心出行」，又見到皇室堡、海港城同The One等商場貼出指示，話「2月10日起進入商場必須掃描安心出行」。Channel C就問過食物及衞生局，局方澄清係2月24日進入商場先必須使用「安心出行」，同埋符合「疫苗通行證」要求。即係大家呢幾日都可以唔使嘟住～

至於令大家產生疑惑嘅「2月10日生效」呢句，局方就表示只係指係講商場、百貨公司、超市、街市或市集，髮型屋及宗教場所，當日起納入表列場所。

咁似乎唔少商場都誤會咗。網上仲流傳話葵涌廣場捉人無嘟「安心」，而且無口頭警告，一嚟就罰一萬。不過警方都喺facebook澄清「絕無此事」。而過去一星期，警方喺葵涌區票控喺公眾地方除口罩吸煙，或無合適配戴口罩嘅違規人士，無市民因為未有使用「安心出行」進入商場而被票控，並提醒《預防及控制疾病（規定及指示）（業務及處所）規例》（599F章）24日生效。

#channelchk #安心出行 #商場 #疫苗通行證 #防疫措施 #社交距離措施 #表列場所

【最新】沙田水泉澳邨茂泉樓污水樣本對病毒呈陽性，懷疑大廈內有隱形患者。政府於傍晚6時半起圍封強檢，但「受限區域」不包括平台以下的水泉澳廣場、停車場及茂泉樓主平台出入口外一部分通道，受檢人士需於晚上11時前接受檢測。政府目標周日中午12時完成行動。

縱火男不滿抗疫政策 大鬧檢測站 焚燒垃圾車
去片：https://www.youtube.com/watch?v=S0EGhhQurdc

今日（12日）下午4時許，大圍一流動採樣站發生縱火案！大圍新翠邨足球場的流動採樣站，一名男子涉嫌焚燒檢測站的垃圾車，並把燒著的垃圾車推往檢測帳篷內。在場人士隨即拉出垃圾車淋水救火，數名工作人員把男子按在地上，成功制服。

消息指，涉嫌縱火男子27歲，報稱無業，住新翠邨，有吸毒前科。事發前曾與檢測站職員嘈交，因不滿政府防疫政策而大鬧，擾攘15至20分鐘後一度離開，之後折返，疑用火機縱火。

事件中無人受傷，警方在男子身上搜出𠝹刀和火機，消防經調查後認為事件有可疑。

#channelchk #縱火 #大圍 #新翠邨 #檢測站

【最新】上水祥龍圍邨呈祥樓因為污水染疫，晚上7:30pm起圍封強檢。政府目標在明午12時完成行動。

【最新】政務司司長李家超將於晚上9時在政府總部見記者。

Jeffrey魏浚笙曾達200磅 減肥成功變翻版EDC
預告將與大4年女友結婚：趁佢30歲前結婚

有「翻版EDC」之稱嘅Jeffrey魏浚笙早排上咗陳志雲嘅節目，節目中透露Jeffrey細個都係一個肥仔，而最肥嗰陣接近200磅！小學時嘅佢肥嘟嘟又為食，最鍾意食甜嘢、煎炸、零食，去到升中發育時期，拉高咗個人就自然瘦返，之後識咗女朋友Evelyn，又變咗幸福肥，去到20歲時就決定減肥，斷食、做gym，成功瘦返變返靚仔型男。

Channel絲發現捱得過減肥呢個難關真係好似脫胎換骨咁，大家睇下姜濤，再睇下Jeffrey！我都想有呢個決心減肥……（大大力咬薯片中）大家不妨留意下身邊有冇邊個潛力股！

如果大家有follow開Jeffrey，都會知佢有個大佢4年嘅女朋友Evelyn，Jeffrey節目入面高調封盤，話想趁女朋友30歲前同佢結婚！雖然Evelyn覺得好似有啲早，不過Jeffrey睇嚟真係好想快啲結，仲開始諗緊求婚細節，例如要做到好surprise好浪漫，去外國求婚，將求婚過程拍到好似紀錄片一樣，咁第時可以重溫返。

Jeffrey一開頭都已經好高調公開自己有個好穩定嘅女朋友，同一向娛樂圈低調做法好唔同。不過Jeffrey就講咗句好心動嘅說話：「對另一半係要有承諾，冇人想做另一半要匿匿埋埋，對於對方其實不公平，身為男人要公開。」原來佢哋仲開埋聯名户口，Evelyn又係Jeffrey經理人，令Channel絲都好佩服佢哋呢段感情穩定同埋放心到呢個位。Channel絲好希望快啲有好消息呀！

#channelchk #JeffreyNgai #魏浚笙 #Stephen傾 #陳志雲

港增1,514本地感染 逾1,500宗初步陽性
衞生署：不可視疫情等同流感 不排除封城

本港新增1,514宗陽性個案，再創疫情新高，當中17宗帶L452R病毒，1,419懷疑屬Omicron；1,509宗個案為本地感染。另有逾1,500宗初步陽性。

多間老人院舍爆疫，包括界限街順恩護老中心有17名院友及6名工作人員初步陽性，1樓全部人須檢疫；彩雲居護理安老院有1名員工及最少5院友初步確診，同一樓層須檢疫；深水埗慶楠護老院1名廚房員工確診，3名長者初步陽性，2樓人士須檢疫；路德會黃鎮林伉儷第二安老院、佛教李嘉誠護理安老院、鳳溪護理安老院，及沙田大圍東華三院羅王玉文護養院暨日間中心則各有1名院友或員工染疫。

醫院管理局總行政經理（綜合臨床服務）李立業表示，再多3名病人染疫死亡，包括瑪麗醫院一名98歲長期病患男病人（#19609），他沒有打針；屯門醫院一名75歲長期病患男病人（#19078）；及一名4歲男童，他本身無長期病患，周三（9日）發燒，昨日（11日）凌晨嘔吐後情況嚴重惡化，送入博愛醫院時已沒有心跳，經搶救後不治。醫護其後抽取化驗證實對病毒呈初步陽性，個案已交死因裁判法庭跟進。

3名病人危殆，分別是84歲、97歲及80歲男病人，其中兩人未打針。而醫管局今再多約50名員工初步確診，20多名職員列密切接觸者。

被問到政府會否考慮封城時，衞生署衞生防護中心總監徐樂堅於疫情記者會上表示，若措施沒有收效，或須採取更嚴格措施，包括將某些地方停頓，甚至不排除會封城。但他也謂，現行的社交距離措施暫時有一定幫助，「個案數字雖然上升，但無幾何級數變化」。

徐樂堅又認為「不可將新冠疫情等同流感看待」，因為疫情好新，影響人群未必等流感所影響，而且病毒變化好快，不排除Omicron會再變化，變得影響某一些群組，甚至引起更多併發症，難以預測。

另外，病人出院準則今日開始更新，病人要有兩個相隔24小時的病毒核酸檢測樣本，Ct值達30以上；或IgG抗體水平檢測持續增加，至少一次抗原陰性及一次核酸測試Ct值30以上；又或者抗體測試陰性轉陽性，並再有至少一次核酸測試Ct值30以上，就可以出院。醫管局總行政經理李立業稱，是根據科學數據更新出院準則，相關委員會及專家已同意。

#channelchk #封城 #確診 #初步陽性 #Omicron #老人院 #流感

政府真係當香港人個個都讀法律架喎……下次試下清晰啲？

正視聽！商場迫人用安心出行？ 警方、食衞局澄清2.24開始

去片👉https://www.youtube.com/watch?v=O_c-TYSwu1g