今增86宗本地感染 2名機場員工確診
金鐘香港地、歌連臣角火葬場疑爆疫

本港今日新增120宗個案，86宗為本地感染，其中11宗未有源頭。暫時有70多宗初步確診。

在86宗本地個案中，有2宗或與輸入個案相關，他們均為機場員工。其中1名為24歲男子，他為機場檢測區的工作人員，居於大圍金獅花園一期E座。另一名患者為54歲男子，他於機場洗手間擔任清潔工，居於東涌逸東邨，當局會分析他們的基因排序，以確認感染源頭。

其他個案方面，葵涌邨今日只有夏葵樓新增1宗確診，全邨現時共錄得416宗個案，涉及210個單位。另外，衞生防護中心傳染病處主任張竹君指，數個地方均錄得一些小型爆發，其中將軍澳道教聯合會圓玄學院第三中學再多4名學生確診。有彩雲邨長波樓居民的工作地點亦出現傳播，包括金鐘遠東金融中心的美心香港地有2名水吧員工確診，而歌連臣角火葬場亦有1名清潔工染疫，訪客要強制檢測。一名於1月16日去過旺角Little Boss的顧客亦確診，店鋪有6個環境樣本呈陽性。

當局早前公佈黃大仙現崇山客滿庭有數名食客確診，張竹君稱，中心發現兩枱染疫食客均是於9時14分埋單，可能曾「擦身而過」傳染對方。而東涌藍天海岸「Circle」遊樂場亦出現更多個案，陸續有患者報稱曾到該處遊玩或踢波。

在11宗源頭不明個案方面，有2宗屬Delta個案，患者分別居於黃大仙新光中心2座及秀茂坪安達邨懷德樓。其他患者所住地方包括天水圍俊宏軒、葵涌新葵芳花園C座、土瓜灣永耀街等。

#channelchk #COVID19 #疫情 #確診

TVB「呃tea食」娛樂記者訪問馬時亨叫錯名
稱呼林子祥「er～er～特別嘉實」 普通話問題更嚇親人

落選港姐、而家係TVB娛樂新聞台記者嘅黃婉恩早前被爆搲食免費tea set，走數唔出post後，噚日訪問馬時亨同林子祥嗰陣，竟然將馬時亨講咗做「馬—是—行」，話晒都係前高官，又經常接受傳媒訪問，而且個節目名已叫做《馬時亨名人堂》，但都可以講錯；想稱呼林子祥時又「er～er～er～」阿咗好耐都講唔出名，只er出「特別嘉賓」，真係隔住個mon都覺得尷尬！

馬時亨聽到黃婉恩講錯佢名時都忍唔住笑，話「講錯名呀！你連名都講錯」、「你一定要Cut咗呢個」，但黃婉恩最後都講唔到個名，只係「馬生你好」就算，繼續訪問。

黃婉恩知道林子祥同馬時亨打波認識之後，似乎對佢哋嘅「故事」都好有興趣，「會唔會再分享打波嘅故事呢？」，又問「除咗分享唱歌經驗，會唔會分享兩個嘅故事呢？」、「做訪問準備前會唔會諗返以前嘅事呢？」

不過之後普通話訪問仲「有趣」，黃婉恩一嚟即問「為甚麼今天在這裏呢？」林子祥聽到都「打個突」，然後就笑住回應話「馬先生邀請我跟他對話......」。之後黃又將「訪問」講成「訪蚊」，問「有沒有準備......」就講成「有冇準備」，想講「林生是有演唱會」就真係照講「林生」，然後「演唱會」就變咗「煙嗆煨」。雖然訪問出街就剪走晒呢啲片段，但話晒訪問會做Live，而條片可以繼續俾觀眾loop，都係做好準備好啲。

#channelchk #馬時亨 #林子祥 #黃婉恩 #TVB

冼靖峰IG出Po再就「03年死剩種」致歉
認收公司「嚴厲訓斥」

因為拎沙士嚟講笑而惹起公憤嘅冼靖峰（Archie），今日喺IG開Post向公眾致歉，又話收到公司嘅「嚴厲訓斥」。

繼1月27日開Live親口道歉之後，Archie再喺IG出長文謝罪。佢首先就言論向公眾同Fans道歉，再向「痛苦經歷過SARS的市民大眾和受害者」致歉。

Archie又話連日嚟有深切反省，深知自己的錯失，亦都收到嚟自父母同公司嘅嚴厲訓斥，知道自己唔應該以不當言詞開玩笑。至於被網民圍插，Archie就話「感謝大家當頭棒喝的評論和訊息，抱歉讓大家失望和反感」。文尾就為影響到公司及其他聲夢學員致歉。

唔少Fans都喺IG留言支持Archie，但亦都有網民未收貨，認為佢拎屬於「港殤」嘅沙士嚟講笑點都係難以原諒，兩方再次展開罵戰。唔知大家又點睇Archie呢個道歉呢？

#channelchk #ArchieSin #冼靖峰

政府分別圍封大窩口邨2廈及東涌聽濤軒第16座

由於涉及變種病毒個案，政府於晚上分別於東涌及葵涌圍封3廈，包括映灣園4期聽濤軒第16座及大窩口邨富榮樓和富華樓。居民須接受強制檢測。

#channelchk #COVID19 #封區

警務處處長蕭澤頤回應「洪門宴」，話係為咗加強溝通～大家點睇？🤔

去片👉 https://youtu.be/1Yy_ww1yorU

尖沙嘴46歲男警染疫 居葵涌邨映葵樓

本港再多一名警員染疫。一名居於葵涌邨映葵樓、駐守尖沙嘴分區的46歲男警初步確診，他於1月20日最後上班，與該名警員可能有緊密接觸的警務人員及文職人員，均會獲安排接受病毒檢測。

#channelchk #COVID19 #香港警察

如果而家唔戴口罩會即刻被抄告票，咁隨地便溺嘅下場又會係點呢？有讀者向Channel C 報料，話喺太古康山花園門口見到有個男人公然除褲小便，仲除罩吐啖，擰轉身時仲chok緊褲鏈，動作勁猥瑣。

無論有無疫情，公共衞生都係非常重要，大家千祈唔好學片中人呀～
去片👉 https://www.youtube.com/watch?v=Jy0M319rcX8
#channelchk #太古 #康怡花園

【傳徐局長主動辭職】
傳媒引述消息，指私聚逾200人除罩洪門宴、密切接觸疫少女、被林鄭斥失望的民政局長徐英偉，主動向北京請辭。

「蟲草大王」陳恩德旗下品牌急Cut TVB廣告 轉場ViuTV
疑Ali事件極速促成

TVB視后李佳芯（Ali）早前同「蟲草大王」陳恩德傳緋聞，又有多張「約會」照片曝光，但Ali好快就決斷發長文「落閘」，話「今後亦不會有任何發展空間」，被TVB下令禁止二人合照之餘，仲缺席埋陳恩德公司嘅發佈會。嬲到蟲草大王怒轟TVB「0尊」，決定抽起一千萬廣告，點名要高層交代。

事隔只係兩日，Channel C收到風，陳恩德旗下的寵物藥妝品牌「寵營樂Pet Nutriland」正式由今日（30日）開始停止TVB嘅廣告，而聽日（31日）年廿九起正式喺ViuTV落廣告。好似話極速促成同Viu合作，正正就係今次Ali事件！

臨近歲晚，大家都紛紛收爐，連TVB都收埋一份。Channel絲喺度預祝蟲草大王同埋大家過個肥年先🙏🏻🔥🐯

#channelchk #蟲草大王 #Ali #李佳芯 #寵營樂 #ViuTV #TVB

元朗街邊私家車司機猝死 為南邊圍村長陳禮喜

有一名私家車司機噚日（29日）喺元朗教育路路邊猝死，原來就係元朗南邊圍嘅村長陳禮喜。

事緣就係，噚日朝早10點幾有途人發現私家車司機喺車入面昏迷，兼且面色灰白，所以報警。呢位司機被救出之後，送去醫院搶救後證實不治。

有媒體引述陳禮喜妻子，就話陳禮喜生前有胃酸倒流，一直都以為係胃病，冇諗過同心肌問題有關。而佢個仔就話因為太突然，會等農曆新年之後先會處理身後事喎。

哎呀，又會臨近農曆新年先發生呢啲事嘅！

#channelchk #元朗 #南邊圍 #陳禮喜

張致恒離婚彈出彈入！3日前妻IG宣佈「正式」分開
3日後疑被「前夫」爆陀B：我哋繼續一齊 一家五口

由於小編好忙，要「動態清稿」，呢壇家事，簡單向大家提一提就好了。

👉1.27張致恒妻子IG story：
「分開不代表完結，只是讓大家過更好的。今天，我們正式離婚了。我也真心祝福你能夠幸福。」

👉1.30 張致恒IG po：
「人嘅一生中總會犯唔同嘅錯，感情事、工作事、家庭事、友情事，但係最重要係犯錯過後點樣去反省改過繼續行前面嘅路，多謝老婆係呢兩年幾嘅日子包容我犯嘅錯，經過呢幾日同老婆嘅溝通，我哋決定繼續一齊行前面嘅路，兩夫妻有好多嘢要學習，仲有好長好長嘅路要大家一齊學習，一家五口好好咁樣愛下去！」

#張致恒 #離婚 #channelchk

【3廈垂直播毒 局部撤離】
👉油麗邨雍麗樓36-39樓26室
（涉高層26室）
👉葵涌石蔭東邨蔭裕樓2-8樓06及07室
（涉低層06室，因有天井，07室都撤）
👉青衣宏福花園2座26-32樓D及E室
（涉高層E室，因有天井，D室都撤）

禾哋TG頻道訂閱已突破1萬人，提提各位新加入嘅朋友仔：獨家爆片爆相一經採用，可以拎到網上零食店$200優惠券～歡迎IG/FB PM，或經Telegram/WhatsApp/Signal爆料！

了解詳情👉 https://youtu.be/fbr-GQy1ea4

區議員何華漢教仔畫花徐英偉署名委任證書？
妻子民建聯鄧麗玲：邊有人咁教仔🤣

究竟徐英偉辭職，最大贏家係邊個？邊個又會最開心？

網上流傳民建聯嘅「小花」鄧麗玲，疑似喺自己嘅微信朋友圈上傳一段短片，就係佢個仔畫花由民政事務局發出、徐英偉簽名嘅「地區防火委員會」嘅委任證書。片入面嘅男人聲就話：「佢無得撈架喇，快啲影下佢個名呀！」，而鄧麗玲嘅丈夫就係九龍城區區議員何華漢。

唔知徐英偉喺唔喺佢朋友圈入面呢？如果條片係真，我係徐英偉嘅話，應該會嬲到即刻unfriend佢喇。

#channelchk #
徐英偉 #民建聯 #鄧麗玲 #何華漢

年廿八，洗邋遢；但沙田第一城有人煮食時，失手起火冒濃煙，連外牆都燻黑🥺
👉 https://youtu.be/pTNuInVYnk4

社署財務科1職員疑染疫 潛伏期修頓中心胡忠大廈上班

社署指，1名財務科職員初步確診2019冠狀病毒病。該名職員日常工作不用接觸公眾，最近分別於1月24至26日在灣仔修頓中心23樓上班，以及於1月28日在胡忠大廈10樓工作。該名職員工作時一直有佩戴口罩，於上班期間一直有進行體溫探測，體溫正常。

社署已安排全面清潔及消毒相關地方。設於修頓中心23樓（包括社會保障付款組服務櫃位）及胡忠大廈10樓的社署辦事處，會於1月31日關閉。

有讀者同我哋講，話北角早幾晚（26日）夜晚10點幾，山邊無啦啦傳出呢啲少少恐怖嘅聲音…

旁白師就覺得似野狗發情期嘅叫聲，大家又覺得係咩呢？

#channelchk

動態清零堪憂？張竹君籲新春假期「小心」家族聚
上周日跨家庭2聚會20染疫 1.30冇源頭增至15宗

本港1.30新增81宗COVID-19病毒性個案，本地佔77宗，大部份疑屬Omicron變種，少量是Delta變種；早前爆疫的葵涌邨，未有新個案。不過初步陽性個案仍有約70宗。沙田循道衛理中學2名校工確診，並有多人初步確診，約12人要檢疫。早前有員工疑感染Delta的柴灣哥連臣角火葬場，1名訪客亦確診，料屬爆疫彩雲邨長波樓傳播鏈。

衞生署衞生防護中心傳染病處主任張竹君在疫情記者會特別提到，1.23有2個跨家庭聚會爆疫，「幾家親戚喺一家食飯，每隊12、13人，2群組各有約10人確診」。疫下過年，有人仍選擇登門拜年，張呼籲市民在新春假期要小心跨家庭聚會，尤其涉及長者或未打針人士。

雖然本港主張「動態清零」控疫策略，但源頭未明個案卻增至15宗，遍佈九龍新界。其中4宗疑是Delta，都是九龍東；10宗疑是Omicron，餘下1宗有待分類。張竹君承認，近日確診總數雖回落，但源頭未明比例上升，反映疫情在「社區蔓延」，不過傳播鏈模糊。

👉新增冇源頭Delta（4宗）
彩雲二邨明麗樓
彩雲邨時雨樓
慈雲山興隆大廈
黃大仙下邨龍順樓

👉新增冇源頭Omicron（10宗）
屯門（不詳）
元朗水邊圍邨碧水樓
葵青月海灣1座
大窩口邨富逸樓
沙田博康邨博智樓
大埔舊墟美新大廈
大埔䃟頭角村
土瓜灣燕安街18號
東涌映灣園16座
觀塘彩興苑B座

#動態清零 #清零 #Delta #Omicron #張竹君 #COVID19 #變種病毒 #疫情 #新春 #過年 #農曆新年 #chinesenewyear #chinesenewyear2022 #拜年 #CNY #CNY2022 #虎年 #yearoftiger #channelchk

灣仔稅局1女職員疑染疫 發病第2日才檢測但仍上班

稅務局指，1名在灣仔稅務大樓13樓工作的署理高級稅務主任初步確診2019冠狀病毒病。她1月27日感到不適，28日仍到辦公室上班，並接受病毒檢測，29日初步證實對2019冠狀病毒病呈陽性反應。

她負責內部文書工作，不用接觸公眾，工作時均有佩戴口罩及遵守有關防疫措施。她辦公室所在的13樓，沒有向公眾開放的服務櫃位。不過稅務局已按衞生防護中心指引，徹底清潔和消毒13樓，並會安排在該樓層工作的所有職員接受檢測。

【屎水沾疫 封樓強檢】
👉葵涌石籬二邨石華樓，不包括地舖安老院

【另封患者住處強檢】
👉土瓜灣燕安街18、20號及駿發街17、19號，不包括地舖

旁白師整片，回顧徐局長仕途。大家最難忘徐英偉嘅英偉事迹係咩？旁白師講先，就係2020年唐樓大火期間，佢去糖水舖打卡～
👉 https://youtu.be/SnC5s_VCqqQ