圓玄學院第三中學、李賢堯中學15師生染疫
慈正邨退休婦無源頭感染Delta 曾到彩雲商場

本港新增115陽性個案，111宗屬本地感染，其中6宗沒有源頭；另有逾80宗初步陽性。香港道教聯合會圓玄學院第三中學、中華傳道會李賢堯中學爆發群組，部份學生住葵涌邨夏葵樓及逸葵樓。

無源頭個案包括：
※38歲男子，疑感染Omicron變種病毒，住天水圍天華邨華逸樓，為美利飲食公司職員，1月25日最後上班；

※39歲男子，疑感染Omicron變種病毒，住太和邨翠和樓，在大圍「樓上集團」負責送貨跟車，1月25日最後上班；

※70歲退休女士，疑感染Delta變種病毒，住慈正邨正泰樓，曾到彩雲商場，會進一步了解其曝露史；

※65歲退休女士，疑感染Omicron變種病毒，住葵芳邨葵仁樓，曾與2、3個朋友中葵涌公園打羽毛球；

※42歲男子，疑感染Omicron變種病毒，住大窩口邨富平樓，任職運輸工人，平時多數在大窩口邨一帶出沒；

※10歲女，就讀路德會聖十架學校，疑感染Omicron變種病毒，住大壩街大苑樓，亦常到深井碧堤半島3號親友家，家人有時到大窩口買餸。

衞生防護中心傳染病處主任張竹君表示，將軍澳圓玄學院第三中學有10名師生染疫，其中就讀5C班學生居住夏葵樓，中一級及3B班亦有學生感染，其中3B班有4人確診及1人初步確診，部份同班同學須檢疫。張稱，該學其中一確診者為家教會聯絡員，可能因此傳染其他班級。

另外，葵涌中華傳道會李賢堯紀念中學5B、5C及6C班亦有學生感染，部份居住逸葵樓，該校暫有5人確診或初步確診。

衞生防護中心調查發現，黃大仙現崇山客滿庭再多2名茶客染疫，他們於本月19日一齊用膳，其中一人21日亦曾再光顧，中心將調查是否空氣流通問題等情況。至於何文田勝利道地盤群組已增至14人確診，包括工作人士及其緊密接觸者。

#channelchk #Omicron #Delta #李賢堯中學 #圓玄學院第三中學 #逸葵樓 #夏葵樓 #葵涌邨

Barebells蛋白奶昔未獲進口批准 食安中心籲停售

食物安全中心稱，一款由德國進口、有四種味道的蛋白奶昔「Barebells Milkshake」， 並未獲得進口批准，呼籲市民不要飲用有關產品，商鋪亦應停止出售和使用。

中心發言人指，他們在處理一宗相關投訴時，發現數個零售點和網上商店出售上述產品，而該些產品並無獲得食環署署長的進口批准。中心即時指令涉事商戶停售有關產品，並追查其來源和分銷情況。中心進一步調查時發現，有關進口商曾進口相關產品，中心已即時指令該進口商將有關產品停售、下架及展開回收。

#channelchk #奶昔 #蛋白奶昔

《聲夢》冼靖峰拎沙士講笑 被網民狙擊
Fans揚言「報國安」 反心虛Del大合照Post

《聲夢》冼靖峰（Archie）開Live嘅一句「沙士死剩種」惹嚟眾怒，唔少網民得悉事件後都去佢IG留言鬧爆，又喺YouTube原片到問Archie點解要咁講。

或者見群情洶湧，聲夢專用Channel「All About Music 愛爆音樂」今日就下架咗段Live嘅原片，但網絡嘅嘢凡走過就必留下痕跡，相關片段已被網民Back Up。有時以為講吓笑，但真係收都收唔返㗎～

另一方面，Archie嘅Fans亦都不甘心愛嘅偶像被群眾憤起狂插，聲言要「報國安」，搞到佢哋俾人挖出最近曾經搞過Fans Meet，仲有大合照。雖然唔知有無犯限聚令啦吓，但Fans Club好快就將相關嘅Post刪除，疑似心虛。其實Channel絲諗，既然沙士都拎得嚟講笑，咁網民應該都係講吓笑嘅啫，無心鬧Archie同捉你哋痛腳㗎～

圖片由 思思 TVB 的二三事 提供

#channelchk #ArchieSin #冼靖峰

世一熱血黃澤林，同Channel C讀者自拍講得獎感言！大家快啲睇片恭喜佢，聽吓佢有咩同大家講啦！！！！Coleman好叻仔呀～！

去片👉https://www.youtube.com/watch?v=_P7JP2Hi6IY
#channelchk #黃澤林 #ColemanWong

【政府圍封紅磡、荃灣2廈】
由於出現變種病毒個案，政府晚上分別圍封紅磡馬頭圍道23-35H號及民裕街9-31號隆基大樓D座、荃灣大壩街77-83號大苑樓，居民須接受強制檢測。

去片👉 https://youtu.be/9CPfodLoSQ4
#channelchk #紅磡 #荃灣 #封區 #疫情 #COVID19

雪姨盆菜風波過「頭七」 主角繼續深潛
基隆盆菜好評不斷 清潔龍阿德都抽水

由富貴KOL雪姨上周四（20日）Upload盆菜評比片起，呢場風波終於過咗「頭七」了。呢七日入面，經歷咗基隆反擊、雪姨道歉、市集退租⋯⋯而身為主角嘅雪姨，自幾日前上水再發道歉聲明後，就無再出現了～

至於被雪姨批評$128盆菜「唔抵食」嘅基隆茶餐廳，則反而越做越有，盆菜好評不斷之餘，亦要通宵整盆菜應付需求。雖然之前因為太多人落訂，已經截咗單，但基隆今日開Po話，直到31日 （早上11點開始）為止，都歡迎大家到深水埗北河街141號店，即場購買盆菜，有一人前$128、細盆$588同大盆$788三種選擇。啱晒各位團年飯Deadline Fighter抱佛腳呀～

基隆嘅受歡迎程度，就連政府吉祥物「清潔龍阿德」都忍唔住抽水，Po咗張「潔龍茶餐廳」嘅盆菜畫，話 「 #髮菜唔算好環保所以我都少食 」，仲𠝹開咗個口罩露學林鄭叫人「感受情緒」。竟然唔食政府御用飯商美心嘅盆菜，阿德真係大膽啊～～

#channelchk #清潔龍阿德 #雪姨 #基隆菜餐廳 #盆菜

相信對香港人嚟講，「玻璃朱」涉醉駕應該仲觸目過黃曉明同Angelababy離婚🤭

去片👉 https://www.youtube.com/watch?v=23NmuS9nnW0
#channelchk #娛樂 #張致恆 #離婚 #黃曉明 #Angelababy #玻璃朱

大埔富亨曱甴屋大翻新 區議員感謝傢俬舖贈全新傢俬

唔知大家仲記唔記得大埔富亨邨嘅曱甴屋呢？經過滅蟲公司當初義務清潔、其區議員何偉霖同其他義工幫忙之後，一眾社工、街坊同傢俬舖亦都伸出援手，令呢間屋終於可以喺農曆年前大翻新！

雖然當時好多人睇死呢間屋好快會「打回原形」，但區議員何偉霖今日就喺Facebook開Post，公開咗呢間屋嘅全新面貌，話佢哋趁過年前上咗去安裝傢俬電器 ，「辛苦各位師傅趕工趕貨，簡直有煥然一新嘅感覺」 ，仲祝戶主同妹妹一家人「以後可以幸福美滿，平安健康」。

可以一齊喺屋企安心過年實在太好啦，真係全靠區議員同一眾有心人！

#channelchk #大埔 #富亨邨 #曱甴屋

【1.28強檢名單重點】
金鐘美心香港地
觀塘極尚大瀛喜
土瓜灣太興
中環ifc isola
東涌意樂
沙田新城市廣場麥當勞
坪石邨麥當勞
九龍灣宏開道譚仔
彩雲商場
民安隊總部1樓飯堂
民安隊總部2及3樓男更衣室
（共40處）

蕭澤頤稱洪門宴性質非最重要 ：
呢啲場合可認識唔同持份者 加強溝通

港區人大代表洪為民月初舉行的「洪門宴」，因為「少女」賓客王詩雅確診，揭發多名高官疫情下仍出席聚會，令特首林鄭月娥失望。曾因出席而一度入住竹篙灣隔離營的警務處處長蕭澤頤今再開腔回應事件。對於被質疑生日會屬私人性質，與推動警政有何關係？他指，生日會「性質唔係最重要，最重要係每次出席任何社交場合目的係加強溝通，除與主人家外，呢啲唔同場合亦可認識唔同持份者。」他強調，警隊過去20年來着重與市民溝通，除與地區領袖外，亦會與各界人士溝通。

前保安局局長、行會成員葉劉淑儀早前就認為紀律部隊應避免去不必要應酬，蕭澤頤認為用應酬形容今次生日宴「有少少唔同」：「我哋出席社交場合目的係加強同市民溝通，因為警務工作需要『貼地』。」但他說，今次「經一事，長一智」，日後疫情未有改善都會避免出席類似社交場合。

蕭澤頤又提到童樂居虐兒案調查進展，指會增派人手，並在新年假期繼續翻查童樂居的閉路電視，期望在一個月內盡快將相關人士檢控、繩之於法。

#channelchk #洪門宴 #蕭澤頤 #生日會 #疫情 #王詩雅 #警民關係 #童樂居

曾訪葵涌邨警總男警長染疫 8日內7警中招
消息指邨內今增17宗初步陽性

再有警務人員染疫！是自上周六（22日）起，第7名警務人員確診或初步確診！

警方表示，一名駐守警察總部的36歲男警長初步確診，他於1月20日曾到訪居住於葵涌邨的家人後，曾獲安排接受病毒檢測，至昨日（28日）檢測結果呈初步陽性。他工作期間有佩戴口罩，最後一日上班日為1月19日。

第五波疫情爆發後，已有7名警務人員感染，當中有幾名分別居住爆疫的葵涌邨，包括曾封樓禁足的逸葵樓、映葵樓及夏葵樓，亦有警務人員駐守新界南總區。多間傳媒引述消息指，葵涌邨截至今早新增17宗初步陽性個案，其中逸葵樓多10宗；映葵樓多5宗；另外2宗涉夏葵樓。

#channelchk #警務人員 #葵涌邨 #確診 #初步確診

陳肇始不同意葵涌邨居民排長龍檢測增風險：
除非大家未做好社交距離

本港第五波疫情爆發後，連日來錄逾百宗陽性個案，食物及衞生局局長陳肇始接受《now新聞》專訪時表示，認為疫情仍未見頂，預料確診數字可能再上升；若竹篙灣檢疫中心及檢疫酒店等設施不勝負荷時，不排除密切接觸者只須居家隔離。

葵涌邨日前因為爆疫須全邨強檢，其中3幢大廈居民更須禁足，而居民到樓下檢測時大排長龍，擔心會交叉感染。陳肇始回應表示，排隊地方並非密封，空氣流通一定是好，應不會構成大問題，「除非就係大家社交距離未必做得好，但當然你話搭𨋢如果太擠迫，或者分流做得更更有序，就會將風險減低。」

#channelchk #葵涌邨 #社交距離 #居家檢疫 #陳肇始

EomBuy易買特約爆片爆相｜
上海仔現身銅鑼灣利園商場 西裝保鑣鎊到實

人稱「上海仔」嘅郭永鴻，早年涉嫌刑事誹謗、串謀傷人及串謀刑事毁壞等多項控罪，棄保潛逃逾2年後返港被捕，警方於去年10月尾告知他將不被檢控，並獲無條件釋放。

「上海仔」曾多次喺高級餐廳及商場被市民「野生捕獲」，Channel C收到讀者嘅報料，話噚日（28日）下午兩點幾又見到佢喺銅鑼灣利園商場出沒，身邊依然有幾個保鑣鎊住。疫苗氣泡就快出場，唔知鍾意去餐廳食飯嘅「上海仔」同佢啲保鑣打咗針未呢？

#channelchk #上海仔 #爆片爆相 #Eombuy #易買

【本日新增120宗個案，86宗為本地感染，11宗未有源頭】

【🥶🥶寒冷天氣警告生效🥶🥶】

天文台預測本港未來數日天氣寒冷，周日早上市區最低氣溫約12°C，新界及高地會再低一兩度。大家記得注意保暖呀～

農夫車失控撞壆，成架車打觔斗去咗對面線，好彩其他車停得切！

去片👉 https://www.youtube.com/watch?v=1z8DheU-swg

今增86宗本地感染 2名機場員工確診
金鐘香港地、歌連臣角火葬場疑爆疫

本港今日新增120宗個案，86宗為本地感染，其中11宗未有源頭。暫時有70多宗初步確診。

在86宗本地個案中，有2宗或與輸入個案相關，他們均為機場員工。其中1名為24歲男子，他為機場檢測區的工作人員，居於大圍金獅花園一期E座。另一名患者為54歲男子，他於機場洗手間擔任清潔工，居於東涌逸東邨，當局會分析他們的基因排序，以確認感染源頭。

其他個案方面，葵涌邨今日只有夏葵樓新增1宗確診，全邨現時共錄得416宗個案，涉及210個單位。另外，衞生防護中心傳染病處主任張竹君指，數個地方均錄得一些小型爆發，其中將軍澳道教聯合會圓玄學院第三中學再多4名學生確診。有彩雲邨長波樓居民的工作地點亦出現傳播，包括金鐘遠東金融中心的美心香港地有2名水吧員工確診，而歌連臣角火葬場亦有1名清潔工染疫，訪客要強制檢測。一名於1月16日去過旺角Little Boss的顧客亦確診，店鋪有6個環境樣本呈陽性。

當局早前公佈黃大仙現崇山客滿庭有數名食客確診，張竹君稱，中心發現兩枱染疫食客均是於9時14分埋單，可能曾「擦身而過」傳染對方。而東涌藍天海岸「Circle」遊樂場亦出現更多個案，陸續有患者報稱曾到該處遊玩或踢波。

在11宗源頭不明個案方面，有2宗屬Delta個案，患者分別居於黃大仙新光中心2座及秀茂坪安達邨懷德樓。其他患者所住地方包括天水圍俊宏軒、葵涌新葵芳花園C座、土瓜灣永耀街等。

#channelchk #COVID19 #疫情 #確診

TVB「呃tea食」娛樂記者訪問馬時亨叫錯名
稱呼林子祥「er～er～特別嘉實」 普通話問題更嚇親人

落選港姐、而家係TVB娛樂新聞台記者嘅黃婉恩早前被爆搲食免費tea set，走數唔出post後，噚日訪問馬時亨同林子祥嗰陣，竟然將馬時亨講咗做「馬—是—行」，話晒都係前高官，又經常接受傳媒訪問，而且個節目名已叫做《馬時亨名人堂》，但都可以講錯；想稱呼林子祥時又「er～er～er～」阿咗好耐都講唔出名，只er出「特別嘉賓」，真係隔住個mon都覺得尷尬！

馬時亨聽到黃婉恩講錯佢名時都忍唔住笑，話「講錯名呀！你連名都講錯」、「你一定要Cut咗呢個」，但黃婉恩最後都講唔到個名，只係「馬生你好」就算，繼續訪問。

黃婉恩知道林子祥同馬時亨打波認識之後，似乎對佢哋嘅「故事」都好有興趣，「會唔會再分享打波嘅故事呢？」，又問「除咗分享唱歌經驗，會唔會分享兩個嘅故事呢？」、「做訪問準備前會唔會諗返以前嘅事呢？」

不過之後普通話訪問仲「有趣」，黃婉恩一嚟即問「為甚麼今天在這裏呢？」林子祥聽到都「打個突」，然後就笑住回應話「馬先生邀請我跟他對話......」。之後黃又將「訪問」講成「訪蚊」，問「有沒有準備......」就講成「有冇準備」，想講「林生是有演唱會」就真係照講「林生」，然後「演唱會」就變咗「煙嗆煨」。雖然訪問出街就剪走晒呢啲片段，但話晒訪問會做Live，而條片可以繼續俾觀眾loop，都係做好準備好啲。

#channelchk #馬時亨 #林子祥 #黃婉恩 #TVB

冼靖峰IG出Po再就「03年死剩種」致歉
認收公司「嚴厲訓斥」

因為拎沙士嚟講笑而惹起公憤嘅冼靖峰（Archie），今日喺IG開Post向公眾致歉，又話收到公司嘅「嚴厲訓斥」。

繼1月27日開Live親口道歉之後，Archie再喺IG出長文謝罪。佢首先就言論向公眾同Fans道歉，再向「痛苦經歷過SARS的市民大眾和受害者」致歉。

Archie又話連日嚟有深切反省，深知自己的錯失，亦都收到嚟自父母同公司嘅嚴厲訓斥，知道自己唔應該以不當言詞開玩笑。至於被網民圍插，Archie就話「感謝大家當頭棒喝的評論和訊息，抱歉讓大家失望和反感」。文尾就為影響到公司及其他聲夢學員致歉。

唔少Fans都喺IG留言支持Archie，但亦都有網民未收貨，認為佢拎屬於「港殤」嘅沙士嚟講笑點都係難以原諒，兩方再次展開罵戰。唔知大家又點睇Archie呢個道歉呢？

#channelchk #ArchieSin #冼靖峰

政府分別圍封大窩口邨2廈及東涌聽濤軒第16座

由於涉及變種病毒個案，政府於晚上分別於東涌及葵涌圍封3廈，包括映灣園4期聽濤軒第16座及大窩口邨富榮樓和富華樓。居民須接受強制檢測。

#channelchk #COVID19 #封區

警務處處長蕭澤頤回應「洪門宴」，話係為咗加強溝通～大家點睇？🤔

去片👉 https://youtu.be/1Yy_ww1yorU