袁國勇：一味去搞清零 本身係冇用
兩年前已說過病毒「會同我哋永遠一齊」

港大醫學院微生物學系講座教授袁國勇今日（23日）見記者時，直指「一味去搞『清零』，本身係冇用」，不是理想做法之餘也「唔可以長期咁做落去」。

疫情至今已經有兩年時間，不少國家已調整應對策略，選擇與病毒共存，惟港府堅持「動態清零」，亦經常指出因為香港仍有個案，故遲遲未能「通關」。袁國勇見記者時，指出「清零」只是一個手段，「買時間畀大家打疫苗」，當一有個案出現「你就要閂」，就不是理想做法，更不是一個「sustainable policy（持續方法）」。

他又點名批評「所謂好多其他措施」也不是可持續的，如全民檢測，「檢測完一次，點知過咗兩個星期，又有另一隻病毒入嚟，咁你又再全民檢測？」

他亦指出，疫苗也有減輕病情的作用，當每個市民也打疫苗，「就算冇中和抗體，都要有T細胞免疫」，就算疫情再發展下去，「出咩Pi好，入咗嚟都好，佢只係令你有輕微嘅病」，不需入院更不需要入深切治療部，不會衝擊醫管局服務。

過了兩個年頭，打了疫苗，「安心出行」都成了強制措施，但仍未見「清零」，離港度假更為無望。世䘙近日也更新了國際䘙生條例建議，呼籲各國取消或放寬對遊客的出入境限制，指措施已不但不能遏止變種病毒Omicron擴散，反而會對各國經濟及社會構成壓力。

連袁國勇也指出，他兩年前已經說過，「冠狀病毒會同我哋永遠一齊㗎嘞，佢唔會離開」，那麼「清零」是為了甚麼？

#channelchk #逸葵樓 #葵涌邨 #袁國勇 #檢測 #COVID19 #變種病毒 #疫情 #Omicron #Delta #清零

【1.22強檢名單重點】
旺角西洋菜銀龍
眾安街銀龍
長發銀龍
機場美心can.teen
綠楊Pacific Coffee
青衣意樂
石籬魚米
荃薈薩莉亞
悅來薩莉亞
大窩口麗香園
葵涌邨四季
桂林街大家樂
富麗麥當勞
南豐紗廠
理大紅磡灣校園
如心酒店
港威酒店
逸東軒
深水埗雲貴川
中大UC Can
（共95處）

【葵涌邨染疫+68 (173)】
👉逸葵 +30 (126)
👉映葵 +33 (41)
👉雅葵 +2 (2)
👉旭葵 +1 (1)
👉春葵 +1 (1)
👉芊葵 +1 (1)
👉曉葵 +0 (1)

【無源頭疫者遍新界】
👉大窩口邨18歲學生
👉東涌藍天海岸6歲男
👉大圍美柏苑31歲女
👉馬鞍山新港城44歲修𨋢漢

基隆大反擊！小小編：做個KOL 噏得出就噏 考慮告誹謗

富貴KOL雪姨場公關災難梗係冇咁快完啦。事隔一晚，已經有唔少人為基隆發聲，包括光榮冰室、Mee 懲罰師、袁彌明等等。今日（23日）基隆茶餐廳嘅「小小編」就回應事件，引嚟好多網民嘅支持。

小小編一開波就話「實在睇唔過眼有大口KOL 詆毀本餐廳聲譽」，而呢個KOL仲要「藐嘴藐舌仲要帶住不肖（屑）樣詆毀我哋嘅一人盤菜」。小小編今次為咗我地舖頭上上下下所有員工每日辛勞工作付出而出聲，大大聲同雪姨講「生意唔係咁做嘅」。

小小編仲話會考慮告雪姨誹謗，質疑「點解會有牌子搵你做廣告，咁樣嘅所謂廣告完全無質素」。成日強調自己白手興家嘅雪姨，遇上同樣都係白手興家嘅基隆老細，小小編就不禁質疑雪姨「做個KOL 噏得出就噏」。

小小編都不忘多謝其他支持基隆嘅人，「見到客人回圖話好食，好抵食，我地真係好感恩㗎」。而呢個Post只係出咗幾個鐘，就已經有好多人留言撐基隆，包括林卓廷、蕃茄師兄等等。有食咗十幾年基隆嘅網民話基隆嘅嘢食「一向好好食，其實叫佢港女有啲侮辱港女」，又讚基隆有一樣好珍貴嘅一味餸，「叫良心」。仲有另一啲網民仲話支持基隆告雪姨添。

唔知事件最後會點收科呢？雪姨諗住點拆呢？

#channelchk #雪姨 #基隆茶餐廳 #盆菜

本港1月22日多140宗證實COVID-19陽性個案，創第5波疫情新高，125宗屬本地感染，當中94宗涉及葵涌邨逸葵樓。初步陽性個案逾100宗。

【大窩口邨封1廈強檢】
該邨富強樓繼81歲退休婦染疫，18歲女住戶亦中招；全棟圍封強檢。爆疫的葵涌邨逸葵樓，1名確診居民正是大窩口邨富強樓保安。2廈僅距10分鐘步程。

同人唔同命！荃錦公路私家車撼燈柱 司機撞頭身亡

今早7時12分於荃錦公路約英雄亭對開，有一輛駛向八鄉方向的私家車，懷疑因天雨路滑跣胎失事，右邊車身猛力撞向路邊燈柱，23歲司機受傷被困。消防到場拯救時，發現司機頭部受傷流血並已陷入昏迷，送院搶救至上午10時15分證實傷重死亡。

私家車損毀嚴重，司機位車門位置有V字形凹陷，車頂亦被撞至摺起。事件令人聯想起昨日車禍，惟昨日車禍的兩名事主十分幸運，沒有大礙。天雨路滑，Channel絲提提各位馬路大哥要加倍小心啊！

#channelchk #車禍 #荃錦公路

遭禁足葵涌邨民直擊 棄置保護衣打爆圾桶憂播毒
門cam影低狂漢遊蕩走廊 口噴水柱 街坊恐染疫
👉 https://youtu.be/8rNEYeVfPVw

IQ 160羅致光疑寸7萬長者太自閉唔出街
出尋人啟事「呼籲」申請樂悠咭？

勞工及福利局局長羅致光今日（23日）在網誌中登「尋人啟事」，指仍有近7萬名合資格人士尚未申請「樂悠咭」，問「究竟這七萬位人士是沒有收看電視、少留意新聞、毋須乘搭公共交通工具」，呼籲市民幫手「尋人」並催促他們遞交申請。

政府早前調低2元乘車優惠年輕門檻至60歲，並推出為60至64歲或以上香港居民而設的「樂悠咭」，而羅致光亦表明此措施「是政府加強防止不合資格人士濫用二元優惠計劃的重要措施之一」。

羅致光在網誌寫，「究竟這七萬位人士是沒有收看電視、少留意新聞、毋須乘搭公共交通工具，抑或現時到了內地或外地生活，我們難以掌握。」又說「香港人生活忙碌，亦習慣『最後衝刺』」，不過就以「早申請早享受」一言總結。

羅致光亦「提醒」有個人八達通卡的60至64歲「朋友們」，指現時的個人八達通卡是「『不會』讓你們『自動受惠』」。

羅局長說自己已經『超齡』，故不用申請樂悠咭，最後就以「長輩message」方式完結此「尋人啟事」－請廣泛轉發！

#channelchk #樂悠咭 #2蚊乘車優惠 #八達通 #搭車 #羅致光

Channel C 提提你～

1983、1984、1987同埋1988年出世嘅你哋記住預約換身份證！而最後一批80後和首批90後，4月4號開始就可以預約換證喇💡

#channelchk #換身份證 #智能身份證

Ritz-Carlton秒割雪姨：酒店亦沒有參與短片內容
網民唔收貨：會否採取法律行動追究責任？

雪姨喺盆菜片入面大讚六星級酒店Ritz-Carlton嘅一人前盆菜，網民亦冇收手，反而將戰線延長至Ritz-Carlton嘅Facebook。

噚晚Ritz-Carlton Hong Kong就出post賀年，「虎年將至，在全港最高的酒店啟發您的成功之路。Let us inspire you to be on top and strive for success in the Year of the Tiger!」，不過網民就喺留言區質問酒店立場。

而幾個鐘頭之前，Ritz-Carlton就回應事件，話「酒店並未有進行任何贊助。而有關短片內容，酒店亦沒有參與」。仲另外加咗一句「香港麗思卡爾頓酒店重申，一直尊重不同行業的發展，有望香港飲食業能百花齊放，在疫情下同舟共濟」咁話。

網民睇嚟就唔太收貨，「越話無關係就越惹人挖舊史架喇」，又有人覺得Ritz-Carlton係有主動搵雪姨做廣告，話酒店「所用的網紅手段低級，用酒店跟茶餐廳比較，做衰自己」。甚至仲有人話「如果該名KOL在沒有你們同意下，擅自用你們的產品作惡意宣傳，令你們及該茶餐廳的名譽蒙受損失，你們會否向該名KOL採取法律行動，追究責任？」

睇嚟呢鑊嘢仲有排滾……

#channelchk #雪姨 #基隆茶餐廳 #盆菜 #RitzCarltonHongKong #香港麗思卡爾頓酒店 #RitzCarlton

天眼直擊搶先睇！狂徒深水埗無差別割2人面頸
大南街桂林街行兇 逃元州街方向 警列極危險尋人
【無碼及原相版本 另見新po】

各位外出時，要小心𠝹刀狂徒！消息指，深水埗大南街與桂林街交界，一名年約40至50歲中國籍男子1月23日晚上7時許手持𠝹刀，分別𠝹傷其與不相識的52歲中國籍男子之面部和38歲非洲尼日利亞籍男子之後頸，然後往元州街方向逃去，行兇動機不明。被𠝹傷後頸的非裔漢，送院時清醒；被𠝹傷面的本地男則拒絕送院。現場遺下血迹、染血紙巾和口罩。

有附近的天眼拍攝到疑兇的裝束和容貌，Channel C率先取得有關天眼截圖並公開，好讓大家多加提防。據悉，警方將疑兇列為極度危險人物，正在尋找一名年約40至50歲、身高約1.65米、中等身材的中國籍男子，並指他案發時身穿灰色外套、黑色上衣、灰色長褲及白色運動鞋。警方將案件列為傷人，由深水埗警區重案組跟進，暫未有人被捕。

#尋人 #元州街 #大南街 #桂林街 #深水埗 #channelchk #天眼 #CCTV #危險人物 #重案 #cutter #非洲 #尼日利亞 #兇手 #killer #attack

大埔新興花園奪2命大火 警列誤殺及自殺案
子疑單位燃物自殺再墮斃 母吸濃煙手重傷不治

大埔新興花園康誠閣15樓單位在1月23日凌晨3時許的奪命大火，奪去1對母子性命，警方將案件列為誤殺及自殺案。

起火的400多實呎單位，母子2人各佔1間睡房。雖然31歲兒子的房間燒毀最嚴重，窗框剝落；而警方最初亦表示，在單位沒有搜出助燃劑，但其後發稿，卻懷疑兒子曾於單位燃點物品，企圖自殺，再從該單位墮下，倒臥於平台，頭部嚴重受傷，當場證實死亡。

至於62歲母親則吸入過量濃煙，兼手部嚴重受傷，倒臥於睡房。起火單位多次傳出爆炸聲。消防破門進入單位，將火救熄。母親被救出時已昏迷，送院不治。警方稍後安排驗屍，以確定2母子死因。

#大埔 #新興花園 #爆炸 #fire #濃煙 #channelchk #誤殺 #自殺 #跳樓 #墮樓

【1.23強檢名單重點】
葵盛銀龍
葵芳海港
葵涌蘇浙公學
葵興萬寧
葵涌四季
葵涌邨大家樂
榮芳路麥當勞
長沙灣意樂
屯門玉林苑

荃灣警署2樓
海關總部3及26樓
小蠔灣污水廠
又一城馬莎
HKTVmall青衣倉
屯市東亞銀行
荃灣悦品酒店
德發龍粥麵店
（共35處）

終再顯著轉涼！天文台料年廿八市區跌至13°C
北區凍足2日迎新春 打鼓嶺除夕朝或降至10°C

【天氣師李鈺廷提提你】
本港有望在農曆新年前夕，感受到顯著轉涼的天氣！天文台預計，正值年廿七和年廿八的周末期間，將有東北季候風補充抵港；市區氣溫會由年廿七下午最高約20°C，一夜間驟降至年廿八清晨最低約13°C，相當清涼；除夕最低約14°C。

至於由天文台電腦直接輸出、未經人手修正的分區氣溫預報，更顯示北區在年廿八和除夕，都跌至低於12°C的寒冷程度。其中打鼓嶺一連2日早上，可能低見10°C，凍住過虎年。

#轉涼 #轉冷 #寒冷 #寒流 #寒潮 #天文台 #年廿八 #除夕 #打鼓嶺 #新春 #農曆新年 #李鈺廷 #天氣 #預報 #氣象 #預測 #季候風 #CNY #chinesenewyear #chinesenewyear2022 #cny2022 #weather #forecast #monsoon #channelchk #虎年 #yearoftiger