大窩口邨81歲老婦、18歲學生染疫
與逸葵樓相距約600米

葵涌邨逸葵樓出現大規模群組感染，而與其僅相距約600米、10分鐘路程的大窩口邨，亦相繼出現確診個案。一名居於大窩口邨富強樓的81歲老婦確診，衞生防護中心暫時尚未找到其感染源頭。病人於1月18日發燒，其後求診，Ct值約17，已注射3劑科興疫苗。當局指，她平時出外主要都是買餸，無特別活動，會與保安打招呼。傳染病處主任張竹君補充，邨內一名保安早前染疫，他居於葵涌邨逸葵樓。

除了這名81歲婆婆，邨內一名就讀地利亞修女紀念學校（吉利徑）的18歲學生亦初步確診，她居於富德樓。由於早前出現感染群組的是百老匯分校，當局仍然在調查這宗個案。

#channelchk #COVID19 #omicron #Delta #葵涌邨 #逸葵樓 #大窩口邨

「妹控」Edan 25歲生日po嘟嘴錫妹妹相要經審批
小如豬感謝哥哥好忙仍陪伴傾偈開解

MIRROR成員Edan（呂爵安） 噚日25歲生日，向來係「妹控」嘅佢喺Instagram po咗同妹妹「小如豬」一齊慶祝嘅合照，其中一張見佢嘟嘴想嘴妹妹，但妹妹就擺出嫌棄嘴臉。Edan仲話張相花咗一番唇舌先出到，「審批越嚟越難過了！」

Edan喺po寫下感受，話喺出道時set咗個目標畀自己，「就是希望自己25歲能做到一些成績出來，起碼能夠養活自己，不用家人擔心（雖然不知道為什麼是set 25歲哈哈😂😂），現在想跟當時21歲的傻小子說聲：你個傻仔做到了！🥰🤣」

Edan又希望繼續做好自己，繼續努力，繼續進步，帶更多好作品畀大家，亦希望身邊每一位，每天都開開心心，順順利利，健健康康，幸幸福福。佢亦多謝「爵屎」嘅生日應援，「#看到大家到不同的生日應援打卡 #見到大家高興我也很高興呢 #很感受到大家的愛」。

「小如豬」亦po咗兩兄妹嘅舊合照，同哥哥講生日快樂同送上祝福，「今年無論喺唱歌演戲都見到你落好多心機，希望你新一歲對自己有自信d，進步大大，令你嘅努力有回報♡平時多謝你好忙仲夜晚陪我傾偈開解下我 加油啦多d休息٩(๑•̀ω•́๑)۶」。

#channelchk #Edan #呂爵安 #小如豬 #生日

【林鄭：葵涌邨全部清潔工都要隔離檢疫、映葵樓開始5天圍封檢測，但膳食要明天起才有供應，希望居民體諒今晚無晚餐派發】

除了葵涌邨逸葵樓及映葵樓須圍封5天，其餘4幢鄰近大廈芊葵樓、曉葵樓、旭葵樓及雅葵樓，今晚亦會圍封強檢，另外邨內其他大廈及紀律部隊宿舍安葵閣、樂葵閣亦會被列入強制檢測名單。特首林鄭月娥呼籲，希望接下來仍可自由出入、從事高風險行業的葵涌邨居民，不要出門上班，以防止病毒傳播，冀僱主體諒。
#channelchk

港府曾叫港人「先苦後甜」 年初四有望放寬措施
過去一周疫情急速反彈 林鄭今稱解禁機會微

上星期五（14日）林鄭曾召開記者會，除了宣佈延長社交距離措施外，更說本港疫情正逐步回穩、當局成功截斷傳播鏈，如疫情沒有出現明顯的大逆轉，年初四有望可以疫苗氣泡為基礎，解除晚市堂食禁令、處所重開等，甚至提到「通關可期」。

惟在過去一星期，疫情急速反彈，先出現銅鑼灣Little Boss員工感染Delta、倉鼠被驗出陽性要被「大屠殺」、油麻地海景絲麗酒店巴裔婦群組更蔓延至葵涌邨致大爆發，林鄭月娥於今晚（22日）的記者會上明言，年初四放寬社交距離措施「機會微」，但她亦稱當局會再仔細討論，並適時再公佈。

#channelchk #疫情 #林鄭 #COVID19 #Omicron #倉鼠

雪姨拍盆菜片捧Ritz-Carlton 踩低良心茶記基隆
大彈髮菜少兼趁機植入廣告 網民：識唔識咩叫尊重？

向來人緣廣、出名富貴嘅KOL雪姨，因為一條盆菜評比片，喺網上引爆咗場公關災難。

事源佢出咗段片比較3間迷你盆菜，包括係酒店Ritz-Carlton售$688嘅一人份盆菜、帝京酒店$788二人份盆菜同埋深水埗基隆茶餐廳$128嘅一人份盆菜。用酒店同茶記比較，就咁聽落都怪怪地，而雪姨喺片中更加大彈基隆唔抵食、蝦肉霉、鮑魚差Ritz-Carlton「太遠」，仲嫌髮菜唔夠多，趁勢插入「金主爸爸」嘅養髮液廣告，最尾只俾2.5分基隆、 而帝京有7.5分，Ritz-Carlton就最高有9分。

呢段片除咗俾網民狠批實測嘅對象錯晒之餘，雪姨亦都被鬧用基隆趁機賣廣告嘅方式「非常唔尊重」。而由於基隆茶餐廳出晒名係良心小店，更加成日會派飯俾長者同埋其他有需要嘅人，令網民更加為基隆感到不值，覺得雪姨非常離地。經過觀眾喺YouTube嘅負評留言同連登Post，雪姨無耐之後就將條片下架，仲喺YouTube社群發聲明道歉，話因為「出邊好少地方有出迷你盆菜」，
所以條片先會咁拍。

雪姨仲話，除咗佢嘅Content team，佢身為老闆都責無旁貸，又以自己搞緊「大乾爹市集」為例，聲稱「引入咗好多有質素嘅小店」、「其實我係同上年一樣都係幫好多小店免費宣傳」。但雪姨並無將呢段道歉聲明擺喺IG同其他平台，只係話希望大家見到道歉文後，「千祈唔好以為我冇將你哋同埋冇將呢件事擺喺心中，唔好覺得我仲係離地風花雪月」。

雖然IG一個相關嘅Post都見唔到，不過雪姨就有覆到網民鬧佢嘅留言，話「嚟緊會為基隆做返啲事」。而一眾討論區嘅網民就似乎就唔多受落，覺得雪姨仍然意識唔到自己問題係邊，又淨係識以Content team做藉口等。唔知大家又點睇呢？

#channelchk #雪姨 #基隆茶餐廳 #盆菜

朗豪坊外有兩男為女大打出手，其中前男友更當眾跪低求復合，唉，問世間情是何物？👺
去片👉https://www.youtube.com/watch?v=Sgi6SeBviGw
#channelchk #打交 #前女友 #前男友 #朗豪坊 #旺角

今日疫情新聞，邊部份你最深刻？警隊女文員中招、映葵樓封5日、瑪嘉烈2名健康助理染疫、81歲婆婆打3針科興都確診⋯⋯🤔

去片👉https://www.youtube.com/watch?v=hZ41EHlSi_M

#channelchk #omicron #疫情 #COVID19

駐荃灣刑事調查隊26歲男警初步確診
居葵涌邨映葵樓 前日最後上班

除了一名警隊女文職人員初步確診外，一名駐守荃灣警區刑事調查隊的26歲男警亦初步確診，他居於葵涌邨映葵樓。

香港警察Facebook專頁晚上公佈，該名男警於今日（22日）初步確診。他於過去14日沒有外遊記錄，工作期間有佩戴口罩，最後一日上班為1月20日。與該名警員可能有緊密接觸的警務人員及文職人員，均會接受病毒檢測。

#channelchk #香港警察 #荃灣 #刑事調查隊

爆檢疫酒店巡查主任兩周一檢 隨時成社區「播毒黑手」
酒店員工斥陳肇始管理不善嚴人寬己

Omicron變種病毒株殺入本港社區近一個月，火頭處處，其中43歲巴基斯坦裔女子曾入住的檢疫酒店油麻地海景絲麗酒店，因換氣量不足致交叉感染，出現多宗確診。facebook專頁「專業清算師」引述自稱是檢疫酒店員工的爆料，指近日有食物及衞生局巡查主任自爆他們是14天才檢測一次，而且並非強制，所以沒有檢測也沒有人理會，有別於政府規定檢疫酒員工須每一至兩天檢測一次。

該員工質疑，巡查主任「也會進入指定隔離酒店所有範圍，也會在客人檢測時在現場觀看，他們就沒有風險？他們就不會為播毒大黑手？」批評食物及衞生局局長陳肇始「管理不善，嚴人寬己！只許州官放火，不許百姓點燈！」

員工亦在帖文中憶述，防疫政策在過去一年不停改，酒店員工亦一直配合，即使現時須每兩天檢測一次亦接受，惟過去曾試過因為取不到樽仔或預約不到檢測，向巡查主任反映都不會即時提供協助，只會警局告酒店，若沒有陰性報告便不准上班，「近日強檢多了，多次反映職員安排檢測也是不理會！」

Channel C就巡查主任的檢測安排向食衞局查詢，但當局未有正面回應巡查主任是隔多少天檢測一次，只表示他們需定期檢測及已接種COVID-19疫苗；當在檢疫酒店巡查時，會有嚴格的感染控制措施，包括佩戴適當個人防護裝備丶進行手部衞生丶保持適當社交距離等，「一般情況下，巡查主任不會與檢疫人士接觸。」

對於近期個案增多，有關當局已提醒酒店，加強其感染控制措施，包括在樓層走廊及房間內安置適當數量的空氣淨化機、加強環境清潔消毒丶戴合適個人防護裝備、定期接受檢測等。

報道刊出後，一名曾兼職酒店採樣員的Channel C讀者爆料，指巡查主任未必一定着PPE配N95上樓跟進檢測。爆料人更指，見過很多次巡查主任貪方便而「唔着袍，不同酒店或地區均有；話快手上樓睇一睇，企遠少少得喇」。

#channelchk #Omicron #檢疫酒店 #變種病毒 #陳肇始

【葵涌邨多廈圍封強檢】
👉曉葵樓／0中招／驗2,300
👉雅葵樓／多2中招／驗1,840
👉旭葵樓／多1中招／驗1,820
👉芊葵樓／多1中招／驗370

掃蕩違禁產品 3日前接觸萬寧貨倉職員被傳染
海關1關員疑染疫 1日前出席記者會

1名海關關員1月20日到連鎖店萬寧貨倉掃蕩違禁產品時，接觸過1名貨倉職員。該職員1月22日晚確診。而該關員同日出席記者會後，亦因身體不適，到醫院求醫，1月23日早上初步確診。

#海關 #萬寧 #疫情 #channelchk

林鄭落葵涌邨 雙手合十與保護衣人打招呼
封樓禁足令第2日視察 局長議員簇擁 保鑣緊隨

#林鄭 #葵涌邨 #channelchk #封樓 #禁足 #保鑣 #雙手合十 #保護衣 #局長 #議員 #口罩 #疫情

大埔新興花園凌晨大火奪母子命 屢傳爆炸聲
子疑逃生跌死 母料吸濃煙亡 消防：起火可疑

大埔新興花園康誠閣15樓單位凌晨3時許的大火，屢傳爆炸聲，奪去1對母子性命；31歲兒子懷疑逃生時從高處墮下跌死；62歲母親則可能吸入過量濃煙不治。

起火的400多實呎單位，2人各佔1間睡房，其中兒子房間燒毀最嚴重，窗框剝落；母親被救出時已不省人事，面部熏黑、左手燒傷。消防初步認為起火原因有可疑。警方沒搜出助燃劑。

#大埔 #新興花園 #爆炸 #fire #濃煙 #channelck

袁國勇：一味去搞清零 本身係冇用
兩年前已說過病毒「會同我哋永遠一齊」

港大醫學院微生物學系講座教授袁國勇今日（23日）見記者時，直指「一味去搞『清零』，本身係冇用」，不是理想做法之餘也「唔可以長期咁做落去」。

疫情至今已經有兩年時間，不少國家已調整應對策略，選擇與病毒共存，惟港府堅持「動態清零」，亦經常指出因為香港仍有個案，故遲遲未能「通關」。袁國勇見記者時，指出「清零」只是一個手段，「買時間畀大家打疫苗」，當一有個案出現「你就要閂」，就不是理想做法，更不是一個「sustainable policy（持續方法）」。

他又點名批評「所謂好多其他措施」也不是可持續的，如全民檢測，「檢測完一次，點知過咗兩個星期，又有另一隻病毒入嚟，咁你又再全民檢測？」

他亦指出，疫苗也有減輕病情的作用，當每個市民也打疫苗，「就算冇中和抗體，都要有T細胞免疫」，就算疫情再發展下去，「出咩Pi好，入咗嚟都好，佢只係令你有輕微嘅病」，不需入院更不需要入深切治療部，不會衝擊醫管局服務。

過了兩個年頭，打了疫苗，「安心出行」都成了強制措施，但仍未見「清零」，離港度假更為無望。世䘙近日也更新了國際䘙生條例建議，呼籲各國取消或放寬對遊客的出入境限制，指措施已不但不能遏止變種病毒Omicron擴散，反而會對各國經濟及社會構成壓力。

連袁國勇也指出，他兩年前已經說過，「冠狀病毒會同我哋永遠一齊㗎嘞，佢唔會離開」，那麼「清零」是為了甚麼？

#channelchk #逸葵樓 #葵涌邨 #袁國勇 #檢測 #COVID19 #變種病毒 #疫情 #Omicron #Delta #清零

【1.22強檢名單重點】
旺角西洋菜銀龍
眾安街銀龍
長發銀龍
機場美心can.teen
綠楊Pacific Coffee
青衣意樂
石籬魚米
荃薈薩莉亞
悅來薩莉亞
大窩口麗香園
葵涌邨四季
桂林街大家樂
富麗麥當勞
南豐紗廠
理大紅磡灣校園
如心酒店
港威酒店
逸東軒
深水埗雲貴川
中大UC Can
（共95處）