大偵探又上身！MC疑又蜜會MV女主
網民衫褲帽袋逐個捉：你講一講我覺得幾似Santis

MC可能以為《聖誕很忙》完之後，可以抖抖，點知又有網民爆相，開咗個名為「隔三日連食兩個MV女主角」嘅post。主要靠一張話係上年12月27日喺黃埔一間超市影嘅「MC＆女」圖，就話疑似係《反對無效》MV女主角、熊仔頭YouTube Channel嘅Santis。

呢位眼利網民就將張相由頭驗到落腳，首先話「個高度同啲頭髮都似Santis」，之後又話「Santis有條同相中女差唔多闊嘅牛仔褲」，無論係顏色定係長度。最主要係個棗紅色嘅袋，「個flap位係斜，然後個袋係兩截風琴位」。另外就有人post咗Santis其他相，話佢長期都係用呢個袋。

之前俾人傳同熊仔頭結咗婚嘅Santis而家又捲入另一壇嘢，新年流流都咪話唔攰。不過似乎有啲網民就選擇批評熊仔頭「係典型香男人嘅恥辱」，話佢拍埋啲故仔全部都係「男人要卑躬屈膝，咩都就晒啲女人，當佢哋公主咁樣寵愛，然後結果係自己戴綠帽，又唔＿敢出聲，又唔＿敢爆大鑊，跟住就扮情聖收收埋埋好＿Hurt，又有題材寫故仔啦垃圾」，仲有人話熊仔頭「抵死」添。（雖然由頭到尾都冇承認過係唔係一齊，但係大家都好似當咗係真咁。）

另外，喺MC同Ash事件上面，MC經理人Yee就喺TG Group同MC班Fans討論，仲話Ash前夫「似真白卡」，又有Fans同意，覺得Ash前夫似想博出名，Yee都有覆返話「可能呢一世人得而一次可以有人關注同有人聽佢講嘢，女人嫁咗個咁嘅老公都慘」。

#channelchk #MC張天賦 #Santis #FHProductions #熊仔頭

已出隔離營之洪門宴11高官新進展
林鄭下令居家隔離至1.22兼檢測陰性

學政府宣傳片話齋，抗疫人人有份。當晚9點半前去過洪門宴的11高官，雖然出咗隔離營，但特首林鄭月娥下令他們居家隔離至1月22日的檢測都是陰性，才可上班。至於當晚9點半後與染疫「少女」同場的另外3名高官，就繼續留在隔離營。大家都隔離，出街就更安心啦～

【完整字幕足本】男警嚴捉觀塘違泊爆罵戰
與外賣鐵騎士互鬧3分鐘：
你得嘅 你做警察啦 使乜做外賣！
👉 https://youtu.be/q3V1ojLt6ac

竹篙灣Foodie大召集！
雞胸肉冇味 螺絲粉好難食 有帶飯素或成最大羸家

講起竹篙灣飯盒，點可以唔提上年嗰舊蒸肉磚（我冇打錯，係肉磚）。事隔一年，唔知有冇改進呢？

Channel C收到嚟自竹篙灣嘅food review，呢位foodie收到政府嘅邀請去試食tasting。而佢就簡短地交咗貨，首先係螺絲粉。一句講晒：「呢盒螺絲粉好難食。」

咁其實有冇好食嘅呢？係有嘅！原來就係呢個中式牛柳粟米斑塊飯。讀者就話「今日食咗個晚餐巧巧食，可能因為八點幾先有飯食，勁肚餓」，加埋「撈咗啲飯素，食晒成盒」。

另外，@pigpigpigliving 都有分享佢嘅dining experience～佢就話啲飯盒「正正常常，唔係凍嘅，唔係想像中咁難食」，不過都係同入嚟隔離期比較長嘅朋友仔講，「強烈建議你帶返支飯素撈飯，成件事即刻唔同晒」。

原來到最後，都係要靠自己，帶飯素。強烈要求立法會議員喺Facebook分享to-bring list，要加埋飯素！！！！！！！！！

#channelchk #竹篙灣 #hkig #hkfood #hkfoodie #hkigfood #hkdining

同場加映 冇味雞胸肉😭😭

多18地點強檢：跑馬地馬場馬匹亮相圈及會員看台1座5樓遴選會員廂房、荃灣美心中菜美中鴨子、大埔錢大媽、八號花園Market Place

銅鑼灣SOGO女疫源未明 曾堂食大埔壽司郎
員工呻2疫客曾訪 仍拒關店消毒 同事不敢歸家

本港初步確診第2宗源頭未明Omicron變種COVID-19病毒感染個案。患者是20歲女，住屯門愛琴海岸8座，主要於家族經營的屯門愛定商場東亞大藥房工作，但兼職銅鑼灣SOGO售貨員，12月28日最後上班；1月1日強檢呈陰性；2日去大埔超級城逛街和壽司郎坐迴轉枱進食；8日再強檢轉呈陽性。她沒打針，但病毒量不算高。患者住處在1月9日全棟圍封強檢。

衞生防護中心傳染病處主任張竹君原先在記者會指，患者無病徵，但深夜發新聞稿時，卻改稱患者在1月8日檢測同日發病，喉嚨痛和流鼻水。張竹君又指，因一名59歲女患者在12月27日到訪SOGO，令該店納入強檢名單，染疫的20歲女職員才在1月1日檢測。翻查資料，該名59歲婦就是37歲「少女」王詩雅的同住母親，打過2支科興，與空姐母親齊跳廣場舞後，被對方傳染。

雖然張竹君指，SOGO「唔似有傳播」，未肯定患者是否因工染疫，不過員工卻人心惶惶，擔心下一個中招是自己。有員工向Channel C申訴，12月20和22日分別有2名患者到訪，員工已要強檢，如今更有售貨同事染疫，但公司仍堅拒關店消毒。「喺台灣，有確診者去過SOGO，都即刻關店一日做消毒；同香港SOGO講要消毒，佢哋一啲反應都無。」該員工慨嘆有冤無路訴，同事甚至有家歸不得：「唔知可以同邊度投訴……我哋有同場同事唔敢返屋企，都驚萬一中咗，傳染畀屋企人。」

事隔1天後，張竹君在記者會指出，20歲女的疫源或來自國泰男機師。她指該女子的父親同樣染疫，2人主要在屯門安定商場東亞大藥房工作，而該機師在12月27日曾到藥房購物，稍後會分析3人體內的病毒基因，確認是否有關。

政府專家顧問、港大醫學院院長梁卓偉在新一宗源頭不明個案公佈前，曾指本港一旦再有源頭不明個案，政府要考慮是否進一步收緊社交距離措施，包括學校提早放農曆新年假期、推行更大規模的在家工作安排等。

#銅鑼灣 #崇光百貨 #SOGO #台灣 #張竹君 #大埔 #壽司郎 #Omicron #變種病毒 #COVID19 #屯門 #愛琴海岸 #大埔超級城 #圍封 #強檢 #強制檢測 #檢測 #channelchk #梁卓偉 #源頭不明 #社交距離 #在家工作 #WFH #停課

陳同佳WhatsApp短訊 祝賀管浩鳴做議員
被台通緝逾3年 管代言「自首意願無變」

在台灣殺害女友潘曉穎的疑犯陳同佳，潛逃回港，被台灣通緝逾3年，仍未赴台投案，住處不明。聖公會教省秘書長管浩鳴接受傳媒訪問時表示，自己出任立法會議員後，收到陳同佳發WhatsApp短訊祝賀，又指自己不時與他通話。管聲稱陳自首意願從沒改變，惟因被列入「黑名單」，無法前往台灣。

#台灣 #潘曉穎 #陳同佳 #聖公會 #管浩鳴 #立法會 #議員 #自首 #黑名單 #通緝 #投案 #channelchk

染疫37歲「少女」王詩雅 涉瞞關鍵疫蹤
拒答洪門宴前另聚餐 待同行女馬主中招始揭發
張竹君爆或多人未獲邀赴宴 真正隔離名單成謎
疫婦馬會廂房聚餐 恐播毒上流階層

每日收聽疫情記者會，很多時最精彩的部份，並非來自衞生署衞生防護中心傳染病處主任張竹君的開場發言，而是現場記者追問竹君得來的資訊，例如這篇就是。

一名住大角嘴君匯港2座、在荃灣有線電視大廈工作的43歲女馬主，初步驗出變種COVID-19病毒。她打過2針科興疫苗，報稱沒病徵。令人錯愕的是，她本身並非在1月3日晚人大代表洪為民除罩百人壽宴的獲邀名單上，卻報稱有出席。而且當晚是她與中環榮源茶行太子女、37歲「少女」王詩雅和另外3人，先去西營盤干諾道西115號的餐廳飲酒和進食，再在當晚9時半，經「王少女」帶同進入灣仔的洪門宴，逗留至10時許。

問題來了。政府日前表明，當晚9時半後進入洪門宴的所有人，都要送入隔離營，為何43歲女馬主卻一直「逍遙營外」？有頭腦清晰的行家在疫情記者會追問，為何衞生署調查「王少女」疫蹤時，未有發現43歲女馬主是其密切接觸者，一直未將女馬主送入隔離營？

張竹君似乎早有準備會被問及，一臉無奈地回答：「其實我哋唔掌握呢個資料呀；我哋今日（9日）先知道，原來之前嗰位個案（王少女）仲去過一個地方（西營盤干諾道西115號餐廳）飲嘢同食嘢嘅。佢無透露呢個地方畀我哋聽囉。」記者隨即追問了一句，因為無持咪，小編聽不清楚，但相信頗有用，因為張竹君之後答得更明確。

「根據香港法例第599D章《預防及控制疾病（披露資料）規例》，我哋都問過佢（王少女）好多次，關於佢個行蹤。如果真係屬實，佢冇透露一啲行蹤或講大話嘅話，我哋係會有法律嘅跟進嘅。」

但更大問題是，若「王少女」可自行帶同女馬主入洪門宴，究竟還有多少獲邀賓客這樣「自帶來賓」？說好的「當晚9時半後進入洪門宴的所有人都要送入隔離營」，還有多少漏網之魚？張竹君僅稱，目前只掌握主人家提供的出席名單，若當晚「朋友搭朋友」的出席者，只能靠他們自律通報。

至於女馬主染疫，隨時引爆上流階層疫潮！事關她在1月5日晚上6至10時，與2人到跑馬地馬場會員看台1座5樓遴選會員廂房食飯。當時房內有2張枱，她們不認識另一張枱的3人，但由於同房，2枱人都屬於患者的緊密接觸者，要入隔離營。該女子當晚6時半亦曾到沙圈逗留10多分鐘。

#張竹君 #王詩雅 #洪為民 #馬會 #omicron #channelchk

好難想像，用咗過千萬買嘅一間半新樓，懷疑因為電器短路，一個朝早就付諸一炬...😭我哋嘅讀者喺附近直擊過程！
👉 https://youtu.be/VsOpVJ51yOA

【大削檢疫期】適逢在多名洪門宴高官議員入隔離營後，港府宣佈縮減密切接觸者檢疫期，由21天減至14天，以減輕隔離營負擔。

唔舒服就返屋企休息，咪排隊食生冷嘢啦😟
完整字幕版 睇壽司郎姐姐面對潑婦幾高質
👉 https://youtu.be/IpvUhkF2Ro4

【疑追到屯門女疫源】張竹君懷疑，銅鑼灣SOGO兼職售貨員、20歲屯門女的疫源，來自國泰機師。她解釋，女子父親亦疑染疫，2人主要在屯門安定商場東亞大藥房工作，而國泰機師12月27日曾到場購物。

冇嘟碼「殘廁醫」 不滿訪問聚焦洪門宴疫慌醜聞
朱偉星反屈商台教公眾不守法 斥張敬軒騷才播毒

身為家庭醫學專科醫生的朱偉星，日前在化驗所殘廁，為港台普通話台DJ兼妻子楊子矜採樣檢測時，懷疑樣本被身上殘餘的科興滅活疫苗病毒污染，導致假陽性，令灣仔洪門宴逾百人錯送隔離營，包括多名高官、議員和他自己。

由於洪門宴疫慌醜聞再有新進展，商台時事節目《在晴朗的一天出發》今早（10日）直播訪問朱時，亦聚焦談論此事。惟當晚違規沒掃瞄安心出行赴宴的朱偉星，竟突然跳掣發難，反屈商台教公眾不守法，又斥歌手張敬軒的紅館騷才播毒。

【訪問節錄】
🌞晴朗主持 🔵朱偉星

🌞：條例定咗，我哋都要跟㗎啦。
🔵：哦！你哋咁守法㗎？
🌞：吓？你唔係㗎？
🔵：唔係呀、唔係呀。er……er……er……我唔係好知道嗄，商台好似過去2年都係……都係好鼓勵大家唔係……唔係咁守法㗎嘛。
🌞：你想講咩先？你講清楚啲，都幾大指控嚟喎，呀朱先生。
🔵：嗄……er……我自我我我覺得，如果你覺得唔值得講，我哋咪唔好講囉。
🌞：唔係，因為你已經講咗出口，我哋想問清楚係咩意思。
🔵：……er（清喉嚨聲），我係從來冇接受過商台訪問嘅，嗄；我亦都停止咗（清喉嚨聲）聽商台好長時間嘞，嗄。因為商台……就算我有時坐喺的士聽，我覺得你哋散播嘅，全部都係仇恨言論囉。
🌞：例如呢？
🔵：而家你哋做緊嘅……
🌞：請舉例。
🔵：你都係散播緊仇恨言論。
🌞：請舉例。
🔵：嗄……唔係睇事囉。
🌞：請舉例。
🔵：我唔講啦，太多啦。
🌞：如果太多，應該好易舉嘅啫。
🔵：直情係有少少厭煩嘅。咁我覺得，可能……可能……可能我錯咗，應承呢個訪問。
🌞：吓？（忍笑）
🔵：大家可能真係……真係都唔係好……好……好……好啱……好啱大家諗嘢方法，因為我聽到（清喉嚨聲）……我覺得好可惜嘅就係，喺今日，你哋都仲係喺度，搵呢樣嘢，唔係睇一個更加重要一樣嘢。
🌞：吓？全港媒體都係睇緊呢個Party（洪門宴）喎
🌞：你睇吓今日報章；譬如《明報》，192人名單外 生日宴多1人中招。其實新聞都仍然講緊呢件事。
🔵：……係……嗄……咁……咁……哈……好有趣呀吓……咁張敬軒嗰單又唔講？
🌞：張敬軒演唱會個問題喺邊度？
🔵：我唔知喎……嗄……其實我睇到佢有機會（疫情）爆出去（轉話題）

#朱偉星 #商台 #張敬軒 #安心出行 #洪為民 #channelchk

睇完條片，小編想問呢位肥肥家庭醫生：戴套係每個男人嘅責任，可唔可以同對方講「『周圍』太多嘢，遮住咗個曲，嘟唔到，直接入嚟啦」？守法只係基本，自律先係做人嘅應有層次。
👉 https://youtu.be/-z_BT-X0mXQ

【真。停課了～】
教育局上周六（8日）澄清停課謠言，學生面授課堂繼續後，林鄭今日就宣佈全港所有幼兒中心、幼稚園及小學全部須於周五（14日）或之前停面授課，至農曆新年假期後；不過中學現階段就會繼續面授。

林鄭被前高官楊立門揭出席婚宴
解釋稱當時未爆本地Omicron：希望大家要公道

港區人大代表洪為民的「洪門宴」染疫風波爆出後，特首林鄭月娥已表明會對個別出席官員「採取適當行動」。不過，前民政事務局常任秘書長楊立門亦在報章撰文，踢爆林鄭曾出席婚宴，質疑她有否以身作則。

林鄭出席行會前，被傳媒追問她去婚禮「同高官去派對有咩分別」，林鄭回應指，第一宗本地Omicron個案於上月30日發生，而食物及衞生局之後已召開記者會呼籲，減少人多聚會，「影相都唔好除口罩」。除告知公眾同時亦包括官員，尤其有份參與防疫策略的官員。

她承認，曾出席好多聚會，當中99%是官方活動，文章所指的婚宴在11月底或上月初，「唔知嫁女定娶新抱」。而當日只是出席約10分鐘去恭賀主人家，「咁樣係咪好違反嗰個官員要求呢？希望大家要公道，知道大家鍾意周圍摷嘢（講）」，強調關鍵日子是12月30日。

林鄭被問及「洪門宴」調查進度時，形容事件是「the most unfortunate event」，並引述衞生防護中心指曾有214名賓客出席，認為是遠超餐廳容量。食環署會調查餐廳是否符合D類食肆，即包括食客要用「安心出行」及三分之二食客須打針。

至於懲處出席派對官員會否包括落台，林鄭稱有關紀律調查工作，仍未收到調查報告，強調會嚴肅公道處理，但調查並不涉刑事，僅對內部看法及要求有否落差去採取行動。

#channelchk #林鄭 #Omicron #洪門宴 #洪為民 #婚宴 #生日派對