使51萬請陳小春直播帶貨 賣得五千蚊 商家終獲賠近42萬

繼早前TVB老將李國麟8個鐘直播帶貨，都冇人落單被諷刺「最慘帶貨明星」之後，「帶貨GANG GANG」又出事喇！

中國有傳媒公司同陳小春以及一啲網紅簽咗成51萬人民幣嘅合約，開直播買按摩器，結果開咗三場直播只係賣出大約5000蚊人民幣嘅貨品，結果呢間傳媒公司就俾個商家告咗上法庭，而廣洲市中院近日就裁定傳媒公司需要畀返超過41萬嘅服務費。

而點解淨係賣得五千幾蚊？原來係上年嘅11月5號，陳小春「直播帶貨」嘅時候，因為冇喺直播期間擺上商品嘅link，導致按摩器公司嘅商品直播咗幾分鐘就被下架。就算之後傳媒公司安排咗陳小春個助理補返，開多4場直播之後都只係賣得5000幾蚊。

旁白師表示一個鐘都賣到十set酒，「呢度都三千蚊」，陳小春點同佢鬥？

#channelchk #陳小春 #直播帶貨

聖誕節本來就係一個開心嘅節日，但朝早嘅地鐵就發生爆頭事件😮‍💨

有位中年男士喺車廂上面食燒賣同埋魚蛋，又唔戴口罩，咁就有個伯伯叫佢帶返口罩，點知個中年男人唔聽不特止，仲出手打人，用埋手機做武器打到人哋爆頭🤯

本身係車廂上面食嘢同埋唔戴口罩都已經唔啱，Channel絲希望伯伯冇事啦🤕

#channelchk #地鐵 #爆頭 #口罩

覺唔覺今年造星IV決賽Dance Battle冇乜印象？唔覺睇過選手大頭？旁白師同大家分析咗原因🧐，仲幫大家實現李嘉欣開聲恭喜Marf嘅願望🤣 👉 https://youtu.be/Jk60aKpTNwA

#ViuTV #造星 #全民造星 #全民造星IV #造星IV #女團 #channelchk #嘮動新聞 #李嘉欣 #邱彥筒 #marf #我真係恭喜你呀
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK

蘭桂坊再開戰 三男街頭起飛腳

繼上次兩女大戰老蘭之後，早幾日又有人開戰！片中三位壯男你一拳我一腳，仲有凌空一踢，唔講以為拍緊戲，連揸機嘅人兄都「Oh my ____！」。

網民就喺下面留言，話係「中印邊境衝突」，不過Channel絲就覺得最矚目嘅係，今次警方迅速介入外國勢力，唔使等39分鐘先到，呢個位真係超乎我想像👏🏻👏🏻👏🏻

#channelchk #lkf #蘭桂坊 #打交 #飲酒 #bar #club #蒲

石硤尾驚現本土蜘蛛俠？

大家睇咗蜘蛛俠未？未睇都可以放心，Channel絲係唔會劇透嘅🤭

喺大坑西村嘅呢位人兄喺準睇嚟已經準備充足，下次再要轉人選嘅時候，就代表香港成為下一任蜘蛛俠🙏🏽下次見到佢一定要問吓佢何方神聖。

#channelchk #蜘蛛俠 #大坑西村

歐陽震華抖音賀聖誕 遭網民怒轟：為什麼你要過聖誕節

香港藝人北上搵食都唔係啲咩新聞，不過上得去就預咗要「入鄉隨俗」，如果唔係分分鐘又俾網民「出征」攻擊架喇。

歐陽震華就唔識做喇，而家中國吹緊風唔再慶祝西方節日，佢仲要喺聖誕節當日，拎晒聖誕禮物，又唱晒聖誕歌咁拍片上抖音祝賀一眾網民聖誕節快樂。結果就引嚟近兩萬個留言，怒轟Bobby，問「你沒有看過長津湖電影嗎？看過就不再有聖誕節了，這天是12月25號」， 又話「這個節日可以免過」。

講起《長津湖》，畀返少少背景資訊大家，呢套喺中國票房爆燈嘅戲，係講述1950年11月27日到12月13日期間，中國人民志願軍同美軍喺朝鮮長津湖地區交戰嘅歷史，而呢套戲都煽動咗好多中國網民嘅愛國情懷。

而歐陽震華都冇無視啲留言，仲好有心咁逐個逐個回覆雙手拜拜Emoji「🙏🏻」，睇嚟佢都汲取到教訓，都知錯喇。🤭

#channelchk #歐陽震華 #抖音 #聖誕節 #長津湖

入冬首個寒冷天氣警告
姐姐派福利圖 拉筋晒國貨

今朝一起身，真係好想講返句「香港濕凍世一」，因為今朝市區只係得9.9ºC。Channel絲自認冇葉劉姐姐咁勁，可以落街又做早操又拉筋，仲要好威威咁晒自己身上嘅國貨。

港大英文文學出身嘅姐姐一句「I stretched my legs on Black's Link on the coldest day this winter, sporting a Li Ning brand hoodie」，言簡意賅咁表達咗佢嘅自信，而網民都非常欣賞，甚至要問返句「May I ask your underwear also Li Ning Brand?」

Channel絲就唔係好想知姐姐嘅underwear係唔係國產🙏🏻，只係想提提大家着多件衫，唔好凍親！（經過前幾日平安夜福利圖，今日聽返大家意見遮一遮佢個樣🙈）

#channelchk #葉劉淑儀 #葉劉 #寒冷天氣警告

愈來愈多食油以健康作為賣點，除咗 #橄欖油 外，亦有好多「後起之秀」，好似今次金主爸爸就帶嚟 #亞麻籽油、#巴西莓油 和 #熱情果油，我哋搵咗 #營養師（因為專業）、同事Bella、Sami（因為食得健康）同葵芳街坊（因為近公司），一齊研究下......

去片👉https://www.youtube.com/watch?v=fpxVsakb9Wc

有興趣？⬇️
亞麻籽油➡ https://zeppa.group/product/puro-pura...
熱情果油➡ https://zeppa.group/product/puro-pura...
巴西莓油➡ https://zeppa.group/product/puro-pura...

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk

報料／廣告接洽：
info@channelchk.com

＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

吸金力UP！Marf摘冠後 身價颷逾2倍
15萬起跳仍爆Job至1月 未出道已幫LV宣傳

新鮮滾熱辣嘅ViuTV《全民造星IV》冠軍Marf（邱彥筒），由面試開始，就一直由頭帶到落尾；跳唱演一流之外，仲好有觀眾及廣告緣。佢未正式出道，就已經頻頻接Job；最近先幫銅鑼灣時代廣場影聖誕燈飾廣告，甚至為名牌LV拍攝2022早春系列宣傳相。

有報道話，11月底嘅時候有唔少廣告客透過ViuTV搵Marf出席12月嘅活動，不過都太遲喇，仲話Marf嘅Job已經排到去出年1月，加上早排又要預時間排練總決賽，檔期爆到要推Job。未成為冠軍嘅Marf，一個Job已經袋起碼6萬蚊，不過廣告商都照搶檔期，依家加埋「造星IV冠軍」嘅大名，身價即颷升至近15萬起跳。

不過都難怪嘅，Marf本身又跳得又唱得又有型有格，加上形象好好，所以都有好多Fans，《造星IV》又係城中熱話，喺廣告商眼中呢15萬都係使得抵！Channel絲就諗緊到時1月中正式出道，女團各成員又會吸幾多金呢？

#channelchk #Marf #邱彥筒 #全民造星IV #LV #louisvuitton #廣告 #時代廣場 #viutv #全民造星 #全民造星4

開戰！ViuTV幫掃新城10獎 撼贏TVB
石詠莉歌拎10大勁爆 《E先生》卻冇份
陳展鵬領獎 台下零反應

2021年度第一張樂壇成績噝噚晚（27號）嘅《新城勁爆頒獎禮2021》出爐喇，呢幾年最值得討論嘅就係MIRROR會有幾多獎，邊個MIRROR單飛又會拎獎，但係新城呢個頒獎禮就確確實實咁話我哋知，原來香港樂壇係有咁多歌手！

不過主戰場都係離唔開兩間電視台旗下藝人，TVB子公司星夢娛樂及旗下愛爆音樂6名歌手獲8獎，而ViuTV姊妹公司大國文化2隊藝人組合MIRROR、ERROR、MIRROR的7名歌手，亦在8個項目獲獎。但以獲獎單位計，大國文化藝人共奪10獎，較星夢娛樂的8獎佔優。

相比香港YouTube年度十大熱門MV榜，新城今年十大勁爆歌曲，只有1首同時係YouTube十大，就係MIRROR嘅《BOSS》。反而YouTube年度最熱門嘅《E先生連環不幸事件》，就入唔到新城十大勁爆榜；不過好耐冇見過佢嘅石詠荊Sukie S，就憑《100歲備忘錄》打入新城十大勁爆榜獲獎。

今年年頭，有逾一百首「音樂永續計劃」作品推出，而由艾妮翻唱嘅《愛的故事（上集）》，露雲娜嘅《我的故事》，同埋歐信希嘅《畫出彩虹》三首同獲勁爆改編歌曲，三位上台領獎時，頓覺成個場都好有年代感。值得一提的是，當陳展鵬憑《零歲》一曲獲新城頒發勁爆我撐歌曲時，台下觀眾反應欠奉，稍為尷尬。

👉TVB幫（8個）
勁爆男歌手 胡鴻鈞
勁爆女歌手 菊梓喬
勁爆我撐歌曲 吳若希《火和火柴》
勁爆新媒體歌曲 菊梓喬《我會害怕》
勁爆國語力歌曲 谷婭溦《倔強》（獨得）
勁爆新人 炎明熹
勁爆新人 姚焯菲
勁爆歌曲 胡鴻鈞《今天不營業》

👉星夢幫（2個）
勁爆新人 炎明熹
勁爆新人 姚焯菲

👉ViuTV幫（10個）
勁爆男歌手 柳應廷
勁爆組合 MIRROR
勁爆組合 ERROR
勁爆我撐新人 呂爵安（獨得）
勁爆我撐歌手 姜濤（獨得）
勁爆人氣偶像 盧瀚霆 江熚生 陳卓賢（全取3個）
勁爆新人 楊樂文
勁爆歌曲 MIRROR《BOSS》

👉造星幫（14個）
ViuTV幫所有（10個）
勁爆獨立音樂人 應智越（造星I 10強）
勁爆獨立音樂人 張進翹（造星III 20強）
勁爆躍進歌手 龔柯允（造星III 30強）
勁爆新人 ANSONBEAN（造星III 季軍）

#channelchk #新城勁爆頒獎禮 #TVB #ViuTV #星夢 #大國文化

2復必泰溝1科興 45歲美返港男機組恐染疫
免隔離返家4日購物 未驗到變種 圍封零確診
46歲美返港非同機非同住男同事 疑同中招

💥初步確診個案1

👉45歲男機組，住西環石塘咀南里壹號。

👉5月打齊2針德國BioNTech復必泰mRNA COVID-19疫苗，12月中再溝1針中國科興滅活COVID-19疫苗。

👉12月21日經航班CX844前往美國，從美國經航班CX841於23日抵港，在機場檢測呈陰性。

👉獲豁免酒店隔離檢疫，直接返家，曾外出購物；至第4日發病，頭痛、流鼻水和咳嗽，同日強制檢測呈初步陽性，病毒量較高，但未知是否變種。

👉住處仍深夜圍封強檢，惟80名住戶檢測後零確診，另有約30戶未有應門。

💥初步確診個案2

👉46歲男機組，住愉景灣蘅峯曦欣閣。

👉6月和7月打齊2針復必泰。

👉12月23日經航班CX840前往美國，從美國經航班CX843於25日抵港，在機場檢測呈陰性。

👉獲豁免酒店隔離檢疫，直接返家，未知行蹤；返港第3日到社區檢測中心檢測，呈初步陽性，病毒量較低，亦未知是否變種，但住處未有同晚圍封。

#COVID19 #疫苗 #科興 #復必泰 #biontech #vaccine #美國 #us #檢疫 #隔離 #quarantine #封區 #變種病毒 #channelchk #檢測 #強制檢測 #愉景灣 #西環 #石塘咀 #南里壹號

健身中心Goji Studios今起全線結業
會員不滿被過渡至舒適堡要求退款 嘆被加州健身千完今再被千

（全文： https://www.facebook.com/101870318844226/posts/157451726619418/ ）

健身中心Goji Studios 全線4間分店今日起（28 日）全線結業！Goji Studios表示，所有會員剩餘之會籍及私人教練課程等服務，將過渡至另一健身中心舒適堡 Physical Fitness & Yoga Official 。不少顧客不滿過渡安排，認為Goji Studios價格比舒適堡貴，「條數點計都唔啱」，要求退款；亦有人稱「physical 本身都多人，依家仲多！」

Goji Studios昨晚（27日）在facebook發聲明指，政府去年收緊限聚令，健身中心亦被強制要求關閉數月，不但無法經營，加上市場不現實的租金問題，加重健身中心營運負擔。Goji Studios又指，公司已多番融資，但未能力挽狂瀾，最終決定今日起旗下4間健身中心全線結業，所有會員剩餘之會籍及私人教練課程等服務將過渡至Physical舒適堡。

Physical隨後亦表示，會為Goji Studios客戶提供健身卡及私人訓練課程安排，並強調並不涉及利益交易，純粹出於對同業的支援及維護消費者權益；有關Goji Studios與客戶訂立的購買合約則與Physical完全無關，客戶如對合約有查詢須直接聯絡Goji Studios。

不過，Goji Studios發聲明後，不少網民在其fb專頁留言表示不滿安排，並質疑健身中心用用過渡做藉口，讓「大家以為有啲揸拿」：「physical 12個月1,000元。goji收緊我平均3百幾一個月，我仲有兩年幾，咁點賠償」；亦有人表示9月才年簽兩年合約，「就係因為環境好，設施新先選擇你哋，而家叫我哋咁多位去晒舒適堡，舒適堡1年1,000元，喺你哋度簽約一年4,000幾元，差咁遠，設施同環境都唔同，我一定要退款」、「3日前仲開post出特別訓練班，執笠仲撈埋尾水！」另有人無奈表示，「俾California千完，又並（俾）Goji千多次！」而Goji Studios 暫未回應會否有退款安排。

#channelchk #GojiStudio #舒適堡 #Physical #健身中心 #結業 #疫情

孝順AK曾指父母工作辛苦 要努力賺錢報答
江母被讚教導有方 「不易自滿和不會炫耀」

「人們剖析我的臉 不發一語 呼氣吸氣 便引動謠言」（《黑之呼吸》）、「響起節奏 我是隻瘋狗（《虎道門》）」⋯⋯坊間對Anson Kong@MIRROR 嘅印象，好多都依然停留喺「叱吒黑面」、「ViuTV衝動吳卓羲」，但其實AK唔止係一名義氣仔女，仲係個乖乖仔嚟㗎～

有鏡粉喺Facebook群組「Mirror HK fans🌠We are one and all」轉貼一名錄音室老闆Lawrence嘅文章，內文指有位清潔公司老闆娘到其公司報價，咁啱見到牆上有佢同「某香港男天團」其中一位成員嘅合照，就話「呢個係我個仔」。Lawrence聽到之後就答：「又會咁岩？犀利喎，兒子咁出名又生性，你真係有福呀。」點知老闆娘一臉認真咁講：「有幾犀利呀？你話喇。」搞到Lawrence一時之間都唔識點答⋯⋯

呢句聽落好似有啲嫌棄，但其實老闆娘當刻望住幅相，流露咗個難掩內心滿足之情嘅窩心笑容，再講咗句「不過佢真係好乖好努力」。Lawrence喺文章到讚呢位媽媽「不易自滿和不會炫耀」，所以相信喺佢嘅囝囝內涵都唔會太差。

雖然呢篇文本身無開到「天團成員」嘅名，但轉貼文章嘅鏡粉就講出大家心中所想，話AK曾經講過因為父母工作經常要搬運重型工具，唔想佢哋咁辛苦，所以要努力賺錢養家，所以「大家都估到應該係淸潔公司太子爺AK」。有唔少生粉都係文章下面留言「AK世一」，又讚江媽媽教導有方，令AK而家成為謙卑有禮嘅「暖男」副隊長。

#channelchk #MIRROR #AK #AnsonKong #江熚生

傳TVB港台合併頒獎禮
193@ERROR預計無獎攞：唔去都okay，坐多晚好攰

ERROR噚晚（27日）喺《新城勁爆頒獎禮2021》上首奪「勁爆祖合」，佢哋事後接受訪問時笑言，阿Dee（何啟華）直言自己一路唔被睇好，但仲有一班忠實支持者，「由小眾變成大家庭，係好開心、好感動。」肥仔今日都喺ig出post話：「終於得咗啦！多謝魯生既任性，一世人咁多個兄弟👊🏼👊🏼16位兄弟一齊上台攞獎係開心d」。

獲獎後，ERROR被問到有無信心再喺其他頒獎禮得獎，193（郭嘉駿）就好誠實咁話無，所以會為坐足一晚而準備咖啡提神；保錡（吳保錡）就乘機𢱑咖啡贊助。肥仔（梁業）就講笑話如果大家覺得ERROR值得獲獎，可寫信去求情，或者可以改寫賽果。

對於有傳TVB與港台合併搞樂壇頒獎禮，即MIRROR同ERROR有機會亮相友台，保錡即刻話「咁開心，威呀！」肥仔就話畀唔到comment：「都唔知人哋係咪真係（合併），係先算啦！」向來敢言嘅193就話：「就算係，我哋都未必亮相到，我哋都攞唔到獎。大人嘢都係留返畀高層搞，不過其實唔去都okay，因為如果唔係就要坐多晚，其實好攰，我哋應該都攞唔到獎。」

#channelchk #ERROR #郭嘉駿 #保錡 #DEE #肥仔 ##新城勁爆 #TVB #港台 #頒獎禮

愉景灣蘅峰曦欣閣七時起封區 涉變種病毒確診個案

政府宣佈，晚上七時起將大嶼山愉景灣蘅欣徑2號蘅峰曦欣閣列為「受限區域」， 居民須接受強制檢測，行動約於明早六時完成。

大廈所涉及的變種病毒確診個案，為一名46歲機組人員（第12610宗個案）他於12月23日乘坐CX840到紐約，12月25日乘坐貨機 CX843回港，與家人居於上址。
#channelchk #變種病毒 #COVID19 #封區

12月天氣凍，點解大家仲咁燥底？我已經寫打交片寫到詞窮啦🥲

去片👉https://www.youtube.com/watch?v=WkqRFbX6ohY

聖誕節當日，喺油麻地窩打老道同彌敦道交界，有三位男士「普天同㷫」上演街頭群揪會⋯⋯不得不講，呢到真係最佳位置，因為附近就係廣華醫院🥶

講笑，大家莫生氣，打少啲交啦，痛呀😇

#channelchk #廣華醫院 #打交 #聖誕節 #油麻地
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

袁國勇促唔打針就禁返工返學
引新加坡開關為例：對唔住真係物競天擇

嘮動新聞👉https://www.youtube.com/watch?v=fWWu-bAHsSM

本港連日新增多宗輸入個案，港大微生物學系講座教授袁國勇今於電台節目中稱，他已向政府建議實施「疫苗護照」，並指最佳推行時機是3月，然後市民於5月打齊3針，7月就可與部分低風險地區通關。袁國勇又說，屆時市民「唔可以再話無打針就返工返學」。

疫情爆發至今近兩年，袁國勇指市民遇上抗疫疲勞，推行疫苗護照是可以令本港重開邊境的唯一方法。他又以新加坡的防疫措施為例，「總之叫咗你打針，你唔肯打針就照開邊境，如果你唔打針，對唔住真係物競天擇，你係要過身。」 袁亦認為以色列的疫苗護照措施做得「最好」，可以提高接種率，「如果唔係已經打針、曾經染病、或者做過檢測，就唔可以坐公共交通工具、去食肆」。

而袁國勇與港大醫學院微生物學系名譽助理教授龍振邦、港大醫學院內科學系臨牀教授孔繁毅，今日亦在《明報》撰文大談防疫措施。他們認為，現時本港實際僅64%人接種第一針，可參考外國經驗，以疫苗通行證或同類政策，容許已接種者出入不同場地，認為是眾多措施中較廣泛接納及易於執行，惟需與業界溝通並解決細節問題，同時提供放寬防疫限制等誘因，可按現時D類食肆措施再調整。

專家稱，當群體達至99%免疫及完成3針接種、建立抗疫韌性後，病毒殺傷力大減，屆時香港就具備足夠條件邁向全面安全有序開放。時間需定於冬季前，並預算最少兩個月之「後疫苗浪」過渡期，故7月前為合理界線。文章又以與新加坡相若的接種率推斷，若用750萬人口為基數，香港的「後疫苗浪」死亡人數之或會在1,000左右或以上，未接種疫苗的長者佔最多。

#channelchk #袁國勇 #專家 #港大 #COVID19 #疫情
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

Ivy So孖Marf、Alice拍YSL唇膏廣告甜到漏

《全民造星IV》總決賽結束後，雖然只知冠亞季軍嘅Marf、Gao同Day直入女團，其餘人選明年1月先公佈。但未出道就有好多「蘇蝦」嘅Ivy So，近日已有唔少廣告，最新一個係同Marf、Alice拍嘅YSL唇膏廣告。佢今日喺ig出post介紹話「真係Sooooo Sweet呀🍬 甜甜果香浪漫滿溢，咁少女心嘅唇膏令我難以抵擋🍬～」不過Channel絲同旁白師就覺得幾甜都唔夠Ivy So甜，而且甜得嚟又帶點cool，真係要講句「Ivy sooooo sweet！」

蘇媽仲提大家1月3日留意佢哋帶畀大家嘅甜蜜盛典，搞到蘇蝦們都好期待係咪有活動，仲話「唔用唇膏都想買呀」、已留言問定蘇媽用咩色，有人甚至話「想做支唇膏」！

【《造星IV》決賽收視高收】
咁啱三台收視報告出爐，又講下《造星IV》總決賽收視。聖誕節播出嘅總決賽收視錄得7.7點，比之前平均約5點左右較高；至於TVB同時段播放嘅《男神廚房開業喇！》同《拳王》大結局，則分別錄得13.2點同12.5點。

#channelchk #IvySo #Marf #Alice #造星IV #全民造星IV #女團 #廣告

【專題】直擊平價香煙襲港！最平$30一包 士多便利店公然賣 海關冚之不盡

市面竟然有35蚊一包煙賣？3包仲低至100蚊？！煙稅一包都要38蚊啦，究竟呢啲煙咩來頭？

去片👉https://www.youtube.com/watch?v=8X3xmENTlAA

#煙 #私煙 #海關 #未完稅 #士多 #報攤 #放蛇 #channelchk
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

一晚封兩區！屯門嘉悅半島1座須強檢 患者與確診國泰空少聚餐後疑染疫

政府晚上8時30分宣佈，將屯門恒貴街1號嘉悅半島1座列為「受限區域」，居民須在凌晨12時半前接受強制檢測。政府目標在明日（29日）上午約7時完成此行動。

個案涉及今日14宗初步確診個案中的一名男空中機組人員。他於12月25日乘貨機CX2807回港，為確診並帶Omicron變種病毒國泰空少（第12609號個案）的朋友，他們曾在嘉悅半島1座的住所聚餐。故國泰空少確診後，該名男空中機組人員已被列為密切接觸者，送到竹篙灣檢疫。

#channelchk #變種病毒 #COVID19 #封區 #屯門

童樂居翻查閉路電視片段 揭多4職員涉「體罰」幼兒

香港保護兒童會旗下的「童樂居」，早前被揭有3名員工涉嫌虐兒被捕，會方翻查閉路電視片段後，發現有多4名員工涉嫌「體罰」幼兒，現時他們已全被停職。香港保護兒童會總幹事蘇淑賢指，會就事件向社署交代，並通報警方。

蘇淑賢表示，對虐兒事件感到極度痛心，又指對受影響兒童及家長表示非常遺憾，已成立專責小組，會安排心理學家輔導兒童。她透露，童樂居共有80多位職員，涉案的7名幼兒工作員屬同職級，而據警方數字，事件中共有18名兒童受虐。

蘇淑賢指出，專責小組會加入獨立人士及董事會成員，另外會聘請專家翻看轄下院舍近一個月的閉路電視畫面，涉及891個鏡頭。童樂居亦會獲增派一名幼兒中心導督，會要求所有職員通報懷疑個案予警方，惟她沒有就高層應否引咎辭職及正式道歉等作回應。

#channelchk #體罰 #虐兒 #童樂居 #香港保護兒童會