觀塘一名28歲女子在秀茂坪道與協和街交界疑衝燈跑出馬路時，被一輛的士撞飛。女傷者昏迷重傷，由救護車送往伊利沙伯醫院搶救後已蘇醒。司機亦報稱受傷送院。

車CAM直擊意外經過👉 https://bit.ly/3q75Cue

#channelchk #觀塘 #交通意外 #衝紅燈 #的士

叱咤我最喜愛歌曲最後五強 MIRROR三子入圍

叱咤公佈「我最喜愛的歌曲」五強入圍名單。疑被903小編指「配票失敗，𠝹死咗成隊🤣」嘅MIRROR，最後得返姜濤《Dear My Friend,》、Edan《E先生 連環不幸事件》同Anson Lo嘅《Megahit》入圍，陳卓賢Ian《DWBF》就無緣入五強；其餘入圍仲有張敬軒《俏郎君》及MC張天賦《記憶棉》。

#channelchk #叱咤 #我最喜愛的歌曲 #MIRROR #姜濤 #DearMyFriend #Edan #E先生連環不幸事件 #AnsonLo #Megahit #張敬軒 #俏郎君 #MC張天賦 #記憶棉

外傭要少主跪地叩頭道歉片瘋傳 事件變羅生門
網民引男童媽媽澄清：跌低唔願起身

網上同WhatsApp媽媽群組噚日（16日）流傳影片及截圖指有外傭當街要小朋友跪地叩頭道歉，仲話工人姐姐指摘「he is naughty」，引嚟大批網民鬧爆，但今日就有自稱認識小朋友媽媽嘅人士稱，事件真相其實係小朋友跌低唔願起身，「媽媽好清楚姐姐沒有虐待小朋友，不是叩頭認錯」。

流傳嘅影片片長7秒，見到一名小朋友跪喺地上，雙手掂地面後，隨即拍拍手掃走上面啲塵。佢望一望企喺旁邊嘅外傭後，未有企起身。據影片嘅描述就指事發係噚日近5時，地點位於廣播道港台電視大廈對出行人路，「一開頭以為小朋友唔小心跌親，但直至行近附近（2-3分鐘），個小朋友依然跪在地上，小朋友一直作叩頭動作及聽到他口裏說sorry sorry」。

呢位途人話佢上前了解過，但小朋友唔識答，所以問咗工人姐姐咩事，對方就詬「because he is naughty」 ，所以要小朋友下跪叩頭認錯，「希望呢位小朋友嘅家長可以見到，保護好自己的小朋友」。

不過到今日，有自稱認識當事人媽媽人士強調，事件「不是如網傳咁樣」，媽媽已知道事件，而真相係小朋友跑時跌低唔願起身，「媽媽好清楚姐姐沒有虐待小朋友，不是叩頭認錯」。

#channelchk #下跪 #跪地 #虐待 #道歉 #外傭 #廣播道

疑被觀塘新日本餐廳抄LOGO
大戶屋：保留追究權利

最近有網民發現，觀塘一間新開冇耐嘅樓上餐廳「山戶屋」嘅Logo同一間日本過江龍「大戶屋」 嘅Logo冇十成都有八成似。先唔講兩間餐廳個名本身都似，logo由底色嘅深藍色，甚至連大字下面嘅兩條白線都一樣，「山寨」版只係中間多咗一個圓圈圖形。

網民再搵到呢間新餐廳嘅餐牌，發現佢入面都有疑似抄襲返嚟嘅圖案，同樣嘅圖案都出現咗喺呢間新餐廳門口一個木牌上。開post嘅網民就覺得係「偷人哋logo扮歷史悠久」，又話「不過與其話山寨，不如話係直接偷來用」。其他人就留言話「都真係擺明抄喎」，仲發現呢間餐廳嘅食評全部都係第一次寫食評嘅帳戶，懷疑係打手。

Channel絲分別向兩間店鋪查詢，「大戶屋」就話對上述事件亦都有所聽聞，澄清喺香港只有太古、銅鑼灣、中環、荔枝角及荃灣5間分店，同呢間餐廳絕無關聯，會保留一切追究權利。而打電話去「山戶屋」問嘅時候，就只獲職員告知一句「未知幾時有人答到你」，唔知大家又點睇呢？Channel絲淨係知，「大戶屋」成日要等好耐位，燒五花腩同黑醋雞好好食呀！！！！！

#channelchk #觀塘 #日本餐廳 #抄襲 #過江龍 #大戶屋

《造星IV》「Jer組」表演被批「流於表面」排包尾
網民心痛阿Jer喊 不滿阿蛋被淘汰

《全民造星IV》20強名單終於喺噚晚嗰集揭盅，但令Channel絲最深刻嘅唔係邊個留低邊個走，而係阿Jer嘅眼淚呀！

由柳應廷（Jer）帶領嘅「Jer組」成員有Alice、Gao、阿蛋、方方同子涓。身為MIRROR唱歌擔當嘅Jer，無為呢組編排一般跳唱表演，而係揀咗首有返咁上下難度嘅歌——陳蕾嘅《沙門》。雖然首歌難唱，但排練嘅時候組員都有讚Jer畀咗好大嘅信心佢哋，亦都好用心教佢哋歌唱技巧。然而，或者係首歌意念太深奧，即使開咗研討大會，比賽當日嘅表現亦都唔太得評判歡心。

Jer同組員為表演準備咗唔少道具，但最後就被批評個表演太多嘢、想表達嘅嘢太多，變得「流於表面」。祖堯同花姐更加輪流發炮，話呢組野心太大、演得過火，Enjoy唔落。而Alfred就讚阿蛋裝扮同唱功都有突破，成功證明到自己。

雖然評語彈多過讚，但當全場都以為呢組唔會太低分嘅時候，呢組嘅總分竟然只得213.2分，連肥仔、阿Dee、Lokman、AK都忍唔住O晒咀。評判同導師一齊商議淘汰人選嘅時候，Jer更加一路喊一路忍唔住同花姐講「覺得唔公平」，但花姐就撻返Jer轉頭，話「比賽從來都唔公平」，仲重提Jer喺《造星I》第1回合就被淘汰嘅事。

最尾節目宣佈要淘汰Kinki、方方、子涓、阿蛋同馬欣。20強塵埃落定，有唔少網民都好驚訝唱功穩定嘅Kinki同Keep住進步嘅阿蛋會被淘汰，仲為Jer呢組抱不平，認為無論如何都唔會係包尾。可憐嘅Jer⋯⋯等我幫你抹走啲眼淚。

過咗淘汰環節之後，節目播出20強成員嘅入圍感想，方便觀眾睇完再去投票。而潮流興未選先告急，旁白師呼籲大家集中票源，票投世一嘅1號Ivy So！！！！

#channelchk #全民造星IV #Jer #IvySo

靚聲Emiko獲許廷鏗鼓勵翻唱《忘川 X 蜚蜚》
樂迷感動：有聽陳僖儀嘅感覺

早前參與《全民造星IV》、出名靚聲嘅Emiko（徐嘉蔚）再喺YouTube post咗新Cover《忘川 X 蜚蜚》，將已故歌手陳僖儀（Sita）嘅作品《忘川》同《蜚蜚》整成一首歌畀大家聽。

唔少樂迷都大讚驚喜，而且感動，覺得Emiko歌聲似當年聽Sita唱歌嘅感覺，「感謝Emiko嘅演繹，感謝天上嘅Sita曾經為樂迷帶嚟如此優美嘅樂章」、「陳僖儀嘅歌聲喺香港樂壇，雖然只有短暫嘅剎那，但卻係永遠都無法忘記。」

Emiko話一直好喜歡聽Sita嘅歌，今次呢個新Cover嘅誕生原來同《造星IV》A組導師許廷鏗有關。Emiko話Alfred之前ig dm同佢講「你好似幾啱唱《蜚蜚》」，佢有問點解，但Alfred只係話「試下就知道」。Emiko嘅歌聲結果感動咗唔少網民，特別係喜歡Sita嘅朋友，勾起大家對佢嘅回憶，Channel絲聽完都覺得耳朵懷孕呀～！

#channelchk #Emiko #徐嘉蔚 #忘川 #蜚蜚 #陳僖儀 #Sita #許廷鏗

Ivy So率先試食三哥回鍋肉蝦仁炆米
廣告相夾住「蘇蝦」夠晒Sweet

三哥又出新嘢啦！未等旁白師去試，佢最愛嘅Ivy So已經率先試食咗啦😍😍

Ivy唔止大讚三哥呢碗全新嘅香辣回鍋肉蝦仁炆米線夠晒香濃惹味，仲食埋期間限定嘅小食麻辣醬銀耳鹿茸菇，最後仲飲埋杯酸酸甜甜嘅露絲瑪莉蘋果梳打添😋Ivy呢兩張廣告相夠晒上鏡之餘，仲特別夾住隻蝦㗎～果然去到邊都掛住佢班Fans「蘇蝦」呀！🥰

#channelchk #ivyso #蘇雅琳 #三哥 #譚仔三哥 #香辣回鍋肉蝦仁炆米線

成日周圍靈探嘅AP出名夠大膽，但今次佢同汶汶講講吓鬼故嗰陣，竟然無啦啦嚇到彈起身，到底發生咩事？！
去片👉 https://www.youtube.com/watch?v=DlTLutXHiUQ

#channelchk #汶汶 #AP #AP人生 #靈探 #鬼故 #靈異
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

《全民造星IV》有得投票啦，唔知大家手中個票會投畀邊個呢？旁白師就叫大家：「全家總動員，票投Ivy So！」
去片👉 https://www.youtube.com/watch?v=CR-fYxIxW14

#channelchk #旁白師 #全民造星IV #IvySo #蘇雅琳
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！

網店疑偷貓相出產品：如果同品種，覺得相似都唔出奇

係各位奴才嘅心目中，主子們永遠都係最靚可愛㗎～但唔代表可以俾人偷相牟利囉！😟

Channel C收到讀者報料，話見到有間擺市集嘅網店「The Paw Face」疑似偷咗好多人哋嘅貓相嚟出產品，無論係杯墊、帆布袋定抱枕都有，真係一應俱全，仲要話係「自家設計」添。受害貓貓「寶寶」嘅主人發現事件之後嬲爆，除咗post返對比圖指證外，亦都有問返間鋪到底啲圖嘅來源係咩，但對方竟然答係「參考大量網上圖片覺得適合再繪畫出來」，仲推搪話「如果同品種，覺得相似都唔出奇」⋯⋯嘩，真係咁都有得拗？

Channel C同另一位受害貓貓「金金」嘅主人傾過，佢話件事都係由寶寶主人發現後話畀佢知，仲話一眼已經認得出產品上嘅金金。而金金張相就畀間鋪拎咗嚟做杯墊、抱枕等，主人畀返張原圖Channel絲睇，真係明眼人一睇就知咩事呀～我雖然仲未養到貓，但憑我多年J貓相嘅經驗都知，港短真係無乜可能100%撞樣囉，仲要連角度都一樣喎⋯⋯🤡

Channel C都有嘗試問返間鋪，但截稿前都未有回應，而佢哋嘅網站就依然正常運作緊。

#channelchk #thepawface #金金 #寶寶 #貓貓 #主子 #奴才 #貓奴

李靚蕾5000字爆王力宏叫雞約炮
與已婚炮友違規聚會
徐若瑄凌晨發聲：惡意詆毀 周杰倫林俊傑割席

王力宏與李靚蕾結束8年婚姻後，外界有傳婆媳關係是導火線，但王力宏都無回應，只稱「我們永遠會是一家人」。不過事隔兩日，李靚蕾、昨晚（17日）突在社交平台發千字文徹底粉碎王力宏的形象，指控他出軌、叫雞、有炮友、婚前被逼簽不平等條約等；並揭露離婚內幕，稱王力宏提出離婚，理由是若他另有新歡，不想新歡「受委屈被人家說是小三」。

李靚蕾在信中提到，婚後一直遭王力宏及他的家人不斷懷疑、羞辱和冷暴力，更被逼簽不平等條約，而且二人努力工作得來的財產，亦只落入王力宏及其母名下。但日前二人離婚的消息公佈後，「你動用了你的人脈和媒體關係拿我當擋箭牌，用攻擊我的方式保護了你自己。做錯事的人是你，但我和你媽卻乘載了所有的輿論和負面新聞，你卻獨善其身。」她要求澄清，但王力宏則指不方便，沒想到當他被爆與By2的Yumi出軌後，自己就立刻澄清。

她寫道：「你的十字架我不會再幫你揹了。當時吳xx（吳亦凡）也是大動作的澄清，結果大家有目共睹。你和她有沒有不尋常的關係，你們兩個心理有數。演藝圈的男女關係，和你的三觀，也是顛覆了我的見識。對象/前對象和他們的好友，大家…一律以『好朋友』」。

李靚蕾隨後由與王力宏拍拖舊事開始數起，指王追她時原來與前度未斬纜，他們第一次發生關係後，王在翌日早上就說不想談感情，後來她才發現王在很多城市都有像自己這樣角色的「朋友」。此外，王被拍到帶女伴回家過夜，甚至召妓，王都有向她承認是自己的問題，無辦法控制自己，她曾提出分手但被挽留。他們最後雖然走向組織家庭的路，但婚後她發現王在一次上海演唱會後，跟炮友狂歡，還拍了「各種奶貼，舔唇的照片」。王生日時更也收到一系列裸照祝賀，而炮友更是已婚有小朋友。

全文請見：https://www.facebook.com/channelchk/photos/a.104190038612254/155276073503650/

#channelchk #李靚蕾 #王力宏 #離婚 #出軌 #約炮 #叫雞 #龍的傳人 #徐若瑄 #周杰倫 #林俊傑

杜氏夫婦搬家事上電視賀喱騷台慶
12.20記得睇《杜氏閒情》同台慶頒獎禮

講你都唔信，「 喱騷」話咁快就一周年台慶啦！！整咗咁多精彩節目，緊係搞返個台慶頒獎禮賀賀佢啦～ 杜汶澤嗰晚仲化身豬肉切割員，以「閉門式分豬肉」為主題，頒咗三個足金獎座，表揚頭三個全年最高點擊率節目。如果想睇足本台慶頒獎禮，20號喺喱騷社交平台就有得睇啦！

點擊率第三名係哩騷首部自家製劇集《在觀塘下體現愛的故事》，監製田蕊妮喺台上分享得獎感言，未知是否興奮過度，阿田在台上竟然甩轆「講錯嘢」，明明排第三，又話話「很開心獲得第二位」，唔緊要啦，無拎錯人哋個獎咪OK囉～而首次執導劇集嘅導演林子穎，就多謝阿田給予機會，「多謝台前幕後的用心，希望可以拍第二季。」

至於全年最高點擊率節目第二位，則由口碑極佳的《墨水漂流》奪得，仲邀請到身上紋身堪稱全球最多的「外國人」頒畀兩位紋身師Jimmy同Cody，果然落重本啊！眾望所歸，第一位由杜汶澤和李拾壹主持的《尋找他媽的故事》勇奪，大會仲特登請埋重量級嘉賓、電視界史上最偉大巨人153嚟頒獎，不過牛高馬大嘅阿澤就要用放大鏡輔助先可以喺153手中拎個奬座。阿澤仲不畏言咁講，「其實當初拍這個節目的目的，是可以周圍呃飲呃食，希望大家可以繼續課金支持喱騷。」

第一年台慶就咁精彩，2022年又點輸得呀～台慶鉅獻清談節目《杜氏閒情》，將會喺12月20日隆重首播，係阿澤同田蕊妮兩公婆結婚15年首次合體拍節目呀！今次兩公婆為咗《杜氏閒情》首度合體，將「家事」搬上電視，除咗喺螢幕面前打情罵俏，互揭對方家中真面目，亦都會解答網民生活上疑難雜症，李拾壹更會在節目中做和事佬（aka架兩），諗起都覺得有趣～

閱讀全文：
https://www.facebook.com/channelchk/photos/a.104190038612254/155296590168265

#channelchk #喱騷 #杜汶澤 #田蕊妮 #在觀塘下體現愛的故事 #墨水漂流 #尋找他媽的故事

Channel C日前第一次直播帶貨就成功打破李國麟紀錄，全靠大家支持。為答謝大家，加上話咁快又到聖誕，今次再請來易買贊助聖誕零食福袋，等大家買定返去開party食又得，邊追劇邊食亦得；而且隨福袋仲會送50蚊coupon畀大家！記得今晚10：30pm準時入嚟YouTube買，唔好錯過呀 ～！

#Channelchk #聖誕 #福袋 #直播 #LIVE #購物 #shopping

12．19免費搭車 政府籲留意即時交通

大家仲記唔記得聽日（19日）係咩日子？就係全民免費搭車日！多個公共交通營辦商，包括港鐵、九巴、新巴城巴及電車會提供免費乘車優惠，不過小巴及的士就未有提供。運輸署預計，聽日搭公共交通出行的需求或較平日高，特別是前往個別熱點路綫，呼籲市民出門前留意即時交通情況及各公共交通營辦商提供即時資訊，預留充裕交通時間，同時在輪候公共交通時保持忍讓及注意道路安全。署方亦聯同警方實施適當交通管理措施。


提提大家當日交通安排先～

港鐵：
免費乘搭本地路綫（機場快綫除外)、輕鐵及港鐵巴士，出入港鐵站、輕鐵站或登上港鐵巴士時可以如常入閘，無需拍卡或付車費。1

巴士：
免費乘搭九巴、新巴、城巴及龍運所有路綫，但不包括機場巴士「A」及「NA」線、來往各口岸「B」線、觀光巴士「H」線、通宵巴士「N」線及長途巴士新型服務「P」線。
巴士免費路綫覆蓋當日頭班至尾班車，九巴表示，乘客上車後毋須繳付車資；新巴及城巴就指上車仍需以八達通拍卡，使用現金的乘客亦需揚聲，以便車長紀錄客流量。

至於新大嶼山巴士只有以下十條路綫免費，包括：1、2、4、34、36、37H、37M、37S、38、39M

電車：
所有電車路線將提供免費乘車優惠。

#channelchk #免費搭車 #港鐵 #巴士 #電車 #大嶼山巴士 #九巴 #新巴城巴

AP同汶汶去荒廢老人院靈探嘅精華嚟啦！真係隔住個Mon都覺得有啲寒呀⋯⋯快啲攬住張被一齊睇啦！

去片👉 https://www.youtube.com/watch?v=UYpCluNoKoM

#channelchk #汶汶 #AP #AP人生 #靈探 #鬼故 #靈異
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

恭喜何詩蓓於短池世錦賽再下一城，奪得100米自由泳金牌！游出50秒98再破大會紀錄！世一好勁呀！
#channelchk #何詩蓓 #短池世錦賽

旁白師今晚又賣嘢啦！唔同上次，今次嘅$138零食福袋男女老幼都啱㗎～快啲入嚟邊睇邊買啦！（仲有$108美妝福袋，唔好走寶😎）

快啲快啲👉https://www.youtube.com/watch?v=Q_DeCWrj2OQ

#channelchk #直播 #LIVE #零食 #福袋 #聖誕
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
https://www.youtube.com/ChannelCHK
＝＝＝＝＝＝＝＝＝＝＝＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！

超強颱風減弱但闖港200km 未來2日雨勢頻密
天文台擬掛史上最遲風球 離岸間中吹強風

【天氣師李鈺廷提提你】
超強颱風雷伊未來兩日將北上，並轉彎向東移，逼近香港，但同時進入較涼海域，不但欠缺足夠能量維持強度，更遭東北季候風陰乾，以及被高空西風扯爛結構而急劇減弱。天文台明（20日）視乎雷伊路徑和強度，考慮是否發出史上最遲風球（熱帶氣旋警告信號），預測本港未來兩日雨勢較頻密，離岸間中吹6至7級強風。

天文台預計，雷伊雖北上逼港，惟持續減弱，暫時最大機會於後日冬至（21日）以熱帶風暴強度（熱帶氣旋第二低級別），進入香港以南200km範圍。雖然雷伊逼近的同時，亦顯著被削弱，但與其相關的雨帶將連日影響香港，有雨的天氣或持續至平安夜。

高級督察涉偷警總即食鮑魚 被控盜竊准保釋
女警貪玩用報案室電腦查老公資料 簽守行為2年

30歲男高級督察黃敬修被指上年 10 月，喺警察總部內偷走兩罐屬於警方嘅即食鮑魚。呢位高級督察就被控一項盜竊罪，前日噝東區裁判法院提堂，暫時唔需要答辯。案件押後至 2022 年 2 月 22 日再訊。

另一個女警就聲稱「貪玩」，利用荃灣警署報案室入面嘅電腦，查佢老公嘅個人資料。原來係警方內部查核嗰陣，發現被告當日喺未授權嘅情況下，搜查黃俊傑（譯音）嘅資料。警方有問過被告呢件事，不過當時被告就話唔記得，都唔認識佢查嘅人，之後就俾警方發現黃俊傑係被告老公，咁之後被告就認因為「貪玩」先用老公身份證號碼查閱。

#channelchk #香港警察 #hkpolice

12.19免費搭車激心出行 逼爆全港交通景點商場
筲箕灣逾千人乘巴士郊遊 東薈城名店倉排長龍

#免費 #免費搭車 #免費乘車 #逼爆 #公共交市工具 #九巴 #城巴 #新巴 #巴士 #大棠 #紅葉 #港鐵 #元朗 #銅鑼灣 #深水埗 #東涌 #東薈城 #citygate #outlets #名店倉 #郊遊 #石澳 #筲箕灣 #迪士尼樂園 #海洋公園 #鶴咀 #欣澳

王力宏老豆親筆信指李靚蕾挾肚逼婚 李靚蕾再還擊
最後通碟時限已過仍無回應 料王力宏被告誹謗

自從王力宏宣佈離婚兼被爆黑歷史，包括指控他出軌、叫雞、有炮友、婚前被逼簽不平等條約等；並揭露離婚內幕，稱王力宏提出離婚，理由是若他另有新歡，不想新歡「受委屈被人家說是小三」。

王力宏至今仍沒有回應，惟身在美國的爸爸王大中透過王力宏的公司公開親筆信，指控李靚蕾當年藉大肚逼婚，以及早前的爆料貼文是處心積累。他力保王力宏，指他不是敗類，未有出軌，更聲稱因李靚蕾要求，已支付數億台幣的贍養費給她。除此之外，還有房子、生活費，兩名保母，一名菲傭及一名專用司機，連同孩子生活費和教育費。

李靚蕾今早再在微博發文反擊，先說「看到王爸爸年紀這麼大了還要為了45歲的兒子出來說這樣謊拍這樣的照片覺得很心痛也很不敢置信」。又指王力宏威脅她公開道歉，「我為了跟孩子們有地方住，條件是需要發文欺騙大眾我神智不清？如果我這麼做，以後我要怎麼活下去」，並以市值4億台幣（約港幣1.1億元）的台北豪宅作為交換條件，令她感到心痛及心寒。

李靚蕾又指出，「我沒有要求數億台幣，也沒有要求一毛錢的贍養費。通過昨天的聲明我也說了，現在連孩子的生活費／教育費我都會自己負擔，不會因為跟你們要錢扶養孩子，再承受你們的霸淩或任何的屈辱。我原本要求我們共同生活的房產要留給我們，但力宏拒絕了。他說可以借我們住，但之後要還給他。很多其實是我應得的，不是我要你們家施捨的。」

她續批評王力宏「很顯然，你不在意，做錯事的人依然只在乎自己，只想獨善其身。這太不可思議了……也超越了道德的底線。其實，這是我們同住和扶養孩子們的房子，如果我想要爭取這個房子，也是有勝算的，不需要你的施捨，也不需要以任何條件來交換。」

李靚蕾更向王力宏發出了最後通牒：「我要求王力宏先生下午3點前公開道歉，否則我會立即尋求法律途徑對你和王爸爸提出誹謗的告訴，很抱歉逼不得已的再次佔用了社會資源。」

#channelchk #李靜蕾 #王力宏 #離婚 #出軌 #約炮 #叫雞 #龍的傳人