Elon Musk減持Tesla 仲喺Twitter話想辭職

「有錢就是任性」，呢句野真係Tesla CEO Elon Musk嘅最佳寫照。好鍾意玩Twitter嘅佢，今日再次語出驚人，話考慮緊辭職，做全職KOL，仲問返Fans點睇（thinking of quitting my jobs & becoming an influencer full-time wdyt）。說話一出，加上有報道話佢減持咗93.4萬股，Tesla嘅股價喺盤前再持跌勢，最低見973美元，跌超過0.969%。

而見到盤前已經開始跌嘅股價，Elon Musk就再喺Twitter攪下笑，話”If you like the chorus, you’ll love the drop”，又一次要網民估佢意思。而Channel絲嘅解讀就係，如果你喜歡想再買，你就會想見到佢減價。不過算啦，世界首富嘅心事，又點會咁易估到，我都係繼續倒轉個股價嚟睇算了⋯⋯

如果你都對投資有興趣，可以考慮經我哋嘅專屬連結喺華盛通開戶，而家仲有12月嘅聖誕開戶優惠添㗎～不過投資涉及風險，記得量力而為呀！

【12月開戶送$1000現金券💰】
發仔為你速遞華盛12月嘅聖誕開戶優惠🎄！
成功線上開戶就可以拎到$1000現金券💰，拎嚟買港股美
股都得😍！仲送你港美股0佣🎊！同美股深度擺盤👍🏼，可以
直接睇40檔報價！

即刻睇下有咩獎賞啦👏🏻！
📍HK$1000現金券*，港股無限免佣
📍美股免佣半年*
📍美股深度擺盤，40檔報價
📍HK$288港股免費串流報價
📍HK$300現金券轉倉賞

12月有咁多優惠，咁多著數，即刻嚟華盛開戶啦🎉！

*優惠受條款及細則約束

登記連結👉 https://shorturl.at/qrLMX

#channelchk #Tesla #ElonMusk #Twitter #vbkr
#vbrokers #華盛 #華盛証券 #華盛通 #交易從始華盛
#12月開戶優惠

中環私家車溜後剷上行人路 2女受傷昏迷


有車Cam影到事發驚險一刻：https://www.youtube.com/watch?v=Njc1bjYJxuE

晚上約8時許，中環卑利街70號一架私家車懷疑溜後並突然衝往士丹頓街41號行人路，最少8名途人走避不及被撞倒受傷。消防接報後到場救援，其中2名女子昏迷，須送往瑪麗醫院搶救。涉事私家車的女司機事發時不在車上，意外後於現場協助警方調查。

事發地點鄰近Soho一帶，有影片拍攝到事發後現場有途人及酒吧客人嘗試合力抬車，救出車底傷者。

影片來源：網上片段

#channelchk #車禍 #中環

12.13起美國返港須坐疫監21日
住完竹篙灣再去指定酒店

政府晚上發新聞稿宣佈，由於一名美國旅客確診COVID-19，並帶有變種Omicron病毒株，將會收緊對美國抵港人士的檢疫限制。下周五（13日）起，所有由美國抵港的香港居民，必須先到竹篙灣檢疫中心進行七天的強制檢疫，其後須於指定檢疫酒店完成餘下的14天強制檢疫，並在抵港第26天到社區檢測中心接受強制檢測。

政府早前指，會將發現有Omicron個案的地區指明為A組指明地區，於21天內曾逗留當地的非香港居民不准入境、而香港居民必須已完成疫苗接種並持認可疫苗接種紀錄方可登機回港，並在抵港後於指定檢疫酒店接受21天強制檢疫，其間接受六次檢測，並須於抵港第26天到社區檢測中心接受強制檢測。措施12月13日凌晨零時生效，A組地區還包括埃塞俄比亞、津巴布韋、納米比亞、尼日利亞、南非等12個國家。

#channelchk #美國 #COVID19 #omicron

本身唔想出多個Post，但想大家關注旁白師嘅精神健康⋯⋯Ivy，你會唔會原諒佢？
去片👉 https://youtu.be/UO_SlXXy-jk
#channelchk #全民造星IV #旁白師 #IvySo #暐翹
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
＝＝＝＝＝＝＝＝＝＝＝＝＝＝＝

《造星IV》Karen孖Alice做「八婆」撼贏對手 成功自救
A組已被foul Ika獲評判激讚

《全民造星IV》30強賽事唔經唔覺已完成咗一半，噚晚（10日）播出嘅一集，係第一次見到兩組表演全部都有戲劇元素外，亦都係B組首次唔係全組應戰，只得非大熱嘅Alice同Karen，而本身已列入死亡名單嘅Karen呢回仲要自己生死自己救！

喺第三輪對決，Alice同Karen就扮「GTB」嚟演出《怎麼可以吃兔兔》，對戰前一集A組嘅《七個小矮人》。佢哋排練嗰陣，Alice其實都算扮得維妙維肖，連導師梁祖堯都話佢「好啱做呢啲嘢」；旁白君亦都話佢可能有八婆成份。相反Rap開嘅Karen就演極都唔似。

但到比賽一刻，Alice同Karen嘅「八婆」演出都令人眼前一亮，睇到評判拍晒手掌。釗峰讚Karen令人好有深刻印象；欣宜更讚佢哋都有唔同嘅「bitchy」，亦鍾意Karen嘅厭世樣；迪偉亦都覺得佢哋演出好大膽：「好容易令人乞人憎，但你哋嗰兩個『吹咩』嘅attitude做得好好，又夠match，唔會一個搶（鏡）另外一個。」結果A組已入死亡名單嘅安希婷被foul。

之後一輪對決，A組Ika、Win Win、So Ching、Ashi、芯駖、穎蕎同超酸演出《This is me》，繼續晒唱功之餘亦加入戲劇。欣宜睇完覺得好大感觸，感受到佢哋演出好有passion，「最感動嘅係因為Ika，你冇俾之前影響你performance，反而你真係想話畀大家聽『hey! this is me!』」迪偉就略嫌演出唔足以將首歌喺今次現場表演再昇華到一大級，雖然佢都讚lka唱得好，但「點解個focus只喺一個人度？」。而A組呢輪死亡名單係Ashi，但評判對佢嘅評語都係一般，覺得佢雖然努力，但都係「差啲」。

至於B組就再一次10位成員上陣應戰，演出《未知道》。佢哋用枕頭做道具，砌出金魚、屋仔、樓梯、雀仔同雲，代表之前比賽時嘅元素。主持強尼事後幫佢哋交代來龍去脈畀評判知，但迪偉就覺得「你哋會知道評判係會無睇過你哋之前performance，呢個都係你哋揀一條『橋』做創作時要諗埋嘅嘢，我哋睇時就會無共鳴，唔應該要強尼畫出腸」。

#channelchk #全民造星IV #造星4 #女團 #安希婷 #Karen #Alice #八婆 #梁祖堯 #Ika #WinWin #SoChing #Ashi #芯駖 #穎蕎 #超酸

張敬軒送別愛犬 發洋蔥文許諾「再返嚟會再養返你💋」 　
妹妹火化後留下晶片 成「奇跡的連接」

張敬軒嘅哥基愛犬「妹妹」早前因為漸凍症離世，軒仔今日嘅Ig帖文入面，見到佢已為妹妹舉行告別禮。軒仔送上花牌畀妹妹，上面寫有「我最愛錫嘅乖囡妹妹：去搵飯糰玩喇！爸爸會一直掛著你！主懷安息！愛你嘅爸爸」。

除咗影片同相，軒仔亦上載長文，記下佢對妹妹嘅不捨之情：「別後，我一路哭向房中。無論曾面對過怎樣大的困難，我依然沒有辦法按下那個按鈕，唯有請一同成為淚人的陳姑娘代勞。把妹妹從藤籃之中移放至冰冷的火化鐵盤上，再目送她去到爐前，我覺得自己幾乎連站立的力氣也沒有。在爐門關上的一刻，我的力氣就只夠放下揮動的手，扭過頭去。」

唔知妹妹係咪都知道爸爸掛住佢，所以即使已化成灰，都留下禮物畀軒仔。「妹妹生命力頑強，連塊晶片都頑強過人。為妹妹取回骨灰的時候，Yvonne告訴我妹妹留了份禮物給我，是她的晶片，這小小的晶片躲過了幾千度的烈火和高溫，成為我和傻妹又一個關於奇蹟的連接 🥺」佢承諾：「妹，爸爸掛住你，如果你再返嚟嘅話，諗辦法畀我知道嗰個係你，我會再養返你💋」超級催淚～

軒仔亦提起與妹妹同飯仔嘅往事，「妹妹和飯仔陪伴着我這10多年來在香港的工作和生活，陪着我走過每一個高低起跌的時刻。不知道怎樣說得清楚，我覺得他們的相繼離開對於我眼前的生活是最大的諷刺。終於捱到可以慢慢好好生活的時候，他們卻不能再陪伴左右。他們都很懂事，都選擇在我變得更忙之前離開，彷彿要我專心演出，不為我增添憂傷煩亂。」

不過，軒仔都覺得應該感恩，因為妹妹之前心臟停頓過4次，每次都重新有呼吸和心跳，「我覺得她是上帝派來的使者，告訴我要相信有奇蹟，要相信神的奇妙。」軒仔要堅強呀！

#channelchk #張敬軒 #妹妹 #哥基

恭喜教主 Anson Lo 盧瀚霆 @MIRROR奪得MAMA BEST NEW ASIAN ARTIST （MANDARIN）～

頒獎禮播咗少少MEGAHIT MV畫面介紹教主（暴龍哥都上埋鏡），仲形容佢為「HK’S MOST BELOVED ARTIST」。睇返獎項過去嘅得獎者，已經好耐無香港歌手拎到呢個華語區新人嘅獎項啦～再次恭喜教主！

Anson Lo喺IG同FB開腔談得獎感受，話無諗過可以喺MAMA見到自己個名，希望有更多人能夠認識香港歌手同認識MIRROR。唔少隊友同藝人朋友都有祝賀教主，姜濤仲留言「You deserve it！❤️」，讚教主實至名歸添。

#channelchk #AnsonLo #MAMA #教主 #盧瀚霆

全城關注嘅大埔曱甴屋終於有後續啦～一齊聽吓區議員何偉霖同滅蟲公司Nobedbugs點講！
👉 https://www.youtube.com/watch?v=XNiFbowFxKw
#channelchk #嘮動新聞 #大埔 #富亨邨 #曱甴屋
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
＝＝＝＝＝＝＝＝＝＝=＝＝＝＝

成功「爭取」西灣河站被瘋狂抽水
民建聯梁熙解釋：一時口快

香港，到底有無西灣河站？唔通，呢一切只係香港人嘅「曼德拉效應」？民建聯梁熙一句要爭取西灣河站，除咗令街坊同觀眾O晒嘴，仲爭啲令西灣河「旱災」⋯⋯即係俾人抽乾晒啲水呀！

最「抽得」嘅莫過於改歌高手晴天林，將陳百強嘅《幾分鐘的約會》改成《地下鐵無站嗎》， 「地下鐵無站嗎 要俾西灣河人每日用」、「這平行宇宙 何時市民可接通」⋯⋯可謂句句直線抽擊～

而一向「貼地」嘅日本駐香港領事館嘅「日本知多D」Facebook Page今日就出Post，同大家玩「猜漢字遊戲」，叫人估日文嘅「駅」係咩意思，認為係「馬場」嘅就畀Like、「車站」畀心心、「馬場」畀哈哈、「尺寸」畀嘩，而背景圖仲要用埋西灣河地鐵站⋯⋯雖然「駅」呢個字係咩意思相信好多人都知，但唔少網民都話仍然忍唔住要畀「哈哈」個Post。導演王家衛嘅Fan Page「Wong Kar Wai Anthology」就Po咗張《墮落天使》嘅劇照，話王家衛喺1995年已經成功爭取西灣河地鐵站，等戲中嘅李嘉欣可以順利去觀塘裕民坊幫黎明執房。

其實梁熙喺噚晚都有出片解釋點解話要「爭取」有西灣河站，話佢當時只係諗起佢哋爭取緊嘅「小西灣站」，所以「一時口快講錯」。唔知呢個解釋，大家又接唔接受呢？

#channelchk #西灣河站 #小西灣站 #梁熙 #墮落天使 #晴天林

中環車禍27歲法籍女子不治
31歲女傷者仍然危殆 駕車女菲傭涉危駕被捕

中環卑利街周五晚有私家車溜後撞傷多名途人，2名昏迷的傷者均屬法籍，其中一名27歲女子於今日傍晚證實不治。另一名31歲女子頭部受重創，現時仍情況危殆。而警方調查事件後，拘捕一名當時駕駛私家車載女主人前往消遣的44歲菲傭，她涉嫌危險駕駛引致他人身體受嚴重傷害。

有報道稱，涉事的私家車車主為一名69歲英資洋行前高層，其太太則為商人。據指，被捕女傭停車時懷疑未拉緊手掣，令汽車急速沿斜路溜後逾百米，釀成意外。而事發時附近商店的一段閉路電視片段曝光，見到私家車溜後時左邊前座車門打開，途人見狀慌忙走避。惟此時正與朋友於卑利街及士丹頓街交界聊天的一名黑衣女子，疑因事出突然而未及反應，遭私家車車尾猛撼後拖行數米，最後更被捲進車底。

#channelchk #中環 #車禍 #卑利街 #菲傭

天氣師李鈺廷成功爭西灣河小西灣轉涼
天文台料12.13早上 市區16°C北區11°C

【天氣師李鈺廷提提你】
無論是爭取興建已啟用36年的西灣河港鐵站，還是爭取小西灣建港鐵，寫上CV仍未夠「爆」。所謂民生無小事，並非美國南加州大學學士和清華大學碩士畢業的天氣師李鈺廷，已成功為西灣河及小西灣居民爭取12.13「一次性」轉涼，絕不讓地球單方面邀功！

天文台12.12（今日）凌晨表示，華中氣壓正在上升，東北季候風補充會在同日晚上抵港，再度轉涼。天文台預測市區會由下午最高的25°C，跌至12.13早上最低的16°C，即一夜跌9度，日間回升至21°C並乾燥。天文台電腦預報顯示，12.13西灣河和小西灣均跌至16°C；北區打鼓嶺則跌至寒冷的11°C。

#天文台 #轉涼 #季候風 #李鈺廷 #天氣 #氣象 #weather #forecast #民建聯 #梁熙 #地鐵 #港鐵 #mtr #小西灣 #西灣河 #成功爭取

沙田馬場4名騎師墮馬，3人受傷，2人嚴重入ICU；分別遭馬壓傷，髖骨或骨折，以及撼地傷及頭和手。2隻馬撞斷腳，被獸醫人道毀滅。

又學到嘢！
兩年冇交電費黃錦星大教慳電大法 28°C先考慮開冷氣

早排中電同港燈都宣佈加價，環境局局長黃錦星今日（12號）就喺電台節目「教精」大家慳電妙計，仲曬命話上次交電費已經係兩年前交嘅11蚊雞，仲平過搭地鐵過海。

黃錦星喺節目大談身世，有7個兄弟姐妹嘅佢，喺深水埗板間房長大，所以由細細個就學識「節儉嘅美德」，仲話慳電是幾十年嚟的習慣。加埋政府嗰50蚊電費紓緩金下，對上一次交電費已經係兩年前嗰11蚊雞。唔講唔知，得睡房有冷氣嘅黃局長原來過28°C先會考慮開冷氣，Channel絲睇一睇天文台數據，咁即係局長上年全年開冷氣嘅晚上少過50晚，唔夠兩個月。服啊。

黃錦星仲讚唔使交電費嘅家庭係「慳神」添。「慳神」嚟講，點可以唔計前天文台台長林超英？嚟緊氣溫急降，大家可以參考下「古法禦寒」，用暖水袋暖被窩，再幫雙腳保暖～或者直接「靠自己」唔沖熱水涼，用30°C嘅水沖1分鐘涼好喇！

笑就講完，Channel絲提提大家記住睇住身體，唔好冷親啊～

#channelchk #黃錦星 #電費 #慳電 #林超英 #轉涼 #環保 #天氣

沙田4騎師墮馬2嚴重入ICU 遭馬壓恐髖骨折
1冷門馬失蹄 令3熱門馬相撞 2馬斷腳被毀滅
高清版👉 https://youtu.be/t8YJSAXaiFs

4名冠軍級騎師在沙田馬場1,200米草地賽最後500米轉入直路前，罕見連環墮馬。3人受傷送院，2人嚴重，留醫ICU，其中首名墮地的騎手，髖骨或骨折。最先失蹄的大冷門馬「君達星」和尾隨相撞的大熱門馬「肥仔叻叻」因撞斷腳，被人道毀滅。馬會解釋，馬匹要否人道毀滅，一般由獸醫判斷；若傷勢嚴重，特別是腳傷會影響日常生活，為減低其痛苦，就會人道毀滅。至於其餘2隻捱撞的大熱門馬「妙發靈機」和「錶之未來」，則保住性命。

策騎君達星的24歲南非籍希威森，倒地後被其他馬匹壓中，傷勢嚴重，留醫ICU，髖骨可能骨折。策騎錶之未來的38歲澳洲籍潘頓，落地時撞傷頭和手，傷勢嚴重，同樣留醫ICU。策騎妙發靈機的45歲日本籍福永祐一，撞中馬匹再墮地，未知有否骨折。3人送院時清醒，有人要戴上頸箍，固定傷勢。至於策騎傷重至人道毀滅的肥仔叻叻、31歲毛里求斯籍田泰安，墮馬後僅在地上翻滾，幸好無被馬匹撞到，沒有大礙，不用送院，更於後4場賽事勝出。

墮馬賽事為全日第5場，也是4場「香港短途錦標」國際一級賽的其中1場，跑1,200米草地。從直播片段可見，在賽事最後彎位，君達星最先馬失前蹄倒地，尾隨的錶之未來、妙發靈機和肥仔叻叻相繼撞上。2名墮地騎師被其他馬撞上或踩到。意外後，2名墮馬騎師能自行步出賽事，但餘下2人在直播鏡頭移離前，一直臥地未起。馬會決定此場賽事及頒獎儀式從簡，包括不播放國歌。有馬迷形容意外罕見。

最先失蹄倒地、被人道毀滅的君達星，來自紐西蘭，已屆7歲，正值壯年。過往5屆出戰26場，有10場（38%）打入三甲，其中7場（27%）摘冠，但都集中在2019/20年度賽季。在今場賽事，牠是最大冷門，獨贏賠率高達203，是同場12隻最高，更大幅拋離第二冷門、跑第6的「錶之智能」僅48的獨贏賠率。翻查資料，君達星3年來有多達8項傷患紀錄，較其他賽馬多，包括2018年兩度骨傷，曾令左後腿和右前腿不良於行。

#馬會 #賽馬會 #沙田 #馬場 #墮馬 #騎師 #horse #horseracing #animal #sport #betting #jockey #HKJC #channelchk #馬 #人道毀滅 #君達星 #妙發靈機 #錶之未來 #肥仔叻叻 #希威森 #福永祐一 #潘頓

TVB老將李國麟8個鐘直播帶貨 冇人落單被諷「最慘帶貨明星」

TVB老將李國麟原來今年4月已經北上工作，一直都冇返過香港。近期佢除咗周圍登台之外，仲玩埋直播帶貨！不過銷情就好似未如理想，開足8個鐘頭都賣唔到幾件貨，仲俾網民估佢係咪連二百蚊人仔都賺唔到，叫佢做「最慘帶貨明星」！

聽講李國麟早幾日（9日）開咗8個鐘頭live，雖然有千幾個觀眾，十次上架，不過就冇人落單買貨。（慘慘豬，眼都紅晒🤭）網民都要留言話，「我睡了一覺國師還在波（播）真不容易，5過（個）小時了」！

不過又難怪佢咁落力北上搵錢嘅，仲記得早排佢喺微博表忠，話「沒有國家和民族的強大就沒有娛樂圈的繁榮和百花齊放」，仲話「愛國不是嘴巴空談，更不是逢場作戲，愛國應該從心而發」，希望有日佢嘅愛國情懷會有回報啦🙏🏽

#channelchk #李國麟 #TVB #直播