扯晒頭髮又互摑，睇到都覺得痛！一場港鐵阿姐MMA大賽就係因為電話太大聲而展開......
去片👉https://www.youtube.com/watch?v=httiZb0Ele4

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk ##MMA #互摑 #扯頭髮 #港鐵阿姐

繼5月之後，今年第二次月食將會喺今日（19日）下午出現，係581年來最長、82年來食得最深嘅月偏食。Channel絲到時都會直播今次天文現象畀大家睇，仲會喺尖東海旁直擊市民觀賞情況。想安坐家中、食住嘢睇嘅朋友大家到時要留意喇！

#channelchk #月偏食 #月食 #mooneclipse #eclipse #尖東 #血月 #天文現象

休班警超市涉偷$50雞翼及鴨胸 准自簽守行為
被揭發時曾稱：係唔記得，唔係有心唔畀錢

一名54歲休班警今年8月於超級市場偷取一包價值50元的滷水雞翼及鴨胸，因神色可疑被職員揭發後，一度稱「我係唔記得，唔係有心唔畀錢」。他被控一項盜竊罪，控方今（19 日）在東區裁判法院申請簽保守行為處理案件，裁判官鄧少雄准被告以1,500元自簽守行為18個月結案，其間不得干犯同樣罪行；被告另須支付500元堂費。

報稱任職公務員的54歲被告陳兆輝，早前被控一項盜竊罪。控罪指，被告於2021年8月18日，在香港仔南寧街13號至23號香港仔中心1期地下百佳超級市場內，偷竊一盒雞翼及一盒鴨胸，而上述物品為屈臣氏集團（香港）有限公司的財產。

控辯雙方承認的案情指，被告案發當日在百佳超市購物，推着手推車，車上有一個黑色背囊。他先擺放洗頭水、生菜等物品入手推車內，並將兩盒滷水雞翼及鴨胸放在背囊旁邊，然後用購物袋遮蓋。據閉路電視片段顯示，被告當時四圍張望，之後到自助收銀處付款，但沒有為滷水雞翼及鴨胸付款。超市職員發現被告神色可疑，遂在出口位置將他截停，揭發有兩盒食物仍未付款，當時被告否認盜竊：「我係唔記得，唔係有心唔畀錢」。

#channelchk #休班警 #盜竊 #滷水雞翼 #鴨胸 #超市 #香港仔 #香港警察

69歲退休警涉強姦家傭11次 獲准以2萬元保釋
事主因宗教信仰誕下嬰兒

69歲退休男警員陳民被指於前年11次強姦家傭、又曾發訊息要求她停止檢控等，遭控告11項強姦、1項妨礙司法公正、及1項非禮罪。案件今日（19日）於沙田裁判法院提堂，庭上透露，已離港的事主因宗教關係已誕下嬰兒，但願意回港作供，被告則在控方不反對下獲准以2萬元保釋，期間不得離港。案件押後至本月28日，於東區裁判法院進行交付高院程序。

#channelchk #警察 #退休警 #強姦案

詹培忠父子遭廉署拘捕 涉串謀詐騙及洗黑錢4,200萬

廉政公署今（19日）拘捕立法會前議員詹培忠、其子兼金融服務界選委、巴布亞新幾內亞駐港名譽領事詹劍崙，以及65歲商人王蓓麗，涉嫌就上市公司「買殼」交易串謀詐騙聯交所、公司及股東，以及「洗黑錢」，處理4,200萬元犯罪得益。案件下午在沙田裁判法院提堂。3人繼續獲准保釋，法庭將案件押後至明年2月28日再提訊。

廉署早前接獲證監會轉介的貪污投訴展開調查，並向律政司徵詢法律意見後，落案起訴75歲的亞洲資源控股時任大股東詹培忠；其身兼金融服務界選委、巴布亞新幾內亞駐港名譽領事的52歲兒子、亞洲資源時任主席詹劍倫，及65歲的王蓓麗。

案發時，亞洲資源控股有限公司於聯交所主板上市。控罪指，詹培忠、詹劍崙及王蓓麗，在2013年7月1日至2015年11月15日期間，串謀詐騙亞洲資源及聯交所，包括隱瞞3人已達成秘密「買殼」協議，王會向詹支付共約2.1億元，作控制亞洲資源全部已發行股本的70%至75%；促使公司董事會批准公司配售新股及配售可換股票據，以及股東特別大會通過決議等。至於王蓓麗則涉嫌處理案中金額4,200萬元的可換股票據利益。

控方申請將案件押後至明年2月底再訊，因需時分析銀行紀錄，亦可能會有新疑犯及控罪；辯方不反對押後。法庭准詹培忠父子各以200萬元現金保釋、不得離港、交出旅遊證件、每星期向警署報到等。

詹培忠從政多年，1991年循金融服務界加入立法局，回歸後續任立法會議員。1998年，他被控偽造文書罪名成立，判囚3年，被褫奪立法會議席，其後上訴獲減刑至1年。監禁期間，他再被廉署起訴，指他於98年立法會選舉中賄選罪成，罰款10萬元。此外，詹過去言行非常「出位」，多年前曾發表「十個女人十個係雞（妓女）」言論，被指侮辱女性。

#詹培忠 #詹劍崙 #廉政公署 #巴布亞新幾內亞駐港名譽領事 #立法會議員 #金融界 #洗黑錢 #串謀詐騙 #聯交所 #金融服務界選委

港鐵姐激戰港女 盤點30秒互摑16巴
插面 錐眼 搣鼻 扯髮 陰招樣樣齊

荃灣綫列車途經深水埗站時上演嘅港鐵阿姐MMA大賽，就係因為電話太大聲而展開......Channel C逐格慢鏡咁睇，發現原來佢哋唔止扯頭髮同互摑，喺一啲微動作仲見到佢哋插面、錐眼同搣鼻。小編cap完圖有seed，梗係砌埋幅大圖，同大家share啦～

足本片👉 https://youtu.be/httiZb0Ele4

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！ https://www.youtube.com/ChannelCHK

#channelchk #MMA #互摑 #扯頭髮 #港鐵阿姐 #MTR #深水埗 #港鐵

無綫台慶日股價再創新低 一度見5.18元

今日係11月19日，Channel絲喺到同 TVB Buddy 講聲「生～日～快～樂」～為慶祝創台周年，無綫喺每年嘅今晚都會搞《萬千星輝賀台慶》節目賀賀佢，但電視廣播（00511）今日嘅股價就一跌再跌，收市報5.22元，跌2.25%，盤中一度見5.18元，再創咗新低。話說電視廣播股價「新低」嘅新聞，呢排已經報咗好多次，咁啱TVB今年嘅口號係「邁向55周年 攜手創無限」，Channel絲終於明了，無限嘅意思，原來係指無限個新低呀～

不過唔緊要嘅TVB Buddy，股價呢啲嘢有起有跌，學無綫首席創意官王祖藍之前話齋，你咁「抵買」，而家跌咗仲抵，應該好多人爭住入貨㗎啦～

#channelchk #TVBBuddy #台慶 #55周年

維港驚現大魚達80斤以上 半個人咁高 夜潛友：X！真誇張！

魚就食得多啦，咁大條魚你又見過未？網上流傳一段影片，係一班夜潛友早前喺維港發現咗一條成80斤咁重、半個人咁高嘅魚，嚇到連佢地都忍唔住睇到嘩嘩聲，唔知大家見過最大嘅魚有無呢條咁誇張呢？

#channelchk #魚 #維港 #夜潛

月偏食天文現象已經開始，大家又睇唔睇到呢？Channel絲而家喺尖東海旁直擊市民觀賞「帶食月出」！

即睇👉🏻 https://www.youtube.com/watch?v=FaYvFhmIVOM

#channelchk #月偏食 #月食 #mooneclipse #eclipse #尖東 #血月 #天文現象

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！

👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk

報料／廣告接洽：
info@channelchk.com

＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

食肆堂食一律須用「安心出行」！
消息指政府最快下周四實施

港府早前已預告將強制全港所有食肆使用「安心出行」應用程式，食物及衞生局昨（18日）與飲食業界代表會面商討有關措施。多個媒體引述消息透露，預計最快下周四（25日）宣佈新一輪防疫措施實施時推行，屆時A、B、C、D類食肆食客必須使用安心出行，不能再以「填紙仔」登記資料。

港台引述餐飲聯業協會會長黃家和表示，業界向政府提3項要求，包括若有顧客出示假安心出行二維碼，當局可彈性處理食肆責任問題；並延長餐廳營業時間；及放寬每枱1.5米距離限制。他預計，新措施實施初期，餐廳生意額會有短暫影響，但相信市民會逐漸適應使用安心出行，若當局容許食肆延長營業時間，更會有助聖誕新年期間生意額。

黃家和又指，目前A類食肆佔的比例相當少，B類食肆有約1萬1千間，C、D類則有超過5,000間，相信全面用安心出行後，會有不少B類食肆改做C類，A、B類餐廳會逐漸被淘汰。

#channelchk #安心出行 #食肆 #堂食 #防疫 #COVID19

外傭初步確診 涉變種病毒
跑馬地滙文樓7點半起封區強檢

一名完成檢疫期返回僱主居所的外傭初步確診，涉及L452R變異病毒株。政府晚上七時半起將其居住的跑馬地山村道50-52號滙文樓列入受限區域，大廈居民須強檢，行動約於明早七時完成。

衞生署表示，31歲的外傭10月23日從菲律賓乘搭航班5J272抵港， 她於當天及強制檢疫期的檢測結果均呈陰性。她於11月13日完成強制檢疫後返回僱主於跑馬地山村道50-52號滙文樓的居所，並於18日往社區檢測中心再次進行檢測，結果呈初步陽性，但病毒量低，Ct值大於30。

患者於7月23日在菲律賓曾接種一劑強生疫苗，她入院後進行的其中一次檢測結果為不確定，對抗體則呈陽性反應。

#channelchk #COVID19 #跑馬地 #外傭 #封區 #滙文樓

澳門巴士MMA 金髮男揮拳打頭 黑髮男口罩都甩埋

繼「港鐵阿姐大戰港女互摑16巴」之後（想重溫可以去呢度睇返👉🏻https://www.youtube.com/watch?v=httiZb0Ele4 ），澳門都上演一場巴士MMA！
Facebook群組「澳門交通現場」有人po片，兩個澳門男喺巴士上打交，兩男交戰唔係扯頭髮，係專攻頭部一拳拳打埋去！有網民留言話「男人的浪漫」、「得咁少片，最後邊個贏呀」，亦有人慨嘆旁觀者只係睇熱鬧，無人出嚟調停和解。

#channelchk #澳門 #巴士 #打交 #mma

雪姨孖張敬軒睇樓 自爆鍾意裸泳
軒公識風水識設計 被讚專業地產經紀

張敬軒YouTube嘅新綜藝節目《軒公敲碗》第二集唔再「賣魚蛋」，而係化身「一日限定地產仔」，孖住有「富貴KOL」之稱嘅雪姨去睇樓。

軒仔今次向雪姨推介咗三個分別位於西貢約四千呎嘅獨立屋、西半山一千三百多呎嘅高層單位及南區約七百呎嘅中層單位樓盤。睇樓期間，軒仔同雪姨不停「唇槍舌劍」促進感情，雪姨仲被踢爆原來鍾意裸泳同「多人沖涼」，聽到軒仔眼擎擎。講起投資，軒仔透露原來佢媽媽帶過佢去Sex Toy交易市場，更叫佢投資吓性玩具產業，點知雪姨竟然都表示贊同，仲話曾經都有諗過踏足呢行。

香港人睇樓多數都會睇埋風水，所以軒仔亦都即刻麥玲玲師傅上身，同雪姨分析山頭位置「左青龍、右白虎，你睇吓有巒頭呀。呢個白虎位咁樣攬住你⋯⋯冇錯啦，北水南山，九運吖嘛。」，連雪姨都忍唔住話軒仔講到似層層咁。而認真起上嚟，軒仔對風水其實都有自己一套見解，「我覺得所謂風水嘅嘢，好大程度上都係環境學、心理學同地理學。我自己睇風水就會比較科學啲，如果係呢邊要擺個乜嘢神明、嗰度要擺個咩像，我就覺得係唔好嘅。」

全文閱讀：

https://www.facebook.com/101870318844226/posts/147373944293863/?d=n

#channelchk #張敬軒 #軒公敲碗 #雪姨 #軒仔 #睇樓 #地產經紀

政府橫額籲勿光顧九華徑無牌燒烤場
民政署：顧客可被控違限聚令、違泊

「燒雞翼～我鍾意食～」，等咗咁耐，天氣終於涼啦，又係時候燒嘢食。不過，有市民喺荔景山路附近發現多張由警方、食環、民政署等多個部門聯合發出嘅巨型橫額，張橫額呼籲市民唔好光顧九華徑嘅無牌燒烤場，話違例者會被檢控。張相喺網上瘋傳，唔少網民都對張橫額感到不明所以，唔明燒烤場無牌關顧客咩事、幫襯犯咗咩法，又質疑點解唔直接「掃場」，要貼出嚟警告市民。

民政事務總署回覆傳媒查詢時就解釋，市民光顧無牌的BBQ場可能會觸犯「限聚令」，而違泊的車輛亦會被檢控，食環署和警方會加強巡邏並採取執法行動。

查返資料，食環署同警方喺年初已經打擊過過美孚九華徑嘅無牌燒烤場，負責人仲起碼被檢控過23次，仲有被告因為違反《食物業規例》要罰款3萬及監禁4周。不過大台嘅《東張西望》喺11月頭再踢爆，相關嘅兩間無牌燒烤場其實已經涉嫌無牌經營逾20年，傳出嘅濃煙、異味等令居民非常困擾。然而因為無牌照，所以市民投訴都只會被「當波踢」……

其實Channel絲都鍾意燒嘢食，但識食一定食有牌嘅，仲要去大欖先舒服，唔知大家又鍾意去邊到BBQ呢😎

#channelchk #BBQ #燒烤場 #九華徑 #無牌 #燒烤 #美孚

竉物都係大家嘅屋企人，就算要移民帶唔到佢走，都唔好亂咁畀人。一齊睇吓今晚嘅《嘮動新聞》，了解呢班兔兔嘅慘況。
去片👉 https://youtu.be/qsIRliDQ9I4
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #嘮動新聞 #領養 #竉物 #兔 #移民

《答案》Ep2 愁爆姜濤一見隊友就笑
姜糖為偶像打氣：唔應該肆意揣測佢為人

姜濤嘅個人紀錄片《答案》嚟到第二集，今集由姜濤出席活動暈低嘅鏡頭開始。難掩愁緒嘅姜濤向鏡頭坦白，話之前承諾見粉絲個陣一定係開心，但當後來慢慢受到大家嘅期待，反而令壓力越嚟越大，唔知點算。

不過一個人嘅姜濤，可能好悶悶不樂、面無表情，但當同返12子一齊，成件事就唔同晒。笑Lokman扮草泥馬、突登吹Anson Lo條頸想激嬲佢⋯⋯喺隊友面前，姜濤好多時候都仲好似姜B。年中有報道寫話Edan 舉中指「欺凌」姜濤，花姐喺紀錄片入面都有講笑咁問返Edan做咩舉中指，Edan就話無諗過欺凌呢個字會出現喺佢身上，因為多數人地都係欺凌佢。呢個時候企喺隔離聽嘅姜濤就開始喺到笑，又扮傷心咁反問返Edan「咁樣係玩咩？🥺」，然後Edan大叫「畀條生路行吓！😢」，兩個人笑埋一嚿。

鏡頭一轉，到姜濤自己一個上台唱歌，其他11子都有到場，喺台下聽得好投入，盡情為姜打氣，老闆AK仲對住鏡頭畀心心。12子感情如何，大家不言而喻，旁人點猜測有無內訌、分唔分上、下弦，呢刻都唔再重要。

片尾仲有姜糖為偶像打氣，「佢係一個咩人，我哋唔應該肆意揣測，然後認為自己了唔了解佢囉」、「無論將來條路點樣都好，我哋都會喺台下繼續支持佢」。

#channelchk #姜濤 #答案 #MIRROR #姜糖

第四晚嘅虎年生肖運程！今晚輪到屬豬、鼠、牛嘅朋友仔，我都好想屬豬，可以升職加人工呀🥺～ 聽吓碧霞老師講咩先👂🏻
去片👉 https://youtu.be/cK90gWLM85I
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://t.me/channelchk
報料／廣告接洽：
info@channelchk.com
#channelchk #2022年 #虎年 #生肖運程 #風水 #碧霞老師
＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

過路男險被車撞 秒速反應成功甩身

香港地車水馬龍，又周圍都有違泊車擋住視線，過馬路真係要小心呀！日前有車Cam影到，馬鞍山泳池附近一名男子過馬路嗰陣，懷疑無望到㗎車轉彎駛近埋去，就咁衝咗出去。好彩呢位人兄應該食過下「夜粥」，反應勁快即刻向後滑步，安全甩身。成個動作嘅流暢度堪比特技演員，Channel絲畀100分，不過下次記得小心啲過馬路啦，唔係個個咁小心揼得切brake㗎～

#channelchk #車Cam #馬鞍山 #過馬路

九華徑無牌燒烤場扮C類食肆
警拘17職員及負責人 票控82顧客違限聚令

九華徑無牌燒烤場橫行多年，最近政府多個部門於美孚及荔景掛起多張橫額，呼籲市民不要光顧無牌燒烤場。警方亦於昨晚「突擊」執法，拘捕兩間無牌燒烤場共17名負責人及職員，他們涉及「欺詐」、「無牌管有無線電通訊器具」，2名負責人則同涉「無牌經營食物業」及違反防疫處所規定。警方亦檢控其中82名在場顧客涉嫌違反限聚令，每位罰款5,000元。

警方同時揭發燒烤場訛稱自己屬「C類食肆」，供食客選擇「B餐」（填紙仔、4人一枱、燒至10點）或「C餐」（嘟Code、6人一枱、燒至12點），當時現場共有超過800名顧客，警方僅票控其中82名超出6人一枱食客。警方亦於燒烤場附近一帶向違泊車輛發告票，又拖走一輛私家車。

警方稱，由一月至今，除定期巡查外，警方聯同食環署對上址無牌燒烤場共進行了4次執法行動。

#channelchk #美孚 #九華徑 #燒烤場 #無牌 #安心出行

香港運動員堅勁揪！劉慕裳空手道世錦賽奪銅
輪椅劍擊余翠儀世界盃女重摘金

香港運動員從不同國際體育盛事中均傳來捷報，其中於劉慕裳於空手道世錦賽女子個人形奪得銅牌、余翠儀於輪椅劍擊世界盃的女子重劍更錄全勝成績，摘得金牌。而硬地滾球港隊於亞洲及大洋洲錦標賽一共奪得5金1銀4銅，其中梁育榮及張沅分別於BC4的男、女子個人賽奪金，及後更「拍住上」於雙人賽中再為港隊收獲多一面金牌。

#channelchk #輪椅劍擊 #余翠儀 #劉慕裳 #空手道 #個人形 #硬地滾球

到底係爆竊定「返屋企」呢？ 網上流傳一張相，影到柴灣樂翠臺有人「擒窗」入屋，據悉有街坊已經報警處理。年尾啦～Channel絲提提大家大家記得鎖好門窗呀！

#channelchk #樂翠臺 #柴灣 #爆竊 #報警 #小偷