DISCIPLINE 👑

219 viewsآمـ آلليـﮯث🖤, 19:50

مرحبا يا جماعة كيما وعدتكم غير نكمل الكنترولات نحكيلكم كيفاه جبت باك ف9ايام قراية: نبداو من 2019العام لي خلي نقولو بدات تدمر فيه حياتي ديت البيام في هذا العام ونجحت بمعدل ممتاز والحمد لله كانت الامور ماشية تمام لحدما دخلت الليسي وهنا بدات المعاناة نروح نقرا ونروح للدار وكانو انسان فقد الذاكرة ندي فنقاط 2/4/8 /7وكان فغي يحكمني الشوك فات هذاك العام وقلت ربما كي عاد انتقلت من مرحلة لمرحلة والعام الثاني نفس الشي فات الفصل الاول بدا الفصل الثاني من ندخلو نقراو ندوخ جست نخرج من الليسي نرجع لباس عليا بلا مننساو الالم فكل جسمي وراسي لي بدا يوجع بشكل مش معقول وعرق تنفخ جيهة ودني لدرجة كي رحت للطبيب قالي عندك كونسار ايييه نعم ورم في المخ درت بزاف راديوات وتحاليل مي كلش ممتاز وجسمي فتمام الصحة بدات تظهر اعراض اخرى وبدا لون ازرق في ايديا وراسي يخرج بلا سبب نشفى كيما اليوم اول يوم رمضان جابلي بابا راقي بسك كنت كيما الميتة تقريبا جسد بلا روح الموهيييييم بدا الراقي يقرا القرآن وظهر بلي عندي سحر مأكول بديت نرجع حاشاكم وحد الدم داومت عالرقية وقتها حتى تحسنت حالتي وقلت الحمدلله وفات هاذ الشي وصلنا لعام الباك نشفى تالمو ابي انا اول طفلة عنده سجلي ليكور من اوت عند مفتشين كبار وصيف كامل يسقسي والحاجة لي يلقاها يشريهالي وانا تحسمت بديت نقرا وكلش تمام الى ان ظهرت نفس الاعراض مي اقوى شكلو السحر تجدد نروح نقرا نحس روحي منفصلة على الواقع جست نسمع صوت استاذ نبغي نخرج تالمو حفظو حالتي عادو من تحكمني هاذ الحالة يكلمو ابي يجي يخرجني لا علينا كملنا الفصل الاول زدت درت رقية وقالي الشيخ بلي السحر قاعد يتجدد بما معناه انو كاين انسان مستقصد يأذيني فقرايتي بسك غير القراية منحملش نشوفها هنا قررت انو نحبس لانو نفسيتي وصلت للحضيض مي ابي مقبلش وهو الوحيد لي وقف معايا ومدلي قوة باه نرجع نقرا تعرفو معنى المعجزات ابي كان معجزتي انقطعت على القراية من جانفي حتى بقا للباك 10ايام جا بابا لشمبرتي قالي عندك زوج حلول يا تقاومي وتبيني قوتك يا تبقاي تندبي حياتك كامل يبقى هذا المرض فيك كان يجي يقعد حدايا يلخصلي الدروس ويقلي احفظي ونملي عليك مخلانيش لحظة وحدة كنت نرقد مامبا اربع ساعات والله الرياضيات الدوال الاسية راجعتها في الطوموبيل لاخر نفس حاربت علجال هذاك الباك لدرجة كي ندخل نفوت نشوف الناس تبكي ناس تدوخ وانا قلبي بارد وش شفت فهدوك العامين خلا احساسي معدوم (وهذاك الباك اعتبرتو كتجربة فقط كنت نروح ويقلي ابي اذا باغية تحبسي حبسي متظغطيش على روحك مي تفكري الناس لي حاولت تأذيك تفكري الناس لي تستنى فشل تاعك وهدرة الاقربين لي تكون قاتلة وفي الصميم وبالفعل هذاك كان يديرلي تحفيز ونكمل تخيلو باك ف10ايام هذا بحد ذاتو معجزة اللهم لك الحمد حتى ترضى كلو بفضل الله ثم بفضل ابي عسى ربي يفتحلو دائما ابواب الخير (في النهاية انسان مر بهذا الكم من الالم نجح وجاب الباك مع انو هذاك العام كان ب9.50جابو ب10ونتا وش عذرك لي تقرا عام كامل وعندك الوقت عندك الصحة عندك نفسية سليمة ما عذرك!؟) بصراحة خوتي مع انو دوك فات 3سنين ومع انو عاودت الباك ليبر وكنت باغية ميدسين ملحقتش مي كلما نتفكر كيفاه نجحت يجيني وحد الشعور بالفخر مع انو الهدرة تجرح سمعت قداه من مرة يقولك نتي وش درتي فحياتك اخرك جبتي باك ب10درتي بيولوجي واحد معلبالو بواش فات على الثاني ولا وش كمية الالم لي يحس بيها كي يشوف ناس متقدرش النعمة لي كان اقصى احلامو يوصل ليها والله بزاف صعيبة انا اليوم قادرة نعاود وقادرة نجيب معدل لي بغيت وندير التخصص لي بغيت ثاني مي جست رضيت بواش كتبلي ربي الحمدلله منجحتش في هذا الكوتي مي نجحت فامور اخرى ان شاء الله نكون حفزتكم شوي بسك علبالي بزاف راهم كي حالتي وقتها لي استفاد يخليلي دعوة خير 🫶🏻🫂

❤17😢3👏2🫡2👍1

284 viewsآمـ آلليـﮯث🖤, 20:02