😂تخرجي مش غير طبيبة تخدمي قاع المهن تاع العالم

+ تكتئب وحدك و تطلع مورال لروحك وحدك
فالدار والفت كي نقلق من القراية نوض نحكي مع ماما و لا خاوتي
فلاسيثي ؟ قلقت؟ عادي تجاوزها 🙂🤷🏻‍♀️

بطلت حتى نروح بالاحد 🙂
حتى حوايجي مالقيتهمش و عجزت نحوس عليهم هيااا نعبوها 😂😂

حنين ختي درتلك التحفيز باش تقعد 😂😂
اصلا متستفاد والو كي تطلع غدوة تكتأب برك

و الله حبيت نروح باه نريح و نفرز لاشومبر و الأحد أو نقرا
بصح الأدوات مفرقين و الحوايج معلباليش وين
ايا بطلت😂💔

الفائزين تاع اليوم يعطيكم الصحة 🫶🏻📍غدوا ان شاء الله تصبحون على جنات النعيم

ختي اخرجيلي اليوم نتقابضو🙂🩴هاا بشوية مجيت نلحقك زدتي فتيني (قولو الله يبارك وماشاء الله لا حول ولا قوة الا بالله راني نشارك معاكم باه تتحفزو برك)

نصارحكم بحاجة 🙂منعرفش نقرا بملخص منظم نكتبو ونلونو من بعد نفهم بالتخربيش

واش بيك راقد وناسي روحك؟! تحسب الباك لعبة؟! الأيام راهي تجري، والمراجعة لي ما درتهاش اليوم راح تتحسر عليها غدوة. كي يجي النهار تاع الامتحان وتقعد قدام الورقة بيضاء، ما راحش تقدر ترجع الوقت، وما راحش تلقى أعذار تنفعك.

كل دقيقة راك تضيعها اليوم، راح تندم عليها كي تشوف أصحابك ناجحين وفرحانين وانت ندمان تقول: "يا ربي علاش ما قريت؟!" راك تخدع غير روحك، الباك ما يجيش بالساهل، لازم تعب، لازم صبر، ولازم تفيق من هاذي الغفلة!

كفاك تهاون! قوم دير خطوة، افتح كراسك، وابدأ ولو بالقليل، بصح لا تبقى بلا فايدة وتخسر مجهود شهور بسبب كسل تافه! إما تخدم اليوم وتفرح غدوة، وإلا تضيع اليوم وتندم العمر كامل. القرار بيدك!

بصح يا الإنسان، واش بيك تخلي روحك تغرق في الكسل وانت عارف باللي هاذي الفترة مصيرية؟! راك شاد المستقبل بيديك، وعوض تزيد تبني، راك تضيّع في الوقت. الأيام راهي تمر، والباك ما يرحمش. اليوم لي ضيعتو ما راحش يرجع، وكل دقيقة تهملها اليوم راح تندم عليها غدوة.

عارف بلي التعب والملل صعاب، بصح شكون قال النجاح يجي بالساهل؟! الناجحين مشي هم لي عندهم طاقة خارقة، بصح هم لي يضغطو على رواحهم ويقراو حتى كي ما يكونوش حابين. شد روحك، قوم، افتح كراسك، وابدأ ولو بشوية… خير ما تجي النهار الأخير وتقول: "يا ليتني خدمت أكثر!"
واش بيك يا إنسان؟! راك قاعد تضيع مستقبلك بيديك وكأنو عندك فرصة ثانية! تحسب الدنيا تستنى فيك؟! لا، راهي تجري، وكل دقيقة تقعد فيها بلا خدمة هي دقيقة تقربك من الندم.

كي يجي نهار النتيجة، ما راحش تلقى لا أعذار، لا حجج، لا شخص تلومو غير روحك! راك تفرط في تعبك، في تعب والديك، في الأحلام لي كنت تحكي عليهم بكل حماس. تحب تكون من الناس لي يبكيو ويقولو "يا ربي غير تعاود"؟! ولا تحب تكون من لي يحتفلو ويقول "تعبت، خدمت، ونجحت"؟!

إذا اليوم ما نضتش، إذا اليوم ما خدمتش، غدوة راح تدفع الثمن، وغدوة ما راح يكون فيها رجوع! قوم، افتح كراسك، خدم، قبل ما يجي نهار تقول فيه: "ضيعــت كلش بيدي!"

واش بك راقد في غبائك؟! تحسب النجاح راح يجيك بالساهل وانت قاعد تضيع وقتك وكأنك ضامن مستقبلك؟! نهار الامتحان، الورقة ما راحش ترحمك، وما راح تلقى لا حجة، لا عذر، لا حل سحري ينقذك! راح تبقى غير انت وندمك، تبكي على لي ضيعتو بيديك!

الناس لي راهي تخدم اليوم، غدوة راح تفرح وتلقى روحها وين كانت تحلم، وانت؟! واش راح تكون؟! مجرد إنسان جلس وتكاسل حتى ضاع منه مستقبله! والديك راهي عيونهم عليك، قلبهم يدعي لك، وانت بدل ما تفرحهم راهي راقد وتعاند في روحك! واش بك؟! فيق روحك قبل ما يفوت الفوت!

إذا ما قريتش اليوم، مستقبلك راح يكون مظلم غدوة، واللوم كامل عليك! قوم، حارب كسلك، خدم، قبل ما تلقى روحك بلا قيمة، بلا هدف، وبلا مستقبل!
منقولة

فاينلي💃🏻💃🏻اروى ختي اسمحيلي بصح جاتني عليك 🙂توبة علبالي مش راح نلحقلك ماشاء الله تبارك الرحمن

لا تلحقيني عادي انا برك بدا يحسبلي في بداية الأسبوع
اليوم فليل يرجع ل 0 و نتنافسوا ❤️

بالاثنين يبدا مش بالاحد
استناوني غدوة نرجع لاسيثي و نبدا نقرا وحدة فيكم لا تفوتني😌✨️

جماعة لي ماهوش معنا في القروب ينظم نشوفو شكون الخباش ❤️‍🔥❤️‍🔥❤️‍🔥✨️

عجبني جو ربة البيت
هيا مانرجعوش نقراو😂😂😂

نولي انا اللولة يا درا😂😂🫶🏻فرحت

غدوا منقراش وامي رجعت يعني نتهنى من دور ربة البيت ☝🏻😌نفوتكم قاع

تعرفو جماعة لبارح سمعت بودكاست بزاف مفيد لواحد الدكتور قالولو كيفاه قدرت تبقى محافظ على نفس المستوى الدراسي وسقساوه على سر التفوق تاعه تعرفو قالهم الإستمرارية قالهم انا من بديت نقرا في الجامعة يوميا نقرا ما بين مغرب وعشاء انا استغربت الوقت قليل مي قررت هاذ الاسبوع نتبع هذي الطريقة والاسبوع القادم نشارككم انتاجيتي ووش كملت

هذا لينك البودكاست فيه معلومات جد قيمة تقدرو تقسموه كل يوم نصف ساعة باه متضيعوش الوقت

خوتي لي يعرف شكون يبيع الريزين والايبوكسي في بسكرة ولا باجة يبعثلي بريفي تعيشو نحتاجو ايرجو نقاطي واقفة على الموضوع